مسلسل الأراجوز

[دكتور عادل الليثي]

المنظر الخارجي : قرية نائية من قرى محافظة المونولية

المنظر الداخلي : دوار العمدة

يصرخ الغفير الحارس لمكتب العمدة إيذانا بوصول شيخ البلد

شييييييييخ البلدددد عااااااكف عووووووبيط

يزلف شيخ البلد إلى مكتب العمدة

- السلام عليكم

- أدخل ياعاكف

- صباح الخير ياحضرة العمدة .... قصدي ياريس .... لأ .... المهم

- عاكف يا عارف ، قصدي عارف يا عاكف .. أنا جايبك ليه على ملى وشك كده عالصبح ....

- خير يابيه ..... قصدي ياباشا ...... لأ ...... المهم

- الواد جلال ابني ....

- ماله... عيان كفا الشر ..... بس أنا مانفعش ... أنا مش دكتور

- دكتور إيه وبتاع إيه ..... إسمعني بس .... الواد طالعا في دماغه يمسك العمدية من بعدي

- طب وإيه المشكلة .... خير خلف لخير سلف

- يا عاكف انتا مش فاهم حاجة ..... مش هي دي المشكلة

- إمال إيه يا يا يا ...... باشا

- الناس..... الناس ياعاكف.... بيقولوا إني عاوز أقلبها ملكية .. قصدي وراثية ... لأ ..... المهم ...

- إنت اتعديت مني واللا إيه ... ياسعادة البيه ... قصدي يا سعادة الباشا .... وهي دي مشكلة

- إمال إيه .... دبرني ياوزير .... قصدي .... المهم

- دا حتى هو أنسب واحد .... شارب الصنعة من أبوه ..... وكل صنعة ولها أسرار .... ميعرفهاش غير إللي عاش واتربا في مطبخها

- مطبخ إيه يا عاكف .... إحنا هانقشر بصل .... إيه الريحة دي .... قصدي إيه الكلام ده ... وماله جلال ابني .... مافوهوش حاجة تتعيب ...

- طبعا يازعيم .... قصدي يا ملك ... لأ .... المهم .... دا حتى شكل سعادتك الخالق الناطق .... وعنده نفس الخنفة في الكلام ... قصدي البحة ... لأ ... المهم ....

- إنت هاتقعد تلت وتعجن في الكلام .... خش في الموضوع

- زروت الخفيف

- ماله زروت

- الراجل ده زي ما سعادنك عارف كثير الكلام ... ودايما يلف في البلد ويقعد وسط الناس .. ويقرالهم الجرانين ... مانت عارف مبيعرفوش يقروا ... ويكلمهم في السياسة

- وبعدين .... هاجيبوا يقرالي الجرانين أنا كمان ..

- ماقصدش

- إمال إيه إتكلم بسرعة.... ما تبقاش بطئ ....

- إحنا نألف حكاية ... ونخلي زروت يلف عالناس ويقولها ... تقوم الناس تفهم إن جلال ابنك هايجبلهم الخير والسعادة ... يقوموا هما اللي يطلبوه

- يابن الإيه ....... طب وإيه هيا الحكاية ؟

وإلى اللقاء في الحلقة القادمة

[دكتور عادل الليثي]

إلى اللقاء في الحلقة القادمة

[Cleo]

تحفاااااااااااااااااااةةةةةةةة

:lol: :lol: :lol: :D :D :D :D :D :D :D :D :D :D :D :D

[Khiber]

ممكن أكملها

منقوله

علياء وجلال أولاد حضره العمده ـ عمده عزبه كفر مصراسيستان ـ

--------------------------------------------

عاكف: يا باشا إلحق إفتح التلا فزيون ـ هو نطقها كده ـ

العمده: إيه خير ياعاكف

عاكف: بنتك علياء فى البرنامج بتاع إسمه إيه ده القراداحى

العمده: طب إفتح كده ياله وورينى

جورج: من هو أسواء رئيس حا كم عزبه كفر مصراسيستان

1) حماده النجيبى 2) جمال الناصرى

3) أنوار الساداتى 4) حسين المباركى

علياء: انا فاضلي وسيلة مساعدة

جورج: نعم ....... الأتصال بصديق

علياء: خلاص أتصل بجلال

جلال: الو

علياء: ايوه يا جلال انا في السؤال المليون و محتاج مساعدتك

جلال: قول السؤال

علياء: من هو أسواء رئيس حا كم عزبه كفر مصراسيستان

1) حماده النجيبى 2) جمال الناصرى

3) أنوار الساداتى 4) حسين المباركى

جلال: عيب أوي يا علياء تخسرى ابوكى علشان مليون ريال

[دكتور عادل الليثي]

شكرا عزيزتي الذواقة كيلو :idea: :idea: :idea:

وملعوبة أخي خيبر :lol: :lol: :lol:

[دكتور عادل الليثي]

الحلقة الثانية

- إحنا نألف حكاية ... ونخلي زروت يلف عالناس ويقولها ... تقوم الناس تفهم إن جلال ابنك هايجبلهم الخير والسعادة ... يقوموا هما اللي يطلبوه

- يابن الإيه .... طب وإيه هيا الحكاية ؟

- هيا طبعا مش حكاية بالظبط ... هيا حدوتة كبيرة

- إنتا هاتلخبطني ... مرة حكاية ومرة حدوته... ماهيا الحكاية هيا الحدوته

- عموما ياعمدة .... قصدي ... المهم ... سيبني كام يوم وانا حارتب العملية

- بس ما تتأخرش

- حاضر يابيه ... قصدي ...المهم

يلتقي شيخ البلد مع زروت الخفيف لبحث الأمر

- فهمت يا زروت ...... هيا دي كل الحكاية

- دي حاجة سهلة خالص يا سعادة البيه

- سهلة ازاي يعني

- العالم عندنا ولا مؤاخذة يا سعادة البيه عبط وعلى نياتهم

- يعني هايصدقوا الحدوته

- يصدقوها .... ما يصدقوهاش ليه ... بس هما في نفس الوقت خبثا وملاعين ... ولا مؤاخذة يا سعادة البيه ماتعرفش مخبيين إيه ....

- حيرتني يا زروت ... هما خبثا ولا طيبين

- لا مؤاخذه من دا على دا يا سعادة البيه

- لا مؤاخذه لا مؤاخذه .... المهم .... هانعمل إيه

- سيبني يا سعادة البيه ولا مؤاخذه كده حسبة كام يوم وانا هاطقس كده وقولك عالبير وغطاه .... بس على شرط

- شرط .... شرط إيه يا زروت

- أروح معاك للعمدة

وإلى اللقاء في الحلقة القادمة

[دكتور عادل الليثي]

وإلى اللقاء في الحلقة القادمة

[دكتور عادل الليثي]

الحلقة الثالثة

- لا مؤاخذه لا مؤاخذه .... المهم .... هانعمل إيه

- سيبني يا سعادة البيه ولا مؤاخذه كده حسبة كام يوم وانا هاطقس كده وقولك عالبير وغطاه .... بس على شرط

- شرط .... شرط إيه يا زروت

- أروح معاك للعمدة

في نفس اليوم وفي المساء قرر زروت الخفيف التوجه إلى غرزة على الخرزاتي المجاورة لمحطة السكة الحديد حيث يتجمع الفلاحون هناك لشرب الشاي وتدخين المعسل ، ولكن وهو في طريقه إلى هناك مر على مقهى محمد الناظر الكائنة على الزراعية الشرقية ، فترامى إلى أسماعه ضجيج وصياح مرتادي المقهى من الشباب ، فاقترب من المقهى ، فوجد عددا لا بأس به من الشباب متجمع هناك ، يلعبون الدومينو والكوتشينة والشطرنج ويتناقشون بصوت عال كما لو كانوا على وشك الدخول في معركة حقيقية ، فقرر أن يمر أولا على المقهى لاستطلاع الأمر ، وعنما دخل من باب المقهى تصايح الشباب مرحبين به داعينه للجلوس طالبين منه أن يقص عليهم آخر أخبار البلد ،

فهو معروف لدي معظم سكان القرية أنه عبارة عن وكالة أنباء متنقلة ، ولديه حاسة سادسة تجعله دائما في المكان المناسب لمعرفة أخبار الناس ، بالإضافة أن معلوماته المسبقة تجعله يتوقع الأحداث قبل وقوعها ،

زروت ينفرد بوحيد المندوه ، طالب منتسب بكلية الآداب قسم التاريخ ويعمل في نفس الوقت موظف بمصلحة البريد ، ويقود فريق كرة القدم في القرية ويتمتع بكاريزما عالية وتأثير كبير على شباب القرية ،

- إيه يا وحيد انت مش ناوي تتأهل... وتبطل الصرمحة

- ليه ... عندك عروسة

- أنا اللي هادورلك على عروسة بردو

- إمال إيه .... خش في الموضوع

- بقولك إيه .. إيه رأيك في الواد جلال ابن العمدة

- جلال .... واد خرع طبعا

- خرع

- دي عالم يابا متعودة عاللقمة الطرية... هما دول عيال فيهم رجا

- يا وحيد احنا بنكلم عالهوا ... محدش هايفهم... فيهم رجا دي

- يعني بالعربي عيال مدلعة ... ما شافتش اللي احنا شوفناه

- طيب .... جلال عاوز يقابلك

- يقابلني .... عشان إيه

- عاوز يساعد فريق الكورة

- الله .... وكان فين من زمان .... ياعم احنا مش محتاجين مساعدة من حد

- بقى حد يجيله الخير لحد عنده .... ويرفضه

- عاوز يساعدنا يعني إيه

- كل اللي انتو عاوزينه ... الملعب واللبس ... والكور ... أنا عارف

- وإيه تاني

- إيه ... إنت عاوز تنهب

- لأ .... لو عاوز يساعدنا بجد ..... كل واحد في الفريق عاوز شقة

- مرة واحدة

- آهو ياخويا مش عارف يعمل إيه بالفلوس

- عموما أكلمه

- لكن قلي .... وكل ده مقابل إيه

وإلى اللقاء في الحلقة القادمة

[freefreer]

:D :D :D :D :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: