ندالة بن البلد وشهامة الغريب حاجة تكسف وتحبط !!!

[badroora]

الف سلامه عليكي يا نجفه 00 انا من زمان مدخلتش و لسا شيفا الموضوع 00 المهم انك بخير و فداكي كل حاجه بعدها 00 انا فعلا حاسه بيكي 00 لما الواحد بيكون فلغربه و بيتعرض لموقف زي دا -طبعا دا موقف مبيحصلش للواحد كل يوم - يبكون نفسه يلاقي حد يساعده 00 حتي لو بالكلمه 00 و يا سلام لو شاف حد من بلده 00 بيكون كانه لقا حد من اهله 00

لكن انتي اتصدمتي فموقف اخونا اياه 00 اللي للاسف امثاله كتير00 المساله بلنسباله مش خوف من شبهه مجامله للاسف 00 لكن في ناس هو دا طبعها 00 بتتربي عليه و تعيش بيه و تسافر و هو معاها لحد ما تموت و لا تتغير 00 اساليني انا 00 الناس دي ممكن تضيع مستقبل الواحد و لا يرمش لها جفن 00

نصيحتي ليكي و لغيرك لو حصل وتعاملتي مع حد زي دا اشتكيه و لا تترددي 00 خصوصا انك ما طلبتي منه حاجه خارج نطاق صلاحيته00 طالما ليكي حق عنده و لا خدتيه 00 و طالما هومعملش اعتبار للجنسيه اللي بتجمعكو يبقاهو اللي بدأ 00 انا عرفا ان ناس كتير هتزعل مني 00 لكن امثال دا انا شخصيا و اسرتي عانيت منهم و لسا بعاني و ربنا يستر 00

اختى العزيزة كل سنه وانت بالف صحه وهنا

بجد انا قلقت عليكيى وعلى اسرتك واتمنى يا رب ان يكون شيء بسيط وربنا يرفعه عنك باذن الله

للاسف صدقينيى اكتر حاجة بتوجع اللى بتبقي من اللى مننا والواحد بيحزن لما بيشوف الشعوب التانية وعلى راسهم الهند قد متمسكين وبيخافوا على بعض وبيقفوا جنب بعض

لكن للاسف السيء منا بيبقي عاوز ياكل اللى منه على الرغم ان ربنا مقسم الارزاق ومحدش بياخد غير نصيبة

اتمنى من الله انت تكونى بخير انتى واسرتك وكل سنه وانتى وهما طيبين ودايما بخير يا رب

ومتبقيش تغيبي عننا ابقي طمنيني عليكى

رمضان كريم :rolleyes:

تم تعديل 22 سبتمبر 2007 بواسطة نجفة المغرورة

[badroora]

السلام عليكم ورحمة الله وبركاتة

ألف مليون سلامة يا نجفة على صحتك

وكل سنة وانتى طيبة :rolleyes: معلشى مشاركتى جت متأخرة

بصي هوا زى ما كل الأخوة قالو فى الوحش وفى الحلو وأكيد طبعا ما كنتيش تقصدى انك تعممى

بس هما اتكلمو على موضوع التعميم دا من اسم الموضوع بتاعك (ندالة بن البلد وشهامة الغريب حاجة تكسف وتحبط !!!)

بس فى حاجة محيرانى وبفكر فيها كتير

لية احنا لما بتحصلنا حاجة وحشة نكتب ونعمل حكاية مع ان حصلتلنا حاجات كتيرة حلوة ما كتبناش عنها

بمعنى ان دا واحد مصرى أو اكتر عمل معاكى موقف مش كويس أكيد أكيد يا نجفة فى مواقف حصلتلك مع مصريين كويسة

أكيد فى مصريين خدموكى فى حاجات وأكيد فى مصريين وقفوا جنبك ما بنتكبش عن الناس دى لية

وأكيد كل واحد من الى حصلتلهم مواقف وحشة مع المصريين حصلتلهم مواقف حلوة وكتيرة كمان

وإلا ما كنش الرسول الكريم صلى الله علية وسلم قال (اذا دخلتم مصر فاتخذوا منها جندا كثفيا لانهم خير اجناد الارض

واانهم فى رباط الى يوم القيامه)

(اذا دخلتم مصر فاستوصوا باقباطها خيرا فان لكم فيها نسبا وصهرا)

صدقت يا رسول الله

ويا ريت ما اكونش تقلت عليكم

السام عليكم

كل سنه وحضرتك طيب والله يسلمك من كل سوء يا رب

انا اسفة جدا لو العنوان يدل على التعميم انا كنت فاكرة ان لما اكتب ندالة بن البلد غير لما اكنت ندالة ولاد البلد

لكن يظهر ان الاتنين معناهم واحد فانا اسفة لهذه الخطا اللغوي

موضوع لما يحصل لنا حاجة ونعمل حكاية

مش عرفة اذا كنت انا عملت حكاية ولا لاء بس انا كنت مخنوقة ومضيقة قوى وصعبان على نفسي ممكن لما كتبت كنت محتاجة حد يواسينيى حد يهدينى وخصوصا انى مخدش حقي وانا مش من النوع دا انا دايما باخد حقى واظل وراه ومتنزلش ابدا بس جايز يمومها مكنتش قادرة اتلم على نفسي عشان اقدر اخد حقي

والموقف كان ماثر فيا اوى وكتبت لاخفف من احساسي بالقهر

واعتذر لك ولجميع الاخوة اللى موضوع التعميم ضايقهم

وبالطبع انا لا اقصد التعميم لانى بكدا هاكون ظلمت نفسي وظلمت ناس افاضل كتير

تقبل تحباتى واحترامى

وكل سنه وانت طيب

[م.سامح المصرى]

السلام عليكم ورحمة الله وبركاتة

أنا اسف جدا والله يا نجفة لو كنت ضايقتك والله بجد ما كنش قصدى

انا عارف انك متضايقة جدا انتى بنت وفى الغربة وحصلك موقف من واحد كمان من بلدك وما ختيش حقك

دا لوحدة كفاية

بس بجد انا ما كانش قصدى اضايقك خالص

وتقبلى اسف