دعوة فريدة لحضور حفل زفاف

[شينكاوي]

دعوة زفاف

بعد التوكل علي الله والرضاء بقضائه وقدره سبحانه وتعالي يتشرف اخوكم محمد بدعوتكم لحضور حفل

زفافه وذلك بعد عيد الفطر مباشرة ...الحفل سيكون بالقرب من احد أشهر المعتقلات حيث يقطن والد العروس وللظروف الأمنية سوف يتم

اعلامكم بالمكان والتاريخ في حينه عن طريق أحد الأخوة.

وبعدها سوف يتم عمل استقبال في مزرعة خاصة باحد الاقارب وهناك مكان مخصص للنساء

.وطبعا اللحم هيكون للركب :blink:

واللي ناوي ييجي الفرح نفسه _ اللي قريب من معتقل بيب العادلي- لازم يعمل حسابه في بطانية وكام غيار علي اساس ان

في احتمال ان التهمة جاهزة عند رجالة بيبو دوللي .

واستحلفكم بالله اللي موجود في مصر وقت الزفاف يشرفنا والاتوبيسات هتكون موجودة في رمسيس لنقل المدعوين للمكان.

:sad: wst:: bv:- bv:- bv:- bv:-

اللي انا خايف منه انه مش هيكون في معازيم من اساسه او انني والعروسه ما نلحقشي ندخل دنيا نقوم ندخل قسمي الرجال والنساء

بنفس الفندق بتاع سيدي حبيب.

اخوكم ................... شينكاوي......................

[Folana]

السلام عليكم ورحمة الله....

الحقيقة انا مش متأكدة اذا كان ده فعلا اعلان زواج اخونا الفاضل شينكاوى ولا ايه...

مش مهم الدعوة احنا كده خلاص فهمنا ..ماحدش يروح...

لو الخبر حقيقى ...يبقى الف مبروك اخى الفاضل وربنا يتمم لك فرحتك وزواجك بالخير ان شاء الله..

اذا مش حقيقى قولنا علشان ننقل الموضوع .فى المنتدى المناسب له.......

[شينكاوي]

السلام عليكم....

اختنا الفاضلة folana هذه بالفعل دعوة زفاف ولكن الظروف المحيطة بالزفاف تستلزم علي ان اكون في قمة الحنق والغضب والسخرية في وقت واحد ........... اتعرفين يا سيدتي انني وبسبب ان والد العروس قيادي من قيادات العمل الدعوي الاسلامي- فك الله اسره- فان حفل الزفاف معرض للألغاء لأنه بالطبع سيكون فرح أسلامي وسوف تلتقي فيه دعاة لا تريد لهم الحكومة حتي مجرد الالتقاء والتهمة معروفة.

اما تفاصيل الفرح فهي نفسها لن نغيرها ولكن ربنا يستر ولا يتحول الفرح لميتم

واخيرا اليك هذه القصة: في فرح احد الاصدقاء وهو معتقل سابق اجبره الامن علي اقامة حفل مختلط وبه مطرب وفرقة موسيقية وهي اشياء ضد مبادئ وافكار العريس والعروس وكله تم باشراف امن الدولة ... بس اللي دفع العريس طبعا

واخيرا والله العظيم انا جاد لدعوة من يريد الحضور من الأعضاء للحفل .

والجميع علي الرحب والسعة

واعتذر انني لن استطيع الرد مجددا الان لدواعي السفر لمصر ولنا عودة في ثوب جديد بعد الزواج ان

شاء الله

[Folana]

السلام عليكم ورحمة الله......

حيث كده بقى يبقى الف الف مبروك وان شاء الله الفرح يتم على خير ...ربنا يوفقك ويسعدك ...

بس كده

:angry:

[mffaswan]

الف ألف مبروك

بارك الله لكما و بارك عليكما و جمع بينكما في الخير إن شاء الله

[se_ Elsyed]

ألف مبروك يا شنكو وربنا يتمم بخير .. وما تحطش في بالك الظروف المحيطة دي ... الأمن مش بالسذاجه إن يكبس على فرح ويلم اللي فيه وأولهم العريس ... المعتقلات مليانه والحمد لله

[badroora]

الف الف مبروك يا شنكاوى وربنا يتم عليك بخير وتجبلنا شينكاوز صغيرين يملوا علينا المنتدى

لولاش احنا فى رمضان كنت عملتلك فرح هنا محصلش بس ملحوقة بعد رمضان ان شاء الله

ربنا يتم عليك يخبر يا رب

[Alex Lover]

الف مبروك وبالرفاء والبنيييييييييين

[شينكاوي]

السلام عليكم...

الله يبارك فيكم جميعا

اللي موجود في مصر في فترة بعد العيد لازم يشرفنا يا جماعة

se_ Elsyed رد اليوم, 10:31 AM ]

مش بالسذاجه إن يكبس على فرح ويلم اللي فيه وأولهم العريس ... المعتقلات مليانه والحمد لله

ايه يا سين سين البشارة دي ؟؟؟؟ليه هما ممكن يلموا العريس والعروسة مع المعازيم ولا ايه

انا ما ليش اي نشاط سياسي اسلامي في الفترة الحالية وبالعكس دا انا شغال في بنك يا عم

وعلي العموم ليقضي الله امرا كان مفعولا

[Ahmad Farahat]

أنا في البداية افتكرتك بتهزر والله وقعدت أضحك على طريقة عرض الفرح

بس فهمت الموضوع بعدين

وبلعت النكتة وشربت وراها شوية ميه بعد الفطار طبعا

بجد ألف مبروك يا شينكاوي

وربنا يوفقك في حياتك الجديدة وتعرف تكمل يومين العسل في بيتك على خير

بس طمني الفرح منقول على قناة الناس ولا الرسالة بس عشان نتفرج

بس أهم حاجة إنك غيرت الصورة المرعبة اللي كنت حاططها

ومستنيينك في توبك الجديد

بعد الجواز

أرسين

[الطيار المصرى]

الف الف مبروك يا عم شينكاوي......علي الرغم من الدعوة الغريبة دي...

و عقبال ما تجيلينا دستة زمالكاوية صغننين نقعد نناكف فيهم زي ما بنعمل مع ابوهم في المنتدي :rolleyes: ...

و متخافش...لو شميت ريحة الامن....اضرب كرسي في الكلوب و اهرب....و لا حد هياخد باله...و علي ضمانتي....

تحياتي...

الطيار المصري