هنا هولندا

[wael elsherif]

السلام عليكم دي تاني مره اكتب في منتداكم العزيز انا قولت في المره الي فاتت اننا نستحق حياه افضل مما نحن فيه الان اقصد كل المصريين اللي جوي مصر واللي بره مصر والله يا جماعه البلد غنيه جدا بالمقارنه ببلد صغيره زي هولنده لا تملك ما تمتلك مصر من موارد بشريه واقتصاديه\علي فكره الاوربيون مش عباقره ولا افضل منا بس عندهم ديمقراطيه حقيقه وبحبو بلدهم "الولد الهولندي بيبدا يبيع جرايد وهو عنده 11 سنه علي دراجه ابوه اشتراهاله وبعدين يسدد تمنها لابوه وبكده بيعلموه يعتمد علي نفسه وبعدين هم عندهم السنه كلها مطر وبرد ما عدا بضعة اسابيع صيف وبالرغم من كده لازم يشتغلوا وتقريبا عند كل واحد هولندي دراجه يعني 16 مليون دراجه فيه مطر ما فيش مطر راكبين الدراجه وبيحربم الريح والمطر علشان يوصل شغله في ميعاده بالثانيه بس عندهم برده سيارات علي فكره شايف الفرق بينا وبينهم عندنا جو حميل بس التلوث وعادم السيارات انا اعقد دائما مقارنه بيننا وبينهم"""" اجدنا اسوء خلف لخير سلف؟؟وائل هولندا

؟

[عبده بيه]

الاخ وائل مهم جدا ان تكتب و تبرز الفروق واكيد هنوصل لشيء

جميل واصل كتاباتك في انتظار المزيد

ولك تحياتي

[seeem]

فعلا من ناحية المواصلات احنا بنحاول دايما الاعتماد على سيارات واتوبيسات مع ان نسبة كبيرة من المصريين ممكن يوصلوا الى وجهاتهم بالدراجة التى انقرضت فى مصر ولا يتم حسن استغلال هذه الوسيلة. هل تعرفون انه فى وقت قريب كان الوزراء الصينيون ورئيس الوزراء ايضا يذهبون الى مكاتبهم كل يوم بالدراجة؟؟....

[wael elsherif]

السلام عليكم "وائل تعالي بسرعه نشوف فيه ايه ايه البوايس ده كله وليه الاسعاف كمان ..قالها لي محمد وهو يعمل معي في نفس المطعم الصغير مطعم شاورما وبيتزا هو الوحيد في تلك القريه الصغيره ولكن ما هو السبب لكل تللك الضجه ؟؟؟؟؟؟؟؟انها سيده طاعنة في السن سقطت من علي دراجتها فقام احد زبائننا بالاتصال بالبوليس والاسعاف وتم عمل اللازم لها وتم اغلاق الطريق وهو الشارع الرئيسي وتم تحويل الطريق لما هل ستمر الملكه او رئيس الوزراء لالالالالالالالالالالالا؟؟؟؟؟؟ليفوم عمال الحريق بغسل الشارع كله بالماء والصابون لاحتمال وجود بقعه زيتيه وحيده تسببت في سقوط تللك السيده والله تم نشر الخبر في جريدة البلديه في اليوم التالي صدق او لا تصدق انها الحقيقه .....عارف ايه احلي حاجه فيينا هو اسمنا مصريون مسلمون ماضي مجيد حاضر مبيد للماضي المجيد وائل هولنده

[mrashour]

وائل باشا

اذا كنت ناوى تنزل مصر فعلا فلا تحاول ان تقارن بين هولندا و مصر لاننا كلنا كامصريين نتمنى ان نجد النظام و اسلوب المعيشة الى هنا يكون موجود فى مصر و لكن هى دية مصر و نفضل نقول ان مصر فيها حاجات كتير وحشة و بلد ما يتعشى فيها و الناس مش كويسة و لكن عندما يكون عندك اجازة اول شى تفكر قية هو انك تسافر الى مصر و ماتسالنيش لية يمكن الاهل يمكن الاصدقاء و الذكريات يمكن انى وش فقر مش عارف و اتمنى ان استقر فى مصر و لكنى برضة خايف عارف المثل الى فى هولند الى معناها انك حتفضل متعلق فى الوسط او بالمصرى لا طايل سما ولا ارض اهو احنا المغتربين كدة مهما كان معاك باسبور هولندى فانتا برضة اجنبى و لما تسافر الى مصر تحس انك غريب و اخيرا احنا مش حنقدر ناخذ كل حاجة حلوة فى الدنيا ولا تبقى جنة المهم لازم نحارب علشان نعيش فى مصر او هولند و ربنا يهدى المصريين و يكونو اكثر التزاما فى بلدهم كما يفعلون عندما يكونو فى الغربة

مستر عاشور