رابطة عشاق مصر (أليكس لوفر)

[Alex Lover]

عارفين انهاردة وانا رايحه الشغل الصبح كنت مشغله في العربية اغنية ايه ؟؟؟؟؟

اغنيه احضان الحبايب (عبد الحليم حافظ ) وقد ايه اثرت فيا ياااااااااااااه على صوته واحساسه ولا كلام الاغنية ....

جينالكم ياللي لينا ... مدوا ايديكم خدونا

شيلو الخوف من صدورنا ... والدمعة من عنينا

تخيلت وانا باسمع المقطع ده اني باقوله لاخواتي في مصر ... وحشني حضن امي الله يرحمها ... عارفين مكنتش متخيله انها هتموت ... كنت حاسه ان لو كل الامهات ماتت هي لأ

وحشتني امي ووحشوني اخواتي

انا كئيبه انهاردة ولا حاجه :lol:

تم تعديل 14 نوفمبر 2007 بواسطة Alex Lover

[amrhoras]

مدام اليكس انا جيت بس كنت حاضر امس اللى انتهى من ساعتين ونصف

فكرتيني في عام 89 كنت لسه تانيه ابتدائي وكنا فى الصيف

زى دلوقتى كنت قاعد انا واختى بنلعب بنك وبابا مشغل الست ام كلثوم وماما بتجهز العشا عشان كنا سهرانين وبكره اجازه المهم لقينا ضيف بيخبط اده مين ؟؟

مش ممكن جدو كان لسه راجع من الحجاز عشان كان بيحج مع ان بابا يعنى كان الى حد ما تعبان شويه بس شاله من الارض شيل وراح جاب كل عماتى وعمامى ورحنا البيت الكبير كان الفجر بيقول الله اكبر وكلنا كنا ضحك وصوت عالى وصلينا مع بعض

وكل واحد فينا الاطفال بقى مستني الهديه بتعته وفعلا افتكر يومها جاب لكل واحد فينا حاجة

تخيلى بكتبلك الرساله دى من 2بالليل لغايه دلوقتى الساعه 9 :D

اخر حاجة اقولها اقولكم صباح الورد يامصريين

وصباح الخير ياللى معانا الكروان غني وصحانا صباح الورود معطر بالياسمين والفل والورد البلدى

اخوكم عمرو

[Alex Lover]

[size="4"]اخي الفاضل حورس

واضح انك بتبذل مجهود جامد ههههههههههه من 2 لغايه 9 في سطرين ده لو فيلم في السينما كان زمانه اتعاد مرتين

انا طيب اعرف منين اللي بيزور الموضوع .. اللي مش هلاقيه مسجل رد كل يوم هاسجله غياب

فكرتني ببيت جدتي كنت باحب اوي اروح عندها هي كانت ساكنه جنبنا اوي وكنت مش بوافق اكل وانا صغيره كنت اروح عندها وماما تبعثلها لاكل علشان تفهمني ان هي اللي طابخاه اقوم اكله وبعدين اروح لماما اقولها ((تيتو)) اللي هي جدتي بتعملي اكل حلو احلى من اللي بتعمليه ، الله يرحمها كانت تضحك وتقولي خلاص روحي كلي هناك كل يوم وساعات كانت تبعث معايا الاكل وانا مش فاهمه :D

[seeem]

فى حب مصر مش تسجليني غياب

وانا بصراحة هاندل ونازل مصر الاسبوع الجاي .......

اصل بعيد عنكم جالي المرض البطال..... وقعدت اهرش فى دماغي ليل ونهار........

رحت لغاية الحكيم .... مالقتش عنده دوا ...... قالي ياحبيبي علاجك مش هنا

هناك....محطة الرمل تحت تمثال سعد زغلول.....

وخد معاك سندوتش فلافل محشية وشوب عصير قصب ........

................................................................................

[مسالم]

صباح الخير على أجمل ناس ..

يقول الشاعر .. لو كان قلبي معي ..ماخترت غيركمو (بالضمه مش بالولو) .. بمعنى انه لو كنت املك كل الوقت لمَا توقفت عن الحوار .. او بمعنى آخر التواصل معكم .. كما وضح الاخ العزيز عمرو ..

تعقيباً على باب الذكريات التي فتحته علينا الاخت الغاليه Alex-Lover ... والعوده الى الزمن الفائت .. وما يحويه من أحداث منها الجميل ومنها دون ذلك .. اريد ان اوضح انه ليس من اليسير استرجاع ما مضى في غمضة عين .. لأنه قبل ان نسترجع الحدث ..

نسترجع روح الحدث نفسه .. وهذا الذي يأخذ وقتاً كي نسرد التاريخ كما جاء .. وليس كما نشاء ..

المهم من ذكريات الصيف وما يحتويه .. فقد كنا نعيش بالاسكندريه .. وكان باقي افراد العائله مثل خلالتي وخلاني .. من سكان الريف والقاهره .. وطبعا اهل اسكندريه يعرفوا يعني ايه لمّا ييجي الصيف ولهم قرايب عايزين يصيفوا .. وكانت شهور الصيف لها معنى تاني خالص عندي .. فهي من احب الفصول الى قلبي لما تحتويه من ذكريات لن تفعّل مره اخرى .. على الاقل بالنسبه لي..

ما علينا .. كان ييجي شهر اغسطس وييجي الخير معاه .. خلاتي الثلاثه وعيالهم واجوازهم .. وشيل يا عم السراير اللي مضايقه الدنيا دي .. افرش المراتب والبطاطين على الارض .. خلي البساط احمدي .. خلاص كله نام .. الحمد لله .. بكره رايحين البحر .. هييهههه ... يأتي الصباح والجميع نيام والاقي فيه حد بيمد ايده وعاوز ياخذ البيجاما اللي انا لابسها .. فيه ايه .. هو انتي يامامي .. فيه ايه .. قوم ياحبيبي جبلنا الفطار .. اييهه .. دي الساعه 6 الصبح يامامي .. والنبي انا عايز انام شويه .. طيب قولي لاخويا اللي رجله فوق دماغ اختي هناك اهو .. ده اخوك الكبير يا حبيبي وانت عارف انه غتت ومش حيرضى ينزل .. ياله بقى ..

حاضر .. عايزاني اجيب ايه من تحت .. خذ ياحبيبي الحله دي هاتلنا فيها فول.. دي اكبر حله في العماره .. قصدي عندنا .. لأ مش واخدها .. انتي عايزه الناس يقولوا عليّ ايه .. دي الحله اتقل مني .. معلش ياحبيبي انت عارف ان قرايبنا هنا ومحتاجين دعم .. طب ايه رأيك اجيبلكم قدره الفول كلها من عند الراجل .. ياواد بطل لماضه وانزل بقى ..يووووه .. انا حلبس الحله في دماغي علشان ماحدش يشوفني ... فين الشبشب .. حتلاقيه عندك تحت السفره .. فين السفره .. نعم!! .. انا بهزر ياماما .. وادي الشبشب .. ايه ده مين العيال اللي نايمين تحت السفره دول ..

صباح الخير ياعم محسن .. لو سمحت هات القدره اللي عندك .. قصدي هاتلنا بـ 2 جنيه فول في القدره دي .. يوووه .. في الحله دي .. يانهار اسكت 2 جنيه بحالهم .. انتو عازمين الشارع كله .. ما خلاص بقى ياعم محسن .. دا فطار بس والله .. وهات بجنيه فلافل .. بس سخنه .. بص انا حاروح اجيب عيش من الفرن لحد مانت تحضر الفول خلاص..

يااااه .. اكره ما عليّ هو طابور العيش .. مش حنخلص انهارده .. فاضل خمسه يا مسهل يارب .. صباح الخير ياعم عوض .. لوسمحت بتلاته جنيه عيش ... يا عم ما تبصليش كده .. عندنا ضيوف .. عازمين البلد فيه حاجه .. ما ده اللي انا كنت عامل حسابه ...

الشنطة تقيله قوي .. ايه يا عم محسن خلاص .. طب انا حروح اودي العيش وارجعلك تاني .. ايوه اضحك ياعم .. ماهي فرصتك ..

من تحت في بير السلم .. بنده بصوت عالي (احنا كنا ساكنين في الدور الرابع بدون اسانسير) .. يا طااااااااارق .... حد ينزل ياخد الفرن .. قصدي العيش ده .. علبال ماروح اجيب عم محسن .. قصدي الفول ..

جه الفول .. وأمة لا الاه الا الله صحيت .. والدنيا بقى لونها بمبي ... لكن ايه ده لأ .. لا يمكن .. والله مانا واقف تاني .. ماما ماما .. فيه ايه يابني .. حرام عليكم انا مش واقف في طوابير تاني .. طابور ايه يابني الله يهديك ... امال ايه اللي هناك ده .. دول ولاد خالتك عايزين يخشوا الحمّام... آآآآآآآه .. انا بحسب ..

أكتفي يهذا القدر .. وسوف أكمل فيما بعد إذا كنتم لسه عايزين تعرفوا ايه اللي حصل لمّا روحنا البحر ... :D

تم تعديل 14 نوفمبر 2007 بواسطة مسالم

[Alex Lover]

فى حب مصر مش تسجليني غياب

وانا بصراحة هاندل ونازل مصر الاسبوع الجاي .......

اصل بعيد عنكم جالي المرض البطال..... وقعدت اهرش فى دماغي ليل ونهار........

رحت لغاية الحكيم .... مالقتش عنده دوا ...... قالي ياحبيبي علاجك مش هنا

هناك....محطة الرمل تحت تمثال سعد زغلول.....

وخد معاك سندوتش فلافل محشية وشوب عصير قصب ........

................................................................................

اشمعني تحت تمثال سعد زغلول ليه مش محمد على مثلا

كده برضه بتقول انك مسافر بالبساطه دي مش مقدر مشاعر الغلابة المتغربين

سلملي على اسكندرية وعلى الشوارع وعلى سعد زغلول

سلملي على الميكروباصات اللي بتروح ابو قير من المنشية

سلم لي على صوت نافورة المياه اللي في شرق

سلملي على بياعين الفل والياسين على الكورنيش

وتروح وترجع بالف سلامة

[Alex Lover]

صباح الخير على أجمل ناس ..

يقول الشاعر .. لو كان قلبي معي ..ماخترت غيركمو (بالضمه مش بالولو) .. بمعنى انه لو كنت املك كل الوقت لمَا توقفت عن الحوار .. او بمعنى آخر التواصل معكم .. كما وضح الاخ العزيز عمرو ..

تعقيباً على باب الذكريات التي فتحته علينا الاخت الغاليه Alex-Lover ... والعوده الى الزمن الفائت .. وما يحويه من أحداث منها الجميل ومنها دون ذلك .. اريد ان اوضح انه ليس من اليسير استرجاع ما مضى في غمضة عين .. لأنه قبل ان نسترجع الحدث ..

نسترجع روح الحدث نفسه .. وهذا الذي يأخذ وقتاً كي نسرد التاريخ كما جاء .. وليس كما نشاء ..

المهم من ذكريات الصيف وما يحتويه .. فقد كنا نعيش بالاسكندريه .. وكان باقي افراد العائله مثل خلالتي وخلاني .. من سكان الريف والقاهره .. وطبعا اهل اسكندريه يعرفوا يعني ايه لمّا ييجي الصيف ولهم قرايب عايزين يصيفوا .. وكانت شهور الصيف لها معنى تاني خالص عندي .. فهي من احب الفصول الى قلبي لما تحتويه من ذكريات لن تفعّل مره اخرى .. على الاقل بالنسبه لي..

ما علينا .. كان ييجي شهر اغسطس وييجي الخير معاه .. خلاتي الثلاثه وعيالهم واجوازهم .. وشيل يا عم السراير اللي مضايقه الدنيا دي .. افرش المراتب والبطاطين على الارض .. خلي البساط احمدي .. خلاص كله نام .. الحمد لله .. بكره رايحين البحر .. هييهههه ... يأتي الصباح والجميع نيام والاقي فيه حد بيمد ايده وعاوز ياخذ البيجاما اللي انا لابسها .. فيه ايه .. هو انتي يامامي .. فيه ايه .. قوم ياحبيبي جبلنا الفطار .. اييهه .. دي الساعه 6 الصبح يامامي .. والنبي انا عايز انام شويه .. طيب قولي لاخويا اللي رجله فوق دماغ اختي هناك اهو .. ده اخوك الكبير يا حبيبي وانت عارف انه غتت ومش حيرضى ينزل .. ياله بقى ..

حاضر .. عايزاني اجيب ايه من تحت .. خذ ياحبيبي الحله دي هاتلنا فيها فول.. دي اكبر حله في العماره .. قصدي عندنا .. لأ مش واخدها .. انتي عايزه الناس يقولوا عليّ ايه .. دي الحله اتقل مني .. معلش ياحبيبي انت عارف ان قرايبنا هنا ومحتاجين دعم .. طب ايه رأيك اجيبلكم قدره الفول كلها من عند الراجل .. ياواد بطل لماضه وانزل بقى ..يووووه .. انا حلبس الحله في دماغي علشان ماحدش يشوفني ... فين الشبشب .. حتلاقيه عندك تحت السفره .. فين السفره .. نعم!! .. انا بهزر ياماما .. وادي الشبشب .. ايه ده مين العيال اللي نايمين تحت السفره دول ..

صباح الخير ياعم محسن .. لو سمحت هات القدره اللي عندك .. قصدي هاتلنا بـ 2 جنيه فول في القدره دي .. يوووه .. في الحله دي .. يانهار اسكت 2 جنيه بحالهم .. انتو عازمين الشارع كله .. ما خلاص بقى ياعم محسن .. دا فطار بس والله .. وهات بجنيه فلافل .. بس سخنه .. بص انا حاروح اجيب عيش من الفرن لحد مانت تحضر الفول خلاص..

يااااه .. اكره ما عليّ هو طابور العيش .. مش حنخلص انهارده .. فاضل خمسه يا مسهل يارب .. صباح الخير ياعم عوض .. لوسمحت بتلاته جنيه عيش ... يا عم ما تبصليش كده .. عندنا ضيوف .. عازمين البلد فيه حاجه .. ما ده اللي انا كنت عامل حسابه ...

الشنطة تقيله قوي .. ايه يا عم محسن خلاص .. طب انا حروح اودي العيش وارجعلك تاني .. ايوه اضحك ياعم .. ماهي فرصتك ..

من تحت في بير السلم .. بنده بصوت عالي (احنا كنا ساكنين في الدور الرابع بدون اسانسير) .. يا طااااااااارق .... حد ينزل ياخد الفرن .. قصدي العيش ده .. علبال ماروح اجيب عم محسن .. قصدي الفول ..

جه الفول .. وأمة لا الاه الا الله صحيت .. والدنيا بقى لونها بمبي ... لكن ايه ده لأ .. لا يمكن .. والله مانا واقف تاني .. ماما ماما .. فيه ايه يابني .. حرام عليكم انا مش واقف في طوابير تاني .. طابور ايه يابني الله يهديك ... امال ايه اللي هناك ده .. دول ولاد خالتك عايزين يخشوا الحمّام... آآآآآآآه .. انا بحسب ..

أكتفي يهذا القدر .. وسوف أكمل فيما بعد إذا كنتم لسه عايزين تعرفوا ايه اللي حصل لمّا روحنا البحر ... :D

ههههههههههههههههه بجد قصة ممتعة جدا جدا اقصد ذكريات هههههههههه

بجد احنا في انتظار الباقي ,,,, باقي الفول

طيب انت عارف انت جوعتني ونفسي دلوقتي حالا اكل فلافل من عند محمد احمد ..

ها كمل يا اخ مسالم

[amrhoras]

تالت مره اكتب واقول منتظر البقيه وتوصل بالسلامه ياريس بس ذنبك على جنبك لو قاطعتنا حتى وانت فى الاجازه

خدنى معاك ....

وياوبور قولى رايح على فيــــــــن

يله بقى كمل وبعدين :D

على فكره انت ماشا الله تبارك الله بتعرف تسرد الاحداث بشكل هايل خلتنى احس انى عايش معاك وشيفك

عموما تروح وترجع بالف سلامه ياعم مسالم ومنتظرك

اخوك عمرو

[mohsensamak]

مساء شريف ألكس لوفر و كل عشاق مصر

أنا قلت أدخل من هنا أحسن بدل ما أخليكى رايحة جاية على الموضوع التانى

أيوة يا ستى أنا لى بعض الذكريات فى الإسماعيلية و بورسعيد لكن زى ما شرحت قبل كده أنا كنت دائم الترحال منذ نعومة أظافرى و عليه فأنا بأغبط كل واحد مجمع ذكرياته فى مكان واحد طول عمره و خصوصا لما بيكون قضى مراحله السنية كلها فى هذا االمكان يا بختكم (ما شاء الله)

خلينا نبدأ بالإسماعيلية حيث قضيت فترة الدراسة الثانوى، طبعا زى ما انتم عارفين هى بلد جديدة نوعا يعنى من عمر قناة السويس حوالى 150 سنة طبعا البلد نضيفة كتير بها خضرة و حولها مناطق زراعية كبيرة انا بالنسبة لى أحلى حاجة كنت باعملها انى أقعد على بحيرة التمساح باليل و أسرح فى السكون و الضلمة - فى النهار بقى الموضوع مختلف لأن البحيرة صغيرة و الشط التانى بيبان فمافيش سرحان لكن فيه حاجة تانيةو هى السفن اللى بتعدى فى القنال و الواحد فى السن الصغير بيحلم بقى انه يسافر على سفينة من دول و يشوف العالم

من المشاهد اللى باحب افتكرها وسط البلد قبل الفطار فى رمضان لما بتبقى عاملة زى خلية النحل بتاع العرقسوس و التمر هندى وواحد بيبيع فول و طبعا فرن العيش ممتلئ عن آخره و المطاعم كلها بتفرش الكراسى فى الخارج علشان الإفطار زحمة لكن الناس فرحانة و مافيش حد زهقان و لا متضايق و اسماعيلية فى الوقت ده (اخر السبعينات) كانت صغيرة و ما تحمليش هم المواصلات علشان كده كنا نقعد نمشى انا و أصحابى لحد قبل الفطار ب 10 دقايق ونجرى نلحق المدفع فى البيت

باليل بقى باليل قوى نروح نادى ا لشرطة على البحر و نلعب كورة على الأضواء لحد قبل الفجر بساعة مثلا .

على فكرة انا من اسباب عشقى لإسكندرية هو البحر المفتوح اللى مش باشوف الشط من الناحية التانية، انا باعشق البحر المتوسط باحس انه صاحبى و باحس ان عنده احساس و روح انا أول مرة أروح اسكندرية كنت فى العجمى و كان سنى حوالى 13 سنة و من هنا اتولد حبى للبحر و الكلام ده لما كان العجمى لسه عجمى (76) كان هادى و راقى جدا و مليان مساحات مفتوحة و الرملة نضيفة و كنا فى الشتاء بس شتاء مين و حياتك نطينا فى الميه و لا نبالى

ولما كنت فى كاليفورنيا أول فسحة رحتها كان على البحر كنت بادور على البحر اللى انا اعرفه لكنى لقيت جو تانى و روح تانية رغم انها من اشهر شواطئ فى العالم لكن المحيط الهادى تحسى انه وحش غير مروض مالوش احساس و لا يمكن يبقى صاحبك و بصراحة جربت أكثر من شاطئ سانتا مونيكا و ماليبو و نيوبورت و فنتورا و غيرهم و مافيش فايدة مالاقتش الإحساس عارفة لما بتقابلى حد و الكيمياء ماتجيش على بعض هو ده

انا رحت اسكندرية فى 2004 و عيالى ركبوا الحنطور طبعا كنا لسه راجعين و كان إختراع بالنسبة لهم مش ح أقولك قد ايه حبوا البلد دى ناهيكى طبعا عن القاهرة لكن القاهرة دى لعبتى أقدر أخلى أى حد يحبها فى ثانية لإنى باختصار خبير فيها لكن اسكندرية بالنسبة مازالت مبهمة شوية لكن يبدو ان انتم عندكوا عفريت فى محطة مصر و سيدى جابر اول ما حد يدخل يسحره و يخليه يحب البلد على طول

المرة الجاية بقى نحكى عن بورسعيد حيث انى قضي تفيها فترة الجامعة

و الله كتر خيرك فكرتينى بايام زمان

ألف سلام و تحية

محسن

[مسالم]

الله يكرمك يا alex-lover .. ايوه كده شجعيني (بس القصه حقيقيه .. بغض النظر عن الحبكه الدراميه.. هذا للمعلوميه فقط) .. بس انا بصراحه .. جالي عقده نفسيه من الدمعه اللي انا شايفها في عنيكي دي .. ومش عارف حتنزنل امتى ..!!

المهم نرجع لذكرياتنا ... (كل الاسامي غير حقيقيه حفاظاً على الامن العام) ..

خلاص ياجماعه (دي أمي) احنا رايحين البحر دلوقتي .. كله عارف دوره كويس وايه المطلوب منه بالظبط !! ... مديحه .. ايوه .. انا معايا شنط السندوتشات .. طب خلي بالك منها كويس ..العيال دي لو مالقتش حاجه تاكلها على البحر .. حتاكلنا احنا .. سناء .. ايوه ياأبله .. انا معايا ترمس الشاي .. وجركن الميه .. وانت ياطارق (الاخ الاكبر).. انا مش حشيل غير الشمسيه .. كفايه قوي .. وانت يا حماده عليك الكراسي وادي العيال الحاجات الصغيره .. شنط اللعب والعوامات .. وانت يامسالم .. امسك ولاد خالتك الصغيرين دول .. احنا هنا في اسكندريه والعربيات كتير .. مش زي البلد .. ياماما شكلي حيبقى وحش قدام اصحابي في الحته ... يوووه .. يالا ياله انت وهي ...

(في الشارع) .. احنا حنروح اي بحر ياماما .. خنروح الانفوشي .. ليه بقى انا عايز اروح نادي المعلمين .. انا مبحبش الانفوشي .. البحر هناك مش نضيف والشاطئ عليه زباله كتير ... لازم ياحبيبي نروح الانفوشي .. انت شايف احنا كام واحد .. خالاتك التلاته واولادهم التسعه واجوازاتهم .. وانت واخواتك.. حنروح اذاي نادي المعلمين .. احنا حناخد ترام 4 من اوله وحننزل اخر ه في الانفوشي .. يعني الحكايه سهله اهه.. (طارق على محطة ترام4 أول الخط) بصوا بقى أول ما الترام يقف تهجموا على طول .. اللي مش حيلاقي كرسي حيفضل واقف على الاقل ساعه ..وانا مش مستعد اقوم لحد .. انتوا حريين .. هجووووم ... الحمد لله انا قعدت ورا السواق .. اصل انا من هواه الفرجه على السواق وهو ماسك دراع الترام (الدريكسيون) وكل شويه .. تن تن تن تن .. ده الكلاكس .. واتفرج يا سلام على اسكندريه من ناحية بحري وبنحبوه .. الى ان وصلنا الانفوشي .. يالا يا جماعه انزلوا ... شفولنا مكان كويس على البحر .. كله تمام والناس كلها قلعت الهدوم وطبعاً كنا لابسين المايوهات تحت .. وبطبيعة الحال انا ماكنتش احب انزل الميه كتير .. ولا يمكن بأحي حال من الاحوال اعرّض جسمي للشمس علشان ماتسلخش .. المهم كنت قاعد تحت الشمسيه .. ولأني محب للإطلاع دايماً فكنت أتأمل الى من بالجوار .. وفجأه لقيت الناس اللي جنبنا ميتتين على نفسهم من الضحك .. فبصيت على اللي عامل فيهم كده .. لقيت جوز خالتي وابنه اللي عنده تلت سنين واقفين جنب بعض .. طب ايه المشكله .. آآآه .. أصل جوز خالتي كان رفيع بس له كرش مدور .. طب وايه يعني .. لحد كده عادي .. اللي مش عادي ان ابن خالتي الصغنون كان برضه عنده كرش مدور .. يعني همّ الاثنين شكلهم كان فعلاً يموّت من الضحك وهمّ واقفين جنب بعض لو انت شايفهم بروفيل (من الجنب).. ( هوّ صحيح الكرش وراثه ؟؟!!) .. وبسرعه خالتي خدت بالها ... وبكل عصبيه نادت ... محمد .. هات الواد ده وتعالى هنا .. الشاي جاهز.. :closedeyes:

مازلت اتأمل الجيران ... ايه ده .. بصي يا ماما .. الناس معاها ايه .. دي حلل ووابور جاز .. دول بيطبخوا عل البحر ... ههههه .. حاجه غريبه .. ازاي ده ... بس ياحبيبي مافيهاش حاجه .. وماتنساش ان دول من بحري .. يعني لو عرفوا انك بتتريق .. حتقوم عركه كبيره واحنا مش قدهم .. اسكت ساكت .. ماشي ياماما .. طب هتيلي فرسكه .. الله يخليكي ..

ورجعنا من حيث اتينا .. ولو شفتونا في الترام واحنا راجعين .. تفتكروا اهل الكهف .. نوووووووووووم عميق لآخر محطه ..

مطولش عليكم .. كان اسبوع مصيف جميل ... والكل كان فرحان .. نسيت اقولكم ان الوالد كان بعيد كل البعد عن الموضوع ده .. مايحبش يروح البحر ابداً وخصوصاً مع الوفد الفسكوني ...

والى ذكريات اخرى .. ياريت حد يقولنا على ذكرياته الجميله ....

تم تعديل 14 نوفمبر 2007 بواسطة مسالم

[مسالم]

شكرا يا عمرو .. على اهتمامك .. ماشاء الله تبارك الله .. نمسك الخشب على مجهودك الرائع وتواجدك بكل مواضيع المحاورات.

[Alex Lover]

ذكريات ايه يا اخ مسالم ده انت ماشاء الله كفيت ووفيت

بس بجد ماشاء الله ذكرياتك حيه وبتخليني احس اني عايشه الجو ده .. بس انا من ذكرياتي على البحر اني مرة صممت اروح اشترى دره مشوي وكان اخويا معايا الظاهر شاف حد من صحابه قام ندل وسابني كنت انا خلاص اشتريت الدرة وكان عمري 12 سنة تقريبا (( بصيت ولقيتك مش جنبي وفضلت انا لوحدي انا لوحدي على الكوبري )) لا بجد ماسكه في ايدي الدرة ومش شايفه الشمسية بتاعتنا ولا شايفه اي حد اعرفه وقغدت اعيط وانا ماشيه على الشط وطول ما انا باعيط بظوافري عماله احفر كوز الدره (من الرعب والقلق) لغايه فين ما شوفت ماما وهما ولا في دماغهم .. ولا حاسين وبعدين بتقولي انتي جبتي الدره واكلتيه بالسرعه دي ... طبعا مكنتش اكلته ولا حاجه كان هو اللى اكلني ههههههههههه

فعلا حوادث التوهان على شاطئ الاسكندرية حاجة مش ممكن .. لاناس كلها اعتقد مروا بالتجربه دي ,,,

صباح السكر :D

[Alex Lover]

مساء شريف ألكس لوفر و كل عشاق مصر

أنا قلت أدخل من هنا أحسن بدل ما أخليكى رايحة جاية على الموضوع التانى

أيوة يا ستى أنا لى بعض الذكريات فى الإسماعيلية و بورسعيد لكن زى ما شرحت قبل كده أنا كنت دائم الترحال منذ نعومة أظافرى و عليه فأنا بأغبط كل واحد مجمع ذكرياته فى مكان واحد طول عمره و خصوصا لما بيكون قضى مراحله السنية كلها فى هذا االمكان يا بختكم (ما شاء الله)

خلينا نبدأ بالإسماعيلية حيث قضيت فترة الدراسة الثانوى، طبعا زى ما انتم عارفين هى بلد جديدة نوعا يعنى من عمر قناة السويس حوالى 150 سنة طبعا البلد نضيفة كتير بها خضرة و حولها مناطق زراعية كبيرة انا بالنسبة لى أحلى حاجة كنت باعملها انى أقعد على بحيرة التمساح باليل و أسرح فى السكون و الضلمة - فى النهار بقى الموضوع مختلف لأن البحيرة صغيرة و الشط التانى بيبان فمافيش سرحان لكن فيه حاجة تانيةو هى السفن اللى بتعدى فى القنال و الواحد فى السن الصغير بيحلم بقى انه يسافر على سفينة من دول و يشوف العالم

من المشاهد اللى باحب افتكرها وسط البلد قبل الفطار فى رمضان لما بتبقى عاملة زى خلية النحل بتاع العرقسوس و التمر هندى وواحد بيبيع فول و طبعا فرن العيش ممتلئ عن آخره و المطاعم كلها بتفرش الكراسى فى الخارج علشان الإفطار زحمة لكن الناس فرحانة و مافيش حد زهقان و لا متضايق و اسماعيلية فى الوقت ده (اخر السبعينات) كانت صغيرة و ما تحمليش هم المواصلات علشان كده كنا نقعد نمشى انا و أصحابى لحد قبل الفطار ب 10 دقايق ونجرى نلحق المدفع فى البيت

باليل بقى باليل قوى نروح نادى ا لشرطة على البحر و نلعب كورة على الأضواء لحد قبل الفجر بساعة مثلا .

على فكرة انا من اسباب عشقى لإسكندرية هو البحر المفتوح اللى مش باشوف الشط من الناحية التانية، انا باعشق البحر المتوسط باحس انه صاحبى و باحس ان عنده احساس و روح انا أول مرة أروح اسكندرية كنت فى العجمى و كان سنى حوالى 13 سنة و من هنا اتولد حبى للبحر و الكلام ده لما كان العجمى لسه عجمى (76) كان هادى و راقى جدا و مليان مساحات مفتوحة و الرملة نضيفة و كنا فى الشتاء بس شتاء مين و حياتك نطينا فى الميه و لا نبالى

ولما كنت فى كاليفورنيا أول فسحة رحتها كان على البحر كنت بادور على البحر اللى انا اعرفه لكنى لقيت جو تانى و روح تانية رغم انها من اشهر شواطئ فى العالم لكن المحيط الهادى تحسى انه وحش غير مروض مالوش احساس و لا يمكن يبقى صاحبك و بصراحة جربت أكثر من شاطئ سانتا مونيكا و ماليبو و نيوبورت و فنتورا و غيرهم و مافيش فايدة مالاقتش الإحساس عارفة لما بتقابلى حد و الكيمياء ماتجيش على بعض هو ده

انا رحت اسكندرية فى 2004 و عيالى ركبوا الحنطور طبعا كنا لسه راجعين و كان إختراع بالنسبة لهم مش ح أقولك قد ايه حبوا البلد دى ناهيكى طبعا عن القاهرة لكن القاهرة دى لعبتى أقدر أخلى أى حد يحبها فى ثانية لإنى باختصار خبير فيها لكن اسكندرية بالنسبة مازالت مبهمة شوية لكن يبدو ان انتم عندكوا عفريت فى محطة مصر و سيدى جابر اول ما حد يدخل يسحره و يخليه يحب البلد على طول

المرة الجاية بقى نحكى عن بورسعيد حيث انى قضي تفيها فترة الجامعة

و الله كتر خيرك فكرتينى بايام زمان

ألف سلام و تحية

محسن

احب كمان احيي الاخ محسن سمك الذي انضم الي الرابطه ونرها .. ولو اني رحت الموضوع بتاعه وجريت رجله على الرابطه بس ماشاء الله عليك ذاكرتك قوية وذكرياتك جميله ،، انا عمري ما روحت الاسماعيلية ولكن اسمع من ناس كتير تعليق واحد عليها انها بلد نظيفة ... وجميله

اما بورسعيد انا فاكرة اني كنت باروح رحلات الى بورسعيد مع الاكاديمية العربية للعلوم والتكنولوجيا كانت بنتنظم رحلات بشكل دوري للموظفين ولان خالتي بتشتغل هناك كانت تاخدني هناك وعلى ما اعتقد فيه محل اسم (الفار) ده كان اول مكان يزوروه وكنا نشتري من هناك شامبوهات وصابون وحاجات كتير .. انا فاكره المباني في بورسعيد لها طابع مميز .. المباني عالية والأدوار اللي تحت محلات واعمده كبيرة

كنت احب اوي اشتري الجينز من هناك وكنت فيه محل محل باجيب منه بنطلونات جينز (ليفيس ) والله كانت ايام .. ومرة روحنا في رمضان بس كنا انا وخالتي لوحدنا روحنا بالسوبر جيت والمدفع ضرب علينا قمنا روحنا محل اشترينا منه بيتزا واخدناها معانا في السوب جيت ... البيتزا دي كانت غريبة لقيتهم حاطين عليها بيض (مقلي) عل سطح البيزا وكنت رافضه اكلها خالص لولا انها صممت ناكل علشان كنا صايمين وماقولوكوش على حلاوه الطعم كانت تجنن وماشوفتهاش بتتباع في اي مكان تاني ولو افتكر المحل اسمه ايه اللي كان عاملها اروح بورسعيد مخصوص اكل منها ...

بجد جميله يا مصر وكل بلد فيكي ليها طعم وذكري خاصة .. انا اسفه يا محسن اقحمت نفسي في ذكرياتك ...

المرة اللي جايه فكروني احكيلك قصة شهر العسل بتاعي في شرم الشيخ وفكروني احكيلكم على قصة (( عبده بيه ))

صباحكم سكر

[amrhoras]

صباح الخير يا اهل مصر الكرام

شكرا اخويا مسالم ويارب مكنش تقيل على كل مواضيع المنتدى أصل يا اخى تلاقيني فاتح صفحة المنتدى طول مانا قاعد اشتغل واشوف مين جه :blush2:

صباح الخير يا اليكس لوفر ماشا الله كل ده علشان الدره بس حمد الله على سلامتك ممكن بقى كوز دره من اللى معاكى لوسمحتي

تعالى بقى لاول يوم مدرسه احب تحكولى ازاى قضيتكم ايام التجهيز للمدرسه واول يوم مدرسه من اول اولى ابتدائي او كيجي ون

انا عن نفسي زكريات مؤلمة لانى اول مادخلت المدرسه لقيت سجانه ماسكه فى ايديها عصايه كبيييره اوى وعماله تزعق لاصحابها المدرسين

هههه اه والله كانت عماله تنقى بالراس خد ده لا هات ده والمدرسين غلابه حواليها حاضر والناظر يقولها يا ابله احنا ماشيين بالترتيب الابجدى

تقوله انا حاخد اللى عيزاه فى فصلي واللى مش عيزاه حرميه

والمصيبه بقى انى كنت فى ايديها ساعتها مسكانى من دراعى كان حيتملخ وهى بقى ترد على اصحابها وتحرك فى العروسه اللى في ايدها

سبحان الله بابا الله يرحمه كان جاي يطمن عليا ويشوفنى قعدت فين

اول ماشوفته دموع الفرح نزلت غصب عنى وناديت عليه ناديت على النجده تعالى خلصنى من الست دى يابابا

الوليه سمعت كدى ونزلت عليا دب دب دب دب وبابا جاى يجرى عشان ابنه بيضرب قدامه ( اللهى تنضرب في قلبها كل مافتكر )

وبقت خناقه ان حد يخلصنى من ايديها مفيش من الاخوه المديرين والمدرسين لغايه لما بابا جه وشدنى منها وزعقلها وشتمهم على اللى عملوه فيا فى اول يوم

الجانب الحلو بقى ان في مدرسه كانت جميله جدا :) اخدتنى ونسيت بابا واللى حصل واديتنى شكولاته وقعدت بقى تهديني وانا كنت عمال اعيط wst:: واخدتنى كمان فى الفصل بتاعها من حظى الابيض وزى الفل كان اسمها ابله منى عارفه كانت مدرسة اختى وبعدين تبنتني

وراح بابا اشتكى المدرسه والاخوه المدرسين فى الوزاره ومعرفش بقى ايه اللى حصل اتأسفوله وطنط دى جابتلى حاجة حلوه وهاتك يابوس فيا ده عمرو زى السكر وانا حاخده معايا الفصل ايه رأيك ياعمرو

بعد ما اخدت الشكولاته قولتلها لا بابا بابا رحت موشوشه انا مش عاوز اروح مع الست دى wst::

راح غمزنى اسكت حتودينا فى داهيه الله يخربيتك دى تاكلنا انا وانت روح انت لابله منى وانا حتصرف :lol:

حاضر ياعم رايح قول كدى من الصبح ورحت وانا مبسوط :D

وادى ايول يوم دراسه معايا كرهت المدارس من يومها والتعليم كله ههههه

صباح الخير

[mohsensamak]

صباح الفل يا ألكس

إنت لم تقحمى نفسك فى ذكرياتى و لا حاجة ده إنت خليتى أحفر فيها و افتكر حاجات حلوة ساعات بتتوارى خلف زحمو الحياة

إسماعيلية فعلا زى ما قالولك نضيفة و كانت هادية بس دلوقتى باسمع انها بقت زحمة كتير لكن لسه ارحم من بلاد تانية

انا بعد ما نزلت الرد لقيت نفسى حكيت فى رمضان كتير و يمكن السبب انى بقى لى 12 سنة على التوالى لم أحضر رمضان فى مصر و لكى ان تتخيلى كم انا مشتاق و خصوصا ان طعم رمضان فى مصر مختلف انه

ألذ ألذ ألذ

مع تحفظ واحد هوه ان سبحان الله رمضان له طعم تانى فى كل الدنيا و حتى فى أمريكا وعلى فكرة آخر رمضانين لى فى أمريكا كنت باصلى مع الشيخ وجدى غنيم عارفاه طبعا و كنا مش بنبطل ضحك فى الخطب اللى بين التراويح

على ذكر بورسعيد انا قضيت هناك فترة الجامعة زى ما قلت لك و المفارقة ان أول و تانى سنة ما كنتش باطيق أسمها لأنى كان نفسى أدخل هندسة القاهرة أو عين شمس لكن المجموع بقى لكن بدأ الشعور يختلف بعد كده و لما وصلت البكالوريس لقيتنى واقع فى غرامها و هى فيها من اسكندرية شوية حتى فى أسماء الشوارع و الميادين و طبعا المينا

و المحل اللى بتقولى عليه بتاع الجينز ده تقريبا دكتور إم من المحلات المشهورة و بورسعيد كمان بيميزها معدية بورفؤاد حيث تنتفلى من أفريفيا الى آسيا فى أقل من 10 دقائق و كمان بورسعيد بلد قديمة فيها طعم و لون و لها شخصية و زيها زى أى ميناء من كتر ما بيورد عليها من جنسيات و بعضهم بيستقروا فيها و فى الآخر بيكونوا نسيج واحد فبتلاقى ان اختلاط الثقافات بيفرز فى النهاية ثقافة واحدة جديدة و غالبا بتبقى جميلة زى عندكم فى اسكندرية

المرة الجاية بقى نحكى شوية عن النيل و الحسين و السيدة و المقطم و جنينة الحيوانات و مصر الجديدة و القاهرة كلها

عمتم صباحا

محسن

[Alex Lover]

اخونا عمرو بجد خليتني امووووووت من الضحك لما قرات الجملة دي

بعد ما اخدت الشكولاته قولتلها لا بابا بابا رحت موشوشه انا مش عاوز اروح مع الست دى

راح غمزنى اسكت حتودينا فى داهيه الله يخربيتك دى تاكلنا انا وانت روح انت لابله منى وانا حتصرف

المهم اني باقرا الكلام وامله نفسي باشتغل قدام زمايلي ومرة واحده قمت ضاحكة بصوت شكلك هتوديني في داهيه :)

بس بجد كويس انك اتكلمت عن موضوع المدارس واول يوم دراسة ... انا ذكرياتي لا تنتهي فيكي يا مدارس .. انا كنت في مدرسة النصر للبنات الشاطبي_ E.G.C وكنت باكره الدنيا كلها اليوم اللي رايحه فيه المدرسة ... وباقوم مضروبة 100 جزمة وكانو جايبين لي سواق يوديني ويجيبني ... كنت اقعد اصرخ في العربية طول الطريق لدرجه انه كان ياخدني على رجله وهو سايق علشان اسكت ... ولما روحت المدرسة اول يوم ...(الموضوع ده مش انا بس اللي فاكراه .. المدرسة كلها فاكراه ) كنت في KG1 ودخلت الفصل وخالتي جت معايا لان هي وقتها كانت في كليه الهندسة يعني جنب مدرستي ... المهم المدرسة كانت شاقرة وحلوة واسمها نادرة .. المهم يا جماعه ان هي مسكتني من هنا علشان تدخلنى الفصل وانا اصرخ ولمت المدرسة كلها على صوتي ،، مش عارفه ليه كنت كارهه المدرسة كلها المهم اخر ما زهقت كانت سناني الامامية ممشرشرة وحاده زي السكين ... قمت قرمت المدرسة من ايدها لما هي اللي بقت تصرخ وايديها جابت دم ... والفصل كله خاف منى وبقيت عامله بعد كده زي الفتوة بتاعت الفصل من غير ما احس "،معرفش ليه بيعملولي حساب جامد :D

وده كان اول يوم في KG2

استاذ محسن

فعلا اسكندرية وبورسعيد قريبين قوي من بعض في حاجات كتير ... بس على فكرة اجمع الغرباء اللي هما احنا ان اكبر شئ بنفتقده في الغربة هو شهر رمضان ،، شوف كام واحد متكلم في الموضوع ده ؟؟؟

بالنسبالي لو افتقدت شهر رمضان هافتقده لما كنت لسه في بيت اهلى لكن بعد الجواز مجربتش رمضان مع اسرتي الصغيره الا في الكويت .. علشان كده برضه له طعم خاص لانه بدايه جديدة مع اسرة جديدة .. في انتظار باقي ذكرياتك الممتعة .. بجد سردك للذكريات ممتع جدا

تم تعديل 15 نوفمبر 2007 بواسطة Alex Lover

[amrhoras]

:D لا بابا الله يرحمه كان قمة الفكاهه والضحك بس شديد وعصبي وفى نفس الوقت كان محبوب اوى حتى الان الناس تتذكره

كل ما اروح فى حته الاقى سيرته سبقاه بالطيب والحمد لله

اليوم ده والله عمرى ما انساه لانه كان يوم عصيب بالنسبه ليا كأنه كان امبارح

تصدقوا فاكر زميلى اللى كانوامعايا كانت جنبي فى المقعد فى الفصل كان اسمها نور الهدي (سافرت الكويت مع بباها ومامتها وانقطعت اخبارها) وورايا دينا (اتجوزت بعد كلية التجارة علطول) واحمد (كلية التجارة تزوج السنه الماضية وعمل بجمارك بورسعيد مع والده) وجنبي على ايدي اليسار فاتن(كلية الحقوق) ومي(انقطعت اخبارها برده ) وعلى اليمين شيرين (معيده فى كليه الزراعة جامعة الزقازيق) ومنى (كلية حقوق) اخت فاتن ووراهم محمد(دلوقتى بقى ظابط فى الجيش) واشرف (ده ابن خاله فاتن ومنى ) وهو كلية تجارة واشتغل فى محلات بباه اجهزة منزليه وسمر (كلية التجارة قابلتها واحنا بنعمل كارت العمل عشان نقدم فى المسابقات ) كنا علطول مع بعض حتى الصف الخامس الابتدائي بعدها بقينا نتقابل صدف فى الدروس الخصوصيه بعدها فى الجامعه بعد كدى صدف بقى

بس كانت ايام جميله كنت ديما اتحجج لهم فى البيت اه بطنى واروح بالعافيه المدرسه هههه

بعدها بابا توفى فى يوم اجازه كنا واخدينه قبل اخر يوم فى امتحانات سنه رابعه ابتدائي ورحت تانى يوم المدرسات بقى مش يتوصوا اخدونى وبقوا يسألوا كل شويه عامل ايه فى الامتحان واى حاجة تطلبها حنقولهالك

بعدها بقى المدارس بقت ملل كنت بحضر بس يعنى وخصوصا فى الاعدادى على فكره طلعت الرابع على المدرسه فى الاعداديه بس مكنش ليها زكريات كتير افتكر بس ابله امينه مدرسة العلوم وفى تالته اعدادى افتكر اتنين مدرسين

اسطى صابر :- مثال سيء للمدرس هو كان رياضيات بس اهتمامه ديما كان بالدروس الخصوصيه ( اول يوم دخل انا تليفونى وعنوانى كذا كذا واللى مش حيجي حيشوف ايام اسود من قرن الخروب) وفعلا لانى عندى ومحبش الطريقه دى مرحتش ياما ضربني على ايدي لغاية لما اشتكيته للاداره لا مش هنا ادارة المدرسه واستدعو ولي الامر والوالده جت واتحل الموضوع ودى ومن يومها اتجنبني بقيت فى الفصل حاضر او مش حاضر مفيش اهتمام

المدرس التانى :- أ/ أيمن ده كنت بعشقه كان مدرس علوم وانا كنت احب الماده بتعته جدا لدرجة كان يعملنا اختبارات ذكاء ياما لميت منه هدايا وفلوس عليها امضاءه وكان عامل فكره جميله اوى وهى انه كان عامل لوحة الشرف اخ لو طلع اسمى التانى كنت اتضايق اوى

الثانويه العامة بقى قمة الضياع واخدها من منازلهم بس كنت معجب با أ/ عبد الخالق هو مدرس الكيمياء وكان ملك الكيمياء اسما وفعلا حببني فى الماده جدا لدرجة انى كنت مختصر المعادلات للمركبات العضويه فى ورقة واحده ومن اعجابه بيها اهتم بيا اهتمام خاص جدا لدرجه قالى انا حديلك درس لوحدك ومش عاوز فلوس خالص بس انا رفضت وسألت واخدت زى اى واحد من صحابي عنده بس اصر اخد لوحدى الله يرحمه اتوفى بعد الكليه

الكلية بقى هههههه كانت اروح على الامتحانات او اسلم الشيتات وامتحانات اعمال السنه فقط لا غيبر

رحلة التعليم كان معكم المرتحل عمرو بن حورس شكرا

[salemhegazy]

وطنى و ان شغلت بالخلد عنه نازعتنى اليه فى الخلد نفسى

بلدى و ان جارت على عزيزة و اهلى و ان ضنوا على كرام

[salemhegazy]

اصالة مين يا اخوانا اسمعوا الست

وقف الخلق ينظرون جميعا كيف ابنى قواعد المجد و حدى

و بناة الاهرام فى سالف الدهر كفونى الكلام عند التحدى

انا تاج العلاء فى مفرق الشرق و دراته فرائد عقدى

ان مجدى فى الاوليات عظيم من له مثل اولاياتى و مجدى

[amrhoras]

صباح الخير يامصر

صباح الخير يامصريين

صباح الخير ياعرب

هل من مجيب اليوم لا اجد احدا منذ اللليل قد جاء

عموما بسجل حضورى :happy: صباح الخير يابدلنا ياوحشانى اوى اوى اوى