رابطة عشاق مصر (أليكس لوفر)

[Alex Lover]

فيهه تشابه كبير في الحلمين ... الف شكر على المساهمة وربنا ينولك كل اللي تتمناه

لما نشوف الباقيين

[ahmedarab]

فيهه تشابه كبير في الحلمين ... الف شكر على المساهمة وربنا ينولك كل اللي تتمناه

لما نشوف الباقيين

عزيزتى البكس لوفر

اعتقد انة هايكون فية تشابة كبيررر بين احلام كل مصرى مغترب وبيحب بلده وبيتمنى يرجعلها

وانا معاكى فى انتظار الباقى

تحياتى

[Alex Lover]

صباح الخير يا مصريين

صباح الخير يا عمرو .... عامل ايه ...

فين الباقي

روحتوا فين

مفيش احلام ولا ايه wst::

[ahmedarab]

صباح الخير والحب والجمال wst::

صباح جميل على كل المصريين برة وجوا مصر

انا بس جيت اصبح واشوف الناس راحت فين ؟؟؟؟؟

يظهر مفيش احلام يا اليكس لوفر ...فية ذكريات بس -_- :lol:

انا حلمت امبارح ...... مش هاحلم كل يوم بقى ..ولا اية ؟؟؟ :lol:

[amrhoras]

صباح شريف صباح كريم صباح عظيم

ايه الاحلام الحلوه دى ماشا الله ربنا يعطيكم كل اللى تتمنوه ان شاء الله قريبا جدددددددا

وخصوصا الاخ احمد wst:: اللى عاوز يتجوز ده عندكش عرووسه ليا يابني عروسه يامحسنين :lol: لله لله

انا حلمى بقى تفصيليا وليس كلمتين وبس :P

اعمل بيت وسط جنينه وله جراج الخاص (بدال ماقولكم اشترى عربيه) واى عملب خاص بيا ااقدر منه اوفر متطلبات بيتي من الابره للصاروووخ واتجوز بنوته جميله ( الجمال جمال الروح برده) وطبعا ممنوع منعا باتا العمل مش لانى راجعى لا والله ابدا بس انا ليا نظره خاصه اتمناها تكون ملكه متوجه فى مملكتى الخاصه تعي على ادى واد ظروفى قبل ماتقول طلب مثلا اكون انا جايبهلها اما بالنسبه للشغل ممكن تشتغل معايا وتساعدنى انما شغل بره نو جدا

واجيب الواد عبد الرحمن والبت سما ........ وبما انى اشعر بعدم الرضا لانى كنت اتمنى اخوات كتييير فحيب احمد ومحمد ومحمود بس اتمنى ان البنت تطلع واحده فقط

ليه؟ لانى بحب البنات هتكون اول فرحتى واجهزها احلى جهاز واوصلها لجوزها واربيها اجمل تربيه وطبعا اخواتها الولاد اطلعهم رجاله يعتمد عليهم يقفوا جنبها وجنب مامتهم لو ربنا كتبلى انى مش اكمل معاهم بقية المشوار بس اهم حاجه اكون امنتلهم مستقبلهم .

فى يقى حتة ارض تابعه بقيت ارض البيت ابنى عليه مسجد وملحق بمستوصف ودار ايتام علشان بموت فى الاطفال .

نيجي بقى للمهم امى بقى الست دى بقى مش عارف اعملها ايه ولا ايه ولا ايه

نفسي احججها كل سنه . واعملها شقه فى الدور العلوى لانها متحبش تسكن ارضى ابدا لانى عاوزها تعيش فى مملكتها الخاص (عارف هتقولولى طب خليها تعيش معاكم وكلكم خليكوا تحت رجليها ) مش جحود والله بس انا عارف هى تحب ايه هى عمرها ما طلبت بس فاهم كويس طول عمرها تقولى مهما كان الحب بين الست وحماتها الا ان كل واحده عوزه تعيش فى مملكتها وانا هعيش فى بيت ابوك طيب اجيب انا منين بس بيت فى بيت بابا لا هعملك بيت عيله ياستى -_- كله عمال يعد علينا :lol: تضحك لما اقولها كدى

بعد كدى ابني عماره عباره عن ادوار فوق بعضها كل دور باسم ولد من اولادى مضاف عليهم اول فرحتى اجمل واحلى بنوته اللى ربنا يخليها ويخليلها امها وابوها بنت اختى هجوزهم كلهم فى عماره واحده هتقولولى وليه تجيب الشقق للبنات

هقولكم طالما الولد ابن حلال ويستاهلهن عنيا له بس ينجح فى اختباراتى الاول :lol: وهعتبرهم كلهم اولادى لافرق بينهم خالص

وحلم صغير من احلامى انى اعيش فى الاسكندريه والله مش علشان انى بكلمكم لا بس اعشق اسكندريه واعيش فى اى حته بعيد عن الزحمه

بالنسبه للعربيه انا مش طالب عربيه معينه يادوبك لاند كروزر لا لا لا بهزر اى عربيه تلم العيله الكبيره دى ههههه دوشتكم كتييير بالحلم هههههه :lol: طيب مش محققه بقى ها :blink:

صباحكم ورد :lol:

عمرو

[amrhoras]

كنت عمال احلم وبعدين صحتونى من النوم

سورى اتأخرت شويتين كيف احوالكم اليكس والمعلم احمد ممبار :lol:

مستنى تفاعل اكتر بقي محبش كلمتين وبس احلام مش عاوز كروووووته لو سمحتوا wst::

احنا عوزين نقيم امبارح ببكره وقولنا فى امبارح قصص ومواويل كتير نألف قصص بقي شويه

مثلا اليكس ان شاء الله تجوز ولادها وتوصلهم لبيوتهم انشا الله بس انتى قفزتى مره واحده كدى دون اى تفاصيل

عم احمد اللى عاوز يتجوز وبعدين كل دى احلامك؟ وما بعد الزواج حلم ل 30 سنه يراجل ادام

صباح الورد عليكم

[ahmedarab]

صباح الفل يا عمووور

كل دى احلام ...دة انت عايز يجى.............. 20 جنية عشان تحققهم :lol:

انت عرفت حكاية ممبار دى :lol: .. اصلى لقيتة زعلان وفاهمنى غلط -_- قولت اما اجوعة :blink:

وبعدين يا عم انت مين اللى قالك انى بحلم اتجوز بس ؟؟ ما انا كاتب حجات كتير اهو ..انت بس اللى مركز فى الجواز wst::

صباح شريف افندم

تم تعديل 10 ديسمبر 2007 بواسطة ahmedarab

[amrhoras]

بيت القصيد انك تكون صوره مجسمه داخل عقلك ترى اشخاص وتتكلم معهم فى احلامك تعيش كأنك تعيش ذكرياتك

بس عجبتني حكايه من غير ماتضحكوا نفسي ربنا يرحمنى وادخل الجنه دى بقى عليك يابطل وكمان يراجل كلنا عوزين ندخل الجنه فمش تاكلنا برده وهتتكلم هتتكلم ياعزيزي الانكار مش هيفيدك

باين على اليكس كده عندها كبسه مديريه عاجله ربنا ينجيها يارب اليييييكس المديره وراكى انا مليش دعوه

عم مسالم ربنا معاك يارب معاك 60 جنيه سلف ؟ والله عرفت تهرب مننا يا ا/مسالم فين حكايه البنت الامريكاننننننيه دى

مش عارف بقى راح فين عمو مونتى ود / الشامى اليوم

سلام كبسه مفاجأه

[Alex Lover]

دي مش اي كبسة

دي كبسة باللحم wst::

بس هو مدير مش مديره :lol:

عموما انا اوجه نداء الى مونتي - ناش - فولانه - مسالم - دكتور شامي - محسن سمك - وكل اعضاء الرابطه برجاء تسجيل حضور ومتابعه ومشاركة علشان خاطر مصر :lol:

[amrhoras]

والله يا اليكس انتى بنت حلال كل شويه تقولى كلمه القطها بالردار اطلع فكره علطول

اذكر / اذكرى اهم مدير فى حياتك سواء ذكرى حلوه او ....... مش حلوه :lol:

بس برده بعد سرد الاحلام طبعا

================

على فكره المدير الراجل ارحم الف مره من المديره

تحياتى

عمرو wst::

[salemhegazy]

و الله احنا المصريين احلامنا بسيطة و كل املنا نعيش زى بقيت الخلق مع توافر الاحتياجات الانسانية الضرورية لحيا الانسان حياة كريمة احنا موش طمعيين عايزيين نعيش زى خلق الله

الاخ مسالم مجال شغلك ايه بالضبط؟

[mogly]

مساء الخير يا سادة

اسمحولى اعرفكم بنفسى انا جديد هنا و لفت نظرى موضوع الأحلام اللى نازلة ترف دى و اللى كلها زى ماقال الأخ سلامة بسيطة و واقعية

انا قلت طب ليه ما أحلمش انا كمان و على راى مش عارف مين اللى كتبها لمحمد منير لو بطلنا نحلم نموت و دى حقيقة و الله حاكم ان الموت

ده مش كله مادى فيه منه معنوى و ده الأصعب اللى بتبقى لا انت ميت و مستريح و لا انت عايش و متفاعل

انا حلمى انى اقدر اربى ولادى فى مكان كويس و يكون هوه ده المكان اللى ح يستقروا فيه و يبنوا فيه مستقبلهم و علشان كده انا باحلن ان مصر

تتغير و ترجع حضن لينا من تانى، نفسى انى ارجع مصر اعيش فيها انا وولادى و نحس اننا بنى ادميين ماحدش صاحب سلطة يقدر يقهرنا

نفسى الاقى مصر بدون تمييز و لا عنصرية لصالح مال او سلطة او جاه و يبقى الفضل فيها للأصلح ، المواطن الشريف و النزيه يتعامل على انه

كده و المخطئ ياخد عقابه

نفسى احس ان بلدى هى احسن مكان فى الدنيا اعيش فيه و لو خرجت منها للهجرة او العمل ده يبقى لعيب فى انا مش فيها و مايبقاش

الأختيار الأفضل لناس كتير انهم يسيبوا البلد مش مهم لأيه لكن اطلع بره و بس

نفسى ما اخافش و انا فى بلدى و نفسى ما ابقاش غريب و انا فى وسط اهلى و لو اتحقق الحلم ده انا نفسى بقى فى حتة ارض زراعيه

علما بانى ما افهمش فى الزراعة خالص بس كده بأة و ابنى فيها بيت و اعيش انا وولادى بعيد عن زحمة المدن و دوشتها و انا انهى حياتى

فيها و هما يكملوا من بعدى و مش عايز عربية حصان عربى بحسبة نص مليون كفاية على و مش عايز حمام سباحة كبير و احد صغير كفاية

و يعنى لو ساونا و نادى صحى يبقى كتر خيركم جدا

شوفتو بقى بسيطة ازاى

انا عارف حد ح يقول لى اشوفك فى الجنة يا معلم

ده بقى الحلم الأخير ، ان شاء الله كلنا نتقابل هناك على خير

موجلى

[ahmedarab]

اخ موجلى

اسمحلى ارحب بيك فى رابطة محبى وعشاق مصر

واسمحلى اشاركك حلمك بان مصر تبقى احسن واامن واجمل مكان فى الدنيا

واسمحلى كمان احلم معاك باننا نتقابل فى الجنــــــــــــــــة

قلبت عليا المواجع ....... الله يسمحك

اهلا بيك مرة تانية بينا فى بيتك .... بيت كل المصريين

[Alex Lover]

الأخ الفاضل Mogly

اهلا اهلا اهلا بيك وسطنا

اعرفك بينا ..

احنا رابطة عشاق مصر ، والموضوع لو قراته من البدائية بيتشعب وكله بينصب في حب مصر وذكرياتنا الجميلة في مصر علشان ماتخدناش الغربة وتنسينا ايام حلوة عشناها على ارض مصر

ارجو انك تستمر في التواصل معانا وياريت تحكيلنا شوبة عن ذكرياتك في مصر لان ده جواز المرور للرابطة -_-

والورد ده هديه مننا جميعا

wst:: :lol: :lol:

[amrhoras]

ا/موجلى ا/موجلى

مرحبتين بيك وبأحلامك وذكرياتك اللى هنعرفها هنعرفها

انتو انهارده بتاكلونى كيتيير اوى مش مهم بس حضرتك مكملتش التاعرف من وين يا باشا اوعى تطلع من اسكندريه :lol: انا اروح انتحر بقى :lol: بس متقولش لاليكس

الف مرحب بسيادتكم وفرصه مره اخرى wst:: عارف هتقزأ منى قريب بس خليها فى سرك :lol:

مرحب بيك فى وسطنا وفى بيتك الصغير جدا مركز تجمع عقلى يقرب المسافات ويجعلنا داخل بيت واحد اخوه واخوات حبيت بس ارحب بحضرتك الى جانب اخوتى واخوانى المصريين

شكرا

عمرو حورس :lol: -_- :blink:

[salemhegazy]

الاخ موجلى اهلا بيك و ياريت تزيد التعارف على فكرة اسمى هو سالم حجازى موش سلامة خد بالك بعد كدة انت لسه جديد هنا

[Alex Lover]

محافظة الشرقية علشان عمرو مايزعلش

[ahmedarab]

الله يا اليكس

صور جميـــــــــــــــــــــــلة جدا والله

اول مرة اعرف ان الشرقية حلوة كــدة

على فكرة مع انى قاهرى بس الجدور من هناك .... بس متقوليش لحد

[amrhoras]

:lol: ممش شايف الصور wst::

اليكس انتى سمعتى حاجه كدى ولا كدى ولا كدى يعنى

واضح ان أ/ موجلى جاى يهدى النفوس :lol:

عموما شكرا لكى يا اجدع اخت مع انى لسه مشفتهاش

تحياتى

عمرو

[mogly]

السادة و السيدات

الكس ( انتى المفترض انك صاخب المخل مش كده) ، عمروحورس،أحمدعرب،سالم حجازى (يا أخى أفتكرتك المطرب الكبير)

و الله اشكركم على الترحيب الحار و لو انى نزلت عليكم بباراشوت من غير احم و لا دستور بس يعنى طالما فيه شرقية فى الموضوع يبقى فيه كرم

و بعدين حكاية الزكريات دى لازم يا عمرو ، علشان لو لازم يبقى ما أعطلكوش و اشوفكم امس لأن الحكاية مش ناقصة فضايح اصلها

محسوبكم موجلى عبد المتجلى موجلى من جنجل بووك (حد شافه) و متيم بافلام ديزنى (القديمة بس) و ده سبب الأسم

انا مهندس ميكانيكا و امن صناعى و حاليا سيفتى مدير فى شركة امريكية بالخليج و انا قاهرى مش اسكندرانى و يبدو ان فيه خناقة بسبب الموضوع ده

على اى حال انا بقى لى كتير مش فى مصر و اعتقد انى لو فيه نصيب و رجعت مش ح ارتبط قوى بالمكان و افتكرو الحلم بتاعى و الأرض الزراعية طبعا يستحيل تحقيقه عمليا فى القاهرة ، شفتم، أهاااااااا

بس انا من القاهرة اللى فيكم يعرف المعلمين جنب روكسى انا اصلا من هناك و كنت فى الطبرى الإعدادية و الثانوية بس الكلام ده من حوالى كام و كمشين سنة كده على اى حال انا فى العقد الرابع من العمر باعتبار ان ده يعنى حاجة و عشرين سنة، على اى حال دى كلها حاجات مالهاش لزوم

كفايه كده علشان اصلى المغرب و الى لقاء

و اشكركم مرة اخرى على الترحيب و على قبولى فى المنظمة

تصبحوا على خير