النسر المصري اتجوز يا رجاله

[MZohairy]

سقف الفلا بعد ربوع دامغ ونفعا لإبتيان الصفا و النجود

الف مبروك ياعمور

[لخبطه]

ألف مبروك يانسر

وعقبال ميت سنه

ميت سنه جواز طبعا

بارك الله لكما وبارك عليكما وجمع بينكم في خير

[badroora]

يا الف نهار ابيض يا الف نهار مبروك

بس سؤال هو فى حد بيتجوز فى رمضان ؟

[Folana]

السلام عليكم ورحمة الله ...

تهنئة من القلب للاخ الفاضل عمرو بمناسبة زواجه السعيد..وندعو الله ان يبارك له فى زوجته ويرزقه الذرية الصالحة

مع تمنياتنا بدوام السعادة والتوفيق

عن الادارة ....

فولانة...

[إبن مصر]

اذا صح الخبر الى نقله امرؤ الزهيرى... :blink:

وحتى يؤكد هذا الخبر الاخ الفاضل النسر المصرى.. :blink:

الف الف مبروك ونتمنى من الله ان يجعلها زيجه مباركه وان يجمع بينهم فى خير .. بالرفاء والبنين . :blink:

[Salwa]

بجد يعنى ...

خبر حلو قوى قوى ..

الف الف الف مبروك وعقبال ماتفرح بولى العهد ...

ربنا يديم عليكم المحبة والصفاء والرضا والاخلاص ويكون كل منكما للآخر سكن .

[shahd]

مبروووووووووووووووووووووووووووووووووووووووووووووووووك

مليوووووووووووووووووووووووووووووووووووووون مبرووووووووووووووووووووووووووووووووووووووووووووووووك

يانسر وياااااااااااااااااااارب يسعدك ياااااااااااااااااااااااارب

لولولولوولولولوللوولولولولولولولولولولوولولولولولولولولوولولولولولولولولولولولولولوللولوولوليييييييييييييييييييييييييييييييييييييييييييييييي

[bentmasria]

الف مليون مبروك يا عمرو اللهم احفظك وتمم لك بالخير والرفاء والبنين باذن الله تعالى وتجيب لى العروسة الشقراء للقمر بتاعى ان شاء الله

طبعا الاختفاء كده بقى مبرر عاوزين نشوف العروسة باسم حرم النسر ونتعرف عليها من فضلك الطيبون للطيبات وانت مثال للادب والذوق والاحترام مليووووووووووووووووووووووون مبروك عليكم يارب

قبلة كبيرة من مادا لعمو وطنط

مبيوك يا عمو عمرو هو بيقولها كده صدقنى

:blink: :blink: :) :blink:

تم تعديل 25 سبتمبر 2007 بواسطة bentmasria

[nash]

ألف ألف ألف مبروووووووووك يا نسسسسسسسسسر :blink:

والله فرحتلك من قلبي....ده حلم ولا علم ؟؟ :)

أخيرااااااااااااااااااا...شكل العروسه بطله إنها أقنعتك بالزواج... :)

رزقكما الله الذريه الصالحه..وجمع بينكما علي الخير

:blink: :blink:

[Ahmad Farahat]

تخيلوا النهارده يقلي خطوبة مش جواز

بقى كده يا نسر

كده فيه حق عرب ما بينا بس أما أشوف شكلك

عموما

ألف مبروك يا عمور على الجواز وربنا يرزقك بالذرية الصالحة يا رب

بجد فرحنالك قوي يااااااااااااااااااااااااااااااااااااااااااااااااااااااااااه

دانت تعبتنا عقبال ما جوزناك

دخنا دوخة طويييييييييييييييييييييييييييييييييييييييييييلة

أخيرا

وباقة ورد حمراء لأحلى عروسين من أهل العريش :blink: :blink: :blink: :) :)

ستة كالعادة :)

أرسين

[زعلان]

الف مبروك :sad: واخيرا ربنا فك عقدتك يا ولدي :blink:

[Handicraft]

الف الف مبروك

بارك الله لكما وبارك عليكما وجمع بينكما فى خير

[se_ Elsyed]

جواز ولا خطوبة ؟

من فضكلم عايز أعرف بالتحديد عشان ألبس البدلة والجلابية المناسبين وأطقم بقى وتبجى ليله

[amrhoras]

اخى عمرو مبروك مبروك مبروك تلاته مبروك

مبروك عليك زيجة مباركة

مبروك عليك ماتخترت

مبروك حياتكم انشاء الله مبروكه وعقبال البكارى وتبقى بابا عمرو :blink:

بس انت اينعم بخيل شويه عشان مفيش حتى عزومة ولا كارت فرح ولا كباية سفن اب ولا اى حاجة ولا حتى سيبتلنا خبر مكنش العشم مع ان اسمي على اسمك ولاد جمعية عمرويات واحده

بس برده بقي مبروك والف نهار مبروك والله فرحتلك من كل قلبي وبهديلك اغنة خاصة بالفرح هو انا دورت على اغنية حتجوز حاجة فريحي كدى ونعملك ليله هنا ملقتهاش فجيبتلك اغنيه طلعت اغنية تانية خالص بس عجبتني اول مره اشوفها :sad: العنب العنب العنب للاسف مش عارف اعمل لهم رفع لانها ممنوع من الادارة

فى اغانى كتيير نزلت فى البلد وانا معرفشي بس ملحوقة ونفرح انشاء الله بيوم رجوعك كدى يارعريس

زعرتي يابنت انتى وهى اده

البنات ( لولوللولوللولولولولولولولولولولولولولولولولولولولولولولولــــــــــــــــــــــــــــــــــــــــــــــــــــــــي) الله زغروتك حلوه اوى ياماما (فيلم ابوكرتونة )

اخوك الصغنن عمرو حورس

تم تعديل 26 سبتمبر 2007 بواسطة amrhoras

[Diab]

مبروك يا عمرو و عقبال البكاري

دياب

[النسر المصري]

فضحنا المسيو زوهيري واللي كان كان بقى وربنا ستار عليم.... :blink:

ماعلينا ...طبعا النا مازلت غير مصدقة ماحدث لي....وبعضهم يشك...وبعضهم يتسائلووون....يتهاتفون......يفسفرون.....ويتشاكلون.....عن الحدث

عن الحقيقة..

ترى ...وياهل ترى....!! ماهي الحقيقة!!!!

هذا ما سنعرفه في حديس الثاعه...!!

الحكيكة والواكع ..اني الحدث بدأ عندما قررت ان اهجر عملي وانزل مصر في مهمه انتحاريه للبحث عن زوجه...

ولم يمر اسبوعين حتى وقعت في غرام ابنة خالي.....فطلبت يدها وتزوجتها في ثمانية عشر يوما

كان أحلى فرح عرفته مصر

واحلى زفه

واحلىفرقه وبوفيه وفستان وبدله وكل حاجة.......بجد فرحت اوي اوي......واكثر ما افرحني...انني فزت بالانسانه الصالحه الطيبه الجميله في قلبها وعقلها قبل

سأعود اليكم لاكمل الرد على تباركاتمكم يا اغلى الناس

[amrhoras]

خيييير ماعملت الواد ابننا والبنت بنتنا مبروك ياعريس bv:-

ربنا يباركلك فيها ويهدي سركم سوا سوا

وتعيشو انشا الله فى تبات ونبات وتجيبوا 6 صبيان وبنت bv:- حاكم انا احب الولاد جدا مع انى عندى اميرة حبي انا بنتي عمرها سنتين دلوقتى اجمل مخلوقه شوفتها فى حياتى واول فرحتى

يارب يسعد كل شباب المسلمين والف الف مبروك لاحلى عريس واجمل عروسة لمؤاخذه يعنى مش بعاكس :blink:

بس برده هذا لايمنع ان من حقنا عليك اننا ناكل ساندوتش لحمه من البوقيه وحته طرطه او ترته وبيبسي اللى هو مودود فى كواز صفايح ده

:sad: اجمل التهانى من عميق قلبي لكما wst::

عاذب للابد عمرو حورس bv:-

[MZohairy]

مش قلتلكم؟

مكنتوش مصدقيني :blink:

رغم اني حضرت الفرح بنفسي و وزعوا على كل واحد وجبه في علبه كرتون صغيره فيها سندوتش جبنه رومي و نص سندوتش بسطرمه و ربع رغيف فاضي

[النسر المصري]

ايوه ايوه صح ...بامارة ازازة السفن اللي خطفتها من الواد في الفرح وخليت الواد يعيط ويفضح الدنيا.......ولما اسألو أقله ليه عملت كده يا اونكل مزهوراتي.....يقولي يابني انا كنت جاي اهدي النفوس!!!!

ماعلينا نرجع لتباركات الناس والاحباب والردود عليهم

دي رساله متدهوله ومتشقلبه وصلت حالا من اونكل لخبطه وبيهنينا فيها بمية سنة جواز...الله يبارك فيك ويطولنا في عمرك ياكبير الأحبه

السيستر نجفة باعته بطاقات في أجمل مايكون....ربنا يخليكي لينا يارب....بس يانجفه سؤالك مش في محله...لان الحقيقة انت اللي بتباركيلي في رمضان...وانا اتجوزت قبل رمضان ...فاهمه حاجة :blink:

الاخت العزيزه فولانه

اشكرك من كل قلبي على مباركتك ياسيدتي..ولكن كنت اتمنى ان تباركيلي باسمك وبشخصك وليس باسم الاداره...فلا احمد محمود ولا س س ولا مدام سلوى تكلمو باسم الاداره....اذكر هذا لانك تعلمين مدى معزتك لدي....ولكني افخر بكل صدق بمباركتك لي

عمي وعم الرجال والمصريين ابن مصر...احمد محمود

تأكد ياسيد الناس تأكد...الخبر اللي نقله مزهوراتي موثق ومختوم بختم النسر بردو...الله يبارك فيك ياحبيب الكل

سيدة المحاورات الأولى ...ماما سلوى

طبعا ابدا ودائما انت لك مكانه عالية وغالية في قلبي....وولان الامر كذلك...فقد كانت المفجأه باني وعدت عروستي بان اقضي اسبوعان في بلاد الاندلس...ووعدتها بان ترى احدى اعظم اعلام الاندلس....هي...مدام سلوى

شهوده ست الحبايب والاحباب هنا عندنا

طبعا ماشكتش لحظه في انك تكوني اول المباركين...بل اكاد اجزم ان حروفك تطير من الفرحة وانت تكتبينها....ولن اتنازل عن ان اجتمع يوما ما انا وعروستي وشخصك الكريم لكي اتشرف برؤياك الكريمه

رفيقة الدراسه والعمل والكفاح المسلح بنت مصريه

دي بوسة كبيره اوي من اونك نسر ومن طنط نسره لمادا حبيب قلبي......وربنا انا فرحان اوي لكلماتك الحلوين....بس انا هغلس عليكي وهطلب منك بيتين شعر كده حلوين بمناشبة هذا الحدث....بدل الكلمتين الملعلطين بتوع مزهوراتي

لن يحلو الكلام بدون الحلو ناش

ربنا يبارك فيكي ياناش ويبارك في كل من تعرفينه....انت شخصية رائعه عالدوام...بس صدقيني مش العروسه هي اللي اقنعتي...انت تحمدي ربنا اني قدرت اقنعها بيا انا اسااسا.... wst::

آرسين لوبين حبيب الأهلاويه ورئيس اركن حربهم

انا بصراحة يا آرسين كنت قاصد اقولك خطبت ...بس الهدف من ذلك شريف.....لاني كنت عاوزك تعيش جو الفرحة ....بس زهوري فضح المستور بقى واللي كان كان...ربنا يبارك فيك يازعيم

زعلان النهارده فرحان...والفرحة بتتنطط في ايدية...قصدي عنيه :sad:

ربنا يكرمك يزعلان وتدوم افراحنا

هاندي كرافت بنفسه....مش ممكن.....طب ازاي...انت اساسا دياما بتاع سياسه...جيت بنفسك تباركلي.....انا لا تسعني الفحه لكي اشكرك ياغالي

هو الزعيم

هو الكبير

هو الاشهر

هو الأول

انه سين سين الجبار...ملك الجبال والبحار

بس ياعم قول مبروك الأول ...هو انت لسه هتفكر جواز ولا خطوبه.....خد ياض ياهنداوي...ودي كيلو فراخ البيك ده لعمك سين سين...بقالو تلات سنين بيحلف عليها

اخي عمرو حورس ..اللي هو اخو عمرو النسر

اموت واعرف عرفت اسمي منين (وش واحد بيستعبط).......بس ايه ياعم الحلويات دي كلها.....ده انت بتكتب خطابات ....انت خلاص صاحبي الانتيم ياعمور

دياب....ديااااب....ديااااااااااااااااااب.....بسم الله الرحمن الرحيم.....مالك ياصاحبي....مش عوايدك......انت دايما لما بتخش في الحجات دي بتشطح وتنطح.....اوع اكون زعلتك في حاجة...اقطع لساني من لغلوغة لو حصل ياديوبه.....بس بردو الله يبارك فيك يا صاحبي

[kokomen]

ألف ألف مبروك يا أجمل نسر مصري في الدنيا

أسرع هدف في دوري الزواج المصري يحرزه النسر المصري الأهلاوي الصميم

بعد ثمانية عشر يوما فقط يعني أسرع زواج في العالم .. لذلك سوف نسجلك في موسوعة جينس العالمية

مليون مبروك من حبايبك الجماهير الزملكاوية ... وربنا يرزقك بأسرع ولي عهد وأسرع بنوته في دنيا الزواج

أهلا بك في قفص الزوجية الذهبي قصدي المربع الذهبي .. wst:: وأستلقى وعدك ياحلو .. بعد ما دخلت القفص بكامل إرادتك

الف مبروك وعقبال المئوية الزوجية ... منتظرين التورتة والذي منه .... bv:-

:blink: :sad: