يا مصريين ما هو سيناريو الاحداث المتوقع بعد فاة مبارك؟

[sherifwagdy]

انا كتير جدا بيدور فى دماغى ايه الى هيحصل بعد ما السيد مبارك يتوكل طبعا هو مش هيعيش للأبد انا بصراحة مش متخيل مصر هيبقى شكلها ايه هل هيحصل فوضى فى الشارع المصرى الى موجود اصلا فيه فوضى غير مسبوقه فى التاريخ ولا هيحصل مشاكل بين رجاله الريس ورجاله المصالح والسياسه مع العلم ان البوليس المصرى اصلا بوليس سياسى يعنى مين فينا لا يرى التجاوزات الى موجوده فى الشارع المصرى من مرور فمن المظاهر اجتماعيه وتدنى الاخلاقيات ورشاوى فى المؤسات السيادية وعربده والشرطه نايمة كلها همها مين الى اتكلم مين الى قال حاجه على الريس وابنه الخ الخ الفتره الجية هتبقى فتره حرجه جدا علشان ايام وفاه الرئس عبد الناصر كان فى السادات نائب عنه وايام مقتل السادات كان مبارك نائب عنه اما فى حاله وفاه حسنى مبارك مين الى له القدرة والمسؤليه انه يحل مكانه ويكون محترم من قبل الشعب المصرى ومحبوب من قبل رجالته والجيش وانا عايز اتك على حته الجيش ميت مره وندين له بالحب والولاء انا مش عارف مع العلم ان مصر اصلا مفهاش ديمقراطيه زى باقى دول العالم المتحضر يعنى مثلا السيد تونى بليلر اتنازل على رئاسته وشيراك بس ده مستحيل يحصل ده فى بلدنا الطيبه ووانا عايز الفت نظركم على حاجه علشان يبقى فى تداول للسلطه صح لازم يكون فى احزاب حقيقيه تمثل الشعب بكل طوائفه يعنى الاحزاب التانيه كلها غير الحزب الوطنى احزاب كفتة ولا ليها اى لازمه ليس لها اى شعب او جمهور بالمعنى الصحيح او دعم يعنى احزاب سوريه علشان يتقال اه فى ديمقراطية فى مصر تعدد حزبى بس فى الحقيقه المره مفيش اى ديمقراطية خالص الحزب الوطنى وهو الحزب الحاكم هو الحكومه هو الحزب السيادى الاوحد واسواء الى هيحصل لينا لو مسكنا اخوه زى الاخوان المسلمين بمشاكلهم وطموحتم السياسيه والايام الى فاتت برهنت على الكلام ده لما وائل الابراشى شتم فى الحزب الوطنى وعيسى يعنى هو لو كان شتم فى حزب تانى كان حد اصلا سمعه او انتبه ليه حد او عبره على العموم يا جماعة ربنا يستر فعلا على مصرالمحروسه مصر داخله على مرحله حرجه جدا جدا للغايه

انا رأئى للسناريو الى هيحصل ومش عرف اذا كان صح ولا لأ ان مصر لازم يحكمها حد عسكرى من المؤسسه العسكريه زى عبد الناصر والسادات ومبارك علشان نضمن ميحصلش انقلاب عسكرى زى ايام الملك يجيبوا جمال ويشيلوا جمال هو مصر لازم يحكمها حد عسكرى من الجيش زى باكستان لما ماسكها مشرف وزى تركيا الى حاكمها الجيش وزى كل الدول المحيطه المتشابهه لينا اثبتت التجربه كده لو حد تانى غير عسكرى من الجيش مصر هتبقى فى عدم استقرار انا بصراحة مش شايف حد فى الصورة مؤهل للمنصب ده غير جمال ومين مين جمال ده مؤهلاته ايه علشان يبقى رئيس مصر كلها وهل الجيش المصرى هيقبل واحد زى جمال يمسكه وشكرا وارجو المشاركه على سناريوا الاحداث

[justtrying]

السلام عليكم ورحمه الله وبركاته

في البداية اقول بأن حاضر مصر الآن اسود لذلك اعتقد أن المستقبل اسود من هذا السواد الذي نعيشه الآن، أما بالنسبة لمسألة الحكم فصحيح أن من سيحكم مصر هو عسكري فهذا مما لا شك فيه ولو أرد رئيس مصر السيد حسني مبارك أن يورث حكم البلاد لأبنه لجعله عسكريا في المقام الأول لذلك لا اعتقد بأن الحكم سيورث البته لكن في كلتا الحالتين المستقبل أسود.

[عزيز فؤاد]

شكرا لموضوعك بس الأيام اللى جاى هاتكون اصعب من اللى فاتت ربنا يستر على مصر

[sherifwagdy]

يا مصريين ان اعايز توقعتكم عن مستقبل مصر السياسى 280 قراءه ومفيش غير 2 رد هو الموضوع صعب ولا ايه انا عايز اشوف فعلا فعلا توقعات المصريين عن سيناريو الاحداث فى مصر بعد وفاه الرئيس حسنى مبارك وشكر وكل سنه وانتم طيبين

[المتحدث الرسمى]

عاش الملك ... مات الملك

هذا هو حال الدنيا ، مستقبل مصر سيكون أفضل بلا شك بما أن رئاسة الدولة ستؤول لشخص جديد

بغض النظر عمن هو ( السيد جمال مبارك ) أو غيره ، وعى الشعب شئ أساسى فى الأيام القادمة

هل ترفضون جمال مبارك لكونه أبن السيد الرئيس أم لأسباب أخرى !!!!

المتحدث الرسمى

تم تعديل 30 سبتمبر 2007 بواسطة المتحدث الرسمى

[Abofady]

الطامعون فى الحكم :

1-جمال مبارك ، وهو مكروه من الشعب لانه ابن حسنى مبارك ، وهو يعتمد فى طمعة على لجنة السياسات بالحزب ، وعلى وقوف وزارة الداخلية واجهزة القمع بجواره ، وكذلك تثبيته من قبل فتحى سرور بمجلس الشعب ( موافقة.. موافقة) ويحظى بموافقة امريكا

2-اللواء عمر سليمان حامل رسائل مبارك وساعى البريد الخاص ، وهو يعتمد فى طمعه على وقوف الجيش بجواره ويحظى بموافقة اسرائيل

3-الدكتور/ احمد نظيف ، وهو يعتمد على مجموعة من رجال الاعمال والليبراليين ، وعلى ما حققه من نسبة النمو المرتفعة للدخل القومى ، ويحظى بموافقة اسرائيل ، وتردد امريكى

اذن السيناريو سيكون كالتالى :

ستنشط اجهزة القمع من زبانية وزارة الداخلية بالقبض على المعترضين على جمال مبارك ، وتقوم الاشتباكات بين الشرطة والشعب ، فيقوم عمر سليمان بتحريك الجيش وتدخل الدبابات الى القاهرة ، وستشتبك قوات الشرطة مع الجيش وتكون الخسائر كبيرة ، مما يعطى الفرصة للقوى الخارجية ( امريكا) بالتدخل ، وستقوم اسرائيل بتامين نفسها بالتحليق فوق سيناء حتى حدود القناة ، وسنكون مسخرة للعالم الذى سيتدخل لاختيار رئيس لنا يكون ولاؤه لمن اختاروه وستتكرر مشكلة العراق لدينا ، وسنسمع من ينادى بفصل جنوب مصر عن شمالها ، وستكون الدماء للركب ، وستحل علينا الفوضى الخلاقة التى خططوها لنا ، اما احمد نظيف فسيتوارى بعض الشيىْ لحين هلاك القوتين المتحاربتين ويظهر كمخلص .

كل ذلك يتم لان السيد الرئيس لم يختر له نائبا ، ولا يثق فى اى مصرى ، دمر البلد فى معاشه ، وسيدمرها بعد وفاته

اللهم خيب ظنونى يارب رحمة باهلى وبلدى .

[مصر عشقى]

لا .. اطمئن .. الدستور المصرى رتب كل شئ من زمن .. وطبقا للدستور المعدل .. سبتولى رئيس مجلس الشعب ( فيه نيه لتغيير سرور عاجلا ) .. لادارة شئون البلاد وفتح باب الترشيح فى انتخبات حرة كالعادة لانتخاب رئيس للبلاد وفيه ناس كثير حترشح نفسها .. المهم المنتخبون حيختاروا مين ؟؟؟ اسأل الحزب الوطنى الامين ..

[Abofady]

الشخص الوحيد الذى له الحق فى الترشيح هو جمال مبارك ، حسب التعديلات الدستورية الاخيرة ، وسيقف بجوارة الغالبية العظمى من الحزب الوطنى ، وسيثبته رئيس مجلس الشعب فتحى سرور الذى لا نثق فيه ، والانتخابات من الان ستكون مزورة ، حتى لو امتنعت عن التصويت سينتخبوا لك وانت جالس فى البيت ، اذن لا يوجد ناس كتير سترشح نفسها ، اذ من الذى يستطيع تجميع النسبة التى حددتها التعديلات الدستورية الاخيرة للترشيح لرئاسة الجمهورية غير رجال الحزب الوطنى ، والحزب الوطنى سيرشح جمال مبارك فقط ؟ اذن يجب ان يكون هناك صراعات . لانه حتى بعض رجال الحزب الوطنى غير مقتنعين بالتعديلات الدستورية ، ويقولون انها فصلت على مقاس جمال مبارك

[القارئ]

يارجال يامصريين كفانا ضحك على أنفسنا لا دستور ولا انتخابات حرة مثلما يقول البعض فالدستور المصرى مثل القوانين المصرية تم ترقيعها وضبطها لتخدم الذين يمسكون الحكم منذ عام 52 حتى الان والانتخابات الحرة التى يقول عنها البعض ان لم تصدقو انفسكم فاسألوا أهل الغرب الذين رصدوا الانتخابات المبروكة فى مصر على مدى السنين والتكية لأصحابها وإنتم ضيوف فيها لاتكايروا وتقولوا بلدنا بلدنا ماالدليل هل يأخذون رأيك عندما يقررون أمور جوهرية تمسك وتمسك أولادك وأحفادك من بعدك هل ردوا لك أموالك كفرد من الشعب الضيف التر سرقوها من البنوك وهى أموال الناس من ايداعاتهم ثم يعوضونهم من أموال البنك المركزى أى يسرقون موارد البلد هل يأخذون رأيك عند تعديل قوانين مهمة كالضرائب مثلا والانتخابات هل يسمحون للمصرى الذى يحمل رقم قومى بالذهاب لصناديق الانتخابات مباشرة وليس عليه ان يستخرج بطاق تموين انتخابية هل هل هل وكل مصر وانتم طيبين لن تتغير مصر فى جيلنا ولا جيل اولادنا ولا احفادنا لاننا مقصرورن وتابعين عميان وشكرا لكم