الإفراج قريبا عن أحد الطالبين المصريين المعتقلين في أمريكا - إفرحى يا قتة

[Lembic]

خبر لذيذ على جريدة الآهرام (موقع)

تامبا‏(‏ ولاية فلوريدا‏)‏ ـ أ‏.‏ب‏:‏

أعلن قاض فيدرالي أمريكي أمس أنه قد يتم الإفراج قريبا عن أحد الطالبين المصريين اللذين تم اعتقالهما أخيرا في الولايات المتحدة بتهمة حيازة متفجرات‏,‏ وذلك بكفالة‏200‏ ألف دولار‏,‏ ووفقا لشروط مشددة تشمل تسليم وثيقة سفره ومنعه من استخدام الإنترنت ومراقبته إلكترونيا طوال الساعات الأربع والعشرين‏.‏

(منقول من موقع جريدة الاهرام "الهمام" بتاريخ 44113 ‏السنة 132-العدد 2007 سبتمبر 16 ‏4 من رمضان 1428 هـ )

أنا رأي يرميلهم ال 200 ألف دولار على الجزمة ويطلع بكرامته - بجد لسه فى عدل ولسه الخيار بستة.

[se_ Elsyed]

الموضوع تم التعتيم عليه إعلامياً لسبب بسيط جداً وهو إنها حلقة من حلقات بعثرة كرامة المصريين في العالم كله ... ولكن الحق يُقال .. إن الموضوع أُثير من إسبوعين في بنرامجي تسعين دقيقة والعاشرة مساءً وتفضل السيد السفير الوزير الدكتور المحافظ سفير مصر في واشنطن وقال - بالحرف الواحد من غير كلام ناقص ولا زايد - :

- إنه عرف الموضوع من صفحات الجرايد هناك .. وإن على ما يبدو إن الشابين إتقبض عليهم أثناء السفر من أحد الولايات إلى أخرى .. وان كان معاهم متفجرات لكنها مش متفجرات هي ألعاب نارية - داخلين عالكريسماس بقى وبومب وبلالين وكل سنة وإنتو طيبين - وإن ولد منهم مصري معاه الجنسية وعايش في امريكا .. والتاني مُبتعث رسيماً للدراسة في أمريكا ... وإنهم ممسوكين بقى لهم عدة أيام وماما امريكا تعطفت وتكرمت وسمحت لوفد من السفارة مع محامي يزورهم يوم الأربعاء القادم .... وكان السؤال اللي أتساله جناب السفير في البرنامجين ... السفارة المصرية عملت إيه لغاية دلوقت من ساعة ما عرفت ؟

انا شخصياً .. أقسم بالله إتكسفت من نفسي ... كانت إجابة سعادة السفير : إحنا قمنا بالبحث والتقصي وقدرنا نوصل لأهاليهم عشان نبلغهم .... شكراً .. أقعدوا بالعافية وخالتي بتسلم عليكم .

سيادة السفير طبعاً عارف حجمه وعارف حجم بلده اللي مافيش جنس مخلوق مصري قدري يهوب من أمريكا ويحضر التحقيقات في سقوط طائرة مصر للطيران أمام سواحل نيو يورك ... يبقى هانقدر نقولهم إنتو قبضتوا على عيالنا ليه يا وحشين وكل اللي معاهم بمب وبلالين ؟

وأنا متوقع رد الفعل هايبقى كالأتي : كفالة 200 ألف زورار ؟!!!!!!!!!!! يعني مليون و200 ألف جنيه ؟!!!! لأ خلوا عندكو جوه احسن اهو هاياكل ويشرب ويزجطط ويوفر تكاليفه

[عبده بيه]

الفاضل سي السيد

موتني من الضحك الله يبارك لك

تحياتي

[amrhoras]

الموضوع تم التعتيم عليه إعلامياً لسبب بسيط جداً وهو إنها حلقة من حلقات بعثرة كرامة المصريين في العالم كله ... ولكن الحق يُقال .. إن الموضوع أُثير من إسبوعين في بنرامجي تسعين دقيقة والعاشرة مساءً وتفضل السيد السفير الوزير الدكتور المحافظ سفير مصر في واشنطن وقال - بالحرف الواحد من غير كلام ناقص ولا زايد - :

- إنه عرف الموضوع من صفحات الجرايد هناك .. وإن على ما يبدو إن الشابين إتقبض عليهم أثناء السفر من أحد الولايات إلى أخرى .. وان كان معاهم متفجرات لكنها مش متفجرات هي ألعاب نارية - داخلين عالكريسماس بقى وبومب وبلالين وكل سنة وإنتو طيبين - وإن ولد منهم مصري معاه الجنسية وعايش في امريكا .. والتاني مُبتعث رسيماً للدراسة في أمريكا ... وإنهم ممسوكين بقى لهم عدة أيام وماما امريكا تعطفت وتكرمت وسمحت لوفد من السفارة مع محامي يزورهم يوم الأربعاء القادم .... وكان السؤال اللي أتساله جناب السفير في البرنامجين ... السفارة المصرية عملت إيه لغاية دلوقت من ساعة ما عرفت ؟

انا شخصياً .. أقسم بالله إتكسفت من نفسي ... كانت إجابة سعادة السفير : إحنا قمنا بالبحث والتقصي وقدرنا نوصل لأهاليهم عشان نبلغهم .... شكراً .. أقعدوا بالعافية وخالتي بتسلم عليكم .

سيادة السفير طبعاً عارف حجمه وعارف حجم بلده اللي مافيش جنس مخلوق مصري قدري يهوب من أمريكا ويحضر التحقيقات في سقوط طائرة مصر للطيران أمام سواحل نيو يورك ... يبقى هانقدر نقولهم إنتو قبضتوا على عيالنا ليه يا وحشين وكل اللي معاهم بمب وبلالين ؟

وأنا متوقع رد الفعل هايبقى كالأتي : كفالة 200 ألف زورار ؟!!!!!!!!!!! يعني مليون و200 ألف جنيه ؟!!!! لأ خلوا عندكو جوه احسن اهو هاياكل ويشرب ويزجطط ويوفر تكاليفه

سي السيد انت بجد قمة من الفكاهه بتعقيباتك اللذيذه دى سيناريو فعلا لمسلسل من حلقات اهدار كرامة وقله قيمة المصريين كثرت جدا بس انت نسيتنى الموضوع كله وجذب انتباهى تعقيباتك اللذيذه بجد اول مره اقرأ موضوع دون عصبية او نرفزة بالعكس بضحك شكرا لك