رابطة عشاق مصر (أليكس لوفر)

[nash]

حمدلله علي السلامه يا عمرو...والله المحاورات كانت مضلمه يا باشا....

علي الأقل بعد الغيبه دي تطمنا يعني .... :blink:

حاجه غريبه :blink:

[amrhoras]

والله من حظى انى وجدت مدام ناش صباح الورد والعطور

واللهى فى الحكيكه

انه لاجديد فى الاخبار سوى بعض الوقت من التفكير واعادة ترتيب الاوراق وانشا الله هنزل مصر فى القريب العاجل سواء حصلت على عمل جديد او لا فماهى الا أرض الله واكيد ربنا كاتبلي رزقى سواء هنا او فى ارض اخرى

علشان كدى اشتريت دماغى وبطلنا اكتئاب

يارب نشوف ابتاسمه صباحيه كما تعودنا من مدام ناش Konishowa بعيد عن العنجليزي يمعنى صباح الخير باليبانى وان فاتك اليبانى مش هتشوفه تانى

تحياتى

[nash]

والله ياعمرو ..المحاورات بقالها كام يوم حزينه...ربنا يسهل كده وتروق...

أنا مسجله متابعه ...وإن شاء الله أشارك قريب

[Alex Lover]

[color=#800080] :blink: :blink: :sad:

صباح الورد على المصريين ..

مسالم

صباح الخير يا مسالم والله انت اديت للموضوع طعم ومعنى بجد بجد سردك جميل وغير ممل وبجد انا باستمتع جدا وانا باقرا سطورك ... المهم انك بتخليني احس اني داخل الأحداث وكاني روحت امريكا وشوفت الضابط وركبت الترام ... بجد ماشاء الله عليك بس ماتحرمناش من ذكرياتك الحلوة

عمرووووووووووووو

صباح الخير يا عمرو والف حمد الله على السلامة .. ايوه كده كبر دماغك وقل لن يصيبنا الا ما كتب الله لنا ومحدش هينفعك غير ربناومحدش هيقدر يضرك غير بامر ربنا سيبها على الله وتوكل عليه عز وجل

ياللا عايزينك تشد حيلك معانا وتقولنا شويه ذكريات حلوة كده الموضوع افتقدك كتير

نااااااااااش

صباح الورد انتي مسجله متابعه وانا باسجل اعجابي بيكي وبمشاركاتك بصفة عامه

الأخ لافاضل khatabmohammed اهلا بيك اهلا وسهلا نورت الموضوع والرابطه .. متشوقين نسمع قصة سندوتش الجحش وعلى فكرة فيه ناس كتير هنا من المنصورة ياريت تحيي الذكريات وتفكرهم ...

وبالمناسبه احنا سمعنا ان بنات المنصورة حلوين جدا ياترى الكلام ده صحيح ....؟؟

مونتي

انت لسه مشغول ولا ايه ....؟؟؟ ربنا معاك يارب

داروين

كلنا منتزظرين سماع قصتك في امريكا روحت فين :sad:

تم تعديل 28 نوفمبر 2007 بواسطة Alex Lover

[amrhoras]

يا اخونا الهدوء والنظام لوسمحتم

اللى من المنصوره يجي على جنب ويقف فى الصف سمعانى يا مادام ناش واللى من اسكندريه يجي على الجنب التانى انا الشرقاوى الوحيد هنا ولا ايه شكلى هضرب قريب :blink:

انا سمعت ان كل بنات الدنيا دى حلوه منصور اسماعليه اسكندريه القاهره انشا الله الصومال يارب نسترزق بعروسه ومريشه كدى تستتنى بدل الغربه دى md2:

على فكره انا توقفت عند ايام الجامعه وزكرياتها كان نفسي اكتب ذكريتا الجامعه والله بس ملحوقه هاكتبها دلوقتى

بصراحه اول يوم جامعه بدأ معايا متأخر جدا رحت كليتي وهى التجاره جامعة الزقازيق فى اول ديسمبر كان اول يوم ليا كان امتحانات الميدتيرم والمفروضنسلم شيتات ينهار محتاس الله الله الله طب وانا هكتب ايه اذا كان معرفش مادة ايه دى او اخدو ايه فيها كان حبايب الثانويه متجمعين عقبال منتجمع عند النبي ألف صلاه عليك يانبي ايه ده انتو اسيبكم فى الثانويه اجى الاقيكم مستنيني فى الكليه :wub: ايه الدفعه الفاشلة دى ده حظ فقر بقى زهقان منكم سنتين ناوين تكملو معايا 4 سنين كمان md2: وعليه رشينا رشة سجاير على الحبايب من باب الرشوه (للاسف محدش بيدخن فى صحابي) وبعدين بقي بما انه مفيش حضور من انصراف او حد عارف حد اتقسمنا مجموعات الله يسترهم دخلوا بدالى الامتحانات :blink: هششششش محدش يقول لحسن يعيدوا تصحيح الورق ونرجع ندرس تانى

ولذلك والحمد لله الحمد لله ليك يارب طلعت فى التيرم الاول اول المقبولين عند ربنا كان كله ل ل ل ل ل ل ل ل زى مابنقول تقدير الشعب ومادة الرياضيات الوحيده اللى اول ما امى سألتنى انت عملت ايه قولتلها جبت فى الرياضه امتياز ياماما والله قالت الواد هيطلع معيد خفت عليها لتعيش الحلم رحت قايلها والباقى مقبول عند ربنا :sad: متتخيلوش الفرحه انكبتت اوى فى عنيها اد ايه الست دى لها الجنه والله مش عشان امى بس عشان انا ابنها بتاخد منى كل موقف والتانى صدمات

وعليه بما انى كنت من المتفوقين عرفت ان الكليه محتاجه خبرتى جدا فلذلك كنت اروح اوصل اختى كليه الهندسه وانا اروح اسلم على اصحابي واخرج من البوابه علشان الحق اروح اريح فى البيت وهكذا مرت الاربعة سنين اول عام مقبول والباقى جيد جيد جيد

اه سمعك ياعم مسالم بتقولى انت كنت قمة الفشل ليه كدى

سؤال نموذجى جدا جدا جدا هقولك ياسيدى سبب التأخير انتو عارفين الشباب بقى الأرعن اللى بيحب يتفرج على افلام الاكشن بقى وعم رامبو فرحت قدمت فى الكليات العسكريه والحمد لله كنت مشروع ظابط وفشل (مع انى خلصت اختبارات الكليه الجويه والحربيه مع بعض لغاية الهيئة) انما النصيب وابويا الحاج طنطاوى اظاهر والله اعلم سهوا كدى الرقم بتاعى وقع او القلم حبره خلص وكانت النتيجه النهائيه يوم 20/11 فكنت بقى عامل انى هشتغل ظعبوط قصدى ظابوط

وعليه حبيت اسمع ذكريات الجامعه بتاعتكم وكنت هرد الاخر لولا ..... ماعلينا وادينا رجعنا

على فكره يامسالم انت طريقتك فى السرد جميله جدا متابعك ولسه مستني ا/داروين هو سجل متابعه والاخت ناش ترجعى بالسلامه بقى وجودك شيء جميل اوعى تختفى والا هستلف دفتر انذار اما اختى اليكس ماشا الله متابعه جدا

ياريت بقى بعد مالموضوع المطروح ده يخلص ندخل على ذكريات اول يوم فى اول شغل بعد انتهاء الدراسه والاحلام الورديه انا هسجل متابعه لغاية لما الموضوع يخلص ونبدأ فى سرد الشغلانات بس هكون برده الاخير لانها مش لطيفه معايا برده :sad:

تحياتى عمرو

[مسالم]

حمداً لله على وصولك بالسلامه يا عمرووو ...

قلقتنا عليك الشويه اللي فاتوا دول ... أما بخصوص إني مدخن .. فدي ليها قصه اخرى سوف احكيها قريباً ان شاء الله ..

شكراً يا مونتي على اهتمامك ..

شكراً على ما تفضلت به الاخت Alex-lover .. انا يمكن رغاّي شويه .. بس تشجيعكم هوّ اللي بيجعلني أُسرد مزيد من الذكريات ..

أنا بفكر أكتب ذكرياتي إو مسيرة حياتي .. ايه رأيكم .. :blink:

انا برضه اتفسحت شويه في امريكا .. يعني رحت الديزني لاند .. ومدينة عالم البحار .. واشياء اخرى ...

ونسيت اقولكم .. وانا راجع من مطار كنيدي الى مصر كنت ترانزيت وقابلت بنت امريكيه اصغر مني بقليل .. وقعدنا نتكلم ساعه تقريباً .. بس مش حقولكم اللي حصل .. أصل كان شكلي وحش قوي ... :blink:

تم تعديل 28 نوفمبر 2007 بواسطة مسالم

[nash]

أخي مساااااااالم...قول ...قووووووووووول ...لأ بجد قووووول اللي حصل

أهو ساكتين ومنتظرين....وجايبين البوب كورن وبنستمتع..... :blink:

أليكس العسوله...تسلمي يارب..علي مجاملتك الجميله.....

عمرو...هو أنا جبت سيرة أني من المنصورة؟؟ :sad: ...الماما بتاعة أنا هي اللي من المنصورة ...مش أنا.... :sad:

أنا...من كوكب المريخ :blink:

[Alex Lover]

مسالم ايه رايك اني مصممة اعرف ايه اللي حصل .......... :blink:

عمرو ... شكلك كده كنت شقي ومطلع عين مامتك .... :blink: بس انت كمان ذكرياتك بتسردها كويس ... ربنا معاك ويقف جنبك يارب

[amrhoras]

حد قال انك من المنصوره يا مدام ناش انا بس بقولك الحقى خدى الجنسيه المنصوريه او السكندرانيه ولا اقولك الشرقاويه جدعان اوى اوى اوى

عم مسلم لو محرج من الكلام يابني انا موجود على البريد الخاص اكتبلي ياحبيبي بس عاوز اعرف :sad: ومحبس الانتظار يابني سيب السجاير دى وركز مع التفاح الامريكانى لو حضرتك وراك دراسه يابني التفت لدراستك واعطيها رقمى احفظهالك لغاية اما سيادتك تخلص دراسه اى خدعه md2:

اليكس بصراحه طنط ماما الصراحه تقولى علطول حكمه خيبة الناس السبت والحد وانا مخيبتش خالص فى ضنايا حبيب قلبي md2: اللى هو انا ;) مريحها بشكل لدرجه انها جالها الضغط منى :sad:

ندور ونرجع لمسالم بيه :wub: ماتحكي يابني وانا عاوزمك على جيلاتى :blink: بس خلصنى وجعت قلبي ةشايف مدام ناش جيبالنا فشار :blink:

آلا يامدام ناش الجو فى المريخ دلوقتى صيف ولا شتا ;) بفكر اخد الاولاد ونطلع رحله الى المريخ على الله بس الطريق ميكونش فيه مطبات فضائيه md2:

[مسالم]

ازيك يا عمروو .. انت كويس .. يعني مش سخن .. شربت ميه ساقعه كتير انهارده ...

الاحداث دي كانت أيام دورة لوس انجليس اللي مصر اشتركت فيها وانهزمت صفر /1 من ايطاليا واضطرد من فريق مصر اربعه .. فاكر سنة كام .. انا كنت في سنه تانيه كليه ..

بقولك كان في عهد نانسي وريجان .. ها .. لسه مُصِر تعرف عنوانها ورقم تليفونها .. :sad:

ياجماعه شوفوا للراجل ده عروسه بسرعه .. :)

[amrhoras]

ازيك يا عمروو .. انت كويس .. يعني مش سخن .. شربت ميه ساقعه كتير انهارده ...

الاحداث دي كانت أيام دورة لوس انجليس اللي مصر اشتركت فيها وانهزمت صفر /1 من ايطاليا واضطرد من فريق مصر اربعه .. فاكر سنة كام .. انا كنت في سنه تانيه كليه ..

بقولك كان في عهد نانسي وريجان .. ها .. لسه مُصِر تعرف عنوانها ورقم تليفونها .. :D

ياجماعه شوفوا للراجل ده عروسه بسرعه .. :)

:wub: ريجان انا مشفتوش انا شوفت نانسي قولت عجرم علطول :sad: ما أخدتش بالى بصراحه

طيب جينا فى جمل زمان احفادها دلوقتى موجوديين ممكن هى تعرفنى عليهم ماتحكى بقى يا مسالم بيه md2: عاوز اعرررررررررف

منتظرك اخوك عمرو

[amrhoras]

كلكم عندكم تأخير يوم بحاله يعنى اكون اخر واحد موجود واول واحد برده موجود

انتو رحتوا وين ياعم مسالم فين ياعم بقيت القصه

يا مدام ناش اين انتى؟

يا مدام اليكس رحتى فين؟

يامونتى انت ساكت ليه ؟

يا داروين باشا فين ذكرياتك؟

يا عمور انت فين ؟

انا اهوه موجود

اخيرا يارب في حد موجود

حبيت بس أقولكم صباح الخير يامصريين صباح الخيــــــــــــــــــــــــــــــــــــــــــر

[Alex Lover]

انا سامعه حد بينادي :)

ازيك يا عمرو صباح الخير

انا اخدت بنصيحة مسالم وروحت ادور لك على عروسه بصراحه كلهم اتجوزوا مش فاضل غير شويه كده كسر .. تحب تشوف عينه :sad:

انا باسجل حضور ... انا لسه جايه حالا .... هاشرب الكوفي وارجعلكم علشان نكمل الذكريات علشان انا افتكرت النهاردة يوم عيد الفطر زعايزه احكيلكم عليه شويه

صباحكم سكر :wub:

[amrhoras]

واضح انه مفيش غاز لو كنتى بتستعملى بوتاجاز غاز او الكهربه قطعت لو كنتى بتستخدمى سخان كهربي :D كل ده بتعملى كوفي فين الزكريات بقى

انا دى تانى مره اكتب فيها وميتنشرش برده بعد ماكتبت مداخله اااااددددد كده

انذار اخير شديد اللهجه لعم مسالم ارجع بقى واحكي انا جيبت كل حاجه قهوه وشاى خرز وشاى فتله و كوكاكولا وبيببسي ولب وسودانى وفشار حتى الحلبسه حد فاكر ايه هى الحلبسه؟ وحمص تعالى بس انت احكى انا مستنيك

اليكس انتى حطانى على الويتنج (الانتظار ) كمان زى عم مسالم والله وكمان حد طايل عرايس كسر يسلام بيكونوا فرزه تانيه زى السيراميك حبه عيوب ممكن نداويها :wub: منتظر الصور

احكوا بقى وهاجيبلكم هديه

تخيلوا بقى قاعد منتظر مشكله جيالى مع معذبي بس انا مروق على الاخر :) ماشي بمثل خليـــــــك بارد md2: يارب بس تحكوا علشان الاقى حاجه اروق بيها بقي :sad:

[Alex Lover]

[size="4"]انا جييييييييييت

هو انا اللي باعمل القهوة يا حماعة . انا في الشغل والواد الهندي انا يقول حج هوا انا يبي جهوه خبيبي هو يجول انشالله ماما انا يجيب جهوة الحين بس انت روووووووووق ماما انا وايد بيزي

اضطريت استنى في الطابور :)

كنا بنقول ايه ؟؟؟

وانا جايه الصبح عديت على البقال اشتري حاجه لابني ياخدها معاه المدرسة قمت لقيت عند البقال كعك العيد المصري ( لسه فاكرين يعملوه دلوقتي) قلتله هو بعد العيد يتفتل كحك .. طبعا مفهمنيش ماهو صباح الهنود النهاردة

ركبت السيارة وقعدت اتخيل ايام ما كانت مامتي الله يرحمها تعمل الكعك في اواخر رمضان ... قبل العيد بعشر ايام تلاقي الصواني طلعت وحركة غير طبيعية بالبيت وناس ماشوفناهمش من سنة جايين يساعدو ويشاركو ... وريحة العجمية والمحلب والبيت يبقى يجنن ريحته بيتي فور

كانت ماما بتعمل لنا كمية صوانى كتيييييييييير ... وبسكويت النشادر يا سلام مع الشاي بحليب .. بس احنا مكوناش نستنى العيد كنا بعد الفطر كل واحد ياخد له طبق ويقعد قدام الفوازير ونتنح

وقبل العيد بيوم يكون كل حاجه خلصت ماما تديني انا واخويا علب مغلفه نوزعها على الجيران :wub: وكلهم بعد شوية يجيبولنا اطباق تانية او يرجعولنا العلب فيها كعك هما عاملينه وكانو يتنافسو مين احلى واحده عملت كحك

يوم الوقفه البيت ده كان يتقل راسا على عقب ... السجاجيد تتغسل والستاير كذلك والبيت يبقى أقرع هههههههههه وحركة نظافة غير عااااديه لغايه الفجر ياااااااااااااه بجد بجد يا جماعة قلبي بيرجف لما افتكرت دلوقتي اختي وهي وانا بنفرش السجاجيد ونعلق الستاير ونرتب كل حاجه وناخد الحمام بتاعنا ونلبس هدوم الوقفه ( تعرفوها) هي هدوم جديدة للبيت مش للخروج وننام ونقوم الصبح على صوت ماما وهي بتغني اغاني العيد وضحكتها الجميلة وهي عامله شاي بحليب وححاطه الكحك في طبق والبيت منور نور مش عادي .... ولمة اخواتي مع ان اخويا الكبير كان بيفضل نايم للعصر ..

وعلى الساعة 11 نقوم نلبس الهدوم الجديدة والجزم الجديدة وننزل نقابل صحابنا وكنا لازم نروح نتصور ونشتري كل الممنوعات فاي ممنوع متاح في اليوم ده ....

وتبدا الضيووف تزورنا على العصرية ولازم اكون موجوده علشان الم العيدية اللي بتدبح ... راحت فين الايام دي

انا هنا مفيش وقفة ولا فيه عيد وكل الايام شبه بعضها .. مفيش كحك بيتعمل في البيت كله جاهز ولكن .... اللي في مصر لغاية دلوقتي لم بفقدو تلك الذكرات .. احنا بس اللي اتغربنا اللي قطعنا كل صلة بالتقاليد دي

:sad:

تم تعديل 29 نوفمبر 2007 بواسطة Alex Lover

[amrhoras]

ركبت السيارة وقعدت اتخيل ايام ما كانت مامتي الله يرحمها تعمل الكعك في اواخر رمضان ... قبل العيد بعشر ايام تلاقي الصواني طلعت وحركة غير طبيعية بالبيت وناس ماشوفناهمش من سنة جايين يساعدو ويشاركو ... وريحة العجمية والمحلب والبيت يبقى يجنن ريحته بيتي فور

كانت ماما بتعمل لنا كمية صوانى كتيييييييييير ... وبسكويت النشادر يا سلام مع الشاي بحليب .. بس احنا مكوناش نستنى العيد كنا بعد الفطر كل واحد ياخد له طبق ويقعد قدام الفوازير ونتنح

صباح الخير يا مصرييييييين ناموسيتكم كحولي ولا ايه مفيش حد صاحي باينه كدى

ايه يا أليكس ده انتى عماله تفتحي فى ملفات قديمه خلصت من زمان :happy: طب انا مالى ومال الكعك بس برده كنت بساعد ايوه كنت بساعد :lol: مش تبصولى كدى هحكيلكم الحكاية وامري لله

يحكى انه فى العشره الاواخر من الشهر الكريم كانت هناك عائلة مكونه من ام واخت واخ اللى هو العبد لله اللى بيكتب دلقوتى يحدث عندهم حالة من الطوارىء فى هذه الفتره

تقوم الام باستدعاء الولد اللى هو عمرو ياعمرو يابني انت راجلنا (خير اللهم جعله خير بدأنا بالتثبيت يبقى فى طلبات) نعم ياماما تقولى ياعموره عوزين نشيل الستاير وبما انك طويل (الله يخرب بيت الطول ) ياه ياماما انتى تأمريني وانا انفذ

واتشعلق واشيل الستاير حاجه بسيطه وسهله مش كدى الحمد لله خلصت تعالى تعالى هنا ايه ياعموره (احب انا السياسه ) مش انت راجلنا برده (تانى ياماما) وانت اقوى واحد فينا وايدك مع ايدينا ونشيل السجاجيد (اهلن وتتمركز هنا المشكله ) لاني بكره اشيل حاجه وبابا الله يرحمه كان من هواة الاشياء القيمة والتقيله مش عارف ليه مكنش بيفكر فى ابنه الغلبان .

وتمر ساعه او اثنين ماما ماما خلصت ياماما انام بقى ؟

تروح رده عليا بالمثل ده اللى عمل جميل يتمه ....... اه بقى انتى ناويه تخلصى على ابنك انهارده واللهى فى الحقيقه انا حاسس وعارف انى هشيل السجاجيد بما انى الراجل (الله يخرب بيت الدكتور اللى قالكم ولد من البدايه) واطلعهلكم للسطوح حاضر حاضر حاضر بس مش هعمل حاجه تاني

تسلملى يارب ويحميك لشبابك (الله يكرمك ياحجوج )

ونبدأ رحلة العذاب الى السطوح انشرهملى بحيث الشمس تكون مغطياهم كلهم وحاسب حاجه تطير ياماما ياحبيبتي كله مقدر ومكتوب لو طارت حلال على اللى هياخدها

ماعلينا ادى حكايتى مع العيد نيجي بقى للكعك (الا هو اسمه كعك ام كحك)؟

انا طبعا راجل حامى الحمى معملش الحاجات دى بس برده عمرى ماسلمت منه ومن عميله

الطلبات دقيق سمنه ريحة الكعك فانيليا عين الجمل فسدق لوز ملبن خميره - وبيض وسكر علشان البسكوت والبديفور والغريبه

طريقة العمل دونت وررى مش هحكيها اكيد عارفينها انا هكلمكم عن دورى انا بقى

ياه الساعة 2 ياعموره وانا مش لحقت اعمل فطار حلوتك يا ام عمرو طب ماتشيلى البنت اللى قدامك دى وخليها تعملنا الفطار

لا ازاى بتنقش مشغوله ياعموره (بخاف من الدلع الزياده ده مش مطمن)

اجيبلكم حاجه من بره ؟؟

لا عقبال الفطار بيكون الاكل بارد ! ولو رحت ساعة الفطار هتلاقى الدنيا زحمه

طيب والحل ما هو العمل يا اماه؟

انت بقى وايديك اللى ذى العسل دى دوقنا احلى اكل وتروح مديانى ابتسامه :blink: وانا بقى انتو عارفين

بس هى اكله متعود عليها اعملها كل مره فى يوم البسكوت والكعك الا وهى مسقعه باللحمه المفرومه ومكرونه ولحمه متحمره فى البصل

يجي المساء وماما من عشاق انها تسوى الحاجات فى البيت دى بقى ربنا يقويها يارب فيها كنت احب نسهر كلنا نتفرج على التلفزيون ونهزر ونضحك لغاية لما الفجر يقول الله اكبر طبعا صلينا القيام وادينا الفروض

نيجي بقى ليوم الطوارىء قصدى الوقفه كله بيتحرك بسرعه مفيش وقت للهزار يصحونى من 7 صباحا (ايام المدرسه مكنتش اصحي ياماما انتى هتحيني بدري ليه)

قوم يله علشان تساعدنا امسك المنفضه ياحلو واطلع نفط ومفيش مجال للنقاش لو اتكلمت تطلع فيا :wub:

لالالاه ده الموضوع كبيير اوى اروح لافف الفوطه الصفرا على راسي واطلع وانا مسلم امرى الى الله

اقعد ابص على البيوت اللى حولينا حد واخد باله (ليا هيبه فى الشارع برده وميصحش حد يشوفنى فى الموقف ده وخصوصا بنات الجيران ) دب دب هب هب شيل ونزل علطول بالخطوه السريعه وارمى فى غرفتك السجاجيد اللى تخلصها

خلاص دخلنا فى الجد الحاجه بدأت تجهز مش عارف ليه بيمسحوا انهارده تانى وقالبين البيت كله واختى تنظف الحيطان

لغاية بعد العشا وابدأ رحلة العذاب مرة اخرى

عموره (يـــــــــــالهوى) نعم ياماما

السجاجيد عوزه تتفرش والستاير تتعلق اخلص على الساعه 12 وتضيع الخروجه مع العيال فى ليلة العيد

وكل عام وانتم بخير يادوبك الحق اريح على السرير لانى اتكسرت حتى وانا بكتبلكم حسيت بجسمي متكسر هههههه

منتظر بقى ذكراياتكم الجميله

صباح الورد على عيونكم جميعا

عمرو

[amrhoras]

أنتو فين بقالكم يومين مفيش حتى مداخله تقول ان فى حد هنا

اين انتم اليكس لوفر ناش مسالم مونتى رحتو وين وين وين!!!!!!!!

[Alex Lover]

نحن هنااااااااااااا :lol:

عمرو ومسالم فازوا بجائزة افضل متابعين ومعلقين ومحررين

وادي الجايزة اهي

الف هنا وشفا

تم تعديل 2 ديسمبر 2007 بواسطة Alex Lover

[amrhoras]

نحن هنااااااااااااا :rolleyes:

عمرو ومسالم فازوا بجائزة افضل متابعين ومعلقين ومحررين

وادي الجايزة اهي

الف هنا وشفا

يادى الهنا يادى النور الله الله الله اول مره افوز بجايزه اروح اتصل بالبيت اقولهم انى كسبت :blush2:

معلهش يا ألكس هى شكلها لذيذ بس طمنيني سكرها عامل ايه علشان اعرف اكلها بحب الشيكولاته بس السكريات مقدرش اكلها :blink: وياترى سمنه خفيفه ولا سمنه بلدى علشان برده مبقدرش استحمل السمن البلدى هــــــيه العضمه كبرت جدا :old:

انتو مالكم ساكتين ليه كدى طيب قولولى بس ايام الشتا بتمثلكم ايه وليال الشتاء على فكره محدش جاب سيره عن اول يوم شغل وعلى فكره انتوا معندتوش بتيجو تقولو ذكرياتكم

على فكره انا حاطط ف بالى انكم تكونوا مشغولين وعلى فكره تعالى شوفوا مكتبي يضرب يقلب عليه تلال شغل بس برده ميمنعنيش عن المتابعه

على فكره انا هخاصمكم باين كدى ونغيب بدال انتو مش بتيجو

أليكس ناش مسالم مونتى داروين عندكم انذار وشديد اللهجه سجلوه عندكم فى الملف الشخصى md2:

ولا أقولكم يستثني مدام ناش (محدش يقول واسطه او تفرقه عنصريه) :P لا بس كان عندها حفله عيد ميلاد وانا عارف بقى الحفلات مبتجيش الا على دماغ صحابها غسيل صحون وتنظيف مطرح الحفله والزوار والرد على المهنئين والمهللين اه حبيت اقولك برده هنا كل سنه وانتى طيبه)

لو الموضوع بقى زحمه ممكن نعمل أليكس لوفر نمبر تو (تو تو تو تو نورماندى التو تو تو حنفى ) wst::

صباح الخير يامصريين يامطنشين

شيرين بتصبح عليكم وتقولوكم < حبيته بيني وبين نفسي ومقولوتلوش عن اللى ف نفسي معرفش ايه اللى بيحصلى لما بشوف عنيه........كل حب الدنيا دي فى قلبي ليه ده انت اغلى الناس عليا روحى فيه ده انت لو قدام عنيا اشتاق اليه........ على بالى ولا انت دارى باللى جرالى والليالى سنين طويله سيبتهالى وانشغالى بكل كلمه قولتهالى>

صباحكم ورد تحياتى

عمرو حورس :phar:

تم تعديل 3 ديسمبر 2007 بواسطة amrhoras

[Alex Lover]

بقى انا اجيبلك تورتايه تقوم هلففني انذار :rolleyes:

الظاهر يا عمرو يا اخويا ان انا وانت هنغني ونرد على بعض

خسارة موضوع زي ده يتقفل بجد :blush2: