رابطة عشاق مصر (أليكس لوفر)

[amrhoras]

تعقيبا على كلمات مدام اليكس اقدر اهديلها الاغنيه دى واقولها انشا الله ترجعى بلدك بألف سلامه

الاغنيه دى هديه الى كل عشاق الحنين الى الوطن

[ahmedarab]

عبد السلام المحبوب...كما كانوا يطلقوا عليه الناس جميعا

وعلى فكرة الحجات الجميلة اللى كان الرجل دة بيعملها ...كنا بنبقى سعداء بيها قوى بالرغم من انى مش اسكندرانى..بس كنت مبسوط جدا ان لسة فى مسؤلين فى مصر عندهم ضمير وزمة نظيفة وبيهتم بالناس وبيخاف ربنا ؟؟؟!!!!

المشكلة زى ما قولتى يا اليكس انة اتعاقب زى ما كل واحد بيبان منة اى بادرة ضمير ..... مثلا زى كمال الجنزورى مثلا ..مع انى كنت صغير ساعتها ومش فاكرة اية اللى كان بيعملة بالضبط .

المهم انا اعقتد انة لو رجع محافظ للاسكندرية (وانا عند نفسى مفتكرش) هيفضل برضة زى ما هو مش هيتعلم من الدرس ..اصل بعدالشر عن باقى المسؤلين الضمير دة مرض عضال ليس له علاج

بحلم باليوم اللى يبقى عبد السلام المحجوب دة او اى حد زية ...رئيس وزراء مصر او حتى رئيس......... لا يا ستى ولا بلاش لحسن نلقية اترمى من البلكونة بكرة فى حدثة انتحار (وش واحد مختوم على قفاة)

تحياتى

[Alex Lover]

بحلم باليوم اللى يبقى عبد السلام المحجوب دة او اى حد زية ...رئيس وزراء مصر او حتى رئيس......... لا يا ستى ولا بلاش لحسن نلقية اترمى من البلكونة بكرة فى حدثة انتحار (وش واحد مختوم على قفاة)

تحياتى

والله ومين سمعك انا كمان نفسي يرتقى لهذا المكان العظيم ... بس هنقول ايه خليه عايش احسن :rolleyes:

[amrhoras]

السلام عليكــم ورحمـة الله وبركاتــة ،،

وليه الاكتئاب ده

يمكن فى موجودددد ناس كتييير اوى بس مظهرتش دائما فى الايقان بالله خالق الكون قادر على كل شيء

عارفين لما توصلوا ان غدا اجمل ويكون عندكم تأكيد لده وثقه فى كدى ان بكره اجمل هتوصلوا لدرجه الايقان والثقه واعلى درجات الايمان

ادعوا ربنا وخليكوا متأكدين ان الدعوه هتستجاب صدقونى انا يمكن اكون صغير فى السن بالنسبه لاغلب المشاركين لكن والله والله انى جربت الطريقة دى من قبل وحاجات كتير اتحققت وان مكملتش فده برده اليقين ان ربنا بيعمل كل خير ولايرى ان فى امرا ما خيرا لى لذلك لا اشعر بالحزن على اللى فات ديما فى امل وامل وامل

عسى ان تكرهوا شيئا وهو خير لكم

حبة ماء ساقع اغسلو بيه كل الكأبة دى

عيشوا لحظتكم بكل سعاده

اعرفوا ان كل يوم هو يوم ميلادكم

خدوا اطفالكم فى احضانكم وانسوا داخل ضحكاتهم بلاش اطفالكم اى حاجه جميله تحبوا تعملوها ..... انسوووووا كل البؤس والاكتئاب ...... لكل شيء أوان . والله يمهل ولا يهمل

واضح جدا ان سلمى ياسلامه رحنا وجينا بالسلامه مش عجباكم ومش عارفين تخرجوا من الاكتئأب هكتأب كدى

وذمكتم مش غريبه :rolleyes: انى بنصحكم هههههه :lol: :) فكرونى خلال ايام بس مش دلوقتى اقولكم على مفجأه يمكن دى كل احلامى دلوقتى وهقولكم عليها انشا الله اول ماتحصل بس مش جواز عشان عم احمد عرب يرتاح:P

فرفشوا ياولاد بلدىىىىىىىىىىىىى

تم تعديل 30 ديسمبر 2007 بواسطة amrhoras

[ahmedarab]

والله يا عمور اول ما قولت مفاجاة

قولت يبقى جواز على طول ................... :)

على العموم يا سيدى ربنا يحققلك كل احلامك وربنا يقرب البعيد يا سيدى

وعلى فكرة مفيش اكتئاب ولا حاجة ...بس انا ماشى بمبداء

أفتراض الاسواء .........لكى تكون الحياة عبارة عن مجموعة من المفاجاءت السارة

تحياتى يا جميل :rolleyes:

[ahmedarab]

وعلى فكرة يا عمور

بجد بجد ....الاغنيتين احلى من بعض

وانا عن نفسى باعشق اغنية حـــلوة يا بلدى جدا

اول ما اسمعها تلقينى سرحت ورحت فى حتت بعيـــــــدة :)

عشان كدة تلاقينى كل مرة اسمعها .... عقبال ما اجى اشكرك .... اكون رحت فى البعيد دة :rolleyes:

[Alex Lover]

مفيش اكتئاب انشاءالله

:rolleyes:

احنا مبسوطين خالص جدا

حتى شوف بنضحك ازاي

:lol: :P

المهم بلاش الميه الساقعه :) الجو برد يا عمرو :sad:

الدنيا برد الدنيا برد وعم خليل بيسقس الورد

الدنيا برد يا عم خليل ... وبتسقي الورد يا عم خليل الدنيا برد

[amrhoras]

افترض الاجمل تجد الاجمل منه دائما انشا الله ....

الحزن الاكتئاب الهم الكرب الندم التعصب الفشل التشاؤم كل تلك المشاعر لو تملكت من احد لوجد نفسه يتحرك داخل دائره مغلقه قد صنعها لنفسه بالعكس تبدأ هذه الدائره تتسع ثم تتوقف عند مرحلة ما ثم تبدأ فى الانغلاق على ذات الشخص وحده حتى تخنقه .... والنتيجه الى متى؟ ماذا ستفعلون ......

لذلك اسألكم ان تنظروا الى الحياه بتعمق اتركوا كل لحظات الالم اغلقوا عليها لاتدعوها تتملك وتستحوذ على تفكيركم . تجدوا الدني اصبحت مشمسه وضوء النهاء بدأ فى الظهور وكل ضباب من مشاكل و و و قد انقشع .

دائما اجعلوا ذلك داخلكم تستيقظون على فرحه تأوون الى فراشكم على أمل وتقضون اوقاتكم فى سعاده وراحة بال حتى ولو لم تحققوا مالم تمنيتوا الا انكم قد حاولتم وستحاولون مجددا وتكرارا ......

هذه هى باكورة افكارى :rolleyes: ويسعد ايامكم انشا الله ويهون عليكم الغربه داخل وخارج بلدكم

عمرو

[ahmedarab]

مش عارف لية مش مرتاح من هرشة التفاؤل الزيادة دى يا عموووور

شكلك كدة هتعمل مصيبة قريب....ربنا يستر وميطلعش اللى فى بالى

اعقل كدة وسيبك من التفاؤل دة يا بنى ...مش كويس على صحة المصريين.هههههههههههه

لا بجد فعلا التفاؤل حاجة كويسة والرسول نفسة علية الصلاة والسلام حثنا على التفاؤل (بشروا ولا تنفروا)

متشكرين يا عم المتفائل وربنا يستر

سلام

[Alex Lover]

صباح الورد

انا اسيبكم ارجع الاقي احمد وعمرو بيتخانقوا

ليه يا عمرو بتتفاءل في وش اخوك احمد ؟؟؟ :)

انا علمتك تعمل كده :P :) يا خسارة تربيتي فيك

تفاؤؤؤؤؤؤؤل .. تفاؤل مره واحده :happy:

لا حول ولا قوة الا بالله

ده حتى فريد قال (الحب من غير أمل اسمى معاني الغرام )

معلش يا احمد متزعلش انا هاضربهولك أأه

================================================================================

احم احم

وا|لأن عوده لموضوعنا

صباح الخير يا مصريين .. صبااااح ملئ بالتفاؤل والأمل :lol:

ومع هذه الاغنيه

الدنيا ايه من غير أمل :wub:

ميكونش ليه عندك أمل :P

عيش عيش بالأمل :P

تم تعديل 31 ديسمبر 2007 بواسطة Alex Lover

[ELSHAMY]

صباح الخير

عندك حق يا أليكس..... اهو عمرو من كتر التفاؤل الظاهر حصل له حاجة لأنه مظهرش لحد دلوقتى.....

ده جزاء الى ما يتعظش من غيره.... قال تفاؤل قال

[Alex Lover]

ياترى انت فين يا عمرو يا ابني

:happy:

ادي جزاء اللي ميسمعش كلمة ماما تقولها :)

======

الظاهر يا دكتور ان الكبسه طلعت باللحم السمين اللي معدته مش مستحملاه :)

[ahmedarab]

يعنى يرضيكى كدة يا اليكس ؟؟؟؟؟

قال تفاؤل قال ...وبعدين كمان فى وشى كدة ؟؟؟؟؟

على العموم يلاة اهو خد جزاءة ومش عارف باين على رايك الكبسة كبست اوىىىىىى

اين انت يا عمرو يا ولدى

صباح الخير ولو انها متاخرة شوية ....يعنى ممكن نمشيها ظهر الخير

وبما ان عمرو مش موجود ...اسمحولى امسك المايك شوية صغيرة وافكر الكيس بحاجة كانت ناوية تقولها زماننننننن بس مش عارف اية اللى حصل

مطلوب على وجة السرعة من اليكس ومن كل المتجوزين ...ذكريات شهر العسل (فاكرة يا اليكس قولتى هاقول ذكرياتى عن شهر العسل فى الاقصر ) وبعدين اختفيتى ؟؟؟؟

انا مش ناسى ...خالى باك انتى متراقبة ههههههههههه

تحياتى

[ELSHAMY]

شهر عسل ايه يا عم أحمد.....خليك متفائل

قال شهر عسل قال

[ahmedarab]

دة هو دة اصل التفؤل يا عزيزى الشامى ....الواحد لازم ياخد عظة من اللى سبقوه

عشان يحاول مش يكرر نفس الاخطاء .....وربنا يستر طريقك

وبعدين يعنى دة معناه ان حضرتك متجوزتش زلا مفيش شهر عسل ولا اية بالضبط ...مفيش ذكريات طيب ؟؟؟؟؟؟ ولا اى حاجة ؟؟؟؟؟؟

تحياتى

[salemhegazy]

السلام عليكم جميعا

ازيكم عاملين ايه؟

يا اخوانى تفاءلوا بالخير تجدوه

التخطيط يا اخوانى التخطيط و تحديد اهداف السنه الجديدة اليوم 31

[salemhegazy]

عارفين اليوم اخر يوم فى السنة ده معناه ايه ؟

ان الواحد نفص من عمره سنه

و انه اقترب من القبر سنه

و مر عليه و قت كتير خلال السنة لم يذكر فيه الله و لم يقدم طاعه

و كم من صديق فقدناه خلال السنه

و كم من امل لم يتحقق فى خلال السنه اللى فاتت

اسوأ يوم بيمر على الواحد هو اخر يوم فى السنه

كل و احد يبص فى كشف حساب السنه اللى فاتت عمل ايه و قصر فى ايه

[Alex Lover]

لا اشعر باي شئ ... بالمرة يوم راس السنه

ولا احتفال ولا محاسبه لنفسي

انا باحاسب نفسي على فترات ومش بس السنة هي اللي مرت

كل يوم بيمر من عمرنا

ونتمنى ان نتوحد على الحق والايمان دايما

كل عام وكل يوم وكل ساعة وانتم بخير

[amrhoras]

صباح الخير طبعا بعد الظهر

الشمس طالعه والنهار جميل وبعد تفاؤل امبارح العظيم ده اختفيت ياترى ليه :)

بعد صراع مع DNS و SSL و TSL ومشاكل فى البلوكات مكنتش عارف ادخل مع محاورات المصريين بالذات الموقع الوحيد اللى مكنش راضى يفتح

واضح ان اليكس واحمد كانوا وراء هذا الاختفاء بس قدرت اتعدى الصعاب :lol:

********

صباح الخير لاخر يوم فى السنه الميلاديه ياترى السنه الجاية مخبيالنا ايه ..... سؤال يطرح ننفسه

لكن قبل الطرح والايشاربات اود ان اقول اليكم اننا لم نقترب من الموت لان الموت اقرب الينا فوق ماتتخيلوا فى لحظه وفى اى دقيقه

كل ماعلينا ان نشعر بولادة يوم جديد فى حياتنا وجعله ذكرى لمن يتسلموا الرايه ....

لذلك عليكم جميعا الطاعه والدعاء والايمان للخالق الاحد . وايضا الاخرة خير وابقى لذلك وازن بين الحياه والاخره

وعدم اهدار لحظاتكم فى التفكير فى الموت لكنه حقيقه من احب لقاء ربه احب الله لقائه فاعدوا انفسكم الى تلك اللحظه الى جانب الاستمتاع بايامكم وسط اسركم

يجي د/الشامى ويسألنى وانت عملت ايه ياخفيف ياللى عملى فيه داعيه.

ارد عليه بحاول اعيش المال والبنون زينة الحياة الدنيا . وان بينهما الحياه والاخره

فعش الدهر كما لو انك تعيش ابدا واعمل لاخرتك كأنك تموت غدا الصراحه انا وده فيما معناه طبعا لانى ديما بنسى فاعذرونى ان كنت بقتبس احاديث من القرأن او الحديث الشريف بس لم احرفه انما اقول المعنى . نظرا لانى عندى زهايمر مبكر .

**********

بالنسبه بقى لموضوعنا اللى انحرفنا عنه كتييير نرجعله واسالكم بلاش زى ما اخويا احمد سال وقال ذكريات شهر العسل وواضح ان السؤال مع انه جميل للشباب اللى زينا كلهم براءه واحلام يعيشوا الهانيمون انما شكله كدى لم يلقى استحسانكم :) ليه مش عارف انا محضر رسائل الى ازواجكم وزوجاتكم علشان يقروا بتقولوا ايه :happy: انتوا متراقبين طبعا

عاوز اسأل كل واحد فيكم ناوى على ايه فى الخطه السنويه المقبله ... 2008 يعنى اكيد كل واحد له خطوات برمجها لنفسه . فعاوز اعرف يمكن نكتسب حاجه جديده .

شكرا

[ELSHAMY]

بمناسبة الاحتفال بهذا اليوم اللى زى أى يوم تانى فى رأيى....أقترح عليكم اقتراح.....لما نفذته السنة اللى فاتت حسيت براحة نفسية عجيبة....وحسيت انى بأبدأ السنة بشكل غير معظم الناس.....

عارفين نعمل ايه....؟

الساععة 12 الا خمسة والناس فى العالم كله بيحتفلوا بشكل ما قد لا يخلو من معصية ما.....نقوم احنا نصلى ركعتين فقط فى خمس دقايق وندعى فيهم انها تكون سنة جميلة علينا....وندعى ربنا يغفر ما سبق...ويرحم الأموات...وما ننساش ندعى لبعض.

جميل ان الواحد يشعر بأن ربنا يختاره لعمل طاعة وقت ما الناس بتعصى....ايه رأيكم...نتعاهد ؟