حوارات من كليلة ودمنة

[SADA]

"بسم الله الرحمن الرحيم"

قالت لى نفسى تحاورنى .....

ـ قوم بلاش كسل، كمل حواراتك مع كتاب جمهورية أفلاطون.

ـ بلاش دلوقتى أحسن فيه موضوعين عاملين قلق فى دماغى ....

ـ خير إنشاء الله ؟!

ـ والله مش باين، طول ما الواحد عمال يتفرج على أحوال (أنكرنفيا)، مخه دايماً فى قلق.

ـ فيه إيه بس ؟!

ـ قاعد ياستى فاتح الأنترنت، لقيت الناس فى (أنكرنفيا) عاملة زيطة وزمبليطة على موضوع مين جاى ومين رايح، وواحد عمال يقول هاتوا (نعناع دمعة) يدورها، والتانى يقول له لا أنا عاوز (تمر كوسة) ده واد حريف فى اللعبة دى، والثالث مش عارف يظهر طالب (دينا) تشعللها، بس قالوا له دى طفشانة حالياً، وحاجات غريبة كده. الأكادة إن ما حدش فيهم قال لنا إيه منهج ده واللا ده، أو حتى شوفنا بصمته فين فى الموضوع ده. الأخيرة دى أنا عارف منهجها من الجرانيل، أما الأخرين فيبدو أن ثقافتى ضئيلة بالدرجة اللى ما خالتنيش أحاورهم على أى قصاصة ورق كتبوا عليها أى حاجة.... عــارفة الزيطة دى فكرتنى بإيه ؟!

ـ بإيه إنشاء الله ؟!

ـ فكرتنى بحوار مع قطعة فى كتاب (كليلة ودمنة).

ـ أخص عليك، هوه أنت حواراتك مع الكتب وصلت لكليلة ودمنة ....!

ـ أه يا أنكرنفية، عندك نفس مشكلة أهالى (أنكرنفيا)، القلاطة فى البحث عن الحقيقة .... عارفة يا بنت الناس إن كتاب كليلة ودمنة ده يسمى كتاب الحكمة السامية عند الفرنجة، وأن اللى ترجمه للعربية نقلاً عن الفارسية هو عبدالله ابن المقفع، وأن بيدبا مؤلفه الأصلى هو من أشهر فلاسفة الهند ... المهم خلينا فى موضوعنا ... حأحورك دلوقتى فى الكتاب بس بلغة أسهل من كتابة إبن المقفع علشان ماأعملش لك إزعاج.

"يحكى أنه عندما زاد عدد الحيوانات فى الغابة قرروا أن يؤسسوا لهم دولة لتنظيم الشئون فيما بينهم، لذلك أجتمعوا، وقرروا أن يكون الأسد هو الحاكم لهذه الدولة على أساس أنه الأقوى وهو القادر على حمايتها، وعليه فلقد رأس الأسد الإجتماع وسأل حد عاوز يقول حاجة يا جماعة قبل ما نروح؟.

وقف الثعبان على ذيله وقال بفحيحه الخبيث : أنا موافق بس اللى أعرفه أن نظام أى دولة منذ تأسيس الدول، هو إما جمهورى أو ملكى (إمبراطورى وأميرى هوه نفسه الملكى)، وأنا شايف أنه ضرورى نتفق على الموضوع ده من الأول.

من أعلى الشجرة رد الخفاش قائلاً (حيوان برضه وله كيانه) : يا جماعة أنا متفرقش معايا الحكاية دى، أن راجل معايشى كلها فى الضلمة (بالليل يعنى)، وعلشان كده شكل الحكم ما يقلقنيش.

من أخر القعدة زعق الحمار بصوته المنكر وقال : فى الواقع أنا مش فاهم قوى أنتو بتتكلموا على إيه، لكن أنا يهمنى قوى أن النظام يبقى جمهورى علشان بأسمع أن فى النظام ده الحاكم بيتغير كل كم سنة، وبكده نضمن أن الحاكم اللى مش حيشوف مصالحنا، نغيره ونجيب غيره. (ما هوه حمار بقى).

همست البقرة فى أذن القرد الجالس بجوارها وقالت له : أنا مش فاهمة حاجة من ده كله، بس أنت ذكى، ياريت تقوم تقول حاجة بس تكون فى مصلحتى.

أشفق عليها القرد فقام وحيا الحاكم بأحسن ما يكون وقال: يا جماعة اللى أعرفه أن الفلاسفة القدامى قالوا أن البلد بالنسبة للحاكم مثل البقرة بالنسبة للراعى، واللى أعرفه كمان أن الراعى لو كان عارف أن البقرة دى فى الأخر مش بتاعته، حيقعد يحلب فيها عمال على بطال، وحياخد خيرها له ولعياله، وقليل كما إن ما دبحهاش وقعد يمصمص عضمها هوه والعيال وأمهم. لكن لو الراعى حس أن البقرة دى ملكه، وإنها حتقعد لإبنه من بعده، أكيد حيقعد يعلفها ويكبرها ويسمنها ويراعيها ويحافظ عليها، فما رأيكم دام فضلكم ؟؟؟؟

أستوعبت (الحيوانات) الفكرة وأستمخوا قوى وصاحوا جميعاً

"خليها ملكى ياريس"

بس خلاص ... فبلاش وجع دماغ ....

ـ والله عندك حق، ماهو داروين قال الإنسان أصله قرد.

وإلى حوار أخر مع كتاب أخر بإذن الله......SADA

[Cleo]

معلش يا أخ صدى...

معلومة كدة عالماشى...

وأن اللى ترجمه للعربية نقلاً عن الفارسية هو عبدالله ابن المقفع،

معظم الباحثين اليومين دول يعتقدون أن كتاب كليلة و دمنة هو من مؤلفات عبد الله بن المقفع و ليس ترجماته و يعللون ذلك بأنه لم يكتشف حتى الآن النسخة الأصل لهذه الرواية لا فى الهند ولا فى فارس كما كان يعتقد... و أن هذا الكتاب كان اسقاطا للوضع فى الدولة العباسية فى ذلك الوقت و أن الفيلسوف بيدبا فى هذة الرواية ما هو إلا ابن المقفع نفسه و الملك شتربا هو الخليفة المنصور...

و كان هذا هو السبب الحقيقى فى إعدام ابن المقفع و اتهامه بالزندقه و قتله بطريقة بشعة جدا (كانوا يقطعون من جسده نسائر و هو حى و يحرقونها أمام عينيه...!!!!!!!!!!!!) لأنه اجترأ على نقد الخليفة..

[wa7d]

واللى أعرفه كمان أن الراعى لو كان عارف أن البقرة دى فى الأخر مش بتاعته، حيقعد يحلب فيها عمال على بطال، وحياخد خيرها له ولعياله، وقليل كما إن ما دبحهاش وقعد يمصمص عضمها هوه والعيال وأمهم. لكن لو الراعى حس أن البقرة دى ملكه، وإنها حتقعد لإبنه من بعده، أكيد حيقعد يعلفها ويكبرها ويسمنها ويراعيها ويحافظ عليها، فما رأيكم دام فضلكم ؟؟؟؟ 

ماهى دى المشكلة .. إن ماحدش حاسس إن ليه رأى ، ومادام الحكاية تحصيل حاصل يبأه لا رأيى ولا رأيك مهم ، وده من الآخر .

[وسام]

و كان هذا هو السبب الحقيقى فى إعدام ابن المقفع و اتهامه بالزندقه و قتله بطريقة بشعة جدا (كانوا يقطعون من جسده نسائر و هو حى و يحرقونها أمام عينيه...!!!!!!!!!!!!) لأنه اجترأ على نقد الخليفة..

يا ساتر :shock:

جبتى الكلام دة منين يا كليو :cry:

[Taher Deyaa]

"

وقف الثعبان على ذيله وقال بفحيحه الخبيث : أنا موافق بس اللى أعرفه أن نظام أى دولة منذ تأسيس الدول، هو إما جمهورى أو ملكى (إمبراطورى وأميرى هوه نفسه الملكى)، وأنا شايف أنه ضرورى نتفق على الموضوع ده من الأول.

من أعلى الشجرة رد الخفاش قائلاً (حيوان برضه وله كيانه) : يا جماعة أنا متفرقش معايا الحكاية دى، أن راجل معايشى كلها فى الضلمة (بالليل يعنى)، وعلشان كده شكل الحكم ما يقلقنيش.

من أخر القعدة زعق الحمار بصوته المنكر وقال : فى الواقع أنا مش فاهم قوى أنتو بتتكلموا على إيه، لكن أنا يهمنى قوى أن النظام يبقى جمهورى علشان بأسمع أن فى النظام ده الحاكم بيتغير كل كم سنة، وبكده نضمن أن الحاكم اللى مش حيشوف مصالحنا، نغيره ونجيب غيره. (ما هوه حمار بقى).

همست البقرة  فى أذن القرد الجالس بجوارها وقالت له : أنا مش فاهمة حاجة من ده كله، بس أنت ذكى، ياريت تقوم تقول حاجة بس تكون فى مصلحتى.

......SADA

يا ريت الاخ صدى يفهمنا

فين خبث التعبان فيما طلب

و هل مطلب الحمار مشروع ولا لاء

شكرا لكليو على معلومتك

لانها فادتنى على كل الاحوال

[Cleo]

و كان هذا هو السبب الحقيقى فى إعدام ابن المقفع و اتهامه بالزندقه و قتله بطريقة بشعة جدا (كانوا يقطعون من جسده نسائر و هو حى و يحرقونها أمام عينيه...!!!!!!!!!!!!) لأنه اجترأ على نقد الخليفة..

يا ساتر :shock:

جبتى الكلام دة منين يا كليو :cry:

شرح طريقة الإعدام من كتاب "مسرور السياف و أخوانه" للكاتب الكبير جمال بدوى... و هذا الكتاب يحكى الأهوال عن الديكتاتورية فى الشرق.. كتاب بيحكى إيه يا وس... بلاااااااااااوى... شئ فعلا رهيب ..

أما حكاية إن ابن المقفع هو المؤلف فدى نظرية بدأت تنتشر فى الأوساط الأدبية بشدة حتى أن حكاية الترجمة دى تراجعت تماما وكل الترويج الآن لفكرة إن الكتاب أصلى بالفعل و أنه من مؤلفات ابن المقفع

[الطفشان]

و كان هذا هو السبب الحقيقى فى إعدام ابن المقفع و اتهامه بالزندقه و قتله بطريقة بشعة جدا (كانوا يقطعون من جسده نسائر و هو حى و يحرقونها أمام عينيه...!!!!!!!!!!!!) لأنه اجترأ على نقد الخليفة..

يا ساتر :shock:

جبتى الكلام دة منين يا كليو :cry:

شرح طريقة الإعدام من كتاب "مسرور السياف و أخوانه" للكاتب الكبير جمال بدوى... و هذا الكتاب يحكى الأهوال عن الديكتاتورية فى الشرق.. كتاب بيحكى إيه يا وس... بلاااااااااااوى... شئ فعلا رهيب ..

أما حكاية إن ابن المقفع هو المؤلف فدى نظرية بدأت تنتشر فى الأوساط الأدبية بشدة حتى أن حكاية الترجمة دى تراجعت تماما وكل الترويج الآن لفكرة إن الكتاب أصلى بالفعل و أنه من مؤلفات ابن المقفع

انا قريت نفس الكلام قريب على الانترنت

من كتاب المنتظم في تاريخ الملوك و الامم لابي الفرج بن الجوزي

(حوالي منتصف الصفحة)

http://www.al-eman.com/Islamlib/viewchp.as...?BID=179&CID=94

و في كتاب صيد الخاطر لابن الجوزي ايضا

http://www.al-eman.com/Islamlib/viewchp.as...?BID=188&CID=14

قال:

وقد ذكر أبو المعالي الجويني في أواخر كتاب الشامل في الأصول قال‏:‏ قد ذكرت طائفة من الثقات المعتنين بالبحث عن البواطن أن الحلاج والجبائي القرمطي وابن المقفع تواصل على قلب الدول وإفساد المملكة واستعطاف القلوب وارتياد كل منهم قطراً فقطن الجبائي في الأحسا وتوغل ابن المقفع في أطراف بلاد الترك وقطن الحلاج ببغداد فحكم عليه صاحباه بالهلكة والقصور عن بلوغ الأمنية لبعد أهل بغداد عن الانخداع وتوفر فطنتهم وصدق فراستهم‏.‏  

قلت‏:‏ ولو أن هذا الرجل أو من حكى عنه عرف التاريخ لعلم أن الحلاج لم يدرك ابن المقفع فإن ابن المقفع أمر بقتله المنصور فقتل في سنة أربع وأربعين ومائة‏.‏  

وأبو سعيد الجبائي القرمطي ظهر إلى سنة ست وثمانين ومائتين‏.‏  

والحلاج قتل سنة تسع وثلاثمائة‏.‏  

فزمان القرمطي والحلاج متقاربان فأما ابن المقفع فكلا‏.‏  

فينبغي لكل ذي علم أن يلم بباقي العلوم فيطالع منها طرفاً إذ لكل علم بعلم تعلق‏.‏  

وأقبح بمحدث يسأل عن حادثة فلا يدري وقد شغله منها جمع طرق الأحاديث‏.‏  

وقبيح بالفقيه أن يقال له‏:‏ ما معنى قول رسول الله صلى الله عليه وسلم كذا فلا يدري صحة الحديث ولا معناه‏.

و ايضا على اسلام اون لاين

http://www.islam-online.net/iol-arabic/dow...mashaheer-0.asp

[وسام]

ما شاء الله الاخوة هنا مهتمين بمعرفة كافة وسائل التعذيب :D

ربنا يستر

الطفشان اشكرك المواقع اللى حطتها دسمة فعلا :cry:

[Cleo]

ما شاء الله الاخوة هنا مهتمين بمعرفة كافة وسائل التعذيب :D  

ربنا يستر

الطفشان اشكرك المواقع اللى حطتها  دسمة فعلا :cry:

أص احنا يا ستات المعلومات دى مهمة جدا بالنسبة لنا... والكتب المختصة فى هذه المواضيع هى أهم جزء فى الجهاز .... :twisted: :twisted:

[ragab2]

تم تغيير العنوان

من ..

يا نهار مش فايت ... هوه حد قال إن الإنسان أصله قرد ؟!

الى ..

حوارات من كليلة ودمنة

ويرجى اختيار العناوين وصيغتها باسلوب مناسب وراقى بعيدا عن الاسفاف اللغوى

والبعد عن تعابير يلهوى وينهار مش فايت

رجب

[هشام عبد الوهاب]

هذه المداخلةللاستاذ

"بسم الله الرحمن الرحيم"

على فكرة .... منذ أن أخذ الأسد موافقة الحيوانات، أصبح "الإنسان" يطلق عليها أسم "المملكة الحيوانية".

دى وجهة نظر مش حوار.

وإلى اللقاء بإذن الله ...... SADA