رابطة عشاق مصر (أليكس لوفر)

[salemhegazy]

أهى جت هاميس

اخى تاتون ينادى عودى يا هاميس عودى يا هاميس

[amrhoras]

واضح ان الكل هنا

صباحنا فل بالصلاتو على النبي

منتظر احلى كلام واجمل زكريات اجدعها موضوعات

=========

بريفيت مدام ناش :- حمد الله على سلامة اختك اللى هى اختنا وفداها مليون سياره

اه ياترى ايه الطريقه اللى سيادتكم سوف تنتح... لالالا بعد الشر الشباك لا مش مضمون لتكون عربيه ماشيه كدى ولا كدى وشايله مراتب

الغاز لالالالا الستاير ممكن تتحرق

السكينه لالالالا بلاش دم الله يكرمك

انا بقول احنا نقوم ننتحر ونقولك:blink:

بعد الشر عليكي من كل سوء وشر انتى وابناء بلدى الحلوين دول كلهم يله وانا معاكم هههه

=======

تحياتى

عمرو

[ahmedarab]

.......................................................................................

بالأمس سمعت خبر وقوع حادثه لشقيقتي الصغري...وكانت هي اللي سايقه عربيتها...الحمدلله خرجت سليمه هي وأبنها ...اللهم لك الحمد..العربيه أتخرشمت علي الأخر..والعربيه المقابله كمان....أتصلت عليها,,,ةسألتها بالأمانه تقول مين اللي غلطان..ردت ووشها لونه احمر( شوفتها علي التليفون ) ودولي كمان..محدش يسألني إزاي...

وقالتلي بصوت خااااااافت...( أنا ) وقعت من الضحك...وقولتلها فداكي العربيه واللي أشترهالك...

كسري أنتي ومالكيش دعوة....

ا

الخبر الأخر...أننا وبكامل قوانا العقليه أشترينا جيتار بالكهربا للفتي الوسيم الصغير....

ومن امس وأنا جايبه قطنتين وحطاهم في أذني...علشان ما أقمش أدور فيه الضرب....طبعا العكس صحيح....

الخبر المؤلم بأة أن الفتي الوسيم التاني عايز يجيب ( بيز جيتار) ...عن أذنكم هاقوم أنتحر وارجع علي طول....

صباحكم جميل :blink:

مدام ناش

الف سلامة على اخت حضرتك والحمد لله انها هى بخير وابنها كمان

والنبى سؤال معلش هو اية الفرق بين الجيتار الكهربا وبين البيتز جيتار وهو دول غير الجيتار العادى اللى بنشوفة

معلش اصلى انا بحب الجيتار قوىىى وطول عمرى نفسى يبقى عندى واحد واتعلم ...بس للاسف لغاية دلوقتى متحققتش الامنية دى

ربنا يسهل

تحياتى

[Alex Lover]

صباااااااااااح الخير يا مصريين :wub:

انا جيت :blink:

انا كل ما اقابل حد يقولي فيه ناس بتدور عليكي ... لما جيت لقيت ماشاء الله 3 صفحات

انا معلش جيت متأخرة شوية النهاردة والظاهر ان انتو كنتوا من امبارح بتسمعوا اغنية السهرة تحلى لمدحت صالح وسهرانين للصبح wst::

انا باقولكم صباح الخير على اجمل مصريين

التونسي بك ... انا مش قادرة اوزصفلك فرحتي بمشاركتك في موضوعنا المتواضع وانه يكون السبب في عودتك للكتابة مرة اخرى ، ده شرف كبير لينا

Madzoro اهلا بيك معانا ويارب تلاقي بيننا اخوة واصحاب وتحس بدفء الوطن

دقيقتين بقى اشرب القهوة وارجعلكم عندي لكم كلام كتييييييييييير

صباحكم سكر

[nash]

أخي العزيز أحمد عرب..

شوف يا سيدي...الفتي الوسيم اللي هايتخرشم بعد بوكسين مني علي الدوشه اللي عاملها بيقولك....

البيز جيتار أربع أوتار بس...غير كده أصعب لإنه محتاجله سرعه وأداء متضاعف أكتر من الكهربا العادي...

ومعظم البيز كلاسيك..فمحتاج له واحد وراة بيلعب بالإلكتريك..علشان لوحده مايقدرش يعمل حاجه كامله( ماتسألنيش يعني أيه أنا بتملي واكتب )

طبعا أكيد غير الجيتار العادي..من واقع التجربه لو دخلوا غرفتهم بالجيتار العادي مش هاسمع عنهم ولا نفس..لكن الكهربا عينك ماتشوف إلا النور...بس فيه اختراع أسمه هيد فون يركب علي الجيتار وهوة بس اللي يسمع الدوشه كامله....من غير تحطيم اعصاب لينا أحنا الاباء والأمهات الغلابه...

..............................................................................

الله يسلمك يارب علي سؤالك عن شقيقتي...

وتسلم يارب يا عمرو علي دعواتك الجميله...مرسي يا كابتن....

[ahmedarab]

ميرسى على المعلومة والتوضيح يا مدام ناش

واشكرليى الفتى الوسيم على المعلومات والتملية .

وخلية يشترى الهيد فون احسن لة ...بدال ما حد يعمل جريمة ولا حاجة.

اين انتى يا هاميس ؟؟؟

[Alex Lover]

ناااااش الف سلامة على اختك فكرتيني بالحادثة بتاعتي ... هههههههه لما دمرت ماكينه الباركينج في اول يوم نزلت في الشغل بالعربية ودخلت بكل قوتي شيلك ماكينة الدخول من جدورها ... :blink: كان يوم جميل بصراحة .

عمرو ... احمد ... موجلي ... دكتور شامي .... سالم .. صباحكم جميل ويارب كده دايما متجمعين

انا حبيت اقول لكل اعضاء الرابطة ... كل عام وانتم بخير

[madzoro]

ahmedarab , amrhoras , alex , nash , elshamey

وكل الناس اللي في المنتدى صباح الفل والورد والياسمين

انا سعيد بالموضوع ده و بمعرفتكم

والف سلامة على اخت حضرتك يا مدام ناش

وبعد الشر على كل المصريين و مصر الغالية

[amrhoras]

وانتى يارب ديما بصحه وسعاده وكل الناس الحلوه دى

=====================

ممكن بقى خلاص سلامات ونبدا النشاطات ؟ احنا كنا طرحنا الاذاعه الداخليه

كل واحد هيقول برنامجه وحضراتكم بقى عليكو ا السيتسم والداتا بيز

يعنى الاخراج والتأليف والمونتاج

حد هيقولى وانت بتعمل ايه

هقولكم حقوق الطبع محفوظه وحكون من المستمعين

شكرا

عمرو

[nash]

أليكس الجميله...حادثتك فاكراها يا عمري بتفاصيلها...وكانت حالتك المعنويه مرتفه جدا...

الحمدلله مرت علي خير...

كل عام ونحن جميعا بألف خير..ويارب العيد القام نقضيه مع الأهل والأحباب يااااارب في مصر...

[madzoro]

انتو عارفين اكتر اغنية بتعبر عن وضع المصريين في الخارج

هي اغنية حسين الجسمي ( بحبك وحشتيني ) مع انه مش مصري

بحبك وحشتيني .. بحبك وانتي نور عيني ... ده وانتي مطلعه عيني ... بحبك موت

لفيت قد ايه لفيييييت ما لقيت غير في حضنك بيت ..... وبقولك انا حنيييت .. بعلو الصوت

وكأن الوقت في بعدك واقف مابيمشيييش ..... وكأنك كنت معايا بعدتي و ما بعدتيش ....

في دمي حببتي وامي وزي ماكووووووون ما بتعديش

بحبك وحشتيني .. بحبك وانتي نور عيني ... ده وانتي مطلعه عيني ... بحبك موت

بعدت وكنت هاعمل ايييييه ..... مين اختار غربته بايدييييييه

لكن حبك ده مانستهوووش ..... و عااااش فيا

ليه هاتأسف على الغيييييبة ... ما غبتيش لحظة و قريبة ... ماحدش عنده كده طيبة و حنيييية

وكأن الوقت في بعدك واقف مابيمشيييش ..... وكأنك كنت معايا بعدتي و ما بعدتيش ....

في دمي حببتي وامي وزي ماكووووووون ما بتعديش

بحبك وحشتيني .. بحبك وانتي نور عيني ... ده وانتي مطلعه عيني ... بحبك موت

جامدة مش كده..... معبرة فعلا

نعود بعد الفاصل.... انتظرونا

[Alex Lover]

:blink: انتي طلعتي عارفه الحادثة :wub: يا فضيحتي ........ اهي دي من الذكريات الجميلة اللي مش بانساها ابدا

لما نبقى نفتح موضوع ذكرياتي في الكويت بعد ما نرجع مصر باذن الله ... ابقى احكيها تاني بالتفصيل

=====================================================================

عندي سؤال هام للجميع

واتمنى الكل يشارك فيه

ايه اللي يخليك ترجع مصر وتتخلى عن عملك في الغربة

يعني مرتب لا يقل عن __________ جم

كماليات :

1

2

3

4

5

الخ

ارجو من الجميع يجاوب بدون شطحات خيالية الله يخليكم

[mogly]

.......................................................................................

بالأمس سمعت خبر وقوع حادثه لشقيقتي الصغري...وكانت هي اللي سايقه عربيتها...الحمدلله خرجت سليمه هي وأبنها ...اللهم لك الحمد..العربيه أتخرشمت علي الأخر..والعربيه المقابله كمان....أتصلت عليها,,,ةسألتها بالأمانه تقول مين اللي غلطان..ردت ووشها لونه احمر( شوفتها علي التليفون ) ودولي كمان..محدش يسألني إزاي...

وقالتلي بصوت خااااااافت...( أنا ) وقعت من الضحك...وقولتلها فداكي العربيه واللي أشترهالك...

كسري أنتي ومالكيش دعوة....

ا

الخبر الأخر...أننا وبكامل قوانا العقليه أشترينا جيتار بالكهربا للفتي الوسيم الصغير....

ومن امس وأنا جايبه قطنتين وحطاهم في أذني...علشان ما أقمش أدور فيه الضرب....طبعا العكس صحيح....

الخبر المؤلم بأة أن الفتي الوسيم التاني عايز يجيب ( بيز جيتار) ...عن أذنكم هاقوم أنتحر وارجع علي طول....

صباحكم جميل :blink:

مدام ناش

ألف سلامة على أختك و إبنها و يارب تكون حاجة بسيطة ان شاء الله، أقصد انها ماتخوفهاش من السواقة تانى فى مصر

و بمناسبة الجيتارات خدى بالك من التلوث السمعى و انا بصفتى سيرتفايد سيفتى إنجنيير احب أقول لك اننا مش مفروض نتعرض لأكتر من 8 ساعات فى اليوم لشدة الصوت العادية اللى هى كانت 80 ديسيبل و دلوقتى بيفكروا كمكان يعدلوها ل 75 ديسيبل

واحد يسألنى يعنى ايه الكلام ده؟ أقول لك هو المقياس ده بالتقريب هو الصوت اللى تقدرى تقفى جنبه و تسمعى حد بيكلمك على بعد 30 سم بنقاء واضح بدون ما يشوشر عليكى.

و لكن حضرتك تقدرى تخطفى رجليكى لأى محل معدات أمان و أشترى إير مافز و استعمليهم أثناء بروفات الفرقة و بالشفا إن شاء الله

و صباح الفل يا ألكس و عمو سالم و يا أحمد و عمورة و ماد و د/شامى (و بأقولك خليك هنا خليك بلاش تهاجر) و يا كل الناس الحلوة و أستاذ تونسى

إيه بتقولوا إيه .......... صباح النور معلش السمع بقى

[nash]

مادزورا......صح الكلمه؟؟

الأغنيه بالفعل جامده .....ومعانيها جميله....

أيضا أغنيه ورده ( مليت من الغربه ) مرة سمعتها...وعينكم ماتشوف إلا النور....

مش عارفه أين أجد هذه الأغنيه....

أيضا أغنيه نجاة الصغيرة ( علي الغربه ) أكيد كلنا فاكرينها...بعشق أصلا نجاة ...

...........................................................

أليكس للأسف سؤالك صعب جدا....

وللأسف كمان فكرة الإستقرار في مصر الأن غير وارده ...وخاصة بعد إلتحاق ياسر بالجامعه هذا العام هنا بالرياض....

كل مانتمناة أن تعود لنا مصر التي أختطفها الشياطين والأبالسه ( حسبي الله )

طبعا شيء واحد فقط يجعلني أغير فكرتي...حينما يأتي وباء يقضي علي كل فاسد في المحروسه...هنا فقط سأنزل ولن ألتفت خلفي

[amrhoras]

اكتر حاجه تخليني ارجع مصر

1- نداء عاجل من الاسره ارجع محتاجينلك اخطف رجلى وعلى اول طياره ولا غربه ولا بتاع

2- ان كرامتى حد يمسها

3-الاقى مشوع حلو اقدر ابدأ به وسط اهلى

4- زوجتى تقولى ارجع الوله ادمن اده بس انا لسه متجوزتش :blink:

5- امرض بمرض لا علاج له ويبقالى شهر وربع على لقاء ربي فاضطر ارجع عشان اظبط الجنازه بتعتى :wub:

6- ريسنا العزيز يبعتلى جواب اعتذار ودعوه انى اتنازل وامسك بداله الحكم

شكرا

وطبعا حكاية المشروع والخيار السادس عمرهم ما هيحصلوا الا بمعجزه

والخيار الرابع لا يمكن لان حريمنا مش يبعدوا عننا سلو العائله

والتاني طبعا عمره مايحصل لانى مسمحش لاحد ان جالك الطوفان بقى حط مديرك تحت رجليك

هو النداء الاول ده بدون تفكير واتمنى انه ميحصلش

تم تعديل 13 ديسمبر 2007 بواسطة amrhoras

[mogly]

ألكيس بالراحة علينا إيه الأسئلة اللى مش فى المنهج دى؟

انا بالنسبة لى مش عارف، انا كان عندى وقت عصيب علشان العائلة تتعود على الخليج و خصوصا إن المدام كندية

و أخاف أدخل التجربة دى دلوقتى على الأقل فى الوقت الحالى

المشكلة فى مصر مش الإمكانيات المادية قد ماهيه و على راى الأستاذ تونسى فى سلوك الناس فى الوقت الحاضر

بس انا واثق غن ده كله ممكن يتغير بعد ما مصر ترجع لنا تانى زى ماقالت ناش

و نستكمل،،،،

[امانى]

اختى العزيزة اليكس

فى الحقيقة انا لسانى عاجذ عن اى كلام ممكن اعبر بيه عن مدى سعادتى وفرحتى وانا بقرا موضوعك من اوله لاخرة اول مرة

اليوم0 كل ما كنت اجى ادخل الباب اقول ده يخص المغتربين فقط لكن النهارده مش عارفة ليه حسيت انى عايزة اشوف بتقولو ايه

كم سعدت باحساسكم بمصريتكم وجمال مشاعركم لدرجة انى حسيت انى معاكم وبشوف مصر بعيونكم والله العظيم انا حاليا ببكى

وانا بكتب هذه الكلمات هى دمصر وهما دول ولادها الطيبين اللى لا يمكن ينسوها ابدا مهما مرت عليهم سنين بعيد عنها

اشكرك من كل قلبى ان اتحتى لى ان اقرا جميع احاسيس ومشاعر رائعة لكل من ساهم فى وشارك فى هذه الرابطة الرائعة0

اتمنى ان اكون معكم بالرابطة من هنا من مصر حبيبتكم وحبيبتى وعلى فكرة انا اسكندرانية من العصافرة وياما كلت من عند

احمد جاد وجيلاتى عزة وركبت الترام فكرتينى بزكريات جميلة 0

الى حبيبتى نوشة الف الف سلامة على صحة اختك الفاضلة والحمد لله وربنا يعوض عليها فى العربيه المهم هى وابنها

كل شئ يتعوض وسلامى الى الفتيان الوسيمان وربنا يخليهم لكى يا رب انا كمان عندى ولدين فقط وبرضه من نفس العينه

وسيمان برضه صباحك فل يا نوشة

امانى

[ELSHAMY]

ناش العزيزة...سلامات لأختك...أنا كمان أعانى من الأورج بتاع بنتى.... اللى أخر طلباتها بيانو...وكمانجة.... بالله اذا كنت جربتى الانتحار قوليلى عشان احصلك

العزيزة أمانى....

مرحبا بيكى بالنيابة عن الجميع...

بكتينا يا شيخة واحنا مش ناقصين عياط....بس انتى برضه لسه فى مصر وما تلسعتيش من الغربة....يكفيكى تاخدى قرار فى ثانية انك تنزلى تتمشى على البحر (حتى فى عز البرد الحالى).... وتحودى على صابر بتاع البليلة.... وتعيشى حياتك مع واحد بليلة سخنة بالمكسرات.

ربنا يديم عليكى النعمة.

أخوانى الأعزاء ... غريب أمر هذه الرابطة وهذا الود والأحترام المتبادل بين الجميع مع ان لا حد منا شاف التانى.... ولا عاش معاه...ولا يعرف عمره كام...ويمكن حتى بيشتغل ايه...ولكن فقط ...حروف وكلمات تعبر عن خواطر ...لها القدرة على فعل الأفاعيل...وتفجير براكين المشاعر....وساعات الدموع.

هذا الأمر العجيب بيذكرنى بحديث الرسول (ص) : "الأرواح جنود مجندة ما تعارف منها أئتلف وما تنافر منها أختلف "

ربنا يديم الألفة

ا

[Alex Lover]

أماني الغالية

غاليه لانك بنت بلدي مصر

غاليه لانك بنت مدينتي الاسكندرية

غاليه اوي لاني شيفاكي من بدري منورة موضوعي وقرأتيه من اول لأخره واهتميتي واعربتي عن مشاعرك

طبعا من حقك تشاركي انتي مصرية ومن عشاق مصر لازم تشاركي

خليتيني اعيط وانا باقرأ سطورك

ومش عارفه ليه بس احنا كده يا مصريين مش بنحب نحتفظ بالالم في قلوبنا واول فرصه تلاقينا بكينا

نورتينا واتمنى انك تكوني معانا واعتبري نفسك مراسلتنا من الاسكندرية

بالمناسبة انا درست سنة اولى اعدادي بمدرسة على ابن اب طالب اللي في ميايمي عند مؤسسة عبد الرازق تعرفيها ؟؟؟

اختك أليكس

==========================================================

موجلي اعتقد انك واخد القرار من الناحية الاخلاقية والنفسية .... يعني حتى لو كان فيه راتب مغري

ينتظرك في مصر برضه مش هتروح ؟؟؟؟؟؟؟؟

==========================================================

دكتور شامي بالفعل الود والاحترام والترابط شئ جميل في الرابطة بتاعتنا والجميل ان لو حتى انا مش موجوده باكون سعيده جدا لما ارجع الاقيكم متواصلين ومستمرين وكمان بترحبوا بالاعضاء الجدد ... ربنا يديم علينا السلام يارب

==========================================================

عمرو ربنا ميجيبش حاجة وحشه يارب وترجع مرفوع الراس

بس صدقني لو دخلت الانتخابات كنا هنا هننتخبك :blink:

احنا بعيد عن البلد مش مشكله

===========================================================

تم تعديل 13 ديسمبر 2007 بواسطة Alex Lover

[Alex Lover]

نداء عاجل

مسالم

مونتي

قاهري

اين انتم يا جماعه