هل تفخر بمصريتك؟؟هل تتمني الحصول علي جنسية اي بلد عربي او اوربي ولما؟؟

[wael elsherif]

سؤال ربما يفهمه البعض علي انه خيانه لمصرنا العزيزه ولانتمائنا الوطني ..لا لا انما هو سؤال لطالما الح علي وتمنيت ان اجد له اجابة كافية شافية.هل هي خيانه ان افكر في الحصول علي جنسية بلد اوربي او حتي عربي اخري؟؟وما هي الاسباب ؟؟الا نحمل معنا جواز سفر يرجع تاريخه الي 7000 عام من الحضاره؟فلما لا استطيع ان اسافر واتنقل به كما اشاء ؟هل هي مجرد احلام ؟ام تمنيات؟ام امل ان يصبح لجواز السفر المصري نفس قيمة جواز السفر ""الاسرائيلي مثلا مع تحفظي علي الاعتراف اصلا باسرائيل...تخيل ان جواز السفر الاسرائيلي لا يحتاج الي فيزا لمعظم دول العالم.فاين جواز سفرنا المحترم من جواز سفر بلد كل تاريخها 60 عام؟؟؟؟؟؟؟؟؟؟؟؟؟

وائل

[قاهرى]

ارد عليك يا اخ وائل ... مفيش واحد اسرائيلى بيدخل اى بلد عربى للحصول على عمل او فرصة احسن مش لقيها فى بلدة .. الى بيفكر يجى بيكون بهدف السياحة ودخل للبلد الى هو هيتفسح فيها ولو كانت حتى البلد دى مصر فلا داعى لفيزا ... اما المصرين فبقوا بالعربى كدة زى الهم على القلب بالنسبة لمعظم الدول من كتر الى عيزين يسافروا علشان يشتغلوا يعنى يخدوا فلوس من البلد مش يدخللها .. فبالتالى لازم يكون فية ربط وظبط للموضوع دة ولو اصبح الجواز المصرى لا يحتاج الى فيزا الى بعد الدول العربية او الاجنبية لسوف تجد ان اغلب ان لم اقل كل المصرين سوف يكونوا موجودين للعمل فى البلاد المسموح لها بالدخول فيها بدون فيزا

انا موضوع هل تتمنى الحصول على جنسية اخرى غير المصرية ؟

فبرغم كل المميزات التى يحصل عليها اصحاب الجنسيات الاخرى غير المصرية .. الا اننى لا اريد ان احصل على اى جنسية غير المصرية فانا مصرى وافتخر انى مصرى والسبب انى بحب بلدى جدا وبحب ارضها وبحب شعبها ونسها واهلى وكل مكان اتربيت فية وعشت فية

وبرغم ان اكل عيشى مش فيها وكونت اتمنى ان يكون فيها بس انا بستنا نزول بلدى بفارغ الصبر

......عاشق القاهرة.... وعاشق النيل .......

اخوكم .. قاهرى :rolleyes:

[wael elsherif]

يا اخي يا قاهري كلنا فاخرون بمصريتنا واسلامنا .ولكني اسال هل ما زلنا نحن المصريون نحمل نفس القدر من الاحترام والتقدير لانفسنا .ولماذا كل هذه المهانه في المعامله في بلادنا العربيه_انا اعيش في هولندا ويسكن بجواري سيده بولنديه لها نفس حقوق الهولنديين لها الحق في العمل والسكن وليس لها كفيل يتحكم فيها .لقد التحقت كلا من رومانيا وبولندا والتشيك وسلوفيكا وبلغاريا وبعض الدول الاوربيه الاخري .لقد قضيت حوالي 6 اشهر في رومانيا والله انها تكاد تكون افقر من مصر .ولكن وبعد التحاقهم بالاتحاد الاوربي اصبح لهم شان اخري .انها حدود مفتوحه ليس هناك اي عوائق للتنقل والعمل بكل حريه.انهم لا يملكون اي قدر من التكامل الثقافي او الديني او العاداتي او اللغوي.ثقافات وعادات وتقاليد ولغات مختلفه.وبالرغم من دلك لا يحتاج اي انساني اوربي يحمل جواز سفر اوربي الي فيزا او تصريح للدخول او الخروج.فالمساله ليست مسالة انه عندما تفتح الحدود فسوف يهاجر كل المصريون من مصر او مسالة الخوف من هجرة المصريين ولكن المساله لمادا لا يحدث مع المصريين ما يحدث مع الرومانيين مثلا او البولنديين وهل نحن اقل من هولاء؟وهل هم افضل مننا؟وهدا ما قصدته لم اكن بالضبط اقصد الافتخار من عدم الافتخار.فلو سالت اي شخص في العالم هل انت فخور بوطنك ؟ستكون الاجابه الطبيعيه نعم.ولكن هل تتمني وضع احسن من دلك لوطنك ؟وهل تكره ان تتاح لك فرصه في الحياه افضل مما انت فيه؟؟سؤال ينتظر اجابه؟؟؟؟وهل ستجد دلك في مصر الحاليه؟؟؟وائل

[فــيــروز]

ولا بافخر بيها ولا باستعرّ منها :rolleyes:

باعتبرها أمر واقع يعنى لا مجال لمناقشته أو التفكير فيه

[justtrying]

لا أريد الإجابة على سؤال الموضوع صراحة ..

لكني أتسائل !!!

هل المصري له قيمة في بلدة أصلا حتى يكون له قيمة خارجها ؟ !

[رمضان]

يجب ان يكون السؤال هل ترغب في الحصول على حكومة غير الحكومة المصرية لانه لا يجب المزايدة على الوطن فرغم كل شيء لم يفعل لنا الوطن شيء بل اعطانا كل شيء ولكن من فعل بنا ما فعل هم ابناء الوطن .

هذا السؤال يجب ان يكون موجه للوطن ( هل تريد الحصول على شعب غير هذا الشعب )

نعيب وطننا والعيب فينا وما لوطننا عيب سوانا

[amrhoras]

انت مصرى وانا مصرى وكلنا مصريين دى حقيقتنا

بالنسبة لجنسية اى بلد تانيه لا اعتقد انه فى بلد حالها معدول كله زى بعضه ان كان عربي او اوروبي او امريكي او حتى كندى

لكن السؤال هل يرغب احد فى اكتساب الجنسية المصرية اعتقد لا لان المصرى لا قيمة له داخل بلده ولا خارجها بفعل عوامل التعرية السياسية المحافظة على حقوقنا جداااااا داخل وخارج البلد

[badroora]

مصرية وكلى فخر بل مصرية لدرجة الغرور كمان

الحصول على جنسية اخرى دى وسيلة لتعيش حياه كريمة جوة وبرا البلد زيها زى بالظبط مشروع بتفكر تعملة لتحسين دخلك ورفع مستواك

الجنسية من وجهة نظرى او الهدف من السعي ورائه كبزنس بحت يعنى كتحسين مستوى مادى ودبلوماسي بمعنى مصرية زى مانا ولدي صلاحيات اخرى لتحقيق ما اود

على الرغم انى خارج مصر ومقدمة على هجرة الى ان امنية حياتى ان اعيش فى مصر بحلوها ومرها لان راحة البال موجودة هناك وبس

واتمنى من الله ان يحقق حلمي ويقصر ايامى وانزل استقر فيها

لاننا لازم يكون لنا دور ايجابي لتغير مفاهيم كتير لو كل واحد بدا من حيث مكان عمله وقدر ينجح يبقي مصر هتتغير وهتفضل بلد الكنانه وكلنا نفتخر بها

تم تعديل 29 سبتمبر 2007 بواسطة نجفة المغرورة

[badroora]

لكن السؤال هل يرغب احد فى اكتساب الجنسية المصرية اعتقد لا لان المصرى لا قيمة له داخل بلده ولا خارجها بفعل عوامل التعرية السياسية المحافظة على حقوقنا جداااااا داخل وخارج البلد

هنا اختلف معك يا عمرو يا جماعة مش لازم السحابة السوداء اللى فى مصر تغطى على كل شيء جميل

فى ناس فى مصر وهنروح بعيد ليه اهلينا واصحابنا مهم عايشن ومبسوطين والله هما فى راحة بال عننا واحنا كمان اللى محملنهم همنا

وبخصوص القيمة يا عمرو موجودة جوة بلدك وبراها لان انت بايدك اللى تعمل قيمة لنفسك

طبعا الحكومة ليها دور كبير فى موضوع القيمة دا بس بردوا جزء منه يقع علينا

واعتقد انك سنك صغير يا عمرو وماشاء الله فى منصب كويس فى شغلك وكتير زيك

يبقي بليز بلاش نقلل من قيمة نفسنا احنا كويسين ولنا وضعنا فى اى مكان

وظروف البلد ارحم بكتير من بلاد تانية واديكم شايفين كفاية جو الخليج نفسه دا لوحدة هتعرفوا قد ايه اننا فى نعمة

[amrhoras]

لاننا لازم يكون لنا دور ايجابي لتغير مفاهيم كتير لو كل واحد بدا من حيث مكان عمله وقدر ينجح يبقي مصر هتتغير وهتفضل بلد الكنانه وكلنا نفتخر بها

وانا بضم صوتى لصوتك يانجفة ومتفق معاكى فى النقطة دى انما حكاية انى الواحد ياخد الجنسية من اجل عيشة كريمة اعتقد انها تكون للناوى يعيش معظم سنين حياته خارجها بس بالنسبة لليا نفسي الف العالم اتعرف على شعوب كتييير واروح هنا وهناك وفى الاخر ارجع اعيش فى بلدى بلحوها ومرها بعد ماكون كونت ذرة مشروع ليا اكون فيه سيد قراراتى اعتقد اننا كلنا ناويين على كدى

عموما ربنا معانا جميعا عنئذذنكم الفجر اذن

عمرو حورس

[se_ Elsyed]

وهل لو بكره حصل إنتعاشة إقتصادية وإكتشفنا كام برميل بترول وربنا رزقنا بحكومة نضيفة ... هل ساعتها هانفتخر بمصريتنا وجنسيتنا وجواز سفرنا ؟

ولا الناس بتحب بلدها حسب حالتها ..

يعني لو القاشيه معدن يبقى مصريتنا وطنيتنا حماها الله

ولو الظروف تعبانه ... يبقى هِج يا عم وشوفلك أي جنسية تانية إنشالله جنسية فولتا العُليا طالما هاتدفع والحال يمشي ويبقى في دراهم ..

حتى رومانيا اللي زميلنا صاحب الموضوع عايزنا نقارنها بمصر ... مش فاهم إزاي ؟!!! يعني مش لما تقارن بلدين يبقى عندهم نفس الظروف وموجودين في نفس المنطقة ؟

طب هاقولك حاجة .... الهند اللي فيها فقرة مش لاقيين حتى التُراب ياكلوه وملايين من سكانها كل متاعهم من الحياة ملايه فارشنها في أي شارع وعايش حياته هو وعياله ... يا ترى لو كانوا بيفكروا كده وإن كلهم يهجوا وسيوا البلد أو يلعنوا يلسفيل أجداداها لإنهم فقراء بل كلمة فقراء ما يعرفوهاش حتى من كتر الفقر ... يا ترى لو كانوا عملوا كده كانوا قدروا قريباً يوصلوا لحالة إكتفاء ذاتي غذائي وخصوصاً زراعي وتبقى دولة نووية محترمة وتبقى ثاني دولة في مجال البرمجيات ؟

[desert_eagle70]

يعنى هو ايه اللى مزعلكم من الجنسية يا جماعة اوى كده .. يعنى فين الجنسيات الحلوة كده عشان الواحد ياخدها .. منكتب لستة كده بالبلاد اللى المفروض ناخد جنسيتها .. والله كله زى بعضة وكله جنسية ليها مساوئها .. أحنا ولا وحشين ولا كويسين يعنى فى المعقول ولا إحنا افريقيا ولا إحنا أمريكا .. مش عشان زعلانين من الحكومة شوية .. ولا فى شوية سلبيات الدنيا أتهدت .. وشكراً

[badroora]

طب هاقولك حاجة .... الهند اللي فيها فقرة مش لاقيين حتى التُراب ياكلوه وملايين من سكانها كل متاعهم من الحياة ملايه فارشنها في أي شارع وعايش حياته هو وعياله ... يا ترى لو كانوا بيفكروا كده وإن كلهم يهجوا وسيوا البلد أو يلعنوا يلسفيل أجداداها لإنهم فقراء بل كلمة فقراء ما يعرفوهاش حتى من كتر الفقر ...

هما الهنود طبعا هاجين من بلبدهم جاهزين انت اى دولة عربية بتلاقيى 80% من العاملين فيها هنود عدد سكان الهنود

1,065,070,607 وشوف حالتهم عاملة ازاى

وعلى الرغم من ذلك انهم هاجين الى الخليج وبيخدوا ملاليم والشهادة لله عمرى ماشوفت حد منهم بيلعن او بيقلل فى شأن بلدة

فى كتير منهم لما سالتهم انتوا فى الخليج بقالوا كذا سنه ليه مش اخدتم الجنسية كتير منهم كان ردهم اتعرضت علينا بس احنا موفقناش لان لازم التنازل عن الجنسية الاصلية ودا مستحيل ان اتنازل عن جنسيتى الاصلية برغم الفقر وبرغم الوضع اللى جنسيته حطته فيه ومع ذلك بيفتخر انه هندي ومش حابب يغيرها باخرى عربية

اما بقي يا س س موضوع التقدم دا بصراحة مش باين عليهم خالص لانهم كحالنا فى مصر يتلاقيهم اغنية لفوق اوى يا اما تحت خط الفقر مافيش وسط

وغير الامراض المنتشرة والوباء اللهم ماحفظنا

تم تعديل 29 سبتمبر 2007 بواسطة نجفة المغرورة

[se_ Elsyed]

اما بقي يا س س موضوع التقدم دا بصراحة مش باين عليهم خالص لانهم كحالنا فى مصر يتلاقيهم اغنية لفوق اوى يا اما تحت خط الفقر مافيش وسط

وغير الامراض المنتشرة والوباء اللهم ماحفظنا

دي حقائق يا نجفه لا جدال فيها .. لكن مشكلة الهند في عددهم الكبير .. بالإضافة إلى إن إنعكاس التقدم لا يتم بين يوم وليلة

لكن على سبيل المثال عندهم في مجال الزراعة ، فدولة عدد سكانها أكثر من مليار كان زمانهم بياكلوا بعض .. لكنهم حققوا إكتفاء ذاتي زراعي في زمن قياسي ...

---------------

بالمناسبة بقى وإجابةً على سؤال الموضوع

نعم أفتخر بجنسيتي المصرية بتعصب وتطرف كمان

لا أتمنى الحصول على جنسية اي دولة أخرى مهما كانت ... وهناك فرق بين ان أعمل أو أكسب رزقي في مكان غير بلدي .. وبين إقامة كاملة وجنسية تلك البلد التي أعمل بها .

لا يعرف قيمة الوطن إلا الذي حُرم منه مثل إخواننا الفلسطينيين اللي في المهجر أو الصوماليين أو حتى الدولة اللي فاكرنها جنة الله في الأرض وهي دولة بني صهيون ... فهل تعتقدوا إن في صهيوني بيفكر كده وبيسرح بعقله بالليل وهو حاطط راسه على المخده وبيشعر إن فلسطين هي وطنه ؟ مهما طنطنت وسائل الأعلام أو إعترف بها العالم كله ؟

الوطن من وجهة نظري هو الأم ... فإذا فكرت في يوم تغير امك او تستعر منها لإنها فقيرة ... يبقى سهل جداً إنك تفعل ذلك مع وطنك ..

بالمناسبة نحن من نحتاج للوطن .. وليس الوطن هو من يحتاج إلينا ...

يعني سيب بلدك وإهرب وروح إتلطع على أبواب سفارات الدول الحلوه اللي جواز سفرها شكله حلو ..... وبرضوا مش هاتأثر في الوطن وسيظل هو موجود أما أنت فإلى فناء ويا عالم هاتندفن فين ومع مين مع باسبورك الحلو ؟

[badroora]

الوطن من وجهة نظري هو الأم ... فإذا فكرت في يوم تغير امك او تستعر منها لإنها فقيرة ... يبقى سهل جداً إنك تفعل ذلك مع وطنك ..

:blink: ايه يا س س الكلام الكبير دا دا حتى اللى من غير ام حالة يغم احنا بنتكلم على جنسية مش خيانة للبلد ولا هنبيع اسرار البلد فى سيبل الحصول على جنسية اخرى

بالمناسبة نحن من نحتاج للوطن .. وليس الوطن هو من يحتاج إلينا

...

لاء احنا الاتنين محتاجين بعض

الوطن محتاجنا عشان احنا اللى هنبنيه واحنا اللى حمناه وحررناه الوطن محررش نفسه رقي اى امة وازدهارها نتج من ابنائها اى ابناء الوطن

الوطن محتاج خبرتنا وعلمنا وثقفتنا عشان نرتقي به ونطورة ونجعلة الوطن الاكبر والاعظم

احتياجنا للوطن لن يقل اهمية عن احتايجة لنا

الوطن هو الاستقرار والامن بالظبط كانك قاعد في بيت ايجار مهدد بالطرد وليك بيتك الملك اللى محدش يقدر يخرجك منه اهو البيت الملك دا بقي اسمه الوطن

بس بيتك اللى هو مللك محتاج صيانه وتنكيس وتعديل فلازم تسافر تجاهد تشتغل عشان ترجع تنكس بيتك وتعدله عشان يصلح للسكن فيه

والاستقرار

يعني سيب بلدك وإهرب وروح إتلطع على أبواب سفارات الدول الحلوه اللي جواز سفرها شكله حلو ..... وبرضوا مش هاتأثر في الوطن وسيظل هو موجود أما أنت فإلى فناء ويا عالم هاتندفن فين ومع مين مع باسبورك الحلو ؟

تكملة لكلام السابق ايه الفرق بين واحد عاوز يهاجر كام سنه عشان يرجع يستقر فى بلدة بامتيازات افضل لانه عنده بيته الملك

ولا واحد فضل انه يشتغل ويسكن فى بيت ايجار (الخليج ( وانه يبقي مابين البيت الملك والايجار انهى افضل

انا شايفة كونى اسعى للاحسن عشان استقر فى بلدى بوضع افضل

دا مش ضد وطنيتي ولا يعنى التخلى عنها الله ادانا مخ وقالنا استخدمة للماكسيمام ليفل يعنى السعي وراء الزرق مش عيب والله اللى بيوفق فى الاخر

موضوع الموت وهتندفن فين

الحاجات دى صعب اوى نتكلم فيها لانها مش بايدينا محدش بيختار يموت فين ويندفن فين

لو لا قدر الله انا ولا اى حد مسافر ومات فى طيارة ولا حتى فى مصر فى ترعة ولا بحر ماهو مات غريق ومندفنش

وكمان لنا ولا انت ضامن اخرتنا هتكون فين

وزى مالومت فى الخليج وجثتى هتوصل لمصر وتندفن فيها :blink: اكيد لو فى اخر الدنيا هتوصل بردة الا اذا بقي محدش ندل بعنى لاى مشرحة :ninja:

وكمان المسافر لو مات يعتبر شهيد بصراحة مش متاكده اوى بس سمعتها كدا ان المسافر يعتبر شهيد ودعوته مستجابه

زى الملظوم بالظبط

احنا نعتبر مجاهيد فى سبيل الله :rolleyes:

سلام يا اخى فى الله وزميل فى الجهاد

[مونتى]

الوطن هو الام

هو الصدر الحنين اللى بتحتاج دايما ليه

مصرى ثم مصرى

مصرى حتى النخاع

اعتقد ان جسمى ودمى مخلوط بحبى لمصر

بالمناسبة نحن من نحتاج للوطن .. وليس الوطن هو من يحتاج إلينا

عاشق بلدى :rolleyes:

[أسد]

أنا شخصياً مصري ..

مصري جداً ..

وسعيد بكوني مصري ..

وفخور لأني مصري ..

وده مش كلام وخلاص ..

لكن ده ما أشعر به ...

صحيح ظروفنا وحشة شوية .. وبقالها مده ..

لكن مصر بلد عظيمة ...

وعريقة ..

وإن شاء الله حتبقى أحسن وأحسن ,, وأحسن ...

أما حكاية نفسك أو تتمكنى تحصل على جنسية بلد عربي أو أوروبي ..

هي المسألة باختيارك ..

لأ مش باختيارك ولا باختياري ولا باختيار حد ..

يبقى السؤال غلط ..

أتذكر مقال لأنيس منصور .. من زمان قوي .. من حوالي عشرين سنة أو أكثر ..

قال .. رداً على مقولة لو لم أكن مصرياً لوددت أن أقول مصرياً ..

قال ما معناه ..

لو لم أكن مصرياً .. لوددت أن أكون مصري الجنسية .. أمريكي النهضة .. وفرنسي الإحساس .. الخ ..

مش فاكر بالظبط .. لكن هي كانت تشكيلة كده ..

أنا برضه كده .. مقتنع بالكلام ده

[justtrying]

السلام عليكم ورحمه الله وبركاته،،

نتحدث عن أوهام صنعها لنا استعمار ووطنها في قلوبنا وعقولنا ألا وهي الجنسية وللأسف فهي حقيقة وواقع نتعايش معه ولكن الذي أأسف عليه حقا هو توطن هذا الشعور في قلوب وعقائد العوام كعقيدة يبنى على أساسها ولاء الشخص أو خيانته رغم أن الإسلام لا يعترف بقوميات أو جنسيات.

فالذي يقف أمام الله عز وجل لن يُسئل عن جنسيته ولكن عن دينه ورسوله .. فهو موضوع دنيوي بحت ولا يجوز بأي حال من الأحوال ربط ولاء الشخص بتمسكه بجنسيته.

أما مسألة الافتخار بكون الإنسان مصري أو غير مصري فالحصول على جنسية أخرى لن يغير من الواقع شيئا نحن مصريو المنشأ شئنا أم أبينا ولكن نفتخر بديننا وإسلامنا أولا ومن ثم نفتخر بكوننا نشأنا في أرض قدسها الله عز وجل وجعلها كنانة الله في أرضه.

والسلام ختام.

[se_ Elsyed]

السلام عليكم ورحمه الله وبركاته،،

نتحدث عن أوهام صنعها لنا استعمار ووطنها في قلوبنا وعقولنا ألا وهي الجنسية وللأسف فهي حقيقة وواقع نتعايش معه ولكن الذي أأسف عليه حقا هو توطن هذا الشعور في قلوب وعقائد العوام كعقيدة يبنى على أساسها ولاء الشخص أو خيانته رغم أن الإسلام لا يعترف بقوميات أو جنسيات.

فالذي يقف أمام الله عز وجل لن يُسئل عن جنسيته ولكن عن دينه ورسوله .. فهو موضوع دنيوي بحت ولا يجوز بأي حال من الأحوال ربط ولاء الشخص بتمسكه بجنسيته.

أما مسألة الافتخار بكون الإنسان مصري أو غير مصري فالحصول على جنسية أخرى لن يغير من الواقع شيئا نحن مصريو المنشأ شئنا أم أبينا ولكن نفتخر بديننا وإسلامنا أولا ومن ثم نفتخر بكوننا نشأنا في أرض قدسها الله عز وجل وجعلها كنانة الله في أرضه.

والسلام ختام.

الإنتماء وحب الوطن ليس أوهاماً ولا من صنع الإستعمار

والرسول الكريم هو أول من علمنا حب الوطن عندما ذرفت عيناه بالدموع وهو يخرج من مكه وقال مقولته الشهيرة التي تعلمنا منها حُب الوطن "والله انك لأحب أرض الله الى الله وانك أحب أرض الله إلي ولولا أن اهلك أخرجوني منك ما خرجت "

وكيف بالله عليكم أحب العالم من حولي وأنا لا أحب وطني ؟

فاقد الشيء لا يُعطيه

-----------------

نرجع لموضعنا

على ما يبدو من كتابات بعض الزملاء أن هناك خلط بين إكتساب العيش أو الحصول على جنسية بلد أخر وبين حب الوطن

ربنا امرنا بالسعي لإن أرض الله واسعة ... لكن ما معنى إني أسيب بلدي وأفضل ناقم عليها طول عمري عشان بتمر بظروف وقتيه صعبة ؟

يعني ما ينفعش الإنسان يعمل الإتنين ؟....

يعني أسعى على رزقي في بلد أخر وفي نفس الوقت أحب بلدي وأحترمها وأساعد على رقيها على قدر المستطاع ؟

هذا هو ما نقصده يا إخوان

[النسر المصري]

[

على ما يبدو من كتابات بعض الزملاء أن هناك خلط بين إكتساب العيش أو الحصول على جنسية بلد أخر وبين حب الوطن

ربنا امرنا بالسعي لإن أرض الله واسعة ... لكن ما معنى إني أسيب بلدي وأفضل ناقم عليها طول عمري عشان بتمر بظروف وقتيه صعبة ؟

يعني ما ينفعش الإنسان يعمل الإتنين ؟....

يعني أسعى على رزقي في بلد أخر وفي نفس الوقت أحب بلدي وأحترمها وأساعد على رقيها على قدر المستطاع ؟

هذا هو ما نقصده يا إخوان

معلش يا أونكل سين سين ...ما اقدرتش امسك نفسي وان بقرا الموضوع ده....انا قلت بما اني متجوز وبقيت من الاعيان المفروض اني احلق للمواضيع واطنش واشوف مواضيعي انا :happy: ...لكن يبدو انه مش هيحصل :rolleyes:

نرجع لموضوعنا

معلش يا س س الأخjusttrying كلامه فيه الكثير من الصحه.....ولكن يبدو ان الصيغه ليست بما يحبذه البعض

بمعني اننا كلنا نفتخر بأصولنا... وهي بالتأكيد مصدر فخر واعتزاز للجميع عندما يعلم أصله وجذوره....وتجد الشخص بين اصدقائه يفتخر بنسبه لأرض كذا في وادي كذا..الذي انحدر من جد جده في عام كذا عام الف وسبعمائه وكذا وفضل قاعد هنا ف مصر لحد لما بقى كذا وكذا

اذن الحكايه مش حكاية جنسية بس...لأ...ده في جذور...وأصول..ودين...ومكان...وأشياء أخرى كثيره تفخر بانتمائك لها

أنا مثلا أصلي ينحدر من بلاد البوسنه والهرسك.....وكان ذلك ايام الحكم العثماني..ولازلنا الى يومنا هذا نفتخر باصولنا من هناك....بس انا النهارده مصري...وبردو فخور اني مصري....بس ماتتنسوش اني عربي....والعربيه عندي ليها معنى اكبر.....بس معلش قبل دول كلهم انا مسلم وهي دي اول حاجة افتخر بنسبي ليها

يبقى انا مسلم عربي مصري بالترتيب.......وبما (ان س +ع أس تربيع على 5 )...يبقى هذا يمكن لي الحصول على جنسيات أخرى عده كما أريد لاتقلل من مصريتي في شيء...ولا من عروبتي...والأهم...انها لا تقلل من شأن ديني الإسلامي في في شيء

وحتى لو أخدت ميتين جنسيه....هتقدر تزور بلدك وقت مانت عايز... وتاكل سندويتشات الكبده من عند عم عطوه...وتشربو الشاي الكشري.....وتاكلو كشري التحرير...وتقعدو عالنيل ...وتزوروا أهلكم...وتفرقعوا بلااايليين.......كل ده وانت معاكم جنسيات أخرى