رابطة عشاق مصر (أليكس لوفر)

[Alex Lover]

انا جيت يا جماعة wst::

السلام عليكم ورحمة الله وبركاته

سكندرية - مونتي - اسكندرية تاني - قاخري

انا وفيت بوعدي واستعديت لبناء اقوى رابطة تصف كل ما هو جميل في مصر .... علشان نثبت لكل من يتبرأ من وطنيته بعد ما يسافر للغربة ومش عارفين ليه ... بداية احب اوضح ان ظلم الحكومة شئ ومصر وترابها وذكرياتنا وعشقنا لها شئ تاني ولا ايه ؟؟؟

مش معنى اننا مش لاقيين حريتنا الكافية في البلد اننا نلعن البلد واللي فيها ... (سامحوني) بس انا كنت فاكرة اني انا لوحدى اللي اتمنى ارجع اعيش في مصر هو الواحد هيعيش كام مرة ... وكل ما اقول كده لحد يقولك بلاش هم يا شيخة انتي غاوية فقر ؟؟؟

بس اكتشفت ان لسه فيه ناس زيي ومش بس عاشقين تراب مصر دول دابين في ذكرياتها بحلوها ومرها

ومن هنا نناشد ان يكون هذا الباب مخصص لعشاق مصر فقط والى كل من لديه شئ جميل يذكره ... اللي في القلب في القلب يا جماعة يعني مش معنى كده ان مافيش سلبيات في البلد لأ فيه بس العيب في سياسة الدولة .... عمركم سمعتم عن مناضل وطني شتم في البلد علشان حالها مش عاجبه ....؟؟ احنا لو استمرينا بالشكل ده يبقى كلنا هنهرب وهنسيبهالهم مخضرة

فيه حد فاهمنى ؟؟؟؟؟

مين هينضم لينا ....؟؟؟؟

في انتظاركم :wub:

تم تعديل 16 سبتمبر 2007 بواسطة Alex Lover

[seeem]

انا معاك وربنا ينور عليكي.

انا طول عمري وانا متغرب بره مصر وكل اجازة بيبقى نفسي تطول ماتخلصش . بحبها بكل مافيها بشوارعها وناسها وكل حاجه فيها.

ده كفاية كباية شاي بالحليب فى مصر. او تمشية تحت المطرة فى المعمورة . او ركوبة ترام من فكتوريا لمحطة الرمل وارجع تاني. بلدنا جميلة والله العظيم جميلة ونفسي ارجع واعيش فيها واعيش مشاكلها وتعب ناسها.

[Alex Lover]

seeem

اهلا بيك نورت وشرفت الرابطة ... اتمني ان الكل يشارك ..

فكرتني بالترام من محطة الرمل لغاية الكلية ... ومطعم الجامعة اللي بيبع احلى فلافل ..

فاكرين يا اسكندرانية محمد احمد والزحمة اللي عنده واحلى سندوتش فيكي يا سكندرية

فاكرين بحري والمرسي ابو العباس والدوشة وايس كريم عزة

الصبح تقوم من نومك تسمع تشغل اذاعة الشرق الأوسط وتسمع .. ( ماشي في نور الله ماااااشي ... ماشي في نور الله مااااشي .. ماشي في نور الله ادعي واقول يارب .. ))

تنزل الشارع الكل يصبح والكل اهل وصحبة مش واحد هندي يقابلك لا يفهم لغتك ولا تفهم لغته

في الاعياد طبق كعك رايح وواحد راجع ... والكل بيعيد على بعض كل ده راح فين ...؟؟؟

تم تعديل 16 سبتمبر 2007 بواسطة Alex Lover

[سكندريه]

يا مساء الخير يا alex

وأولا كل سنه وأنت طيبه ورمضان كريم

وولا تزعلي نفسك أنا حكون تاني واحده تنضم للرابطه العسل دي

وحياه ربنا بحب بلدي والله العظيم عمري ما حبيت غرها

أما أسكندريه فدي عشقي لأنها فعلا أجمل مكان شفته في حياتي

وأقسم بالله أن أي ذكريات حلوة في حياتي كانت فيها وسط أهلى وناس وحبايبي وأصحابي

وكل لما أحس أني مخنوقه ومشتقالها بفتح ألبوم الصور عندي وأفتكرها وأفتكر أحلى ذكريات

فكرتيني بالمعموره ياااااااااااااااااااااه على الجمال والمنتزة والبحر وبحري

بجد وحشتني أوي

وتحياتي وبلاش تزعلي نفسك كدا

[seeem]

بمناسبة الراديو على الصبح. انا كنت ايام الكلية اصحى على " ياحلو صبح ياحلو طل" واقعد احلق دقنى على رواقة يمكن ساعة وبعدين البس واتشيك علشان رايح اركب الترام. ومن سان استفانو لغاية الجامعة استمتع بهزة الترام والفرجة على احلى بلد.

ساعات لما بنزل الاجازة بيفكرونى مجنون . عايز تركب ترام.!!! عايز تاكل فلافل!!!!!

طيب والله اخر اجازة امي سألتني وانا رايح المطار ومسافر عايز حاجه؟ رديت بكل عفوية فلافل محشية . ده الواحد حايقعد قد ايه على بال ماياكل زيها.

تم تعديل 16 سبتمبر 2007 بواسطة seeem

[Alex Lover]

يا مساء الخير يا alex

وأولا كل سنه وأنت طيبه ورمضان كريم

وولا تزعلي نفسك أنا حكون تاني واحده تنضم للرابطه العسل دي

وحياه ربنا بحب بلدي والله العظيم عمري ما حبيت غرها

أما أسكندريه فدي عشقي لأنها فعلا أجمل مكان شفته في حياتي

وأقسم بالله أن أي ذكريات حلوة في حياتي كانت فيها وسط أهلى وناس وحبايبي وأصحابي

وكل لما أحس أني مخنوقه ومشتقالها بفتح ألبوم الصور عندي وأفتكرها وأفتكر أحلى ذكريات

فكرتيني بالمعموره ياااااااااااااااااااااه على الجمال والمنتزة والبحر وبحري

بجد وحشتني أوي

وتحياتي وبلاش تزعلي نفسك كدا

wst::

سكندرية انا مبسوطة اوي انك انضميتي معانا ولو اني حاسة انها هتكون رابطه للاسكندرانين هههههههههه يلا احكيلنا اجمل حاجة قابلتك في اجازتك وايه الاماكن اللي تتمنى لما تنزلي اسكندرية تاني تروحيها

بمناسبة الراديو على الصبح. انا كنت ايام الكلية اصحى على " ياحلو صبح ياحلو طل" واقعد احلق دقنى على رواقة يمكن ساعة وبعدين البس واتشيك علشان رايح اركب الترام. ومن سان استفانو لغاية الجامعة استمتع بهزة الترام والفرجة على احلى بلد.

ساعات لما بنزل الاجازة بيفكرونى مجنون . عايز تركب ترام.!!! عايز تاكل فلافل!!!!!

طيب والله اخر اجازة امي سألتني وانا رايح المطار ومسافر عايز حاجه؟ رديت بكل عفوية فلافل محشية . ده الواحد حايقعد قد ايه على بال ماياكل زيها.

والله فكرتني بالفلافل المحشية ... انا جبت من عند جاد اللي في محطة الرمل اخر اجازة واكلت في المحل ولما جيت ماشية انا وجوزي طلبت منه انه يلفلي الباقي في كيس :wub: انا فعلا في الكويت باستغرب اللي ما فيه محل واحد للاكل المصري 100 % لازم تلاقيه اتكوت او اتهند .. يعني جاد بجلالة قدره فاتح في الكويت ولكن اشتري من عنده فلافل طعمها استغفر الله كلها حمص وريحتها غريبة

انا بافكر افتح محل فول وفلافل في الكويت ايه رأيكم wst::

تم تعديل 16 سبتمبر 2007 بواسطة Alex Lover

[seeem]

ده انتي تكسبي دهب وكمان توفري اكلة تعتبر خمس نجوم.

[seeem]

وافتكر كمان زينة رمضان اللى تملا الشارع من أوله لأخره وتنزل شرايط من كل شباك وبلكونة . احتفال احلى الف مرة من احتفالات دبى واى حته فى الدنيا. احتفال بدون لجنه تنظيم او تسويق.

ده كفايه ان الناس سهرانه للصبح واي حاجه تعوزها تلاقيها طول الليل ولغاية الفجر.

بلدنا مافيش زيها فى الدنيا . ولو لفيت بلاد الدنيا مش حتلاقي غير مصر بلدك ودارك وامك

[قاهرى]

مساء الخير على الجميع ... مونتى , alex lover , اسكندرنية

بجد مصر وحشتنى اوى .. كل واحد ولية ذكريات فى المكان الى عاش واتربى فية

عجبتنى اوى يا مونتى وضحكت كتير وانت بتقول هزة الترام ..... على رايك احنا فى القاهرة هزة متروا الانفاق

بجد سبحان الله ربنا خلق فى مصر جمال غير طبيعى . جمال ربانى زى مبيقولوا

انا مش هقدر انسى ايام لما كونت بخرج فى رمضان زى دلوقتى الحسين واكل رز بلبن او مهلبية عن المالكى .. وبعدها نصلى الفجر فى الحسين وحتى اسكندرية ليا فيها ذكريات

كفاية لما كونت انزل اسكندرية واتصل باهلى اقولهم عيزين اية من اسكندرية وانا جى يقولوا عيزين حلويات من عند احمد حسنين (هريسة وبسيمة وبسبوسة) عرفنها العلب الصفرة دى والهريسة المعجنة الى جواها دى بس برغم كدة سبحان الله على جمالها .. متعرفوش ازاى

مصر فيها خير بجد عن اى بلد احنا عيشين فيها .. وحشتى مصر وحشتنى اسكندرية وحشتنى كل حتة فى ارضك يا بلدى ... نفسى اشوف ارض مطار القاهرة باء هتجنن بجد

اقولكم على حاجة انا مرة عملت حركة مجنونة فى الشغل عندى

محدش هيصدقها ومظنش حد عملها فى الناس الى متغربة زى ... طلبت جواز السفر بتاعى من الشركة علشان ال يعنى افتح حساب فى البنك .. ورحت حجزت وسفرت مصر يومين ... برغن انى كونت وقتها لسة جى ومكنش حتى معايا غير يدوب فلوس التذكرة رايح جى بس بجد نزلت مصر اشوفها يومين مش اكتر كانت وحشتنى اوى ..... فى حد فيكم عمل كدة

تحياتى للجميع ..... حرام عليكى يا alex lover سيحتيلى فى المنتدى باسم قاخرى .... انا كونت فى منتدى تانى لقيت واحد بيقولى انت قاخرى ... الله يسمحك

[مونتى]

السلام عليكم جميعا

مش عارف من اين ابدا والله يا اليكس

ابدا بحبى الشديد لمصر ولابعشقى للاسكندريه ولا بكل حته فى مصر زرتها

اسكندريه اولا :

بحرى حسنى وابو اشرف واحلى اكلت سمك بالدنيا ولا قدورة والقلعة والسهر بالليل على اللسان حتى الصبح ومع الفجر تعدى على الحلقة تشترى احلى انواع سمك وبارخص سعر الترام من بحرى لمحطه الرمل المرسى ابو العباس والمنشيه

[قاهرى]

ياااااااااا دى الترام يا مونتى

انت اية حكاية الترام معاك .......... على فكرة انت نسيت شعبان بتاع السمك الى فى حوارى بحرى

هو انا الى هقولك .. عيب عليك انا مش اسكندرانى ...

اية يا باااااااااااااشا انت فين باء ....

[مونتى]

الترام دى حكايه كل اسكندرانى قصة حياتى تبدا بالترام وتنتهى بالترام قاهرى

انا بعشق اسماك ابو اشرف وقدورة وسندوتش صواريخ لى ذكريات جميلة جدا معاهم اثناء الدراسه والصحبه الحلوه وشقاوة الشلة

المنشيه ومحلات المنشيه والزحمه الجميله فى الزنقه وشوارع المنشيه الحياة الجميلة والونسه والروح الجندى المجهول وجمال المنظر الى يحسسك انك باروبا ولنا فى الاتى بقية

عاشق بلدى

[afreet]

اختى العزيزة

بداية اشك ان احدا يمكن ان يتنصل من مصريته او يسب بلده مصر وان فعل فيكون ذلك من واقع ظروف خاصه عاشها او تجربه مريرة مر بها فهو يلعن مصر اسما ويقصد الحومه او الناس او اشخاصا بعينهم فى قلبه كما تدعى الام على وليدها بلسانها وقلبها يقول اللهم لاتقبل دعائى وذلك لا يقتصر على المغتربين وانما لسان حال اغلب المقيمين بمصر ويقول يارب ابعت لى سفريه تخلصنى من هذه البلد الظالم اهلها

اما عن جمال مصر فلا نهايه للوصف ولكن كل منا يريد ان يرى مصر فى حلتها الزاهيه لذا يذكر العيوب والنقائص التى تضايقه وهذا هو الطبيعى فكيف تذكر جمال الماء عندما تشرب وانما تقول حبذا لو كان باردا قليلا

مصر فى دمنا مهما كان حال لساننا

[أبو محمد]

انا جيت يا جماعة :blink:

ومن هنا نناشد ان يكون هذا الباب مخصص لعشاق مصر فقط والى كل من لديه شئ جميل يذكره ... اللي في القلب في القلب يا جماعة يعني مش معنى كده ان مافيش سلبيات في البلد لأ فيه بس العيب في سياسة الدولة .... عمركم سمعتم عن مناضل وطني شتم في البلد علشان حالها مش عاجبه ....؟؟ احنا لو استمرينا بالشكل ده يبقى كلنا هنهرب وهنسيبهالهم مخضرة

فيه حد فاهمنى ؟؟؟؟؟

مين هينضم لينا ....؟؟؟؟

في انتظاركم :)

الفاضلة Alex Lover

تستاهلى "النجمة الذهبية" على هذا الموضوع ..

الجمال فى مصر لا حصر له .. وإن كان خجولا فعلينا أن نأخذه بيدنا لنظهره فى الكادر .. ليس عدلا أن نتركه يتوارى وراء أكوام القبح التى توضع أمامنا صباح مساء ..

أوافقك تماما .. فلنترك هذا الموضوع خاليا من تلك الأكوام حتى نلجأ إليه لنستنشق عبير الأمل كلما ضاقت صدورنا

فى المناسبات العزيزة على نفسى .. أولادى بيعزمونى على أكلة سمك فى ال Sea Gull اللى بيطل على المينا الفرنساوى فى المكس .. حكيت لهم عن المكان أيام ما كان لوكاندة مش ولا بد .. المكان كان خربا سئ السمعة .. أخذه رجل مصرى متزوج من سيدة ألمانية .. وتحول المكان إلى نموذج لنجاح البيزنس العائلى لا يعرف قدره إلا من يعرف كيف كان ذلك المكان قبل أن يصبح ما هو عليه .. حكيت لهم أيام ما كنا بنصيف فى الدخيلة والعجمى من حوالى 50 سنة وكنا بنروح المينا الفرنساوى لنستحم بعيدا عن الأمواج العالية ونقيم فيها مسابقات السباحة لنشترك بعد ذلك فى بطولات المدارس فى بداية العام الدراسى ..

أصحاب المكان جمعوا فيه كل ماهو قديم .. صور للإسكندرية من أكثر من مائة عام .. راديوهات قديمة .. جرامفونات (بيك أب اسطوانات 78 لفة وبوق نحاسى) .. مكوة بالفحم (كانت عند كل ترزى) .. آلات كاتبة ... قطع موبيليا قديمة .. طيور وحيوانات .. إلخ ... حتى الترام العالى (أبو كاتين كما كنا نسميه) .. وفيه واحد بعربية بيعمل حلاوة عسلية ، لازم نشترى حلاوة من عنده واحنا مروحين .. المكان ده بيعيد شريط ذكريات طوييييييل

المكان التانى اللى بيرجع الشريط هو كازينو ومطعم زفير .. فى المكس برضه .. شاهدت مجده هو وكازينو آخر كان موجودا بالقرب منه كان اسمه اكسنوفون هُدم فى الستينات لتوسعة الطريق .. وشاهدت تدهورمطعم زفير لفترة طويلة ثم بدأت الحياة تدب فيه من جديد من حوالى تلات سنين

كفاية المكانين دول دلوقت بمناسبة اقتراب انتهاء الصيف .. ولنا لقاء آخر

[seeem]

الاخت الفاضلة Alex Lover

نسيت فى خضم فرحي بالموضوع ان اشكرك على الفكرة العظيمة وفتح الموضوع ده.

انا بصراحة باحس انى عاطفى قوي ناحية مصر وفحب مصر.

ساعات كتير وانا بعيد عنها ببقى قاعد لوحدي على السرير مبحلق فى التلفزيون ومش مركز فى اى حاجه. تبدأ صوابع ايدي تلعب فى الريموت من غير ما احس تجيب الفضائية المصرية او دريم او اي حتى قناة اغاني .بادور على اي لقطة لمصر او اغنية عن مصر وياسلام على شيرين لمل غنت ماشربتش من نيلها. ولا نانسي لما غنت انامصري وابويا مصري. واوقات اصحى فى نص الليل ادور على حاجة من كده.

اه يابو محمد فكرتني بسي جل وجمال سي جل ربنا يجعنا من زواره عن قريب.

فعلا الترام الاسكندراني غريب وحكاية كل اسكنراني زي ماقال مونتي وانا بحس انه فى دم كل اسكندرانى زيه زي شط استانلي وجليم.

الترام لما باركبه بحس اني باحلم وبدخل فى حالة انبساط مع كل هزة ورجة وبعض الاوقات ممكن يسرق بسمة من على شفايفي. اوقات كتير بعتبره علاج زي البحر وبانسى فيه همومي واغير المود.

ومانساش ابدا السينمات القديمة الكلاسيك ( امير ومترو زمان) كنت دايما انبهر بعظمة وسعة المكان والشاشة اللى كبرها أأأأأأد كده. الديكورات الجميلة والناس الرايقة اللى وراها.

انا بحب مصر بكل جوارحي وان قست عليا فأنا لزقة امريكاني او زي الأستك لازم ارجعلها تاني.

[Alex Lover]

وافتكر كمان زينة رمضان اللى تملا الشارع من أوله لأخره وتنزل شرايط من كل شباك وبلكونة . احتفال احلى الف مرة من احتفالات دبى واى حته فى الدنيا. احتفال بدون لجنه تنظيم او تسويق.

ده كفايه ان الناس سهرانه للصبح واي حاجه تعوزها تلاقيها طول الليل ولغاية الفجر.

بلدنا مافيش زيها فى الدنيا . ولو لفيت بلاد الدنيا مش حتلاقي غير مصر بلدك ودارك وامك

seeem ايوه كده ابدع ةالله رجعتني بالذكريات لايام جميلة .. عندك مثلا امبارح بعد الفطار كله دخل ينام للصبح بقيت اقول لو في مصر كان زمانا بره عند الأهل ... لغاية الصبح ولا فاكر تجمع الأهل مع بعض قبل العيد لعمل الكعك ...

مساء الخير على الجميع ... مونتى , alex lover , اسكندرنية

بجد مصر وحشتنى اوى .. كل واحد ولية ذكريات فى المكان الى عاش واتربى فية

عجبتنى اوى يا مونتى وضحكت كتير وانت بتقول هزة الترام ..... على رايك احنا فى القاهرة هزة متروا الانفاق

بجد سبحان الله ربنا خلق فى مصر جمال غير طبيعى . جمال ربانى زى مبيقولوا

انا مش هقدر انسى ايام لما كونت بخرج فى رمضان زى دلوقتى الحسين واكل رز بلبن او مهلبية عن المالكى .. وبعدها نصلى الفجر فى الحسين وحتى اسكندرية ليا فيها ذكريات

كفاية لما كونت انزل اسكندرية واتصل باهلى اقولهم عيزين اية من اسكندرية وانا جى يقولوا عيزين حلويات من عند احمد حسنين (هريسة وبسيمة وبسبوسة) عرفنها العلب الصفرة دى والهريسة المعجنة الى جواها دى بس برغم كدة سبحان الله على جمالها .. متعرفوش ازاى

مصر فيها خير بجد عن اى بلد احنا عيشين فيها .. وحشتى مصر وحشتنى اسكندرية وحشتنى كل حتة فى ارضك يا بلدى ... نفسى اشوف ارض مطار القاهرة باء هتجنن بجد

اقولكم على حاجة انا مرة عملت حركة مجنونة فى الشغل عندى

محدش هيصدقها ومظنش حد عملها فى الناس الى متغربة زى ... طلبت جواز السفر بتاعى من الشركة علشان ال يعنى افتح حساب فى البنك .. ورحت حجزت وسفرت مصر يومين ... برغن انى كونت وقتها لسة جى ومكنش حتى معايا غير يدوب فلوس التذكرة رايح جى بس بجد نزلت مصر اشوفها يومين مش اكتر كانت وحشتنى اوى ..... فى حد فيكم عمل كدة

تحياتى للجميع ..... حرام عليكى يا alex lover سيحتيلى فى المنتدى باسم قاخرى .... انا كونت فى منتدى تانى لقيت واحد بيقولى انت قاخرى ... الله يسمحك :lol:

ههههههههههه ليه كده يا قاخري زعلان؟ طيب ده انت اتشهرت شهرتين حد لاقي :lol:

عجبتني اوي الحركة اللي عملتها دي ولو انها جنان بس بجد حلوة اوي ههههههههههه انا بافكر اعمل كده

السلام عليكم جميعا

مش عارف من اين ابدا والله يا اليكس

ابدا بحبى الشديد لمصر ولابعشقى للاسكندريه ولا بكل حته فى مصر زرتها

اسكندريه اولا :

بحرى حسنى وابو اشرف واحلى اكلت سمك بالدنيا ولا قدورة والقلعة والسهر بالليل على اللسان حتى الصبح ومع الفجر تعدى على الحلقة تشترى احلى انواع سمك وبارخص سعر الترام من بحرى لمحطه الرمل المرسى ابو العباس والمنشيه

مين فينا نزل اسكندرية وماشتهاش السمك ... وخصوصا بتاع بحري وقدروة ونحلي بايس كريم عزة

اختى العزيزة

بداية اشك ان احدا يمكن ان يتنصل من مصريته او يسب بلده مصر وان فعل فيكون ذلك من واقع ظروف خاصه عاشها او تجربه مريرة مر بها فهو يلعن مصر اسما ويقصد الحومه او الناس او اشخاصا بعينهم فى قلبه كما تدعى الام على وليدها بلسانها وقلبها يقول اللهم لاتقبل دعائى وذلك لا يقتصر على المغتربين وانما لسان حال اغلب المقيمين بمصر ويقول يارب ابعت لى سفريه تخلصنى من هذه البلد الظالم اهلها

اما عن جمال مصر فلا نهايه للوصف ولكن كل منا يريد ان يرى مصر فى حلتها الزاهيه لذا يذكر العيوب والنقائص التى تضايقه وهذا هو الطبيعى فكيف تذكر جمال الماء عندما تشرب وانما تقول حبذا لو كان باردا قليلا

مصر فى دمنا مهما كان حال لساننا

لا والله فيه يا استاذ afreet انا اعرف شخصيا ناس ولادهم مولودين في الكويت ولما تقولهم تنزلو مصر يقولو لا مصر وحشة ومش نظيفة .. اهو دول ميعرفوش لا نظام حكم ولا سياسة بس بيقولو اللي بيسمعوه وبيرسخ في ذهنهم واصبحو يكرهو بلدهم من قبل ما يعيشو فيها يبقى منزعلش ان مفيش وطنية ، لازم نفرق بين كرهنا للفساد وحبنا لارض الوطن .... فيه ناس كتير مش فاهمه كده بالعكس دول فاهمين غلط وبيعلموه لولادهم للاسف

:blink: انا جيت يا جماعة :)

ومن هنا نناشد ان يكون هذا الباب مخصص لعشاق مصر فقط والى كل من لديه شئ جميل يذكره ... اللي في القلب في القلب يا جماعة يعني مش معنى كده ان مافيش سلبيات في البلد لأ فيه بس العيب في سياسة الدولة .... عمركم سمعتم عن مناضل وطني شتم في البلد علشان حالها مش عاجبه ....؟؟ احنا لو استمرينا بالشكل ده يبقى كلنا هنهرب وهنسيبهالهم مخضرة

فيه حد فاهمنى ؟؟؟؟؟

مين هينضم لينا ....؟؟؟؟

في انتظاركم :wub:

الفاضلة Alex Lover

تستاهلى "النجمة الذهبية" على هذا الموضوع ..

الجمال فى مصر لا حصر له .. وإن كان خجولا فعلينا أن نأخذه بيدنا لنظهره فى الكادر .. ليس عدلا أن نتركه يتوارى وراء أكوام القبح التى توضع أمامنا صباح مساء ..

أوافقك تماما .. فلنترك هذا الموضوع خاليا من تلك الأكوام حتى نلجأ إليه لنستنشق عبير الأمل كلما ضاقت صدورنا

فى المناسبات العزيزة على نفسى .. أولادى بيعزمونى على أكلة سمك فى ال Sea Gull اللى بيطل على المينا الفرنساوى فى المكس .. حكيت لهم عن المكان أيام ما كان لوكاندة مش ولا بد .. المكان كان خربا سئ السمعة .. أخذه رجل مصرى متزوج من سيدة ألمانية .. وتحول المكان إلى نموذج لنجاح البيزنس العائلى لا يعرف قدره إلا من يعرف كيف كان ذلك المكان قبل أن يصبح ما هو عليه .. حكيت لهم أيام ما كنا بنصيف فى الدخيلة والعجمى من حوالى 50 سنة وكنا بنروح المينا الفرنساوى لنستحم بعيدا عن الأمواج العالية ونقيم فيها مسابقات السباحة لنشترك بعد ذلك فى بطولات المدارس فى بداية العام الدراسى ..

أصحاب المكان جمعوا فيه كل ماهو قديم .. صور للإسكندرية من أكثر من مائة عام .. راديوهات قديمة .. جرامفونات (بيك أب اسطوانات 78 لفة وبوق نحاسى) .. مكوة بالفحم (كانت عند كل ترزى) .. آلات كاتبة ... قطع موبيليا قديمة .. طيور وحيوانات .. إلخ ... حتى الترام العالى (أبو كاتين كما كنا نسميه) .. وفيه واحد بعربية بيعمل حلاوة عسلية ، لازم نشترى حلاوة من عنده واحنا مروحين .. المكان ده بيعيد شريط ذكريات طوييييييل

المكان التانى اللى بيرجع الشريط هو كازينو ومطعم زفير .. فى المكس برضه .. شاهدت مجده هو وكازينو آخر كان موجودا بالقرب منه كان اسمه اكسنوفون هُدم فى الستينات لتوسعة الطريق .. وشاهدت تدهورمطعم زفير لفترة طويلة ثم بدأت الحياة تدب فيه من جديد من حوالى تلات سنين

كفاية المكانين دول دلوقت بمناسبة اقتراب انتهاء الصيف .. ولنا لقاء آخر

يا سلام على الذكريات الجميلة وطريقة سردها ده حضرتك اللي تستحق التجمة الذهبية

جميل ان تحكي لاولادك ذكرياتك الجميلة ...

عندك حق لازم نعمل سويا على اظهار جمال مصر ورونقها ... مش بس كده وكمان نحافظ عليه ... لازم العالم العربي كله والاجنبي يعرف اننا بعيد عن مصر ولكن مع ذلك قلوبنا معاها ووطيتنا صاحية ومش هنقبل ابدا اي كلمة اهانة في حق وحق شعبها

بس تخيل انا ولا مرة رحت سي جل مع اني عشت وقت طويل في العجمي ... الاجازة الجاية باذن الله هاروح واستمتع بكل الحاجات الجميلة اللي وصفتهالنا دي

شكرا

تم تعديل 17 سبتمبر 2007 بواسطة Alex Lover

[اسكندرية تانى]

اخوانى و اخواتى احبائى فى اللة

و احبائى فى رابطة عشاق مصر

مين فينا مش بيفتكر جمال مصر لما بيسمع اغنيات جميلة من الزمن الجميل

كفاية تسمع عبدالوهاب او ام كلثوم او محمد قنديل و تشم ريحة مصر

كفاية تسمع محمد عبدالمطلب بيغنى ساكن فى حى السيدة و تفتكر دور الطاولة التمام على قهوة التجارية فى المنشية مع اصدقاء العمر

ولا لما عبد المطلب يغنى بياع الهوا و تحس نفسك قاعد على قهوة سيدى جابر على محطة القطار (على فكرة بقى لى نص ساعة بحاول

افتكر اسم القهوة مش فاكرة خالص يا ريت حد من الاخوة يفكرنى و لة جزيل الشكر)

شكلنا عجزنا خلاص و لا اية يالا حسن الختام :blink: :) :lol:

[Alex Lover]

اخوانى و اخواتى احبائى فى اللة

و احبائى فى رابطة عشاق مصر

مين فينا مش بيفتكر جمال مصر لما بيسمع اغنيات جميلة من الزمن الجميل

كفاية تسمع عبدالوهاب او ام كلثوم او محمد قنديل و تشم ريحة مصر

كفاية تسمع محمد عبدالمطلب بيغنى ساكن فى حى السيدة و تفتكر دور الطاولة التمام على قهوة التجارية فى المنشية مع اصدقاء العمر

ولا لما عبد المطلب يغنى بياع الهوا و تحس نفسك قاعد على قهوة سيدى جابر على محطة القطار (على فكرة بقى لى نص ساعة بحاول

افتكر اسم القهوة مش فاكرة خالص يا ريت حد من الاخوة يفكرنى و لة جزيل الشكر)

شكلنا عجزنا خلاص و لا اية يالا حسن الختام :blink: :) :lol:

متقوليش على نفسك عجزتي هههههههههه الاسكندرانية مش بيعجزوا

بمناسة الاغاني اللي بترجعك بذكرياتك لزمان تفتكروا يا جماعة اغاني الاذاعة بتاعة زمان واحنا صغيرين

(( فانتاستيكا )))

وفاكرين (( غمض عنيك وامشي بخفة ودلع - الدنيا هي الشابة وانت الجدع - تشوف رشاقة خطوتك تعبدك - لكن انت لو بصيت لرجليك تقع ... عجبي ))

فاكرين عمو حسن

حتى الاذاعة كان ليها طعم تاني والله دلوقتي مارينا اف ام و راديو سوا بيحاولو يعملو نص كده ، مفيش فايدة

[أبو مروان]

اختى العزيزة

الله ينور عليكى فى الكلام اللى بتقوليه ده و انا فعلا باعانى من نفس المشكلة هنا فى الامارات ... كل ماتيجى سيرة مصر فى محادثتنا نحن المصريين الاخوة مايبطلوش سب و لعن ولما اقوم ادافع بيقولى على وطنى عبيط ... بس صدقينى انا عينى بتدمع فى كل مناسبة تمر على وانا بعيد عن امى مصر ... و حبيبتى الاسكندرية (اصلى اسكندرانى) ..... و انا معاكى فى هذه الرابطة وربنا يوفقك .... ويحفظ لينا امنا الحبيبة مصر بحلوها ومرها ....

أبو مروان

[badroora]

مغتربة بين اسكندرانية فى التوبيك

السلام عليكم يا اسكندرانية

انا من الجيزة ويشرفنى ان انضم اليكم

انا مش كنت باحب اسكندرية من 4 سنوات ولى اسبابي

لانى غرقت فيها واتعقدت منها لكن لما روحتها تانى وتالت حبيتها جدا وعرفت السبب انا غرقت ليه

واليكم النيأ

فى الكلية عندنا انا طبعا كنت فى اتحاد الطلبة وكنت رئيسة فريق التمثيل طوال مدة الكلية يعنى رحلات ببلاش وحفلات ببلاش وكل شيء فري وانا طبعا فقرية من يومى كنت باشتغل وادرس يعنى بالليل باشغل والصبح فى الكلية وبعد المحاضرات يا دوب انام 4 ساعات عشان الحق اروح الشغل فكل الرحلات مش باطلعها باجلها فى اجازتى السنوية واروح كل مكان نفسي فيه

المهم طول مدة الكلية يتحيلوا على اروح اقول لاء وجم اصحابي قالولى لاء احنا فى رابعة دلوئتى والسنه الجاية امتياز يعنى مش هنطلع رحلات تانى ودى تعتبر اخر سنه لينا لازم نعوض قولتلهم طيب مش هينفع اغيب من الشغل قالولى لا روح الشغل واستاذنى بدرى والباص هيطلع 8 صباحا من القصر العينى والمستشفي فى المهندسين يعنى 15 ساعة بتكسي هتكونى هنا قولت ماشي العيال مكدبوش خيبر انا جيت من الشغل دخلت الباص نمت لحد ماوصلنا اسكندية الجميلة اللى نفسي كنت ازروها المهم

طبعا بقي اول مرة اروح رحلة تبع الجامعة ومعرفش نظامهم ايه واصحابي بيمجدوا فى الرحلات اللى بيطلعوها

المهم صحيت عند مدا الاسكندرية

واستقر بنا الباص على ناصية بحر كدا وقال انزلوا نزلنا فى الشارع واذا بنا فى شاطيء يسمى ميامي

انا بقي متظرة شماسي كراسي اى حاجة المهم لاقيت الباص معرفش ركن فين واحنا بقي مسطحين عالشاطيء ابو بلاش بقي لا كراسي ولا شماسي قالوا اللى عاوز يجيب على حسابة قولت طيب

المهم غيرنا هدومنا واحنا لسة عالشاطيء يعنى الماية لسه عند الركبة وماشين وطبعا تحت الكبرى الخشب اللى داخل البحر عميق وانا ماشية وصحبتي جنبي ماسكة فى وطبعا مطمئنة ان الماية لسة سطحية وغير كدا انا باعرف اعوم واخدا بطولات فى عوم الترع فى النجع عندنا يعنى واثقة من نفسي واحنا ماشين واذا بى انا وصحبتي نقع فى العميق تحت الكبرى ومن الخضة طبعا والموقف خدنا على خوانا انا وصحبتيى غرقنا عالشاطي وشربنا ماية وباقي اصحابنا بالمشرفين اللى معانا بدوؤا فى الصريخ المهم الناس اللى مسطحين فوق الكبري بيتفرجوا على اللى بيعوم فى الماية طبعا شاطيء ببلاش

المهم اتنين نطو فى الماية واحد جه عندى وواحد لصحبتيى المهم الراجل حاول يرفعنا ويجيى 20 واحد من فوق بيمدوا اديهم عشان يطلعونا فى الكبري واذا بللى بيمسك ايدي اشدة من فوق يقع فى الماية بقي 2 يشلوا وبالاقي يشد انا طبعا كنت من الخضة مش بساعد خالص وشكلى كنت تقيلة اوى المهم فشلوا انهم يطلعونا فوق الكبرى راحو جرونا رمونا عالشاطيء واصحابني بدؤا بقي يمارسوا علينا المهنة لحد ما فوقنا وهاتك يا طريقة اننا ازاى بنغرق فى شبر ماية قاصدى على الشاطيء

المهم بعد مارتحنا وجاء وقت الصور الحجارة اللى فى كام مش شغالة قولنا خلينا نروح نجيب حجار من شارع بن الوليد جنبنا وندور على الجزم بتاعتنا مش لاقينها تقريبا اندفت فى الرمل او اتسرقت الله اعلم المهم مشينا حافين فى شارع خالد بن الوليد ولاقينا استديوا قريب على الجهة اليمين من الشارع جبنا فيلم جديد واشترينا حجارة ورجعنا واستمتعنا

وجاء معاد المرواح

الاتوبيس اول ما بدا يدخل على بداية الطريق الصحراوى لاقينا دخان جامد وبعدين طلع ان الاتوبيس سخن وولع من ورا حته صغير كلنا نزلنا وطفينا الحريقة وركبنا تانى مافيش كام خطوة ولاقينا زجاج الاتوبيس الخلفي اتكسر ووقع لوحدة وقفنا سطحنا فى الشارع وبعدين فكرنا اننا نحكم قفل الستائر ونستحمل لان الليل دخل واصحابنا بدؤا يعيطوا وطبعا مكنش فيه موبيلات المهم وصلنا على اول رست والناس نزلت تكلم اهلاليها

طبعا الجروب بتاعى كنا ساكنين فى المدينة الجامعية يعنى مش فارق معانا ولا حتى اهالينا يعرفوا اننا فى رحلة واحنا بقي كنا فى منتهى الساعدة وعمالين ناكل اكلهم ونغنى ونقولهم مش معقول هتكلوا وانتوا حزنانين

وبعدين العيال كلموا اهاليهم ورجعوا الباص والباص راس وراس مايشتغل العيال انهاروا وقالوا احنا هنقوف فى الشارع ونشلور على عربية نركبها وهما بقي منهرين ومحتارين واحنا داخل الباص مراتاحين ونايمين ولا هممنا

العيال اتغاظوا مننا راحوا صدمونى فى وشي وقالولى طلعنا رحلات كتير وقليل وعمرا دا محصل انتى قدمك سعد لو اى رحلة هتكونى فيها بعد كدا مش هنطلعها وحملوانى انا المسئولية ان وشي نحس عليهم :lol: wst::

وبعدين الباص ربنا نفخ فى صورته واشتغل ووصلنا عند القصر العينيى الساعة 3 صباحا والمفروض كنا نوصل 9 وطبعا تجمع وتجمهر الاهل امام القصر العينيى واحنا نازلين بردين وقولنلهم كدا نهون عليكم متكملوش السهرة معانا

دى كانت رحلتى الوحيدة مع الجامعة واعتبرها الزهم على الرغم اللى حصل فيها

وبعدين بقي شوفت اسكندرية بعين تانية لما روحت مع الاسرة وروحنا المنتزة وكنا ساكنين بردة عالبحر فى شارع خالد ين الوليد يعنى تجديدا للذكرى بس 15 يوم كانوا جمال جدا

وبجد اسكندرية جميلة اوى ويبختكم بيها

سورى رغيت كتير اوى اصل كل ما تيجي سيرة اسكندرية افتكر الموقف دا اللى مستحيل انساه

يااااااااااااااااااااه يا ريتنى ارجع تانى لايام الدراسة :wub:

قلبتى على المواجع يا اليكس wst::

تم تعديل 18 سبتمبر 2007 بواسطة نجفة المغرورة