إرتياح عام لإحالة إبراهيم عيسى لمحكمة الجنح

[amrhoras]

بصراحة الصورة استفزتنى واللى استفزنى فيها هى انها مصطنعه مصور قال امسك ياباشا الموبايل واضحك الصورة تطلع حلوه جايبها من البي بي سي ارابيك دوت كوم لما قريت الخبر عاوز اعرف هو الريس ده مش بشر؟؟؟؟ يمرض او يحصله اى حاجة؟؟؟

انت دلوفتى عارف ان البلد على كف عفريت والكل اعصابه مش ناقصه ...

تانى حاجة انتو مش تعرفو خبر زى ده يبهدل امه بحالها اكتر ماهى متبهدله اه حيجي اليوم والريس يموت فيه لانه الموت علينا حق بس بدال انت مش عندك يقين متنشرش ولا هى الحكاية حكاية فرقعة حنعمل مبيعات كتييير فى العدد ده والخبر حيفرقع الدنيا يسلام

المفروض الصحافة عين البلد مش وكستها الصحافه هى المرجع اللى نرجعله ساعة نشر خبر غير أكيد انا لما سمعت الاشاعات دى دخلت على الاهرام والاخبار والبي بي سي ليه لانهم صحافه مصدقتش الناس ومصدقتش كلامهم .

اه يتسفزنى انسان مستهتر عاوز يوصل لهدف على حساب مين لما ينشر خبر ممكن يخسرنا كتير مش حقول الارقام اللى اعلنت لانى حاسس انها مبالغ فيها بس فين الامانه الصحفيه فين قولولى ....؟

اه لازم نزعل لما الكل عمال يجيب ويحط وكمان انتو مكبرنلى حكاية الصورة وحسن نصرله انا نفسي مأخدتش بالى انه موجود فى الصورة للعلم انا من اشد المعجبين بحسن نصرالله بقى على الاقل وقف في وش الآله اليهوديه وقدر ينتصر عليهم وسحقهم في حين قادتنا العرب لسه بيشوفوا يعملو ايه ويحضروا اجتماعات الجامعة العربية والامم المتحده ونحن نشجب ونعترض

انما انا مازلت مصر على رأي ابراهيم سعيد وامثاله دول زيهم زي السرطان فى والفساد اللى بيعم البلد من اول القاعده حتى القمة ناقصه فرقعه اعلاميه كمان اهوه اخد جزائه هو والاخوه اللى معاه انا مش بقصد ابراهيم عيسي بس لا و وعادل حموده و وائل الابراشي وعبدالحليم قنديل ياريت بقيت البلد تنضف كمان من الشؤائب الصغيرة والكبيره لانى اتخنقت من كل هب ودب عمال يفتى بقتواه ياصابت ياخابت

طب سمعتوا اخر اشاعه بقى ان اللى ظهر مش الريس ده شبيهه والله احنا شعب :lol:

شكرا

تم تعديل 17 سبتمبر 2007 بواسطة amrhoras

[Sherief AbdelWahab]

أنا لا أعتقد أن لتلك الشائعة أي تأثير على الشارع مهما حاولت صحافة الحزبوطني -واسمحوا لي من الآن فصاعداً بكتابة اسم هذا الحزب بهذه الطريقة- التضخيم بشكل هستيري..

هذه واحدة..

الثانية .. هذا التضخيم يعطي إشارة للداخل والخارج أننا بلد هش ، ويفضح الحزبوطني نفسه .. بدليل أنه فشل في إيجاد مرشح لرئاسة الحزب يتنافس مع الرئيس بشكل صوري ، كما لم يطرح موضوع نائب الرئيس بشكل أكثر جدية .. ولو كان الحزبوطني حزباً قوياً كما يزعم لكانت آليات تداول السلطة أوضح ولما كان لتلك الشائعة هذا التأثير الذي لا يراه إلا صحفيو الحزبوطني فقط!

خلص الكلام