مسابقة : أين الدركسيون ؟

[Ahmad Farahat]

انا عندي 2 زي دي في الجراج بتاعي

وواحدة زيهم بس حمرا لسة عاملالها اوردر عشان احضر بيها ماتش الأهلي الي جاي

الي عايز توصيلة يا جماعة ما يكسفش هابعتلكوا السواق

طبعا انا باهزر معاكوا ده انا لسة مطلعتش بطاقة

بس انا اوعدكوا اول متطلع رخصتي هاخدكوا لفة

الاخ سين سين حضرتك عندك واحدة من دول عشان تاخدنا لفة بيها؟؟

مرمر

يا سلام

يعني الهزار في البطاقة مش في العربيات اللي عندك

فكرتيني بالبورسعيدي اللي قعد يقول لصاحبه أنا امبارح كنت باكل مع ابو جهل وابو لهب والوليد بن المغيرة وكام اسم من النوع ده

صاحبه نزل غيران ومضايق قابل ابنه تحت قاله صحيح أبوك كل امبارح مع فلان وفلان وفلان

قام قاله أنا مشفتش الواحد يقول الحق بس العربيات اللي كانت قدام البيت كان مكتوب عليها ملاكي قريش

[شينكاوي]

السلام عليكم

بصفتي خبرة سيارات- بس مش زي دي طبعا- الدريكسون في العلامة اللي زي استغفر الله الصليب اللي في الطبلون

بتضغط علي ال D تقوم علي طول لقدام وهكذا.

ولازم الحسرة دي دا انا لسه ما شوفتش عربيتي بعد الحادثة واليوم نستلمها ان شاء الله واشوف عبد السلام عمل فيها ايه.

بس طبعا انا مش نفسي خالص يكون عندي عربية زي دي لان البتر وحش يا جدعان ودي لو اندعمت ممكن اموت فيها من القهر

واكيد هيتنصب علي وما حدش هيصلحلي وهموت من الغيظ :wub:

بس ايه رأيك في الاجابة لو صح تلموا من بعض وتعملوا جمعية واخر الشهر تشتروا لي واحدة زيها وانا اقولكم الريكسون فين

وممكن اتعطف واديكم لفة مش مع بعض يعني تعملوا جدول وتشوفوا كل كام يوم واحد يلفله لفه علشان الحكد.

[mazen mohamed]

وبعدين يا عم أحمد محمود يا خبير يا حربي ... آف 16 إيه وتوبولوف إيه ؟ دي العصايا على اليمين يابا ... طب فرضنا واحد إيده الشمال مشلوله ... أو أشول مثلاً ... يعمل إيه بقى ؟يقعد في الكرسي اللي جنب السواق ؟

بالظبط يا اكسلانس... الكرسى التانى الى جنب السواق فيه نفس العصايه علشان السواقه فى البلاد الى السواق بيقعد يمين..

لو نظرت سعاتك الى العصايتين الى مكان الفتيس هاتلاقيهم متوئمتين بنفس الزراير والمهام يعنى كل واحده بتعمل نفس الشىء.. وكمان التابلوه هاتلاقيه كده برضه الزراير الى فيه ماعدا زراير الهيدروماتيك الى فى النص متؤمه ..

واحد من الجمهور يقول يعنى متؤمه يا عن الحج أحمد.. اقوله انا ...يعنى معمول منها نسختين فى اتجاهين متضادين تخدم كل واحد يقد على اى كرسى من الكراسى الى قدام ويقوم بالقياده.

وهى فعلا فيها سنسور طريق يا ابو السيد.. يعنى نام سعاتك وهى مع الجى بى اس الى موجود فى التابلوه هاتحدد طريقك من قبليه والسرعه وهى تقوم بالباقى ..

بس..

اه والنيييييييييعمه..

عموما هيا متنفعش عندنا هنا..... علشان المطبات الصناعى بتأثر على الكامبيوتر بتاعها ... :oops:

أحمد محمود

دكتوراه الدركسون المقارن جامعه بنز بألمانيا و دبلومه العفشه الالمانى من كوم حماده بلندن

[mazen mohamed]

أحمد محمود

دكتوراه الدركسون المقارن جامعه بنز بألمانيا و دبلومه العفشه الالمانى من كوم حماده بلندن

حلوة قوى :oops: :phar: :happy: :lol: :lol: :lol: :lol: :lol: :lol: