نانو حمدالله ع السلامة نورتى بيتك ومطرحك !!!

[badroora]

اليوم كدا بالصدفة لاحظت شيء غريب فى المنتدى نور زيادة حاجة مباركة مادرى المهم طبيعة شغلى علمتنى لازم اكون دقيقة وشديدة الملاحظة

قومت ضربت بعينيى لاقيت اسم صغنون نانو قولت اصل مش تكون نانو بتاعتنا ويطلع شكلى وحش

وبعديش تاكدت ولاقيتها نانو الغالية

اولا كل سنه وانتى طيب ورمضان كريم

ثانيا حمدالله ع السلامة

ثالثا مش تغيبي تانى

رابعا نورتينا بجد انا لا تربطنى بكي علاقة مباشرة ولكن سعدت كتير برجوعك لنا

واتمنى كل الاخوة الافاضل يرجعوا بالسلامة

تهنئة العودة مقدمة من مكتب المحاورات للافراح وليالى الملاح

قائي مقام الجنرال ابو احمد الاسكندراى

الكونت أرسين لوبين السوبر

والشاب الطيار المصري

والفقيرة الى الله نجفة

دى بقي منى اقبليها

نجفة وهى ضغنونه :rolleyes:

تم تعديل 22 سبتمبر 2007 بواسطة نجفة المغرورة

[الطيار المصرى]

يا نهااااااااااااااار ابيض....نورتينا يا نانو...

وحشانا و حشانا وحشانا...

و كل سنة و انتي طيبة و رمضان كريم...

و ماتبقيش تطوللي الغيبة اوي كده...

تحياتي...

الطيار المصري

[shahd]

نانو يا سكرة الف حمدلله على السلامة :rolleyes:

[Ahmad Farahat]

الأستاذة نانو

أو الحاجة نانو

حمدا لله على سلامتك

غيبة طويييييييييييييييييييييييييييييلة تجاوزت حدها بصحيح

لكننا نحمد الله على رؤيتك ونود أن نراكي بيننا على الدوام

بالمناسبة

ياريت نجفة تفتكر إنها برضه سوبر

أرسين

[نانو]

الغاليه نجفه

الله يسلمك يارب

ربنا يكرمك علي ذوقك وقلبك الابيض اللي بيخليكي تحبي الناس ولو معرفتك قليله بيهم :rolleyes:

الطيار المصري

وانت طيب وبخير والله الله اكرم.... انتوا اللي وحشتوني اكتر :rolleyes:

شهد المنتدي

الله يسلمك حبيتي و يكرمك علي مساعدتك cr((:

ارسين لوبين

الشاعر الجميل المتمرد :blush2: .... الله يسلمك يارب ولو محتار حاجه نانو ولا استاذه نانو يبقي خليها دكتوره نانو و كده تبقي مضبوطه

ومهما غيبنا مسيرنا نرجع لوطنا

[Salwa]

شئ طبيعى يانانو ان فى الايام المباركة اللى احنا فيها لازم ترجعى بيت العيلة .....صح؟؟

الف حمدلله على سلامتك ..ويارب دايما منورة .

كل عام وانتم جميعا بألف خير ...

[إبن مصر]

د.نانو ( انت الى طلبتى التايتل ده )

ترحيبى سأوجله حتى ارى حروفك وكلماتك فى مواضيع المحاورات...وليس هنا فقط..

حينها سأرحب بك من قلبى .. كما اريد ان افعل الان .

وقبلها .. انت مازلت زائره.. فادخلى الى بيتك.. واستعيدى مكانك..

رتبى افكارك.. اخرجى قلمك ومبراتك واوراقك.. سمى باسم الله واستعيدى رونقك وحروفك ومواضيعك.

فمكانك لم يملأه احد.

و حتى ذلك الوقت مرحبا بك.

[نانو]

أمي الغاليه سلوي .. :lol:

اللله يسلمك يارب وكل وسنه وكلنا بخير ...... و اكيد مهما بعدنا مش ممكن نستغني عن بيت العيله

أستاذنا أحمد محمود

اشكرك من كل قلبي علي ترحيبك ومجاملتك الرقيقه .... وبالفعل أنا أعددت أقلامي وأوراقي ولكن مازالت حروفي تائهه

أعدك حين أجدها ...سأخطها فورا

[رمضان]

حمد الله على السلامة يا نانو نورتي من جديد واهلا بيكي معانا من تاني