اذهب إلى المحتوى
محاورات المصريين

بقلظ و كرنبة

ابو حلاوه

بواسطة ابو حلاوه
في موضوعات خفيفة

 مشاركة

ما هي العروسة اللي بتفضلها  

5 اصوات

  1. 1. ما هي العروسة اللي بتفضلها

    • بقلظ
      7
    • كرنبة
      2
    • بوجي
      1
    • كوكي كاك
      0
    • عم شكشك
      1

Recommended Posts

ابو حلاوه عضو جديد

ابو حلاوه

بتاريخ:
  • كاتب الموضوع
بتاريخ:
فيه حد هنا من دفعة "أستريكس و أوبليكس" و"لاكى لووك والأخوه دالتون" و "ميشيل فايان" و "لوبو" و "تاكا تاكاتاكا" و "الكابتن هادوك" و "تان تان وميلو"؟؟؟!!!!!

و الله يا محبط الناس دي عرفتها علي كبر......... و بقيت مدمن كبير لاستريكس و اوبليكس ....... تان تان كنت عارفه من زمان بس ما بقتش اقراه قوي غير اليومين دول بس

المشكلة في تان تان حبتين عنصرية ..... مش حبتين 10 حبات و لو مش مصدق

اقرا cock en stock, l'or noire

الرئيس مسئول عن كل ما تعاني منه مصر الأن

لا

رابط هذا التعليق
شارك
  • الردود 91
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

disappointed عضو جديد

disappointed

بتاريخ:
بتاريخ:
فيه حد هنا من دفعة "أستريكس و أوبليكس" و"لاكى لووك والأخوه دالتون" و "ميشيل فايان" و "لوبو" و "تاكا تاكاتاكا" و "الكابتن هادوك" و "تان تان وميلو"؟؟؟!!!!!

و الله يا محبط الناس دي عرفتها علي كبر......... و بقيت مدمن كبير لاستريكس و اوبليكس ....... تان تان كنت عارفه من زمان بس ما بقتش اقراه قوي غير اليومين دول بس

المشكلة في تان تان حبتين عنصرية ..... مش حبتين 10 حبات و لو مش مصدق

اقرا cock en stock, l'or noire

هوّه تان تان أساسا شخصيّه رخمه جدّا , وميلو دمّه يلطش , بس أنا كنت دايما أضحك على الكابتن هادوك "ألف ألف ألف مليون لعنه" :oops:

وعندك حق فى موضوع العنصريّه ده....بس ماتنساش ان المؤلّف (وهو الرسام فى نفس الوقت" بلجيكى , وكما تعرف أن البلجيك كانوا فى الخمسينيّات والستينيّات يمرّون بتيّار يمينى متشدد ونزعات عنصريّه جارفه

وعلى فكره.....أنا كنت مدمن مجلّة تان تان من وأنا فى كى جى تو لغاية آخر ابتدائى , وكنت بأحب هذه المجلّه لأنه كان فيها بتاع عشر صفحات فى الوسط مش قصص مصوّره ولكن معلومات عامّه ساعدت كثير جدّا فى زيادة معلوماتى العامه من وأنا صغير (لازلت أذكر كيف تعجّبت مدرّستى فى ثانيه ابتدائى عندما علمت أننى أعرف اسم مكتشف أمريكا واسم أول رائد فضاء يصل الى القمر و أن عندى معلومات عن مدام كورى ورونتجن , ولازلت أذكر كيف أخذنى مدرّس العلوم من يدى وأنا فى رابعة ابتدائى لغرفة المدرّسين عندما علم أن عندى فكرة مبسّطه عن البلوتونيوم وانشطار النواة....وكلّها كانت معلومات مستقاة من قراءاتىلهذه الصفحات التثقيفيّه فى مجلّة تان تان)....وعلى فكره.....كنت بأحتقر مجلّة سمير قوى لأنها تافهه , وأذكر أننى قلت لأحد زملائى فى الابتدائى أثناء تشاجرى معه :"يالاّ يا بتاع مجلّة سمير" فلم يفهم أننى أعايره بقرائته لهذه المجلّة :oops: :oops:

أستريكس وأوبليكس دول حكايه......وكل صوره فى قصصهم المصوّره حتلاقى فيها تفاصيل جانبيّه دقيقه تهلّك من الضحك....وياسلام على بانوراميكس ساحر القريه و فينيكس مغنّى القريه اللى كانوا بيهروه ضرب علشان يبطّل غناء....ولازلت محتفظ بــ"الترس المختفى" و "اكليل الغار" و " كليوباترا" حتى يقرأها أولادى

<span style='font-family: Traditional Arabic'><span style='font-size:15pt;line-height:100%'><strong class='bbc'>إن أخشى ما أخشاه هو :<br /><br />أن تصبح الخيانة يوما ما.....مجرّد.....وجهة نظر</strong></span></span><br /><br /><br /><br /><img src='http://www.egyptiantalks.org/images_temp/moir.gif'alt='صورة' class='bbc_img' />

رابط هذا التعليق
شارك
ابو حلاوه عضو جديد

ابو حلاوه

بتاريخ:
  • كاتب الموضوع
بتاريخ:

اجمل مغامرات استيريكس كانت لما راح كورسيكا.............. انا فضلت اضحك علي المواقف بتاعته هناك .... و رغم ان القصة مكتوبة في منتصف السبعينات لكن الناس هناك ما بيتغيروش

الواحد منهم مزيج من الصعايدة و البورسعيديه...... و من مغامراتهم الجميلة كمان في انجلترا و سويسرا

الرئيس مسئول عن كل ما تعاني منه مصر الأن

لا

رابط هذا التعليق
شارك
abofasad عضو جديد

abofasad

بتاريخ:
بتاريخ:

انا ملاحظ أن موضوع بقلظ واصحابه واخدين اهتمام قطاع كبير جدا من اصدقاء المنتدى، وهذا يدل على الحنين الى الطفولة ومغامراتها وحلوها ومرها.

ودي ضريبة الغربة

واللي يحب الدح ما يقولش ؟؟

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

طيب بمناسبة المغامرات والألعاب ، حد فاكر أنواع ومواسم الألعاب واحنا فى سن الطفولة ، دى كان ليها تقسيمة ومواعيد غريبة ومحددة عامله بالظبط زى مواعيد الزراعة اللى حافظها الفلاح عن ظهر قلب ، فأنا مثلاً عشت أحلى أيام طفولتي فى حدائق القبة فى شارع مصر والسودان لحد ستة أبتدائي ، وكان الواحد فجأة يلاقى العيال كلهم فى وقت من الأوقات بيلعبوا " بلي ( غطاء زجاجة البيببسى ) وعلى فكرة كانت تقاس ثروة الطفل بمقدار ما يملكة من بلي ونوى وكازوز ، أنا كنت حريف قوى يا جماعة وكنت املك الالاف وكنت بأبيع للعيال بقرش وبخمسة صاغ وقلب عيشك ياباشا .

بس عايز أسأل هي الحاجات دى لسه موجوده عند العيال الصغيرة فى مصر دلوقت ؟ ولا البلاى أستشن وأبطال الديجيتال طغوا على ذلك ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
Cleo عضو جديد

Cleo

بتاريخ:
بتاريخ:
طيب بمناسبة المغامرات والألعاب ، حد فاكر أنواع ومواسم الألعاب واحنا فى سن الطفولة ، دى

أنا فاكرة كل سنة كان فيه موضة شكل...

يعنى سنة تبقى ألبومات Smash Hits و سنة ألبومات السنافر و سنة لعبة سكوبيدو و سنة لعبة المكعبات....

فيه بأة سنة طلعت لعبة "الأولى" موضة جدا... و لو نزلت الفسحة متأخر تلاقى مفيش مكان فى حوش المدرسة كله فاضى ترسم فيه الأولى بتاعتك... كله كله متاخد.... :)

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
وسام عضو جديد

وسام

بتاريخ:
بتاريخ:

رجل المستحيل كانت فى اولها حلوة بعدين بقت اخر ملل بحيث ان عم ادهم اول ما يبتدى خناقة اقلب 4 صفحات بالضبط ( جربوها) و حتلاقو كلمة و تكوم ال15 او 20 رجلا على الارض :D

......The only thing necessary for the triumph of evil is for good men to do nothing

رابط هذا التعليق
شارك
Cleo عضو جديد

Cleo

بتاريخ:
بتاريخ:

طيب حد فاكر مسلسل ست الحسن بتاع إيمان الطوخى؟؟

طب حد فاكر برنامج زهور من نور بتاع نجوى ابراهيم و عبد الرحمن أبو زهرة؟؟؟ كان بييجى فى رمضان و كنت بموووووووووووووت فيه...!!!

طب فاكرين ألف ليلة و ليلة بتاع نجلاء فتحى و حسين فهمى؟؟؟ :)

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
ابو حلاوه عضو جديد

ابو حلاوه

بتاريخ:
  • كاتب الموضوع
بتاريخ:
طيب حد فاكر مسلسل ست الحسن بتاع إيمان الطوخى؟؟

طب حد فاكر برنامج زهور من نور بتاع نجوى ابراهيم و عبد الرحمن أبو زهرة؟؟؟ كان بييجى فى رمضان و كنت بموووووووووووووت فيه...!!!

طب فاكرين ألف ليلة و ليلة بتاع نجلاء فتحى و حسين فهمى؟؟؟ :)

فتحي يا زهور فتحي .........

الف ليلة و ليلة قصة كل ليلة ..... قولي يا شهر زاد .....

الاولانية مش فاكرها قوي قوي

الرئيس مسئول عن كل ما تعاني منه مصر الأن

لا

رابط هذا التعليق
شارك
ابو حلاوه عضو جديد

ابو حلاوه

بتاريخ:
  • كاتب الموضوع
بتاريخ:

طيب فاكرين بقة يوم اغتيال السادات و احداث الامن المركزي

يوم اغتيال السادات ..فاكر اغنية لهاني شاكر و محمد ثروت كانت بتتذاع .. وصوت بلادي بلادي بلادي الخ .. كنت باتفرج علي التليفزيون في العرض .. و مرة واحدة صوت ضرب نار و هوب الشاشة اتغيرت و اغاني وطنية .... و فاكر عساكر الامن المركزي و اكياس الرمل حوالين الاقسام ....

و في احداث الامن المركزي كان فيه دبابة و اقفة في الشارع بتاعنا .. اي و الله دبابة ...وفاكر مرة رحت سلمت علي العساكر ... و كنت مبسوط قوي علشان ما بنروحش المدرسة و فاكر حالة الهرج و المرج اللي حصلت اليوم ده في المدرسة و الناظرة اللي كانت بتتكلم عربي مكسر و هي بتقولنا ان احنا لازم نروح دلوقتي و اتوبيس المدرسة اللي هيرجع الناس بيوتهم حتي لو ماكانوش مشتركين

الرئيس مسئول عن كل ما تعاني منه مصر الأن

لا

رابط هذا التعليق
شارك
Cleo عضو جديد

Cleo

بتاريخ:
بتاريخ:
و كنت مبسوط قوي علشان ما بنروحش المدرسة

:lol: :cry: :cry: :) :) :D :D

(وانا كمان).... :) :oops: :oops:

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

إلا ماحدش عارف حكاية اليوم الرياضي اللى كنا بناخده فى أبتدائي بالذات وبيروحونا بدري فيه ؟.. يا سلام كانت بتبقى حاجة جميلة قوى .

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

انضم إلى المناقشة

You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.

زائر
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   تمت استعادة المحتوى السابق الخاص بك.   مسح المحرر

×   You cannot paste images directly. Upload or insert images from URL.

×
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • Simba
      23
      بقلظ وماما نجوي .. راجعين تاني قريب
      تقوم الفنانة نجوي ابراهيم بإجراء جلسات علاج طبيعي لعلاج الانزلاق الغضروفي الذي أصيبت به إثر تعرضها لحادث اصطدام بدراجة بخارية منذ شهرين‏ ‏ وكان من المفترض ان تقوم نجوي بتصوير توك شو بقلظ الا ان الحادث عطل بدء التصوير تقول نجوي ابراهيم‏:‏ كان من المفترض ان ابدأ تصوير برنامج بقلظ الا ان الحادث أجل تنفيذ المشروع الذي سبق وحقق نجاحا علي شاشة التليفزيون المصري‏..‏ واضافت ان الحلقات يكتبها شوقي حجاب ولم يتم ترشيح المخرج إلي الان وسيناقش القضايا المعاصرة مثل الانترنت والمحمول وتأثيرهما واستخدامهما ال

      بواسطة Simba
      كُتب

    • Masrawy Abroad
      10
      ماما نجوى - فرح كليب وفضيحة الرشوة.هل بقلظ على علم؟!
      أرجو من إخواننا العالمين بالأمور الإفادة فيمنا قرأناه هنا عن فضيحة الرشوة المتهمة بها (ماما نجوى) وعن وجود مخالفات في البرنامج المشبوه فرح كليب. طبعا المتهم بريء حتى تثبت إدانته ولكن البرنامج دا كان مريب فعلا وياما أخد تقريع فى هذا المنتدى لأنه لا يمثل مجتمع مصر ولكنه خاص بالمجتمع المخملي الارستقراطي ونسيوا إن 50% من مصر أميين فهمو كان موجه لشريحة تمثل 3% من مصر وموحه لافساد عقول بناتنا الصغار اللي كانوا بيشوفوا البرنامج وعليهم سهم الله من دلع ومياصة العرسان وبغددة العريس وصاحبات العروسة الكاسيا

      بواسطة Masrawy Abroad
      كُتب

×
×
  • أضف...