مسحراتي المحاورات

[Ahmad Farahat]

لم أكتب شيئا منذ مدة طويلة

فجلست أفكر في لعبة شخصية العبها مع نفسي

لعبة تمارس بالشعر لا أكثر

هذه اللعبة باختصار أسميتها المسحراتي

سوف أكتب عدة قصائد أستلهم فيها روح الراحل فؤاد حداد مستوحاة من المسحراتي دون أن أنقل سوى البداية والنهاية

وكل حلقة سوف تكون على عضو من الأعضاء

وحتى هذه اللحظة لم أكتب سوى عن عضوين فقط ولكنني أتوقع ان يصل العدد إلى عشرة أعضاء على الأقل

ربما لا يصل العدد إلى هذا الحد أيضا كله على حسب مزاجي يعني

بس أنا نفسي ألعب مش أكتر

وأريد منكم عدة أشياء

1- محدش يحسبلي القصائد دي خالص دي حاجة برة الحساب دفعا لتهمة السرقة

2-كل ما ستقرأونه هو تخيل بحت لما كان يمكن أن يقوله فؤاد حداد عن أي منكم أي أنني وضعت نفسي مكان فؤاد حداد

3- ستكون تلك القصائد لعبة كما أقول وأنا اللاعب الوحيد لذلك فليسامحني كل من يتوقع لنفسه قصيدة فلا يجدها

4- إذا لم تعجبكم اللعبة يمكن إلغاءها لكن شهر رمضان يوحي بالكثير ولا سيما نحو أصدقائي هنا كالبنت المصرية ود.يحيي وباسم زكريا ونجفة الغرورة وهكذا

[Ahmad Farahat]

البنت المصرية

إصحى يا نايم

وحد الدايم

وقول نويت

بكرة ان حييت

الشهر صايم

والفجر قايم

إصحى يا نايم

وحد الرزاق

رمضان كريم

لفيت بلاد ملهاش عدد

ربيت رجال ولا ليش ولد

والأخرة سكة ملهاش بداية

أعرف لي فيها آخر الحكاية

تسمع كلام ملهوش مثيل

وتقول يا ويله المستحيل

أقرا كلامها أقول يا ربي

تداوي قلبك ولا تخبي

وكل كلمة فيها آلام

وكل حرف وفيه مرام

ولا نظرة حلوة ولا ابتسام

غير بس فكرة وبال طويل

وأقول أصارح بالهم مرة

أخاف أقاوح والعيشة مرة

واشوفلي سكة بعيدة عنها

ده كفاية إني منيش بخيل

الشعر ينطق من القلوب

والصمت يجرح زي الخطوب

ولا خفت مرة وقلت أجري

والجري نص الجدعنة

أنا خايف انطق تقول كلام

وتقلي اسمعني حرام

تصدع الخلق اللي فوق

وانت متعرفشي تقول

مع إني شاعر

مليان مشاعر

والخلق تشهد

ولوني شاعر

إن ف كلامها

كل المشاعر

ولا لون بيشحب

ولا لون يدوب

زي ما تقرا في الشعر عنتر

زي ما بدرك في الليل ينور

أنا قلت ادور على الجمال

أحب كلمة لو أي كلمة

كلمة خيالي يا أصيل

وان خفت تجرح

قوم يلا فرح

قلب الحزين اللي انشقى

المشي طاب لي والدق على طبلي

ناس كانوا قبلي قالوا في الأمثال

الرجل تدب مطرح ما تحب

وانا صنعتي مسحراتي في البلد جوال

حبيت ودبيت كما العاشق ليالي طوال

وكل شبر وحتة من بلدي

حتة من كبدي

حته من موال

في بلدنا مصرية والبنت مصرية

بتقول أنا باكتب بالحكمة مصرية

يا أرضنا فوقي دي الدنيا مقرية

منا ولا تخجل تتقال على إيدينا

إحنا اللي علمنا بالحرف داوينا

ولا تورد الدنيا إلا بأحلامها

والنور بيحمينا في الليل بيهدينا

إصحى يا نايم

وحد الدايم

السعي للصوم

خير من النوم

دي ليالي سمحة

نجومها سبحة

إصحى يا نايم

يا نايم اصحى

وحد الرزاق

تم تعديل 18 سبتمبر 2007 بواسطة Arsen loben

[badroora]

جميلة اوى اوى بس انت على متصحينا هنيكون الفجر اذن لاننا هنستمتع بسماع كلماتك الجميلة وننسي نفسنا

بس انا عن نفسي ولا يهمك بلاش سحور لجل عيونك

ممكن ابقي اجى معاك الم الرحمة والنور :blink:

تم تعديل 17 سبتمبر 2007 بواسطة نجفة المغرورة

[Ahmad Farahat]

جميلة اوى اوى بس انت على متصحينا هنيكون الفجر اذن لاننا هنستمتع بسماع كلماتك الجميلة وننسي نفسنا

بس انا عن نفسي ولا يهمك بلاش سحور لجل عيونك

:lol: ممكن ابقي اجى معاك الم الرحمة والنور wst::

والله يا نجفة أنا متشكر جدا على الحفاوة بتاعتك دي

يعني كفاية انك الوحيدة اللي رديتي

أنا عارف ان موضوع مسحراتي المحاورات ممكن يتبصله بصة مش كويسة على أساس ان فيها شبهة تقليد أو سرقةلعمنا فؤاد حداد بس أنا بالعب مش أكتر

طبعا اكيد ليكي عندي واحدة

بس كان نفسي أعرف رأي الناس فيها ايه

مش رأي شعري أنا مش هاحسبهم أو اضيفهم لرصيدي الشعري اطلاقا

بس الفكرة ظريفة دمها خفيف ولا لأ

عرفنا نوجد مسحراتي في المحاورات

وهكذا

عموما واضح ان الناس لسه مصدومة بس انا لما هاحط الجاية الناس ممكن تتبسط أكتر

بالمناسبة وده تصريح مني الحلقة القادمة هتبقى عن الدكتور يحيي الشاعر

وطبعا كله تخيل يا ترى فؤاد حداد لو عايش كان قال ايه

تم تعديل 18 سبتمبر 2007 بواسطة Arsen loben

[أبو محمد]

أنا عارف ان موضوع مسحراتي المحاورات ممكن يتبصله بصة مش كويسة على أساس ان فيها شبهة تقلي أو سرقةد لعمنا فؤاد حداد

جميل يا أرسين .. قول وما يهمكش حاجة .. :lol:

أحمد شوقى عمل "نهج البردة" .. البوصيرى كان عظيما وشوقى بويع أميرا للشعراء

[Ahmad Farahat]

أنا عارف ان موضوع مسحراتي المحاورات ممكن يتبصله بصة مش كويسة على أساس ان فيها شبهة تقلي أو سرقةد لعمنا فؤاد حداد

جميل يا أرسين .. قول وما يهمكش حاجة .. :lol:

أحمد شوقى عمل "نهج البردة" .. البوصيرى كان عظيما وشوقى بويع أميرا للشعراء

أستاذي الفاضل الحبيب أبو محمد

أشكرك على التشجيع

لكن هناك فارق جوهري بين ما فعله شوقي وماأقوم به أنا

فنهج البردة لابد وأن تضاف إلى رصيد شوقي

لكنني هنا لا أطلب من أحد أن يضيف هذه الأعمال إلى رصيدي

بل صدقني إنني أخشى خصما من رصيدي

لكنني كما قلت لك باتسلى مش أكتر

بس تسلية شعراء

بعدين دي حاجة ما بينا وبين بعض

متفرقش عن مداعبات عم س.س في القصص بتاعته مع الأعضاء الفارق إني باحاول أكتب بجدية بعض الشيء وأقترب من خيال فؤاد حداد

صحيح أنا مقلده في القالب بس أكيد الكلمات هتلاقيها مختلفة يعني عمنا فؤاد مكتبش حاجة من اللي هتتقال هنا ببساطة عشان ميعرفش أي حد من اللي أنا هاكتب عنه

والموضوع في إيدكوا يعني

لو تقولوا ذيع هاذيع

تم تعديل 18 سبتمبر 2007 بواسطة Arsen loben

[badroora]

تلاتة بالله العظيم لتذيع يا شيخ :D

ثم انت مالك كدا قلقان ليه وخايق حد ينتقدك مع ان الى الان مافي شيء

ارسبن بي استروتج وذيع واقبل النقد دا لو كان فية اساسا لانك موضح موقفك وزيادة وانت قابل انها لعبة وان الفكرة مستوحاه من الراحل فؤاد نحجم ولا فؤاد حداد

يلا اتكل على الله ودز اللى عندك

اين ارسين السوبر اللى لادم يهم ولا سجن يلم هيااااااااها

:D تحياتى نجفه السوبر

تم تعديل 21 سبتمبر 2007 بواسطة نجفة المغرورة

[bentmasria]

ارسين كل سنة وانت طيب

بقى سعادتك قررت تذيع واول ما تبتدى تبتدى بالبنت المصرية الغلبانة

ماشى

انتظرنى فى الرد القادم بس يكون بعد الفطار عشان اخد راحتى

وعلى فكرة

حلو اتوى كلامك بلا تعليق على الوزن (((()))) والمعنى فى بطن الشاعر اللى هو حضرتى المرة دى وطبعا مجاملة رقيقة وممتعة منك اتمنى ان استحقها والباقى بعد الفطار ياعمو ارسين

فين الكركريه

تسلم وبجد موضوع هايل

:) :D :D

[Ahmad Farahat]

ارسين كل سنة وانت طيب

بقى سعادتك قررت تذيع واول ما تبتدى تبتدى بالبنت المصرية الغلبانة

ماشى

انتظرنى فى الرد القادم بس يكون بعد الفطار عشان اخد راحتى

وعلى فكرة

حلو اتوى كلامك بلا تعليق على الوزن (((()))) والمعنى فى بطن الشاعر اللى هو حضرتى المرة دى وطبعا مجاملة رقيقة وممتعة منك اتمنى ان استحقها والباقى بعد الفطار ياعمو ارسين

فين الكركريه

تسلم وبجد موضوع هايل

:) :D :D

أنا كنت متوقع بهدلة على الوزن

بس هيه طلعت معايا كده

عموما أنا كنت متوقع تبهدليني

وربنا يستر بعد الفطار هتعملي فيه ايه

بالنسبة بقى لحكاية اني ابتديت بحضرتك

فأعتقد إن صعب جدا أبتدي حاجة ليها دعوة بالشعر وما ابتديش بيكي

وعموما ربنا يوفقنا ونلاقي سيد مكاوي يعملهالنا

تم تم تتم تم تم

سلامي لمادا

من عمو أرسين المسحراتي

[Ahmad Farahat]

يحي الشاعر

إصحى يا نايم

وحد الدايم

وقول نويت

بكرة ان حييت

الشهر صايم

والفجر قايم

اصحى يا نايم

وحد الرزاق

رمضان كريم

مسحراتي غويت ليلاتي

اللف والشوق الجديد

وقلت ألاقي ف عمري فرصة

واقضي ساعة ف بورسعيد

أشوف ترابها واشم ريحته

واغني فوقه يقلي تحته

إنت في حضرة مرزوقين

مش كل ميت يتقاله ميت

ولا كل حي يبات أمين

شهيد ف وادي وشهيد ينادي

والحي باقي يقول ده مين

يقول هناك ف النار معاك

كنت اللي شاهد على الهلاك

ولا خفت مرة ولا اختبيت

شفت الفدائي يقول دمائي

ملهاش تمن فدو التراب

والأرض تغلى والسد عالي

وانا الي هاحمي رزق الولاد

عايزينا فرده والخلق شاهده

وانا مش هخون الميتين

هنا كان صديقي وفك ضيقي

يوم ما قابلته ف البدرشين

وهناك قريبي وكان حبيبي

وكان معايا طول السنين

وانا كل ما أكبر أفضل شباب

دانا روحي حية ما تخاف عذاب

والعلم صابح والظلم جارح

وانا لازم احمي المظلومين

المشي طاب لي والدق على طبلي

ناس كانوا قبلي قالوا في الأمثال

الرجل تدب مطرح ما تحب

وانا صنعتي مسحراتي في البلد جوال

حبيت ودبيت كما العاشق ليالي طوال

وكل شبر وحتة من بلدي

حتة من كبدي

حته من موال

خدت الكتاب يا ابني بقوة

ولا قلت أنام في العتمة جوة

يحي بعزم الله ويحكي

ولا مرة يشكي أو مرة يبكي

والناس بتسمع عن دي العجايب

ده مكانشي مولد وصاحبه غايب

زي اللي دلوقتي مكين

إصحى يا نايم

وحد الدايم

السعي للصوم

خير من النوم

دي ليالي سمحة

نجومها سبحة

إصحى يا نايم

يا نايم اصحى

وحد الرزاق

[الطيار المصرى]

ايه الجمال ده؟؟؟

ايه الروعة دي؟؟؟و ايه الفكرة الرائعة دي؟؟

كلام الجميل و احساس في منتهي الرقة...و الله و فكرتنا بفؤاد حداد...اول واحد قرأت له ديوان و كان مصر المصرية بتغني علي ما افتكر...

انطلق في جولتك و امشي علي خطاه و متخافش....متخافش من النقد ده لو اساسا في حد انتقدك...الموضوع كله لعبة زي ما انت قلت...

و طلع كل اللي عندك...اصل في الاخر احنا المستفيدين من المتعة و الابداع ده يا حبيبي...(وش طارق لطفي في العميل 1001)

و في انتظار المزيد....( نصيحة مني اكتب كل القصايد مرة واحدة عشان تلحق تجري :egyflag: )

تحياتي...

الطيار المصري

[MZohairy]

والله ارسين ده شديد

[Ahmad Farahat]

ايه الجمال ده؟؟؟

ايه الروعة دي؟؟؟و ايه الفكرة الرائعة دي؟؟

كلام الجميل و احساس في منتهي الرقة...و الله و فكرتنا بفؤاد حداد...اول واحد قرأت له ديوان و كان مصر المصرية بتغني علي ما افتكر...

انطلق في جولتك و امشي علي خطاه و متخافش....متخافش من النقد ده لو اساسا في حد انتقدك...الموضوع كله لعبة زي ما انت قلت...

و طلع كل اللي عندك...اصل في الاخر احنا المستفيدين من المتعة و الابداع ده يا حبيبي...(وش طارق لطفي في العميل 1001)

و في انتظار المزيد....( نصيحة مني اكتب كل القصايد مرة واحدة عشان تلحق تجري :egyflag: )

تحياتي...

الطيار المصري

يا سيدي بجد خليت وشي يحمر من الكسوف

بس أنا هاحطهم واحدة واحدة لأني معملتش غير خمس شخصيات بس من بينهم الشخصيتين اللي قدامك

اللي قالقني يا طيار يا حبي

إن فيه واحدة عزيزة علينا كلنا قالتلي محضرالك رد بعد الفطار واهو مر فطار ورا فطار ورا فطار ومفيش حاجة جت

أنا مش مضايق إن الرد اتأخر

أنا خايف لتكون جرائمي رهيبة

أكبر مما يمكن أن تقال على الملأ أو أكبر مما يكفي لتقديمها في رد واحد

لأني عارف إني حطيت راسي في بق الأسد يعني لما تحط نفسك قدام عم فؤاد حداد زي ما تحط واحد على شريط القطر

بس مش أكتر

وعموما ربك يستر

المهم النهاردة هاحط التالتة وابقى اقراها جايز يكون المستوى اتقدم شوية

والله ارسين ده شديد

ربنا يخليك

بس فين أبياتك

تم تعديل 20 سبتمبر 2007 بواسطة Arsen loben

[Ahmad Farahat]

بدريـــــــــــــة مكــــــــــاوي

إصحى يا نايم

وحد الدايم

وقول نويت

بكرة ان حييت

الشهر صايم

والفجر قايم

إصحى يا نايم

وحد الرزاق

رمضان كريم

مسحراتي منقراتي

يحب يسمع كلام أصيل

أنا شفت خاين وشفت هاين

وشفت في الخلق الكتير

لفيت مداين قضيتها باين

في الناس مخافشي من الكبير

إلا نبينا وفوقه ربي

مخافشي والله يا أمير

زي الغلابة قلبي صغير

والدنيا غابة والكون يحير

لكن بدقة منه بانور

وشي الصبوح فوق الكسير

واملا الحياة من هم عمري

باملاها خيري يا كتر صبري

والغربة همي والدمع عمي

والحب أمي شهده كتير

والعلم قصدي تنجح مقاصدي

والشوق لأهلي ملوش مثيل

أنا زيك انت يا اللي انت غايب

لفيت تنادي على المغايب

ولا حد لامك ولا حد عايب

ولا حد بيشوفلك حبايب

لو تدرى بيه وارتاح شوية

مين ده اللي فاضي يا وزير

فاكرني باعمل دي الأمور

لجل مديحك والظهور

دانا نوارتكو لو فين بافيدكوا

بس انت تطلب راح تنول

دا العلم وهبة وكان وصية

ألفه لفة واديه هدية

واعدي بحر الناس واصول

وانا نوري هايم في المكان

من غيري عتمة ما يبان

ولو مكدبني تغـــــــــــور

المشي طاب لي والدق على طبلي

ناس كانوا قبلي قالوا في الأمثال

الرجل تدب مطرح ما تحب

وانا صنعتي مسحراتي في البلد جوال

حبيت ودبيت كما العاشق ليالي طوال

وكل شبر وحتة من بلدي

حتة من كبدي

حته من موال

يا ملايكة الرحمة مش تايهة في الزحمة

والدنيا لو تتملي بالهم ما تحمى

أنا قلبي زي الطير وافى جروح الغير

والعمر مش دايم إلا بكتر الخير

والناس بتتذكر في الدنيا معروفك

والرب لو تعلم في الضلمة بيشوفك

إصحى يا نايم

وحد الدايم

السعي للصوم

خير من النوم

دي ليالي سمحة

نجومها سبحة

إصحى يا نايم

يا نايم اصحى

وحد الرزاق

تم تعديل 3 أكتوبر 2007 بواسطة Ahmad Farahat

[الطيار المصرى]

كلام جميل و احساس رائع كالعادة.... كما انه بيوصف شخصية اجمل و اجمل...بس حسيت اني في كسر صغنن في الوزن و ممكن تداركه بس برده القصيدة رائعة...

لكن و الله يا ارسين انت بتتفوق علي نفسك في كل مرة...و دي بقي مش اي قصيدة...دي لنجوفة نوارة المنتدي...

ياللا يا ارسين استمر...انا وراك و بشجعك(لكن لو لخبطت في حد من المشرفين هتبص وراك مش هتلاقيني...ايوة يا عم الجري نص الجدعنة :egyflag: )

و احنا مستنيين المزيد(انا عارف انه مش خط انتاج في مصنع صلصة...لكن بدال ابتديت خلاص اشرب بقي)

تحياتي...

الطيار المصري

تم تعديل 21 سبتمبر 2007 بواسطة الطيار المصرى

[Ahmad Farahat]

كلام جميل و احساس رائع كالعادة.... كما انه بيوصف شخصية اجمل و اجمل...بس حسيت اني في كسر صغنن في الوزن و ممكن تداركه بس برده القصيدة رائعة...

أكيد هتلاقي كسر

لأني مش واخد الموضوع بجدية قوي

بس عشان تعرف قد المسألة لعبة

بس أنا شاكر جدا لرأيك

بس عشان متحسش بكسر متقرهاش

غنيها زي سيد مكاوي

بس والله ممكن تلاقي كسر برضه

على العموم حاول

ولا انت متعرفش غير عمرو دياب

[badroora]

اخى وصديقي العزيز أرسين لن اجد الكلمات المناسبة التى تعبر عن مدى سرور بكلماتك الرقيقة والجميلة

انت اسميتها لعبة ولكنى اختلف معك فى المسمي لانك وصفت جزء كبير من شخصيتي وكأنك تعرفنى وقابلتنى خارج عالم النت

ودا ان دل على شيء يدل على انك انسان ناضج جدا ذكى جدا شفاف جدا تستطيع ان تستشف من تحاوره دون حتى ان تعرفة او تقابلة وجها لوجه

اخى العزيز اجد نفسي عاجزة عن كتابة كلمات اوصفك بها لانك تستحقها حقا

انا طول حياتى لا استطع مصداقة من يصغرنى سنا هذه حقيقة ولكن معك انت اختلت المعاير بذكائك ولباقتك وحسن تصرفك احسستى وكانك تكبرنى باعوام

بجد بارك الله فيك وادمها عليك نعمة ويديم صداقتنا يا رب

واتمنى اجاملك يوم نجاحك ويوم فرحك ان شاء الله

معلش شوية كروت كدا على ماقسم :egyflag:

بعيداعن تقييمك كشاعر او تقييم كلماتك سواء مكسورة او موزونة فهذه اشياء انا لا افقهها ولا استطيع البت فيها

font]

انا امنحك الميدالية الذهبية كاخت لاخيها الذي فكر فيها ووصفها

باجمل الكلمات حتى كلمة تغور والله عجبتنيى اوى

b]

اختك الكبيرة وصديقتك

نجفة

تم تعديل 21 سبتمبر 2007 بواسطة نجفة المغرورة

[badroora]

كلام جميل و احساس رائع كالعادة.... كما انه بيوصف شخصية اجمل و اجمل...بس حسيت اني في كسر صغنن في الوزن و ممكن تداركه بس برده القصيدة رائعة...

لكن و الله يا ارسين انت بتتفوق علي نفسك في كل مرة...و دي بقي مش اي قصيدة...دي لنجوفة نوارة المنتدي...

شكرا يا طيار دا بس من زوئك ونيل اخلاقك

كل سنه وانت طيب ورمضان كريم :egyflag:

[الطيار المصرى]

على العموم حاول

ولا انت متعرفش غير عمرو دياب

انا مش هاعتبر دي اهانة.... :egyflag:

غير اني اساسا مابطيقش عمرو دياب... :blush2:

بس شكرا علي النصيحة...ياللا و احنا في انتظار المزيد

تحياتي...

الطيار المصري

[Ahmad Farahat]

اخى وصديقي العزيز أرسين لن اجد الكلمات المناسبة التى تعبر عن مدى سرور بكلماتك الرقيقة والجميلة

انت اسميتها لعبة ولكنى اختلف معك فى المسمي لانك وصفت جزء كبير من شخصيتي وكأنك تعرفنى وقابلتنى خارج عالم النت

ودا ان دل على شيء يدل على انك انسان ناضج جدا ذكى جدا شفاف جدا تستطيع ان تستشف من تحاوره دون حتى ان تعرفة او تقابلة وجها لوجه

اخى العزيز اجد نفسي عاجزة عن كتابة كلمات اوصفك بها لانك تستحقها حقا

انا طول حياتى لا استطع مصداقة من يصغرنى سنا هذه حقيقة ولكن معك انت اختلت المعاير بذكائك ولباقتك وحسن تصرفك احسستى وكانك تكبرنى باعوام

بجد بارك الله فيك وادمها عليك نعمة ويديم صداقتنا يا رب

واتمنى اجاملك يوم نجاحك ويوم فرحك ان شاء الله

معلش شوية كروت كدا على ماقسم :rolleyes:

بعيداعن تقييمك كشاعر او تقييم كلماتك سواء مكسورة او موزونة فهذه اشياء انا لا افقهها ولا استطيع البت فيها

font]

انا امنحك الميدالية الذهبية كاخت لاخيها الذي فكر فيها ووصفها

باجمل الكلمات حتى كلمة تغور والله عجبتنيى اوى

اختك الكبيرة وصديقتك

نجفة

منذ أن قرأت رسالتك وانا أبحث عن الكلمات المناسبة للرد على هذا الشعور الرائع والذي أتمنى أن أنستحقه

أشكر لكي كل هذا الإطراء وأتمنى لكي التوفيق في حياتك أختي الكبيرة والرائعة أيضا

أرسين

على العموم حاول

ولا انت متعرفش غير عمرو دياب

انا مش هاعتبر دي اهانة....

غير اني اساسا مابطيقش عمرو دياب... :ninja:

بس شكرا علي النصيحة...ياللا و احنا في انتظار المزيد

تحياتي...

الطيار المصري

والله أنا باتعاطى عمرو دياب أحيانا

بس أنا بحب القديم قوي

والمزيد أهو............

تحت