رابطة عشاق مصر (أليكس لوفر)

[salemhegazy]

محسن مين يا اليكس !!!!!!!!!!!!!!!!!!!!!!!!!!!!!!!

بصى كويس مين اللى ناشر القصيدة

اييييييييييييييييهههه اصحوا يا ابناء مصر

[Alex Lover]

اتوضيحك وصل يا قرنفل (( قرنفله )) وبعدين من حقك تزعلى واحنا كمان من حقنا نزعل

ولكن انا اللي زعلني فعلا ان حسيت ان فيه تلميحات سخرية في كلامك ومش لوحدي حسيت بكل وبالتالي احنا كده بننقل صورة مش حلوة لمصر اللي هدفنا من الموضوع ده اننا نهر كل حلو فيها

عموما حصل خير وما محبة الا بعد عداوة يا سيتي وتقبلي اعتذاري مادمتي اثبتي حسن نيتك .. واتمنى انك تكملي معانا

اختك اليكس :)

تم تعديل 3 يناير 2008 بواسطة Alex Lover

[Alex Lover]

محسن مين يا اليكس !!!!!!!!!!!!!!!!!!!!!!!!!!!!!!!

بصى كويس مين اللى ناشر القصيدة

اييييييييييييييييهههه اصحوا يا ابناء مصر

مين :) فين :wub: الساعة كااااام :blink: :blink:

مين اللي قال محسن بس :)

والله انا غلطانه حقك عليا :) يادي الكسوف

قال وانا عماله اتنك واقول واعيد يا سي محسن :)

سالم سالم يحيى سالم

معلش سماح ...

:sad:

[amrhoras]

<br />و أخيرا يا قاهري لقيت حد بيعشق عصير القصب زيي وأنا راجعة من المطار للبيت من كل محل قصب لازم أشرب. فيه قصب في الإمارات لكن بشع بيعصروا عليه ليمون في سيتي سنتر والسفير مول اللي بين دبي والشارقة وفي قهوة الفنانين اللي عند النادي الأهلي في دبي لكن كله في الكلتش الطعم زعازبع والإسم عصير قصب .أما الفلافل المصري المصري في مطعم مغمور في الذيد إمسه فطائر الشريعة خللي بالك فطائر لأن فيه مطعم الشريعة بنفس المنطقة لكن الفلافل المصري طريق الذيد مليحة<br />أما عن مصر والذكريات آآآآآآآه بتتكلموا عن القاهرة واسكندرية وإيه رأيكم في الشرقية ولا مكان للفسحة ولا باركنج ولا رصيف ولا الهوا واحنا هنا في الإمارات في مكان تحفة على البحر مباشرة لكن الهوا في الزقازيق اللي كلة غبار جميييييييييييييل وعصير القصب من عند الرشيدي في الكباية القزاز اللي شارب فيها قبلك طوب الأرض لذيييييييييييييييييييذ والفلافل المقلية في زيت ريحته لوحدها تسبب الشلل الرباعي خطييييييييييييييييييييييرة أنا مش بحب الحاجات الحلوة في مصر وبس لأ الوحشة كمان بحبها الناس التحفة اللي ماشية في الشارع سرحانة وحد يسلم عليك بحرارة وما تعرفوش أصلاً وعيل صغير يبيع لك غزل البنات بالغصب وبياع يضحك عليك وتلاقي المانجة في آخر الكيس بايظة وتمام التمام و تاكسي ينزلك مكان ما يحب مش المكان اللي إنت عايزة وجيران يزعلوا ويتعاركوا ويتصالحوا بكلمة واحدة .<br />مش بقولكم مرض<br />

<br /><br /><br />

اده ازيك يا بنت بلدى !!!!!!!

انتى عايشه فى جنه لكن النار فى شرقيتي اجمل من جنتك ..... على الاقل تراب بلدى هو اللى باقيلى هدفن جواه انشا الله . انما اعمل ايه بالغربه ولو كانت اجمل . كلها ايام وبتعدى مهما طالت متزعليش سنين .... لكنها فى لحظة بتطير وترجعى بلدك . اللى هى زقازيق - شرقية . شارع الكورنيش - القوميه - الزراعة - المحطه - محطة المنصوره - فاروق - وادى النيل - هريه - شارع المحاكم - شارع المحافظه - نقابتي

الطعميه المغلية فى قلاية الزيت ليها نكهتها متلاقيهاش فى اى حته. الناس الطيبه اللى شايلها هم الدنيا وبتضحكلك . ولا غزل البنات من شارع المكاتبات اللى علطلول بقول عليها زنقة الستات فى الشرقية.

سمعت عن حاجه اسمها اللى ملوش قديم ملوش جديد . اعتزى بشرقيتك يابنت بلدى انتى زعلتيهم اه . بس انا كنت مستني حد يخبط ويقول انا شرقاوى .

دلوقتى قولت ياريت ماحد جاني زعلهم كوم وزعلى انا كوم تانى . دبي الدمام امريكا الكويت قطر كندا استراليا ماليزيا رزحيهم مش هتلاقى ريحة تراب بلدك. كفاية انك عمرك متنامى جعانه . او احساسك بالامان

اقولك على حاجه . زعلتيني بجد ...... شكلك اتجنستي بالاماراتى . انما طول عمرى فيها يا قرنفله ابقى زودى الهاء المربوطه

سلام عليكم

[إيزيس]

مش عارفة حصل إيه أنا أسلوبي مش صح واللا فهمتوني غلط يا جماعة إنا باموت في مصر موووووووووووت والشرقية دي بلدي ترابها إغلى من روحي واللي من الزقازيق بعرف كويس يعني إيه الشراقوة انا لما أقضي يومين في اسماعيلية أشعر بالغربة لأن الشراقوة غير غير غير مع حبي للجميع واللي بيقول اتجنستي الله يسامحك

كان نهار الدنيا ما طلعش وهنا عز النهار

[salemhegazy]

و لا يهمك يا اليكس

سماح علشان خاطر محمد قنديل ( مين قنديل ده ؟ ) عارفينه ؟ صوت النيا الجميا اجمل من غنى للاسكندريه

ايه يا جماعة عمل ايه و لا عملة ايه قرنفل و لا قرنفلة شويه شويه عليها

هما الشراقوة كده ناس طيبين قوى ( انا لا اقصد حاجه تانيه )

نشوفكم بكرة على خير

لكن صحيح مين محسن ده ؟؟ هاهاهاه

[amrhoras]

و لا يهمك يا اليكس

سماح علشان خاطر محمد قنديل ( مين قنديل ده ؟ ) عارفينه ؟ صوت النيا الجميا اجمل من غنى للاسكندريه

ايه يا جماعة عمل ايه و لا عملة ايه قرنفل و لا قرنفلة شويه شويه عليها

هما الشراقوة كده ناس طيبين قوى ( انا لا اقصد حاجه تانيه )

نشوفكم بكرة على خير

لكن صحيح مين محسن ده ؟؟ هاهاهاه

اه يا ا/محسن بقي حندخل فى عز الزحمه ونقول الشراقوه طيبين :) باين علايا حبقى صعيدى :)

انما ايه سر تحويل اسمك من سالم الى محسن؟؟

كله من عصير القصب بتاع االشرقيه :) بس انا عمرى ماشربت سكريات لانى عندى الضغط منخفض

*********

اليكس الف مليون سلامه ع الاشاعه يارب تكونى بخير ديما

********

عوده الى الذكريات ياخونا مش تقلبوها مظاهرات وفساد ده ككلام ده محدش قالى اخبار الاغنيه معاه ايه ؟؟؟؟ :)

[إيزيس]

الساحرة الآسِرة الهادرة الساهرة الساترة السافرة

هنا القاهرة الزاهرة العاطرة الشاعرة النيّرة الخيّرة الطاهرة

هنا القاهرة الساخرة القادرة الصابرة المنذرة الثائرة الظافرة

صدى الهمس في الزحمة و الشوشرة

أسى الوحدة في اللمة و النَّطورة

هنا الحب و الكدب و المنظرة

نشا الغش في الوش و الإفترا

هنا القرش و الرش و القش و السمسرة

هنا الحب و الحق و الرحمة و المغفرة

و أنا ف قلب دوامتك الدايرة بينابصرّخ بحبّك يا أجمل مدينة

يا ضحكة حزينة .. يا طايشة و رزينة

بحبّك و اعفّر جبيني في ترابك

و أعيش في رحابِك و أقف جنب بابك

جنايني أروي بالدم وردة شبابك

يا زينة جنينة حياتنا اللعينة

بحبّك يا بنت اللذين

بحبّك !

لو كانت دي تريقة أو استهزاء يبقى كلامي كان استهزاء أنا خلاص مش قادرة أفهمكم و فعلاً زعلت و الشراقوة أكيد طيبين وطيبين جدا سواء تقصد أو ماتقصدش للأسف أنا فكرتي إن ده متنفس لناس بتتكلم لغة واحدة لكن التشكيك والتغليط ماعرفش أكمل كده

عامة حبيتكم كلكم وأتمنى لكم كل السعادة والنجاح

[amrhoras]

وضحتلك الصوره يا مدام قرنفل ف رساله .

تانى حاجه انا من الزقازيق زيك........ ومع ذلك كلنا هنا بنتكلم بلسان واحد .

وحدى الله كدى وقولى ياباسط ونبدأ بدايه جديده ع ميه بيضا . وصافى يالبن ....؟

***********

احكيلنا بقى عن ذكرياتك . واجازاتك ز كل حاجه لها ذكرى حلوه معاكى

ربنا يهدى النفوس

[إيزيس]

طبعاً أنا هاجاوبك لأنك بلدياتي ولأني ما صدقت لقيت المنتدى ده ويارب تكونوا فهمتوا قصدي

أما ذكرياتي في شارع الجامعة واحنا كلنا أولاد وبنات نتكلم في كل حاجة تخطر على بالنا ونساعد بعض زنحب بعض من غير تمثيل ولامنظرة أفتكر كان لنا زميل بيكتب شعر ونقوله رأينا بحب وصدق أفتكر موقف غريب دلوقت نقول عنه غلط لكن كنا شايفينه قمة الجدعنة دلوقت واحد دخل يمتحن الدور التاني مكان صاحبه اللي كان بيشتغل في العراق

أفتكر مظاهرات سليمان خاطر و فلسطين وكتييييييييير ذكريات حلوة بنعيش بيها

[amrhoras]

واضح اننا هنسمع ذكريات ..... كتيييير اوى

مدام قرنفل واضح انها كانت مظاهرتيه صميمه ........الحمد لله

*********

الله ايام الجامعه طب ياجماعة الخير بماا اننا داخلين ع امتحانات كدى

كل واحد يطلع اللى عقله مش جيبه ها ( طلعوا البراشيم واتكلموا بقى )

[إيزيس]

أبداً كنت أشارك بقلبي لأن المحاذير الأسرية كانت كتيييييير جداً

و كانت أكيد صح لما بنكبر بنفهم ده

[ELSHAMY]

سعادة القرنفلة.....

سماح يا سيدتى الفاضلة

وانتى كمان لازم تعرفى اننا كلنا هنا عشان بنحب مصر زيك....وبما انك جديدة على المنتدى كنت خايف لتكونى من C I A . لكن باين عليكى شرقاوية أصيلة و أكيد كريمة..... ومش حتبخلى علينا بكلامك المفيد

تحياتى

[مونتى]

سلامى وتحياتى لكل المحاورين

اليكس ارجو من الله ان تكون الاشاعه خير والف حمدالله على سلامه كبيرة عشاق الاسكندريه خاصه ومصر عامه

قرنفل (قرنفله) انا فاهمك كويس اعتقد انك تتكلمى من واقع حبك لمصر

ايها السادة شويه شويه على الاخت قرتفل هى بتحب مصر جدا وبتغير عليها ومش عايزه ده يحصل فيها

الله الله عليك يا مصر

فيك كل شىء الحب ليك والرغبه فى السفر والهجره عنك

زى مافيك السرقه والنهب فيك الاماته والحب

زى مافيكى الكراهيه فى كمان ناس تكره اى حد مش بيحبك

ويعشق ترابك

بلدى بلد التناقض الحلو

عاشق بلدى :)

[amrhoras]

اعتذر انه في اعطال مش قادر اجيب لكم الاغنية الحلوه دى

بما اننا اجتمعنا على حب بلدنا ونفسي الصورة دى تفضل للابد

وانا عارفكم تعشقوا الكوره فجممعت الاتنين مش انا طبعا بس لقيت كليب حلو جدا

اه اه نسيت معلش عارف الكلام كتيييير وخلص ولخص ماشى ياعم احمد ملحوقه

http://www.youtube.com/watch?v=Pd_Ch2and3s...feature=related

اول ما العطل يخلص هنقلكم الاغنيه هنا

يحياتى الى عشاق مصر

عمرو بن حورس

تم تعديل 4 يناير 2008 بواسطة amrhoras

[OMARABDO]

السلام عليكم

احب اشكر كل السادة القائمين والمشاركين في المنتدى الرائع ده 0 احنا اسرة مصرية هاجرنا الى كندا منذ شهرين 0 احنا دلوقتى ساكنين فى كيبيك مونتريال قريب من وسط البلد 0 للاسف احنا الفرنساوي بتاعنا مش كويس وكان نفسنا نتعرف على الاخوة والاخوات المصريين علشان مراتى بتعانى من الوحدة فى البيت مع الاولاد خصوصا ان الاولد صغيرين وكنا عايزين نعرف ازاى نعيش فى مونتريال ونندمج مع المجتمع الكندى بمساعدة اخوانا المهاجرين هنا0 ده الاميل بتاعى لليحب يتعرف علينا shoby72@gmail.com ومتشكر اوى اعلى اهتمامكم

اخوكم عمر

[amrhoras]

السلام عليكم

احب اشكر كل السادة القائمين والمشاركين في المنتدى الرائع ده 0 احنا اسرة مصرية هاجرنا الى كندا منذ شهرين 0 احنا دلوقتى ساكنين فى كيبيك مونتريال قريب من وسط البلد 0 للاسف احنا الفرنساوي بتاعنا مش كويس وكان نفسنا نتعرف على الاخوة والاخوات المصريين علشان مراتى بتعانى من الوحدة فى البيت مع الاولاد خصوصا ان الاولد صغيرين وكنا عايزين نعرف ازاى نعيش فى مونتريال ونندمج مع المجتمع الكندى بمساعدة اخوانا المهاجرين هنا0 ده الاميل بتاعى لليحب يتعرف علينا shoby72@gmail.com ومتشكر اوى اعلى اهتمامكم

اخوكم عمر

استاذ عمر

اولا حمد الله على سلامتكم انت والمدام والاولاد وبالتوفيق للاسف انا فى الدمام (السعوديه ) بس فى موضوع كبيير عن كندا ممكن فى بعض المشاركين تلاقيهم عايشين فى كندا

وانشا الله تتواصلوا .... هناك

مش هوصيك على مصريتك طبعا .... واهلا بيك فى المنزل المصرى بتاعنا كلنا هنا يعنى ومنتظرين من حضرتك مشاركاتك انت والمدام اى حاجه كلنا هنا اخوهنا اسره واحده .... ونتواصل كلنا فى طاعه ومحبه انشا الله

اخوك

عمر ( و) معلش نسيت الواو :)

[amrhoras]

ماهذا الكلام ....

انا بقيت اتكلم مع نفسي ولا ايه ...

يا ابناء الرابطه صباح الخير . اخر واحد مغادر وافاجأ انى اول واحد قادم ينفع كدى....

واضح انكم نشاطكم قل ... وخصوصا صاحبة الموضوع .......

مخصوم من كل واحد رغيفين عيش وساندوتش فول بالشطة الحراقه والزيت الحار ..... واربع حبات طعميه ..... وزجاجة بيبسي كبييير واوجعكم اكتر نص شهر مرتب .. بس smk:

كل واحد فيكم ذنبه على جنبه ................ كلكم انذارات صفراء وانا بقى احتليت الموضوع واعلنت الحرب .... والانقلاب مع الظباط الاحرار من الملكه اليكس واعوانها

الا مين فيكم حضر ثورة1919 حد يحكيلنا عن الانجليز ياعزيز ياعزيزكبه تاخد الانجليز ..... ههههه واضح انى بكلم نفسي . ماهو الرابطه اتفركشت بسبب عم السيرفر الجديد..

يا ابناء الاسكندرية والقاهره والمنصوره ابناء الشرقيه احتلوا المكان.... وابقوا قابلونى لو طلعنا ولو النووى اعلنا الحرب wst:: هى قلبت معايا حروب بقى رخامه

صباحكم زى الورد ( مين ده مش هقولها تانى )

[ahmedarab]

صباح الخير على الحلوين ..اللى حاضرين واللى غايبين

اسف لانى مش بكتب بقالى فترة لانى مشغول شوية لكن متابع والله

وبعدين اول ما لقيت الموضوع فية خصم :o ..وكمان فول وطعمية ..قولت لالالالا لازم اجى جرى

صباح الخير يا عمور

يا جماعة عندى تعليق صغير يا ريت تتقبلوا منى بصدر رحب

فية نقطتين عايز اتكلم فيهم ولا اقولكم خليهم 3 نقط احنا ورنا اية ؟؟؟؟

اول حاجة ...اننا كلنا فقدنا الحماس للكتابة فجاءة كدة ؟؟؟ وكدة مش كويس لازم نرجع ونشارك تانى وزى الاول واكتر (وش هشام عباس)

تانى حاجة .. اننا بعدنا اوىىى عن الموضوع والهدف الاصلى للرابطة ..وهو كتابة الذكريات الحلوة اللى عشناها والحجات الحلوة اللى موجودة فى بلدنا الغالية مصـــر smk:

ثالث حاجة .. مش عارف لية كل ما واحد فينا يقترح اننا نتكلم فى ذكريات حاجة معينة ..قبل ما الباقى يلحق يرد يكون واحد تانى متكلم فى حاجة تانية و يقترح اننا نتكلم فى ذكريات حاجة تانية خالص قبل ما يكون الاعضاء لحقوا يفكروا ويكتبوا فى الموضوع الاول ..لو رجعتوا معايا الموضوع هتلاقوا اكتر من 10 حالات بالشكل دة ؟؟؟؟ wst:: :lol:

محدش يزعل ..انا بس بقول راى وهدفى من دة ان الرابطة ترجع للهدف اللى هى بتتكلم عنة وتكون احسن من الاول كمان.

وصباح الخير على الجميع

وتقبلوا منى بوكية الورد دة على الريق كدة

[ELSHAMY]

صباح الفل للجميع...أقصد كل الصاحيين...يبدو ان المصريين فى دولة الكويت لسه نايمين

عندك حق يا أستاذ أحمد فى النقطتين (قصدى التلاتة) اللى ذكرتهم

موضوع السرفر عامل شوية لخبطة لأن كل اللى بيدخل عشان يشارك بيلاقيه مش شغال وده يمكن سبب قلة المداخلات.... وأنا أقترح اننا نلم من بعض و نشترى سرفر جديد حيكون بكام يعنى.....ده ممكن عمرو يشتريهولنا لوحده بما انه اكتر واحد بيستعمله wst::

صباح الجمال