كيف تختم القرآن بكل سهوله ....

[mesryforever]

رمضاااان .. بقلب جامد

كل سنه بتدخل رمضان بقلب جامد

وتقول هعمل واسوى ..

وكل سنه بتيجى بعد اول اسبوع وتبدء همتك تنزل

واحده... واحده ... واحده

وانت شايفها ومش قادر تعمل حاجه

وكل سنه تقول السنه دى غير كل سنه انا السنه دى هكسر الدنيا و.......

ايه رايك بقه ان انت السنه ديه هتكسر الدنيا بجد وهتعمل اللى مكنتش قادر تعمله كل سنه

كل سنه بتقول هاختم القرأن وتقف عند جزء معين منه وتنشغل وتتأخر بره وتخرج مع اصحابك

والمحصله انك مبتختمش القرآن واللى بيشد حيله اوى يدوب بيختمه مره واحده

السنه ديه بقه هنبص للموضوع من منظور مختلف و هنختم القرأن كله ان شاء الله

تعالوا مع بعض اوريكوا الموضوع بسيط جدا اد ايه

شوف يا سيدى

المصحف 600 صفحه ..صح (لو مش مصدقنى روح بص فى المصحف بسرعه وتعالى)

ها طلع كام ..اوك ... تعالى نكمل بقه

المصحف 600 صفحه على 30 يوم بكام يا ريس...

%$#@#%$#@%$ + *^%& - &*%&^% = %^$$%#&

يا عم متعقدهاش الحسبه ابسط من كده 600 / 30 = 20 صفحة

شفت سهله ازاى

طيب يعنى فى اليوم 20 صفحه واحنا عندنا 5 صلوات فى اليوم

يبقى 20 / 5 مظبوط ايوه كده

4 صفحات

يبقى انت لو قريت 4 صفحات بعد كل صلاه يبقى فى اليوم هتخلص 20 صفحه

يعنى فى الشهر هتخلص القرأن مستريح اوى

عايز نصيحتى خاليهم 30 فى اليوم علشان لو جيت انشغلت فى يوم من الايام يتعوض فى يوم تانى

استنى الموضوع لسه مخلصش

احنا هنـ .... بقه ولا ايه .. انت نسيت اننا فى رمضان

والدال على الخير كفاعله

شوف بقه لو بعت الموضوع ده لكل اصحابك وختموا القرأن بسببك هيتحسبلك اجر وثواب اد ايه

ياااااااااااااااه ده انت تبقى ختمته كتيييييييييييييير أوى

يالا يا عم شد حيلك عايزين الناس كلها تختم القرأن السنه دى على ايدك

منقوووول

[نبض الابداع]

جزاك الله خبر

وجعله في ميزان حسناتك

[Folana]

السلام عليكم ورحمة الله ...

جزاك الله خيرا اخى الفاضل......بس حضرتك نسيت صلاة التراويح ...لو حسبناها كمان يبقى ان شاء الله تستطيع ختم القراءن بسهولة وفهم وتدبر...

شكرا لك.....

[seeem]

جزاكم الله كل خير