رابطة عشاق مصر (أليكس لوفر)

[أبو محمد]

اخوانى و اخواتى احبائى فى اللة

و احبائى فى رابطة عشاق مصر

مين فينا مش بيفتكر جمال مصر لما بيسمع اغنيات جميلة من الزمن الجميل

كفاية تسمع عبدالوهاب او ام كلثوم او محمد قنديل و تشم ريحة مصر

كفاية تسمع محمد عبدالمطلب بيغنى ساكن فى حى السيدة و تفتكر دور الطاولة التمام على قهوة التجارية فى المنشية مع اصدقاء العمر

ولا لما عبد المطلب يغنى بياع الهوا و تحس نفسك قاعد على قهوة سيدى جابر على محطة القطار (على فكرة بقى لى نص ساعة بحاول

افتكر اسم القهوة مش فاكرة خالص يا ريت حد من الاخوة يفكرنى و لة جزيل الشكر)

شكلنا عجزنا خلاص و لا اية يالا حسن الختام :lol: wst:: wst:: :wub:

القهوة إسمها "قهوة عبد الكريم"

على ذكر القهاوى والكافيتيريات .. كنا ساعات بنخرج من الكلية يوم الخميس .. نتمشى لغاية سينما أوديون فى كامب شيزار .. نتفرج على فيلمين (أفرنجى) عرض تانى على قد الميزانية .. ونخرج من السينما إلى "قهوة والى" على البحر .. ناكل ونشرب ونتفرج على التليفزيون ونلعب طاولة وشطرنج .. دى كانت من أفضل وأرخص الفسح .. يوم كامل كل واحد فينا يصرف له فيه ييجى 10 صاغ

فى أيام المذاكرة فى الشتاء .. كنت أذاكر مع صديق فى الإبراهيمية .. عندما كانت تحين ساعة الفسحة ، كنا ننزل من عنده نمشى بتاع 100 متر لحد عربية بليلة على الرصيف ناكل طبق أو اتنين بليلة ، ده فى الشتا .. أما فى الصيف فكان الرز ابو بلبن بيحل محل البليلة .. هذه العربة على الرصيف تطورت بعرق وكفاح صاحبها إلى محلات "صابر" المنتشرة فى جميع مدن الجمهورية .. نموذج آخر للعصامية والكفاح والنجاح ..

قهوة كريستال على البحر .. بين محطة الرمل والمنشية .. شهدت تجمعا حزينا منكسرا لشلة الأصدقاء فى وقت الغروب من يوم الأحد 11 يونية 1967 .. الدموع كانت متجمدة فى العيون .. روجعت المواقف والمعتقدات .. شلة الأصدقاء هذه منها من استشهد فى حرب الاستنزاف أو حرب أكتوبر 73 .. ومنها من أنجاه الله ليشهد تحرير الوطن .

كافيتريا "أستريا" فى شارع صفية زغلول ، أمام سينما مترو ، شهدت لقاء الشلة فى أواخر عام 1968 ونحن على أعتاب التخرج .. كنا نعلم متى سنلتحق بالقوات المسلحة ، ولم نكن نعلم متى سنخرج منها ، فقد كان موعد الخروج مرتبطا بموعد "إزالة آثار العدوان" .. قعدنا نحسب إمتى ممكن نخرج ؟ .. لم تكن هناك إجابة محددة .. قعدنا نفترض إننا حنخرج وحنعوز نتجوز ونكوّن أُسر زى خلق الله .. طيب حنحتاج كام فى الشهر ؟ .. مازلت أذكر الرقم الذى ألجمنا ..... 55 جنيه شهريا ... قلنا بلاها سيرة .. كفاية يأس .. ناخد البكالوريوس الأول وربنا يفرجها .. مرت الأيام بحلوها ومرها .. وتزوجنا ، وأصبحنا آباء ومنا من أصبح جدا له أحفاد مالية دنيته .. هناك مع اليأس أمل .. ومع الموت حياة .. ومع الانكسار انتصار

إلى اللقاء

[أبو محمد]

مغتربة بين اسكندرانية فى التوبيك

السلام عليكم يا اسكندرانية

انا من الجيزة ويشرفنى ان انضم اليكم

انا مش كنت باحب اسكندرية من 4 سنوات ولى اسبابي

لانى غرقت فيها واتعقدت منها لكن لما روحتها تانى وتالت حبيتها جدا وعرفت السبب انا غرقت ليه

ألف حمد لله على سلامتك يا نجفة .. قريت موضوع الحادثة بتاعك وألف حمد وشكر لله على نجاتك .. الأخوة والأخوات قاموا بالواجب وأشاروا عليكى بالصدقات وأعمال الخير وليس لدى ما أضيفه إلى ما تفضلوا به .. فقط أشير عليك بكورس فى القيادة الوقائية Defensive Driving بالذات لمن يقود سيارة فى دولة من دول الخليج .. أما هنا فى مصر فالموضوع له قواعد مختلفة :lol:

وألف حمد لله على سلامتك من الغرق فى شبر ميه ولو انها متأخرة شوية wst:: .. أوصفى لنا الجيزة وجمال الجيزة يا نجفة .. أكيد أكيد الجيزة لها سحرها وجمالها فهى تجمع بين الريف والحضر ..

[Alex Lover]

اختى العزيزة

الله ينور عليكى فى الكلام اللى بتقوليه ده و انا فعلا باعانى من نفس المشكلة هنا فى الامارات ... كل ماتيجى سيرة مصر فى محادثتنا نحن المصريين الاخوة مايبطلوش سب و لعن ولما اقوم ادافع بيقولى على وطنى عبيط ... بس صدقينى انا عينى بتدمع فى كل مناسبة تمر على وانا بعيد عن امى مصر ... و حبيبتى الاسكندرية (اصلى اسكندرانى) ..... و انا معاكى فى هذه الرابطة وربنا يوفقك .... ويحفظ لينا امنا الحبيبة مصر بحلوها ومرها ....

أبو مروان

اهلا بيك يا أبو مروان شرفتنا

المشكلة دي مش مشكلتك لوحدك ، كتير اوي مننا في الغربة بيعاني من الفئة دي .. بس يا ترى فيه حد عنده تفسير او تبرير للي بيحصل ده بيحصل ليه ؟؟؟ وليه هما مختلفين عننا وشايفين البلد وحشة اوي كده ، ماتيجي نعالجهم يا جماعة ، اعتقد ان الموضوع اللي بنكتب فيه ده لو اطلع عليه واحد منهم هيراجع نفسه وهيحن لمصر وذكرياته وهيبعد شوية عن عجرفته

ولا ايه رأيك ؟

[Alex Lover]

مغتربة بين اسكندرانية فى التوبيك

السلام عليكم يا اسكندرانية

انا من الجيزة ويشرفنى ان انضم اليكم

انا مش كنت باحب اسكندرية من 4 سنوات ولى اسبابي

لانى غرقت فيها واتعقدت منها لكن لما روحتها تانى وتالت حبيتها جدا وعرفت السبب انا غرقت ليه

واليكم النيأ

فى الكلية عندنا انا طبعا كنت فى اتحاد الطلبة وكنت رئيسة فريق التمثيل طوال مدة الكلية يعنى رحلات ببلاش وحفلات ببلاش وكل شيء فري وانا طبعا فقرية من يومى كنت باشتغل وادرس يعنى بالليل باشغل والصبح فى الكلية وبعد المحاضرات يا دوب انام 4 ساعات عشان الحق اروح الشغل فكل الرحلات مش باطلعها باجلها فى اجازتى السنوية واروح كل مكان نفسي فيه

المهم طول مدة الكلية يتحيلوا على اروح اقول لاء وجم اصحابي قالولى لاء احنا فى رابعة دلوئتى والسنه الجاية امتياز يعنى مش هنطلع رحلات تانى ودى تعتبر اخر سنه لينا لازم نعوض قولتلهم طيب مش هينفع اغيب من الشغل قالولى لا روح الشغل واستاذنى بدرى والباص هيطلع 8 صباحا من القصر العينى والمستشفي فى المهندسين يعنى 15 ساعة بتكسي هتكونى هنا قولت ماشي العيال مكدبوش خيبر انا جيت من الشغل دخلت الباص نمت لحد ماوصلنا اسكندية الجميلة اللى نفسي كنت ازروها المهم

طبعا بقي اول مرة اروح رحلة تبع الجامعة ومعرفش نظامهم ايه واصحابي بيمجدوا فى الرحلات اللى بيطلعوها

المهم صحيت عند مدا الاسكندرية

واستقر بنا الباص على ناصية بحر كدا وقال انزلوا نزلنا فى الشارع واذا بنا فى شاطيء يسمى ميامي

انا بقي متظرة شماسي كراسي اى حاجة المهم لاقيت الباص معرفش ركن فين واحنا بقي مسطحين عالشاطيء ابو بلاش بقي لا كراسي ولا شماسي قالوا اللى عاوز يجيب على حسابة قولت طيب

المهم غيرنا هدومنا واحنا لسة عالشاطيء يعنى الماية لسه عند الركبة وماشين وطبعا تحت الكبرى الخشب اللى داخل البحر عميق وانا ماشية وصحبتي جنبي ماسكة فى وطبعا مطمئنة ان الماية لسة سطحية وغير كدا انا باعرف اعوم واخدا بطولات فى عوم الترع فى النجع عندنا يعنى واثقة من نفسي واحنا ماشين واذا بى انا وصحبتي نقع فى العميق تحت الكبرى ومن الخضة طبعا والموقف خدنا على خوانا انا وصحبتيى غرقنا عالشاطي وشربنا ماية وباقي اصحابنا بالمشرفين اللى معانا بدوؤا فى الصريخ المهم الناس اللى مسطحين فوق الكبري بيتفرجوا على اللى بيعوم فى الماية طبعا شاطيء ببلاش

المهم اتنين نطو فى الماية واحد جه عندى وواحد لصحبتيى المهم الراجل حاول يرفعنا ويجيى 20 واحد من فوق بيمدوا اديهم عشان يطلعونا فى الكبري واذا بللى بيمسك ايدي اشدة من فوق يقع فى الماية بقي 2 يشلوا وبالاقي يشد انا طبعا كنت من الخضة مش بساعد خالص وشكلى كنت تقيلة اوى المهم فشلوا انهم يطلعونا فوق الكبرى راحو جرونا رمونا عالشاطيء واصحابني بدؤا بقي يمارسوا علينا المهنة لحد ما فوقنا وهاتك يا طريقة اننا ازاى بنغرق فى شبر ماية قاصدى على الشاطيء

المهم بعد مارتحنا وجاء وقت الصور الحجارة اللى فى كام مش شغالة قولنا خلينا نروح نجيب حجار من شارع بن الوليد جنبنا وندور على الجزم بتاعتنا مش لاقينها تقريبا اندفت فى الرمل او اتسرقت الله اعلم المهم مشينا حافين فى شارع خالد بن الوليد ولاقينا استديوا قريب على الجهة اليمين من الشارع جبنا فيلم جديد واشترينا حجارة ورجعنا واستمتعنا

وجاء معاد المرواح

الاتوبيس اول ما بدا يدخل على بداية الطريق الصحراوى لاقينا دخان جامد وبعدين طلع ان الاتوبيس سخن وولع من ورا حته صغير كلنا نزلنا وطفينا الحريقة وركبنا تانى مافيش كام خطوة ولاقينا زجاج الاتوبيس الخلفي اتكسر ووقع لوحدة وقفنا سطحنا فى الشارع وبعدين فكرنا اننا نحكم قفل الستائر ونستحمل لان الليل دخل واصحابنا بدؤا يعيطوا وطبعا مكنش فيه موبيلات المهم وصلنا على اول رست والناس نزلت تكلم اهلاليها

طبعا الجروب بتاعى كنا ساكنين فى المدينة الجامعية يعنى مش فارق معانا ولا حتى اهالينا يعرفوا اننا فى رحلة واحنا بقي كنا فى منتهى الساعدة وعمالين ناكل اكلهم ونغنى ونقولهم مش معقول هتكلوا وانتوا حزنانين

وبعدين العيال كلموا اهاليهم ورجعوا الباص والباص راس وراس مايشتغل العيال انهاروا وقالوا احنا هنقوف فى الشارع ونشلور على عربية نركبها وهما بقي منهرين ومحتارين واحنا داخل الباص مراتاحين ونايمين ولا هممنا

العيال اتغاظوا مننا راحوا صدمونى فى وشي وقالولى طلعنا رحلات كتير وقليل وعمرا دا محصل انتى قدمك سعد لو اى رحلة هتكونى فيها بعد كدا مش هنطلعها وحملوانى انا المسئولية ان وشي نحس عليهم :lol: wst::

وبعدين الباص ربنا نفخ فى صورته واشتغل ووصلنا عند القصر العينيى الساعة 3 صباحا والمفروض كنا نوصل 9 وطبعا تجمع وتجمهر الاهل امام القصر العينيى واحنا نازلين بردين وقولنلهم كدا نهون عليكم متكملوش السهرة معانا

دى كانت رحلتى الوحيدة مع الجامعة واعتبرها الزهم على الرغم اللى حصل فيها

وبعدين بقي شوفت اسكندرية بعين تانية لما روحت مع الاسرة وروحنا المنتزة وكنا ساكنين بردة عالبحر فى شارع خالد ين الوليد يعنى تجديدا للذكرى بس 15 يوم كانوا جمال جدا

وبجد اسكندرية جميلة اوى ويبختكم بيها

سورى رغيت كتير اوى اصل كل ما تيجي سيرة اسكندرية افتكر الموقف دا اللى مستحيل انساه

يااااااااااااااااااااه يا ريتنى ارجع تانى لايام الدراسة

قلبتى على المواجع يا اليكس wst::

نجفة انا هاسميكي نجفة حوادث هههههههههههههه :wub:

اوعي تزعلى أنا باهزر ، بس الانسان اللي بيتعرض لكل دي مفارقات والله العظيم ربنا بيحبه ، وواضح انك انسانة عفوية وبسيطة ياريتك كنتي في الكويت علشان نقعد نتكلم ونحكي لاني عندي من المواقف دي كتيييييييييييييير يعني فيه معاكي اليكس حوادث برضه ههههههههههه

بس بجد يا نجفة جميل اوي اللي حكيتية خليتيني اتخيل معاكي كل شبر في اسكندرية ، بس لو ممكن كمان تقوليلنا ايه تاني بتحبيه مش شرط في اسكندرية لا في اي شبر في ارض مصر ، ومتقوليش اني قلبت المواجع دي الذكري هي اللي بتهون علينا مواجع الغربة

نورتي الموضوع يا نجفة :)

[Alex Lover]

اخوانى و اخواتى احبائى فى اللة

و احبائى فى رابطة عشاق مصر

مين فينا مش بيفتكر جمال مصر لما بيسمع اغنيات جميلة من الزمن الجميل

كفاية تسمع عبدالوهاب او ام كلثوم او محمد قنديل و تشم ريحة مصر

كفاية تسمع محمد عبدالمطلب بيغنى ساكن فى حى السيدة و تفتكر دور الطاولة التمام على قهوة التجارية فى المنشية مع اصدقاء العمر

ولا لما عبد المطلب يغنى بياع الهوا و تحس نفسك قاعد على قهوة سيدى جابر على محطة القطار (على فكرة بقى لى نص ساعة بحاول

افتكر اسم القهوة مش فاكرة خالص يا ريت حد من الاخوة يفكرنى و لة جزيل الشكر)

شكلنا عجزنا خلاص و لا اية يالا حسن الختام :lol: wst:: wst:: :wub:

القهوة إسمها "قهوة عبد الكريم"

على ذكر القهاوى والكافيتيريات .. كنا ساعات بنخرج من الكلية يوم الخميس .. نتمشى لغاية سينما أوديون فى كامب شيزار .. نتفرج على فيلمين (أفرنجى) عرض تانى على قد الميزانية .. ونخرج من السينما إلى "قهوة والى" على البحر .. ناكل ونشرب ونتفرج على التليفزيون ونلعب طاولة وشطرنج .. دى كانت من أفضل وأرخص الفسح .. يوم كامل كل واحد فينا يصرف له فيه ييجى 10 صاغ

فى أيام المذاكرة فى الشتاء .. كنت أذاكر مع صديق فى الإبراهيمية .. عندما كانت تحين ساعة الفسحة ، كنا ننزل من عنده نمشى بتاع 100 متر لحد عربية بليلة على الرصيف ناكل طبق أو اتنين بليلة ، ده فى الشتا .. أما فى الصيف فكان الرز ابو بلبن بيحل محل البليلة .. هذه العربة على الرصيف تطورت بعرق وكفاح صاحبها إلى محلات "صابر" المنتشرة فى جميع مدن الجمهورية .. نموذج آخر للعصامية والكفاح والنجاح ..

قهوة كريستال على البحر .. بين محطة الرمل والمنشية .. شهدت تجمعا حزينا منكسرا لشلة الأصدقاء فى وقت الغروب من يوم الأحد 11 يونية 1967 .. الدموع كانت متجمدة فى العيون .. روجعت المواقف والمعتقدات .. شلة الأصدقاء هذه منها من استشهد فى حرب الاستنزاف أو حرب أكتوبر 73 .. ومنها من أنجاه الله ليشهد تحرير الوطن .

كافيتريا "أستريا" فى شارع صفية زغلول ، أمام سينما مترو ، شهدت لقاء الشلة فى أواخر عام 1968 ونحن على أعتاب التخرج .. كنا نعلم متى سنلتحق بالقوات المسلحة ، ولم نكن نعلم متى سنخرج منها ، فقد كان موعد الخروج مرتبطا بموعد "إزالة آثار العدوان" .. قعدنا نحسب إمتى ممكن نخرج ؟ .. لم تكن هناك إجابة محددة .. قعدنا نفترض إننا حنخرج وحنعوز نتجوز ونكوّن أُسر زى خلق الله .. طيب حنحتاج كام فى الشهر ؟ .. مازلت أذكر الرقم الذى ألجمنا ..... 55 جنيه شهريا ... قلنا بلاها سيرة .. كفاية يأس .. ناخد البكالوريوس الأول وربنا يفرجها .. مرت الأيام بحلوها ومرها .. وتزوجنا ، وأصبحنا آباء ومنا من أصبح جدا له أحفاد مالية دنيته .. هناك مع اليأس أمل .. ومع الموت حياة .. ومع الانكسار انتصار

إلى اللقاء

السيد الفاضل أبو محمد

من النادر جدا ان يلتقى الفرد بشخص ذو عقلية حكيمة وحضور مثلك ، وانا اعتبره مكسب لي ان تشرفني بالمشاركة في موضوعاتي المتواضعة ، اسال الله ان يديم الترابط بين المصريين جميعا ،

أشعر ان في جعبتك المزيد والمزيد من الذكريات التي تشعرني وانا اقرأها انني اشاهد احدى المسلسلات الوطنية الناجحة ... بجد بجد ننتظر المزيد

[Alex Lover]

مش معقول اكون انا كاتبة الموضوع واكتفي بالرد على السادة اعضاء الرابطة فانا عندي من الذكريات والمواقف الكثير

بس انا هاتناول الذكريات الاقرب فالأبعد ، وسوف اتناول شهامة ولاد بلدي وجيراني لما جوزي سافر الكويت ومكنش لسه اخدنى معاه واصريت اني اقعد لوحدي مع ابني

الصغير لغاية ما اسافر وده طبعا مش معقول يحصل الا اذا كنت حاسة بالامان ولان دي مصر واهلى حواليا بتكون مطمئن لكن لو فى الغربة مين قدر تسكن في شقة طويلة

عريضة لوحدها ، المهم

اتعرضت لكثير من المشاكل الطارئة زي كهرباء تولع انبوبة تفضى ابني يسخن .. ما اجملك يا مصر لما تخبط على جارك تسنجد بيه وشهامته تخليك تقشعر وعايز تعيط مش

عارف ليه ، يجري ومراته تجيلي وتقف جنبي وحسيت وقتها ان اهلي ساكنين معايا في نفس البيت

هنا في الغربة جيراني من الجنسية اللبنانية والسورية ومفيش بينا اختلاط ويوم وصلني خبر وفاة امي قمت اصرخ في نص اللليل باعلى صوتي والله يا جماعة باعلى صوتي

ومع العلم انهم كانو على السلم بيتكلمو الا انهم محدش فيهم فكر يدق على الباب يشوفني باصرخ ليه ،،، يمكن فكرو ان جوزي بيضربني مثلا ... بس حتى لو كده ميقابلش

الموقف بالبرود ده ،

لأ برضه الحياة في وسط ولاد بلدك شئ تاني

وحشتيني يا مصر

تم تعديل 18 سبتمبر 2007 بواسطة Alex Lover

[seeem]

اختى العزيزة

الله ينور عليكى فى الكلام اللى بتقوليه ده و انا فعلا باعانى من نفس المشكلة هنا فى الامارات ... كل ماتيجى سيرة مصر فى محادثتنا نحن المصريين الاخوة مايبطلوش سب و لعن ولما اقوم ادافع بيقولى على وطنى عبيط ... بس صدقينى انا عينى بتدمع فى كل مناسبة تمر على وانا بعيد عن امى مصر ... و حبيبتى الاسكندرية (اصلى اسكندرانى) ..... و انا معاكى فى هذه الرابطة وربنا يوفقك .... ويحفظ لينا امنا الحبيبة مصر بحلوها ومرها ....

أبو مروان

اهلا بيك يا أبو مروان شرفتنا

المشكلة دي مش مشكلتك لوحدك ، كتير اوي مننا في الغربة بيعاني من الفئة دي .. بس يا ترى فيه حد عنده تفسير او تبرير للي بيحصل ده بيحصل ليه ؟؟؟ وليه هما مختلفين عننا وشايفين البلد وحشة اوي كده ، ماتيجي نعالجهم يا جماعة ، اعتقد ان الموضوع اللي بنكتب فيه ده لو اطلع عليه واحد منهم هيراجع نفسه وهيحن لمصر وذكرياته وهيبعد شوية عن عجرفته

ولا ايه رأيك ؟

انا اعرف من هذه الفئة اشخاص عدة .

الحرمان والاحباط اللى شافه فى مصر زي ما قال احدهم بلسانه واللى عرف يحققه فى الغربة خلاه يكره سيرة مصر ويعمل زي ماذكر الاستاذ ابو مروان.

صحيح انه تفكير غلط فى غلط لأنه بينم على شخصية ضعيفة غير قنوعة. بس اظن ده حال كثير من المغتربين الناقمين.

للأسف ممكن تتعرض لموقف من فرد او من جهة حكومية تخليك تعتقد بإنك مش بتحب مصر.

الحقيقة اغلب هذه النماذج يعبر عن هروب الفرد من مواجهة نفسه ومحاولة التعايش مع الواقع ومحاولة تقليد من سافر والتمتع بما حرم منه فى بلده. وهو ما يتبعه عند تحقيق الهروب محاولة اثبات عدم الاحتياج او الاعتماد على اصله وبلده بإنكار فضلها وحتى حبها. هذه الشخصية تحاول ان تنتصر على شعورها القديم باليأس والعجز فى تحقيق اهدافها فى مصر بالتشهير بهاو اثبات ان هروبها من مصر كان خطوة صحيحة.

بس سيبكم بقه من الكلام التخين ده وخلونى اسبح فى ذكرياتي عن مصر. مع ان اغلب الذكريات جايه على اكل امي وصينية الكنافة (مش عارف دي تخاريف رمضان ولا فعلا ذكرى) وافتكر قبل العيد دايما بيومين او تلاته لما تبدأ قعدة الكحك واشيل صوانى اطلع بيها على الفرن اللى جنبينا وارجع اجيب غيرها واكمل طول الليل لحد ما العملية الفدائية تنتهى قبل السحور. وريحة الكحك تعبق البيت من اوله لأخره وياسلام لما تخش الجمعة الحزينة (اخر جمعه فى رمضان) وتكون بالصدفة قريبة من العيد . تتمزج ريحة الكحك بالبخور فى حدث لايتكرر.

يلا كل سنه وانتم طيبين خلتونى احس بريحة الكحك فى مناخيري.

وحشتيني يامصر

[seeem]

على فكره انا ماكنتش لسه قريت المشاركة الاخيرة ومضيت بــ "وحشتيني يامصر" بس بجد ده توافق جميل فى الفكرة والموضوع.

فعلا الشهامة والجدعنه والامان من اغلى الحاجات اللى الواحد عرفها واتعلمها فى مصر.

مصر اللى ربنا ذكرها فى القران وربطها بالأمان هى هى مصر الى فيه ناس بتحاول تبعدنا عنها بس لأ. دي بلدي وانا منها ولا يمكن احس بالامان الا فيها. كفاية ان الواحد وهو متغرب بيبقى خايف انه يصاب ولو بدور برد. مجرد الفكرة ذاتها بتشلني عن التفكير. امال لو فكرت فى تعب او ولادة او عملية لا قدر الله ده الواحد يموت من الرعب.

[badroora]

ألف حمد لله على سلامتك يا نجفة .. قريت موضوع الحادثة بتاعك وألف حمد وشكر لله على نجاتك .. الأخوة والأخوات قاموا بالواجب وأشاروا عليكى بالصدقات وأعمال الخير وليس لدى ما أضيفه إلى ما تفضلوا به .. فقط أشير عليك بكورس فى القيادة الوقائية Defensive Driving بالذات لمن يقود سيارة فى دولة من دول الخليج .. أما هنا فى مصر فالموضوع له قواعد مختلفة :D

وألف حمد لله على سلامتك من الغرق فى شبر ميه ولو انها متأخرة شوية :) .. أوصفى لنا الجيزة وجمال الجيزة يا نجفة .. أكيد أكيد الجيزة لها سحرها وجمالها فهى تجمع بين الريف والحضر ..

السلام عليكم ورحمة الله وبركاتة

الله يسلمك يا ابو محمد يا رب وكل سنه وحضرتك طيب

بصراحة الشباب ماقصروا الله يبارك فيهم يا رب ويكفيهم شر الحوادث

اما بقي بخصوص الكورس الدفنسف دريفنج دا حاضر هابقي اشوف الموضوع دا بس انا خلاص جاتلى فوبيا من التريلات وعربيات النقل والاتوبيسات الكبيرة

وحسة لو شوفت تريلا قدام هاركن على جنب لحد ما تختفى كابوس التريلات والنقل

يلا الحمدلله والشكر على كل اللى يجيبة ربنا

ويا رب مانواسيك فى اى حاجة وحشة

لاء متقوليش يا ابو محمد انك مزورتش الجيزة خاااااااااااااااااالص مش ممكن ؟

وعموما الجيزة باختصار الواقع وان شاء الله لى عودة عن الجيزة وجمالها :D

تم تعديل 18 سبتمبر 2007 بواسطة نجفة المغرورة

[مونتى]

اليكس شوفتى رد الفعل الجميل للموضوع الرائع فى حب مصر اشكرك جدا لانك كنت سبب فى اظهار عشق المصريين المغتربين بمصر بس مكنش ظاهر للناس عمار يامصر باحبابك وشعبك الاصيل

عاشق بلدى :D وللحوار بقيه جميله عن ذكرياتى بعشقى الاوحد اسكندريه

[afreet]

يا alexlover

لازلت عند اعتقادى بانه لايمكن لمصرى ان يسب هذا الوطن الا من وراء قلبه او يقصد ناس معينه او احداث معينة وعندما اقول مصرى اقول من تربى على تراب مصر "انا اعرف شخصيا ناس ولادهم مولودين في الكويت ولما تقولهم تنزلو مصر يقولو لا مصر وحشة " اما الاولاد الذين تربوا بالكويت كما ذكرت فهؤلاء مصريين بالبطاقة وكلامهم انعكاس لفكر اباؤهم وهنا يجب ان نبحث اباءهم ولماذا يسبون هذا الوطن وليس الاولاد وربنا يرحم هؤلاء الابناء برحمته عندما يعودون الى بلدهم الام ودخولهم فى المجتمع وتكيفهم معه حوار ليس هنا مجاله

[Alex Lover]

يا alexlover

لازلت عند اعتقادى بانه لايمكن لمصرى ان يسب هذا الوطن الا من وراء قلبه او يقصد ناس معينه او احداث معينة وعندما اقول مصرى اقول من تربى على تراب مصر "انا اعرف شخصيا ناس ولادهم مولودين في الكويت ولما تقولهم تنزلو مصر يقولو لا مصر وحشة " اما الاولاد الذين تربوا بالكويت كما ذكرت فهؤلاء مصريين بالبطاقة وكلامهم انعكاس لفكر اباؤهم وهنا يجب ان نبحث اباءهم ولماذا يسبون هذا الوطن وليس الاولاد وربنا يرحم هؤلاء الابناء برحمته عندما يعودون الى بلدهم الام ودخولهم فى المجتمع وتكيفهم معه حوار ليس هنا مجاله

انت بس اللي قلبك ابيض وطيب صدقني ... مش بس بيشتمو فيه اكتر من كده ، فاكر مقاله فؤاد هاشم المستفذة ... انا واحدة من الناس في الكويت لم ولن افتح المجال لشخص كويتي انه يتكلم معايا في الموضوع ده مش لاني خايفة او معنديش جرأة اتناقش ولكني اكبر انا ووطني من اني اعطيك انت فرصة لمناقشة مثل هذا الامر ، في حين يجلس اخر يتناقش مع كويتي وانا اسمعه يقوله (المصري بيقول) والله عنده حق (بيقول للكويتي) عنده حق في كل كلمة بيقولها ما المصريين مهزأين نفسهم و احنا والله حاسين ان الكويت دي امنا مش مصر ومن امتى المصري كان له ثمن ....الخ وطبعا صاحبنا الثاني واقف نافش ريشه وبيقول ...

المهم يا afreet

ممكن يكون وجهة نظرك صح وانت شايف سلبيات كتير في بلدك وطنك ومن حقك انك تناقشها بس مع مصري ذيك مش عدو لينا مش شرط اي جنسية بالتحديد ، ولو مش اللي باقوله صح يبقى منين جاءت الجواسيس ...............؟؟؟؟

الوحشين كتير كتير كتير ولكن الناس الطيبين اللي زيك مش هيصدقوا الا لما يشوفو بعنيهم

[Alex Lover]

اختى العزيزة

الله ينور عليكى فى الكلام اللى بتقوليه ده و انا فعلا باعانى من نفس المشكلة هنا فى الامارات ... كل ماتيجى سيرة مصر فى محادثتنا نحن المصريين الاخوة مايبطلوش سب و لعن ولما اقوم ادافع بيقولى على وطنى عبيط ... بس صدقينى انا عينى بتدمع فى كل مناسبة تمر على وانا بعيد عن امى مصر ... و حبيبتى الاسكندرية (اصلى اسكندرانى) ..... و انا معاكى فى هذه الرابطة وربنا يوفقك .... ويحفظ لينا امنا الحبيبة مصر بحلوها ومرها ....

أبو مروان

اهلا بيك يا أبو مروان شرفتنا

المشكلة دي مش مشكلتك لوحدك ، كتير اوي مننا في الغربة بيعاني من الفئة دي .. بس يا ترى فيه حد عنده تفسير او تبرير للي بيحصل ده بيحصل ليه ؟؟؟ وليه هما مختلفين عننا وشايفين البلد وحشة اوي كده ، ماتيجي نعالجهم يا جماعة ، اعتقد ان الموضوع اللي بنكتب فيه ده لو اطلع عليه واحد منهم هيراجع نفسه وهيحن لمصر وذكرياته وهيبعد شوية عن عجرفته

ولا ايه رأيك ؟

انا اعرف من هذه الفئة اشخاص عدة .

الحرمان والاحباط اللى شافه فى مصر زي ما قال احدهم بلسانه واللى عرف يحققه فى الغربة خلاه يكره سيرة مصر ويعمل زي ماذكر الاستاذ ابو مروان.

صحيح انه تفكير غلط فى غلط لأنه بينم على شخصية ضعيفة غير قنوعة. بس اظن ده حال كثير من المغتربين الناقمين.

للأسف ممكن تتعرض لموقف من فرد او من جهة حكومية تخليك تعتقد بإنك مش بتحب مصر.

الحقيقة اغلب هذه النماذج يعبر عن هروب الفرد من مواجهة نفسه ومحاولة التعايش مع الواقع ومحاولة تقليد من سافر والتمتع بما حرم منه فى بلده. وهو ما يتبعه عند تحقيق الهروب محاولة اثبات عدم الاحتياج او الاعتماد على اصله وبلده بإنكار فضلها وحتى حبها. هذه الشخصية تحاول ان تنتصر على شعورها القديم باليأس والعجز فى تحقيق اهدافها فى مصر بالتشهير بهاو اثبات ان هروبها من مصر كان خطوة صحيحة.

بس سيبكم بقه من الكلام التخين ده وخلونى اسبح فى ذكرياتي عن مصر. مع ان اغلب الذكريات جايه على اكل امي وصينية الكنافة (مش عارف دي تخاريف رمضان ولا فعلا ذكرى) وافتكر قبل العيد دايما بيومين او تلاته لما تبدأ قعدة الكحك واشيل صوانى اطلع بيها على الفرن اللى جنبينا وارجع اجيب غيرها واكمل طول الليل لحد ما العملية الفدائية تنتهى قبل السحور. وريحة الكحك تعبق البيت من اوله لأخره وياسلام لما تخش الجمعة الحزينة (اخر جمعه فى رمضان) وتكون بالصدفة قريبة من العيد . تتمزج ريحة الكحك بالبخور فى حدث لايتكرر.

يلا كل سنه وانتم طيبين خلتونى احس بريحة الكحك فى مناخيري.

وحشتيني يامصر

فكرتنا بالكعك الجميل ... انا والله نفسي اعمل كعك بتاعنا بتاع مصر واخلى الولاد يعيشو نفس الجو الحلو اللي انا اتربيت فيه ... بس هاعمل حسابكم متقلقوش

السلام عليكم ورحمة الله وبركاتة

الله يسلمك يا ابو محمد يا رب وكل سنه وحضرتك طيب

بصراحة الشباب ماقصروا الله يبارك فيهم يا رب ويكفيهم شر الحوادث

اما بقي بخصوص الكورس الدفنسف دريفنج دا حاضر هابقي اشوف الموضوع دا بس انا خلاص جاتلى فوبيا من التريلات وعربيات النقل والاتوبيسات الكبيرة

وحسة لو شوفت تريلا قدام هاركن على جنب لحد ما تختفى كابوس التريلات والنقل

يلا الحمدلله والشكر على كل اللى يجيبة ربنا

ويا رب مانواسيك فى اى حاجة وحشة

لاء متقوليش يا ابو محمد انك مزورتش الجيزة خاااااااااااااااااالص مش ممكن ؟

وعموما الجيزة باختصار الواقع وان شاء الله لى عودة عن الجيزة وجمالها :ninja:

اين هي عودتك يا نجفة روحتي فين مش بتوصفيلنا الجيزة ليه ، على فكرة انا زرت الاهرامات مرتين في حياتي ، ومش بانسى ركوب الحصان والجمل وسياح اللي مبهورين بعظمة الاهرام (مافي شئ اعظم من الله طبعا)) ..قد ايه جميله وكمان البيوت والفلل اللي هناك .. منتظرينك يا نجفة

اليكس شوفتى رد الفعل الجميل للموضوع الرائع فى حب مصر اشكرك جدا لانك كنت سبب فى اظهار عشق المصريين المغتربين بمصر بس مكنش ظاهر للناس عمار يامصر باحبابك وشعبك الاصيل

عاشق بلدى :blink: وللحوار بقيه جميله عن ذكرياتى بعشقى الاوحد اسكندريه

مونتي انا سعيدة اكتر منك والله بالتفاعل ده .. جميل اننا نتمسك بكل ما هو جميل في بلدنا وطبعا ده ميمنعش اننا ننتقد اي شئ سئ كمان بس كل في مكانه

[قاهرى]

على فكرة مفيش حد بيكره مصر زى منتى قولتى قبل كدة يا alex lover بس فى ناس بتكره سياسة مصر ,البطالة, الظلم , السرقة , حجات كتير ........ بتكره انها خلتنا نتغرب وبحط العتب على البلد وهو من حقوا اظن بردوا

لكن مين يقدر يكرة البلد الى عاش واتربى فيها ... اى واحد منا لو جاتلو فرصة شغل فى مصر حلوة ويمكن اقل من هنا بس مقاربة الى حد ما هل هيتردد ثانية واحدة انوا يتغرب ويجى يشتغل فى بلد بعيد عن اهلو وناسوا

يا جماعة مفيش احلى من بلدنا وبجد اقولكم على حاجة بالمناسبة دى انا نفسى فى حاجة بجد

نفسى فى عصيرررررر قصب يا جماعة بجد

تحياتى للجميع

[عطاء بلا حدود]

مينفعش اعدي كده على الموضوع واقول انا هنا

مش عارف اقول حاجة دلوقتي انا بس مستمتع باللي قريته

ذكرياتي كتيرة في القاهرة ويكفي بس الصحبة الحلوة في اي مكان في القاهرة ويا حبذا لو في حي شعبي وراكنين ضخرنا كده على عربية راكنة في الشارع وواقفين نهزر ونضحك ... :lol:

اي حاجة بقة مفيش حاجة في بالي محددة بس الذكرياااااااااات كتيرة

والمهم اننا كلنا بنلعن حكومتنا بس مش بنلعن اهلنا وارضنا ...

موضوع جميل جدا ... مع انه عن اسكندرية بس عروس البحر المتوسط بمعنى الكلمة فهي فعلا عروسة واحلى مدينة شوفتها في حياتي مع اني مشوفتش مدن كتير بس في اسكندرية روعة الحياة والجمال كله في اسكندرية ... والقاهرة برده حلوة بس بالليل بس مع الصحبة الحلوة بعيد عن الزحمة بتاعة الظهر ...

[badroora]

هلا والله انا جيت يا اليكس

الجيزة والقاهرة مشتركين مع بعض فى حاجات كتير فعشان كدا انا هتكلم عام مش هاخصص محافظة معينة

انذين

الاهرامات طبعا غانية عن التعريف واكيد الكل زارها

هاتكلم اليوم عن حديقة الحيوان

انا طبعا كنت ساكنة فى المدينة الجامعية فكانت حديقة الحيوان قريبة لى يعنى كنا بنروحها مشي

المهم يوم مانا واصحابي كنا نحب ناكل رنجة وطبعا فى المدينة كانت هتبقي فضيحة والريحة تفضل فى المكان تخنئنتا

المهم كنا نشترى الرنجة والبصل والخص والعيش والبيبسي ونذهب الى الحديقة على اقرب مكان ناكل ونشرب ونغسل ادينا ونمشي ولا كأن فيه حيوانات ولا اى حاجة نتفرج عليها كنا بس ندخل ناكل ونتكل على الله

دا بخصوص حديقة الحيوان

النيل بقي ومادراك ما النيل خصوصا من بداية العصر لبليل النيل لوحدة حاجة تانية سبحان الله من زرع على جانب النيل من خلق مترشقة عالنيل من حبابيب بيشهد النيل على كدبهم قصدي حبهم

ولا ميدان التحرير وشارع 26 يوليو اللى بقي شبه العتبة دلوئتى

المره القادمة هنكمل باقي الاماكن الجميلة بالترتيب

مستشفي ام المصريين

مشرحة زينهم

محطة تكرير مياه المجارى

مستشفي الطلبة :lol: :rolleyes:

كل واحد وكاره بقي

[Alex Lover]

على فكرة مفيش حد بيكره مصر زى منتى قولتى قبل كدة يا alex lover بس فى ناس بتكره سياسة مصر ,البطالة, الظلم , السرقة , حجات كتير ........ بتكره انها خلتنا نتغرب وبحط العتب على البلد وهو من حقوا اظن بردوا

لكن مين يقدر يكرة البلد الى عاش واتربى فيها ... اى واحد منا لو جاتلو فرصة شغل فى مصر حلوة ويمكن اقل من هنا بس مقاربة الى حد ما هل هيتردد ثانية واحدة انوا يتغرب ويجى يشتغل فى بلد بعيد عن اهلو وناسوا

يا جماعة مفيش احلى من بلدنا وبجد اقولكم على حاجة بالمناسبة دى انا نفسى فى حاجة بجد

نفسى فى عصيرررررر قصب يا جماعة بجد

تحياتى للجميع

قاهري ... اهلا بيك انت كنت فين ؟؟؟؟ انا عارفه ان مفيش حد بيكره مصر في حد ذاتها ولكن الناس مش فاهمين كده ومحاولتهم التعبير عن كرههم للنظام بيوحي للاغراب ان ده سب لمصر ، ولكن على راي اخونا الفاضل ان اللي اتربى على ارض مصر مش ممكن يكرهها .. لكن مع ان اولادي اتولدوا في الكويت الا انهم بينتظروا الاجازة بفارغ الصبر علشان ينزلو مصر بيحبوها لان امهم وابوهم بيحبوها .... يبقى الخطأ في اللسان وهو سبب كل المصايب

مينفعش اعدي كده على الموضوع واقول انا هنا

مش عارف اقول حاجة دلوقتي انا بس مستمتع باللي قريته

ذكرياتي كتيرة في القاهرة ويكفي بس الصحبة الحلوة في اي مكان في القاهرة ويا حبذا لو في حي شعبي وراكنين ضخرنا كده على عربية راكنة في الشارع وواقفين نهزر ونضحك ... :lol:

اي حاجة بقة مفيش حاجة في بالي محددة بس الذكرياااااااااات كتيرة

والمهم اننا كلنا بنلعن حكومتنا بس مش بنلعن اهلنا وارضنا ...

موضوع جميل جدا ... مع انه عن اسكندرية بس عروس البحر المتوسط بمعنى الكلمة فهي فعلا عروسة واحلى مدينة شوفتها في حياتي مع اني مشوفتش مدن كتير بس في اسكندرية روعة الحياة والجمال كله في اسكندرية ... والقاهرة برده حلوة بس بالليل بس مع الصحبة الحلوة بعيد عن الزحمة بتاعة الظهر ...

عطاء بلا حدود نورت الموضوع بجد .... ومرورك شرفنا واتمنى من خلال هذه الصفحات وتبادل الاراء ان نكون ثمرة حب واخلاص ووفاء لمصر واتمنى ان محدش يزعل من حد من خلال عرض وجهات النظر ..... بالعكس ده صراع من اجل مصر

بجد انا سعيدة بمداخلتك واتمنى ان لا تكون زيارة عابرة بل شاركنا كل ذكريتنا

مشرحة زينهم

أهم حاجة يا نجفة تكلمينى عن المشرحة ، عندنا في اسكندرية مشرحة في وسط البلد باخاف امشي من الشارع اللي هي فيه ... ومتخيلاها دايما ان القيشاني الابيض مليان بقع دم حمرا .......... ربنا يبعدنا عنها ويبعدها عننا يار ب

في انتظارك يا بطه :rolleyes:

[amrhoras]

Alex-Lover

موضوعك جميل جدا شكر خاص جدا عليه

ماهو الوطن؟ فى نظرى كلمة وطن تعنى أرض .اهل .ذكريات .تاريخ .حاضر ومستقبل ومصر دائما وانشاء الله للابد صاحبة الكرامة والطيبة والشرف

بلدنا غنية جدا بطيبة أهلها وخفة دمهم وأرضها ونيلها بغض النظرعن القشرة السيئة والانكسارات التى تمر بها بلدنا الغالى حاليا الا اننى كلى امل ان البركان الشعبي سيثور يوما ما ويزيل هذه القشرة .

ان كنا اتغربنا فده وفقا للظروف كل يوم اتمنى لو ارجع اعيش تحت سمائها وانعم بدفئها بلدى ومهد زكرياتى حتى ولو مؤلمة الم فراقها لا يداويه اى علاج سوى الرجوع لها

ديما بحب اسمع مصر هى امى لعفاف راضي اموت فى الاغنية دى

شكرا

[Alex Lover]

Alex-Lover

موضوعك جميل جدا شكر خاص جدا عليه

ماهو الوطن؟ فى نظرى كلمة وطن تعنى أرض .اهل .ذكريات .تاريخ .حاضر ومستقبل ومصر دائما وانشاء الله للابد صاحبة الكرامة والطيبة والشرف

بلدنا غنية جدا بطيبة أهلها وخفة دمهم وأرضها ونيلها بغض النظرعن القشرة السيئة والانكسارات التى تمر بها بلدنا الغالى حاليا الا اننى كلى امل ان البركان الشعبي سيثور يوما ما ويزيل هذه القشرة .

ان كنا اتغربنا فده وفقا للظروف كل يوم اتمنى لو ارجع اعيش تحت سمائها وانعم بدفئها بلدى ومهد زكرياتى حتى ولو مؤلمة الم فراقها لا يداويه اى علاج سوى الرجوع لها

ديما بحب اسمع مصر هى امى لعفاف راضي اموت فى الاغنية دى

شكرا

اهلا بيك في الرابطة ... بارك الله في ارائك وتعبيرك ... اما بالنسبة للأغاني انا بحب اوي الاغنية بتاعة فؤاد المهندس لما في اخر الفيلم بيبقى راكب حصان ولبس كاوبوي ومعاه شويكار ،،، تقريبا هي نفي الاغنية دي بس هو بيقولها بطريقة تهز القلب بقوة

تم تعديل 20 سبتمبر 2007 بواسطة Alex Lover

[قاهرى]

السلام عليكم جميعا .. اظاهر كدة ان فية محبين كتير لمصر ..مش كل الناس زى بعض

بس بردوا محدش قلى عملتولى اية يا جماعة فى موضوع عصير القصب

بجد محدش يعرف واحد بتاع عصير قصب فى الامارات ... انا سمعت ان فية محالات عصير قصب فى السعودية والكويت ..... لو حد يعرف فى الامارت يقولى بجد ...

وبيتهيالى يا alex lover دة مشروع احلى من محل الفول والفلافل .... لان الفول دلوقتى متوفر عادى ولو مش فى محالات علب او تدميس والفلافل برغم انهم بيعملوها بالحمص انها بتقضى تقريبا نفس الغرض والطعم قريب كمان واغلب الجنسيات الموجودة سواء خليجية او شامية او هندية بيحبوها بالحمص فبالتالى مش هيكون الزبون بتاعك غير الزبون المصرى ودة هيجبرك انك تعملى السنادوتش ب 50 قرش زى مصر والطعمياية بشلن للصغنونة وببريزة للكبيرة ولو بعتى بالاسعار دى يبقى هتقفلى المحل بعد اول اسبوع فى الكويت

انا من راى تفتحى محل عصير قصب .. بس plzzzzzzz افتحية فى الامارات فى اى حتة والله وانا هاجى ..........

تحياتى لجميع المشاركين فى الرابطة

بحبك يا بلدى

اخوكم : ق ق ق ق ق ق ق ق قااااااااااااااااهرى