ماهى أجمل لحظة مررت بها فى حياتك؟؟؟

[amrhoras]

:lol: بعد الموضوع الباهر :wub: اللى حققته اختى Jenan

فبعد اذنها وطبعا بمشاركتها الرئيسية وطلبا منى لها ان تكون اول رد على هذا السؤال

ما هى اجمل لحظة مرت بحياتكم .

[jenan]

شكرا لك أخي عمرو على الموضوع

وشكرا جزيلا لك على الاشادة بموضوعي كلك ذوق

اجمل لحظات عمري التي مررت بها

حين أناجي ربي سبحانه وتعالى بكل صدق واخلاص وبخضوع وخشوع

اجمل لحظات عمري التي مررت بها

حين أتجنـب المعاصي وأفعل الطاعـات ولله الحمد والشكر

اجمل لحظات عمري التي مررت بها

عندما ارى كل من حولي سعداء وبصحة جيدة

يوجد لحظات كثيرة جميلة مررت بها لا استطيع ذكرها كلها الان

تحياتي لك أخي عمرو :lol:

[مونتى]

اجمل لحظه فى حياتى

هى لحظه ميلاد ابنتى :lol:

[nash]

أجمل لحظه في عمري كله ولن أنساها ماحييت..ولن أنسي طعم الفرحه في قلبي...

دكتور القلب يخبرني أن أبني الصغير إلتئم ثقب قلبه...

يا الله..كم كانت رائعه هذه الحظه....سجدت لله شكر في المستشفي

........................................................

اللحظه الجميله والتي لاازال أعيش جمالها...إلتحاق إبني بالجامعه هذا العام..وصار لي أبن شاب بالجامعه...إحساس جميل ...

........................................................

اللحظه التي تتكرر معي ..حينما أتصل بست الحبايب..ماما الغاليه..وتكون بمزاج رائق..وتدعي لي ولأسرتي الصغيرة...لحظات حالمه بصدق :lol: :wub:

........................................................................

موضوع جميل..أخي عمرو

دمت بصحه وعافيه

[amrhoras]

شكرا لك أخي عمرو على الموضوع

وشكرا جزيلا لك على الاشادة بموضوعي كلك ذوق

اجمل لحظات عمري التي مررت بها

حين أناجي ربي سبحانه وتعالى بكل صدق واخلاص وبخضوع وخشوع

اجمل لحظات عمري التي مررت بها

حين أتجنـب المعاصي وأفعل الطاعـات ولله الحمد والشكر

اجمل لحظات عمري التي مررت بها

عندما ارى كل من حولي سعداء وبصحة جيدة

يوجد لحظات كثيرة جميلة مررت بها لا استطيع ذكرها كلها الان

تحياتي لك أخي عمرو wst::

أختى الغالية Jenan ربنا يكرمك انشاء الله ويثبت ايمانك ويقويه وشكرا جزيلا لمرورك الكريم بس الحقيقة انى اقتبست الموضوع من خلال افكارك واتمنى من الله أن يثبت أقدامك فى طريق الايمان ويزيد من ميزان حسناتك ويملا حياتك سعد وهنا وسعاده بإذن الله

تحياتى لكى وباقة ورد معطره بعطر الايمان wst:: :lol: wst::

أخوكي عمرو حورس :wub:

[amrhoras]

اجمل لحظه فى حياتى

هى لحظه ميلاد ابنتى wst::

أخويا فى الله مونتي بارك الله لك فيها وربنا يخليهالك وتملا عليكي الدنيا سعادة وبهجه وانشا الله تشوفها عروسة جميلة رقيقة :wub: وربنا يخليك ليها يا بابا مونتي

بس اوعى تنسانا فى دعوات الفرح .

شكرا لمرورك الكريم ورينا يملا عليك الدنيا بهجة وسعادة وخصوصا البنوته الصغيورة اجمل اللحظات فعلا هى لحظة البقاء مع الطفل .

باقة ورد معطرة بس سورى يعنى للبنوته الصغيرة wst:: :lol: خلاص مش تزعل wst:: واحده ليك wst:: وواحده ليها .

اخوك فى الله عمرو حورس :)

[amrhoras]

أجمل لحظه في عمري كله ولن أنساها ماحييت..ولن أنسي طعم الفرحه في قلبي...

دكتور القلب يخبرني أن أبني الصغير إلتئم ثقب قلبه...

يا الله..كم كانت رائعه هذه الحظه....سجدت لله شكر في المستشفي

........................................................

اللحظه الجميله والتي لاازال أعيش جمالها...إلتحاق إبني بالجامعه هذا العام..وصار لي أبن شاب بالجامعه...إحساس جميل ...

........................................................

اللحظه التي تتكرر معي ..حينما أتصل بست الحبايب..ماما الغاليه..وتكون بمزاج رائق..وتدعي لي ولأسرتي الصغيرة...لحظات حالمه بصدق wst:: :wub:

........................................................................

موضوع جميل..أخي عمرو

دمت بصحه وعافيه

اختى العزيز Nash ربنا يخليلك عريسنا الجميل ويكرمك فيه كدى يوم لما تروحى تخطبيله بس يتخرج الاول انشاء الله بس وعد منك مش تعملى زى الحماوات الفاتنات :lol: الله يكرمك خلى الولد ياخد اللى يرتاحلها مش تعملى زى ناس وتقفى فى الجوازه يله يله ماعلينا wst:: :wub: ربنا يكرمك فيه

بالنسبة لست الحبايب ربنا يخليهالك يارب دعواتك بقى انى اعرف ارضي ست البايب بتاعتى بقالنا فتره متخاصمين كدى بس ربنا يسهل انزل ونصالحها دماغها ناشفة وانا دماغى نيلة خالص ههههه ماعلينا

رينا يكرمك وشكرا لمرورك الكريم ونورتي باقة زهور معطرة :wub: ليكي wst:: لست الحبايب wst:: للعروسة المستقبليه :lol:

اخوكى فى الله عمرو حورس :)

[nash]

أنت لسه هاتستني لما تنزل مصر؟؟ :blink:

لأ طبعا...حالا أرفع عليها سماعه التليفون..وقبل اقدامها..والله مالينا بركه في الدنيا كلها إلا بركه دعاها...حتي لو يعني شويه..يعني... :blink:

إن شاء الله ترضي عنك..وتدعيلك ..وأنت كمان تستمتع بلحظات صفاها...

[amrhoras]

أنت لسه هاتستني لما تنزل مصر؟؟ bv:-

لأ طبعا...حالا أرفع عليها سماعه التليفون..وقبل اقدامها..والله مالينا بركه في الدنيا كلها إلا بركه دعاها...حتي لو يعني شويه..يعني... bv:-

إن شاء الله ترضي عنك..وتدعيلك ..وأنت كمان تستمتع بلحظات صفاها... wst::

الحمد لله كلمتها بأخر ريال كان فى جيبي bv:- الرضا بتاع الوالدين ده مكلف جدا مفيش حاجة بالقلب :blink: وتوصل كدة برده

والللى يغيظ يعملو الغطله احنا نروح نصالحهم مش عارف احنا الابناء متاكلين ومهدر حقوقنا bv:- بس برده مبيهونش علينا زعلكم ورضاكم اهم حاجة عننا bv:-

اده انا على الهوا دلوقتى :sad: احم احم بسم الله الرحمن الرحيم

الغالية ناش شكرا لكى على النصحية بس كنت عاوز اخدلى يومين دلع شويه عليها لا بس سيبك بتعرفوا تتقلو علينا امهات بقى ربنا يخليكم لنا يارب

شكرا لمرورك واهتمامك الخاص

الفرعون الصغيور عمرو حورس bv:-

[Alex Lover]

اجمل لحظة لحظة ضرب مدفع الافطار

:blink:

[amrhoras]

اجمل لحظة لحظة ضرب مدفع الافطار

:sad:

شغلتك ع المدفع بوروروروم مدفع الافطار اضرب بـــــــوم حان الآن موعد اذان المغرب

اجمل لحظتين مدفع الفطار والسحور كانو زمان فعلا بيعملوها عندنا كان عند مديدريه الامن في مدفعين كل يوم ساعة الفطار والسحور كان الصول عم محمد الله يرحمه بقى كان راجل لذيذ وطيب جدا ويدينا بمب ويلعبلنا الشنب بتاعه هههههه ايام زمان وليال زمان قول يزمان ارجع تانى

كان معكم اخوكم عمرو حورس :blink:

[نبض الابداع]

اجمل لحظات حياتي لما بتبقى رهام صحبتي معايا واهلي بصحة وبخير :rolleyes:

[الطيار المصرى]

اجمل لحظة مرت عليا في حياتي...لما سمعت صوت بكاء محمد الصغنن ابن اختي.....

علي الرغم انها لحظة طويلة شوية...ز استمرت قد 9 شهور كده و مستمرة حتي الان و البرص عنده سنة و تسع شهور و عمال يكسر كل حاجة او يحطها في بقه....لكن خلاص...مابقتيش قادر اتخيل حياتي من غيره....هو احلي حاجة في حياتي....

تحياتي...

الطيار المصري

[semsema]

ماهى أجمل لحظة مررت بها فى حياتك؟؟؟

مافيش

[amrhoras]

ماهى أجمل لحظة مررت بها فى حياتك؟؟؟

مافيش

سمسمه اهلا بيكي فى لحظاتنا الحلوه

اكيد فى لحظات جميلة مريتي بيها بس مش شيفاها زى ما اخونا الانجليييز بيقولو لـــــوك ديـــــبر LOOK DEEPERاكيد حتتذكرى

خصوصا ان كل يوم بيجي جديد بتتولدى من جديد

أرجو انك تكونى متفائلة

اخوكى فى الله عمرو حورس :rolleyes:

[badroora]

اجمل لحضة فى حياتى هى انضمامى الى مكتب المحاورات للتهانى واعياد الميلاد بقيادة كوكومن ارسين السوبر لوبين والاخ الصغير الجميل الطيار المصري اند مى نجفة

فعلا اجمل لحظة انك تلاقي اخوان مش اخوانك ولا تعرفهم ولكن تقابلت الارواح وعملت الفه

بجد انا سيعيدة الى هذه اللحظة

نجفة

تم تعديل 28 سبتمبر 2007 بواسطة نجفة المغرورة

[elneshawy]

أجمل لحظة بعشاها لحظة ما بشوف الفرحة في عين والدي و والدتي ....

مع إنى بختلف مع والدتي كتير و بزعلها كتيييير ..... بس بالفعل أجمل لحظة و أنا بشوفها مبسوطة و فرحانة

...........................

أجمل لحظة و أتمنى إنها تحصل على طول و تستمر لما ربنا يفتح عليا و أخشع في العبادة خصوصا في الصلاة أو في الدعاء )

.........................

أجمل لحظة لما أشوف حق بيرجع لصحبه

..............................

أتمنى كل اللحظات الحلوة تتكر و تستمر بصفة دائما .....

اللهم يا من أمره بين الكاف و النون و إذا أردت شيئا فتقول له كن فيكون .... كرر علينا كل اللحظات و الأوقات المفرحة

[امانى]

موضوعك جميل يا اخ عمرو وكله تفاؤل

صحيح احنا بنمر بلحظات حزينة كتير بس ده ميمنعش اننا كمات بتعدى علينا لحظات سعيدة

اول لحظة سعيدة مرت عليا هى نجاحى فى الثانويه بمجموع يؤهلنى للكلية اللى كنت بتمناها

لحظة سعيدة اخرى لا انساها عند سماع صوت بكاء ابنى محمد فى حجرة الولادة بالمستشفى نسيت سعتها اى الم

لحظة سعيدة لا انساها ابدا يوم ان طلعت عمرة بصحبة والدى رحمه الله ووالدتى سنة 1998 وكنت ادعى ليل نهار أن

انالها ويوميا ابعث بتلغرافات للجايذة الكبرى يمكن افوز واطلع العمرة الى ان جاء قرار والدى بسفرى معهم العمرة لحظة

من السعادة جعلتنى كانى احلق فى السماءلا انسى هذه اللحظة ابدا

لحظة دخولى المحاورات وكنت فى حالة حزينة جدا لوفاة ابى واذا بى اندمج مع اخوتى بالمحاورات ووجدت ضالتى بينهم

حت لو مكتبتش مواضيع يكفينا اقرا ارائهم وبكون سعيدة وانا معهم من خلال كلماتهم

بس كفايه يا اخ عمرو نسيب فرصة لغيرنا وموضوعك هايل فكرنا باللحظات الجميلة فى حياتنا

امانى

[kokomen]

اجمل لحضة فى حياتى هى انضمامى الى مكتب المحاورات للتهانى واعياد الميلاد بقيادة كوكومن ارسين السوبر لوبين والاخ الصغير الجميل الطيار المصري اند مى نجفة

فعلا اجمل لحظة انك تلاقي اخوان مش اخوانك ولا تعرفهم ولكن تقابلت الارواح وعملت الفه

بجد انا سيعيدة الى هذه اللحظة

نجفة

الأخت الغالية : بدرية هانم ... نجفة سابقا

فعلا دي أجمل لحظة في حياتي

لأنني فقدت الكثير من الأصدقاء بسبب السفر والغربة

وأكتسبتكم كأخوة وأصدقاء رغم أننا لم نتقابل ولكن

ألتقت القلوب والمشاعر الطيبة فأنا أعتز بكم أخوة لي

ربنا يديم علينا تلك الأخوة الصادقة ..آمين .. آمين

:blink:

[mesryforever]

أجمل لحظه هي وأنا بألاعب بنات أخي الكبير (بنتين ما شاء االله بين سنة وثلاث سنين) زي القطط السيامي

ha) ha)

:lol:

:blink: :lol:

:roseop: