رابطة عشاق مصر (أليكس لوفر)

[مونتى]

مساء جميل على كل الحضور

انا هنا ومتابع بس مشغول شويه لا شويتين بس صورك الجميله اليكس عن معشوقتى ( اسكندريه ) اجبرتنى على الدخول

الله يسامحك اليكس قلبت على المواضع وفكرتينى بالايام الحلوة فى الشتاء وكذلك عيد الفطر ( العيد الصغير) والكعك بس ارجو العفو والسماح على تاخيرى للدخول فى المحاورات واهلا وسهلا صديقا عزيزا اخ شامى

عاشق بلدى md2:

[kokomen]

مساء الخير لكل عشاق أسكندرية الماريا وترابها ورملها الزعفران

فكرتوني بجو أسكندرية الجميل خصوصا في فصل الشتاء

أنا نازل إجازة بعد أسبوع الي معشوقتي وحبيبة قلبي أسكندرية

أفتكرت أغنية فيروز .. شط أسكندرية ... وأغنية بين شطين وميه  ... أغاني جميلة

نتذكر معها أجمل وأحلى الأيام بين أحضان مياه البحر وأمطار السماء النقية

التي تغسل القلوب من كل ماهو سيئ وتملأها بالحب والنقاء والرومانسية

أفتكرت سندويتشات محمد أحمد ثم نجتمع في كافتيريا البلياردو على قمة شارع

السلطان حسين فوق مؤسسة بغداد وهي في الدور الأول علوي تطل على الشارعين

بمنظر جميل وتستمتع بقهقهة الشباب وطرقعة البلياردو والبعض منهمك في لعبة الشطرنج

ثم نغادر الكافتيريا متجهين في شلة شباب كبيرة الى سينما ريالتو أو مترو أو أمير

لنشاهد فيلما أجنبيا ونخرج من السينما لنذهب الي جيلاتي صابر بالإبراهيمية

لنستمتع بطعمه ومذاقه الجميل ثم نفترق آخر الليل ليذهب كل منا الي منزله 

 أيام جميلة لم نشعر فيها بالهم ولا الغم ... شكرا لأبائنا وأمهاتنا الذين متعونا بكل ما هو جميل

 وعمار يا أسكندرية

md2:   :D    :D    mfb:    :D

[amrhoras]

عمرو .. ايه اخبار الطعمية معاك

:blink: عملت مفعولها والله يا اليكس بس مش فيا فى الجهاز مستحملش طعامتها جاله مغص ومسح كل اللى عليه :lol:

صباح الورود يا اليكس :) wst::

[amrhoras]

أخى الحبيب عمرو.... خد لك حبة ذكريات...المرة دى مش على الكبدة لكن على الطعمية (الفلافل بلغة الاسكندرانية)...فاكر من كام سنة نزلت اجازة وكانت مسيطرة على بشدة فكرة الاستمتاع بركوب الترام رايح جاى والفرجة على كل شىء...كل مبنى...كل شجرة...كل محل... واتاريها حاجة ممتعة جدا انك تتخلص من العربية شوية.... واتارى الدنيا شكلها حاجة تانية والواحد قاعد جنب شباك الترام ...فاتح بقه...ومبتسم...وعينيه بتاكل كل المناظر اللى شايفها.... يعنى انا متأكد ان لو حد من الركاب أخد باله منى حيقول عليا سايح من كرواتيا (مثلا)...

اللى يضحك فى الموضوع انى اكتشفت بمجرد ما ركبت الترام انى ما اعرفش التذكرة بكام.... يادى الحوسة...والكمسارى قرب منى ..قلت أحترم نفسى رحت مطلع له خمسة جنيه...فنظر الى كأنى أحد سكان المريخ.... وابتسم بسخرية وقال : شوف لنا فكة والنبى يا سعادة الباشا....طبعا صاحبت هذه الجملة نظرة من شعرى حتى جزمتى....قمت حطيت ايدى فى جيبى وطلعت كل اللى معايا...راح مختار منهم ربع جنيه.... والله عمار يامصر...ربع جنيه يا عالم اتمتع بيه كل المتعة دى...يا بلاش.

حد يسألنى يا كابتن لطيف و ايه دخل الطعميه فى الموضوع...أقولك...و أنا معدى بالترام على محطة بولكلى اذ هبت عليا رياح مشبعة بروائح الطعمية اللى تخلى دماغك تلف....وانا طبعا راجل محروم (من الطعمية بس الحمد لله)...واذ بى تنهار كل مقاومتى وانزل من الترام و أنا ماشى مناخيرى لقدام متتبعا مصدر الالهام حتى وصلت لمحل ابو ربيع...وفين يوجعك يا أستاذ...ورجعت ماشى للبيت (فى حى الوزارة... محملا بالكنز و دخلت عليهم وكأنى جايب الديب من ديله....حيث لاقت فعلتى استحسان الجميع...

ا/ الشامى

والله يراجل رجعتنى لاكل الطعميه وشوقتنى لهم حبة ذكريات فى العضل والوريد خصوصا بتاعة الطعميه انا اكلت هنا طعميه بس مش فى طعامة طعميه مصر مش عارف ليه هى النكهه بتتأثر بالمكان؟

صباح الورد وعطر وفل

ومنتظر ذكريات اكثر على فكره احنا بهدلنا بعض انذارات وتهديدات بس انا بنذر برده بكل قوتى عاوزين ذكريات اكثر :)

تم تعديل 8 ديسمبر 2007 بواسطة amrhoras

[amrhoras]

:) ترحيب خاص محمل ببوكيه ورد خاص جاى من مزارع الورد مخصوص ترحيبا باستاذى الاسكندرانى جدا ا/ كوكومين

واقولك اجدع سلام اسكندرانى شرقاوى مصراوى واصبح عليك

صباح الخير ياللى معانا الكروان غنى وصحانا wst::

توصل وترجعلنا بالف سلامه هتنور اسكندريه ومصر كلهها

صباح الورد والفل والياسمين

تحياتى عمرو

[amrhoras]

مسالم باشا

ايه الحاجات الحلوه دى تصدق كان نفسي اركب الترام انما لسه مش اخترعوه عندنا فى الشرقيه :)

بس تذكرة الترمواى فكرتنى بتذكرة الاتوبيس العادى دلوقتى بقت بكام الله اعلم :lol:

بما انه يوم مشمس جميل جدا جدا جدا والسماء صافيه كنت رايح يوميها مقابله عمل فى القاهره تحديدا فى المهندسين

ليلة طويله من الاحلام وترتيب الذات وهسكن فين وحأجر شقه فين حتى كنت عمال اخطط هوفر كام بصراحه لم يأتيني النوم بتاتا وجلست مع الوالده حاكم انا وهى نحب نتكلم كتيير ونضحك صداقه حميمه جدا جدا جدا والله بفتقد الايام دى لغايه لما اصبحت بكلم نفسي

قمت طبعا قعدت اكتب شويه فى مذكراتى حتى الفجر صحيتهم وصلينا الفجر جماعه ورجعت مره اخرى للوحده فقررت اعمل الفطار وبدال انا دخلت المطبخ يبقى لازم فطار فايف ستارز

الطماطم مقطعه على هيئة ورد والفلفل كاوراق الشجر .

الفول بالزيت والطحين وعليه نكهة الليمون اللذيذ مشطشط

وطبعا الجبنه بالطماطم واللنشون والجبنه الرومى والزيتون المخلى والمحشو

ونزلت جبت طعميه سخنه ملهلبه وخبز منفوخ من كتر السخونه والطزاجه

وعملت الشاى وطبعا شيبت كل حاجه مكانها انا من عشاق انى الخبط المطبخ يعنى الطبق اللى استخدمه فى الاعداد غير اللى بستخدمه فى العرض الاخير علشان كدى مش بيحبونى ادخل كتير

وفتحت الراديو وصحيتهم وكل ده عمال بقى اتفائل علشان المقابله صباح عليل ابتسامه جميله ولذيذه من اعز الناس

نزلو طبعا وطبعا لم انسي الخطيبه بمكالمه على السريع لانها كانت فى الكليه wst:: من باب الاستبشار واستكمال الفرحه

ولبست واتريحت واتعطرت والكريم فى الشعر (كشخه ) يعنى

ونزلت فى الموعد

ماشي للمحطه فى تاكسيا وعنتر زمانى :lol:

الصبح اخدت دش حلو منشط نسيت اقولكم المعلومه المهمه دى جدا

لانى اول مانزلت من التاكسي سبحان الله الدنيا مطرت اتارى كانت هناك سحابه متتبعانى ماشيه ورايا اول ماوصلت فى لمح البصر لمت نفسها فى دلو ماء ونزلت على رأسي والكشخه واذا بلحظه استرجع فيها كل احلام وزكريات الليله الطويله وقرار سريع جدا ليقول لسائق التاكسي ارجع ياسطى مطرح ماجينا

طبعا مش هقولكم السحابه اخدت الميه منين شكلها ناتجه عن تبخر لمياه الغسيل او المسح او :blink: لا لا لا مفيش مفيش

بس برده لم تؤثر كثيرا سوى بعض الضيق لكنى ذهبت الى المنزل واخدت الشاور التالت ولبست ونزلت تانى بس الى اين ؟

الى شغلى الاساسى بعا فمن خرج من عمله اتقل مقداره برده ورحت واخدت ساعتين خصم بنص يوم الله يمسيك بالخير يا عم حنيدق كان يحبني موت وكل مايحبني يدينى خصم :blink:

يله منتظركم :blink:

[ELSHAMY]

العزيز مونتى..شكرا على كلماتك

الأعزاء ...عمرو...أليكس لوفر....هو فين بقية السادة أعضاء الرابطة...؟ هل نظام البيات الشتوى من ضمن لوائح الرابطة ؟.... انا منتظر اجراء من اليكس لوفر (بصفتها الريسة الكبيرة) تجاه السادة الأعضاء اللى راحوا وما جوش.

وانا اقترح عليكم ان كل واحد يكون له على الأقل مشاركة واحدة يوميا...انشالله يقول صباح الخير ويقفل....أو مساء الخير...وينام....أو يقول حرف واحد حتى....مثلا....خخخخخخخخخخخ... واحنا حنفهم انه مشغول....... فى حلم طويل...

عندى اليوم ذكرى طبية حصلت اثناء عملى فى قسم الأشعة منذ سنوات.... أكيد حضراتكم أو بعضكم يعرف فحص الرنين المغناطيسى للأشعة وفيه يدخل المريض الى أنبوب طويل محاط بمغناطيس قوى جدا...ولذلك يجب ان يترك كل المتعلقات المعدنية بالخارج قبل دخوله غرفة الأشعة..... ومع التعليمات الواضحة...سواء بالكلام ...أو بالرسوم التوضيحية المعلقة فى كل مكان....الا ان بعض المرضى ساعات ينسوا ويدخل بموبايل أو كارت ائتمان ...واذا حصل فقل عليهم السلام...وانا شخصيا مرة نسيت محفظتى و اتمسحت كل كروت الأئتمان بتاعتى.... ولذلك عملنا ورقة فيها شوية اسئلة عن اى شىء معدنى داخل جسم المريض...مثلا رايش فى عينه...كسر قديم متثبت بمسمار معدنى....مثلا اذا كان تعرض فى يوم ما لطلق نارى لاحتمال وجود بقايا رصاصة فى جسمه....

معلش دى مقدمة عشان تعرفوا ليه انا كنت حاموت على روحى من الضحك من الموقف اللى حصل....

فى يوم وانا جالس فى مكتبى سمعت صوت جلبة شديدة بالخارج... كان واحد من المراجعين بيزعق ...فادخلته مكتبى علشان يهدأ ودار الحوار الأتى:

أنا : خير يا عمى مالك ؟

الراجل: هادول الفليبينيين ما يتكلمون عربى وانا ما أدرى ايش فى هذه الورجة (الورقة)... وكيف أوجع (أوقع) وانا مانى فاهم

أنا: يا عمى هذه الورقة لحمايتك عشان ما يكون فيه اى شىء معدنى فى جسمك لأنه ممنوع

الراجل: كيف يعنى معدنى ؟

أنا: مثلا مسمار...طلق نارى...كده يعنى.

الراجل : بس مو أنا اللى حاسوى الفحص.

أنا : أمال مين ؟

الراجل : الحرمة (مراته)

أنا : طيب أسالها و ووقع الورقة

الراجل: انا متأكد ان مافيها شىء....

وذهب الرجل من أمامى ثم عاد بعد دقائق زقال: بس يا دكتور انت تعرف ما فى حرج فى العلم.... وانا ما بغيت أخبى عليك.... ما أدرى هى تجول (تقول)...انها تعرضت اثناء الولادة الأخيرة لطلق صناعى,,,,, هذا فيه مشكلة ؟

وأغمى على من الضحك.

[amrhoras]

العزيز مونتى..شكرا على كلماتك

الأعزاء ...عمرو...أليكس لوفر....هو فين بقية السادة أعضاء الرابطة...؟ هل نظام البيات الشتوى من ضمن لوائح الرابطة ؟.... انا منتظر اجراء من اليكس لوفر (بصفتها الريسة الكبيرة) تجاه السادة الأعضاء اللى راحوا وما جوش.

وانا اقترح عليكم ان كل واحد يكون له على الأقل مشاركة واحدة يوميا...انشالله يقول صباح الخير ويقفل....أو مساء الخير...وينام....أو يقول حرف واحد حتى....مثلا....خخخخخخخخخخخ... واحنا حنفهم انه مشغول....... فى حلم طويل...

عندى اليوم ذكرى طبية حصلت اثناء عملى فى قسم الأشعة منذ سنوات.... أكيد حضراتكم أو بعضكم يعرف فحص الرنين المغناطيسى للأشعة وفيه يدخل المريض الى أنبوب طويل محاط بمغناطيس قوى جدا...ولذلك يجب ان يترك كل المتعلقات المعدنية بالخارج قبل دخوله غرفة الأشعة..... ومع التعليمات الواضحة...سواء بالكلام ...أو بالرسوم التوضيحية المعلقة فى كل مكان....الا ان بعض المرضى ساعات ينسوا ويدخل بموبايل أو كارت ائتمان ...واذا حصل فقل عليهم السلام...وانا شخصيا مرة نسيت محفظتى و اتمسحت كل كروت الأئتمان بتاعتى.... ولذلك عملنا ورقة فيها شوية اسئلة عن اى شىء معدنى داخل جسم المريض...مثلا رايش فى عينه...كسر قديم متثبت بمسمار معدنى....مثلا اذا كان تعرض فى يوم ما لطلق نارى لاحتمال وجود بقايا رصاصة فى جسمه....

معلش دى مقدمة عشان تعرفوا ليه انا كنت حاموت على روحى من الضحك من الموقف اللى حصل....

فى يوم وانا جالس فى مكتبى سمعت صوت جلبة شديدة بالخارج... كان واحد من المراجعين بيزعق ...فادخلته مكتبى علشان يهدأ ودار الحوار الأتى:

أنا : خير يا عمى مالك ؟

الراجل: هادول الفليبينيين ما يتكلمون عربى وانا ما أدرى ايش فى هذه الورجة (الورقة)... وكيف أوجع (أوقع) وانا مانى فاهم

أنا: يا عمى هذه الورقة لحمايتك عشان ما يكون فيه اى شىء معدنى فى جسمك لأنه ممنوع

الراجل: كيف يعنى معدنى ؟

أنا: مثلا مسمار...طلق نارى...كده يعنى.

الراجل : بس مو أنا اللى حاسوى الفحص.

أنا : أمال مين ؟

الراجل : الحرمة (مراته)

أنا : طيب أسالها و ووقع الورقة

الراجل: انا متأكد ان مافيها شىء....

وذهب الرجل من أمامى ثم عاد بعد دقائق زقال: بس يا دكتور انت تعرف ما فى حرج فى العلم.... وانا ما بغيت أخبى عليك.... ما أدرى هى تجول (تقول)...انها تعرضت اثناء الولادة الأخيرة لطلق صناعى,,,,, هذا فيه مشكلة ؟

وأغمى على من الضحك.

هههههههههههههه لا والله حلوه ضحكت والله wst:: طلق صناعى دى

فكرتنى بيوم لما رحت مستشفى مصر الدولى فى القاهره فالدكتور قال لازم تعملى رسم مخ الان واشعه بالرنين المغناطيسي على المخ

بيني وبينكم انا بقى دخلت فى فيلم حبيبي دائما بتاع بوسي و نور الشريف وكنت انا بلعب دور بوسي وامى طبعا هى نور الشريف وكانت الدمعه هتفر من عنيها

نزلت لدكتور الاشاعه واعطيته الورقه اللى مكتوب فيها نوع الاشعه

بصلى وقالى انت عمرك كام سنه كنت لم ابلغ ال 20 سنه بعد وقتها

قولتله 20 سنه ايه يادكتور الحاله ميئوس منها ولا ايه

اخذ شهيقا عميقا وقالى خير ان شاء الله وتقرا من عنيه اليأس

وطبعا زى ماسياتدك بتقول فعلا الحاجات المعدنيه لدرجه الحزام خلانى اقلعه ودخلت فى نفق كبيييييير اوى وانا نايم وقالى غمض عنيك

حاضر ياسيدى

10 دقايق وخلصنا وطكلعت صورة الاشعه

جت ماما خير يادكتور ؟

قالها انا عاوز اسألك سؤال ابنك فعلا عنده 20 سنه؟

قالتله اه والله 20 سنه في ايه قلقتني ؟ قالها متخفيش خير انشا الله

وطلعنا للدكتور (ماجد الحفناوى)

لقيت ماما على الباب بتقولى استني انت هنا

قولتلها لا لا بحب اتفرج والنبي عاوز اتفرج واشوف رد فعلك لو فى اخبار وحشه :blink: وانا فطسان ع نفسي من الضحك من منظر ماما والقلق واكلها

دخلت للدكتور

بص فى الاشعه

وبصلى انت عمرك كام سنه !!!!

يادى البتاع ع السؤال ده رحت مطلع البطاقه 20 سننه وربنا

قالى غريبه جدا

نام يابني على السرير

وجاب شاكوش كبييير ونل فيا ترزيع شد رجلك شد ايدك امسك على ايدي واضغط

قالى انت بتنام كويس؟

قلتله خالص مبنمش!!

عندك صداع علطول ؟

قولتله مذمن لدرجه ساعات بكون مش قادر افتح عنيا

قالى بس انا اول مره اشوف فقرات ظهر ومخ بالكبر ده :lol: حسيت بقي بتريقه

قولتله وما الحل يادكتور ؟

قالى انا هكتبلك مسكن حلو (نورجيسك) ب 2.5جنيه ونص كل ما تتعب خد منه

والحمد لله كنت باخد 4 او 5 فى المره الواحده لما بتعب كتيير ادمنته

بس لغاية الان لم افهم لما كل تلك الاسئله عن السن والتعجب من كل ذلك !!!!!! حاولت اسأله انما لا حياة لمن تنادى

هبقى احكيلم عن حكايتى مع الفشل الكبدى :) فى الحلقة المقبله

كان معكم عمرو حورس من احد العيادات الطبيه

[Alex Lover]

صباح الخير يا مصرييين

انتو فين النهاردة

KoKemen يا بختك ياللي رايح الاسكندرية ... مش كنت تقول علشان ابعث للاهل معاك 3 كيلو جمبري ... اصل الجمبري في الكويت رخيص

الشامي ... والله فكرتني كمان بسندوتشات الكفتة .. كان كل اصحابي يجيبوها معاهم في الرحلات وانا ابقى هتجنن عايزة اخد واحد سندوتش ومستنية بس نبدأ ناكل ونبدل سوا السندوتشات واذا بيها الاقيها سندوتشات معجنة وشكلها يوجع البطن ... علشان كده لغاية دلوقتي لما اعمل كفته في البيت لازم اعملي سندوتش اكله وافتكر الايام دي

اما عن الاشعة والله فكرتني .. انا باحس ان الواحد داخل تلاجة ... حلو اوي موضوع الطلق الصناعي ده هههههههههههههه بجد موتني من الضحك ... طيب بتعملوا ايه مع اللي مركب سنة دهب ؟؟؟ ولا مركب شريحة بالقدم .. ياريت تشحرلنا الموضوع ده

عمرو صباح الخير ... انا بجد سعيدة جدا بتواصلك ... والله مامتك دي صعبانه عليا اللي انت عامله فيها يعني هي قلقانه عليك وانت عمال تضحك ... بتفكرني بابني الوسطاني اياد ... اياد ده عايش في عالم تاني هو عنده سنتين ولكن دماااااغ خالص ولا الهوا . لسه حالا باتصل بيه في البيت اطمن صحي ولا لسه والساعة دلوقتي 8:30 صباحا باقوله فطرت قالي ايوه .. قلتله اكلت ايه .. قالي مكرونة بالباشاميل :blush2:

جابها منين دي مش عارفه

اكلها امتى مش عارفه

بيهزر ولا بيتكلم جد برضه مش عارفه

متعرفش تطلع منه غير بمعلومة واحدة واضرب دماغك في الحيط بقى لو عايز اي معلومة تانية

مونتي شكلك كده هتاخد لفت نظر .. انا عارفه انك مشغول بس برضه مايمنعش انك تحكيلنا حاجة صغنونة .. ربنا معاك وييسر لك الحال يارب

اخونا الفاضل مسالم ... منتظرينك

[amrhoras]

صباح الخير يا مدام اليكس

ولا نقول ام إيــــاد ربنا يحميه يارب ويخليهولك هو واخواته

محدش يفكرنى بالمكرونه بالشاميل لو سمحتوا الا اذا حد تبرع وبعتهالى :blush2: فكرونى براحتكم

على اد مانا تاعب الحاجوج بس بحس انه تعب محبوب ولا تنكرو يعنى !!!

الحمد لله على كل شيء بقى .

كل واحد فينا جواه حلم ! اكيـــــــــــد.

في مننا اشخاص حققوه كتــــير

لسه فى مننا اشخاص لسه أكــــــيد

إيه رأيكم نروح لبكره ونبحر شويه فى احلامنا ....؟ ونشوف ذكرياتنا ولا احلامنا الاحسن

مستني ذك... لالالا أحلامكم اقصد

عمرو صباح الورد على عيونكم يا مصريين مغتربين ومقيمين بمصر :ninja:

[ELSHAMY]

الأخت أليكس لوفر...الأخوة الأعزاء...السلام عليكم...ان شاء الله تكونوا بخير جميعا

بالنسبة لموضوع الطلق الصناعى...أنا عندى من المواقف دى كتير...

ونبدأ باسئلة الأخوة المستمعين..... وحيث انى حأبدأ أفتى فأستئذنكم انى استربع (بس مش حألبس العمة) :

جاءنا سؤال من الأخت المستمعة والتى رمزت لأسمها أ ل ى ك س ل و ف ر عن تأثير السنة الذهب فى أشعة الرنين المغناطيسى والجواب انى مش عارف.... :blush2: أقصد انه حلااال.....حلاأأأأل (الله يرحم الشيخ عطية صقر).... يعنى مافيش منها ضرر لأن الذهب معدن لا يتأثر بالمجال المغناطيسى ولكنه قد يشوش على صورة الأشعة.

والسؤال الثانى جاءنا من نفس المستمعة برضه (الظاهر مافيش حد فاتح الراديو غيرها) عن الأخ اللى مركب شريحة فى قدمه فيجب عمل أشعة عادية على القدم أولا للتأكد من أن الشريحة ثابتة فى مكانها....وما فيش اى مسمار متلخلع.

المصيبة فى ان قوة المغناطيس الرهيبة قد تجذب اى شىء معدنى بسرعة عالية جدا الى الجهاز .... وحصل قبل كده ان فنى الأشعة نسى ودخل المريض على تروللى معدنى فطار التروللى ولبس فى الجهاز من قوة المعدن (بس مش عارف المريض اللى كان عليه حصل له ايه) ناهيكم عن المقصات والمشارط....وبتكون المصيبة أكبر لو حد فعلا عنده جسم معدنى متحرك داخل جسمه...معناه انه ممكن يسبب تمزق لأحشائه الداخلية أثناء الحركة..... وأكبر مصيبة طبعا الناس اللى مركبين جهاز لتنظيم ضربات القلب ...لو دخلوا غرفة الأشعة على رجليهم....لازم حيطلعوا على نقالة....وبعديها حيطلعوا الى الرفيق الأعلى.

مخرج البرنامج بيقول لى ما فيش اسئلة تانية.... باين عليا حألغى البرنامج... نلقاكم فى حلقة قادمة

هذا وبالله التوفيق...

[ahmedarab]

صباح الفل والياسيمن والورد المعطر بريحة الكبدة الاسكندرنى والكفتة القاهرى ...وعشان متزعلش يا عم عمرو والمش الشرقاوى

انا اكتشفت النهاردة انى بقالى اكتر من شهر كل يوم اقرى المداخلات فى الموضوع الجميل دة واقعد استمتع واضحك ...بس من غير ولا مشاركة

تسالونى لية .....ايوة ؟؟؟؟

والله ما اعرف

وفجاءة لقيتنى بقول لنفسى يا واد يا احمد خش اكتبلك كلمتين ينفعوك ...وصبح على اجمل ناس

صباح الخير عليكم جميعا ..يا اسكندرنية ويا قاهريين ويا شرقاوية ....يا كل المصريين

انا معاكم ...طبعا بعد اذنكم ..وهاحول على قد ما اقدر انى اكون متواجد باستمرار

[amrhoras]

صباح الفل والياسيمن والورد المعطر بريحة الكبدة الاسكندرنى والكفتة القاهرى ...وعشان متزعلش يا عم عمرو والمش الشرقاوى

انا اكتشفت النهاردة انى بقالى اكتر من شهر كل يوم اقرى المداخلات فى الموضوع الجميل دة واقعد استمتع واضحك ...بس من غير ولا مشاركة

تسالونى لية .....ايوة ؟؟؟؟

والله ما اعرف

وفجاءة لقيتنى بقول لنفسى يا واد يا احمد خش اكتبلك كلمتين ينفعوك ...وصبح على اجمل ناس

صباح الخير عليكم جميعا ..يا اسكندرنية ويا قاهريين ويا شرقاوية ....يا كل المصريين

انا معاكم ...طبعا بعد اذنكم ..وهاحول على قد ما اقدر انى اكون متواجد باستمرار

يادى الهنا يادى السرور عم احمد عندنا يامرحبا تعالى يابني بالحضن ياغالى

والله ياحماده الرابطه نورت زياده بيك هى منوره باصحابيها بس بالنيابه عن الجميع وخصوصا مدام اليكس انا برحب بيك ترحيب خاص جدا والله انا فرحت لما لقيتك هنا

صباح جميل معطر على اجمل واجدع ناس

عمرو

[Alex Lover]

دكتور شامي صباح الخير

والله باشكرك جدا على ردك وتفسيرك لاني فعلا نستغربة وكنت عايزة اعرف سبب عدم دخول غرفة الاشعة باي معادن .. هنا في الكويت بييريحوا نفسهم وبيعطوا لاي حد داخل غرفة الاشعة عبايه من بتوع المجانين :blink: يلبسها لوحدها ,,,

السيد الفاضل احمدانا فعلا كنت باشوفك متابع الموضوع واقول دلوقتي هيقول .. دلوقتي يتكلم .. يا مسهل بس الحمد لله انك شاركتنا الف شكر ونتمنى ان لا تنقطع مشاركاتك

عمرو

هات 1/2 كيلو لحم مفروم واعمله عصاج بالبصل والسمن والملح والفلفل بس

اسلق كيس مكرونه (اقلام)

1 كيلو حليب (علبة حليب المراعي 1 ليتر) + 4 معالق كبيرة مليانه دقيق وقلبه كويس وهو على النار لغاية ما يتخن قوامه تقوم تضيف له ملح وفلفل وتسيبه يبرد شويه (ممكن تستخدم 2 كيس باشاميل كنورز) وبعدين تضيف له بيضه وتقلب بسرعه

حط 1/4 كمية الباشاميل على المكرونة

هات صينية مدهونه سمنه حط 1/2 كمية المكرونة وبعدين اللحم وبعدين النص التاني من المكرونة ثم باقي الباشاميل ونرش الوش بالبقسماط وشوية سمنة سايحه على الوش.

تدخل الفرن بس 10 دقايق وبعدين تشغل الشواية علشان السطح يتحمر والف هنا وشفا

bv:-

[ahmedarab]

عمـووور حبيبى الف شكر علي ترحيبك الحارة دة

وانا عايز اقولى انى انا اللى فرحان وزادنى شرف انى اشارك مع ناس جميلة اوى زيكم كدة وكمان فى ربطة محبى بلدى

مدام الكيس ..ميرسى قوىىى علي شكرك وان شاء الله لن انقطع عن المشاركة

صباحكم جميل

[amrhoras]

انا هغير فكرتى عن اهل اسكندريه ولا ايه؟

وعمالين نقول ابعتوا نحن نقبل الاعانات اخوانكم فى الصومال تقولي اعمل كذا bv:- هو يحنى ايه فرن وشوايه :blink:

بحسبوكى تقولى ابعتلك على وين المعكرونه :blink:

=========================

احمد يابني انت هتضيع الوقت ولا ايه فين الذكريات كلنا بقى وبعدين تقول ورايا وورك بقى

=========================

دكتور الشامى هو بس المشكله الألف واللام :P انا عاوز بقى تجبلنا كده ماوراء الكواليس وفكاهات العمل

ربنا يسعد ايامكم

عمرو

[مسالم]

السلام عليكم ..

عجبتني فكرة الاخ شامي .. ان نتواصل يومياً ولو بكلمه ... وعليه اقول ....

صباح الخييير ... ههههه

(والله مشغول جداً .. ربحنا مشروع ب 60 مليون .. وانا مدير المشروع) حكّمل معاكم .. في اقرب وقت .. ادوني فرصه اخلص الــ initiation وارجعلكم ..

تحياتي ..

تم تعديل 9 ديسمبر 2007 بواسطة مسالم

[Alex Lover]

60 مليون ايه ؟؟؟؟ :blink:

اولا الف مبروك ويجعل وشك حلو على الشركة

عمرو .... انت مش قادر تعمل مكرونة بالباشاميل ؟؟؟ ومش عارف يعني ايه فرن وشوايه :blink: ؟

امال هتتجوز ازاي ؟؟؟ انت مش عارف ان الرجاله هي اللي بتطبخ اليومين دول bv:-

سمعت عن حريق في كلية الدراسات الاسلامية بالشرقية مش انت من الشرقية برضه ... ياريت تطمنا

[Alex Lover]

اخونا الفاضل عمرو اثار نقطه مهمة وهي اننا نشارك بعض باحلامنا المستقبلية ونشوف ايهما اجمل الذكرى ام الحلم القادم

انا كل احلامي اني ارجع مصر بس يكون معايا فلوس ... وعربية وشقة كبييييييييرة يفتخر بيها اولادي ... ويعيشوا ذكرياتهم الخاصة في بلدهم زي ما عشاناها احنا وبنفتخر بيها على صفحات الموضوع الجميل ده

احلامي اني اعمل مشروع مشغل تريكو في مصر واشرف عليه بنفسي ويكون اسمه تريكو نادين(نادين دي بنتي ) الصغنونه

احلامي اني اعيش لغاية ما اشوف اولادي مخلصين دراستهم ومتجوزين وكده احس اني اديت رسالتي واطمئن عليهم لانهم بعد الجواز هيبقى بيتهم هو الاغلى ولو حسبناها يبقى مش قبل على الاقل 20 سنة لما اكبر واحد يفكر يتجوز .. ياترى هاعيش 20 سنة كمان آميييييييين يار ب

ياترى الباقيين ايه احلامهم

[ahmedarab]

ممكن انا اقول .....ادينى المايك والنبى ...ايوة انا انا هنا :yes: ..ايوة يا عم هات المايك بقى :P

شوفى انا حلمى انى اتجوز(على وشك ادعولى ) وزى كل مصرى بيحب مصر ..ارجع استقر فى مصر ..بس يكون معايا فلوس وشقة وعربية ...اصل من غير الفلوس فى مصر bv:- ربنا ما يوريك

وكمان نفسى اعمل مشروع صغير كدة بس يكون بتاعى واقعد بقى اعافر معة ومع الدنيا ..ممكن يكون حاجة فى الكومبيوتر ..او ممكن قطع غيارسيارات واكسسوار وكدة .

وكمان عايز اخلف وولادى يتربوا فى مصر و اربيهم كويس وخليهم يطلعوا مش سلبيين ومش مفتريين ويكونوا مرتاحين ومش احرمهم من حاجة ..بس يطلعوا مؤدبين وبيسمعوا الكلام :baby:

واعيش لحد لما ولادى يكبروا ويتجوزوا واطمن عليهم .... :old:

واخيراً نفسى ؟؟؟؟؟؟من غير ضحكو تريقة ....... ربنا يرحمنى وادخل الجنة :blink: :blink: