هل توافق على الغاء شرط التميّز من قانون اشهار الأحزاب؟

[disappointed]

شرط التميّز لبرامج الأحزاب الذى تنتهجه لجنة اقرار الأحزاب بمجلس الشورى فى قانون الأحزاب هو شرط يراه البعض منظّما لطلبات انشاء واشهار أحزاب سياسيّه حتّى لاتعج الساحة السياسيّه بأحزاب متشابهة الأهداف والتوجّه بينما يراه البعض مقيّدا لانشاء واشهار أحزاب جديده.

فما هو رأيك؟؟؟؟

[Proud Muslim]

طبعا لا .

هي ناقصة كمان تشابه .

أنا سألت سؤال في هذا المنتدى و لم اجد اجابة .

ما هو الفرق بين تلك التجمعات التي تسمى أحزاب ؟؟

ناصري ..تجمع ..احرار .. عمل ..ديموقراطي .. وفد ..!!!

الغاء القانون سيكون بمثابة تصريح بعمل نسخ من كل حزب , و بالطبع كل حزب سيتفرق الى عشرة احزاب متشابهة تماما مع اختلاف القيادات , لأن الشعب بيموت في الرياسة و المناظر .

[ابو حلاوه]

شرط التميّز لبرامج الأحزاب الذى تنتهجه لجنة اقرار الأحزاب بمجلس الشورى فى قانون الأحزاب هو شرط يراه البعض منظّما لطلبات انشاء واشهار أحزاب سياسيّه حتّى لاتعج الساحة السياسيّه بأحزاب متشابهة الأهداف والتوجّه بينما يراه البعض مقيّدا لانشاء واشهار أحزاب جديده

و الله يا اخ محبط انا عندي حل احسن من كده خالص...

احنا نلغي قانون الاحزاب و نلغي الدعم من الاحزاب علشان ما يبقاش الموضوع استرزاق و اكل عيش

و اللي عايز يعمل حزب يعمله... و ان شالله يبقي فيه الف حزب ايه المشكلة ... بشرط انه يبقي حزب يعني ما يقومش علي عصبية و لا قبلية

و المية بتكدب الغطاس ... ييقب ييطب

[Mohammad Abouzied]

و الله يا اخ محبط انا عندي حل احسن من كده خالص... 

احنا نلغي قانون الاحزاب و نلغي الدعم من الاحزاب علشان ما يبقاش الموضوع استرزاق و اكل عيش 

و اللي عايز يعمل حزب يعمله... و ان شالله يبقي فيه الف حزب ايه المشكلة ... بشرط انه يبقي حزب يعني ما يقومش علي عصبية و لا قبلية 

و المية بتكدب الغطاس ... ييقب ييطب 

والناس تاكل منين يعني :? :? :? :?

[الطفشان]

ككل شئ في بلدنا، قد يكون كلمة حق اريد بها باطل

يعني تلكيكة عشان فلان ما يعملش حزب نقول ماهو في حزب تاني زيه اهوه

ما يكون فيه عشرميت حزب؟ ايه المشكلة؟

الناس هي اللي تختار

و الا حنرجع لايام مكتب ايديال و ثلاجة ايديال و بس؟

[Sayyeda Abouzied]

و الا حنرجع لايام مكتب ايديال و ثلاجة ايديال و بس؟

 

 

متفكرنيش بالثلاجة الايديال

حسافة على الي دفعته فيها

اهو انا مخزنة فيها الكتب بتاعت محمد

[Sayyeda Abouzied]

هل توافق على الغاء شرط التميّز من قانون اشهار الأحزاب؟

ما هو المقصود بالتميز

ولو كانت الميزة ضد الحكومة مثلا حزب الاصلاح ومحاربة الفساد

او حزب مقاومة تزوير الانتخبات وتغير مصير الشعب

او حزب مناهضة الموأمرة الكبرى مثلا

ممكن تعتبر مميزات او ترفض مع انها مميزة فعلا

على فكرة انا لم اصوت في هذا الاستفتاء لاني سمعت ان استفتاءات المنتدى الحكومة بتزورها وحاسة ان فيه مؤامرة في الموضوع علشان كدا انا هاقاطع الاستفتاءات خاصة انا كمان مابنتخبش في مجلس الشعب ثم انا معنديش بطاقة انتخاب

[Elham]

معلش جايز اكون متشائمه شويه :? :? :? بس ايه الميزه من تعدد الاحزاب اذا كان النتيجه معروفه سابقا :( :( :(

[الطفشان]

متفكرنيش بالثلاجة الايديال 

حسافة على الي دفعته فيها 

اهو انا مخزنة فيها الكتب بتاعت محمد

شفتي بقى بتعيش كثير ازاي، و لها فوايد متعددة؟

[الطفشان]

معلش جايز اكون متشائمه شويه :?  :?  :?  بس ايه الميزه من تعدد الاحزاب اذا كان النتيجه معروفه سابقا :(  :(  :(

ملحوظة مهمة

و هي موضوع الفجوة الرهيبة بين النظرية و التطبيق في بلدنا

انا جاوبت بنعم، و السبب ان لا يكون هذا ثغرة

اما بالنسبة لتعدد الاحزاب، فهو مفيد

حتى لو عدد كبير

لان حيبقى في منافسة، و الناس تختار من خيارات كثيرة

و مع الوقت الموضوع بيضبط نفسه و الاحزاب اللي مالهاش اقبال حتقفل

يعني تبقى عرض و طلب

باستثناء الدعم الحكومي، اللي حيكون هدف و غاية من فتح احزاب

و لكن في المقابل عندك النقيض التاني هنا في امريكا، و هو ان التمويل كله خاص و بتقوم به الشركات الكبيرة و اللوبيات السياسية، و طبعا لمصالحها

فالحل بين الاثنين لتمويل الاحزاب

مثلا من اشتراكات الاعضاء

[Al 7aZeeN]

لجنة شئون الأحزاب ترفض تأسيس حزب جديد (2003-01-06 04:36)

رفضت لجنة شئون الأحزاب السياسية اليوم الاثنين الطلب المقدم من السيد أحمد عبد الهادى بتأسيس حزب باسم (حزب شباب مصر) وكانت اللجنة اجتمعت برئاسة الدكتور مصطفي كمال حلمى رئيس اللجنة رئيس مجلس الشورى وعضوية وزراء العدل والداخلية وشئون مجلسي الشعب والشورى والرؤساء السابقين لهيئة النيابة الإدارية ومحكمة استئناف القاهرة ومجلس الدولة للنظر في شأن هذا الطلب

http://news.masrawy.com/masrawynews/060120.../115015news.htm

[الطفشان]

حزب باسم (حزب شباب مصر)

اسمه ايه؟ :) :) :)

نعم يا خويا؟ :) :) :)

شباب؟

حد يعمل حزب بالاسم دة و في الوقت دة؟

[Elham]

altafshan wrote

اما بالنسبة لتعدد الاحزاب، فهو مفيد 

حتى لو عدد كبير 

لان حيبقى في منافسة، و الناس تختار من خيارات كثيرة 

و مع الوقت الموضوع بيضبط نفسه و الاحزاب اللي مالهاش اقبال حتقفل 

يعني تبقى عرض و طلب

يا اخ طفشان الظاهر انت بقالك كتير ما حضرتيش الانخابات فى مصر فالانتخابات الاخيره كانت مهزله بمعنى الكلمه :) :) , قعدوا يعملوا اعلانات فى التليفزيون كل شويه روحوا انتخبوا روحوا انتخبوا و ساعه الانتخابات منعوا الناس بالقوه انها تدخل الدوائر التابعين :mad: :mad: لها يعنى فين بقى حريه الاختيار. :? :? :? :?

[Elham]

العكس بقى بيحصل هنا فى امريكا فمثلا الانتخابات الاخيره كانوا عاملين ايام قبل ميعاد الانتخابات الفعليه للناس اللى عاوزه تنتخب بدرى شويه لانهم مسافرين مثلا فى يوم الانتخابات يعنى كل صوت هنا مهم مش بيمنعوا الناس اللى مفضيه نفسها و ريحه تنتخب :? :?