ندالة بن البلد وشهامة الغريب حاجة تكسف وتحبط !!!

[badroora]

بصراحة قلبي حزين اوى اوى ومكسور ومحبط ونفسي اصرخ اعيط ابكي افقد الذاكرة والله دا احساسي بجد مش مبالغة

اليوم اللى قبل رمضان كنت مرتاحة نفسيا اوى وسعيدة ومبسوطة وخططت لرمضان هاعمل ايه يوم يوم وكنت حاسة ان رمضان السنه دى غير كل سنه واستقبلته بفرحة وسرور كغير العادة

وهى الفرحة مادامتش كتير بالظبط اول يوم رمضان لحد الساعة حوالى 4 العصر ومن 4 العصر اول يوم رمضان للنهاردة وانا مهمومة وحزينه وانا باكتب الدموع خنقانى وعاوزة ابكي مش قادرة مش عرفة ليه دموعى عزيزة اوى المرة دة على الرغم انها قريبة جدا فى العادة

ارجع واقول الحمدلله

اول يوم رمضان عملت حادث سيارة ونجوت منه الحمدلله المهم اللى بعد كدا واللى كاسر خاطرى وحبطنى المهم على مافوقت وجاء المرور وقيم الحادث كانت الساعة بقت 5 مساءا وعلى مجائت عربية نقل وشالت العربية من الشارع والعرببية بقي مدغدغة ربنا يكفينا ويكفيكم الشر

المهم على ما اخدت التقرير من المرور ونقلت السيارة واتصلت بحد من اصحابي يجيلي وروحنا الى الكراج الخاص بتويوتا

استقبلنا الامن وقال اوقات العمل انتهت احنا فى رمضان وبنسكر الساعة 5 قولتلة طيب معلش ممكن تستلم السيارة بس وتخليها عندك ليوم السبت وانا ابقي اجى اخلص الاجراءات بعدين قالى مايصير المهم شاف حالة السيارة انها لا تستحمل الشيل والحط وخصوصا اجزائها مفككة

قالى طيب يا الشيخة انا باكلم مسئولنا وبنحاول نسعدج قولتله ميرسي ربنا يخليك

المفرب بياذن الساعة 6 الا ربع وانا كنت هناك الساعة 5 وتلت لاقيت المسئول مصري قولت الحمدلله واطمئنيت

وقولت خلاص انحلت

طبعا المسؤول جاى نايم وبيدعك فى عنية وقالى

اؤمرى قولتله الوضع كذا كذا

قالى فين تقرير المرور قولتله اهوا قالى دا بس طبعا بيكلمنى من طرطيف مناخيرة وبطريقة مستفزة جدا

قالى فين ملكية السيارة قولتله اتفضل فين كارت التامين قولتله اتفضل

وقالى فين السيارة قولتله قدامك اهى على عربية الرفع قالى ايه اللى حصل بالظبط حكيتلة

بعد كل الحوار دا والنقاش وهاتى وطلعى وتحقيق والمغرب خلاص اوشك وشكلى ولغتى وكل شيء في بيقول عن مصرية بنت مصري ومع ذلك بمنتهى الاستهزاء قالى وانا اعملك ايه دلوئتى انتى جيتيى متاخر قولتلة والله انا مكنتش عملة خطة انى اعمل حادث اهو اللى حصل قالى لا احنا قفلنا خلاص قولتلة طيب معلش حضرتك احنا رمضان وانتوا بكرة اجازة والعربية زى مانت شايف مش حمل شيل وحط قالى ماشي اركنيها فى الشارع هنا قولتله طيب هتبقي تحت مشسئولية مين قالى انتى طبعا قولتلة طيب ازاى انا وانا هاسيبها وهامشي والمنطقة دى مقطوعة وبكرة اجازة والعربية كل اجزائها برا من بطارية وخلافة

قالى مش مسئوليتيى قولتله طيب مسئولية مين قالى حضرتك عشان جيتيى متاخر قولتله تانى هاعيد اللى قولتله تانى

المهم طبعا المغرب كان خلاص وانا كنت منهارة وكان جوايا غل من ناحيته لانه حرق دمى وخزلنى

قولتلة طب لما حضرتك مش هتقدر تستلم السيارة قاعد تحقق معايا ليه وضيعتلى وقتى راح داخل وقافل الباب فى وشي وانا واقفة طبعا كنت هاطق وعاوزة اعمل اى حاجة المهم قولت والله لازم لاشكية يوم السبت واعملة مصيبة ولا يهمنى مصري مصري

المهم اخدت العربية وركنتاها قدام البيت ليوم السبت

روحت وقابلت المسئول هناك وبعدين فكرت اشتكية قولت لاء حرام احنا فى رمضان وبلاش ازية الناس وكمان انا مش عرفة اسمة وعيب لما اشكى واقول واحد مصري ودا من بلدي فبلاش

ابص الاقي المسئول يرحب بي ويعتزرلى انهم مقدروش يستلموا العربية يوم الخميس وحاول يرضيني باى شكل على الرغم انه بحرينيى

ابص الاقي المصري اللى مرديش يستلم العربية يوم الخميس جاى من بعيد يبصلي بشماتة وكبرياء

وقعد على الكرسي اللى مقايل لى وحاطط رجل على رجل وفرحان ومبتسم قال يعنى مش همة وفضل مصدر رجلة فى وشي والله العظيم كنت باغلى من جوايا وفكرت اشتكية واقوله هو دا اللى عمل معايا كدا بس قعدت اهدى فى نفسي قولت بردة ميصحش اشتكى واحد من بلدي ,,,

اللى حز فى نفسي اوى ان الغريب يكون عنده زوق واخلاق ويراعى انى بنت ويحاول يساعدنى وينصحنى بحقوقى وعلى المفروض اعملة واطالب شركة التامين باية وايه الخدمة المفروض يقدموهالى

وابن البلد يطلع ندل ومعندوش نخوة ولا شهامة

بجد محبطة جدا من النماذج السيئة اللى بنقابلها من ولاد بلدنا خارج الوطن

حاجة تحرق الدم وتكسف وتحبط وتخنق كمان

اين شهامة ولاد البلد

اين النخوة

ليه الندالة مع ولاد البلد على الرغم انى مش طلبة معروف ولا ديسكونت ولا حتى مساعدة غير قانونية

والله بجد مش عاوزة اقول احنا بنعمل ايه مع المصريين اللى بيجولنا المستشفي وبنساعدهم على قد مانقدر

بجد مش لاقية اى كلمة تعبر عن احساس الغضب اللى جوايا وكسرة النفس

والله الحادثة مزعلتنى ولا اثرت فى قد ما الموقف اللى تعرض له من بن بلدي ماثر في كدا

حسبي الله ونعم الوكيل

تم تعديل 17 سبتمبر 2007 بواسطة نجفة المغرورة

[aimen]

انسة نجفة - قبل اى حاجه ...حمد لله على سلامتك

اما حركات اخوانا البعدا ...فعاوز اقولك كل اناء ينضح بما فيه ...شوفى تعاملك معاهم ازاى ؟ ولا تتوقعى ابدا من اى شخص ان يعاملك بمثل ما تعامليه ...مش زمان قالوا اعمل الخير وارميه فى البحر ...عارف ان دا كلام حكايات بس اعمل ايه ؟ مش لاقى كلام اقوله ..المصيبة ان دا نسبة 80 % من واقعنا بس برضه عاوزين نقول النظيف و الأصيل حيفضل اصيل حتى لو سكن فى قصر ولا بقى مدير ولا حتى وزير ..الأصيل اصيل ...وحمد لله على سلامتك ..مرة تانية

( يا ترى الشخص ده أو الموقف يستاهل منك لحظة تضيعيها عليه ..يبقى هو كسبان قصدى انه حثالة لا تستحق ان تلقى بالا لها ابدا ...قولى حسبى الله ونعم الوكيل وخليكى زى ما انتى نجفة الغالية .)

تم تعديل 17 سبتمبر 2007 بواسطة aimen

[seeem]

الفاضلة نجفة - الف حمد لله على السلامة ويارب تكون بكل خير وعافية.

على عكس الاستاذ ايمن وعلى عكسك انتي كمان انا شايف انه لازم يكون فى حد للشخصيات اللى زي كده. صحيح ماحدش عايز يإذي حد لكن الإستفزاز وتضيع وقت الناس بدون داعي لازم ينتهي . والمصري لازم يحترم اخوه المصري ده حتى لما احنا نعمل لنفسنا اهتبار وكرامة بقية الخلق حاتفكر فى تقويم المصريين من اول وجديد. وبعدين اي موضوع نظرة الشماتة دي !!!! هو علشان ماعرف يقف جنب بنت بلده يشمت فيها!!!!!!!!!! الانسان ده وزيه نماذج كتير موجوده فى الغربة لازم يتوضعلهم حل و اذا كان حتى مش اصيل ولا ابن ناس لازم يبقى عنده دم ورجولة.

ولا ايه

[رمضان]

الاخت الفاضلة نجفة حمد الله على السلامة وما تشوفي شر ابدا يا بنتي

واضح جدا من تأثرك انك طيبة قوي واول مرة تتعاملي مع اندال بالشكل ده بصي انا كنت في الاول زيك كده دمي يتحرق والضغط يرتفع بس بعدين اكتسبت مناعة من الناس دي واتعودت وعرفت ان ده الطبيعي بتاعهم وبعد كده لما بحب اعمل اي شيء مش بروح لواحد من دول بروح لمسؤوله او بتوصية وبالامر وبال... ولا بلاش بعمل كل اللي انا عاوزه وبيكون ناقص يبوس ايدي كمان للاسف هيه دي طبيعة بعض الناس تعاملنا معاهم باحترام بيحسسهم اننا ضعفاء لكن لما نكلمهم ونعاملهم من فوق بيختلف الامر تماما .

بصي يا نجفة حاولي دايما تحطي كل واحد في مكانه الصحيح يعني لما تلاقي واحد زي ده مش تقولي له لو سمحت ومش عارف ايه لا اطلاقا كلميه بلهجة شديدة وبلغة الامر وهتلاقي الامور هتتغير تماما وهيعمل لك كل اللي انتي عاوزاه

تم تعديل 17 سبتمبر 2007 بواسطة رمضان

[Alex Lover]

متوعليش يا نجفة ... مش كل المصريين كده مع بعض في الغربة بس ده فعلا واحد واطي وسافل وانا لو كنت مكانك كنت والله مهمنيش مصري من غيره وكنت عملتله دوشة عند الشركة وشوشرة على الاقل افش غلي

هو على رايك في مجال العمل بتبقى عايزة تنصري ابن بلدك بس مش كلهم زي بعض

فكرتيني لما دخلت المستشفى اولد وانا عارفه ان كل الممرضات هنود ، المهم كانت دكتورة التخدير بتقنعني اخد الحقنة بتاعة الظهر اكيد عارفاها وانا رافضة خالص ولما لقوا مفيش فايدة قامو بعتولي ممرضة مصرية وانا بس عرفت انها مصرية وانا لوحدي في الغربة وفي المستشفي قعدت اعيط وهي حست بيا وضمتني في حضنها وقالتلي ربنا معاكي يا بنت بلدي وتقومي بالسلامة وقلتلي محدش يقدر يغصبك على حاجة ... اعملي اللي يريحك

موضوعك ده ينبه اي مصري في الغربة خلي قلبك على اخوك لانه بيتعشم فيك خير وبيتوقع وقوفك جنبه بلاش كده الله يخليكم بلاش احنا اللي فينا مكفينا

موضوعك واقعي ومؤثر وفعال

[Folana]

السلام عليكم ورحمة الله....

لا حول ولا قوة الا بالله ....الرجل اتشتم واتبهدل من غير ما يعرف...:blink: وأخد منكم حسنات ياما ....

اختى الغالية نجفة...هونى على نفسك وفوضى أمرك للعلى القدير اللى بقدرته وحده نجاكى من حادث لا يستطيع احد مهما بلغت قدرته ووساطته ان ينجيك ويحفظك مما قدر لك ....

الانسان لما بيمر بمواقف او ظروف او ابتلاءات قاسية...ويستشعر وجود الله وعظمته فى نجاته مما حدث له...تهون عليه اى مواقف اخرى ولا يبالى بما يفعله البشر ولا ينتظر مساعدة من احد سوى الله سبحانه وتعالى....

لا تتوقعى ابدا ان تجدى غايتك وتوقعاتك فى تصرفات البشر....كل واحد له تركيبة مختلفة عن الاخر....وكل يعمل على شاكلته....

التمسى له العذر وترفقى لحاله ..فهو عدو نفسه التى ضاقت عليه فجعلته لا يرى الا نواقصه.....ولا يهب لمساعدة الاخر برغم ان ذلك لن يكلفه شىء....أحزن على وهن اواصر الاخوة بين الناس ونظرات الاستغراب والتنكر والاستعلاء التى سادت بينهم.....

وأحزن على أخت لنا تحيا بمفردها فى الغربة وتتعرض لموقف صعب ولا تقابل الا بهز الاكتاف وكأن الامر لا يعنيه ...

انظرى للجانب المشرق وهو ان الله سبحانه وتعالى سخر لك من هو أقدر وأوفى على مساندتك ...ولا تجعلى تصرفات الاخرين تفسد عليك صيامك وقيامك....وعيشى فى رحاب الايام المباركة......

وربنا يهديه ويصلح شأنه ...........

نفسى تحذفى كلمة "تذل النفس " من العنوان...ربنا يعزك دايما ...مافيش ذل ولا حاجة......وحمدلله على سلامتك..

[se_ Elsyed]

يا ترى الخبر هنا هو :

1- رجل عض كلب

ولا

2- كلب عض رجل

يعني يا نجفه هل لو كان اللي عمل الموقف ده بحريني او أي جنسية تانية كنتي كتبتي الموضوع ؟

وبعدين الاخ المصري ده .. شغال مع الشرطة ومن صلاحياته إنه يستلم سيارات في اوقات خارج الدوام الرسمي ؟

ولا هو تبع شركة التأمين ولهم مكان داخل قسم الشرطة ؟

أصل أقسام الشرطة هنا لا تتعامل مع تلك الحالات خارج الدوام الرسمي وبيعطوا ورقه مؤقته فقط الواحد يصبر نفسه بها لحد ما يداوموا أول الأسبوع ... والمفروض إن اللي بيستلم السيارة شركة التأمين مش الشرطة ... لإنك لو مأمنة على السيارة فبتبقى في 3 علاقات تأمينية :

1- شركة التأمين

2- المؤمن او حامل الوثيقة ( إنتي يعني )

3- الطرف الثالث : وده أي طرف الواحد بيصدمه أو يدخل معاه في حادث سواء فرد أو هيئة إنسان أو جماد .

وبالتالي لما بأعمل حادثة لازم ألجأ للشرطة اولاً عشان أخد تقرير منهم ومالهمش دعوة إنهم يتحفظوا على السيارة ....

حتى لو ركنتي السيارة في صحراء جرداء لا زرع بها ولا ماء وأتسرقت أو أتسرق من داخلها حاجات .. فهي مازلت تحت الغطاء التأميني .

أنا مقدر موقفك وحرقة دمك .. لكن مش معاكي إن لو إنسان ظلمني يبقى أنا اللي أتعاطف معاه عشان إبن بلدي ... عيبنا كشعوب عربية إننا نخلط العاطفة بالعقل وبالتالي العملية بتبقى سلطة ..

لو إنتي لكي حق عند هذا الشخص يبقى لازم تتطالبي به سواء إبن بلدك أو غيره ..

وأيضاً موضوع التعميم مرفوض تماماً يا جماعة ومش عايزين نفكر ونذكر إن لا كل المصريين كده ولا أي جنسية تانية نقدر ننعتها بصفات ونعممها على كل من ينتسب لتلك الجنسية ...

[justtrying]

يا ترى الخبر هنا هو :

1- رجل عض كلب

ولا

2- كلب عض رجل

يعني يا نجفه هل لو كان اللي عمل الموقف ده بحريني او أي جنسية تانية كنتي كتبتي الموضوع ؟

وبعدين الاخ المصري ده .. شغال مع الشرطة ومن صلاحياته إنه يستلم سيارات في اوقات خارج الدوام الرسمي ؟

ولا هو تبع شركة التأمين ولهم مكان داخل قسم الشرطة ؟

أصل أقسام الشرطة هنا لا تتعامل مع تلك الحالات خارج الدوام الرسمي وبيعطوا ورقه مؤقته فقط الواحد يصبر نفسه بها لحد ما يداوموا أول الأسبوع ... والمفروض إن اللي بيستلم السيارة شركة التأمين مش الشرطة ... لإنك لو مأمنة على السيارة فبتبقى في 3 علاقات تأمينية :

1- شركة التأمين

2- المؤمن او حامل الوثيقة ( إنتي يعني )

3- الطرف الثالث : وده أي طرف الواحد بيصدمه أو يدخل معاه في حادث سواء فرد أو هيئة إنسان أو جماد .

وبالتالي لما بأعمل حادثة لازم ألجأ للشرطة اولاً عشان أخد تقرير منهم ومالهمش دعوة إنهم يتحفظوا على السيارة ....

حتى لو ركنتي السيارة في صحراء جرداء لا زرع بها ولا ماء وأتسرقت أو أتسرق من داخلها حاجات .. فهي مازلت تحت الغطاء التأميني .

أنا مقدر موقفك وحرقة دمك .. لكن مش معاكي إن لو إنسان ظلمني يبقى أنا اللي أتعاطف معاه عشان إبن بلدي ... عيبنا كشعوب عربية إننا نخلط العاطفة بالعقل وبالتالي العملية بتبقى سلطة ..

لو إنتي لكي حق عند هذا الشخص يبقى لازم تتطالبي به سواء إبن بلدك أو غيره ..

وأيضاً موضوع التعميم مرفوض تماماً يا جماعة ومش عايزين نفكر ونذكر إن لا كل المصريين كده ولا أي جنسية تانية نقدر ننعتها بصفات ونعممها على كل من ينتسب لتلك الجنسية ...

كلام جميل كلام عقلاني كلام متزن

وأضيف أنه ليس من الحكمة والتريث مهاجمة شخص ـ ليس حاضراً ـ لمجرد تظلم الآخر منه

تم تعديل 17 سبتمبر 2007 بواسطة justtrying

[Egyptian Abroad]

هناك ظاهرة غريبة اعتقد اننا كمصريين في الغربة اكيد لاحظناها وهي بين "معظم المصريين" إلا من رحم ربي:-

ليـــه المصريين بيعاملوا بعض وحش في الغربة مع انهم بيعاملوا الجنسيات الاخري احسن معاملة!؟؟

[badroora]

يا ترى الخبر هنا هو :

1- رجل عض كلب

ولا

2- كلب عض رجل

يعني يا نجفه هل لو كان اللي عمل الموقف ده بحريني او أي جنسية تانية كنتي كتبتي الموضوع ؟

وبعدين الاخ المصري ده .. شغال مع الشرطة ومن صلاحياته إنه يستلم سيارات في اوقات خارج الدوام الرسمي ؟

ولا هو تبع شركة التأمين ولهم مكان داخل قسم الشرطة ؟

أصل أقسام الشرطة هنا لا تتعامل مع تلك الحالات خارج الدوام الرسمي وبيعطوا ورقه مؤقته فقط الواحد يصبر نفسه بها لحد ما يداوموا أول الأسبوع ... والمفروض إن اللي بيستلم السيارة شركة التأمين مش الشرطة ... لإنك لو مأمنة على السيارة فبتبقى في 3 علاقات تأمينية :

1- شركة التأمين

2- المؤمن او حامل الوثيقة ( إنتي يعني )

3- الطرف الثالث : وده أي طرف الواحد بيصدمه أو يدخل معاه في حادث سواء فرد أو هيئة إنسان أو جماد .

وبالتالي لما بأعمل حادثة لازم ألجأ للشرطة اولاً عشان أخد تقرير منهم ومالهمش دعوة إنهم يتحفظوا على السيارة ....

حتى لو ركنتي السيارة في صحراء جرداء لا زرع بها ولا ماء وأتسرقت أو أتسرق من داخلها حاجات .. فهي مازلت تحت الغطاء التأميني .

أنا مقدر موقفك وحرقة دمك .. لكن مش معاكي إن لو إنسان ظلمني يبقى أنا اللي أتعاطف معاه عشان إبن بلدي ... عيبنا كشعوب عربية إننا نخلط العاطفة بالعقل وبالتالي العملية بتبقى سلطة ..

لو إنتي لكي حق عند هذا الشخص يبقى لازم تتطالبي به سواء إبن بلدك أو غيره ..

وأيضاً موضوع التعميم مرفوض تماماً يا جماعة ومش عايزين نفكر ونذكر إن لا كل المصريين كده ولا أي جنسية تانية نقدر ننعتها بصفات ونعممها على كل من ينتسب لتلك الجنسية ...

سلام عليكم س س كل سنه وانت طيب

بص يا س س لما احد بيعمل حادث الاول بيتصل بالمرور يجي ويقيم الحادث ويشوف من الغلطان وبعدين بيدي الطريفين تقرير عشان يروح يكمل باقى الاجراءان مع شركة التامين وبما انى طبعا انا اللى دخلت فى تريلا محملة بالسيارات انا عربيتيى اتفشفشت والتريلا ولا تاثرت (ماشاء الله طبعا )

المهم

لو العربية حالتها تسمح وتقدر تمسي بيها يبقي بتوديها شركة التامين بيصوروا العربية ويفتحوا ملف وبعدين تاخد العربية ورسالة من شركة التامين للوكالة لتقيم المبلغ اللى هتتصلح به العربية ودا عشان لو العربية هتتكلف فوق تمنها بيكنسلوها والمدة لتوفيل سيارة بدلية لحين تصليح سيارتى

دا فى العربية اللى حادسها خفيف وتقدر تمشي

اما فى حالتى عربيتيى ربنك يكفيك الشر مش بتمشي مش كعيب فى الانجين لا كل الاجزاء الامامية والجنب مدغدغ ففى الحالة دى بتتصل وانت جنب السيارة فى الشارع بالمساعدة عالطريق بيرسل رافعة بتششيل السيارة من الشارع

وهما بيقولولك اى اقرب مكان فيه كراج خاص بالوكالة لتصليحة

وبعدين بتروح الوكالة بيستلموا السيارة وبيخلوها عندهم لحد ما اروح شركة التامين اجيب منهم الرسالة اللى ذكرتها فى الاول

دا بس للتوضيح مش اكتر

نرجع بقي لكلام حضرتك

لو اللى عمل كدا بحرينيى كنت هاشتكية بس مكنتش هافتح موضوع هنا لانى مافيش عشم بينيى وبينه

مع ان للاسف البحرينيى مهيعملها ودا للاسف كمان هنا معاملة الستات معاملة خاصة

وباحترام زيادة عن اللزوم ودا شيء مفروغ منه

اللى زعلنى وحز فى نفسي انى اتعشمت فيه ودا لعدة اسباب

1- اننا فى رمضان وعلى وشك االمغرب

2- انى بنت وفى غربة

3- والاهم عربيتى اللى منشالة على عربية الرفع وحالتها لا تسر عدو ولا حبيب

4- انه ممكن يكون عندة نخوة ومش هيرضي يرجعنى بالعربية وخصوصا الكراج فى مكان مقطوع وكل صناعية مش مطنقة سكانية

5- انهم صابحين على اجازة ومش هتكلفة شيء لو خلاها عندة

6- واخر شيء انه مصري

وانا اقصد بمصرى مش انه يعمل حاجة غير قانونية لارضائي لااااااااااااااااء

لانى انا اكتر واحدة بتعامل مع ابولسي واعرف ان فى حالات استثنائية ودا مش لكونى مصرية لاء دا تقديرا للموقف يعنى لو عربيتيى كنت اقدر اسوقها مكنتش اهتميت لكن انه يخلينيى رايحة جاية بيها على سيارة نقل

دا كلة ليه يعنى ماهو هيركتها داخل الجراج عندهم وانا كدا كدا هاجي يوم مايفتحوا واكمل الاجراءات

وبعدين يا س س انا معممتش انا كتبت النماذج السيئة اللى بنقابلها

لانى مصرية ومش كدا واصحابي مصريين ومعظمهم مش ندل وانتم هنا كاخوة افاضل مش اندال

فلذلك كتبت وكانت واضحة اوى نماذج ومجمعتش وقولت المصريين

هاطتالب بحق عرب ولا هاطالب باية هاقول ابن بلدي طلع ندل ومعرفش يقدر الموقف ولا هموهوش انى بنت بلاش مصرية

انا مشكلتى انى لا استطيع انى اكون السبب فى اذية حد على الرغم انه ازانى نفسيا ويمكن يكون بيدخل النت هنا وانا معرفش ويقرى الكلام دا وياخد باله ولا اى تانى يكون معندوش نخوة يعرف ان الناس ممكن تكون عشمانة فى شيء بدون ما تطلبة

عموا يلا الحمدلله وحسبي الله ونعم والوكيل

تم تعديل 17 سبتمبر 2007 بواسطة نجفة المغرورة

[قديم]

عموما مع تقديري لموقف الاخت نجفه . ان كان لي عتب على الموظف رقم 1 فهو عتاب انساني . اكبر منه اخوي او وطني . فالموقف اللي مرت به الاخت تجفه موقف محرج . لك ان تتصور المعانات . واضافه الي ذلك تكلفه نقل واعاده العربيه وتاحير سياره الشحن .. مره اخــري ..؟؟

انا الوم هذا الشخص . على عدم مساعدته للاخت ليس لانها اتثي وبغض النظر عن كونها من نفس الجنسيه ...

ما المانع من مساعدتها .. ؟؟؟؟

خصوصا وانه لو قبل العربيه في الكراج الي يوم السبت لن يترتب عليه اي اعباء اخري . شانها في ذلك شأن العربيات الاخر المركونه جنب .. فالكراج كله تحت الحراســه ..

.. هل هناك ما يمنع في نظام الشركه .. من قبول تلك العربيـــــه في هذا الظرف ,.. ..؟

نقطه اخري وهي هل يملك ذلك الموظف هذه الصلاحيــــه . حتي تعتب علــيه ونلومه . ؟

اخيرا الحمد لله على سلامتك وتعيشي وتشتري عربيــه جديده ان شاء الله

تم تعديل 17 سبتمبر 2007 بواسطة قديم

[badroora]

العزيز ايمن الله يسلمك من كل شر يا رب للاسف اخى الفاضل انسان بيتعلم مش ببلاش بس لاسف لو الحال هيبقي كدا يبقي الله يعوض علينا

الاخت العزيزة اليكس الله يسلمك وانا اعرف اننا مش كلنا كدا بدليل انا وانتى وكل الاخوة اللى هنا

العزيز سييم الله يسلمك يا رب والله اخى العزيز انا مشيت وكنت ناوية اشكية لانى كنت محروقة اوى منه ولكن على يوم السبت قولت حرام والله يساهلة بقي لكن ابص الاقية جاى وبيستفزنى تانى ومصدر رجلة فى وشي وبعدين هديت نفسي وقولت كله عند الله وخوفت لو اتاذي يدعى على ولا حاجة وانا اخترت اكتب هنا لتكون رسالة لكل مصري ندل ليعى ان مش معنى ان الانسان لن يؤزية يبقي غير قادر على ايزائه ويعرف انا فكرت مش اازية كابن بلدي وهو تصرف بعدم نخوة وندالة

مدام فلانه الله يسلمك يا رب

اختى انا لا اقصد ان اسب او اشتم فى احد انا كنت مخنوقة وصعبان على اوى منه وحبيت افضفض واعبر عن اللى جوايا وكاسرنى بجد

استاذ رمضان

الله يسلمك يا رب والشر مايجينا ولا يجيك امين يا رب

التعالى على الناس وصيغة الامر مش هى السيبل للحصول على الحقوق يا اخ رمضان لانى اللى بيجي يتعالى على باكرفة ثم التعالى اعتقد انه حرام واعرف ان ممكن لما تطلب رجاء من اللى قدامك غير وانك تطلب منه شيء بصيغة امر شيء تانى

وللاسف مش هاقدر اتعالى على حد بس ممكن ابقي اعمل حصانه او خلاص اخدت حصانه واتعلمت انى عشم مات من زمان

الاخ العزيز justtrying

انا لا اهاجم احد

وانا لا اذكر شخص باسمة وشحمة ولحمة انا حكيت الموقف اللى اثر فى نفسي مش لانه الاول من نوعة لاء لانه بيتكرر كتير مع ولاد البلد بالذات

ولا اقصد لا مهاجمة ولا ظلم

تم تعديل 17 سبتمبر 2007 بواسطة نجفة المغرورة

[badroora]

هناك ظاهرة غريبة اعتقد اننا كمصريين في الغربة اكيد لاحظناها وهي بين "معظم المصريين" إلا من رحم ربي:-

ليـــه المصريين بيعاملوا بعض وحش في الغربة مع انهم بيعاملوا الجنسيات الاخري احسن معاملة!؟؟

بغض النظر عن موقفى وعشان لا اتهم بالتحيز والتعميم مرة اخرى

لانه بيعمل حسان للجنسية الاخرى بحساب اخر

لو من جنسية البلد اللى بيعمل بها يبقي فيها قطع عيش

لو اجنبي يبقي ممكن يشتكية ويتأذى

اما لو مصري هيبقي انسان شهم وامين فى عملة لانه مذكاش ابن بلدة على احد وعنده الناس سواسية

ويطلع هو المثالى وطبعا طالما هيكون انسان ندل مش هيهمة زعل بن بلدة وبالعكس هيقنع نفسة وهيوقل هو يعنى عشان مصري يبقي لازم اكسر الرولز عشانه

للاسف معظمنا بيفكر بالطريقة السيئة دي

ولنا الله بجد

[badroora]

..

.. هل هناك ما يمنع في نظام الشركه .. من قبول تلك العربيـــــه في هذا الظرف ,.. ..؟

نقطه اخري وهي هل يملك ذلك الموظف هذه الصلاحيــــه . حتي تعتب علــيه ونلومه . ؟

اخيرا الحمد لله على سلامتك وتعيشي وتشتري عربيــه جديده ان شاء الله

الاخ العزيز قديم الله يسلمك يا رب

السؤال الاول

انا اعى تماما ان كل مكان له قواعد ولابد من تنفيذها policy

وانا اعى تماما ذلك لان دى طبيعة عملى ومتفهماها جدا بس لكل قاعدة استثناء يعنى مثلا البولوسي عندى فى المكان بيتحتم على المريض عمل كذا وكذا ولكن يوجد حالات استثنائية هنا بقي بتكسر القاعدة لهذا الظرف وبيكون الكسر دامقبول جدا واعتقد شركة كبيرة زى شركة كانوا ليها سمعتها مش هتضع قواعد بدون استثناءات كمان لان اكيد فى حوادث اخس من حادثي بمراحل ومش اعتقد انهم ممكن يخسروا او يزعلوا زبائنهم لعدم مرونة البولوسي بتاعتهم طبعا دا راى الله اعلم

السؤال التانى اعتقد انه يقدر لانى كلمت شخص فى الاول وقالى هاجيب لحضرتك المسئول يعنى طالما هو المسئول يبقي ليه صلاحيات ولو معندوش الصلاحيات دى وقالى معلش مش هاقدر استلمها منك لانها خارج نطاق سلطتى كنت هاحترمة ومش هالومة لانى مش هاطلب مساعدتى على حسابة او حساب وظيفتة ولكن الطريقة اللى تصرف بيها بتيبن انه واصل وكون يقعد قدام مدير حاطط رجل على رجل يبقي اكيد اوفيسر زية وكون بيتشمت فى ومش همة حتى انى اشتكية يبقي اكيد مسئول والله اعلم ايضا

عموما شكا لك اخى العزيز وبارك الله فيك

تم تعديل 17 سبتمبر 2007 بواسطة نجفة المغرورة

[amrhoras]

أختى الغالية نجفة الف مليون حمد الله على سلامتك او سلامتج دى اولا

رمضان كريم وصوما مقبولا وافطارا وتقبل الله منكم انشا الله دى ثانيا

ثالثا ودى بقى اللى مش عارف اقولك ايه بس ادى حال بعض المصاروه بس مش الاغلبية طبعا وفى امثلة أكتر من كدى تحزن والله بجد دى بقى اللهم ماحفظنا دليل على النقص الزايد عند الكتير منهم وطبعا بيعملو اللى بيتعمل فيهم من كفلائهم طبعا تلاقيه يحط رجل على رجل فى وش مكفوله يقوم هو يحطها فى وش الناس . تلاقى معذبه بيكلمه بكل تكبر يقوم هو يتكبر على خلق الله. والاكتر من كدى انهم بيبان عليهم كل شيء حتى لما تبصى لوجه مش ترتاحيله تعرفي انه من النوع الخايس او الرديء اللى لا يعرفله اهل او انتماء لبلد

رابعا طبعا انتى ولا يهمك وفداكى مليون سياره .

خامسا بالنسبة للناس فى خير كتير والله وخاصة من المصريين برده واقولك الحكاية والروايه بتعتى اللى حصلتلى اول يوم رمضان برده بعد الفطار.

انا اولا مو معى رخصه وطبعا عمرى ماشيلت اقامة فى جيبي . فنزلت بسيارة واحد صحبي طبعا استأذنته عشان انا عايش بره العمار فبنزل بين كل حين ومين فنزلت اتسوق وطبعا اخدت سيارته ونزلت وانا فى اخر الجوله تعبان من اللف بقى وعاوز ارجع طبعا والحمد لله طلعلى واحد سودانى راكب باص وهب راح كاسر عليا ملحتش اعمل اى حاجة الا اشيل جنب السيارة بتعته ونزل السودانى وايش اعمل وايش اسوى نتصل بالشرطة ..!

الله يخربيتك شرطة ايه ياعم اسكت ربنا يهديك يابني انت غلطت وانا متنازل ياسيدى عن الغلط.

راح الزول السوادانى انا ايشنو غلطت انت يابن النيل غلطت ونحضر الشرطة والغلطان يتحمل غلطه

قولتله يازول مش مستهله ومتهيألى شايف سيارتى اكتر منك بس رمضان كريم.

هو الغلط كان علينا احنا الاتنين لانى كنت ماشي بسرعة جنونيه والاخ مبصش وراه وشاف مين القادم خلفه

راح متصل على مديره وطبعا الدنيا اتأخرت اوى .

يادوبك اتصل ع المدير ولقيت 6 باصات و أربع سيارات تويوتا جايه ومليانه وفريق التسويق ايه القصة ايه الروايه رحت متصل بصديقى تعالى وهات الرجاله

لقيته جيلى فى تاكسي اتكسفت جدا بصراحة ههههه المهم اغلب اللى كانو موجودين زول سوادينين راحو حاكمين انى اصلى السيارة خبطه 500 ريال والاستيكر لوحده 3000 ريال

قولتله نعم لا بلغو الشرطة

وصاحبي قال انه اللى كان سايق كمان بما انه معاه رخصة

جه المدير والحمد لله راجل محترم جدا فجه حكاله الحكاية وجالى وحكيتله اللى حصل وقولتله انى مش عاوز شرطة ولا كلام فاضي

قالى والله انا كنت عاوز ابلغ الشرطة عشان هو ياخد جزاءه دى مش غلطه يقع فيها واحد بيتعلم حتى

رحت انا سايق فيها وقولتله بس انا مش حدفع حاجة لانه كان عايز ياخد فلوس منى ومش عاوز مشاكل

لقيته بص للراجل باحتكار وقاله 3000 حق استيكر .....!

راح الراجل تكرم وراح متصل على عربية النقل الحوادث وجه شال السيارة ومشي واعطانى كارته وبوجه بشوش وكل حاجة

واتصل عليا بدال المره كذا مره جه زارنى بعدها بيومين من باب الاطمئنان

فبقولك برده الجدع بيبان من وجه والندل ريحته بتفوح من وجهه برده

عامة ولا يهمك وحمد الله على سلامتك والولد ده حسابه معايا بعدين بس لما اشوف املصلك ودانه وانسان بالفظاظة دى مستهلش انك تتذكريه او تزعلى نفيك كدى معلش اطلت علكيم

ومضطر اقفل لانى بتحرق دمى وممكن افقد صيامى يله سلام عليكم .

شكرا

تم تعديل 17 سبتمبر 2007 بواسطة amrhoras

[badroora]

اخى العزيز عمرو الله يسلمك من كل شر يا رب

الله يخليك اخى لا تسوق بدون رخصة دا خطر جدا وفيها سجن وانت فى غنى عن كل دا

لو مش عندك سيارة ممكن تاخد الرخصة وتخليها معاك عشان لو فى اى وقت سوقت اى سيارة مايقع عليك اى مخالفة بليز اخى لا تسوق بدون رخصة

وانا سعيدة جدا بالموقف اللى ذكرته دا وشهامة المصري اللى ساعدك فعلا هو دا المصري الحقيقي اللى النيل رواه والخير جواه

ربنا ينجحلك المقاصد ويكتبلك فى كل خطوة سلامة :lol: دعوة امى دى على فكرة

والله يخليك لا تسوق بدون رخصة

ربنا يحفظك يا رب

وكل سنه وانت طيب wst::

[sherifwagdy]

الف حمد على السلامه يا نجفه والحمد لله انها جت على قد كده انا اتأثرت جدا جدا بالى حصل وانا كمان شفت نماذج زى ديه من المصريين المخزيه والى بضر بكل سمعه المصريين بس انا عايز اقولك على حاجه النماذج السيئه ديه من المصريين موجودين فى كل مكان هيه بصراحه بتتوقف على الاصل والاخلاق والتربية والنشاءه وحاجات كده كتير مركبه بس انا عايز الف نظرك على حاجه اى واحد منا لما بيكون بره مصر بيكون فولت الحساسيه بالنسبه ليه بيقى عالى جدا جدا وبيتأثر بأى حاجه تجاه اولاد بلده او غيرهم يعنى لو موقف زى ده لو حصل فى مصر كنتى اكيد تستقبلى الموضوع عادى خالص كانه حدث يومى افتراضى فى ناس ذوق وناس وحشه مع العلم ان الانسان الى هيبقى فى مصر ويعمل الموقف ده هو نفسه هو الانسان البره الى هيعمل نفس الموقف فى ابناء بلده فأنا عايزك تستقبلى الموضوع بروح رياضيه وقولى بس حسبى الله ونعم الوكيل بس صدقينى الانسان الى زى ده بيقى ولا ليه اصحاب ولا احباب بس والف حمد لله على سلامتك يا نجفه

[الحازم حسن]

ألف ألف ألف حمد الله على سلامتك يا نجفة

ومعلش متاخديش في بالك

[nash]

حمدلله علي السلامه يا نجفه

وإن شاء الله هذه تكون أخر المواقف السيئه...

بس تأكدي يا عمري..زي مافيه مصريين الغربه جعلت قلوبهم أقسي من الحجر ..زي مافيه مصريين أرق من النسمه..

وأنا واثقه أنك مأيده رايي...

بس أكيد أكيد انتي أنفعلتي بسبب الموقف ولإنك في غربه ولوحدك..طب بعد الشر عليكي..خلي الموقف ده كان حصل في مصر...والله العظيم لكنتي تلاقي ألف واحد بيعرض خدماته بكل شهامه أولاد البلد...وبدون مقابل...

ياستي إن شاء الله في ميزان حسناتك...ومرة ثانيه ألف حمدلله علي السلامه :lol:

[badroora]

الف حمد على السلامه يا نجفه والحمد لله انها جت على قد كده انا اتأثرت جدا جدا بالى حصل وانا كمان شفت نماذج زى ديه من المصريين المخزيه والى بضر بكل سمعه المصريين بس انا عايز اقولك على حاجه النماذج السيئه ديه من المصريين موجودين فى كل مكان هيه بصراحه بتتوقف على الاصل والاخلاق والتربية والنشاءه وحاجات كده كتير مركبه بس انا عايز الف نظرك على حاجه اى واحد منا لما بيكون بره مصر بيكون فولت الحساسيه بالنسبه ليه بيقى عالى جدا جدا وبيتأثر بأى حاجه تجاه اولاد بلده او غيرهم يعنى لو موقف زى ده لو حصل فى مصر كنتى اكيد تستقبلى الموضوع عادى خالص كانه حدث يومى افتراضى فى ناس ذوق وناس وحشه مع العلم ان الانسان الى هيبقى فى مصر ويعمل الموقف ده هو نفسه هو الانسان البره الى هيعمل نفس الموقف فى ابناء بلده فأنا عايزك تستقبلى الموضوع بروح رياضيه وقولى بس حسبى الله ونعم الوكيل بس صدقينى الانسان الى زى ده بيقى ولا ليه اصحاب ولا احباب بس والف حمد لله على سلامتك يا نجفه

الاخ العزيز شريف

الله يسلمك والحمد والشكر لله انها جت على قد كدا

وانا اتقفق معك 100% فى موضوع حساسيتنا بتزيد خارج ارض الوطن والعشم بيكون زايد حبتين ودا له عدة اسباب

الاول واحنا فى مصر دى بلدنا واهلنا واصحابنا حوالينا ولو تهت ولا روحت فى مكان فى مصر وصابني لا قدر الله مكروه لسه بردة انا فى بلدي مش فى الغربة واكيد هتلاقي حد يشيل عنك المسئولية سواء اب او اخ لااو صديق المهم هتلاقي ناس بتمدلك اديها وتساعدك وتوقف جنبك بدون ما تطلب وهتلاقى الموقف نفسة هين مهما ان كانت صعوبته لانك لاقيت اللى هونها عليم وساندك

ولكن فى الغربة

كلنا كمصريين اللى بيكون لوحدة او معة اسرته بس لسه بردة محتاجين نكون مع بعض ونعمل اهل لبعض لان لو لا قدر الله صابك شيء وانت اهلك مش فى بلدك بتبقي مطمئن لان ليك اصحاب ويعتبروا اهلك او مجتمعك فى الغربة يعنى اللى متصحبوش فى مصر لما تسافر معاه فى مكان خارج مصر بتضطرك الظروف انك تصاحبة لانك بتحس انه اقربلك من اى حد تانى وفهمك حتى ولو مافيش بينك وبينه اى شيء مشترك

انا بردة مش بتكلم من منطلق انى بنت ومكسورة الجناح وانه المفروض يساعدنى عشان كدا لاء طبعا انا لما خاطرت وقولت اسافر كنت عارفة انى لازم اكون قد المخاطرة وقد المسئولية اللى حطيت نفسي فيها والحمدلله انا هنا يمكن عرفت حاجات واتعلمت حاجات اكثر من اصحابي اللى سبقونى بسنتين وانا اقصد باصحابي ازواجهم ودا ليه لانى مش اتعودت اكون عالة على حد ولا اطلب المساعدة لاااااااا لو مش عرفة حاجة اتصرف المهم لحد ماوصل للى عوزاه لوحدى بدون ماشيل حد همى وانى بنت والحقونى لا والله يا اخى روحت اماكن وكراجات بسب عربيتى دى لما باوصفها للبحرنين نفسهم بيبقوا مستغربين انى وصلتلها ازاى

وانا الحمدلله قوية جدا بس الموقف نفسه والحادثة هو اللى كان خضنى وهزنى وهو كمل على

اسفة عالاطالة

وربنا يهديه ويهدينا جميعا يا رب

وشكرا لك وكل سنه وانت طيب