مصر اجمل بلد فى الدنيا

[sherifwagdy]

عن تجربه شخصيه انا اعمل فى دوله خليجيه وكنت قررت انى لازم اقضى كل سنه على الاقل اسبوع فى بلد مختلفة رحت قبرص وتركيا وايطاليا ومالطا وتايلند وليون بس صدقونى لما قررت مره انزل اسبوع الغردقة واسبوع تانى شرم الشيخ بصراحه شفت جمال عمرى عمرى ما شفته فى اى بلد تانيه وعشت احلى ايام اجازه فيهم ما بالك بقه لو واحد مبسوط ومعاه فلوس ومستريح فى مصر او عنده دخل ثابت فى مصر يبقى مش محتاج يسافر هنا ولا هناك انا عايز اقولك حاجه مصر فيها كل حاجه ممكن تحتاجها بره بس الى معاه فلوس وشكرا

[مونتى]

بس اللى معاه فلوس

شكرا

عاشق بلدى :egyflag:

[Handicraft]

آسف .... تعليق خارج الموضوع

الدنيا وليست "الدونيا" كما هو مكتوب فى العنوان

[afreet]

كلامك صحيح بالقطع ولكن هذا يرجع الى نوع الاجازة التى تريدها فاذا اردت شواطىء فبالتاكيد الغردقه وشرم الشيخ وازيد عليها سفاجه والسخنه افضل من اى شاطىء فى تركيا او قبرص بل ازيدك انه يمكنك قضاء الاجازة بالبمبلغ الذى تريد فكما يوجد شيراتون وماريوت يوجد ايضا تايم شير وشقق مفروشه وكل ماتريد بكل الاسعار

وهى بالتاكيد افضل وارخص من اى مكان اخر وحاليا يوجد بها كل وسائل الرفاهيه التى يمكنك تخيلها والتى لا تحلم بها

ولكنها كاى مكان اخر لكل شىء ثمنه وان كانت الافضل والارخص

[Death Zone]

انا بحب مصر جدا ... بس ناوي اهاجر لكندا ل شوية اسباب .. مش وقتو , انا تخيلت نفسي برة مصر و يجد حسيت انها وحشتني اوي واللة كنت هعيط .. و الصور الي انا هحطها دي ل اخوانتا الي برة .. بصو مصر بقت ازاي .... واللة مش قصدي اتعبكم

[Alex Lover]

مصر جميلة وطبعا انتو عارفين ان ده رأيي من زمان .... بس هي عايزة مننا بعض الاهتمام ... ربنا يقدرنا

[seeem]

بس اللى معاه فلوس

مصر انبسط فيها وبس

[amrhoras]

انتو مالكم ضيقتوها للى معاه فلوس كدى ليه

مش لازم شرم الشيخ او الغردقة انا عن نفسي عشت فى الغردقة 6 شهور واسكندرية شهر ونص حسيت بدفء اسكندرية عن الغردقة مش عارف ليه بالعكس اسكندرية اجمل داخليا وخارجيا اما الغردقة مش بشوف الا الظاهر فقط لا غير واسألونى عن الباطن .....!

الفلوس عمرها ماكانت مشكلة حتى لو انت وهى من قرية ممكن تشوفوا جمال بلدكم

لو انتو من اى منطقة فى مصر ومش معاكم فلوس ممكن تتمتعوا ببلدكم كفاية ان العيشة وسط اهلك واصحابك دى اجمل حياه

اللى معاه فلوس عمره مايشترى السعادة واللى ممعاهوش مش سعيد اغلب الوقت

فالاتنين يتلاقو عند نقطة الا وهى عدم الرضا او عدم الشعور بالسعاده لذلك اخرجوا من وهم الللى معاه فلوس وانظروا نظره اعمق من كدى

حسوا بجمال البلد فى كل مكان وليس مكان محدد مكتوب عليه للاغنياء فقط

ارجو وجهة نظرى تكون وصلت ......

شكرا

[medhat selim]

مصر هتفضل مهما كان أم الدنيا

[Alex Lover]

امال لو شفتو بورتو مارينا والسياح هيتجننو عليه

[kokomen]

امال لو شفتو بورتو مارينا والسياح هيتجننو عليه

فعلا بورتو مارينا قطعة فنية رائعة داخل مارينا العلمين

وكمان منطقة فينسيا وبها ممرات مائية حول الفيلات

مناظر رائعة ..إنبهر بها أصدقاء لنا من أمريكا وأوروبا

وذكروا لنا أنه لايوجد مثيل لها في بلدانهم وهذه شهادة منهم

وكمان منطقة ملاعب الجولف العالمية التي إقيمت في الجهة المقابلة لمارينا

عمار يا مصر يا أجمل مكان في الدنيا

:blink:

[أبو مروان]

طبعا مصر جميلة مافيش كلام .... ولكن السؤال هو هل نحن نحافظ على هذا الجمال كمصريين ؟ هل نحن نحاول تلميع هذا الجوهر و ايصال بريقه للعالم كله؟ هل نحن كمصريين نقدر قيمة هذه النعمة و العمل على تطويرها و تعميق تاثيرها فى كل من يزورنا ؟

وهل ... وهل ... وهل ؟

و شكرا

اخوكم

أبو مروان

[amrhoras]

امال لو شفتو بورتو مارينا والسياح هيتجننو عليه

فعلا بورتو مارينا قطعة فنية رائعة داخل مارينا العلمين

وكمان منطقة فينسيا وبها ممرات مائية حول الفيلات

مناظر رائعة ..إنبهر بها أصدقاء لنا من أمريكا وأوروبا

وذكروا لنا أنه لايوجد مثيل لها في بلدانهم وهذه شهادة منهم

وكمان منطقة ملاعب الجولف العالمية التي إقيمت في الجهة المقابلة لمارينا

عمار يا مصر يا أجمل مكان في الدنيا

:blink:

ياحلو انت ياحلو والله انت راجل جميل تصدق ان الواحد يحب اسكندرية منك لو كان اهلها طيبين كدى

بس حد فيكم قعد على المنتزه بعيد عن مرينا انا اجمل لحظة شوفتها لحظتين 5صباحا لما الفجر يطلع كدى والنور يبدا يطل ع البحر والشمس تفرش اشغتها الجميله اعتقد انها مش تلاقوها ف كل حته

اللحظة التانية لما لمت الاشعة بتعتها من الدنيا ونزلت ف المبه وقالت تش

والله بتكلم جد منظر البحر يجنن خصوصا والناس ماشبه جميله اوى مصر والله