رابطة عشاق مصر (أليكس لوفر)

[amrhoras]

حمد الله على سلامتك يا احمد بيه يابو عرب ....

والله انت ابن حلال وكلك زوق ... قولت الكلمتين اللى فى نفسي ...

عشان كدى حعينك رئيس الوزراء الجديد بس اوعى تنظف الخزانه الربطاويه او تنقلب عليا

*********

بصراحه يجماعه فعلا انحرفنا كتيييير اوى عن الموضوع وبدل ماقولنا ذكريات بدأنا ندخل فى السياسه والفساد وانحرفنا 90 درجه عن التشكيل

تشكيل ايه انا كمان هى قلبت معايا عسكريه ليه كدى يمكن علشان بسمع وطنى حبيبي الوطن الاكبر؟

اتمنى نرجع للموضوع الاساسي ذكريات من زمن فات .... زكريات عشناها فعلا طفوله ومراهقه وشباب ونضوج ذكرياتنا جوه بلدنا ونجيب كل اللى افتقدناه ونتمني نرجعله

نقول كمان ولا الرساله وصلت ..

***********

العزيزه الاخت اليكس فاكره احنا ازاى اتجمعنا هنا لقيت الصبح اول مافتحت اليكس مجمعه ابناء الرابطه اللى منهم كتييير اختفوا . اكيدانتى فاكره ازاى مستعد اتواصل معاكى وندعوا كل الناس الحلوه الموجوده داخل المحاورات

بس رجاء اهتمى بالموضوع لانى حاسس بالوهن جواه والمنحنى بدأ يهبط بعد ماكان فى ارتفاع متزايد والدليل كم المداخلات الرهيب فى فتره صغيره

***********

يحماعه الخير احنا اتغربنا مشعوزين نتغرب هنا كمان ونبعد كفايه اننا لقينا حديسمعنا برغم اننا منعرفش ولا اتقابلنا مع بعض قبل كدى ويمكن مكناش نتقابل بس دلوقتى احنا قريبين كلنا بافكارنا ياريت متبخلوش علينا بدى ونترابط ونتواصل اكتر من كدى

تحياتى .

عمرو

[amrhoras]

وانا عمال اقول السيرفر تعبان ليه

اتارى ........اللقمه فيها مليون عين

اشترى السيرفر حاضر هتصل ببتاع السرافير عوزين سرفر ساده ؟ ولا بطعم الفراوله؟

عندى سرفر ع الاد بس مستعمل اتفضلوووا معايااااااااااا

وسيرفر المحبين خروف ولا ايه رأيكم؟؟؟؟

مستنيكم كلكم بقى .

[إيزيس]

إعمل حسابي في سيرفرين أنا زي أختك الكبيرة أو ابعت لي القديم على عنوان بابا

[salemhegazy]

صباح الخير على الجميع

هات لها سيرفرين بالشطة و الكمون علشان ما تزعلش و تعرف انكم صالحتوها

صالحتوها من ايه ؟ هى كانت زعلانه من ايه ؟

جاى انا متأخر صح

لعلكم بخير جميعا

[amrhoras]

نظرا للنجاح الباهر وتأثير الأغانى الوطنيه فيكم اللى ساعدت على تفريقكم .... وهروب صاحبة الموضوع بالسيرفر الجديد وصغار المستخدمين تعثروا مع الحكومة الاليكترونيه

قررت محكمة امن المحاورات التالى

اولا مدام اليكس الشهيره بالكيس لوفر ضبط واحضار امام ساحة المحكمة وقول الذكريات مائه ذكرى مختلفه امام ساحة المحكمه

ثانيا ا/مسالم ولم يعثر له سوى على هذا الاسم ضبط واحضار امام ساحة المحكمه واستجواب المتهم عن كمية الذكريات التى ضبطت معه

ثالثا ا/مونتي نظرا الى الظروف الغامضه التى تحوم حوله قررنا نحن بضبط واحضار المتهم للمثول امام ساحة المحكمة لاستجوابه

رابعا ا/ احمد عرب نظرا لمساعدته لسير العداله قررنا نحن اعتباره شاهد ملك على ان يتم سرد تفاصيل وملابسات اعترافاته

خامسا ا/سالم الشهير ب ا/محسن ضبط واحضار لمعرفة مايعرفه عن السيرفر المجنى عليه

سادسا مدام /قرنفل احنا بقى محكمه مفتريه جدا وقررنا تبرئة المتهمه نظرا لانها من الشرقيه (بالواسطه ولو حد عنده اعتراض الاشغال الشاقة المؤبده موجوده برده)

سابعا الساده اعضاء المنتدى محاورات المصريين ضبط واحضار امام لجنة الرابطة العليا .........

وعليه قررنا نحن تأجيل الجلسه الى اجل غير مسمى الى ان يتم ضبط واحضار جميع الاسماء المدرجه بالقائمة لاستجوابهم

فاصل غنائى وسنعود

[Alex Lover]

يا جماعه هو المحاورات مش شغاله ليه بقالها كام يوم .... انا باحاول ادخل بقالي يومين ومش مصدقه نفسي انه فتح دلوقتي

الموضوع ده بيحصل معاكم ولا معايا انا لوحدي ؟؟؟؟؟؟؟؟؟؟؟

[ahmedarab]

صبا الخير على الجميع

ميرسى يا ا / عمور على اعتبارى شاهد ملك ..بس يا ترى دة عشان انا ساعدت فى سير العدالة ..ولا دة رجع للجذور العائلية برضة (انت فاهم وانا فاهم )؟؟؟

عموما يا حضرتك القاضى انا اعترفت بكل اللى عندى ويظهر كدة ان السيرفر دة انتحر ومحدش عملة حاجة يا فندم

وشكرا

سلام

[amrhoras]

بتتهمنى بالتواطأ يا احمد ياعرب

عيب عليك لما تكشف الكروت كلها وتحرقها ده مش فى مصلحتك ...معرفووووووش

انت كدى حتخلى الثوره تقوم وضح كلامك يابني انت اتخرجت من جامعة القاهره وعمرك ماجيت عندنا صح عديييها بقى يساتر عليك

بعتلك حواله اسكت بقى خليها فى سرك

يا ابني .

والا هوجهلك تهمة جديده واحكم عليك بالاعدام رميا بالزلط :lol:

صباحكم وردشان يا مصريين

[salemhegazy]

شغالة عادى المحاورات انتم اللى ما بتجوش

موش بتيجوا ليه ابقوا تعالوا

حلوة يا عمرو الاغنية رائعة

تعيشى يا مصر

[امانى]

اهلا بكل اعضاء الرابطة الجميلة

معلش انا اتأخرت اليومين دول امتحانات الاولاد شغالة

انا جيت من غير دعوة من عمرو دايما ينسانى معلش المهم احلى نهار عليكم وعلى فكرة الاغانى كلها جميلة يا عمرو

طبعا هتقولى انا لم اذكر اسمك علشان انت مش متهمة ومش مطلوبة ادام المحكمة برضه ماشى يا عمرو

انا بقى مش شايفة حبيبتى نوشة فى المحاورات اكيد علشان الامتحانات برضه ربنا ينجح لها اولادها وانا مفتقداها والله

اليكس منورة النهاردة ويا ريت متغبيش علينا

تحياتى لجميع اعضاء الرابطة

امانى

تم تعديل 7 يناير 2008 بواسطة امانى

[amrhoras]

مدام امانى

طبعا انا مش هقول حاجه الا انى اعتذر ليكي امام الجميع لانه اى سبب ليس بعذر فهل تقبلين اعتذارى :lol:

على فكره عينتك وكيل النيابه فى المحكمه الالكترونيه بما انك فى الامتحانات الله يكون فى عون :blush2: العيال طبعا :lol:

بس بجد انا غلطان فى الحكايه دى وحضرتك تشرفى من غير دعوات

******* :) :blush2: :blush2:

[امانى]

لالالالا يا عمرو اعتزار ايه مفيش بين الاخوات اعتزار ولا اسف

وبعدين عينتنى وكيل نيابه مرة واحدة يادى الهنا ده شرف كبير ليا بس كدة هتخلى الاعضاء مش قد كدة معايا

متعينى محامى احسن واهو نفيد ونستفيد وكدة ابقى فى صف الاعضاء

شكرا يا عمرو على تعقيبك وانا مش ذعلانه منك ولا حاجة انت اخ كريم يشرفنى اخوته

امانى

[amrhoras]

يامصررررررررررين صباحكم وردددددددددد

أين انتم ياقوم .... صباح مشرق جميل بس تلج تلج تلج جاى من عند مدام اليكس مش هى فالكويت برده شكرا على حبة الرمل دول برده يامدام اليكس لن انسى لكى هذا الموقف ...

انا نفسي أحضر النوه الأسكندرانى ياترى شكلها ايه وحلوه ؟؟؟؟؟؟وايه اساميهم

احكولى عنهم بعد اذنكم

تم تعديل 8 يناير 2008 بواسطة amrhoras

[Alex Lover]

صباح الفل والورد

ايه النوه السكندريه دي يا عمرو

ذكرياتي في الشتاء

شتااااااااء الاسكندرية اجمل شتاء

في مدينتي الاسكندرية شتاءا قارص ومع ذلك الكل يخرج ويمارس حياته بشكل طبيعي .. ففي وسط هذه الغيوم تجد شعاع الشمس يدخل بقوة وعند بين الغيوم وتجد الارض المبللة بالمطر يزيدها لمعانا شعاع الشمس الدافئ واوراق الشجر التي تلهو على سطح الماء .. جميله يا اسكندرية من يومك

الكورنيش والأمطار والأمواج المتلاطمة التي تصر على ان تداعب الشعب السكندري فما تكاد ان تقترب من سور الكورنيش حتى تجد الأمواج ارتفعت لتداعبك وكانها حيوان اليف يرفرف بالسعاده كلما اقتربت منه

لا انسى شكل الصيادين اللي غير مهتمين غير بشد شبكة مليانه سمك .. متعرفش السمك بيرقص من الفرحة ولا ايه ؟؟؟ md2:

ولي عوده معكم (كبسه)

تم تعديل 8 يناير 2008 بواسطة Alex Lover

[ELSHAMY]

صباح الخير على الجميع

والله يا عمورة أحمد ربك على السقعة اللى انت فيها....انا بقالى سنين نفسى فى شوية تلج ومطر.....لكن هيهات....احنا هنا فى عز الشتا بالبس نص كم و لازم التكييف يشتغل فى كل مكان من كتر الحر.

تخيل ان اولادى كانوا مذهولين لما اول مرة شافوا ميه نازلة من السما.

و مرة لما كنا فى باريس العيال سابوا نفسهم تحت المطر لحد ما استحموا.

الغريب ان مواعيد النوات كانت معروفة باليوم عند أهلنا و احنا ضغيرين. واكتر من كده بيعرفوا كام يوم و مدى شدتها.

هنا أقدر أحكيلك عن نوات رياح الخماسين...موافق ؟

[amrhoras]

كنت افتكر مسلسل اسمه النوه .... هى مش اسمها كدى؟؟؟؟؟

واسمع انها رعد وبرق مستمر انتى متأكده انك اسكندارنيه يا أليكس....md2:

*********

موافق يادكتور شامى اتكلم يراجل .......................... موافــــــــــــق

[ELSHAMY]

صباح الفل يا أليكس

فكرتينى بالذى مضى. وانتى أكيد فاكرة لما كنا نصحى صباحا عشان نروح المدرسة ويكون المطر شديد جدا ويكون الشوارع بحيرات لدرجة ان الاهل يشفقوا علينا و ما نروحش المدرسة أو لو رحنا يتلغى طابور الصباح لأن الحوش مليان بالماء...وبعد شوية تضطر الأبلة انها تضىء النور لأن الغيوم تقيلة...و شوية تطلع الشمس على استحياء من بين السحب الرمادية الكثيفة و يتسرب الدفء ببطء لأطرافنا المتلجة ...و ممكن ما ننزلش الفسحة...

حاسس ان رجلى بدأت تسقع من الذكريات

[Alex Lover]

[Alex Lover]

لم يكن يمنعنا الشتاء والبرد من زياره خاطفه للشاطئ .. او التمشية على الكورنيش والهواء البااااااااارد يلفح وجوهنا وفجأه نخلع الاحذيه ونجري على الرمل نتسابق وناخد بايدينا المياه الغايه في البرد ونتمتع بالجو البارد والماء البارد ... ونتمتع ايضا برؤية البخار يخرج من افواهنا عندما يصطدم البرد مع انفاسنا الساخنه .. ونمثل اننا بنشرب سجابر هههههههههه ... جميل البحر في الشتا بجد جميل .. الشط يبقى مليان اصداف نلمها ونعملها عقد وحلق لست الحبايب

[salemhegazy]

صباح الخير او مساء الخير جميعا

الكس جاءت اهه و معاها الامواج الهادره

كويس كده غرقنا ميه اهه

اييييههييه