رابطة عشاق مصر (أليكس لوفر)

[Alex Lover]

قلق بالغ يعتريني فلنا اصدقاء يقطنون في لوران ولكن شارع ابو قير .. ادعو الله ان يكونوا بخير

[amrhoras]

ايه رأيكم بقى انى هعيط من كتر البؤس اللى انا لقيتكم فيه ده

انا هقولكم حلم شفته اربع مرات على اربع شهور قررت انى اقوله هنا ولا اقولكم انا اكتئبت احكيلكم قصة وفاة بابا ...ولا قصة حياتى .... ولا قصة حب فاشلة...... ولا قصة اربع سنين ضاعوا هباءا واكتشفت ان بعدها 26 سنه ضاعوا....... معتقدش انى هقدر احكى حاجه

لانى مليت من الاكتئاب اولا

تانى حاجه انا عاوزكم تكونوا متفائلين

تالت حاجه كفايه الغربه علينا

ممكن اسأل عن حالتكم بالظبط معاكم الدكتور عمرو زميل المعهد البريطانى للامراض النفسيه كنا زمايل فى الجامعه انا والمعهد

مالكم يامحاوريته صباح الاكتئاب انتو ضاربتوا فى البورصه ولا المطر خلاكم كدى؟

اطلب من الجميع اغماض العين واخذ نفس عميق والاسترخاء لخمس دقائق وتذكر موقف لابنك او زوجتك او زوجك او حبيب او حبيبه او اى موقف ضاحك صدقونى هتكسروا حالة الملل

ماذا تفعل لو هبطت عليك ثروه تقدر ب 10 مليون يورو على اساس الدولاء ارخص من اليورو

طيب اقولكم على حل تالت ما اتكتب عليا علاج المكتأبين انهارده

ايه رأيكم تعملوا حاجه مجنونه مش عملتوها قبل كدى مثلا عشوه تقضى على مصاريف البيت او خروجه للصبح اى حاجه تكسر الروتين اللى انتوا فيه

قال يعنى انا حياتى متجدده اوى وبنصحكم ههههههه

بس بجتهد كسرا للمقوله فاقد الشيء لا يعطيه ولذلك بكسر الروتين بتاعى بفكرلكم فى حاجه على غير العاده يعنى بطلع من مود المكتأب عشان احلى محاورين واجمل رابطه

تحياتى وهو انا بقول تحياتى ليه اكسروا الروتين بقى

مش عمرو بقى انا اخوه مع انى مليش الا اخت واحده bnd5::

على فكره دى المداخله رقم 990 على نفس رقم الرحله يتاعة مصر للطيران اللى وقعت فى المحيط وهى فى طريقها الى القاهره من الولايات المتحدهbrth) اكتئاب بكتئاب بقى كأبتونى :)

تم تعديل 24 ديسمبر 2007 بواسطة amrhoras

[Alex Lover]

على ذكرى اغلى عشوه .. يوم خطوبتي روحت اسهر انا وخطيبي (جوزي حاليا) في فندق فلسطين وروحنا متأخر خاااالص وكان خلاص البوفيه اتقفل قمنا طلبنا 2 عصي مانجو وشربناه وجينا قايمين بعد 10 دقاتيق وقلنا نكمل السهرة في مكان تاني مع اخواتي

الحساب يا باشا

جوزي (كام ؟؟؟ )

90 جنيه يا باشا

:)

ليه (( اتنين عصير 90 جنيه ))

ايوه يا باشا ما Minimum Charge

45 جنيه للفرد

ودفعناهم ولا اكلنا بيهم حاجه

وكان اغلى عشاء اتعشيناه ومازلنا نضحك عليه لغايه دلوقتي bnd5:: (( ضحك من ورا قلبنا طبعا ))

[DARWEEN]

بمناسبة فندق فلسطين ...

يبدو أنه مرتبط بالذكريات الغير طيبة ...

كانت ليلة عقد قراني ... فقمنا بعقد القران في مسجد أبو العباس .. وعلى باب المسجد بعد الأنتهاء من عقد القران ... لمحت مؤامرة من شباب الأسرتين لمرافقتنا أنا والعروس لبقية السهرة ... فأوضحت لهم أننا سنذهب إلى السراي - سان جيوفاني ... وأخذت عروستي وأنطلقنا إلى فندق فلسطين

وطبعا عريس وعروسه بقى ... وأطلب يا أبو الدراوين ... وهات يا سيدي كل اللي عندك ... وفي أخر الليل ... كانت الساعه الثانيه صباحا تقريبا ... طلبت الحساب

ومددت يدي لجيبي لأخرج المحفظه .... ولكن ....

أين المحفظه ... لا شيء أطلاقا

وهنا تذكرت أني ناولت محفظتي لأخي الأصغر عندما طلب المأذون البطاقة الشخصية في المسجد ... ولم أسترد المحفظة من أخي مرة أخرى

وطبعا لم يكن أيامها تليفونات محمولة ... وحاولت الأتصال بالبيت بل وأصدقائي ولكن دونما مجيب

وطبعا حدث ولا حرج عن كمية العرق والخجل التي كنت فيها

وأخيرااااااااااا وبعد جهد جهيد ... ردت والدتي على التليفون فصرخت فيها ... أبعتي أخويا فورا للفندق لأن محفظتي معاه وفيها كل الفلوس وشكلنا حنقضي الليله في القسم ... ولله الحمد ... حضر والدي بنفسه بعد حوالي ساعه وسدد الحساب

وطول الطريق للمنزل لم ننطق كلمة واحده من نوبة الضحك التي أنتابتنا جميعا أنا ووالدي والعروس

بالمناسبه ... لا أتذكر أني رددت المبلغ لوالدي ( يرحمه الله )

[amrhoras]

ايوه ايوه فكرتيني والله

بذكرى حلوه اوى

كنت لسه فى الفرقه التالته كلية التجاره . كنا فى رمضان . قولت للعيال ماتيجوزا ننزل القاهره نقضى يوم هناك واهو منها برده نشترى لبس

وكنا فى الصيف ثلاثة شباب كل واحد الشنب يقف عليه صقر

قام اخويا مجدى قال انا اعرف مصر كلها ولا يهمكم احنا نروح مواصلات .... وبعد الاتفاق على رأى قمنا ثلاثتنا عمرو صحبي ومجدى وانا بغزو قاهرة المعز

نزلنا عند الكلية الحربية ادى اول مطب كان عمنا مجدى الله يمسيه بالخير عاوز يروح شارع الطيران ماشي يافصيح احنا نتمشاها كدى .مع انى عارف الطريق ده اد ايه طويل بما انى خبره كنت مشروع ظعبوط وفشل هههه المهم خلونا فى المهم

فين الشركه يامجدى قال جنب وزراة الدفاع ها brth) احنا فى الاول يامجدى قال متخفوش خليكم معايا بس دى قريبه طيب ياخفه

مشينا بلاد تشيلنا وبلاد تحطنا جبنا شارع الطيران من اوله لاخره وادى وزاره الدفاع بس المكتب مش موجود .... راح فين اتارى دى تبع النظريه اللى بتقول الارضى كرويتو تلوف حول نفسوها خلو بالكوا انا حاطط حروف عشان التنوين والضمه

ملقناش المكتب .... وكنسلنا مشوار المكتب عوزين نروح عباس العقاد ياعم مجدى ماخدناش وحياتكم وقت كتيير هى نص ساعه وصلنا بحمد الله وملقناش حاجه على مقاس عمورا صحبي

قولنا نطلع على روكسي طيب روحنا روكسي وياحسرتاه لم نجد .... وما الحل على فكره المغرب فاضل عليه ساعتين

طب نعمل ايه قام عم مجدى هو فيه غير الحسين هلموا بنا

مش فاكر وقتها كنا فين بس لقينا مترو ورحنا على التحرير وكان ماشي طب عوزين نركب بقى انا وعمرو اتشعبطنا طبعا :) ودخلنا ولقينا عم مجدى بيجرى لازم يدخل من نفس الباب واكتشف ان كل الابواب بتؤدى لينا عمرو معجبوش المنظر قال مجدى هيتوه مننا وراح هب نازل يله يامجدى وانا فطسان على نفسي من الضحك يازكى انت وهو الباب اللى جنبكم فى نفس العربيه ههههههههه بس بعد ماجريوا جرى لا اله الا الله وطلعوا وهم مكسوفين جدا .على فكره كان ايميها المترو لسه ب 25 قرش (هو المفروض الترام)

نزلنا التحربر

ومنه الى الكورنيش ركبنا مواصله المفروض الى الحسين ماعلينا ركبنا اتوبيس رقم غلط لان عم مجدى مبيحبش يسأل كتير لقينا نفسنا فى السيدة زينب والمغرب بيقول الله اكبر لقينا مطعم او محل بس باين عليه مشهور وترايزه جميله على الرصيف هات يابني تلت ارباع كبده واديها طبعا احنا التلاته مسخوطين خلصنا والطباق لسه مخلصتش انا عاوز اطلع للحسين بقى حيث قهوة الفيشاوى بقى

وكنا عدلنا عن فكرة شراء ملابس اولاد الخير قالولنا اركبو المترو وانا بقى كنت هلكت من المشي جدااااااااااا وانا ع السلم المتحرك الكهربائي الله اعلم ايه اللى حصل رحت مريح على التربزين هههههه لقيت نفسي بنزل على عمرو ومجدى وطبعا هم لما صدقوا ماسورة ضحك واتفحت . دخلنا وانتظرنا المترو وحصلى حادثتين داخل المحطة غير السلم طبعا

اولها واحد زقنى والمترو ققادم والاخر مسكنى من ياقة القميص والحادثة التانيه واحنا بنحول من خط للتانى احد الابواب اغلق على ايدي والمترو تحرك مع انه مبيمشيش الا والابواب كلها مغلقه بس واضح ان السائق كان وراه موعد ولا حاجه وكان مستعجل

رحنا الفيشاوى اخيرا وتجولنا داخل خان الخليلى وشعرت بما فيه من روح الماضى وخير مصر وتلتقى بالحاضر لينتج عنه هواء وجو خان الخليل اشتريت مسله على فكره هههه وقعدنا على الفيشاوى واخوكم كان منحرف خلقه اول ماطلبت طلبت الشيشا الحلمى وبعدها التفاحه وقسمى يازين من مناخيرك ههههه وشربنا طبعا كوكتيل وعصير مانجو اللى بعدها كرهته طبعا ليه بقى الحساب كام 3 ماجو وحجرين تفاح وحلمى خمسه وسعين جنيه 75 جنيها لاغير نعم مين فين؟ ده احنا اكلنا 3/4 كبده ومخللات وكله ب 23 جنيه واتنين جنيه بقيشي يعنى 25 جنيه ونشرب 3 مانجو وشيشا ب 75 جنيه ليييييه

المهم اتكسفنا وقولنا نرجع بقى بدال مانلقيش اجرة الساره كمان وكان يومها يوم طويل ويوم خميس يعنى كمان مفيش مواصلات الفجر اذن واحنا مازلنا فى الطريق ومقدرتش اتسحر الا سيجاره ولبان نعناع عشان عندى فى البيت ميعرفوش bnd5:: ( على فكره 4 سنين مدخن سرا ) وكل اصحابي مش بيدخنوا فعشان كدى بحسب نفسي من المختارين

***********

الحلقة الجاية ذكرى مؤلمه مع قلعة الاسكندريه ومهذلة ماحدث على ضفاف البحر الابيض المتوسط مابين غرق وضحكات بس لما تروقوا كدى

***********

بالنسبه لأهل اسكندريه الاعزاء كل التعازى لشهدائنا من سكان البرج المنكوب وان شاء الله مش نيجلكم فى حاجه وحشه .

اخوكم عمرو

[Alex Lover]

الأخ الفاضل داروين نورت الذكريات .. وصدفه حلوة بس على رايك هو فندق المشاكل هههههههه

انا افتكر بالمناسبه دي اني روحت انا وصديقه ليا زمان بين المحاضرات نقعد عند (تريانون) في محطة الرمل قلنا نشرب نسكافيه ونقوم نكمل وبعد ما قعدنا لقينا ان الحد الأدنى للفرد تقريبا 7 جنيه وكل واحده فينا اللي معاها ميكملش 3 او 4 جنيه المهم نتصرف ازاي بعد ما قعدنا وطلبنا ، مفيش قدامن غير اننا نهرب

قمت انا قلتلها بصوت عالي وبدون مقدمات (( انتي بتستهبلي )) طبعا هي بصتلي وهي مستغربه .. قلتلها للدرجه دي يوصل اهمالك :waf:

قومي بسرعه قومي قومي نروح نلحقها انتي اكيد بتستهبلي

في وسط نظرات غريبة من الجلوس ومن الويترات اللي طبعا لقوني ثائرة مقدروش يسالوني على حاجه

وطلعنا نجري انا وهي واحنا بنضحك بنضحك على الموقف وحرمنا نقعد نشرب اي حاجه في اي مكان ..

الله يمسيها بالخير

[amrhoras]

مدام اليكس يارب تكونى دفعتى اللى عليكي بقي بعد كدى ةلا افتن:waf:

******

صباح الخيرات عليكم جميعا

ولو ان الجو جميل والدنيا ربيع ودرجة الحراره كانت 8 على الصبح والفجر 4 والغيوم مغطى على الشمس الشموسه

حد فيكم يرجع لايام الطفوله وينقذنا من الاكتئاب ده

ايه رأيكم فى الشمس الشمس الشموسه خدى سنة ال.... وهاتى سنة العروسه

ياترى فى اغنيات او مقولات زى دى دلوقتى ايه رايكم نجمعها كل واحد فاكر حاجه يقولها ونبدأ نرجع تانى للذكريات الحلوه ارجوكم كفاية امبارح اول يوم تفاؤل قلب نكد واكتأب فظيع

تحياتى

عمرو

[Alex Lover]

يا ثمث يا ثموثه خدى ثنة الننوثه واديني ثنه جديده اكل بيها البثبوثه

[ELSHAMY]

مش كده يا أليكس ...باين عليكى نسيتى...حدانا كانوا يقولوها كده:

يا شمس يا شموسة خدى سنة ال..... وهاتى سنة العروسة..... (كل واحد يحط الكلمة اللى تعجبه)

[Alex Lover]

ماهو انا خترت كلمة (الننوسه)

[amrhoras]

بثبوبه محبهاش :P الاغنيه تختلف خالث من اثكندرية للسرقية خالث مالث

عودا احمد د/الشامى انا الصراحه عاوز ارفع التكليف واخليه د/شامى انت نار ع علم مش عاوز تعريف طبع واسمحلى اقولك حمد الله على سلامتك يراجل ياطيب

الصراحه مش فاكر الا اغنية ماما زمانها جايه بتاعة محمد فوزى غير كدى معرفث بثراحه سديده جدا :lol:

وبما انكم ناس عندكم اطفال فاكيد حافظين حاجه على الاقل عشان لو ربنا اكرمنى بالواد عبد الرحمن والبت سما اقدر اعلمهم حاجه يفتكرونى بيها ولاد الراجل الطيب دول :old:

يله مستني بقى الجو القديم من الابداع وجمال الكلمات :blush2: انا حاسس انى مستغل مش عارف ليه :blink:

صباحكم شربات على فكره هتمطر

يامطرا رخى رخى على قرعة بنت اختى (يارا) بس هى شعرها طويل سبحان الله الاغنية دى غلط

طيب الدنيا بتمطر وعزيزه بتنشر راحت للقاضى قلها مش فاضى راحت .... مش عارف واللهى نسيت

الدنيا برد الدنيا برد وابله فضيلة بتسقى الورد مش عارف ايه علاقتها بالموضوع طب الدنيا برد مال بقى الورد مش حرام نسقعه

تحياتى

[amrhoras]

مكركر

تم تعديل 25 ديسمبر 2007 بواسطة amrhoras

[ELSHAMY]

شكرا عمورة....

ربنا يرزقك بعبد الرحمن وسما ووووو.....وقبل ذلك بأمهم ويجعلهم جميعا قرة عينك.

وبما انك فتحت سيرة العيال ونوادرهم وشقاوتهم فأنا أقترح ان اللى عنده قفشة من قفشاتهم يحكيها لنا وأبدا بنفسى:

كانت بنتى ندى لسه صغيرة وبنعلمها ازاى تروح الحمام لوحدها توظئة للاستغناء عن البامبرز..... وكانت الجملة الخالدة لما نشوفها ناوية.....(روحى اعملى بيبييييييي فى الحمام).... وفى يوم من الأيام كنا واقفين نصلى جماعة أنا والاولاد وأمهم....وكانت ندى بتحوم حوالينا وتكرر اى حاجة انا باقولها فاذا قلت (الحمد لله رب العامين) تقول هى بكلمات غير مفهومة (حمد لله نانيييييين)....(الرحمن الرحيم).... تقول(حما حييييييم).....ولما قلت (مالك يوم الدين)....والظاهر كانت صعبة عليها فكان ان فكرت قليلا وقالت (روحى اعملى بيبيييييي)......

وطبعا خرجنا كلنا من الصلاة

[amrhoras]

فكاهات اطفال الله عليك يابو الدكاتره. ايوه سخن معانا كدى

اليك فكاهة ابله يارا بنتي

- كل الاطفال طبعا اول مابينزلوا يقولوا واء وهى نزلت تقول ماء

- عند سن 3شهور لما بدأت تفوقلنا كدى علمتها لعبة بخ بقوت طول مانا معاها بالبطانيه بتاعتها تحطها ع وشها ولما نشيلها تكركع لغاية مافى يوم والله اعلم اتهيألها انى موجود معاها فقعدت تلعب بخ مع نفسها ومامتها كانت بتوضب البيت وتدخلى تلاقى البنت بتفلفص لان البطانيه اتلعبكت على وشها :blush2:

- عند 6شهور كنت طبعا بشقطها فى السما علطول لدرجه انها تكركع وتعيط لو معملتلهاش كدى

- 9 شهور ومع بداية المشي كنت علمتها ازاى تتشقلب وهى على السرير لدرجه كل ماتشوفنى تروح وقفه وتوطى علشان اشقلبها ولما وصلت سن 1.5 اتشقلبت من نفسها وللاسف دراعها اتلوى واتحطت فى الجبس :lol: اسبوعين بحالهم بس بيقولولى انها كانت بتضربهم بيه :blink: بنت اختى بقى

-عند سن سنه نطقت الانسه يارا اسمى صحيح وكانت خلاص بتمشي كانت تقولى ياعمور

******

سنه واربع شهور فى رمضان قبل اللى فات بالظبط كنت لما اصلى صلاة القيام تيجي تقلدنى تركع وتسجد وتقول الله اكبى وكان فى مسجد جنب البيت فكانت تردد الاذان الله اكبى الله اكبى

******

اجمل ايام عمرها بقى محضرتهمش وكان نفسي احضرهم بس بكلمها ديما وتقولى اسيك ياواد ياعمور

عندها الان سنتين ونص والحمد لله حفظت الفاتحة كاملة والاخلاص . وعد الارقام من 1 الى 10

******

طبعا المغنيه المفضله لديها نانسي عجرم واغنيه شاطى شاطى

دى اغلب نوادر ابنتي الغالية والعزيزه ومن افتقد ان اضمها الى قلبي واول فرحتى فى الدنيا دى

[Alex Lover]

ربنا يحميهم ويحرسهم يارب جميعا

انا كنت باذاكر لسيف ابني من كام يوم

وباقوله ما معنى (( الزكات )) Zakat ومعناها زكاة المال

قام رد بمنتهى البراءة قالي (يعني قطه )

وطبعا هلكنا من الضحك كلنا :blush2:

[Alex Lover]

العابنا واحنا صغيرين

انا فتكر لعبه السيجا وكنت انا واصحاب ارسم على الارض مبعات على شكل حرف T ونرمي الميس اللي هو عباره عن حجر مربع

كانت لعبه حلوة بجد

افتكر كمان لعبه كان اسمها (كيكه عاليه ) حد يعرفها .؟؟؟؟

اهي الألعاب دي مكنتش بتخلص ولو خلصت نألف لنا لعبه ههههههههههه

روحتوا فين يا جماعه ... محدش عايز يشارك

عمرو روحت فين النهاردة الكبسه طلعت ثقيله ولا ايه :blush2:

[amrhoras]

ينهار محتاس

انا موجود من الصبح ومصدعكم هههههه اكتشفت انى بتكلم كتييير اوى :blush2:

وشيفكم مش بتتكلموا كتير بقالكم كام يوم فانا بقى بتعامل مع نفسي هههه متابع اباركم من الايميل :lol:

الدنيا ضلمه هنا خالص :blink:

مفيش حد ساب اغاني يعنى!!!!

[ELSHAMY]

عندك كمان يا سيدى ابن أختى كان عمره 3 سنين وراح يصلى الجمعة مع أبوه..... ولما الأمام بدأ الخطبة الولد قام واخنرق الصفوف...وكان الجامع كبير.... وكل عيون المصلين عليه...لحد ما وصل الى المنبر وطلع السلم عند الخطيب و مد ايده وأخد كباية الميه اللى جنبه وشربها ورجع تانى....

أعتقد برضه ان الصلاة باظت.

[ELSHAMY]

HAPPY BIRTHDAY AMANI :blush2:

[Alex Lover]

عندك كمان يا سيدى ابن أختى كان عمره 3 سنين وراح يصلى الجمعة مع أبوه..... ولما الأمام بدأ الخطبة الولد قام واخنرق الصفوف...وكان الجامع كبير.... وكل عيون المصلين عليه...لحد ما وصل الى المنبر وطلع السلم عند الخطيب و مد ايده وأخد كباية الميه اللى جنبه وشربها ورجع تانى....

أعتقد برضه ان الصلاة باظت.

hahahahaaaaaaaaaa 7elwa awy di

صباح الخير عليكم

كل سنة وانت طيبه يا اماني

صباح الخير يا استاذ شامي / يا عمرو / يا جماعه انتو فين

صباحكم ورد