ندالة بن البلد وشهامة الغريب حاجة تكسف وتحبط !!!

[badroora]

ألف ألف ألف حمد الله على سلامتك يا نجفة

ومعلش متاخديش في بالك

الله يسلمك يا حازم والحمدلله على كل شيء

مبارك عليك الشهر وكل سنه وانت طيب وبالف صحة

[badroora]

حمدلله علي السلامه يا نجفه

وإن شاء الله هذه تكون أخر المواقف السيئه...

بس تأكدي يا عمري..زي مافيه مصريين الغربه جعلت قلوبهم أقسي من الحجر ..زي مافيه مصريين أرق من النسمه..

وأنا واثقه أنك مأيده رايي...

بس أكيد أكيد انتي أنفعلتي بسبب الموقف ولإنك في غربه ولوحدك..طب بعد الشر عليكي..خلي الموقف ده كان حصل في مصر...والله العظيم لكنتي تلاقي ألف واحد بيعرض خدماته بكل شهامه أولاد البلد...وبدون مقابل...

ياستي إن شاء الله في ميزان حسناتك...ومرة ثانيه ألف حمدلله علي السلامه :lol:

الله يسلمك يا ناش ويخليكيى يا رب

طبعا اتفق مع رايك 100% حتى بردة فى الغربة فى مصريين ولاد ناس ومحترمين جدا تصورى السنه اللى فاتت كنت ركنه جنب عربية وانا خارجة كحت فيها من الجنب واستنيت اشوف مين صاحبها عشان يشوف هنعمل ايه والله العظيم صاحبها جاء وطلع مصري وقالى يا شيخة مستنية عشان الخدتش دا لا يلا روحى ومش عاوز حاجة قولتله لا والله قالى لا خلاص انا كدا كدا مش هاروح ادهن الخدش عادى كان ابني خدشها بلعبته ولا حاجة على الرغم ان فى ناس بتعيط على الخدتش دا ولكن هو انسان محترم وقنوع متسغلنيش

بس زى ما قولتلى لما بيكون الواحد على اخرة ويبيقي مستنى بس يعنى سنه صغيرة وينفجر

يلا الحمدلله والشكر لله

شكرا يا ناش وربنا يبارك فيكيى يا رب wst::

[القارئ]

سلامتك الحمد لله على سلامتك بس واضح ان الشخص ده مش صائم أو بمعنى إنه مش مسلم والله أعلم علشان لو كان مسلم وصائم كمان المفروض كان قلبه فيه رحمة ولو ماكان فيه رحمة فإن كان رجل فقط فأين نخوة الرجولة وأأأأأأسفاه على الرجال

[badroora]

سلامتك الحمد لله على سلامتك بس واضح ان الشخص ده مش صائم أو بمعنى إنه مش مسلم والله أعلم علشان لو كان مسلم وصائم كمان المفروض كان قلبه فيه رحمة ولو ماكان فيه رحمة فإن كان رجل فقط فأين نخوة الرجولة وأأأأأأسفاه على الرجال

الله يسلمك يا رب وكل سنه وحضرتك طيب

فعلا عندك حق يا للاسف على ولاد بلدنا اللى انعدمت فيهم الشهامة والمروئه ربنا يهديهم يا رب

لتحسين سمعتهم وسمعتة البلد وانا اعتقد مسئولية كل مسافر ان يحافظ على شكلة وشكل بلدة فى الخارج والداخل لانها مسئولية كبيرة على عاتقة كل فرد منا

والله يهدينى ويهديهم ان شاء الله

شكرا لك اخى القاريء ومبارك عليك الشهر

تم تعديل 19 سبتمبر 2007 بواسطة نجفة المغرورة

[processor]

ألف حمد الله على السلامة يا نجفة وكل عام وانتي بخير

والحمد لله إنها جات على قد كده يمكن ده اختبار من ربنا سبحانه وتعالى، ما حدش عارف

[badroora]

ألف حمد الله على السلامة يا نجفة وكل عام وانتي بخير

والحمد لله إنها جات على قد كده :blush2: يمكن ده اختبار من ربنا سبحانه وتعالى، ما حدش عارف

الله يسلمك يا 'processor يا رب والحمدلله والشكر

كل سنه وانت طيب ورمضان كريم :egyflag:

تم تعديل 20 سبتمبر 2007 بواسطة نجفة المغرورة

[لخبطه]

أولا حمد الله على السلامه يانجفه :egyflag: واسف على التأخير في الرد لكن لسه شايف الموضوع دلوقتي

على أيه حال

بخصوص أنك نسبياً تعتبري جديدة في الغربة فأنتي مستقبلا هتعرفي أننا كلنا كمصريين بنبدأ بمنتهى الشهامه يعني كل واحد مننا في مجالة بيشمشم على مصري يخدمه دا في أول كام شهر وأول ما يلاقي مصري يبدأ يضحك في وشه ويحاول يعمله جل استطاعته وبيكون سعيد الغريب أن الشعور دا بيفتر مع الوقت وأسباب الفتور دا راجع لكام حاجه أولها أننا بنكون قابلنا نماذج زي اللى انتي قابلتيه دا في الصيانه بتاع السيارة والنماذج دي واللى أسوء منها واللى اقل سوء منها - رغم إنها مش كتير لكن موجوده - دي بتنزع الشهامه مننا واحد واحده وكل واحد حسب قوته بعضنا بتتنزع شهامته تماما ويتحول للنموذج السيىء وبعضنا بتقل نزعه الشهامه لكن بتفضل موجوده عنده وبعضنا - ودا نادر جدا - بيفضل بنفس القدر من الشهامه وحسن التعامل مع المصريين طول غربته وما بيأثرش فيه المواقف السيئة اللى ممكن يقابلها ودا اللى بطلبه منك ومن كل الناس هنا أننا كل واحد فينا يحافظ على شهامته وترحيبه بالمصريين مهما حدث وهما تعرض علشان نحارب الصوره السيئة اللى ممكن تتكون عن معامله المصري للمصري في الغربة

تم تعديل 20 سبتمبر 2007 بواسطة لخبطه

[عبده بيه]

نجفة المنورة حمدلله علي سلامتك الحمدلله انك بخير

ولايهمك ده حالة خاصة فيه منه كتير لكن الاحسن منه اكتر

وصوابعك مش زي بعضها

واللمبات بتنور لكن مش زي بعضها مش كده يا نجفة اضحكي بقي يا شيخة ده الخفيفة في المنتدي بتاعنا ده ولا يهمك اديني اسمه بس وانا اوريكي اعمل ايه

حمد لله علي سلامتك يا اختي العزيزة

[kokomen]

الأخت العزيزة : نجفة هانم

ألف حمدلله على سلامتك .... وربنا يحفظك من كل سوء ...وقضاء أقل من قضاء وربنا سلم أنك بخير

أما الموقف فهو غريب من أي شخص حتى ولو كان غير مصري ... فمن الطبيعي أن يقف الإنسان مع

كل من يحتاج مساعدة وخصوصا إذا كانت إمرأة ... أين الرجولة وأين الشهامة ... خصوصا من أبن البلد

طبعا نحن لانقول له أن يخالف القوانين ... ولكن يساعد بنت بلده ولو بكلمة طيبة..ليخفف عنها معاناتها من الحادث

ونقول لكل مصري في الغربة مد يد العون لكل من يحتاج الي المعونة وأظهر شهامة أبن البلد الأصيل ودي أصالة المصري

ألف سلامة لنجفتنا الغالية والحمد لله أنها جت في الحديد على رأي ولاد البلد...ولا تزعلي من هذا الموقف .فالشهامة موجودة

تحياتي الخالصة ودعائي لكل المغتربين بالصحة والسلامة

:egyflag: :blush2:

[badroora]

أولا حمد الله على السلامه يانجفه :blush2: واسف على التأخير في الرد لكن لسه شايف الموضوع دلوقتي

على أيه حال

بخصوص أنك نسبياً تعتبري جديدة في الغربة فأنتي مستقبلا هتعرفي أننا كلنا كمصريين بنبدأ بمنتهى الشهامه يعني كل واحد مننا في مجالة بيشمشم على مصري يخدمه دا في أول كام شهر وأول ما يلاقي مصري يبدأ يضحك في وشه ويحاول يعمله جل استطاعته وبيكون سعيد الغريب أن الشعور دا بيفتر مع الوقت وأسباب الفتور دا راجع لكام حاجه أولها أننا بنكون قابلنا نماذج زي اللى انتي قابلتيه دا في الصيانه بتاع السيارة والنماذج دي واللى أسوء منها واللى اقل سوء منها - رغم إنها مش كتير لكن موجوده - دي بتنزع الشهامه مننا واحد واحده وكل واحد حسب قوته بعضنا بتتنزع شهامته تماما ويتحول للنموذج السيىء وبعضنا بتقل نزعه الشهامه لكن بتفضل موجوده عنده وبعضنا - ودا نادر جدا - بيفضل بنفس القدر من الشهامه وحسن التعامل مع المصريين طول غربته وما بيأثرش فيه المواقف السيئة اللى ممكن يقابلها ودا اللى بطلبه منك ومن كل الناس هنا أننا كل واحد فينا يحافظ على شهامته وترحيبه بالمصريين مهما حدث وهما تعرض علشان نحارب الصوره السيئة اللى ممكن تتكون عن معامله المصري للمصري في الغربة

اخى العزيز لخبطة لا داعى للاعتزار والله يسلمك من كل شر يا رب

انا اختلف معك فى موضوع الشهامة انها بتقل او بتزهد مع مرور الوقت او لمقابلة النماذج السيئة التى تنزع مننا النخوة والشهامة

لا اخى الفاضل مش المفروض نغير اى شيء جميل جوانا عشان الناس الوحشين والى بعد مرور الوقت هنبقي زيهم وهنبقي كلنا ملناش خير فى بعض

المفروض كل واحد شهم وعندة خوة يظل كما هو حتى يكون مثل اعلى لكل من انعدمت من عنده الشهامة والمروئة

واتفق معك فى الجزء الاخير من كتابتك وانا اضم صوتى لصوتك ونقول لازم الكويس يفضل كويس عشان ياخد بايد اللى مش كويس وكمان عشان لما واحد يقابل وجهة اسود لو قلب الوجه الاخر هيلاقي وجوه مستبشرة نفسها تخدم من قلبها ساعتها هيقول الدنيا لسه بخير

كل سنه وانت طيب ومبارك عليك الشهر

نجفة المنورة حمدلله علي سلامتك الحمدلله انك بخير

ولايهمك ده حالة خاصة فيه منه كتير لكن الاحسن منه اكتر

وصوابعك مش زي بعضها

واللمبات بتنور لكن مش زي بعضها مش كده يا نجفة اضحكي بقي يا شيخة ده الخفيفة في المنتدي بتاعنا ده ولا يهمك اديني اسمه بس وانا اوريكي اعمل ايه

حمد لله علي سلامتك يا اختي العزيزة

اخى العزيز عبده بيه الله يسلمك يا رب وكل سنه وانت طيب والمنتدى منور بصحابة وباعضائة اللى زى الورد وحضرتك اجمل وردة فيه

الأخت العزيزة : نجفة هانم

ألف حمدلله على سلامتك .... وربنا يحفظك من كل سوء ...وقضاء أقل من قضاء وربنا سلم أنك بخير

أما الموقف فهو غريب من أي شخص حتى ولو كان غير مصري ... فمن الطبيعي أن يقف الإنسان مع

كل من يحتاج مساعدة وخصوصا إذا كانت إمرأة ... أين الرجولة وأين الشهامة ... خصوصا من أبن البلد

طبعا نحن لانقول له أن يخالف القوانين ... ولكن يساعد بنت بلده ولو بكلمة طيبة..ليخفف عنها معاناتها من الحادث

ونقول لكل مصري في الغربة مد يد العون لكل من يحتاج الي المعونة وأظهر شهامة أبن البلد الأصيل ودي أصالة المصري

ألف سلامة لنجفتنا الغالية والحمد لله أنها جت في الحديد على رأي ولاد البلد...ولا تزعلي من هذا الموقف .فالشهامة موجودة

تحياتي الخالصة ودعائي لكل المغتربين بالصحة والسلامة

:lol: :sad:

شايف يا كبير واحدة من صبيانك جرالها ايه :sad:

الله يسلمك يارب وكل سنه وانت طيب

ومش تغيب تانى عشان انت بتغيب الناس بستهتر بينا :egyflag:

احنا فى حماك يا ريس

وشكرا على ندائك لكل مصري بمساعدة اخوه وخصوصا البنات :lol:

تحياتى وتقديري

ورمضان كريم

تم تعديل 21 سبتمبر 2007 بواسطة نجفة المغرورة

[قاهرى]

تحياتى ليكى نجفة المغرورة

بجد موضوعك اثر فيا اوى وعلى فكرة انا ردوا حصلى موقف مشابه لموقفك من ناحية ندالة ابن البلد ووقوف الغريب لجانبك على فكرة صحيح مش كل المصرين كدة فى بلاد الغربة لكن بصراحة ودى الى انا ملاحظة (اغلبهم)

انشاء الله هبقى احكى الموضوع بتاعى فى اقرب فرصة للجميع بس دلوقتى مش هينفع لانى هروح اصلى الجمعة (الخطبة هتبدأ خلاص) بس اقولك حاجة صحيح واحد زى دة تشتكية لان دى مينتميش للرجولة ولا شهامة ابن البلد باى حاجة

والف سلامة ليكى ومتزعليش على العربية (الى يجى فى الريش بقشيش) مش بيقولوا كدة بردوا ولا انا قولتوا غلط وربنا يعوضك بالى احسن منها انشاء الله

انتى مأمنة على العربية اكيد بس يا ترا تامين شامل ولا ضد الغير (ومن تقرير الحادث مين الى غلطان)

طمنينا عليكى بردوا فى الموضوع دة ..........

تحياتى ليكى وللجميع :egyflag:

[badroora]

اهلا يا اخ فاهرى كل سنه وانت طيب والله يسلمك من شر يا رب

المثل بصراحة اول مرة اسمعة بس عجبنيى جدا :egyflag: الله ينور

تقرير المرور قيد ضدى على اساس ان الحادث من الامام ومن جهة السائق اللى هو انا يعنى وكمان التريلا كبيرة اوى وطويلة فانا دخلت فى منتصفها مع انى كنت واقفة مستنياها تعدى عشان اعدى لكن هى من كبرها اثناء المنحنى بتاع الدوار جت يم عربيتيى وشبكت فيها وجراتها ويعدين عجنتها فيها

ويخصوص التامين الحمدلله مأمنه تأمين شامل وبتعوا التأمين ماقصروا يس الوحش انهم ادونى عربية بديله بس لمدة 8 ايام مع انى عربيتيى تصليحها هيعدي ال15 يوم على حسب كلام الوكالة

ارجع واقول 8 ايام احسن من مافيش

وشكرا لك وكل سنه وانت طيب

وفى انتظار الموقف اللى حصلك :blush2:

[قاهرى]

وانتى طيبة يا اخت نجفة المغرورة

الحمدالله على كل شىء وكويس ان التامين هيدوكى عربية انا اول مرة اسمع عليها دى انا اعرف التامين اما بيصلح العربية ومش فى التوكيل كمان بس بيكون فى جراجات نظفية مش اى كلام او لو العربية هتتكنسل بيقدروا قيمة العربية ويدوكى فلوس .. دة الى اعرفوا هنا بيحصل فى الامارت مش عارف بصراحة انتى فين ؟

المهم

الموضوع الى انا كونت بقول علية الى حصلى قريب من موضوعك بس مش اقصد حادث انا اقصد ندالة ابن البلد ربنا يحمينا كلنا من الحوادث ولونها حصلت بردوا كتيررررررر

الموضوع كالتالى ... قدمت فى شركة كبيرة علشان اشتغل فيها باختصار كدة دخلونى 4 امتحانات الاول امتحنهولى واحد لبنانى ونجحت فية والتانى واحد اجنبى مش عارف جنسيتة اية ونجحت بردوا والثالث مديرة بردوا اجنبية ونجحت معاها بردوا المديرة دى قلتلى كدة انت نجحت فى اول 3 اختبارات الرابع دة المسؤول مصرى يعنى من بلدك .. اول لما قالت كدة قولت الحمد الله مكنتش شايل هموا تماما وخصوصا ان المديرين ال 3 الاولين دول اكبر من الرابع دة المصرى الى هيمتحنى ... ولكن طلع بجد انسان زبالة عمرى مكنت اتخيل ان فى واحد انانى بالشكل دة .. والله برغم انى جوابت كل الى عيزوا بس عرفين نظام التلكيك بالظبط هو كان بيتبع معايا الاسلوب دة .... كان بجد انسان قمة فى الزبالة . اسوء معاملة لقتها منوا ملقتهاش من ال3 مدرة الى قبلوا ولكن هو الوحيد الى سقطنى والاختبار دة نظاموا لزم تنجح فى 4 اختبارات لو سقط فى واحد يبقى سقط فى الكل

طبعا لما لقيتوا بيتكلم معايا باسلوب غبى قولتلوا لية الاسلوب دة طيب عيب تتكلم بالاسلوب دة .. راح قلى كلمة عصبتنى رحت قطعت الورقة الى اتمضت من ال 3 مدرة الى قبلة وخرجت

بجد مش عارف لية مع انى كونت والله استحق انجح وبعد كدة لما سالت فى الشركة ملقتش حد مصرى غير الانسان الغبى دة وعرفت كمان من على الرسبشن انوا مش بيحب المصرين ومعروف عنو كدة . مش عارف ازاى مصرى ومش عايز مصرين معاة ..

المهم مش عايز اطول عليكوا ..... تحياتى للجميع

[amrhoras]

وانتى طيبة يا اخت نجفة المغرورة

الحمدالله على كل شىء وكويس ان التامين هيدوكى عربية انا اول مرة اسمع عليها دى انا اعرف التامين اما بيصلح العربية ومش فى التوكيل كمان بس بيكون فى جراجات نظفية مش اى كلام او لو العربية هتتكنسل بيقدروا قيمة العربية ويدوكى فلوس .. دة الى اعرفوا هنا بيحصل فى الامارت مش عارف بصراحة انتى فين ؟

المهم

الموضوع الى انا كونت بقول علية الى حصلى قريب من موضوعك بس مش اقصد حادث انا اقصد ندالة ابن البلد ربنا يحمينا كلنا من الحوادث ولونها حصلت بردوا كتيررررررر

الموضوع كالتالى ... قدمت فى شركة كبيرة علشان اشتغل فيها باختصار كدة دخلونى 4 امتحانات الاول امتحنهولى واحد لبنانى ونجحت فية والتانى واحد اجنبى مش عارف جنسيتة اية ونجحت بردوا والثالث مديرة بردوا اجنبية ونجحت معاها بردوا المديرة دى قلتلى كدة انت نجحت فى اول 3 اختبارات الرابع دة المسؤول مصرى يعنى من بلدك .. اول لما قالت كدة قولت الحمد الله مكنتش شايل هموا تماما وخصوصا ان المديرين ال 3 الاولين دول اكبر من الرابع دة المصرى الى هيمتحنى ... ولكن طلع بجد انسان زبالة عمرى مكنت اتخيل ان فى واحد انانى بالشكل دة .. والله برغم انى جوابت كل الى عيزوا بس عرفين نظام التلكيك بالظبط هو كان بيتبع معايا الاسلوب دة .... كان بجد انسان قمة فى الزبالة . اسوء معاملة لقتها منوا ملقتهاش من ال3 مدرة الى قبلوا ولكن هو الوحيد الى سقطنى والاختبار دة نظاموا لزم تنجح فى 4 اختبارات لو سقط فى واحد يبقى سقط فى الكل

طبعا لما لقيتوا بيتكلم معايا باسلوب غبى قولتلوا لية الاسلوب دة طيب عيب تتكلم بالاسلوب دة .. راح قلى كلمة عصبتنى رحت قطعت الورقة الى اتمضت من ال 3 مدرة الى قبلة وخرجت

بجد مش عارف لية مع انى كونت والله استحق انجح وبعد كدة لما سالت فى الشركة ملقتش حد مصرى غير الانسان الغبى دة وعرفت كمان من على الرسبشن انوا مش بيحب المصرين ومعروف عنو كدة . مش عارف ازاى مصرى ومش عايز مصرين معاة ..

المهم مش عايز اطول عليكوا ..... تحياتى للجميع

فداك مليون وظيفة أهم حاجة اثبت انك احسن من الناقص ده لنفسك والله فى أمثلة أسوأ كتييييير

اخر مره حصل معايا موقف كان لواحد زبالة برده بس ده كان مع كفيلة برده المهم جاى بيسألنى على أسعار ـاجير معدات ثقيلة فبتكلم معاه عادى على انه مصري بقي ابن بلدى واعطيته كل الاسعار مع الاكرامية والخصم فلقيته بيتنطط عليا ويقولى اده انت شغال هنا انا عاوز اقابل مديرك؟ قولتله نعم هو انا مش مالى عين سيادتك انى اكون مسئول هنا ولا ايه عاوز تكلم المدير انا المدير هنا قالى طب وانت شغال هنا ايه؟

لا حول ولا قوه الا بالله ياسيدى هو تحقيق انت جيت سألتني وقولتلك اللى عندى خلاص مش لازم اقدملك السي في بتاعى

قالى اصل شكلك مش فاهم حاجة فى اى حاجة

قولتله انا عامل احترام للراجل اللى معاك بس ان كنت جاى تعمل الحبتين قدام كفيلك عشان تبين انك شغال فانت غلطان انا هنا المدير المالى ومسؤول عن المكان ده والاسعار دى مأجر بيها لكل الشركات انتو بس اللى اظاهر اول مره تتعاملو مع شركات محترمة

راح كفيلة ياخوى هدى اصابك هو والله مايقصد قولتله لا يقصد راح الراجل بكل برود قال والله مش عارف المكاتب عادت بتصدر قمامة البلد

بصراحة مفيش حاجة تهديني اكتر من انى رحت قايلة بره ياقليل الادب عاملك احترام عشان للاسف مصري بس كفاية انك من ساعة مادخلت وانت واقف عشان كفيلك موجود زى العبد ياترى هو أمرك برده تتكلم زى ما امرك تدخل المكتب ؟؟

مع العلم والله العظيم ان الكفيله لما غلب معايا على الاسعار دعاه وقاله ادخل كان واقف على الباب بس انا مليش دعوه انا مالى لما دخل قال اهوه جبتلك واحد من بلدك عشان يعرف يتفاهم معاك انتو مصري صعب قوى.!!

قولتله والله مش معاك بس وعموما عنينا ليك وللمصري يقوم بعد كل ده تتكلم بالاسلوب ده معايا.

المهم جه الناس اللى حوليا وكفيلى كمان جه وقولتله اللى حصل قاله ياخويا ساعة مبارك اننا نأجر لكم بس الاخ هو المسؤول هنا واعطاكم كلمته وانا مو بقدر انزل فى السعر اكثر من ذلك

عمك الحاج المصرى معجبوش الكلام راح قايم خارج من نفسه وهو حيطق

اسف بس والله ده كل اللى حصل واقسم بالله انى لما بصدق اشوف اى ضيف بشيله فوق دماغى وبوجه خاص المصريين بغض النظر عن الشغل بالعكس ليا اصدقاء كتير اتعرفت عليهم من خلال الشغل واكثرهم سعوديين وناس كبيرة فى السن كمان على الرغم انى صغير فى السن وللاسف اللى جالى كل شعره ابيض المفروض انه يحترمه سنه وانما هو نسي كل مصريته واتعود على انه يكون مأمور بتكون غريبة لما يشوف حد واخد حريته فى كامل القرارات بالنسبة للعمل .

فانتو متزعلوش مهما كان فى الحلو وفى الوحش وبرده فى ولاد البلد جدعان اوى اوى اوى انا اللى بيعز عليا اننا بناكل ديما في بعض كمان ناس كتير متحبش الخير لاخوانهم المصريين ليه مش عارف ربنا هو مقسم الارزاق بس هم تفكيرهم كدى انا اخوك حياكل رزق اشية من قدامى احسن واريح بالى.

وى مابيقول اخوانا الخليجين عن امثال المدرير اللى انت قابلته او اللى نجفه وعصبها دول بيطلق عليهم خسي جاية من الخسة :blush2:

[amrhoras]

ومبسوطة اوى ان تريلا دخلت فيكي يابنتي الحمد لله على سلامتك لو سمحتى تاخدى بالك من نفسك مش عارف لزمتها ايه العربيات ووجع الدماغ ده مانخليها موتورجل احسن هههههه

لا بجد خلى بالك وخصوصا من التريلات اللي بيسوق بيكون دماغه عليا جدا ومروق ولا فى باله فانتى اتجنبي المنحنيات وصوصا الطرق السريعة وانا مش حقولك يا نجوفه طبعا .

وفداكى مصنع سيارات بحالهم وربنا يحفظك ويحفظ الجميع ورمضان كريم :blush2:

[Ahmad Farahat]

شوفي يا نجفة

رغم إني معاكي في مسالة الزعل من صاحبنا ده ورغم إن التعميم غلط وإن مش كل المصريين كده ومش كل الغرب كده برضه

بس عايز أقلك حاجتين

إحنا من عيوبنا كمصريين إننا بنخاف من شبهة المجاملة لما بنشتغل بره يعني مثلا أنا لما باشوف مباراة لمنتخب مصر ييجي يحكمها حكم مصري بابقى متأكد إن فيه لاعب مصري هيتطرد أو هيتحسب علينا ضربة جزاء

يعني البيه عايز يعمل فيها حقاني قوي قام طرد المصري (طبعا س.س عرف أنا باتكلم على مين)

الحاجة التانية إن احنا عندنا موروث ثقافي روتيني سخيف مفيش في قاموسه فكرة الضرورات تبيح المحظورات

ورغم إن قلبي طيب جدا بس لو كنت مكانك مع احترامي الكامل لطيبتك ونبل أخلاقك كان لازم الأخ ده يتعكش

لأن لازم تحطي في حسابك إن ممكن شخص ييجي مكانك ويتحط في نفس الموقف

لكن رغم ده كله

الحمد لله ان المسألة عدت على خير ودرس استفدتي منه للي جاي

أهو اللي جاي بقى مترحميهوش

وأنا باتكلم جد

أرسين

[amrhoras]

شوفي يا نجفة

رغم إني معاكي في مسالة الزعل من صاحبنا ده ورغم إن التعميم غلط وإن مش كل المصريين كده ومش كل الغرب كده برضه

بس عايز أقلك حاجتين

إحنا من عيوبنا كمصريين إننا بنخاف من شبهة المجاملة لما بنشتغل بره يعني مثلا أنا لما باشوف مباراة لمنتخب مصر ييجي يحكمها حكم مصري بابقى متأكد إن فيه لاعب مصري هيتطرد أو هيتحسب علينا ضربة جزاء

يعني البيه عايز يعمل فيها حقاني قوي قام طرد المصري (طبعا س.س عرف أنا باتكلم على مين)

الحاجة التانية إن احنا عندنا موروث ثقافي روتيني سخيف مفيش في قاموسه فكرة الضرورات تبيح المحظورات

ورغم إن قلبي طيب جدا بس لو كنت مكانك مع احترامي الكامل لطيبتك ونبل أخلاقك كان لازم الأخ ده يتعكش

لأن لازم تحطي في حسابك إن ممكن شخص ييجي مكانك ويتحط في نفس الموقف

لكن رغم ده كله

الحمد لله ان المسألة عدت على خير ودرس استفدتي منه للي جاي

أهو اللي جاي بقى مترحميهوش

وأنا باتكلم جد

أرسين

ياسلام هو ده الكلام فى الصميم ياسلام عليك ياولد ( ولد دى من باب الاحترام والتقدير فى دول الخليج)

بس برده ليا اختلاف بسيط مع سيادتك على حكاية شبه المجاملة دى المصريين مفيش اكتر منهم ناس بتجامل الغريب قبل القريب لدرجة مجاملتهم باينه اوى وفى ناس تخلط بين المجامله والنفاق اعتقد مفيش خسة اكتر من انك تلاقى بنوته من بنات بلدك وترزع فى وشها الباب مع انها جيالك وحالتها حاله وساعة فطار دى اسمها ندالة وقله ادب مع احترامى للجميع

أو زى الكابتن اللذيذ اللى اختبر القاهرى ده لو خايف من المجاملات كان قال مش حمتحنه او يظطبه اساله بس ينجحه فى الاخر على الاقل الكل يقول يسلام الراجل ده معندوش كوسه عشان ابن بلدة بس راجل ملوش خير فى بلدة ولا ولاد بلده

اعتقد مفيش مجال اننا نلتمس العذر للامثال دى وربنا معانا ويعينا عليهم :blush2:

تحياتى عمرو حورس

[darlengs]

الف سلامه عليكي يا نجفه 00 انا من زمان مدخلتش و لسا شيفا الموضوع 00 المهم انك بخير و فداكي كل حاجه بعدها 00 انا فعلا حاسه بيكي 00 لما الواحد بيكون فلغربه و بيتعرض لموقف زي دا -طبعا دا موقف مبيحصلش للواحد كل يوم - يبكون نفسه يلاقي حد يساعده 00 حتي لو بالكلمه 00 و يا سلام لو شاف حد من بلده 00 بيكون كانه لقا حد من اهله 00

لكن انتي اتصدمتي فموقف اخونا اياه 00 اللي للاسف امثاله كتير00 المساله بلنسباله مش خوف من شبهه مجامله للاسف 00 لكن في ناس هو دا طبعها 00 بتتربي عليه و تعيش بيه و تسافر و هو معاها لحد ما تموت و لا تتغير 00 اساليني انا 00 الناس دي ممكن تضيع مستقبل الواحد و لا يرمش لها جفن 00

نصيحتي ليكي و لغيرك لو حصل وتعاملتي مع حد زي دا اشتكيه و لا تترددي 00 خصوصا انك ما طلبتي منه حاجه خارج نطاق صلاحيته00 طالما ليكي حق عنده و لا خدتيه 00 و طالما هومعملش اعتبار للجنسيه اللي بتجمعكو يبقاهو اللي بدأ 00 انا عرفا ان ناس كتير هتزعل مني 00 لكن امثال دا انا شخصيا و اسرتي عانيت منهم و لسا بعاني و ربنا يستر 00

[م.سامح المصرى]

السلام عليكم ورحمة الله وبركاتة

ألف مليون سلامة يا نجفة على صحتك

وكل سنة وانتى طيبة :blush2: معلشى مشاركتى جت متأخرة

بصي هوا زى ما كل الأخوة قالو فى الوحش وفى الحلو وأكيد طبعا ما كنتيش تقصدى انك تعممى

بس هما اتكلمو على موضوع التعميم دا من اسم الموضوع بتاعك (ندالة بن البلد وشهامة الغريب حاجة تكسف وتحبط !!!)

بس فى حاجة محيرانى وبفكر فيها كتير

لية احنا لما بتحصلنا حاجة وحشة نكتب ونعمل حكاية مع ان حصلتلنا حاجات كتيرة حلوة ما كتبناش عنها

بمعنى ان دا واحد مصرى أو اكتر عمل معاكى موقف مش كويس أكيد أكيد يا نجفة فى مواقف حصلتلك مع مصريين كويسة

أكيد فى مصريين خدموكى فى حاجات وأكيد فى مصريين وقفوا جنبك ما بنتكبش عن الناس دى لية

وأكيد كل واحد من الى حصلتلهم مواقف وحشة مع المصريين حصلتلهم مواقف حلوة وكتيرة كمان

وإلا ما كنش الرسول الكريم صلى الله علية وسلم قال (اذا دخلتم مصر فاتخذوا منها جندا كثفيا لانهم خير اجناد الارض

واانهم فى رباط الى يوم القيامه)

(اذا دخلتم مصر فاستوصوا باقباطها خيرا فان لكم فيها نسبا وصهرا)

صدقت يا رسول الله

ويا ريت ما اكونش تقلت عليكم

[badroora]

اختبارات لو سقط فى واحد يبقى سقط فى الكل

طبعا لما لقيتوا بيتكلم معايا باسلوب غبى قولتلوا لية الاسلوب دة طيب عيب تتكلم بالاسلوب دة .. راح قلى كلمة عصبتنى رحت قطعت الورقة الى اتمضت من ال 3 مدرة الى قبلة وخرجت

بجد مش عارف لية مع انى كونت والله استحق انجح وبعد كدة لما سالت فى الشركة ملقتش حد مصرى غير الانسان الغبى دة وعرفت كمان من على الرسبشن انوا مش بيحب المصرين ومعروف عنو كدة . مش عارف ازاى مصرى ومش عايز مصرين معاة ..

المهم مش عايز اطول عليكوا ..... تحياتى للجميع

الاخ العزيز قاهرى الموقف طبعا يضايق بجد مش كون سقطك فى الامتحان وانت تستحق لاء دا كمان السيط اللى عمله حواليه انه بيكره اى حد مصر والله اللى مالوش خير فى بلدة مالوش خير فى نفسه

وانت طبعا فى الاول والاخر ربنا مش قسملك انت تشتغل فى المكان دا وجايز دا فى صالحك وعسي ان تكرهوا شيئا وهو خيرا لكم جايز لو كنت اشتغلت معاه كان تعبك وزهقك

عموا الحمدلله ان ربنا عوض عليك بخير منها وربنا يهدي العاصي والندل

ومبسوطة اوى ان تريلا دخلت فيكي يابنتي الحمد لله على سلامتك

طبعا يا عمرو الناس مقمات

يرضيك يقفولوا نجفة بجلالة قدرها دخلت فى عربية صغير لا طبعا انا مش ااقل من تريلا بدورين ولا متروا ولا قطر :rolleyes: لا اعوذ بالله

عموما الله يسلمك وتسلم على مصنع العربيات دى

شوفي يا نجفة

رغم إني معاكي في مسالة الزعل من صاحبنا ده ورغم إن التعميم غلط وإن مش كل المصريين كده ومش كل الغرب كده برضه

بس عايز أقلك حاجتين

إحنا من عيوبنا كمصريين إننا بنخاف من شبهة المجاملة لما بنشتغل بره يعني مثلا أنا لما باشوف مباراة لمنتخب مصر ييجي يحكمها حكم مصري بابقى متأكد إن فيه لاعب مصري هيتطرد أو هيتحسب علينا ضربة جزاء

يعني البيه عايز يعمل فيها حقاني قوي قام طرد المصري (طبعا س.س عرف أنا باتكلم على مين)

الحاجة التانية إن احنا عندنا موروث ثقافي روتيني سخيف مفيش في قاموسه فكرة الضرورات تبيح المحظورات

ورغم إن قلبي طيب جدا بس لو كنت مكانك مع احترامي الكامل لطيبتك ونبل أخلاقك كان لازم الأخ ده يتعكش

لأن لازم تحطي في حسابك إن ممكن شخص ييجي مكانك ويتحط في نفس الموقف

لكن رغم ده كله

الحمد لله ان المسألة عدت على خير ودرس استفدتي منه للي جاي

أهو اللي جاي بقى مترحميهوش

وأنا باتكلم جد

أرسين

اخى وصديقي العزيز

اهلا بك وسط باب المغتربين والله بجد حسيت انك جاى تزرنى مخصوص حمدالله على سلامتك

انا المرة الجاية الله لا يكتبها مرة جاية يا رب هابقي افرج عليه امة الا اله الا الله وبعدين اشكية

بس تعمل ايه اختك قلبها طيب وكانت صايمة وحالتها حالة

تعرف احتمال وانا باستلم العربية واطمئن انها اتصلحت ابقي اشكية :rolleyes: بس دى بقي متبقاش ندالة بنت البلد :blush2:

كل سنه وانت طيب

تم تعديل 22 سبتمبر 2007 بواسطة نجفة المغرورة