مسابقة رمضانية..فى المعلومات الثقافية...

[badroora]

وأدي بكرة جه ولا شفنا اسئلة ولا حاجة

يعنى خلاص يا رمضان مشمر درعاتك ومتحضر :blink:

ثم انا يومي بيبدأ بعد المغرب

يلا ابو صبام شمر وادخل قبل مالطيار سيبقك الطيار ماشاء الله هيكسب ملايين مننا

الاسئله اليوم بالجمله

1

- مامعنى قو الحجاج لبيك اللهم مالبيك؟

2- ما الفرق بين ماء زمز والماء العادى ولماذا لا ينفذ ماء البئر ؟

3- كيف يتم تكرير ماء زمز لكى يصبح صالح للشرب ؟

4-في عهد من من الانبياء عاش الملك نمرود ؟

5- (اين دفنت ام سلمة زوجة الرسول (ص

6- ما هو القول الذي ردده جميع الرسل

7- من هو الصحابي الذي إهتز لموته عرش الرحمن اذكر سيناريو الحادث

8- من هو اول متسابق بلي مسافات طويل

9- من هى اول ممرضة واذكر القصة التى اشتهرت بها :lol:

10 - اذكر من قائل هذه العبارة وكم مرة تكرر نفس القول فى المكان التى قيلت فيه

(كل ما فات اكان استهلالا لابد منه ( كام مرة انقالت اوك اى اجابة غير كدا هزعل واتقمص

كفاية كدا اليوم

موعدنا بعد الفطار حسب توقيتيى انا

الله معاكم يا شباب

تم تعديل 7 أكتوبر 2007 بواسطة Badria Mekkawy

[Folana]

السلام عليكم ورحمة الله ....

النهاردة اخر يوم للمسابقة وحيعلن اسم الفائز قبل الافطار بوقت كاف...لان النهاردة ليلة 27 رمضان ..وان شاء الله ربنا يتقبل منا جميعا...ويبلغنا ليلة القدر ..

شدوا حيلكم يا خواانا....دى الحلقة الاخيرة.....

بدرية..ممكن ابقى اقولك يا نجفة؟؟ اصل انا بحب اسم نجوفة اكتر.. ..ربنا يكرمك ويسعدك ويرزقك بابن الحلال ويجازيك خير على تعبك معانا .. :ninja: :blush2:

[badroora]

بدرية..ممكن ابقى اقولك يا نجفة؟؟ اصل انا بحب اسم نجوفة اكتر.. ..ربنا يكرمك ويسعدك ويرزقك بابن الحلال ويجازيك خير على تعبك معانا .. :ninja:

انا كمان بحب نجفة قولى اللى انتى عوزاه كله شيء منك كويس

ومرسي الدعوة عقبال اولادك يا رب تفرحى بيهم وبيعيالهم يا رب

النداء الاخير لاخوة المشتركين

فينك يا رمضان الاسئلة باتت وحمضت وانت لسه مدخلتش :blush2:

[رمضان]

طب والله وما ليكي عليه يمين انا مش شايف قدامي ومش عارف وصلت الدوام ازاي بس الحمد لله وصلت وربنا نجاني من الف حادثة علشان مش شايف كنت بنام وانا سايق اي والله يا بنتي ادعيلي اعرف اروح بيتنا بسلام

[badroora]

طب والله وما ليكي عليه يمين انا مش شايف قدامي ومش عارف وصلت الدوام ازاي بس الحمد لله وصلت وربنا نجاني من الف حادثة علشان مش شايف كنت بنام وانا سايق اي والله يا بنتي ادعيلي اعرف اروح بيتنا بسلام

الف سلامة عليك ويحميك من كل شر يا رب

وابقي نام بدرى بلاش سهر وبحلقة فى التليفزيون

ثم يا رمضان لو حليت ربنا هيبارك لك وهتكسب حسنات وجوايز كمان

يلا اعمل خير اليوم ليلة اللقدر :blush2:

[رمضان]

طب والله وما ليكي عليه يمين انا مش شايف قدامي ومش عارف وصلت الدوام ازاي بس الحمد لله وصلت وربنا نجاني من الف حادثة علشان مش شايف كنت بنام وانا سايق اي والله يا بنتي ادعيلي اعرف اروح بيتنا بسلام

الف سلامة عليك ويحميك من كل شر يا رب

وابقي نام بدرى بلاش سهر وبحلقة فى التليفزيون

ثم يا رمضان لو حليت ربنا هيبارك لك وهتكسب حسنات وجوايز كمان

يلا اعمل خير اليوم ليلة اللقدر :blush2:

الله يسلمك يارب والشر ما يجيك

انا مش بتفرج على التلفزيون كتير بس امس كانت مباراة الاهلي بقى وده الاهلي مش اي حد

وانا هدي فرصة لغيري واذا محدش حلها يبقى احلها بالليل

ندعو الله لنا وللمسلمين بالهداية والخير والثبات على دينه

[Folana]

السلام عليكم ورحمة الله...

الاخوة والاخوات الاحبة فى الله...

اعلن نتيجة الجزء الثانى والاخير من مسابقة رمضان...وطبعا نرى جميعا ان اخونا الفاضل " الطيار المصرى"..كان انشط عضو معانا واجاب اجابات صحيحة...

وبناء عليه نعلن عن فوزه فى المسابقة...والجائزة مقدمة من الاخت بدرية مكاوى ( الشهيرة بنجفة)..وهى عبارة عن "ملابس العيد تقدم باسم الطيار المصرى بصفته وشخصه الى طفل يتيم "

وستتولى اختنا فى الله بدرية تقديم هذه الهدية بصفتها الشخصية...

و ان شاء الله...سيتم افطار صائم باسم كل من اشتركوا معنا فى هذه المسابقة من اول رمضان والى اليوم...

باشكركم ..

وكل عام وحضراتكم بخير...والى رمضان القادم لو كان فى العمر بقية...

وفى انتظار اجابة الاسئلة من بدرية لوجه الله كده....:blush2:

[badroora]

هلا والله انام اصحى الاقيكم شطبتوا الفرح وغسلتوا المواعين :blush2:

المهم الطيار المصري الف الف مبروك انت يا بني كنت مجتهد ولكل مجتهد نصيب

الرجاء ارسال اسمك بالكامل على بريدي الخاص مرفق معاها 500 جنية رسوم

:wub: لا لا بجد ارسل لى اسمك عشان اقدم الهدية واقول هدية من عمكم الطيار

والاسئلة هاحلها بعد الفطار اصله باقي ديقتين wst::

يلا كل سنه وانت طيبين وبعودا الايام

نجفة مكاوى :ninja:

[testing only]

للإختبار فقط ، فقد إشتكى أحد الأعضاء أنه لم يتمكن من الرد.

ووجدنا خطأ و أصلحناه و سيتم حذف هذه المداخلة بعد إعلام العضو المذكور

[الطيار المصرى]

الاسئلة النهاردة واعرة جوي حوي....ربنا يستر...

ج1:دعوتنا يا الله فلبينا النداء

ج2 و ج3 واعرين زيادة عايزين بحث

ج4:في عهد سيدنا ابراهيم عليه السلام

ج5:في البقيع

ج6:يا قوم اعبدوا الله مالكم من اله غيره

ج7:هو سيدنا سعد بن معاذ رضي الله عنه...و كان ذلك حين رماه احد الكفار في غزوة الاحزاب بسهم و عالجه الرسول صلي الله عليه و سلم كيا بالنار و كان سعد يدعو الله الا يميته قبل ان يقر عينه من بني قريظة نتيجة نقضهم عهد رسول الله و انضمامهم الي الاحزاب...و عندما حكم علي بني قريظة بالقتل و السبي(حيث ان اليهود رضوا حكمه لانه مان حليفهم في الجاهلية) قرت عينه رضي الله عنه و انفجر الجرح مرة اخري فمات شهيدا...

ج8:هو ده سؤال بجد؟ولا من طراز عظيمة يا مصر يا ارض اللواء

ج9:لو في الاسلام هي رفيدة بنت سعد الاسلمية

ج10:هو استاذنا عادل ابو زيد و تكررت حوالي 2799 مرة :blush2:

اعلن نتيجة الجزء الثانى والاخير من مسابقة رمضان...وطبعا نرى جميعا ان اخونا الفاضل " الطيار المصرى"..كان انشط عضو معانا واجاب اجابات صحيحة...

وبناء عليه نعلن عن فوزه فى المسابقة...والجائزة مقدمة من الاخت بدرية مكاوى ( الشهيرة بنجفة)..وهى عبارة عن "ملابس العيد تقدم باسم الطيار المصرى بصفته وشخصه الى طفل يتيم "

وستتولى اختنا فى الله بدرية تقديم هذه الهدية بصفتها الشخصية...

و ان شاء الله...سيتم افطار صائم باسم كل من اشتركوا معنا فى هذه المسابقة من اول رمضان والى اليوم...

باشكركم ..

وكل عام وحضراتكم بخير...والى رمضان القادم لو كان فى العمر بقية...

وفى انتظار اجابة الاسئلة من بدرية لوجه الله كده....

انا شاكر جدا جدا يا مدام فلانة و كمان اقدم كل تحياتي لاختي بدرية(نجوفة سابقا) علي ما قمتم به من خلال تلك المسابقة...

شكرا لكل ما قمتم به من افطار للصائمين و ادخال السرور علي المسلمين...اللهم اجعله في ميزان حسناتكم...

و كل عام و انت بالف خير...

تحياتي...

الطيار المصري

[badroora]

كدا يا طيار انا قولت انك هتفكنى من الاسئلة

عموما انا هاكمل الباقي والف الف مبروك عليك

المهم لا تنسي ترسل لى اسمك بالكامل برسالة خاصة بليز

اجابة السؤال الثانى والثالث

قال أحد الأطباء في عام 1971 إن ماء زمزم غير صالح للشرب ، استناداً إلى أن

موقع الكعبة المشرفة منخفض عن سطح البحر ويوجد في منتصف مكة ، فلا بد أن مياه

الصرف الصحي تتجمع في بئر زمزم !!

ما أن وصل ذلك إلى علم الملك فيصل رحمه الله حتى أصدر أوامره بالتحقيق في هذا

الموضوع ، وتقرر إرسال عينات من ماء زمزم إلى معامل أوروبية لإثبات مدى صلاحيت

ه

للشرب ..

ويقول المهندس الكيميائي معين الدين أحمد، الذي كان يعمل لدى وزارة الزراعة

والموارد المائية السعودية في ذلك الحين ، أنه تم اختياره لجمع تلك العينات ..

وكانت تلك أول مرة تقع فيها عيناه على البئر التي تنبع منها تلك المياه وعندما

رآها لم يكن من السهل عليه أي يصدق أن بركة مياه صغيرة لا يتجاوز طولها 18 قدما

وعرضها 14 قدماً ، توفر ملايين الجالونات من المياه كل سنة للحجاج منذ حفرت من

عهد إبراهيم عليه السلام ..

وبدأ معين الدين عمله بقياس أبعاد البئر، ثم طلب من أن يريه عمق المياه، فبادر

الرجل بالاغتسال، ثم نزل إلى البركة، ليصل ارتفاع المياه إلى كتفيه، وأخذ يتنقل

من ناحية لأخرى في البركة، بحثاً عن أي مدخل تأتي منه المياه إلى البركة، غير

أنه لم يجد شيئاً .. وهنا خطرت لمعين الدين فكرة يمكن أن تساعد في معرفة مصدر

المياه ، وهي شفط المياه بسرعة باستخدام مضخة ضخمة كانت موجودة في الموقع لنقل

مياه زمزم إلى الخزانات ، بحيث ينخفض مستوى المياه بما يتيح له رؤية مصدرها غير

أنه لم يتمكن من ملاحظة شيء خلال فترة الشفط، فطلب من مساعده أن ينزل إلى الماء

مرة أخرى .. وهنا شعر الرجل بالرمال تتحرك تحت قدميه في جميع أنحاء البئر أثناء

شفط المياه ، فيما تنبع منها مياه جديدة لتحلها ، وكانت تلك المياه تنبع بنفس

معدل سحب المياه الذي تحدثه المضخة ، بحيث أن مستوى الماء في البئر لم يتأثر

إطلاقاً بالمضخة ..

وهنا قام معين الدين بأخذ العينات التي سيتم إرسالها إلى المعامل الأوروبية ،

وقبل مغادرته مكة استفسر من السلطات عن الآبار الأخرى المحيطة بالمدينة ،

فأخبروه بأن معظمها جافة ..

وجاءت نتائج التحاليل التي أجريت في المعامل الأوروبية ومعامل وزارة الزراعة

والموارد المائية السعودية متطابقة، فالفارق بين مياه زمزم وغيرها من مياه

مدينة مكة كان في نسبة أملاح الكالسيوم والمغنسيوم، ولعل هذا هو السبب في أن

مياه زمزم تنعش الحجاج المنهكين .. ولكن الأهم من ذلك هو أن مياه زمزم تحتوي

على مركبات الفلور التي تعمل على إبادة الجراثيم !!

وأفادت نتائج التحاليل التي أجريت في المعامل الأوروبية أن المياه صالحة للشرب

ويجدر بنا أن نشير أيضاً إلى أن بئر زمزم لم تجف أبداً من مئات السنين، وأنها

دائما ما كانت توفي بالكميات المطلوبة من المياه للحجاج ، وأن صلاحيتها للشرب

تعتبر أمراً معترفاً به على مستوى العالم نظراً لقيام الحجاج من مختلف أنحاء

العالم على مدى مئات السنين بشرب تلك المياه المنعشة والاستمتاع بها .. وهذه

المياه طبيعية تماماً ولا يتم معالجتها أو إضافة الكلور إليها .. كما أنه عادة

ما تنمو الفطريات والنباتات في الآبار، مما يسبب اختلاف طعم المياه ورائحتها

أما بئر زمزم فلا تنمو فيها أية فطريات أو نباتات ..

فسبحان الله رب العالمين

منقول من بريدي

السؤال الثامن

بصراحة مش عرفة مين اول متسابق بلي بس افتكر انا كنت حريفة بلي وانا صغيرة :blush2:

بجد اشكر المدام الجميلة اوى السباقة بالخير مدام فولانه على موضوعها الرائع الجميل اللى جمعنا مع بعض ورسم على شفانا البسمة واخدنا حسنات بردوا يعنى من الاخر والله ما قصرتى يعطيكيى العافية .وكل سنه وانتى طيبة والاسرة الكريمة طيبة وبخير .

واشكر كل الاخوة اللى اشتركوا معانا وقضينا وقت ممتع وظريف مع بعض .

واتوجة بشكر خاص لكلا من رمضان والطيار المصري لانهم تعبوا معانا وماقصروا الشباب .

رمضان ولو انه فلق اليوم من الاسئلة واتحجج بانه نايمان :ninja:

والشاب الطيار المصري النشيط الذكى بصراحة ما قصر معانا الجدع وعلى فكرة يا طيار انت دمك خفيف اوى وزي العسل ولماح wst:: عجبتنى اوى اجابتك على اخر سؤال :wub:

بجد استمتعت معكم بالموضوع الجميل

وهتوحشونا لحد السنه اللى جاية لو كان لينا عمر

كل سنه وانتم طيبين وربنا يتقبل منا ومنكم صالح الاعمال

وعيد سعيد باذن الله

اليوم ليلة القدر وعندى شغل لو فاضيين والنبي ادعولى معاكم

كانت معكم

نجفة مكاوى

من قدام باب المحاورات

تم تعديل 8 أكتوبر 2007 بواسطة Badria Mekkawy

[Folana]

السلام عليكم ورحمة الله ...

متأسفة ياجماعة والله امبارح كنت بأكتب وانا مستعجلة جدا..ولم أتمكن من شكركم كما يجب...

الف مبروك للطيار المصرى وربنا يتقبل ان شاء الله ويثقل ميزان حسناتك

وبأشكر اخونا الفاضل رمضان...وعايزة اقول أن من أجمل الحلقات كانت الحلقة اللى تفضل وطرح فيها الاسئلة وتكرم بالاجابة..فعلا كانت معلومات جديدة ومفيدة..

ومش عارفة ليه تكاسل عن الرد فى باقى الحلقات مع انه بدأ بداية مبشرة...لكن بأشكره جدا على تواجده ومجهوده ...

وبأشكر جميع الاخوة الاعضاء المشاركين معانا فى المسابقة كل باسمه وصفته ...وربنا يتقبل منكم

وكذلك اشكر جميع الاخوة الافاضل اللى شرفوا الموضوع بالزيارة والقراءة...

اما نجوفة...فأنا لا اجد كلمات شكر ومحبة توفيها قدرها...حقيقى انسانة تمتاز بقلب نقى وعندها مساحة من التسامح وحب الغير والخير كبيرة جدا...

يارب نتجمع فى رمضان عام بعد عام..وانتم بأتم صحة واسعد حالا..

كل سنة وحضراتكم جميعا بخير............

[رمضان]

العفو يا مدام فولانة واعتقد اننا اللي لازم نشكرك على الموضوع القيم ده ومجهودك معانا وبجد كانت فرصة قيمة لتبادل المعلومات