هل تفخر بمصريتك؟؟هل تتمني الحصول علي جنسية اي بلد عربي او اوربي ولما؟؟

[سكندريه]

أنا شايفه أنه مش عيب ولا حرام أني أخد جنسيه تانيه بالأضافه لجنسيتي

وأنا أعتقد أن أختلط الأمر على كثير من المشاركين أنه من يأخذ جنسيه تانيه هو أنسان خاين لبلده غدار وعايز ضرب النار

طب سؤال كدا أسأله لنفسك لو جاتلك فرصه جنسيه أخرى توافق ولا لأه؟؟؟؟؟؟؟؟؟؟

معتقدش أن العواطف حتتدخل في الموضوع ده أكيد حتوافق طالما حتحصل على مميزات أحسن

أنا مش عرفه ليه رابطين أخذ الجنسيه بالخيانه للوطن وعدم الأنتماء

وأنا بصراحه لا أقبل أني أخد جنسيه عربيه بتاتا.........أحنا ناقصين

بس تعالى وشوف شغلك مثلا مهندس زيييييييك زيييييييييه ولأنه عنده جنسيه أمريكيه بس لهذا الشرف يحصل على 4أضعاف مرتبك

ومميزات تانيه عظيمه ده غير الأحترام والتبجيل لحضرته ؟؟؟؟؟؟؟؟؟!!!!!!!!!!!!!

ساعتها حتقول يعني هو بنأدم أحسن مني مثلا؟؟؟؟ومابينك وبين نفسك تتمنى تكون في مكانه وتتعامل معاملته ومش لازم يا أخوانا الجنسيه الأمريكيه يعني أنا عرفه حتطلعوا فيا لما أقول كدا

بس أنت أسأل نفسك أنت مسافر ومتغرب ليه ؟؟؟؟؟؟؟؟؟وفين؟؟ ولغايت أمتى؟؟ ساعتها حتتمنى تتعلق بقشايه أو تلاقي ظهر يسندك وسلام وتحياتي لبلدي وأهلها ألي بحبهم علشان بس منخلطش الأمور :rolleyes:

[Super kangaroo]

بصراحه انا كنت ماسك يدي بالعافيه عشان مكتبش حاجه عن الموضوع ده.. بس للصبر حدود و انا بصراحه كده مش قادر اشيل في نفسي اكتر من كده عشان الموضوع ده الناس كلها بتتكلم عليه

عارفيين اي واحد من اللي كتبوا عن الموضوع ده لو اتعرض عليه الجنسيه الكنديه او الاستراليه او جنسيه اوربيه مش حيفكر اكتر من 5 دقائق عشان يكون الرد بي اه طبعا .... و تحدي

وحكاية مصر بلدي و حبيبتي و دمي حكايه نسبيه لكل واحد ..بمعني

ممكن تكون مصر حبيبتك اوي اوي اوي اوي لما تكون غني و ذو نفوذ و تقدر تعمل اللي انت عايزه يعني لو انت غني بره و معاك الجنسيه كمان حتعيش زيك زي اي بني ادم لازم تلتزم بالقانون لآن القانون حيمشي هناك علي رقبة اتخن تخين ...بس في مصر انت ممكن تفرم واحد بعربيتك و تطلع منها زي الباشا لو انت من الدرجة الاولي اللي هما اغنياء و نفوذ و طبعا بطبيعة الحال 90% من مشاكل البلد انت ملكش دعوه بيها زي المواصلات و طابور العيش و الاماكن العشوائية و قلة أدب الناس اللي في الشوارع و معاكسة السيدات المحجبات المسلمات نهارا جهارا في رمضان بي اوسخ الالفاظ !!!!و الحر و انقطاع المياه و الكهرباء و بلطجة بعض عناصر الشرطة و المكروباصات و سواقين التكاسي و خلاصة الجيران و قاة الادب و كل هذه الاشياء

و ديه نقطة في بحر !!

بس لو انت من الدرجة التانيه يعني الطبقة الوسطة يبقي حتتفرم يا معلم ....لآن الطبقه الوسطي بتواجه مصير الديناصورات يعني متجها بقوة الي الطبقة الفقيرة رقم من 3 الي فاي

مصر بلدنا كلنا مش انت بتحب اكتر مني و انا بحب اكتر منك و احنا مادينها حب في حب و احنا مش شايفين غير كره و غل و حقد و سفاله في شوارع مصر كلها

انا عايز اعرف و اخرت الحب ده ايه !!! جواز ولا خلعاااااااااااااااان يا معلم !!!!!!!!!!!!!!!!!!!!!

[ايهاب سالم]

أفخر بماضيها

أخجل من حاضرها

أسعى الى إكتساب جنسيه أخرى مع جنسيتها

في مصر .. وطنك .. ليس لك حقوق و لست أمنا على نفسك أو أولادك و مستقبلك غامض بل مظلم

أما في الغرب .. الكافر .. الفاسق عند البعض

أنت مواطن .. لك كل الحقوق بمجرد ان تنزل من الطياره و قبل ان تأخذ الجواز

في الغرب أنت إنسان و مواطن ..... في الخليج أنت أجير ......... أما في مصر أنت ........(أكمل الجمله)

هذا لا يعني مطلقا أني لا أحب مصر

أحبها و أعترف بفضلها علي في تنشئتي و تعليمي و لكن لا أرغب في العيش فيها في الظروف الحاليه

تم تعديل 2 أكتوبر 2007 بواسطة ايهاب سالم

[AhmedAli]

السلام عليكم

تتحدثون عن الوطن ولم اراه

يا ليتكم تخبرونى ما هو الوطنانا وان كنت فى الورق مصرى فانا والله لم ار مصر بل رايت كفر وفسق وفقر وجهل وسرقه ورشوه ومرض

اعتقدت لفتره ومازلت اعتقد ان مصر بلد ملعونه وملعون ما فيها الا ذكر الله

لازالت طائفه على الحق

نعم

الا انه كل يوم يذهب منهم الكثير للمعتقلات الا من رحم الله وحفظ

لم ار شئ واحد طيب فى مصرواتحدى ان تخبرنى بشئ واحد يجعلنى احب او احترم هذه البلد او اهلها

انظر الان الى الناس الا من رحم الله

اصبح الناس مرتشون ولصوص من الفقر

والفقر جاء من سرقه الحكومه

والحكومه ما هى الا الشعب

نحن نعاقب بسكوتنا عن الظلم

انا اكره ان اكون مصرى وقد كان بامكانى الحصول على جنسيه اوربيه بالزواج من اوربيه ولكنى رجعت عن ذلك لانى لا احب الزواج من كافرة وان كانوا متقدمين وحزين لاننا مسلمين وفى قمه التخلف ليس العلمى فقط بل والخلقى ايضا الا من رحم الله

احب فى مصر فقط اهلى

وان كانوا معى هنا والله ما عدت لها ابدا

وادعوا الله ان يصلح حال مصر والمصريين وكل العرب ويهديهم للطريق القويم وان يجعلنا خير الامم

انقد لكى نصلح من انفسنا

وانا لله وانا اليه راجعون

[The Cavalier]

ربنا يصلح حال مصر

[واثق الخطوة]

بالطبع لا أفتخر بمصريتي ..

لسبب واحد غريب ..

مصر بلد غريب ... من بين البلاد الكثيرة التي سافرت إليها

كل البلاد التي زرتها تضع مواطنها في المقام الأول ...

بعكس مصر .. في مصر .. الغريب الأجنبي في المقام الأول .. هتقولولي كرم .وحسن ضيافة .. طيب ..

بصراحة يحضرني في هذا الأمر مشهد لن انساه طوال حياتي ..

كان في شهر أغسطس عام 2006

في ميناء نويبع المصري ... وكنا في طريقنا من خلاله لدخول الأردن ...

كنا ألاف مؤلفة ... كلنا نعمل في دول الخليج المختلفة ..

وتركونا ننام على الرصيف لمدة يومين ..

مع إن الإستراحة داخل الميناء كانت فاضية بتنش !!

كان معنا نساء وأطفال ! ولا مجيب

ثم جمعونا في يوم الصبح بدري وقالوا : قفوا صف .. هتدخلوا ..

ووقفنا للعصر ؟

تخيلوا ..

في عز الشمس .. في الصحراء .. نساء وأطفال ورجال .. @!!!!

ولا مجيب

ثم بدوءا في ادخال اتوبيسات كبيرة محملة الناس بتوع العمرة ( لان الوقت كان أيامها في بداية شعبان على ما أذكر )

ثم قاموا بادخال : الاخوة العرب و الأجانب والإسرائيليين ( فسيناء مليانة يهود) وتركونا نحن في العراء ...

ثم خرج إلينا البيه الكبير قوي .. والضابط بتاع الشرطة معاه ..

وشتمنا جميعا ...بأحلى شتيمة .! ( اللهم انتقم منه في الدنيا والأخرة )

وقام مختار واحد من الناس ونده عليه .. وكان واضح انه اختار عامل مصري غلبان مش متعلم وضعيف الحال ...

وشتمه بالأم والأب ... ورمي جواز سفره على الأرض .. وضربه على وجه ولا حول ولا قوة إلا بالله ...

تعرفوا عملوا أيه :

جابوا عساكر أمن مركزي ... وضربوا الناس بالعصيان ...

والله زي المواشي ضربوا الناس !!!

وفي الفجر عطفوا علينا ودخلونا بعد ما كنا على وشك العودة للقاهرة بعد أن فاض بنا الكيل والذل !!!

وهذا مثال من بين عشرات قول مئات قول آلاف الأمثلة المؤلمة ..... وتقول لي تفتخر بمصريتك !! ...

طيب وأيه كمان :

في كل البلاد التي زرتها السفارات كلها تندفع في خدمة أبناءها ..

بعكس سفارات مصر .. في الخارج .. أساسا أرقامهم لا ترد على أحد ... وإذا اشتكيت لهم فلا مجيب ... (هذا بحكم خبرتي .) ..

يا اخي انا عمري ما طلبت السفارة المصرية أو القنصلية المصرية في الرياض وعرفت أكلم حد ..

طيب بالله عليكم

مصر للطيران ..

تليفونها في الرياض أهه :

4784004

أتصلوا بيهم وشوفوا اليه اللي هيقابلكم !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! يع

وكل ذلك جعل المصري في كل البلاد الأجنبية مهان ...

يا راجل دا سفير الفلبين حضر تحقيق مع خدامة فلبينة متهمة في قضية سرقة !!!!!!!!!!!!!!

وسفارة الهند بتعمل زيارات دورية لكل حي في أحياء الرياض لمعرفة مشاكل الهنود !!!!!!!!!!!!!!!!

أما المصري فليس له أهل !!!

الكل بيلطش فيه .. لان مفيش حد بيدافع عنه

يعني المصري .. جوه بلده مهان وبرة بلده مهان

بصراحة أنا افتخر فقط بكوني (مسلم ) ولله الحمد ...

تم تعديل 14 أكتوبر 2007 بواسطة واثق الخطوة

[Death Zone]

احنا يا جماعة مهما كرهنا البلد و لعنا و سبينا في الحكومة بس انا متاكد 100% ان اي مصري بيقول كدة احيانا من ورا قلبو و لو مش كدة .. في ذرة في قلبة بتحب مصر و مش هيحس بيها الا اما يتغرب

بس انا عن نفسي ... باعترف انا حكومتنا بكلللللللللل اجهزتها ازبل حكومة علي وجة الارض مهما اتغيرت فهي خدامة لمصالح زغاليلنا الكبار.. اللة يلعنهم مطرح ماراحو كرهو الناس في عيشتهم.. ف انا حاليا بحس بعار عشان انا تبع الجنسية دي .. بس واالة بحب مصر و جوها و شوارعها .. و عمري ما هبيعها

تم تعديل 15 أكتوبر 2007 بواسطة Death Zone

[elasska]

بصراحه انا كنت ماسك يدي بالعافيه عشان مكتبش حاجه عن الموضوع ده.. بس للصبر حدود و انا بصراحه كده مش قادر اشيل في نفسي اكتر من كده عشان الموضوع ده الناس كلها بتتكلم عليه

عارفيين اي واحد من اللي كتبوا عن الموضوع ده لو اتعرض عليه الجنسيه الكنديه او الاستراليه او جنسيه اوربيه مش حيفكر اكتر من 5 دقائق عشان يكون الرد بي اه طبعا .... و تحدي

وحكاية مصر بلدي و حبيبتي و دمي حكايه نسبيه لكل واحد ..بمعني

ممكن تكون مصر حبيبتك اوي اوي اوي اوي لما تكون غني و ذو نفوذ و تقدر تعمل اللي انت عايزه يعني لو انت غني بره و معاك الجنسيه كمان حتعيش زيك زي اي بني ادم لازم تلتزم بالقانون لآن القانون حيمشي هناك علي رقبة اتخن تخين ...بس في مصر انت ممكن تفرم واحد بعربيتك و تطلع منها زي الباشا لو انت من الدرجة الاولي اللي هما اغنياء و نفوذ و طبعا بطبيعة الحال 90% من مشاكل البلد انت ملكش دعوه بيها زي المواصلات و طابور العيش و الاماكن العشوائية و قلة أدب الناس اللي في الشوارع و معاكسة السيدات المحجبات المسلمات نهارا جهارا في رمضان بي اوسخ الالفاظ !!!!و الحر و انقطاع المياه و الكهرباء و بلطجة بعض عناصر الشرطة و المكروباصات و سواقين التكاسي و خلاصة الجيران و قاة الادب و كل هذه الاشياء

و ديه نقطة في بحر !!

بس لو انت من الدرجة التانيه يعني الطبقة الوسطة يبقي حتتفرم يا معلم ....لآن الطبقه الوسطي بتواجه مصير الديناصورات يعني متجها بقوة الي الطبقة الفقيرة رقم من 3 الي فاي

مصر بلدنا كلنا مش انت بتحب اكتر مني و انا بحب اكتر منك و احنا مادينها حب في حب و احنا مش شايفين غير كره و غل و حقد و سفاله في شوارع مصر كلها

انا عايز اعرف و اخرت الحب ده ايه !!! جواز ولا خلعاااااااااااااااان يا معلم !!!!!!!!!!!!!!!!!!!!!

[justtrying]

السلام عليكم

تتحدثون عن الوطن ولم اراه

يا ليتكم تخبرونى ما هو الوطنانا وان كنت فى الورق مصرى فانا والله لم ار مصر بل رايت كفر وفسق وفقر وجهل وسرقه ورشوه ومرض

اعتقدت لفتره ومازلت اعتقد ان مصر بلد ملعونه وملعون ما فيها الا ذكر الله

لازالت طائفه على الحق

نعم

الا انه كل يوم يذهب منهم الكثير للمعتقلات الا من رحم الله وحفظ

لم ار شئ واحد طيب فى مصرواتحدى ان تخبرنى بشئ واحد يجعلنى احب او احترم هذه البلد او اهلها

انظر الان الى الناس الا من رحم الله

اصبح الناس مرتشون ولصوص من الفقر

والفقر جاء من سرقه الحكومه

والحكومه ما هى الا الشعب

نحن نعاقب بسكوتنا عن الظلم

انا اكره ان اكون مصرى وقد كان بامكانى الحصول على جنسيه اوربيه بالزواج من اوربيه ولكنى رجعت عن ذلك لانى لا احب الزواج من كافرة وان كانوا متقدمين وحزين لاننا مسلمين وفى قمه التخلف ليس العلمى فقط بل والخلقى ايضا الا من رحم الله

احب فى مصر فقط اهلى

وان كانوا معى هنا والله ما عدت لها ابدا

وادعوا الله ان يصلح حال مصر والمصريين وكل العرب ويهديهم للطريق القويم وان يجعلنا خير الامم

انقد لكى نصلح من انفسنا

وانا لله وانا اليه راجعون

بارك الله فيك .. كلام في الصميم

[tarek nokia]

بسم الله الرحمن الحيم

المشكله ليس بتغير الجنسيه ولا بتغير البلد المشكله في الاساس الذي اسس عليه الانسان المصري فقد استمات النظام الحاكم ان يغرس في نفوس الناس اسوء القيم الامن رحم ربي من عدم نظام ونظافه ورقي فا اصبح الانسان المصري سفير لعدم النظام وعدم الصدق في التعامل الاعلام الفاسد الافلام التي لاتنشر الا الفضايح البرامج التي لاتنشر الا الفساد والغش حتا اصبحه صوره مصر الرقص والتعري الكبريهات البانجو الفقر التخلف الفساد الرشوه لا شيء يمش الابي الرشوه لا احترام لاحياء بينالرجل ولا المراه اركب مكرو باص وشاهد العجب سواق المكروباص يتكلم بي ابشع العبارات ويوجد في الميكرو باص نساء وهوا لايهتم ربما اعتاد ان يتكلم امام والدته من غير حياء عرفو كيفا ينزعوا الحياء من الشباب المصري نساء تغتصب في الشارع والناس تتفرج افتح اي صحيفه اسبوعيه واقراء العجب انتشر الفساد بطريقه بشعه امتلائه المقاهي والسينمات لا هدف لاطموح للشباب الا المغني الفلاني المغنيه الفلانيه الفنان الفلان الفنانه الفلانيه لا تفكير بي الزواج بل الزواج العرفي زواج الدم والكثير الكثير اي دوله للاسف اصبحت ارحم من مصر انا جلست اغلب عمري خارج مصر وعندما عدت حاولت انا اتئقلم ولكن لم استطع الزحام في كل مكان الغلاء الفاحش لاتستطيع ان تكسب رزقك الابي الكذب وان صدقت الناس تعاملك بي الاسوء الا القليل طبعا واللهي انا احب مصر لكني بصراحه ان اربي ابناءي خارج مصر امن لي من ان اربيهم في مصر لا احد يفكر اني اكره مصر ولا شعب مصر بي العكس ولكن لنظام الحاكم دمر القيم في اغلب الشعب ولان دوام الحال ن المحال اسأل الله ان يرحم شعب مصر من الظلم الذي هوا فيه بجد شعب تبهدل مش دا الشعب المصري الشعب المصري سفير العز وليسا ماهوا عليه الان واسف لهذ1ا الكلام ولكن لحرقتي على بلدي

[محمد عبدالعزيز]

أمرنا غريب نحن المصريين.

سؤال لكل من يسب ويلعن فى مصر ولا يرى فيها وبها ومنها إلا كل قبيح, ويرى فى البلد التى يقيم فيها الآن كل شئ جميل ويلقى كل احترام ويحصل على كل حقوقه فيها,

هل هذه البلد منذ أن أوجدها الله وهى على هذه الحال؟

بالتأكيد لا فكل أوروبا كانت تعيش الجهل والظلام والتخلف والتعصب والانحطاط والرذيلة فيما يسمى بالعصور الوسطى, وكذلك لم يكن حال أغلبية دول الخليج العربى منذ عشرات السنين كما هو الحال الآن.

إذن ما الذى بدل الحال غير الحال؟!!!

الإنسان...

الإنسان هو صاحب الفضل فى هذا التغيير للأفضل -كل شئ بفضل الله طبعاً مع الأخذ بالأسباب- وحدث هذا التغيير لأن هذه البلاد وجدت من مواطنيها الرغبة الحقيقية فى الإصلاح وليس مجرد كلام واتكالية على الغير , رغبة حقيقية وقدرة على التضحية فعلت المستحيل.

هؤلاء المواطنين لهم الحق أن يفخروا بوطنهم وبما فعلوا ومازالوا يفعلون, أما نحن المصريين -الحاليين- فبماذا نفخر ونحن لم نفعل شئ يذكر ولا نريد إلا أن نتكلم فقط ونترك الفعل لغيرنا؟

أغلبية المصريين الذين يقيمون بالخارج, ماذا لهم من فضل فى وصول بلد إقامتهم لما هى عليه الآن حتى يفتخروا بها؟

إذا أردنا أن نفتخر بمصريتنا فلنفعل مثلما فعل الذين يفتخرون بوطنهم.

خلاصة الكلام...

طبيعى جداً أن يصل الحال فى مصر إلى ما وصل إليه مادام أبناؤها لا يقدرون على التضحية ويفضلون أن يعملوا بالمثل الشعبى القائل:

قرعة بتتعايق بشعر بنت أختها.

تم تعديل 20 أكتوبر 2007 بواسطة محمد عبدالعزيز

[nash]

بسم الله الرحمن الرحيم....خير يا جماعه.....اللي يسمعكم كده يقول بتتكلموا عن الدوله العبريه....

ليه يعني كل هذا السب؟؟...مصر لازلت عامرة بمساجدها ...بأهلها الطيبين...بذكرياتنا.......

مثل هذه المشاعر السلبيه ومسمرتها علي أروقه المنتدي تجعل كل من هب ودب ممن فقد المرؤة أستباح شرفها....وساعد علي ترسيخ مشاعر السلبيه تجاهها...

ماذا تركنا الأخرين ليقولوا ويتحدثوا به عنا...إذا كان أبن البلد الشهم الأصيل رأيه هكذا؟؟؟ فلماذا نستغرب أو نتضايق حينما يأتي إلينا من يسبنا ويعايرنا بما ذكرتموة الأن

إذا كان الحال في مصر الأن سيء...لن يبق الوضع علي ماهو عليه إلي أبد الآبدين....هكذا تعلمنا من كتب التاريخ سيأتي اليوم الذي سيتغير فيه وجه مصر...التغيير سمه من سمات الكون لا شيء يبق علي حاله...

الرغبه في أخذ جنسيه أخري لا يعطيك الحق بإهانه مصر...إذا كانت الحياة قاسيه ومهينه في نظر البعض.... لا يزال هناك الكثير ممن يرفض الرحيل عنها حتي لوتوفرت لهم فرص معيشيه أفضل في مكان أخر...

وبعدين يعني خلاص لم يعد هناك اي شيء إيجابي في مصر؟؟؟ هل لإن هناك من مر بتجربه سلبيه قام فعمم علي كل مصر وكل المصريين؟؟ مالكم كيف تحكمون...

من يكرة أن يكون مصري...أنا وغيري نكرة أن يكون مصري أيضا...فمصريته لن تزيد أو تقلل من شأن مصر......ومن لا يفخر بالأنتساب إليها فليتحمل الإهانه أو ليستعر من جنسيته حينما يستهزأ به الأخرون ويعايرونه بمصريته...

من منا حينما تحلق الطائرة فوق سمائها وتهم بالهبوط لم ينتفض جسدة شوقا وعشقا .... وحينما تفتح الطائرة ابوابها و يتنفس هواءها يتمني لو يستطيع أن يقبل أرضها.....ورغم كل سلبياتها ... عند الرحيل نبكي بدموع قلوبنا علي رحيلنا...

عن نفسي أعشق مصر وافتخر بجنسيتي وأتمني لها الأفضل...وأتمني أيضا أن أدفن في ترابها والجنسيه أخر ما أفكر فيه ولله الحمد والمنه علي أن شملني بعطفه وحنانه فلم يجعلني أقع في كل هذا الكم من السلبيات وأنعم علي فلم أري كل هذا السوء

دمتم في رعايه الله وحفظه

[amrhoras]

من منا حينما تحلق الطائرة فوق سمائها وتهم بالهبوط لم ينتفض جسدة شوقا وعشقا .... وحينما تفتح الطائرة ابوابها و يتنفس هواءها يتمني لو يستطيع أن يقبل أرضها.....ورغم كل سلبياتها ... عند الرحيل نبكي بدموع قلوبنا علي رحيلنا...

يسمع من فمك ربنا ياريت ارجعلها واحضن ترابها وواترمى فى احضان اهلى (اسرتي) اللى غبت عنهم 4 سنون غربة منهم 3 داخل مصر بس كنت جنبهم حنيني لاهلى وشوقى لبلدى وروحها وهوائها وحتى الميه ( على فكرة الميه فى السعوديه تحت المستوى عوزين وزير مياه هنا وانا معندتيش مانع اعدل حال البلد)

ربنا اكرمنا بكذا نعمة نيل وبحرين يعنى ثروة سمكية طبيعية ومياة عذبة تغنينا عن التحلية وزراعة واراضى خصبة غنية بالطمى وبر اراضى صحراوية وده ان كنتو من عشاق التخييم يعنى ملكوش حجة

اما بالنسبة للحكومة مصر بلد الشعب والحكومة معا وليس الحكومة مصر او مصر الحكومة

وكمان كفاية طيبة اهلها لا تنظروا الى الاوطان الثانية من خارجها ولكن انظروا لها من باطنها تجدون ان بلدكم اكبر نعمة واعتزوا بيها واقولكم

اعتز بها وافخر واتفشخر انى مصرى ابن مصرى 100% وسام على صدرى وتاج فوق رأسي

شكرا

ونذكر فى الاخر ردى لا يمثل اى اهانة او سخريةمن احد انتهى ونقطع الخط

تم تعديل 20 أكتوبر 2007 بواسطة amrhoras

[nash]

أغلاطك كترت يا دكتور عمرو...الله يكرمك صلحها...مش ناقصين نسمع الكلمتين بتوع الهاء والتاء المربوطه

وبعدين أسمها أراضي خصبه ...مش غصبه....وربي ضحكت وأنا متنرفزة....

يعطيك العافيه

[amrhoras]

أغلاطك كترت يا دكتور عمرو...الله يكرمك صلحها...مش ناقصين نسمع الكلمتين بتوع الهاء والتاء المربوطه po::

وبعدين أسمها أراضي خصبه ...مش غصبه....وربي ضحكت وأنا متنرفزة....

يعطيك العافيه

انا عارف بس اللى حضرتك مش واخده بالك منه انى كنت عامل جائزة لقوي الملاحظة وكنت حاسس ان مدام ناش متعصبة فقولت لازم اقول حاجة تضحكها واعطيها الهديه

يوووووه بقى على الاحراج عموما شكرا يمدام ناش بس اليكي من هذه اللحظة ساكون لكى بالمرصاد فى كل رد :P واخ لو لقيت غلطة حرفع قضيه فى مجلس الأمن وكفاية خبط على دماغى لسه وجعانى من اقدام المصريين اخوانى :D mfb: po:: كفـــــــــايه قولنا

شكرا