رابطة عشاق مصر (أليكس لوفر)

[قاهرى]

اةةة ولو تم المشروع متنسيش نسبتى والا

[مونتى]

بحرى وماادراك ما بحرى قهاوى بحرى (فاروق & نصار ) محطة الرمل وميدان سعد زعلول ومحلات صفيه وسعد والابراهيمه وسوق شاديا مش عارف احكى والى اوصف الجمال اللى فى اسكندريه

عاشق بلدى :egyflag:

[سكندريه]

يــــــــــــــــــــــــــا يا جماعه

فكرتوني بأسكندريه وأهلى وناسي بجد كانت أحلى أيام أنا أفتكر يوم العيد الصغير لما رحت أنا وأصحابي صلاه العيد يااااا كان أحساس تاني

حسيت والله أني أول مره أحضر عيد في حياتي ودخلت الجامع كل الناس فرحانين والأطفال لبسه هدومهه الجديده وألي توزع عليهم فلوس وألي توزع لعب

بس بأه الغريبه ألي مكنتش أتصوره أن بعد الصلاه لقيت كل الناس أخده أولاده وطالعه على محمد أحمد وكان زحمه موت وبعدين طالعين كلوا يفطروا على البحر ياااااااا اليوم ده كنت فرحانه وأنا شيفه الأولاد الصغيرين فرحانين وبيجروا ويلعبوا على البحر

وكنت فرحانه أكد لأن الفرحه كانت للناس كلها يعني أحساس جماعي كدا بالفرحه وأرجع على بيت جدتي وخالاتي وأهلى بجد أيام متتعوضش

و والله كل يوم عند حد

مش هنا يجي العيد زي ما يروح ولا تفرق

فعلا الحمد لله على نعمه الوطن والأهل :blush2:

[darlengs]

والله الواحد لولا ذكرياته فمصر مكنش قدر يعيش فغيرها00 ( الواحد بيجترهاطول السنه) 00 حياتنا كتاب و غربتنا مجرد صفحه فيه لكن عنوان الكتاب اننا مصريين 00 منقدرش نبعد عنها 00 بلدنا فعلا جمالها رباني 00 الحلو حلو و لو قام من النوم 00 والله كل بلاد غربتنا جمالها صناعي (مكياج يعني )00 لكن نسيم الهوا فبلدنا يا سلام عليه و كبايه شاي العصاري 00 و اغاني ام كلثوم00 افلامنا القديمه الابيض و اسود00 و طبيعتها سواء بحري او قبلي او الدلتا بخضرتها و نيلها00 فعلا رمضان عندنا مختلف اوي له طعم غير اي مكان00 عيد الفطر 00 شم النسيم 00 كل مناسبه بنفتكرها و نتمنا نكون معاها00

بس انتو نسيتو حاجه مهمه اوي فمصر 00 ناسها الحلوين 00 طيبين 00 وكرما و جدعان 00 و خفه دم محصلتش 00 و رجالتها رجاله 00 تشيل هموم و لا تكل 00 و تشتغل اي حاجه من غير دلع00 و عزم وصبر علي كل الشدايد 00متلاقي حد في الدنيا زيهم 00

موضوع حلو اوي و كل اللي كتبتوه حسيتو اوي و ياريت تقبلوني معاكو فأحلي رابطه

[مونتى]

احلى حاجة يا جماعة اللى انت بتحس دائما اللى انت مش لوحدك فى لمه وزحمه فرحه رمضان بمصر حاجة تانيه خالص حد راح محطه الرمل بعد الفطار او ميامى او خالد بن الوليد او الابراهيميه او سيدى جابر شارع بورسعيد سبورتنج والله ياجماعة حاجة تانيه

عاشق بلدى :rolleyes:

[Alex Lover]

يات صباح الخير ياللي معانا ياللي معانا .. الكروان غنى وصحانا وصحانا ... والطير اهي طايره في سمانا ياللا معانا ياللا معانا

السلام عليكم جميعا .. اظاهر كدة ان فية محبين كتير لمصر ..مش كل الناس زى بعض

بس بردوا محدش قلى عملتولى اية يا جماعة فى موضوع عصير القصب

بجد محدش يعرف واحد بتاع عصير قصب فى الامارات ... انا سمعت ان فية محالات عصير قصب فى السعودية والكويت ..... لو حد يعرف فى الامارت يقولى بجد ...

وبيتهيالى يا alex lover دة مشروع احلى من محل الفول والفلافل .... لان الفول دلوقتى متوفر عادى ولو مش فى محالات علب او تدميس والفلافل برغم انهم بيعملوها بالحمص انها بتقضى تقريبا نفس الغرض والطعم قريب كمان واغلب الجنسيات الموجودة سواء خليجية او شامية او هندية بيحبوها بالحمص فبالتالى مش هيكون الزبون بتاعك غير الزبون المصرى ودة هيجبرك انك تعملى السنادوتش ب 50 قرش زى مصر والطعمياية بشلن للصغنونة وببريزة للكبيرة ولو بعتى بالاسعار دى يبقى هتقفلى المحل بعد اول اسبوع فى الكويت

انا من راى تفتحى محل عصير قصب .. بس plzzzzzzz افتحية فى الامارات فى اى حتة والله وانا هاجى ..........

تحياتى لجميع المشاركين فى الرابطة

بحبك يا بلدى

اخوكم : ق ق ق ق ق ق ق ق قااااااااااااااااهرى

عارف يا قاخري كوباية عصير القصب في الكويت بكام ؟؟؟؟ الكبير بدينار والصغيرة نص دينار ، ده معناه ان كوباية عصير القصب ب عشرين جنيه :blush2: تصور الكلام ده لو واحد على قد حاله في مصر عطش وهو مروح بيته بيشربله (جردل) عصير بربع جنيه لو يعرف انها هنا بتتباع بالمبلغ ده كان زمانه جاب محصول القصب كله وعمل هو المشروع ده هنا ... بس على فكرة اكيد هتلاقي في الامارات كل محلات العصير عندها عصير قصب ، وممكن لو بتروح كارفور تلاقي في قسم الخضروات قصب متنظف ومتقطع دواير اهو يسد برضه ولا ايه ... mfb:

بحرى وماادراك ما بحرى قهاوى بحرى (فاروق & نصار ) محطة الرمل وميدان سعد زعلول ومحلات صفيه وسعد والابراهيمه وسوق شاديا مش عارف احكى والى اوصف الجمال اللى فى اسكندريه

عاشق بلدى :rolleyes:

انا مع اني اسكندرانية الا اني ماروحتش بحري كتير بس ساعات كنت اروح مع صحباتي في رمضان نفطر عند ابو شعره (( مش ابو شقره )) وده كان الفطار عنده حكاية والمشويات تجنن والناس فوق بعضها .. وكنا نقعد نشرب شاي بنعناع ونتفرج على المرسي ابو العباس ونتمشى شوية وبعين ناكل ايس كريم عزة ونروح بس فعلا بحري هي بوابة اسكندرية :P

يــــــــــــــــــــــــــا يا جماعه

فكرتوني بأسكندريه وأهلى وناسي بجد كانت أحلى أيام أنا أفتكر يوم العيد الصغير لما رحت أنا وأصحابي صلاه العيد يااااا كان أحساس تاني

حسيت والله أني أول مره أحضر عيد في حياتي ودخلت الجامع كل الناس فرحانين والأطفال لبسه هدومهه الجديده وألي توزع عليهم فلوس وألي توزع لعب

بس بأه الغريبه ألي مكنتش أتصوره أن بعد الصلاه لقيت كل الناس أخده أولاده وطالعه على محمد أحمد وكان زحمه موت وبعدين طالعين كلوا يفطروا على البحر ياااااااا اليوم ده كنت فرحانه وأنا شيفه الأولاد الصغيرين فرحانين وبيجروا ويلعبوا على البحر

وكنت فرحانه أكد لأن الفرحه كانت للناس كلها يعني أحساس جماعي كدا بالفرحه وأرجع على بيت جدتي وخالاتي وأهلى بجد أيام متتعوضش

و والله كل يوم عند حد

مش هنا يجي العيد زي ما يروح ولا تفرق

فعلا الحمد لله على نعمه الوطن والأهل :wub:

على رايك يا سكندرية والله .... فاكرة كان فيه هدوم وقفة وهدوم عيد ولا الكلام ده كان في بيتنا احنات بس ؟؟؟؟ cr((: المهم ان العيد بيبقى له طعم تاني ، هنا في الكويت العيد كئيب جدا بعيد عن الاهل ولكن الميزة والحق يقال ان المتنزهات اللي هنا حلوة والاولاد بيهيصو ... وكمان رايقة مش زحمة ربنا يعيد عليكم الايام بخير

والله الواحد لولا ذكرياته فمصر مكنش قدر يعيش فغيرها00 ( الواحد بيجترهاطول السنه) 00 حياتنا كتاب و غربتنا مجرد صفحه فيه لكن عنوان الكتاب اننا مصريين 00 منقدرش نبعد عنها 00 بلدنا فعلا جمالها رباني 00 الحلو حلو و لو قام من النوم 00 والله كل بلاد غربتنا جمالها صناعي (مكياج يعني )00 لكن نسيم الهوا فبلدنا يا سلام عليه و كبايه شاي العصاري 00 و اغاني ام كلثوم00 افلامنا القديمه الابيض و اسود00 و طبيعتها سواء بحري او قبلي او الدلتا بخضرتها و نيلها00 فعلا رمضان عندنا مختلف اوي له طعم غير اي مكان00 عيد الفطر 00 شم النسيم 00 كل مناسبه بنفتكرها و نتمنا نكون معاها00

بس انتو نسيتو حاجه مهمه اوي فمصر 00 ناسها الحلوين 00 طيبين 00 وكرما و جدعان 00 و خفه دم محصلتش 00 و رجالتها رجاله 00 تشيل هموم و لا تكل 00 و تشتغل اي حاجه من غير دلع00 و عزم وصبر علي كل الشدايد 00متلاقي حد في الدنيا زيهم 00

موضوع حلو اوي و كل اللي كتبتوه حسيتو اوي و ياريت تقبلوني معاكو فأحلي رابطه

اهلا بيك يا Darlings واهلا بيك واحد من اعضاء الرابطة ولكن من شروط الاشتراك معانا هو ضرورة التواصل wst:: نتمنى انك تنورنا دايما وتحكي وتتحاكي في جمال مصر

بمناسبة الاهل والجيبران وقت الشدة تخيلو امبارح طفل صغير بيلعب بكبريت جنب خيمة مائدة رحمن قام مولع في الخيمة وفي المسجد اللي جنبها وفي 5 سيارات اخر موديل ... وتخيلو ان الناس بعد ما الشرطة جت تحقق قالو احنا كنا واقفين في البكونة وشوفنا الولد الفلاني بيلعب في الكبريت وولع في الدنيا ... طيب يا ولاد الحلال مفيش حد كلف نفسه وجاب مبه وحاول يطفي ؟؟؟؟؟ الموضوع ده حصل قريبا من بيتي ،، قلت والله عمار يا مصر لو موقف زي ده في مصر تلاقي حتى الستات نازله تجري بحلل مياه المهم تساعد ... وحشتيني بجد يا مصر

احلى حاجة يا جماعة اللى انت بتحس دائما اللى انت مش لوحدك فى لمه وزحمه فرحه رمضان بمصر حاجة تانيه خالص حد راح محطه الرمل بعد الفطار او ميامى او خالد بن الوليد او الابراهيميه او سيدى جابر شارع بورسعيد سبورتنج والله ياجماعة حاجة تانيه

عاشق بلدى :rolleyes:

مونتي ازيك .... ايه اخبار رمضان معاك ... ياريت تحكيلنا عن زكرياتك بالتفصيل ....

[seeem]

كلمة حلوة وكلمتين ................ حلوة يابلدي

احم احم.....

النهاردة حافتكر معاكم بحر ابو قير.......

الحقيقة انى مافتكرش جدي لأنه اتوفى وانا صغير لكن بافتكره بس مع اول طلعة لبحر ابو قير. كنت صغير جدا مافتكرش بجد عندي كام سنة بس هو كان عايش وصحته حديد. كنا بايتين عنده فى البيت ان واخوانى وامي ووالدي وخلاتي وعمامي. كلنا كلنا يمكن 40 واحد او اكتر. المهم صحينا من الفجر على اننا رايحن البحر وعنكم بقه استعدادات وسندويتشات وتحضير وكمية شنط هاندباج وبدأ الزحف العظيم بالوصول الى محطة القطار, مش بعيدة يمكن خمس خطوات من البيت. وبعدين ركبنا القطر اللى رايح ابو قير . برده اول مرة اركب فيها القطر واتهز معاه والقطر يجري كأنه حايشق السما والارض. ياه على صوت الفلنكات والهوا وقوته والخضرة من حولينا لما قربنا من المعمورة ولغاية ماوصلنا ابوقير. وبعدين نزلنا من القطر وركبنا الكارته . وكمان مش حاخيب ظنكوا اول كارته واول حصان ابقى قريب من للدرجه دي . كنت حاسس انى اليس فى بلاد العجائب. مش مصدق اللى بيحصل حواليا من جمال كل لقطة وصورة. المهم وصلنا ابوقير ومهما احكي واقول عن ابوقير مستحيل اوصفه . بحر جميـــــــــــل وسماه صافيــــــــــا . ولا السمك المشوي والجمبري وام الخلول وحاجات كلها فعلا اول مرة اشوفها . واللعب فى البحر عمري ماحنساه . يوميها رجعنا ونمت ماحستش بنفسي نايم ولاصاحي . ماهو الحلم بقى حقيقة والحقيقة احلى من احلى حلم.

بجد وحشتيني يامصر

[قاهر العولمة]

والله دي مبادرة كويسة

وأنا معاكم في أي رابطة المهم نتجمع سوا ..!!

[seeem]

عايز اكتبها : اغنية غناها محمد فؤاد يمكن من اكتر من عشر سنين.

يعنى ايه كلمة وطن

شاي بالحليب على قهوة بالضاهر هناك

نسمة عصاري السيدة ودير الملاك

يعنى ايه كلمة وطن

نشعة رطوبة فى الجدار

ولاشمس مغرقة برد النهار

ولا امك ولا اختك

ولاعساكر دفعتك والرملة نار

[seeem]

فعلا ياقاهري مافيش عصير قصب فى الامارات. مع انى لما كنت فى السعودية كنت باشربه بريالين بس من اعند اى مطعم لبنانى.

دور كده فى المطاعم اللبناني يمكن تلاقى . ولو لاقيت ماتنسانيش معاك.

[Alex Lover]

كلمة حلوة وكلمتين ................ حلوة يابلدي

احم احم.....

النهاردة حافتكر معاكم بحر ابو قير.......

الحقيقة انى مافتكرش جدي لأنه اتوفى وانا صغير لكن بافتكره بس مع اول طلعة لبحر ابو قير. كنت صغير جدا مافتكرش بجد عندي كام سنة بس هو كان عايش وصحته حديد. كنا بايتين عنده فى البيت ان واخوانى وامي ووالدي وخلاتي وعمامي. كلنا كلنا يمكن 40 واحد او اكتر. المهم صحينا من الفجر على اننا رايحن البحر وعنكم بقه استعدادات وسندويتشات وتحضير وكمية شنط هاندباج وبدأ الزحف العظيم بالوصول الى محطة القطار, مش بعيدة يمكن خمس خطوات من البيت. وبعدين ركبنا القطر اللى رايح ابو قير . برده اول مرة اركب فيها القطر واتهز معاه والقطر يجري كأنه حايشق السما والارض. ياه على صوت الفلنكات والهوا وقوته والخضرة من حولينا لما قربنا من المعمورة ولغاية ماوصلنا ابوقير. وبعدين نزلنا من القطر وركبنا الكارته . وكمان مش حاخيب ظنكوا اول كارته واول حصان ابقى قريب من للدرجه دي . كنت حاسس انى اليس فى بلاد العجائب. مش مصدق اللى بيحصل حواليا من جمال كل لقطة وصورة. المهم وصلنا ابوقير ومهما احكي واقول عن ابوقير مستحيل اوصفه . بحر جميـــــــــــل وسماه صافيــــــــــا . ولا السمك المشوي والجمبري وام الخلول وحاجات كلها فعلا اول مرة اشوفها . واللعب فى البحر عمري ماحنساه . يوميها رجعنا ونمت ماحستش بنفسي نايم ولاصاحي . ماهو الحلم بقى حقيقة والحقيقة احلى من احلى حلم.

بجد وحشتيني يامصر

لو اتكلمت عن ابو قير فحدث ولا حرج ... فعلا لو حبينا نتكلم مخصصنا كل يوم جزء للكلام عن جمالها وذكريتنا مش هتكفي ايامنا كلها .,. بس بجد حلوة حكاية اليس في بلاد العجائب هههههههه :rolleyes:

والله دي مبادرة كويسة

وأنا معاكم في أي رابطة المهم نتجمع سوا ..!!

اهلا بك يا قاهر العولمة ، نورتنا وشرفتنا ,,,, ايه اخبار مصر جواك .... بتناديك مش كده ؟؟؟ احكيلنا عن اجمل شي بيناديك واجمل حاجة في ذكرياتك

واهلا بيك معنا في الرابطة الذهبية

عايز اكتبها : اغنية غناها محمد فؤاد يمكن من اكتر من عشر سنين.

يعنى ايه كلمة وطن

شاي بالحليب على قهوة بالضاهر هناك

نسمة عصاري السيدة ودير الملاك

يعنى ايه كلمة وطن

نشعة رطوبة فى الجدار

ولاشمس مغرقة برد النهار

ولا امك ولا اختك

ولاعساكر دفعتك والرملة نار

انا اول مرة اسمعها بس كلامها زين يمشس الجلب ... والله بجد حلوة كلماتها اوي وياريت لو حد يعرفها يحملها على الموقع صوت وصورة

[moony]

بحبك يا مصر ومهما قالولي عنك حفضل برده احبك

ربنا يخليكي لينا يامصر

و تحيا مصر

[قاهرى]

بمناسبة 10 من رمضان - كانوا على قناة Nile Tv قبل المسلسل بتاع تامر هجرس جيبين حفلة فيها اناشيد وطنية وكان موجود فى الحفل الرئيس وحرمه ...

انا كل دة مهمنيش الا انى لقيت نفسى بردد مع كلمات الاغانى الوظنية الى بتتغنا

حسيت بفرحة كبيرة اوى ..بجد مصر ام الدنيااااااااااااااااااااااااااااا :lol:

[Alex Lover]

انا اول مرة اشوف اغنية شيرين ( مشربتش من نيلها ) وفعلا حسيت بكلماتها وحبيتها جدا .... يا جماعة مصر بتحلو وبتتطور بس عايزة اللي يزيل من عليها الغبار ، طبعا فهميني :lol:

[مونتى]

مساء الخير على الجميع

اليكس شكرا على سؤالك انا والحمد لله كويس جدا فى رمضان

كل يوم فى رمضان وانت بالغربه بيزيد منها عارفين ليه

رمضان بمصر حاجة تانيه خالص اللمه على الفطار الخروج للصلاة بعد الفطار

العرقسوس وقمر الدين الفوانيس

وحلو يا حلو رمضان كريم يا حلو

عاشق بلدى

:lol: كل حاجة حلوه تلقيها الناس والزحمة زينه الشوارع عيد ياجماعه والله...مش ممكن تلقى ده باى مكان بالعالم

[أبو محمد]

فى عام 81 (سنة أولى كويت) .. أولادى لحقونى فى شهر سبتمبر .. وكان العيد الكبير فى شهر أكتوبر .. حضرنا نفسنا على المغربية علشان ننزل البلد .. وكنا نمنى النفس برؤية مظاهر العيد فى البلد الذى حللنا عليه لتونا ... وكم كانت صدمتنا عندما رأينا الشوارع مظلمة والمحلات مقفلة ..

وفهمنا وقتها أن ليس كل البلاد مثل مصر

هناك بلاد يهجرها أهلها فى الأجازات ويخرجون إلى بلاد أخرى .. وهناك بلاد (مثل مصر) يحن إليها أبناؤها فى الخارج ويتمنون أن يمضوا فيها أجازاتهم .. مصر طبيعتها ليست فى جمال بلاد أوروبية وآسيوية أخرى .. أو حتى فى جمال جبل الشام ولبنان .. مصر جمالها يكمن فى كونها مصر .. بلد شكل تانى .. سحر تانى .. لأولادها ولغيرهم ..

فى ذلك العيد .. فى عام 81 .. أغتيل أنور السادات .. واندهش الزملاء من جميع الجنسيات لرؤيتهم للحزن العميق فى عيون كل المصريين .. حتى الذين كانوا يلعنون الرجل مع اللاعنين .. أصابهم ذلك الحزن العميق .. حزن مرجعه فى المقام الأول أن الحادث كان غريبا ، وغريبا جدا على طبيعة المصريين السمحة .. وكان الحزن والشعور بمصريتنا يزدادن لرؤية مظاهر ومظاهرات الشماتة ..

[Alex Lover]

فى عام 81 (سنة أولى كويت) .. أولادى لحقونى فى شهر سبتمبر .. وكان العيد الكبير فى شهر أكتوبر .. حضرنا نفسنا على المغربية علشان ننزل البلد .. وكنا نمنى النفس برؤية مظاهر العيد فى البلد الذى حللنا عليه لتونا ... وكم كانت صدمتنا عندما رأينا الشوارع مظلمة والمحلات مقفلة ..

وفهمنا وقتها أن ليس كل البلاد مثل مصر

هناك بلاد يهجرها أهلها فى الأجازات ويخرجون إلى بلاد أخرى .. وهناك بلاد (مثل مصر) يحن إليها أبناؤها فى الخارج ويتمنون أن يمضوا فيها أجازاتهم .. مصر طبيعتها ليست فى جمال بلاد أوروبية وآسيوية أخرى .. أو حتى فى جمال جبل الشام ولبنان .. مصر جمالها يكمن فى كونها مصر .. بلد شكل تانى .. سحر تانى .. لأولادها ولغيرهم ..

فى ذلك العيد .. فى عام 81 .. أغتيل أنور السادات .. واندهش الزملاء من جميع الجنسيات لرؤيتهم للحزن العميق فى عيون كل المصريين .. حتى الذين كانوا يلعنون الرجل مع اللاعنين .. أصابهم ذلك الحزن العميق .. حزن مرجعه فى المقام الأول أن الحادث كان غريبا ، وغريبا جدا على طبيعة المصريين السمحة .. وكان الحزن والشعور بمصريتنا يزدادن لرؤية مظاهر ومظاهرات الشماتة ..

الأستاذ الفاضل والجليل أبو محمد ... سلمك الله و بارك لنا فيك ... ،،،، كلامك مختصر جدا ولكن شامل ومفيد بدرجة كبيرة ،، نفس شعور الكآبة في المناسبات العامة شعرت به وبمرارة ... حتى العام الذي لم انزل فيه اجازة الى مصر مع المصريين .... وجدت البلد غريبة وكانني نزلت الى كوكب غريب واصبحت احقد على كل من نزل مصر (( وزمانه دلوقتي قاهد في وسط اهلها )

برغم كل ما يحدث على ارض مصر من هتافات وثورات الا ان قلوبنا بيضاء والله جميعا بلا استثناء ... نتوجع لو حتى اصاب عدونا مكروة لمجرد ان عدونا هذا مصري ولكن نحن لا ننشد العذاب نحن دائما نبحث عن الحلول السلمية وبهدوء أما الاعتداءات الارهابية والعمليات الجهادية فهذه ظاهرة غريبة علينا ونبتت وسط اولادنا لذلك تألمتم يوم اغتيال السادات ... رحمة الله على جميع المسلمين

شرفتنا يا استاذنا الفاضل برجاء عدم الاكتفاء وسرد المزيد

[Alex Lover]

هنا في الكويت فيه احتفال بحاجة اسمها (( قرقيعان )) وبتكون وسط شهر رمضان .... يعني اليومين دول ،،، ودى بتضفى بهجة الى حد كبير على الاطفال بالتحديد لانهم بيزعوا الحلويات في كل مكان في المداراس والمولات وحتى في الشوارع ،،، دي ظاهرة اولادي بينتظروها وبيحبوها ....

المقصود ان هل لما ننزل في يوم من الأيام مصر وبعد كام سنة هيفتقد اولادي شهر رمضان اللي اتعودو عليه في الكويت وهيفتقدو احتفال القرقيعان ومش بعيد ينزعجوا من زحام الليالي الرمضانية ويقعدو يقولو فين ايام رمضان في الكويت ؟؟؟؟؟؟؟؟؟ سؤال اتمنى من الكل ان يشارك فيه ويقولي رأيه

[أبو محمد]

هنا في الكويت فيه احتفال بحاجة اسمها (( قرقيعان )) وبتكون وسط شهر رمضان .... يعني اليومين دول ،،، ودى بتضفى بهجة الى حد كبير على الاطفال بالتحديد لانهم بيزعوا الحلويات في كل مكان في المداراس والمولات وحتى في الشوارع ،،، دي ظاهرة اولادي بينتظروها وبيحبوها ....

المقصود ان هل لما ننزل في يوم من الأيام مصر وبعد كام سنة هيفتقد اولادي شهر رمضان اللي اتعودو عليه في الكويت وهيفتقدو احتفال القرقيعان ومش بعيد ينزعجوا من زحام الليالي الرمضانية ويقعدو يقولو فين ايام رمضان في الكويت ؟؟؟؟؟؟؟؟؟ سؤال اتمنى من الكل ان يشارك فيه ويقولي رأيه

قرقيعان الكويت (تُنطق جرجيعان) .. من قرقعة "أبو طبيلة" اللى هو المسحراتى بتاعنا ..

قرقيعان النصف من رمضان فى الكويت هو حللو يا حللو فى مصر طوال الشهر الكريم .. هذه إحدى طقوس أطفال مصر زمان للاحتفال برمضان والتى اختفت "تقريبا" من حياتنا للأسف الشديد .. كان الأطفال يتجمعون بفوانيسهم فى جماعات صغيرة بعد الإفطار ويدورون على بيوت الحى مضيئين فوانيسهم بالشموع .. يغنون :

حللو يا حللو .. رمضان كريم يا حللو

حللو الكيس .. وادونا بقشيش

لانروح ما نجيش ياحللو

وكانت طلعات الأطفال تزداد كثافة فى اواخر رمضان عندما تكون البيوت قد اشترت "النُقل" أو المكسرات استعدادا للعيد وعمايل الكحك .. إذ أن أغلب حصيلة ال "حللو" تكون من المكسرات التى يعشقها الأطفال .. وكان إكرام الضيوف فى العيد هو تقديم الكحك وتشكيلة المكسرات فى صينية مع كسارة بندق .. كانت أمى يرحمها الله تقوم بتكسير البندق واللوز والجوز وتقدمها للضيوف .. وأحيانا كانت تضع أكثر من كسارة فى الصينية ليقوم الضيوف بأنفسهم بتكسير المكسرات .. كانت أحلى الزيارات هى زيارات العيد وما بعد العيد لتميزها بهذه التنويعات مما يقدمه المضيف لضيوفه ... كان والدى يرحمه الله يشترى المكسرات فى "زنابيل" .. والزمبيل ، لمن لا يعلم ، هو "قُفة" مملوءة بنوع من المكسرات وتغلق بالدوبار بغرز واسعة .. وكانت الزنابيل توضع تحت السرير .. وكانت الغرز الواسعة التى يُغلق بها الزمبيل تغرينى كطفل لكى أتسلل إلى تحت السرير ومعى كسارة البندق واعيش حياتى ...

موضوع القرقيعان فى الكويت .. وحللو يا حللو فى مصر .. يشبههما مايسمونه فى أمريكا Scavenging Hunt فى يوم يحتفلون به وهو ال Halloween إذ يخرج الأولاد بشنط سواء بلاستيك أو مصنوعة يدويا من القماش .. يطرقون أبواب البيوت المجاورة ويصيحون عند فتح الباب Scavenging Hunt فيحصلون على ما لذ وطاب من الحلويات ...

أنا رأيت القرقيعان الكويتى .. وال Halloween Scavenging Hunt الأمريكانى ولكنى لم أر أجمل من حللو يا حللو المصرى

وللأسف لن أستطيع أن أجيب على سؤال الفاضلة 'Alex Lover' .. فلم أعد أرى مجموعات الأطفال بالفوانيس المضاءة بالشمع .. فقط أرى أطفالا يمسكون بفوانيس من البلاستيك المصنوع فى الصين وبتحريك زرار فيه يأتيك صوت عبد المطلب " رمضان جانا " أو صوت أحمد عبد القادر " وحوى يا حوى " :blink:

[amrhoras]

بمناسبة رمضان وكل سنه وانتو كلكم طيبين

احب اقولكم اجمل حاجة في الايام المباركة دى هى مظاهر رمضان اللى خايف انها تختفى من عندنا فوانيس رمضان ووينه الشوارع الكنافة والناس السهرانه طول الليل يـــــــاه فين الايـــام دى

الا هنا بقى رمضان ده حكاية يمكن الايام العادية هنا ليال رمضان اقل منها مفيش حد حتي يقول احنا فى ايام مبروكه ونفرح لنام عادى جدا روتين قاتل والناس هي هي مش فرقه رمضان غير رمضان كلها ايام ربنا يرجال هو بس رمضان بكثر فيه العباده ونصوم عن الطعام والمحظورات غير كده ماعليك.

اجمل حاجة في بلدى ساعة الصباح لما تقوم الساعة 5:30 الفجر كدى ويبدأ الصباح فى الظهور ونسمات الهوا الصافى العليل المحمله بروائح العطور من بساتين الياسمين

زقزقة العصافير وهى رايحة تشوف اكل لها

الناس الطيبة وهى رايحة الشغل لو بعيد

الخضري وهو ماشي بيبيع خضار

الفول قشطة البليلة عند المحطة

جرايــــــــد جرايــــــــــــد اقرى الأهرام

ويبدا الصبح فى التغلغل كنت اروح ديما نقابتي ( التجاريين) كان ليا ركن فيها على الميه (فرع من النيل) اقعد اقرى الاهرام :sad: مع كباية الشاي فى الخمسينه من غير سكر طبعا قبل ما أروح شغلى

المكان التانى بقى وهو سر من أسرارى كنت احب اروحه كنت بشتغل شيفت ليلى فى فندق فايف ستار من فنادق الغردقة طبعا محاسب بس مش مهم انما المهم كان فى صخرة كبييرة اوى كنت اعدى الميه لما اشمر البنطلون واقعد عليها bv:- برده الساعة 5 الصبح واتفرج على جمال الشمس وهى بتشرق ويتنزل ستار الدهب من اشعتها على البحر صدقونى بلدنا اجمل منها مفيش فى الدنيا انا بحبها وبحب كل حرف فيها

(م) مافى اجمل ولا اطعم من هواكى يابلدى

(ص) صار بعدى عنك عذاب يابلادى

(ر) رفعت راسى وسط كل الاوطان اقول انا مصرى ابن مصر

نيلك ورملك وناسك bv:- هم كنزك يامصر wst::

زرعتى فينا الخير ومهما بعدنا حنرجعلك يا أم الاوطان bv:-

bv:- بحبك يامصر من قلب مصرى بن مصرى بن مصرى

انشا الله التراب اللى يسودك دلوقتى حنغسله وننضفه mf) بالميه bv:-

امضاء عمرو حورس bv:- من أرض الغربة المملكه العربية السعوديه جرداء فقراء لا يوجد بها خير ولا نماء :blink:

تم تعديل 26 سبتمبر 2007 بواسطة amrhoras