رابطة عشاق مصر (أليكس لوفر)

[amrhoras]

عهد

عهد

عهد

عهد

اكثر الله من امثالك يا د/شامى

[امانى]

عهد يا استاذ شامى

فكرة رائعة والله العظيم وهنفذها ان شاء الله

امانى

[amrhoras]

01/01/2008

بدأنا سنه جديده ....وصباح مشرق جميل

وفستان عام جديد. ارجوا من الله ان يبقى نظيفا الى العام المقبل .

واتمنى ان يكون عام مميزا على اخوانى المصريين فى كل مكان والعرب بوجه عام

ماذا ستفعلون ياقوم هذا العام. انه العام الثامن للألفيه الثالثه . هل نحن مستعدون لهذا العام ام لا....

خطوات واهداف واحلام اتمنى ان تكون مليئة بالايجابيه .

*********

حبيت اقول صباح الخير على ابناء الرابطه واقولكم كل عام وانتم جميعا بخير صحه وعافيه

تحياتى لكم جميعا

وعلى وجه الخصوص الى مدام اليكس سبب تقارب اشخاص يفصلهم مئات الاميال ....... لكنهم اقرب مايكونوا من خلال افكارهم وامنياتهم واحلامهم وذكرياتهم .

صباح الخير واليكم هذه الاغنيه هديه من عاشق لمصر عاوز يعيش

تم تعديل 1 يناير 2008 بواسطة amrhoras

[أبو محمد]

وصلتنى هذه الرسالة وسط الأحزان .. وسألت نفسى أثناء القراءة .. ترى .. من االراسل الذى قرر الهجران ، ولم يجرؤ أو لم يرغب فى أن يكلف نفسه مشقة المقابلة أو حتى مكالمة

I'll be leaving you Monday night . I don't think we'll meet again. Forget me, and forgive me for anything bad I did to you

Sender: 2007

[mohsensamak]

السلام عليكــم ورحمـة الله وبركاتــة ،،

أخباركم إيه جميعا؟ أرجو انكم تكونوا بخير و سعادة

أنا أستلمت تهنئة بمناسبة العام الجديد و ارجو أبعتها لكم جميعا بس بلأنجليزى و ماتنفعش غير كده،،،

2008 is here ..... remember, life is too short. Break the rules, forgive quickly, love truely, laugh uncontrollably, and never regert anything that made you smile. send to all those you love and do not want to lose in 2008. happy new year.

تحياتى لكم جميعا و بالمناسبة لو حد عاوز حاجة من أمريكا انا طالع رحلة قصيرة لمدة اسبوعين يوم عشرين ان شاء الله

الى اللقاء

محسن

[amrhoras]

BYE 2007 WELLCOME 2008 HOPE YOU BE BETTER FOR ALL OF US

صباح الخير عليكم جميعا. وحشتونى جداااا ووحشنى ذكرياتكم الاى بي الجديد هو السبب بس ماشا الله تبارك الله فى اعضاء افتكرونا تانى وهلوا علينا زى هلال رمضان بس المره دى مع بداية السنه الجديده.

ا/ابو محمد حمد لله على سلامتك نفسي اعملك دفتر حضور كل يوم نشكر يعنى 2007 اللى بعتتلك الرساله ؟ ونقولها شكرا ياريت كل يوم تبعتيله رساله عشان يفتكر الرابطه. wst::

*******

ا/محسن سمك كيفك ياباشا ياللى هارينا حضور ايه يراجل الغياب الطويل ده نشكر برده 2008 .

بما انك عرضت علينا اللى عاوز حاجه من امريكا :closedeyes: . ياريت عروسه كاوجيرل COW GIRL مش COW BOY وانا واثق فى زوقك عاوز اهم حاجه دمها خفيف وحلوه وبيضه وعنيها زهرى :happy:

حد عاوز عروسه تانيه ياجماعه يله استاذ محسن ماشي اقولك اعمل حسابك فى تلاته احتياطى لو مفيش حد اخدهم وامرى لله ميضرش :closedeyes:

ا/محسن تروح وترجع بالف سلامه.

************************

احمد ياعرب لو سمحت المايك اللى اخدته ونمت من اول امبارح وانا مش راضى اتكلم بصراحه عشان الرابطه انما مينفعش كدى :P

ايه رأيك فى تفاؤل اول امبارح ليك عليا تفاؤل من هنا ورايح

************************

مدام امانى كمان شايفها منورانا واقولها فين زكرياتك يامدام امانى .

***********************

د/الشامى صاحب احلى افكار انا عاوز اعطيه جايزه :closedeyes: ده تشجيع له وبطلب الاستمرار

**********************

وفى الاخر ولايس اخرا . Queen of The Party

ماما سوزان قصدى مدام اليكس صاحبه موضوع الذكريات للجميع :P انا اعتذر منك على كثرة الردود لكن اسمحيلى اسألك انتى ليه مقلله من دخولك :rolleyes: ونقولك شو اخبار او يوم فى السنه الجديده معكى

تحياتى لكم جميعا وصباح الخيرات الورود بكل انواعها

حورس ابو عمرو

تم تعديل 2 يناير 2008 بواسطة amrhoras

[ELSHAMY]

اخوانى واخواتى

صباح الفل

أولا شكرا يا عمور غلى الهدية بس ياربت تغيرها بحاجة تانية لأن عندى موبايل فعلا.... وبما انك مبسوط من اقتراحاتى اقترح عليك انك تبعتلى عروسة من اللى حيبعتهملك استاذ محسن....بس ما تقولش لحد.

صباح الجمال

[amrhoras]

وانا عمال اقول ياربي العروسات بيروحوا فين اتارى اكل اللقمه ومليون عين فيها :closedeyes:

عنيا يا د/شامى بس د/شامى بس عشان محدش تانى يطمع ادى كدى واحده طارت هههههه سامع يا احمد بيه خلاص باب الحجز انتهى يعنى

******************

ايه ياجماعه الخير انتو نشاطكم نزل ليه كدى؟ ذكرياتكم خلصت؟ ولا احلامكم ؟طيب حاضركم؟

على فكره اليكم هذا النبأ

4 فى اسبوع واحد راحوا من انفلونزا الطيور

وامبارح 18 مصرى راحوا فى انقلاب حافله بالمنيا

واليوم عواصف ترابيه تضرب الدمام معناه مصر فيها عواصف مش عارف ايه العلاقه بس احساسات

*******

على فكره انتو وحشتوني كلكم مجرد وجودكم بيقول انى وسط اهلى افتقدكم جميعا

********

فى ايه تانى خلاص كل واحد بقى يرجع يشوف شغله 2008 بدأ ومعاه شغل اد كدى ههههه

تحياتى لكم ومنتظركم كلكم تعطونى تمام زى الجيش

اوبس جيش الى رجال الرابطه مين فيكم دخل الجيش وادى الخدمه العسكريه . كل واحد يحكيلنا عن طرائف ومغامرات الصحراء والحياه داخل البدله العسكريه

والى نساء الرابطه اكيد فى حاجه اسمها خدمه عامه عدت عليكن وخدمتوا الوطن كل واحده تقول وتبدع فيما تقول

انا بقى لا جيش ولاخدمه انا قوه رابعه :closedeyes: ومعايا شهاده معتمده من القوات المسلحه اننى معفى نهائيا من ادء الخدمه العسكريه لانى الابن الاوحد لوالد متوفى ياه ربنا يرحمك يابابا ضحى علشان مدخلش الجيش

يله منتظركم

[مونتى]

السلام عليكم ورحمه الله وبركاته

على الجميع التحيه والسلام

انا جيت ياجماعه واسف جدا على التاخير

7

اليكس اخباركم ايه واخبار الرابطه بس انا فضيت لكم خلاص وهابدا اليوم احكى عن ذكريات راس السنه هههههههههههههههههههههههههههههههه طبعا فى اسكندريه الجميله

انا فى هذا اليوم ابدا يومى كاى مصرى وفى الليل لاادرى ماذا يحدث لى اذهب الى البحر الجميل الوحيد مثلى (جليم)منذ الساعه التاسعه مساءا وحتى الثانيه صباحا احكى له عن ذكريات السنه الفائته وماذا اريد من السنه القادمه ومع صوت البحر وهدوء الليل احس بسكينه وراحه لايخرجنى منها الا اصوات الاطباق التى ترمى من الشبابيك اختفالا بنهايه سنه وبدايه اخرى لايعلم احد ماذا سيجرى فيها .............الله وحده اعلم

بس كده كفايه اليوم وهكمل معاكم بكرة انشاء الله

كل عام والجميع بخير لعدة اسباب عيد الاضحى وراس السنه الميلاديه وراس السنه الهجريه

عاشق بلدى :closedeyes:

[إيزيس]

و أخيرا يا قاهري لقيت حد بيعشق عصير القصب زيي وأنا راجعة من المطار للبيت من كل محل قصب لازم أشرب. فيه قصب في الإمارات لكن بشع بيعصروا عليه ليمون في سيتي سنتر والسفير مول اللي بين دبي والشارقة وفي قهوة الفنانين اللي عند النادي الأهلي في دبي لكن كله في الكلتش الطعم زعازبع والإسم عصير قصب .أما الفلافل المصري المصري في مطعم مغمور في الذيد إمسه فطائر الشريعة خللي بالك فطائر لأن فيه مطعم الشريعة بنفس المنطقة لكن الفلافل المصري طريق الذيد مليحة

أما عن مصر والذكريات آآآآآآآه بتتكلموا عن القاهرة واسكندرية وإيه رأيكم في الشرقية ولا مكان للفسحة ولا باركنج ولا رصيف ولا الهوا واحنا هنا في الإمارات في مكان تحفة على البحر مباشرة لكن الهوا في الزقازيق اللي كلة غبار جميييييييييييييل وعصير القصب من عند الرشيدي في الكباية القزاز اللي شارب فيها قبلك طوب الأرض لذيييييييييييييييييييذ والفلافل المقلية في زيت ريحته لوحدها تسبب الشلل الرباعي خطييييييييييييييييييييييرة أنا مش بحب الحاجات الحلوة في مصر وبس لأ الوحشة كمان بحبها الناس التحفة اللي ماشية في الشارع سرحانة وحد يسلم عليك بحرارة وما تعرفوش أصلاً وعيل صغير يبيع لك غزل البنات بالغصب وبياع يضحك عليك وتلاقي المانجة في آخر الكيس بايظة وتمام التمام و تاكسي ينزلك مكان ما يحب مش المكان اللي إنت عايزة وجيران يزعلوا ويتعاركوا ويتصالحوا بكلمة واحدة .

مش بقولكم مرض

[amrhoras]

ايه رأيكم فى الاغنيه دى

مرحبا باخى مونتى منور ياعم والف حمد الله ع السلامه

حبيت بس اصبح عليكم جميعا

على كل المصريين صباح مشرق جميل يا ولاد بلدى

وانا من البلد دى انا من البلد دى

بلد ابويا وجد جدى

تم تعديل 3 يناير 2008 بواسطة amrhoras

[Alex Lover]

صباح الخير يا جماعة .. صباح الفل والجمال على عيونكم

عام جديد سعيد

المحاورات كان بقالها يومين مش شغاله مش عارفه ليه

طيب الردود دي كلها اتكتبت امتى .؟؟؟

ماشاء الله عليكم

مونتي حمد الله على السلامة

عمرو ... كنت هربان فين بقالنا يومين كنا بندور عليك

الشامي .. افتكرتك وانا باعمل اشعه من كام يوم :) الحمد لله طلعت سليمه واتهمت اني بادلع :)

محسن .. رايح تعمل ايه في امريكا .. بص ... انا عندي طلب .. ممكن تجيبلي معاك مارشميلو :)

ابو محمد الفاضل .. شعرت بغموض في نقلك للرساله التي وصلتك من 2007 وكأنها من شخص عزيز عليك غاب عنك بغياب العام 2007 .. لا نملك الا ان نسامح ونطلب الرحمة لكل من غاب عنا ولن نراه مجددا

قرنفل ... لماذا اشعر بطعم السخرية في كلامك .. ربنا يشفي كل مريض يارب

تم تعديل 3 يناير 2008 بواسطة Alex Lover

[salemhegazy]

صباح الخير عليكم جميعا

كل عام و انتم بخير

الاماراتت فيها عصير قصب؟ فين ده ؟

قرأت خبر اصابنى بالنكد على الصبح على ما أل اليه احوال البلد

اشتباكات بين العمالة المؤقتة ورئيس جامعة عين شمس بعد أن وصفهم بأنهم (باسوا الجزم) 1/2/2008 4:39:00 PM

القاهرة - شهدت كلية الزراعة بجامعة عين شمس معركة بالأيدي والشتائم بين رئيس الجامعة أحمد زكي بدر، والعمالة المؤقتة في الجامعة، المعترضين علي العقود الجديدة التي فرضتها الإدارة، والتي أدت إلي تخفيض رواتبهم الشهرية من 300 جنيه إلي 105 جنيهات فقط.

بدأت المواجهة حين أراد رئيس الجامعة الالتقاء بالعمال المعتصمين، وذلك في أحد مدرجات كلية الزراعة في شبرا، لكن نجل وزير الداخلية الأسبق فاجأ الموظفين والعمال بسيل من الشتائم الساخنة، وقوله لهم إنتو النهارده في أول السنة الجديدة.. وإنتوا عارفين إنكم حفيتوا وانذليتوا.. و(بُستوا الجزم) علشان تشتغلوا عمال، رغم إنكم حاصلين علي مؤهلات عليا.

وقالت جريدة المصري اليوم أن هذه الكلمات أثارت جميع الموظفين الذين خرجوا من المدرجات وتحرشوا ببدر ونجح بعضهم في توجيه ضربات إلي جسده وهم يرددون حسبنا الله ونعم الوكيل.

ولم يجد بدر مكاناً يختبئ فيه إلا مكتب حرس الكلية، والذي نجح في الوصول إليه بمساعدة ضباط الحرس الجامعي.

في المقابل، قام أحد مساعدي بدر بالاعتداء علي عاملة من المعتصمين، مما أدي إلي سقوطها علي الأرض ونقلها إلي معهد ناصر، ثم عادت إلي مقر الاعتصام مرة أخري.

وفي المدينة الجامعية، تواصلت احتجاجات العمال، للمطالبة بإلغاء العقد الجديد، وقرروا الانضمام لزملائهم في كلية الزراعة والانتقال إلي مجلس الشعب لتنظيم اعتصام مفتوح أمامه

[salemhegazy]

على فكرة ده ابن زكى بدر و زير الداخلية السابق اكيد فكريبنه و فاكرين فضايحة و يقال انه دكتور فاشل فى عملة

ازاى يوصل رئيس جامعة دة

حسبنا الله و نعم الوكيل

[salemhegazy]

يا ابناء مصر

قصيدة جديدة للشاعر الكبير فاروق جويدة عن هجرة المصريين: هذي بلاد .. لم تعدْ كبلادي

كم عشتُ أسألُ: أين وجــــــــهُ بــــلادي

أين النخيلُ وأيـن دفءُ الــوادي

لاشيء يبدو في السَّمـَــاءِ أمـامنــــــــــا

غيرُ الظـلام ِوصــورةِ الجــلاد

هو لا يغيبُ عن العيــــــــون ِكأنــــــــه

قدرٌٌ .. كيوم ِ البعــثِ والميــــلادِ

قـَدْ عِشْتُ أصْــــرُخُ بَينـَكـُمْ وأنـَـــــادي

أبْنِي قـُصُورًا مِنْ تِـلال ِ رَمَـــادِ

أهْفـُـو لأرْض ٍلا تـُسـَـــاومُ فـَرْحَتـِــــي

لا تـَسْتِبيحُ كـَرَامَتِي .. وَعِنَــادِي

أشْتـَـاقُ أطـْفـَـــــالا ً كـَحَبــَّاتِ النـَّــــدَي

يتـَرَاقصُونَ مَـعَ الصَّبَاح ِالنـَّادِي

أهْـــفـُــــو لأيـَّـام ٍتـَـوَارَي سِحْــرُهَـــــا

صَخَبِ الجـِيادِ.. وَفرْحَةِ الأعْيادِ

اشْتـَقـْــــتُ يوْمـًا أنْ تـَعـُــودَ بــِــــلادِي

غابَتْ وَغِبْنـَا .. وَانـْتهَتْ ببعَادِي

فِي كـُلِّ نَجْــم ٍ ضَــلَّ حُلـْـــٌم ضَائـِـــــع ٌ

وَسَحَابَــة ٌ لـَبسـَـتْ ثيــَـابَ حِدَادِ

وَعَلـَي الـْمَدَي أسْـرَابُ طـَيــر ٍرَاحِــــل ٍ

نـَسِي الغِنَاءَ فصَارَ سِـْربَ جَرَادِ

[salemhegazy]

وَطـَنٌ بَخِيلٌ بَاعَنــي فـــــي غفلـــــةٍ

حِينَ اشْترتـْهُ عِصَابَة ُالإفـْسَـــادِ

شَاهَدْتُ مِنْ خـَلـْفِ الحُدُودِ مَوَاكِبــًـا

للجُوع ِتصْرُخُ فِي حِمَي الأسْيادِ

كـَانـَتْ حُشُودُ المَوْتِ تـَمْرَحُ حَوْلـَنـَا

وَالـْعُمْرُ يبْكِي .. وَالـْحَنِينُ ينَادِي

مَا بَينَ عُمْـــــر ٍ فـَرَّ مِنـِّي هَاربـــــًـا

وَحِكايةٍ يزْهـُــو بـِهـَـــا أوْلادِي

عَنْ عَاشِق ٍهَجَرَ البـِلادَ وأهْلـَهـــــــَـــا

وَمَضي وَرَاءَ المَال ِوالأمْجـَـــادِ

كـُلُّ الحِكـَايةِ أنَّهـــَـــا ضَاقـَتْ بـِنـَـــــا

وَاسْتـَسْلـَمَتَ لِلــِّـصِّ والقـَـــوَّادِ!

في لـَحْظـَةٍ سَكـَنَ الوُجُودُ تـَنـَاثـَـــرَتْ

حَوْلِي مَرَايا المَوْتِ والمِيـَـــلادِ

قـَدْ كـَانَ آخِرَ مَا لـَمَحْتُ عـَلـَي الـْمَـدَي

وَالنبْضُ يخْبوُ .. صُورَة ُالجـَلادِ

قـَدْ كـَانَ يضْحَـكُ وَالعِصَابَة ُحَوْلـَــــــهُ

وَعَلي امْتِدَادِ النَّهْر يبْكِي الوَادِي

وَصَرَخْتُ ..وَالـْكـَلِمَاتُ تهْرَبُ مِنْ فـَمِي:

هَذِي بـِلادٌ .. لمْ تـَعُـــدْ كـَبـِلادِي

[Alex Lover]

حقيقي خبر محزن جدا .. لاحول ولاقوة الا بالله .. راجل غير محترم بالمرة حسبهم الله ونعم الوكيل

حلوة اوي القصيدة وماشيه مع موضوعنا تمام جدا

شكرا يا محسن ..

ايه النشاط ده :) :)

[ELSHAMY]

الاخ قرنفل

مع احترامى مش عاجبنى أسلوبك فى عرض سخريتك من بعض المظاهر المصرية....مع علمى بكل ما تقوله الا أن هذا المنتدى يقرأه المصريين وغيرهم ولا أحسبك تعطى فرصة لأحد الشامتين بالتبرع بهذا الكلام...مع تقديرى

بالنسبة لرئيس الجامعة فهذا ال (.....) من ذاك ال (......)

سلامات يا أليكس حتى لو طلع الموضوع فشنك

[إيزيس]

و الله زعلانة منكم أنا ما قصدت السخرية أنا بتكلم جد يا ناس بحب بلدي بكل ما فيها حلو ووحش بجد بجد وده شعوري مايهمنيش الشامتين و الحاقدين يشربوا من البحر كل مكان فيه مشاكله وكل بلد عنده من المصايب الكثير و يمكن إحنا بمشاكلنا أفضل من بلاد كتير ما يقدروش حتى يطالبوا بحقهم

و الله زعلتوني دي مش سخرية دي حقيقة بحب مصر بكل ما فيها افهموني

[إيزيس]

مش قادرة أقفل قبل ما أقولكم تاني زعلتوني جدا جدا جدا الله يسامحكم