رابطة عشاق مصر (أليكس لوفر)

[amrhoras]

ما انتى وانا اديها وقدود

يله احكى ياوحيد يا اليكس ياختى وقوليلي بقى عن زكرياتك لغاية لما الاخوه يجو والغايب ملوش نايب

اه سحبنا الانذار لحضورك الكريم

صباح الورد والفل والياسمين

عمرو

[Alex Lover]

الغريبة ان اول يوم شغل الناس بتكون مبسوطه وانا كنت باعيط علشان اول مرة اسيب ولادي في البيت لوحدهم وباقى الناس اللي بيمتحنوني مش عارفين مالي وباعيط ليه واللي يقولي ده امتحان بسيط وانا هاتك يا عياط المهم اني اني كنت حامل ومش عارفه وسيبت المقابله وروحت الحمام معدتي قلبت عليا :rolleyes: وكانت حووووووووووووووسه :blush2:

ومع ذلك اتصلوا بيا الظاهر قالولك صعبت عليكم وقالوا ممكن تعمل في نفسها حاجه ... اول يوم شغل الكل حواليك بيبقى لابس الوش البلاستيك وكل واحد عايز يترسم وانا ادديتهم الوش الطوب بقى ... مكنتش مبسوطه ومعتقدش في حد بيبقى مبسوط في اول يوم عمل ولا ايه رايك .

تم تعديل 3 ديسمبر 2007 بواسطة Alex Lover

[amrhoras]

لا انا بقى اول يوم شغل اتأخرت شويه حوالى ست شهور لغايه لما لقيت اعلان فى الجرايد (يا شباب مصر الكرام) شركه كبرى تطلب جميع المهن

ههههههه عجبانى والله رحت ادور وين وين وين ادرو على اسم الشركه قولت بقى يافطه كبيره اوى اوى اوى على اد شركه كبرى لقيت يافطـــــــــــــــــــــــه اد كدى خلو بالكم من كدى عامله ازاى يعنى يادوبك البس ميكرسكوب عشان اشوفها

قولت يواد طنش خالص . دخلت وانا مبتهج للدينا طبعا مش اول مقابله بس كان عندى امل كبييير جدا انها المره دى

قعدت وسط الزملاء والزميلات واتعرفن على بعض احلى حاجه التعارف ده ايو الله خصوصا العرايس :blush2:

وجاء دورى (مش دورى الكوره) لا الدور ياللى عليك الدور الدرو ودخلت لعم الحاج المدير ومشيت

لقيت بعد ون ويك سبوع يعنى مشمشه مدير العلاقات العامه هيه زمانها اتجوزت دلوقتى كنت احبها (لا ياعم مونتى لو انت هنا وافتكرت غلط) حب اخواتى كانت اكبر منى وتقولى زى عمرو اخويا wst:: مش عارف ايه الحظ المنيل ده

ورحت اول يوم (الكشخه) يعنى مروق بقى ولابس اللى ع الحبل يادوبك لسهشايل التيكت من على الهدوم :blink: لقيت اجتماع للمقبولين (تقولوش الجنه)

عم الحاج اشرف المدير بيقولنا ف الحقيقه انا من اسكندريه وفكرت افتح هنا شكره كمبيوتر وتابعه لنظام ارنب كل بيت قصدى كمبيوتر لكل بيت تبع الاتصالات قولت حلو اوى ع الاقل اجيب للواد محمد بن خالتى كمبيوتر بدال ماهو قارفنى وعمال يلعب عليه ويبوظهولى

المهم صحوت ع كابوس الا وهو المرتب بقى احنا فى الحقيقه فى الحقيقه اول 3 شهور مش بندى مرتبات فترة اختبار هههههههه الله زغرودتك حلوه اوى ياماما لولولولولولولللللللى هشتغل لله والوطن

قولت يواد انت خسران ايه اعرف الدنيا ماشيه ازاى واهو تسالى

القنبله التانيه انهم عوزين مندوبين مبيعات كل الشهادات (صلاة النبي احسن) :old: اول القصيده.....

طنشت برده اعرف الدنيا برده

والى العمل يرجاله ربنا يعينكم طب فين الورق ولا اى منظر لقيت برشورات جميله اوى الله حلو اوى ورق الطعميه ده نعمل بيه ايه ده

قال البيه ياحضرات الورق ده ثروه (طلع دماغى اروح ابيعه بالكيلو) انتو تلفوا على البيوت ( نعم ابه ابه ابه كان نفسي بقى اتقمص دور زينات صدقى واقول شــــــــوبش ) انا عمرو بن حورس سليل عائلة حورس انزل والف ع البيوت لا ممكن

قالى طيب ياعم عمرو انت بقى تروح السنترال ولقيت اللى وقفت فى صفى الاخت مانل الله يمسيها بالخير واللهى اخبارها اتقطعت فكرتونى ابقى اسألى ماما ع رقمها هههه

ورحت السنترال وقعدت على مقاعد الانتظار رجل ع رجل كوباية الشاى حبر طبعا سيجاره فى ايدي والثروه قاعد عليها علشان التراب والكخشه طبعا واللى يجيلى بتعمل ايه انا مندوب واللهى :phar:

رجعت البيت محطم الامال بس كملت ع دا الحال شهرين لغاية لما رحت لطنط صفاء وحكايتي مع ART فى الحقة القادمه بقى

وجعتلكوا دماغكم طبعا بس هو ده المطلوب علشان مبتسمعوش الكلام كنت اخدت قرار اكون قارىء انما انتو مصريين على كدى

اليكس اليكس فكرتيني باول يوم سابونى فيه سنه واختى 4 سنين علشان كدى هى اللى مربيانى :rolleyes: ليا 2 ماما وربع هتقولولى مين الربع هقولكم الانسه ياره واللهى لو كان ينفع كنت جبتهالكم لخبطت المنتدى بطعامتها

تحياتى اخوكم عمرو

تم تعديل 3 ديسمبر 2007 بواسطة amrhoras

[ELSHAMY]

الأخوة والاخوات الأعزاء:

اليكس لوفر - مونتى - عمرو - ناش - محسن - مسالم - داروين - سمسمة..... خالص تحياتى.....

أخوكم الشامى اسكندرانى حتى النخاع الجوانى باعمل طبيب استشارى فى الأشعة فى جدة.

أنا اتعرفت على الموقع بس النهاردة ومش قادر أقولكم قد ايه كانت سعادتى لدرجة انى قرأت كل المشاركات فى قعدتين و أوقات كتيرة ترقرقت الدموع فى عيونى من شجن الذكريات والحنين كأنى رجعت بذكرياتى لكل اللى حكيتوه من أول الترام لكلية الطب فى الأزاريطة حتى الراجل بتاع عربية الكبده على محطة ترام الابراهيمية (اللى ما حدش منكم ذكره مع ان كبدته حلوة) مرورا ببحرى ورمضان والعيد والكحك والخرفان وجدعان اسكندرية......

أنا لاحظت ملاحظة غريبة وهى انه مع اختلاف نشأتنا و عائلاتنا الا ان كل المشاهد الجميلة والذكريات الحلوة طبعت فينا نفس المشاعر وفجرت فينا كل الحاجات الحلوة من منبعها الذاخر.....

مش حأطول عليكم من أول مرة لكن عندى أنا كمان حكايات كتيرة ربنا يقدرنى على حكايتها يوم ما.

أرجو أن تكون هذه المداخلة بمثابة مسوغات تعيينى فى وسط هذه الصحبة الدافئة

[mohsensamak]

الأخوة والاخوات الأعزاء:

اليكس لوفر - مونتى - عمرو - ناش - محسن - مسالم - داروين - سمسمة..... خالص تحياتى.....

أخوكم الشامى اسكندرانى حتى النخاع الجوانى باعمل طبيب استشارى فى الأشعة فى جدة.

أنا اتعرفت على الموقع بس النهاردة ومش قادر أقولكم قد ايه كانت سعادتى لدرجة انى قرأت كل المشاركات فى قعدتين و أوقات كتيرة ترقرقت الدموع فى عيونى من شجن الذكريات والحنين كأنى رجعت بذكرياتى لكل اللى حكيتوه من أول الترام لكلية الطب فى الأزاريطة حتى الراجل بتاع عربية الكبده على محطة ترام الابراهيمية (اللى ما حدش منكم ذكره مع ان كبدته حلوة) مرورا ببحرى ورمضان والعيد والكحك والخرفان وجدعان اسكندرية......

أنا لاحظت ملاحظة غريبة وهى انه مع اختلاف نشأتنا و عائلاتنا الا ان كل المشاهد الجميلة والذكريات الحلوة طبعت فينا نفس المشاعر وفجرت فينا كل الحاجات الحلوة من منبعها الذاخر.....

مش حأطول عليكم من أول مرة لكن عندى أنا كمان حكايات كتيرة ربنا يقدرنى على حكايتها يوم ما.

أرجو أن تكون هذه المداخلة بمثابة مسوغات تعيينى فى وسط هذه الصحبة الدافئة

أهلا بيك يا دكتور الشامى

بالنيابة عن الجميع اسمح لى احييك و أرحب بيك كمان بيننا

بس فى نفس الوقت انا مش ح اتعدى على الكس لوفر و اسيبها هى تكمل اجراءات التعيين بنفسها بأعتبارها رئيس العصابة

قصدى يعنى رئيسة الرابطة ( على فكرة عصابة دى كلمة محترمة)

شرفتنتا و فى انتظار مداخلاتك على نار و بالنسبة للحنين ده حالنا كلنا و زى ما كنا بنقول و احنا فى امريكا

ممكن المصريين يخرجوا من مصر لكن مصر عمرها ما تخرج من المصريين

فى انتظارك يا دكتور

آه أخواتى و أخوانى ازيكم جميعا انا غبت شوية معلش بس الحقيقة كنت مشغول على أخرى عن الرد بس كنت بأدخل اتابع

الى لقـــــــــــاء قريب باذن الله

محســــــــن

[مسالم]

السلام عليكم ..

الاخت العزيزه جداً .. ِAlex-Lover .. أشكرك كل الشكر .. على ما تفضلتي به من شعور طيب يضاف الى طيبة وجمال قلوب المصريين ..

أشكرك اختي الفاضله على الجائزه .. وإن كنت أتمنى ان انلها في وصت الصخب العامر .. على مسرح مهرجان القاهره الدولي .. حتى القي كلمة بهذه المناسبه .. أصل أنا بحب القاء الكلمات والخطب جداً .. أتذكر أول خطبه القيتها عندما كنت أعمل في الصيف في فندق رامادا رينسانس بالاسكندريه .. سيدي بشر .. وكنت بشتغل كابتن في صالة الحفلات والافراح .. وجالي المتر دوتيل (مش عارف يعني ايه) وقاللي لو سمحت القي الكلمه دي على الحضور في الحفل .. طبعاً ياباشا .. لقد اخترت الرجل المناسب .. فمد يده في جيب الجاكيت واعطاني الورقه .. وعندها مسحت يأيدي على شعري (ايام ما كان عندي شعر) وساويت شنبي وطلعت على الاستيدج ... مساء الخير .. الحضور الكرام .. على صاحب السياره رقم 874365879 ملاكي اسكندريه .. اللون ازرق .. برجاء تحريك السياره من امام باب الفندق للأهميه .. أكرر .. على صاحب السيـ .......

ماتصوروش قد ايه الناس كانت سعيده بصوتي .. ونسيوا موضوع السياره .. ودي كانت اخر خطبه القيها ...

نرجع لموضوع الجايزه اللي صاحبة الرابطه تكرمت بيها علينا .. واسمحيلي اقول كلمه:

.. وانا ومن هنا .. أعلن للجميع بأننا نحن على قلب رجلٍ واحد .. نحزن معاً ونفرح معاً .. لا مساس للطبقه الكادحه .. وسوف نظل نعمل في صمت ونتذكر ايامنا الحلوه في هدوء .. ونرجو من الله ان يسدد خطانا وان يبعد عنا الزهايمر ..

وننتهز هذه الفرصه .. لكي نهدي بدورنا هذه الهديه الغاليه الى امنا الغاليه .. ماما سوزان .. لأ لبابا حسني أطال الله في عمره .. هاي هئ (وانا رافع ايدي) ..

[مسالم]

أخي الغالي .. عمرو ..

ازيك ياباش محاسب .. بالتأكيد انا معاكم كل يوم .. وإن كان المثل يقول ومن الحب ما قتل .. وارجو الا يكون هذا حالي مع المحاورات .. حيث اني اندمجت معكم لدرجة ان شغلي اتأثر .. مش عايز أطول عليكم ..

لكن ياعمرو .. كما قلت بالسابق .. الذكريات الجميله لابد من استرجاعها بتأني وتؤده .. يعني العمليه مش بسيطه زي مانت فاكر .. وبالذات مع واحد مثلي بفكر في عشرتاشر موضوع في نفس الوقت ..

موضوع الذكريات ده شئ تاريخي .. ومنشط للذاكره ..

اشوفك على خير .. بحاول استحضر ذكرى جديده .. :lol:

اخواني الاعزاء جميعاً الذين ذكروني .. اشكركم على هذه الثقه .. وهذا ما افتقده فعلاً في الغربه .. حب الناس .. والصحبه المميزه ..

اخونا العزيز .. دكتور شامي ... اهلا وسهلا بيك في بلدك الثاني .. محاورات المصريين .. سوف تجد هنا كل مالم تجده في بلدك الام .. وايضاً كل ماتود ان تجده وتحلم به ... فهنيئاً لنا بك .. وهنيئاً لك بمحاورات المصريين ..

في رعاية الله وأمنه .. القاكم على كل خير ان شاء الله

[nash]

أزيكم يا جماعه ...والله وحشتوني.... :lol: bv:-

سوري كان عندي حفله ...ومعازيم وكدهوت ..وناس من احلي الناس الحقيقه.....بتهني وتبارك :lol:...

طبعا نهنيء أنفسنا بإنضمام الكتور الشامي ...وإن شاء الله يضيف لنا مزيد من المتعه بسرده للذكريات.....

أهلا وسهلا بك معنا يا دكتور ...وأتفضل المايك مع حضرتك..... :lol:

..............................................................................................................................

أصدقائي الحلوين...أنا مسجله متابعه بس زي ماعمرو قال كنت مشغوله شويه بالحفله ويادوب خلصت وجيت علي هنا علي طول....

إن شاء الله من غدا تومورو هانبدأ جميعا ونشوف حد ينظم المرور....علشان هاتبأة زحمه جدا :lol:

برايفت عمرو.....وربي وصفك وأنت قاعد علي الثروة القوميه ...كان هايخليني اموت من الضحك...ربي يسعد قلبك....

موعدنا بكرة إن شاء الرحمن

[nash]

حذفت للتكرار :lol:

تم تعديل 3 ديسمبر 2007 بواسطة nash

[ELSHAMY]

صحبتى الجديدة

...أخواتى......احوانى.....يا صحابى يا أهلى يا جيرانى......أنا عايز اشكركم على الترحيب بيا ويا رب ما أعملش لكم زحمة...... عندى مفاجأة جبارة للجميع.... ملف فيه كمية رهيبة من صور اسكندرية زمان و الأن حابدا اوريهالكم قريبا..... صورة صورة عشان ما تزهقوش منى...... (الصورة بجنيه) :lol: موافقون ؟

[amrhoras]

الشامى باشا وانا بقول الموضوع ماله منور ليه كدى يامرحبا يامرحبا

الموضوع منور بصحابه انما نوركم غطى على الكهربا

عارف هتقول هو يعرفنى الواد ده ولا ايه bv:-

هقولك احنا فى رابطه واحده وباسبورك اللى مع كفيلك اللى مكتوب فيها مصرى ده يقولك انى اعرفك من زمان نورت بجد المحاورات عوزين بقي تمام كل يوم كدى على الصبح ابقى فكرنى اديك مواعيد اجتماع الذكريات

هو المكان ادخل المحاورات وامشي سيدا سيدا هتلاقى المغتربين اوعى تتلفت يمين او شمال ادخل علطول هتلاقى رابطة عشاق مصر تلاقينا علطول

عوزين بقي ذكريات سيادتكم عن اى حاجه ممنوع تخبي لانك مراقب ياباشا كل خطواتك مراقبه بالردار مش كدى يا اخونا

ارحب بك كثيرا واقولك حمد الله على سلامتك فى وطنك او بيتك الصغير الالكتروني نحن جميعنا اخوه واخوات وانشا الله تكون معرفة خير بينا فا أهلا بك ومنور بجد

********************************************************************************************************

الاخ مسالم مش انت لوحدك اللى الشغل اتلعبك معاك بس برده عاوز بقيت الحكايه بص ياعزيزى هتقول هتقول الانكار مش هيفيدك :lol: حمد الله على سلامتك ويارب ماتغيب عننا ابدا

********************************************************************************************************

الاخت ناش عندك غلطايه بسيطه جدا الدكتور مش الكتور :lol: بس بجدا شكرا جزيلا انى قدرت ارسم الابتسامه الجميله دى مش هتصدقى بفرح اد ايه لما اكون سبب ابتسامة اخت عزيزه جدا

********************************************************************************************************

الاخت اليكس الصراحه الموضوع طلع من ايدك خالص :lol:ولكن الفضل دائما يرجع الى صاحبه هذه الفكره وهى انتى فلكي كل الشكر والاحترام بقينا جميعنا مسؤولين عن الموضوع ده ولازم نحييه بذكرياتنا الجميله سواء سعيده او سعيده برده

********************************************************************************************************

سمك باشا وحشتنا ياعم انت فين اراضيك الان مش عارف انت اختفيت ليه انا قولت نسيتنا ماشى ماشي عندك غياب وتأخير ولازمن ولا بد من العقاب هتحكى كل الذكريات اللى فاتتك ومليش اى دعوه ولا تنازل

********************************************************************************************************

ادام الله عليكم السعاده دائما وابدا

اخوكم عمرو حورس (مش اسكدنرانى برده) :lol: شرقاوى وربنا :lol:

تم تعديل 3 ديسمبر 2007 بواسطة amrhoras

[Alex Lover]

:lol: :sad:

الموضوع طلع من ايدي ازاي

bv:- clp::

هو انا اغيب عنكم نص يوم الاقيكم احتليتو الكرسي ... بس برضه وماله احنا كلنا هدفنا واحد وكل واحد فينا يقوم بالدور اللي يقدر عليه بدون قيود

انا كنت سعيده جدا برد الاستاذ محسن على العضو الجديد اللي نورنا وانه قام بالترحيب بيه بالنيابة عني وده فعلا شئ جميل جدا ومش بس محسن لا وناش وعمرو ومسالم

بس انا عايزاكم تاخدوا بالكم من حاجه

انا معاكم حتى الساعة الرابعة بتوقيت مكة المكرمة

بعد كده بقى تلاقوني في هيئة اخرى بعد ما اروح البيت واشوف العيال وادخل المطبخ ولو قولتولي احنا اعضاء الرابطة هاقولكم رابطة ايه

رابطه فجل ولا جرجير

clp::

لا بجد اعذرونى لان فترة بعد الظهر مش بادخل النت خالص .. بادخل المطبخ :sad:

وعلى كل انا بجد مبسوطه جدا جدا جدا بوجودكم المستمر وتواصلكم ويارب نفضل دايما نسأل على بعض

مطلوب من البنات يبعثولي ارقام موبايلاتهم في رساله خاصة وانات هابعثهالهم برضه

والرجال يسلموا ارقام موبايلاتهم لاي شخص يختاروه

وده حتى نظل على اتصال في حال غياب اي فرد نستطيع الاطمئنان عليه ولو برساله

===========================

ارحب ترحيب جامد اوي بالاخ الفاضل الدكتور الشامي واقوله اهلا اهلا اهلا بيك في وسطنا .... والله انات سعيده اننا خليناك تعيط clp:: اقصد خلينك تتاثر وتعيد الذكريات

بجد سعداء بوجودك بس معلش خلي بالك من عمرو متقعدش جنبه اصله مشاغب ومش هتعرف تركز في الذكريات (بيعمل تشويش)

============================

مسالم بجد انا ضحكت باعلى صوتي في الشغل حرام عليك ....... على المحاضرة اللي طلبوا منك تلقيها المهم اني كنت مصدقة وعماله اقول محاضرة ايه اللي في صاله افراح دي ههههههههههه بجد حلوة

على فكرة انا فرحي كان هناك في الديسكو تيك تحت اللي بابه اسود على البحر على طول ...

============================

ناش ... متحكيلنا اخبار عيد الميلاد ايه .. وصلتك التورته اللي بعثتهالك ؟؟؟؟؟؟؟؟؟

شكرا جزيلا

القاكم بعد الفاصل

تم تعديل 4 ديسمبر 2007 بواسطة Alex Lover

[amrhoras]

صباح شريف اليكس محمل بالورود والنسمات والضحكات

:lol: شوفتوا يابنات اسمعو الكلام بقى وابعتولى ارقامكن :sad: زى ما قالت اليكس لوفر والرجاله برده bv:-

فكره واله هايله يا اليكس بس افرضى كل الرداله اختفو من هنا ماذا ستفعلون للاطمئنان علينا clp:: ولا العكس هههه

خلاص خلاص بهزر والله

بما اننا كلنا بعيد جدا وفى منا خارج بعيد مثلا فى أروروبا وامريكا واستراليا وكندا فياريت الجوالات والايميلات

ومش هتكون مع واحد بس يعنى الاخوه الرداله كدى يتفضلو يبعتولى وهقوم بتنسيقه على وورد كده وابعته لكل واحد منكم كدليل او مفكره

*********************

نيجي بقى للمهم الا وهو انكم تفضلو تكملو ذكرياتكم ولمؤاخذه ومحدش يطنش سامع يا مسالم باشا

ثانيا الذكريات بما أن الجو حـــــــار جدا clp:: احكولى بقى عن الشتــــاء وذكرياته اسمع ان شتاء الاسكندريه له جماله الخاص وخصوصا النوه اشعر بالدفء لا أعلم لماذا عندما اسمع عن شتاء الأسكندريه بوجه الخصوص .

وهذا لا يمنع كل واحد برده من ذكرياته الشتويه فى مكانه يعنى مش مقتصر على اسكندريه بس

تحياتى (حمد الله على سلامتكم يا اخونا)

*************

بقى أنا مشاغب يا اليكس ماشي ماشي متسمعش كلامها يا أ/ الشامى (احب انا ال دى عشان الاسم يكون معرف مبتدأ مفتوح بالتنوين فاشل نحو بقى) انا غلبان بس شكلى كدى هو حد اتصل بماما وحاكتله حاجه عنى ولا المدرسين مين قالكم مشاغب بس clp::

تم تعديل 4 ديسمبر 2007 بواسطة amrhoras

[nash]

أليكس ...حبيبة قلبي...تسلم أيدك علي التورته جميله زي صاحبتها... :sad:

فكرتيني بأيام الشغل والمطبخ والجري ...الله يعينك بجد.....

هنا طبعا حرااااااااام السواثه للسيدات.....طلعوا فتوي بذلك...وطبعا أبو ياسر هو السائق الخصوصي للاسرة....تخيلي كل يوم علي مدار العشر سنوات تقريبا أحدث نفسي بإن هذا اليوم هو أخر يوم لي في العمل....علي الرغم أن هنا غير مصر خالص بمعني وسائل الراحه وجو العمل يختلف عن المحروسه...الحقيقه لم أجرب العمل في مصر ولا أظن أصلا...

في يوم سألت الولاد ...ايه رايكم ماما تترك العمل وتقعد في البيت ...فوجئت بردهم في نفس واحد لاااااااااااااااااااااا...سألتهم عن السبب أجابوا بأنهم فخورين جدا بي...وأن كل أمهات أصدقاءهم يعملون....لكن سعادتهم الأساسيه أني حليت عن دماغهم شويه...

الحقيقه علي مدار هذه السنوات لم يشعروا أبدا بإنني غائبه عنهم ...فمواعيد عملي كانت مرتبه بشكل جميل....أصل قبلهم وعند وصولهم يجدون كل شيء مرتب والغداء علي الطاوله فقط منتظر إلتهامهم له....وطبعا فترة بعد الظهر وبعد أخذ قسط من الراحه لنا جميعا أبدأ في متابعه حل الواجبات وتدريسهم.....

الجميل أن المكان المفضل عندي في البيت هو المطبخ ...نجلس فيه ونذاكر الدروس..وفي الأيام العاديه أستقبل فيه صديقاتي.... bv:-

تخيلي نترك البيت كله ونجلس في المطبخ.....والسبب الرئيسي أنه المكان الوحيد الشديد الإنارة في البيت وكل البيت عندي إضاءة سوفت جدا...

لن أنسي يوم مذاكرة ( الماث) مع ياسر...قلب الأم بأة....وقولتله هات يابابا الكتاب نشوف فيه ايه...وأنتبهي أني أدبي اصلا...وكان الدرس عن التقريب لاقرب ( 10 ) وبعدها لإقرب (500) وحاجات كده..أول جزأ تم بكل خير وبعد كده كل رقم أقربه أعامله بنفس المعامله القاسيه حتي ال( 1000) بعد حوالي 3 ساعات وربي بتكلم الحقيقه...أنتبهت علي الخطأ الشنيع اللي وقعت فيه..بس بعد ايه بأة تووووولييييت.....وكان منظري مش جميل..وخصوصا لما قولتله ...( حبيبي ) عايزاك تنسي كل اللي شرحتهولك...رد بذهول ليه؟؟؟قولتله كله غلط يا عمري.....ومنذ ذلك الحين وحتي يومنا هذا الثقه بينا منعدمة الحقيقه :lol:

[ELSHAMY]

صباح الفل على الجميع

حاسس انى بابدأ فصل جديد فى حياتى بمعرفتكم (ياريت يكون فصل الربيع مثلا)...

و الحقيقة ذكريات الشتاء بتفكرنى بالدفء اللذيذ تحت البطانية وصوت قطرات المطر على الشباك ومنها نعرف (حسب الرتم) هل المطر خفيف ولا تقيل ويستاهل الواحد يقوم يتفرج عليه .... واكتشف ان اخواتى كمان ماحدش منهم نام...ونقوم نتسحب ونفتح الشباب فتدخل علينا نسمة هوا باردة تلفج وجوهنا.... ونمد ايدينا نستقبل قطرات الماء....ونستغرب من شكل الناس وهى بتجرى فى الشارع عاوزين يستخبوا والعربيات اللى ماشية ببطء.....وتصحى أمى (الله يرحمها).....وفى ثوانى كله يرجع تحت البطاطين....نسمع نفس الرتم تانى... ونحلم ان بكره واحنا رايحين المدرسة حناخد جرعة مطر تكفينا....

بس الحقيقة وجود الشراب مهم جدا لتدفئة الرجلين عشان نعرف ندخل فى النوم...وده كلام حيقدره الجماعة اللى عاشوا التجربة دى (انا دلوقتى بانام من غير شراب) ... واحيانا من غير بيجاما :lol: من كتر الحر مع ان المكيف مفتوح....ما علينا خلينا فى الشتا أحسن.

تانى يوم بقى وعليكم خير نقوم من النوم بالعافية....ماء الحنفية متلج....وننزل نايمين على روحنا...وفى ثوانى نفوق من نسمة الهوا الباردة الجميلة ...وما فيش مانع نغوص بالجزمة فى اى بركة مياه....والشراب اياه يتبل.

ومن أجمل الذكريات التجمع الهائل لمياه الأمطار تحت كوبرى الابراهيمية....يمنعنا احيانا من الذهاب للمدرسة (بركة يا جامع)... والسيارات الكتيرة اللى حاولت تعبر المانع المائى ده وتعطلت فى وسط البحر...وتبدأ هنا أذهان المصريين وافكارهم بالعمل وتظهر فجأة عربات الكارو وتبدأ فى التحميل......ذكريات.

عارفين ايه الأغنية اللى بتخلينى أشعر بنفس الذكريات دى....أغنية على الحجار:

لما الشتا يدق البيبان....لما تنادينى الذكريات....لما المطر يغسل شوارعنا القديمة والحارات....ألقانى جايلك بين شفايفى بسمتى .... كل الدروب التايهة تقبل خطوتى...كل الليالى اللى في قمرها قلبى عاش...مش جاى ألومك على اللى فات ...ولا جاى أصحى الذكريات....لكنى باشتاق لك ساعات....لما الشتا يدق البيبان.

تحياتى

[mohsensamak]

صباح الخييير جميعا

اليكس احنا فى الخدمة ما تشغليش بالك

ناش ممكن لو سمحتى كل واحد يخليه فى اللى هوه بيعرفه و بس، علشان كده احنا بنشوه العلوم الجميلة

و التاريخ مش ح يغفر لك كده ابدا، بس الحمد لله ان ياسر ربنا كرمه و نفد منك فى الموضوع ده و عقبال ما نطمئن

على اخوه كمان.

احنا على اى حال فى الخدمة اى ماث اى ساينس انا موجود.

صباح الفل عليكى و على الجميع يارب

موحسن

[salemhegazy]

السلام عليكم و رحمة الله

اهلا بيكم المصريين المغتربين و كان الله فى عوننا جميعا

غبت عنكم فترة ( كنا فى اجازة العيد الوطنى - لدولة الامارات)

حقيقى صحبة جميلة ادام الله الود و لكن لى ملحوظتين :

اولا : عند دخولى عندكم اشعر انى القيت نفسى فى وسط امواج المتوسط المتلاطمه ( ايه يا اخونا كلة اسكندرانى اسكندرانى ) اسكندرية اجدع ناس ما احنا برضه يعنى من القاهرة قاهرة المعز ( هزار ده مجرد ملحوظه )

الملحوظة الثانيه و هى كما يقولون بالعربى الفصيح ( اجترار الذكريات ) ( ممكن نفسر معانى الكلمات

هل اجترار الذكريات هو احساس لا شعورى برفض الواقع او هروب من الواقع ام هو عدم قدرة على تغيير الواقع فنختلس لحظات لتذكر ايامنا الحلوة اللى مضت ؟

و هل لم تعد هناك ايام حلوة؟!

مجرد خواطر استثير بها فيكم الشجن و انبة منكم مواطن الغفلة لننظر الى واقع نرضاه فننميه او لا نرضاه فنغيره

من فات قديمه تاه و من توقف عنده ضاع

ايهه رأيكم دام فضلكم؟؟؟؟؟؟؟؟

امر على الديار ديار ليلى اقبل ذا الجدار و ذا الجدار

و ما تلك الديار شغلن قلبى و لكن حب من سكن الديار

[amrhoras]

في يوم سألت الولاد ...ايه رايكم ماما تترك العمل وتقعد في البيت ...فوجئت بردهم في نفس واحد لاااااااااااااااااااااا...سألتهم عن السبب أجابوا بأنهم فخورين جدا بي...

ابناءك ماشا الله عليهم سياسين درجه اولى بس انا عارف السبب الحقيقي :lol: أقول ولا بلاش :sad:

ربنا يباركلك فيهم يارب تشوفيهم فى الكوشه يارب وتفرحى بيهم وباولادهم

عارفه يامدام ناش فكرتيني بكلمة ماما ليا بتناديني الى الان بها بحب اسمعها اوى وهى ازيك يا (عمرى) حقيقي الام نعمه والاب نعمه المهم نبطل بقى لانى الدمعه هتفر من عنيا

بس برده لما بنكون على خلاف وده ديما طبعا بتقولى يا (أجلى) clp:: احم احم

مش عارف ايه حكايه المطبخ معاكن انما شيء مش جديد لو تفتكروا اعلان ليسرا وسيراميك الجوهره لما كانت تستقبل اصدقائها فى الحمام علشان يتفرجوا على السيراميك والورد اللى عملاه مدام ناش :sad:

ع فكره مع انكم بتكونوا الصراحه خنقه لما بتذاكرولنا انما فكرتيني بماما الوسطانيه (اختى الكبيره) كانت تمسكني فى الفيزياء والرياضيات وانا clp:: نايم اما بقى ماما اللى هى مرات بابا الحقيقيه يعنى كانت ديما تمسكني فى النصوص والادب والنحو بس كنت احب اقعد اعاندهم اوى علشان كدى فلحت اوى اوى اوى بس انا افتقد الايام دى جدا

ياما سهروا جنبي ليلة الامتحانات من الابتدائيه وحتى رابعة كليه التجاره لان كان فى بعض الاحيان بكون له بفتح مواد لاول مره ليلة الامتحانات وماما لها الفضل الكبير فى نجاحى فى رابعه كليه لانى كنت حلفتت انى مدخلش امتحان الاقتصاد وبالعكس جبت فيه امتياز bv:- ازاى والله بركة دعا الوالدين واكيد اكيد الدكتور صعبت عليه

ربنا يخليكو لابنائكم ولا يحرمكم من بعض ويسعد ايامكم ديما

من علمنى حرفا صرت له مشاكسا clp::

**********

أ/ الشامى انت انسان جميل جدا على فكره وطريقتك بسيطه وسهله تخليك تعيش وتشوف الاحداث كما لوكنت فعلا داخلها خلتنى اتفاعل حسيت يراجل حتى ان الشراب مبلول من كتر الانفعال

**********

اليكس اليكس يا اليكس يارب القعده فى المطبخ تيجي بفايده ونتعزم قريبا قريبا على اكله اسكندرانى 100% عارفين سبب كرهى للكبده الاسكندرانى ايه البصل بصراحه وعندنا الزعيم اخخخ فكرتونى بيه الزعيم اكتر واحد حبيت اكلها من عنده الله يمسيهم بالخير بقى ياما خلصوا على محفظتى ههههه

*****

عمرو

[salemhegazy]

هياااهه يا قوم سرحتم فى ايه ؟

ايه رأيك يا اليكس؟ شايفك انا شايفك موجودة الحين

[Alex Lover]

مسااااااااااء الخير

عمرو مين قال ان الكبدة الاسكندراني بالبصل .. والله انا اسكندرانية وباعمل اجمل كبده بس اللي انا اعرفه انها (ثوم وكمون وخل وملح وشطة ) ،،، وبعدين انت تأمر بس العزومة الاسكندراني غالبا بتكون على سمك .. هات الكفيل بتاعك وتعالى وربنا يستر :lol:

ناش انا كمان كنت ادبي وادبي بحت جدا ... ولو ان سيف ابني لسه في KG2 الا اني برضه مش بذاكر له الماث ؟؟؟ :sad: انا ابيض يا ورد مع ان جوزي محاسب هو ده التكافؤ

بس انا بارجع البيتن العصر بيكونوا رجعوا واتغدوا كمان ومع ذلك باكون فترة بعد الظهر معهم بنسبة 100% علشان ميحسوش اني بعيده عنهم .. حقيقي بنتعب يا بنتي ومين يحس بس

دكتور الشامي ذكرياتك جميله اوي ... انا رجلي تلجت وانا باقرأ كلامك bv:-

سالم حجازي الفاضل

فكرتني بمقوله امي دائا رحمه الله لما كنت ابقى زهقانه من المدرسة ،، تقولي انتي بتقولي كده دلوقتي بس هيجي عليكي يوم وتحنى للايام دي وتقولي يارب ترجع تاني ..

اعتقد مفيش حد فينا ماسمعش الكلام ده من مامته ... او اي حد اكبر منه

هو ده حالنا دلوقتي برغم قساوة بعض الذكريات الا اننا بنحن لها ونقول ياريتها ترجع ؟؟؟؟ ليه مش غريبه دي .... ارجو ابداء الراي يا اخوتي الافاضل