واقعة غريبة من موسوعة الفساد .. لوزارة الخراب والكساد

[achnaton]

[size=18] خلاص كرهت الحياة وأود من أعماقى الا يطول عمرى أكثر من ذلك لأرى وطنى الحبيب وابنائه يمدون يدهم من بئر الديون يستجدون المعونة .. فعندما ترتفع الديون المحلية لحكومة الخراب والكساد الى 234 مليار جنيه حسب مانشيت جريدة الوفد النعمانى اليوم .. وتبلغ مصروفات خدمة الديون 901 مليون دولار .. لا نجد سوى تعليق واحد .. منكم لله يا ولاد الأبالسة .. خربتم البلد .. فيه حد يصدف إنه رغم هذا الهم التقيل بصدر أمين حزب الحكومة ووزير اعلام النفاق والرشوة والفساد قرار وزارى بتعيين " جدو رضا " رئيس مكتب هيئة الإستعلامات السابق فى برلين بعد أن مدوا له خدمته بعد إحالته الى المعاش منذ أربع سنوات أكثر من مرة وقغد فى الخدمة بعد المعاش فى برلين اربع سنوات وبعد رجاءات كثيرة من السفارة أنهوا خدمته .. يصدر له قرار فريد فى توعه .. يعينه ممثلا للتلفزيون والأذاعة المصرية فى برلين بمرتب يقارب ال خمسة آلاف دولار شهريا وبعيده الى مكتبه فى برلين .. ليه .. حا يجيب الديب من ديله .. ؟؟ رغم وجود مراسلة للتلفزيون ورئيس جديد لمكتب هيئة الإستعلامات ..

او سؤال واحد .. ليه .. ومنين حنصرف له مرتبه .. أنا مش قلت لكم قبل كده .. أنهم إغتالوا الضمير ؟؟

قولوا معايا لصفوت بيه .. حرام والله .. مرتب هذا الموظف فى الوطيفة الجديدة المختلقة .. يكفى عشرا ت العاطلين فى مصر لفتح بيوتهم والصرف على أولادهم ..

مش معايا حق حينما أتمنى الرحيل .. ؟؟؟ ولا رأيكم إيه

مع تحيات اخناتون المنيا

[Cleo]

أخى الفاضل أخناتون...

مرتب هذا الموظف فى الوطيفة الجديدة المختلقة .. يكفى عشرا ت العاطلين فى مصر لفتح بيوتهم والصرف على أولادهم .. 

مش معايا حق حينما أتمنى الرحيل .. ؟؟؟ ولا رأيكم إيه

اذا كنتا انت تتمنى الرحيل (ألف بعد الشر عليك) أمال عشرات الشباب العاطلين اللى مش لاقيين يفتحوا بيوت هنا يعملوا إيه؟؟؟

صلى على النبى و لا تبكى على "اللبن المسكوب".. :wink:

[ابو حلاوه]

في كلمة لاستاذنا طارق علي حسن ... مش هانساها ابدا يا استاذ اخناتون

قال ان الفريق لما بيبقي مكون معظمة من المتخلفين عقليا و المعوقين ....و فيه شوية اصحاء الشوية الاصحاء اللي فيه هما اللي بيخلوه يكمل الماتش

و مصر لو فيها لسه نفس .. سببه ان فيه لسه شوية اصحاء بيهاتوا و بيعافروا ان الاحوال ما تنحدرش اكثر مما هي عليه الان

فتخيل حضرتك لو ان الجماعة الاصحاء نقصوا و احد الوضع هيبقي ازاي

احنا محتاجينك يا استاذ اخناتون .... و مصر محتاجانا كلنا ....

[ragab2]

يااخناتون يا خويا

والنبى لتهدى نفسك وماتزعلش

عشان خاطرى وعشان صحتك

واعتبر ان احنا ضيوف عندهم

وكتر ألف خيرهم ان بيسبونا نتفرج عليهم مجانا وبدون ضريبة فرجة

[Faro]

موضعا واحدا إستهلك العديد من الصفحات وكان له رد فعل إيجابي وسلبي و الحذف كان مصيره ... لم أكن من المشاركين لإن تنصيب شخصا بعينه لن يضيرني بشئ طالما أن الفساد بدأ يتفشى فى المجتمع بطريقة وبائية وهذا أخطر من تنصيب , توريث أو إنتخاب ... فلماذا لانكرر النداء مرة أخرى ولكن تحت شعار .

[lالمطحون]

الركود الفظيع اللى فيه البلد ده لان نحن نحكم بمجموعه من الشباب فى ربيع العمر كلهم فى العقد الثامن والتاسع 0000وهما بعيدين تماما عن ان فى حاجه اسمها ناس هما لا يعرفون غير اللى موجودين الان معهم لان الزمن توقف من تلاتين اربعين سنه فلا نعتقد ان هناك اى تغيير ممكن ىحدث وفى النهايه هى سبوبه ومحدش ينفع يشاركهم فيها وكفايه كده