رحله اتوبيس المحاورات..

[الصاوى]

عداك العيب يا دكتور رجب

أكمل يا سيفود ونرجو من الجميع الاستمتاع بدون زعل :lol: :?:

ويبقى تعال عليا يا سيدى أنا مبزعلش من حد والحمد لله :aa: :aa: :aa:

[freefreer]

قال بايت :

وأري بوضوح أنك علماني، تريد ان تبعد الدين عن الحوارات وادارة المنتدي توافقك علي هذا.

http://www.egyptiantalks.org/phpBB2Plus/vi...opic.php?t=4481

و قال سى فوود فى قصته :

رجب : الإدارة كلفتك بمهمة .... 

إبن الوطن:و قد إعتلت إبتسامة على وجهه ... إبتسامة لم يستطع إخفاءها ... و قال : دا شرف ليا يا سعادة البيه ... إنت تؤمر ... 

رجب : إنت مكلف بحراسة المنتدى ... قصدي الوادي .. من هنا و رايح ... و خاصة الليلادي .. لازم تفتح عينك كويس مش عايزين أي شغب يحصل ...و عينك دايماً على الخيمة إللي فيها الجماعة إللي مش عايزين يحضروا الحفلة دول .... 

إبن الوطن : و قد أحس أن الفرصة قد جاءته بأسرع مما يتوقع : مين عنيا يا بيه ... كل حاجة ها تمشي زي الساعة و أكتر ... و العيال دول ما تخفش منهم .. سيبهم عليا .. إللي ها يهوب منهم ناحية الحفلة ها يعرف شغله ... 

رجب : أيوا بس مش عايز أي تهور منك إنت كمان ... مش عايزك تيجي تكحلها تعميها ... مفهوم ؟ 

إبن الوطن : مفهوم يا رجب بيه .... 

[Sharkiah]

هناك الكثير من الأعضاء .. جاؤا و قالوا كلاما لا يعجب .. و تكأكأ عليهم الأعضاء سب و تجريح .. و مطالبة بالطرد و الشطب ..

و نذكر على سبيل المثال فقط "زولو" المذكور فى القصة .. لا سمعنا حد بيطالب بعدم فرض الوصاية على الأعضاء .. ولا حد بيتكلم عن الحرية و الديمقراطية ..

أستاذ فرى

أنا هاأسمح لنفسى هنا بتعليق سريع

الزولو الكل إحترمه فى البدايه وناقشناه وحاورناه فى كل أفكاره بدون أى محاوله للحجر عليها إلى أن بدأ بالتعرض للصحابه رضوان الله عليهم تاره والفكر الإسلامى ككل تاره أخرى ، وإلى هنا والأمر كان مطاق ولم تتعدى التعقيبات حدود الإلحاح على الإداره بمحو هذه التطاولات

إلى أن جاءت الطامه الكبرى وهى تعرضه لمقام الرسول عليه الصلاه والسلام بما لايليق ـ إن لم تخنى الذاكره ـ فهنا كانت الوقفه وأعتقد أنه كان لها مايبررها فلا يمكن مقارنه فعلته ـ والله أعلم ـ بأى فعله أخرى

ولا أتذكر إطلاقا أنه تعرض لأى سب أو تجريح لذاته أو لأفكاره

وربنا يهديه ويهدينا جميعا

نقطه أخرى ـ أنا شخصيا تعرضت فى أحد حواراتى مع عضو مازال بيننا إلى سب صريح ولكنى لم أطلب مطلقا منه سوى الإستمرار فى النقاش وتفنيد ماأقوله بالحجه

أما بالنسبه للأخ سيفود ، فيهمنى أن أعلن أنه بغض النظر عن أى تقييم لأفكاره ومداخلاته وأساليب عرضه ، فى كل أقسام المنتدى وفى كل الموضوعات ، رجل عف السان مؤدب مهذب منتقى لألفاظه بعنايه حتى فى ذروه خلافاته ، دى شهاده حق ولاأزكيه على الله

[freefreer]

و انا اسف ان اقول ان هناك مجموعة معينة تتبادل الأدوار فى هذا المنتدى .. و قد عكروا المنتدى كله .. و اثاروا الفتنة فيه ..

أنا مش فاكر الأخ زولو قال ايه على الرسول علية أفضل الصلاة و السلام .. بس هو غير مقبول من البداية .. و زولو مجرد مثال .. و مؤخرا تكرر هذا مع اخ اخر .. و تكرر فى العديد من المرات مع العديد من الأخوة .. ما حدش دافع ساعتها بالكلام الذى نسمعه الآن ..

الأخ سى فوود اخطأ كثيرا و ضربنا امثلة أوضح من الشمس .. ما هو المطلوب الآن ..

:mad: :mad: :mad: :mad: :mad: :mad: :mad: :mad:

[KWA]

بسم الله الرحمن الرحيم

السلام عليكم ورحمة الله وبركاته

دائما الناس ذات الحكمنه و الرصانه يقولوا...اذا اردت ان تعاتب او تلوم شخص ...عاتبه بينك و بينه....و اذا اردت فضيحه هذا الشخص عاتبه امام الناس...و النتيجه عكسيه ....

بمعني كلمتين بأدب و ذوق و عتاب بسيط ارسلهم علي الماسينجر للشخص المراد..في حاله اجابته او اجابتها علي رسالتي سوف يزول سوء التفاهم...و في عدم الأجابه علي الأقل احترمت نفسي قبل احترامه.....

[Mohammad Abouzied]

يعز علي أن كون سببا للشقاق بين الأخوة ...

لا مش انت السبب

احنا عرب ومتعودين على كدا يلى كمل القصة مفيش وقت

[الطفشان]

يا اخ محبط و يا اخ سيفود

لماذا تصورون المخالفين لكم انهم "يحجرون على فكر" و "يدعون الى الديمقراطية و لكن يمارسون الديكتاتورية" و "خوف و رعب شديد على الباقين" و "الاب" الخ؟

هذا ليس بعدل!

هل لاني قلت رأي اخالفكم فيه بصراحة شديدة، اكون باحجر عليكم؟

هو الموضوع كان اتقفل و الا يعني كان اتقفل؟

هل لانى ارى انه تغليف لفكر او اسلوب ناقشناه سابقا و اعترضنا عليه، و ننبه اخرين على اننا نراه كذلك يكون حجر على فكر؟

هل منعنا الاعضاء من القراءة مثلا؟

اللي يتفق معنا في انه اعلام موجه، يأخذ هذه الخلفية في الاعتبار عند القراءة

و اللي لا يتفق، فليكمل القراءة كان شيئا لم يكن

و هذا ليس رأي شخص واحد بل ثلاثة على الاقل

انا شخصيا لا ارى مانع من استمرار القصة بالطريقة التي يريدها الكاتب، و لكن ان وضع في اعتباره ما قيل هنا، و تجنب ما اعترض عليه البعض، يكون قد احسن صنعا

[Seafood]

المشهد السادس عشر

و دقت الساعة الثانية عشرة ليلاً ...

كليو : شكراً لعم مدبولي ... تصقيفة كبيرة لعم مدبولي ... حبيب الشعب ...حبيب الملايين ... و تحية من القلب إلى" حوارستان مدبولي ... و مدبولي حوارستان "....

عضو يرفع يده للتقدم .....

كليو : إتفضل يا أستاذ ... عايز تقول إيه ؟

كليو : إسمك إيه الأول ؟

العضو : إسمي تايجر مصري ... رجل أعمال و عندي حاجة و تلاتين سنة .. و مش متجوز ... و من عيلة كبيرة ....

كليو : هايل يا أستاذ ...إحنا كدة عندنا إتنين تايجر في الرحلة ..( مشيرة إلى تايجر 1411 ) ....

تايجر مصري : عايز أقول إن رجال الأمن شرفاء جداً جداً ... و إنهم أمناء جداً جداً ... و مافيش تعذيب في السجون جداً جداً جداً ...

كليو ضاحكة : أيوا يا أستاذ ... بس ماحدش جاب سيرة رجال الأمن و لا التعذيب دلوقتي ... إنت مدسوس علينا و لا إيه ...؟

تايجر مصري : في الواقع جدا جداً ...جميع من في الحكومة بيتعب كثيرا جدا جدا ...اما عن ترشيحات من ينوب خلف الرئيس فانا اقول بكل صراحة ووضوح من يرشحه الرئيس ساكون اول واحد يعطية صوتى فى الانتخابات جداً جداً ...

أحد الأعضاء الغلابة .. و قد وقف و على وجهه إمتعاض شديد ممزوج بالقرف .. و قال : بيقول إيه دا ؟ ... سكتوا الجدع ده ... إحنا ناقصينك ... ؟

الفرقة الموسيقية تعزف ...

طب و الله زمان .... زمان و الله ....

مودي00X : عليا النعمة دي مؤامرة .....

كليو و هي تحاول أن تتذكر العضو : مش عارفة ليه كلامك مش غريب عليا يا أستاذ ... أنا سمعت الكلام ده فين يا ربي ؟ ... مش فاكرة :( ... المهم ...

كليو : قولي ... أمنياتك إيه لحوارستان جدا جداً ....؟

تايجر مصري : أمنياتي إن أنا عايز أقول إن أعضاء مجلس الشعب كلهم ما عدا الإخوان جم بالإنتخابات الحرة النزيهة ..

نفس العضو في إمتعاض أشد : يا جدع إنزل بقى .. خلي ليلتك تعدي ....

تايجر مصري : إخرس يا بيب

الفرقة الموسيقية تعزف ...

طب و الله زمان .... زمان و الله ....

كليو : إيه دا يا استاذ ... أنا بأسألك على أمنياتك للمستقبل ... تكلمني عن حاجة حصلت في الماضي ... إزاي بس ؟ ... باين عليك حافظ مش فاهم ؟

تايجر مصري : جدا جداً .....

تايجر 1141 : يا إخوانا ..اعمل إيه أنا دلوقتي؟ أغير إسمي ؟.. و لا أعمل إيه بالظبظ ؟ ... قلولي أعمل إيه ...

مدبولي : ربنا يصبرك يابني .... و لو إني مش عارف أنت مضايق من إيه ... الراجل ما غلطش في حاجة لغاية دلوقتي ...

منمان : دا إنت على نياتك قوي ...

كليو بتلقائية شديدة : نشكر العضو عب هادي... ثم إنتبهت لما قالته .. و رجعت بذاكرتها لأيام حملة التوريث .. و قالت ... صح إفتكرت دلوقتي أنا ليه ناديتك بعب هادي ... إنت بتاع إمضي يا عب هادي ... أيوة ... إنت بتاع إمضي يا عب هادي ...

و هنا كادت أن تحدث مشادة عندما أحس تايجر مصري إنه إنكشف أمره فقام تايجر مصري : اللي " حافظ مش فاهم" .. و أزاح أحد العازفين من على كرسيه ... وأمسك بالكرسي ... و رفعه لأعلى في حركة لولبية ... ليقذفه لفوق ... و لكنه تنبه فجأة إن مفيش "كلوب" فوقه ... فقذفه ناحية الحضور ... و تنبه إبن الوطن ... فقفز في الهواء و إلتقط الكرسي الطائر و هو ينظر إلى الحضور في الصف الأول و هو يقول ... الحمد لله جت سليمة يا رجب بيه ... أنا فدا الإدارة ... و أكمل طائرا في الهواء و هو يحتضن الكرسي ... و الأعضاء ينظرون إليه في دهشة و هو طائر أمامهم من الشمال إلى اليمين ... و كاد أن يسقط داخل النار لولا أن إلتقفه مدبولي ...

و هو يقول له: أنا عارف إنت بتعمل كدا ليه يا مزغود ... كنت هاتروح في داهية ... عليك بإيه كل دا .... ها ينوبك إيه ... داحنا في حفرة ... طمعان في إيه ؟ ... في شوية تراب ؟ ... و لا هوا طبع فيك مش ها تسلاه عمرك ....

إستمر الحفل لفترة ... و كانت الساعة قد قاربت على الثانية عشرة منتصف الليل ... و إستعد الأعضاء للإحتفال بمولد يوم جديد ... و وداع يوم مضى من أيام حوارستان ... و إنطلقت شعنونة قائلة ...

شعنونة :ياللا يا جماعة عايزين نطفي الشمع .. الساعة قربت على إتناشر ... بس قبل ما نطفي الشمع لازم نطفي النار الأول ...

كاتامندو: ليه يا شعنونة

شعنونة : عشان لما نطفي الشمع نحس بفرق .. و نحس فعلا إن إحنا بدأنا سنة جديدة ... قصدي يوم جديد ...

كاتامندو : ما تحابيكيهاش يا شعنونة ... لسة ها نطفي و نولع النار تاني ....

شعنونة : لالالالالالا سوررررررييييي .... أنا ديجيهاية قد الدنيا ....و أفهم

في الحاجات دى كويس ... إوعى حد يعترض على إللي أنا با قوله ....

مرت دقائق ... و أمام إصرار شعنونة قام الأعضاء بإطفاء النار بعد أن أوقدوا الخمسين شمعة و نص ... و التي عكست إنطلاقة ثورة المنسقين الأحرار .. التي حولت حوارستان من ملكية مكسوفة .. إلى ملكية مكشوفة .. و من ديموقراطية ملكية إلى ملكية بدون ديموقراطية ... و كان الأعضاء قد إلتفوا في دوائر حول الطورطة ... و عندما قاربت عقارب الثواني على الثانية عشرة ...إنطلق جميع الأعضاء في نفس واحد...

فووووووو ....

هييييييييييييييه ....

إنطفأت الخمسون شمعة و نصف .. و ساد سكون رهيب ممزوج بظلام كاحل لم يتوقع الأعضاء شدته فلم تكن الليلة قمرية ... و أحس الأعضاء برهبة لوهلة .... و قبل أن ينطلقوا قائلين " سنة حلوة يا حوارستان "... إذا بصوت رهيب يشق ظلمات الوادي و يصل إلى أسماع الأعضاء فعرفه الجميع من أول وهلة ....

عاووووووو................ ووووووووا

تسمر الأعضاء في أماكنهم و مسك كل عضو في جاره ....فقد كان الظلام حالكا ... و لم يعرفوا ماذا هم فاعلون ... مرت ثانية و أخري و ثالثة ... و الأعضاء كل يمسك في جاره و هو لايري شيئاً أمامه .. حتى يده لم يعد يراها ..... لقد شل تفكيرهم ... فهم لا يعرفون مصدر الصوت ... و لا يعرفون إلى أين يهربون هذه المرة ...

عاووووووووووو......................ووووووووا

كان الشئ الوحيد الذي يراه الأعضاء كشبح من بعيد في هذه اللحظة ... هو خيال الأتوبيس في الناحية الأخرى من الوادي . ... و لم يكن أمامهم من وقت للتغكير في حل آخر ... فلا شجرة ستنفعهم ... و لا خيمة ستحميهم ...لا بد من الوصول إلىالأتوبيس بأي ثمن ...

عاوووووووووووووووووووو ....... ووووووووووووووووووووا.....

كان من المؤكد أن الصوت آت من أعلى التل .. و لكنهم لا يعرفون من أي جهة ... فصداه يخبط في كل أركان الوادي ثم يرتد إلى أسماعهم ... و كأنهم محاطون بذئاب من كل ركن فيه ... وما عادوا يعرفون إن كان واحدا أم عشرة أم مائة ... و كان الصوت يزداد قرباً كل ثانية ... و تخيل كل عضو أنهم الآن محاطون بفيلق من الذئاب الجائعة التي جائت بعد أن شمت رائحة الطعام ...

عاوووووووووووووووووووو ....... ووووووووووووووووووووا.....

و كان لا بد من عمل شئ ...كان لا بد لعضو أن يتحرك حتى يعقبه الباقون .. فلا حل هذه المرة إلا في الوصول إلى الأتوبيس .. و الدخول فيه و بأقصى سرعة و إغلاق الباب خلفهم و البقاء فيه حتى الصباح ....

عاوووووووووووووووووووو ....... ووووووووووووووووووووا.....

كان أول من تحرك هو إبن الوطن الذي تنبه إلى أن هناك قطعة لحم كان قد خبأها في جيبه فأخرجها .. و أخذ منها قضمة و كأنه ينزع فتيلها , ثم ألقاها بعيداً عن الأتوبيس ... و إنطلق يعدو ناحيته حتى يصله قبل الآخرين .. حتى لا يحدث له مثل ما حدث قبل ذلك عندما أغلق الباب دونه ... و تبعه الزولو ... ثم تايجر مصري ... و لم ينتبهوا ثلاثتهم إلى الكراسي أمامهم ....و حتى لو إنتبهوا ... فأي كراسي هذه التي ستمنعهم من الوصول إلى ملاذهم و مأمنهم الوحيد ... إنها لو كانت كراسي من الحديد المثبتة في الأرض بخرسانة ... لأقتلعوها إقتلاعاً إن لم يستطيعوا إعتلائها ..... فسقط الواحد منهم بعد الآخر فوق الكراسي ... و كأنهم عصا قد شقت البحر نصفين ... و صار ثلاثتهم جسراً لباقي الأعضاء ...جسراً ... لم يتردد الأعضاء لحظة في عبوره ... للوصول إلى الأتوبيس ....

عاوووووووووووووووووووو ....... ووووووووووووووووووووا.....

و ما إن وصل أول عضو إلى باب الأتوبيس و كاد أن يضع رجله على سلمه حتى صاح آخر عضو " ما حدش يدخل الأتوبيس .... " أنا شايف خيال بيتحرك جواه .... سمع الأعضاء ذلك فلم يترددوا لحظة في إتخاذ قرار العودة مارين على نفس الجسر البشري .....و لكنهم رأوا خيال ذئب آخر يهبط من فوق التل المقابل لهم ..... فتوقفوا فوق الجسر الذي أصبح يهتز في حركات عنيفة ....إنهم لا يدرون ماذا يفعلون ... فالأتوبيس من ورائهم و التل من أمامهم ... و قبل أن يهموا بالإنتشار في باقي الوادي ... إذا بنور كشاف يصدر من ناحية الخيمة إياها .. و يسلط على الأعضاء المتسمرين في أماكنهم و عيونهم جاحظة رعباً ... ثم يتجه شعاع النور ببطئ ناحية التل المقابل ... ليجد الأعضاء كلباً هزيلاً قد ظهرت ضلوعه من تحت جلده ... و يجر رجليه المثقلتان تعباً خلفه .. و أنغاسه تلهث ... و قد إشرأب بعنقه و هو يصيح .......

عاوووووووووووووووو .............. وووووووووووووا

سقط الأعضاء على الأرض بملابسهم و قد تنفسوا الصعداء فما إعتقدوه وحشا كاسرا يريد أن يلتهمهم ...لم يكن سوى كلب جائع ضائع لا يقوى إلا على العويل و النباح ....

عاد براود مسلم إلى خيمته ليواصل النوم ... بينما قام الأعضاء بإشعال النار ... وإقترح سيد مرزوق أن يجعل الأعضاء البساط أحمديا و يجلسوا على الأرض ... ليتسامروا كما كانوا يفعلون في المنتدى , حول النار ....

و قالت مسلمة مصرية و هي تستعد لعمل الشاى مع إلهام ..أنا مش عارفة ليه بيحصلنا كل ده من ساعة ما طلعنا الرحلة دي ... قاعدين نطلع من حفرة نقع في ضحديرة ...

ست أمينة : أنا مش شايفة إن إحنا طلعنا من أي حفرة لغاية دلوقتي يا مسلمة ... إحنا قاعدين ننزل من حفرة لضحديرة من غير ما نطلع من الحفرة أصلا ....

مسلمة مصرية:...طب ليه ؟ إيه السبب ؟.. ليه بيجرالنا كل ده ...إحنا عملنا إيه غلط .؟ ... حد يقولنا ...

مودي : أمريكا ... أمريكا هي السبب ...

مدبولي و قد جلس القرفصاء و أمسك بكوب الشاي في يده و قال : أنا دماغي لفت خلاص ... يا ريتني ما طلعت معاكم الرحلادي ... أنا كنت قاعد و مبسوط ... أهو يوم يعدي حلو .. و عشرة لأ ... بس كنت في حالي و راضي بقسمتي و بدعي للحكومة ليل نهار إن ربنا يعينهم ... دول بيتعبوا قوي عشان أشوف أنا وعيالي اليوم الحلو ده ... و يمكن يا عيني هما ما بيشفوش يوم واحد عدل ...

لينيكس : دانتا على نياتك قوي .....

مدبولي: و بعدين طلعت معاكم ... و سمعت كلام أول مرة أسمعه ... و برجلتولي مخي ... ساعة تقولوا الحكومة .. و ساعة تقولوا إسرائيل .. و دلوقتي أديكو بتقولوا أمريكا ... و الجدع إللي إسمه سي فوود قاعد يقول طول النهار إن إحنا السبب .. إحنا السبب في إللي بيحصل لنا... أصدق مين أنا بقى ؟

مصري : إنت لسة سمعت حاجة .. أمال لو سمعت بقيت الأسباب ....

مدبولي : هوا لسة في باقي ....

مصري و قد أشاح بيديه في الهواء : أو هوووو .... هوا إحنا ورانا حاجة غير إختراع الأسباب ... كلنا عاملين فيها داكترة و مفتيين و محللين و خبراء في كل مجال .... و بقيت المشكلة دلوقتي إننا نتفق على السبب ...

رجائي : و الله يا عم مدبولي ... مش إحنا متعلمين أهه ... و رجالة بشنبات .. و نصنا معاه دكتوراه على ماجستير على بلا أزرق ... لكن حيرتنا ... و الله ما تقل عن حيرتك ... و الفرق إن إحنا بنتكلم أكتر منك ...و بنعرف نتخانق و خصوصاً عل الهايفة ....و مش طايقين بعض ...

بايت : بس إنتوا مش ملاحظين إن كل إللي بيحصلنا ده يا إما نتيجة أوهام .. يا تخيلات ... يا مؤامرات إحنا إللي مخترعينها ..يا إشاعات بنصدقها من غير ما نتأكد ... يا إما خناقات بينا و بين بعض على حاجات هايفة ....

الصاوي : صح ....و وصلنا لدرجة إن سبعين واحد خايفين من كلب صدمان عدمان و جعان ... بس صوته عالي و مستخبيلنا في الضلمة ... أنا شايف إن إحنا خايفين من خيالنا ... و إن السبب الحقيقي للي إحنا فيه هو خيالنا إحنا .. و يا ريته كان خيال غيرنا ... إحنا إللي صنعنا الأشباح و خفنا منها ....

ديماج :و الله عندك حق ... يعني لو فكرنا ثواني قبل ما نتحرك ما كنش حاجة من دي حصلت ....و لا إتبهدلنا البهدلة دي ...

الفارس : و يمكن عشان إحنا في حفرة ... بقى للكلاب صوت عالي يتسمع ... و الناس بقت تخاف منهم ....

شعنونة :إنتو ها تقلبوها غم ليه ...خلونا نتكلم في المفيد ...

مسلمة مصرية : أنا عندي فكرة .... إيه رأيكم كل واحد يقول " إيه إللي عاجبه و إيه إللي مش عاجبه في حوارستان ...

:roll: :roll:

[1_Nadim]

امضيت اربع ساعات كاملة في قراءة الملف كله وكان بالنسبة لي مشوقا جدا خصوصا انني لا اعرف الكثير عن خلفيات الاعضاء حتي الذين كنت اتباع كتابتهم قبل ان انضم وخصوصا فري فري وحملته الرائعة ضد توريث السلطة ومع ذلك اسمحوا لي ان اطرح التعليقات التالية

لماذا رغم اختلافنا في الاراء لا نري اهمية التساند فالسيد سي فود ايا كان تقبلنا او عدم تقبلنا لتلميحاته روائي رائع ونحن في اشد الحاجة الي اظهار ودعم ومساندة المتمكنين فما خربت احوالنا الا لكون الطافين علي السطح في بلادنا هم اسوأ من يمكن ان يمثلونا

- كيف يمكن عبر هذا المنتدي الجيد التعامل مع عدم تعودنا علي النقد اللاذع وما الذع سيفود

- احيي الجميع لانهم رغم كل الاختلافات لم يلجأوا الي الغاء الموضوع اوقفله بعد موافقة اغلبية الاعضاء لان خراب كثير جاء عبر مبدأ الباب اللي يجيلك منه الريح سده واستريح

اخيرا كل سنة والجميع طيبين واذكركم واذكر نفسي بان الطريق شاق وصعب ويحتاج الي مران شديد حتي نستطيع ان نستفيد من افضل ما لدينا متخطين الكثير من السلبيات والعوائق التي تعترض اي حوار بين بشر يمتلك كل منهم عقل وما اكثر العقول في هذا المنتدي

[إبن مصر]

الاخ الفاضل سى فود

برجاء اكمال القصه

الاداره

[se_ Elsyed]

أنا ساكت وكاتم في قلبي .. الرحلة اللي فاتت ماكنش لي أي دور يمكن عشان كنت جديد ... ولكن بما إني بقيت بدبورتين دلوقت فلازم يبقى لي كيان واضح في الاتوبيس ده ولو حتى في دور نشال بيقلب جيوب الركاب .. وإلا هاستعمل سلطاتي الإشرافية وهابنشر لكم الأربع فرد وكل واحد يبقى ياخد تاكس ويروح على بيتهم .

بس مش ملاحظين حاجة ؟!!!!!

معظم الركاب ذهبوا ولم يعودوا ... خسارة cr((:

مررت مروراً سريعاً على الأسماء وتنهدت وانا أرتشف قهوة المساء اللي عامل المكتب قدمهالي من غير وش ... وتمنيت ان يكون الجميع موجودون لنعرف اخبارهم ... حتى ولو يمروا مرور الكرام .. المهم نطمئن عليهم ...

أقترح على الإدارة أن كل عضو جديد ينضم للمحاورات يدفع 100 دولار رهن - زي الواحد لما ييجي يشرب قزازة حاجة ساقعة في مصر - بحيث لما يغيب فترة طويلة ويرجع تاني يقدر يسترد المبلغ ( وإحنا بفى نكون إستثمرناه ونلم فلوس قد ده ) وزيادة في العقاب على هذا الغياب .. نرجع له المبلغ بالجنية المصري وبالسعر الرسمي بتاع عاطف عبيد وقت اللي دفع فيه .

[Mohammad Abouzied]

والله انا خايف الاستاذ سي فود يولع في الاتوبيس ويقول عملية استشهادية بن لادنية قصدي جهادية لضرب عملاء الحكومة

[فــيــروز]

واخيرا زست ...

قصه هايله جدا :)

بالطبع هناك العديد من الجمل التى جعلتنى اقهقه لكن هذه الجمل كانت من اروع ما يكون فى مكانها :

كيــــــــــــــدنا العـــوازل .... يا لموووونة ...

أحد الأعضاء المشاغبين و قد و قف في آخر صف و قال بصوت عال : حفل إفطار رسمي إيه ... إحنا لاقيين ناكل ؟ ...

و يعني إيه متميزيين ... مين المتميزيين دول ...؟ يطلعوا مين ؟

cr((: ;) fr1::

طب و الله زمان .... زمان و الله ....

أنا عارف إنت بتعمل كدا ليه يا مزغود

شنيعه مزغود دى :D

القصه فعلا جميله جدا .. الواحد كان محتاج يضحك شويه ضحك كتير :D

[Farah]

كنت قد قرأت القصه في وقتها

وأنا فاكره ان كل يوم كنت اول حاجه اعملها ابدأ اشوف الجديد

قرأتها كلها علي بعضها اليوم وتمتعت جدا بقرأتها رائعه

سيفود احيك علي اسلوبك الجميل.

[Abouhemeed]

:lol: + clp:: = arg::

قصة رائعة و هي تمثل شخصيات المنتدي بناء على أسلوبهم في الكتابة و لكن دائما خلوا باكم من المعادلة السابقة ...

[Seafood]

شكراً لك يا فرح على كلمات الجميلة وأبو حميد قد قال المفيد بهذه المعادلة ..

فيروز .. كنت أعتقد أنك قد قرأت القصة من قبل .. :D .. لكن يبدو أنك لم تفتشي في مواضيع المنتدى القديمة جيداً ..

أخي إبن مصر .. دائماً أصيل كعادتك .. وقد طلبت مني أن أنشر الحلقة الأخيرة التي قد حذفت بعد نشرها , ثم قمت بإرسالها إلى بعض الأعضاء عن طريق الرسائل الخاصة , لكن للأسف فتشت عليها في الكومبيوتر الخاص بي , ولم أجدها :P كأشياء كثيرة تحدث في الكومبيوتر , ولم أعد أدري لم تحدث mfb:

سي السيد وقت القصة كنت عضو غلبان .. ومع ذلك ذكرت في القصة , الآن وأنت مشرف ( جزء من الإدارة أو االحكومة في حياتنا العامة ) .. سيكون لك بالطبع دور .. لكن هل سترضى عنه ؟ .. لا أدري ..

أحب أن أؤكد على حقيقة , وهي أن بعض النقاشات التي حدثت خارج موضوع القصة , لم يعد لها علاقة بعلاقتي بكثير من الأعضاء الآن , وعلى سبيل المثال .. الحوار الذي دار بيني وبين صديقي وأستاذي أسامة , والذي تطور بغير أساس ربما لم يفهمه كلانا حتى الآن , فأسامة يعلم معزته عندي جيداً .. وكذلك هشام عبد الوهاب .. وآخرين حدثت مشادات بيني وبينهم أرجو أن يغفر الله لي ولهم ..

وعلى الجانب الآخر فقد فترت علاقتي ببعض الأعضاء الذين كانوا على تواصل معي .. ولا أدري ما السبب ؟ :P md2:

على أي حال هذه هي طبيعة العلاقات البشرية , دائماً في صعود وهبوط .. وعلينا أن نتقبل الواقع .. ونتفهم أو نرضخ لتعقيدات النفس البشرية وتعقيد علاقاتها مع الآخرين ..

وعلى سبيل المثال .. أذكر أنني في اثناء دراستي في فترة الجامعة .. كان هناك أناس لا أستظرفهم , وليس لعدم الإستظراف أساس , حيث لم يكن هناك اي إحتكاك بيني وبينهم , وكثيراً ما كان يحدث أن أصبح بعض منهم من أعز الأصدقاء عندما أقتربت منهم وتعرفت عليهم أكثر .. ولا زلت حتى الآن لا أستطيع تفسير ما هو سبب هذا النفور في البداية .. !

أرجو ممن أرسلت له الحلقة الأخيرة , وما زال يحتفظ بها أن يرسلها لي على بريدي الخاص .. فقد تحتاج إلى تعديل الآن , وقد تغيرت الظروف والأحوال .. :D

تم تعديل 13 يونيو 2004 بواسطة Seafood

[Seafood]

  والله انا خايف الاستاذ سي فود يولع في الاتوبيس ويقول عملية استشهادية بن لادنية قصدي جهادية لضرب عملاء الحكومة 

تفتكر يا استاذ محمد الأتوبيس ناقص ؟ عشان أولع فيه ؟ وبعدين الإستشهاديون المجاهدون لا يستقصدون المسلمين .. وقد أعلنوا ذلك أكثر من مرة ..

[فــيــروز]

فيروز .. كنت أعتقد أنك قد قرأت القصة من قبل ..  mfb:  .. لكن يبدو أنك لم تفتشي في مواضيع المنتدى القديمة جيداً .. 

الحقيقه انا سمعت فقط عن القصه لكن لم اقراها الا بعد ان قام ابن مصر برفعها .. :D قراءة الموضوعات الجيده فى المنتدى -وهى كثيره جدا بالطبع- تحتاج عمر آخر لا يتوافر كما تحتاج منى لتقديم استقالتى :P

[se_ Elsyed]

الآن وأنت مشرف ( جزء من الإدارة أو االحكومة في حياتنا العامة ) .. سيكون لك بالطبع دور .. لكن هل سترضى عنه ؟ .. لا أدري ..  :D

بالطبع سأقبل أي نقد إذا كان نقد موضوعي يتعلق بإسلوب الإدارة في حالة إذا كنت هاتنتظر لي كمشرف .. أو إسلوبي بشكل عام في المحاورات إذا كنت هاتنظر لي كعضو عادي ..

لكن بيني وبينك يا سي فوود ما أستغرب له هو وجود بعض الأشخاص - وهم قلة حقيقةً - غاوية تصطاد في الماء العكر وييجي يتهمك بتهم ممكن تهوي بصاحبها لقعر جهنم .. كأن يقول إنك منافق مثلاً .. وواحد تاني يقولك أنت لست ضليع في قواعد اللغة العربية ولا اصول اللغة العربية :P ... فهؤلاء لا ألتفت إليهم ..

فسوق الأتوبيس يا سي فوود وأمض في طريقك ولا تلتفت إلى سائقي الميكروباصات الذين لا يعرفون آداب الطريق وينسون دائماً بإن السواقة فن وذوق ...

[mnman]

الاخ سي فود:

ابتديت القصة وانا في البرازيل....ودلوقتي انا في السعودية... مستني اية لما اروح الاسكيموا علشان تخلصها!!!!! :angry: cr((: yaw: