يا بت ياللي كويسة

[Simba]

يابت ياللي كويسه

بحبك من ايام ما كنتي في اللفة

وايام ما كنتي في المدرسة

بحبك من ايام ما كنتي بتمشي تاتا ... تاتا

بحبك من ايام ما كنت بجيب لك شيكولاتة

فاكرة ...

فاكرة حبيبتي عربية البطاطا

وخناقك مع الراجل

لما طلبتي منه يبحبح ايده زيادة

بحب فيكي جرأتك

بحبك لما تطلعي في الخناقة مطوتك

لما تمشي علي الأرض

تطرقعي بجزمتك

يا بت يا للي كويسة

بحبك يا روحي

ومعاكي مطرح ما تروحي

نروح سينما ولا ليمان

نهاجر لكندا ولا السودان

شكلك ساعة الجد

ولا المجاهدين الأفعان

وشكلك ساعة الهزار

اقول ايه مستكة علي حبهان

خلتيني انا دايب دوبان

يا بت ياللي كويسة

معاكي بخاف اقول جعان

علشان عارف هنسقط علي مصمد كوارع

وهناك بقي هتوريهم ازاي حرب الشجعان

طبق الشوربة بتضربيه للسقف

والناس هناك منك بتضرب كف علي كف

يا بت ياللي كويسة

حبي ليكي مالوش حل

ماهو انتي لو وسط جيش

الجيش تاني يوم يتحل

ولو يوم فكرتي تبيعي عيش

هتفتحي الف محل

وعندك لأي مشكلة

بالمطواة والدراع

الف حل

[badroora]

ايه يا سمبا انت بتحب هجامة ولا ايه

ايشي مطوة ودراع وكوارع وخناقة

دانا خوفت اقرا الكلام بتاعك لالقيها فى كل الكلام واقفالى بمطوة تغزنى

ماشاء الله بتحب فتوة

يلايا سيدي ربنا يهنيك ولا حد يقدر يقرب منها انت معاك جيش بحاله مسلح :rolleyes:

[Ahmad Farahat]

دي البت اللي كان بيحكي عنها أحمد السقا في كده اوكيه

اللي أول ما قلها نتجوز طلعت له عقد عرفي

مش كده يا سمبا

[miramar]

انت بتتكلم على معلمة في شبرا ولا امبابة ولا ايه بالظبط؟؟؟

على العموم ربنا يهني سعيد بسعيدة

مرمر

[النسر المصري]

انت بتتكلم على معلمة في شبرا ولا امبابة ولا ايه بالظبط؟؟؟

مرمر

ومالهــــــم بتوووووع شبرا وامبابه يادالعااااااااااااااااااااااااادييييييييييييييييييييييييي!!

لمي الكتاكيتش ياختشي بدل ماتيجي ام قويق تفعصهملك!!!!

قال شبرا وامبابه قاااااال......هأأأأووووو!! :wub:

(إلا هي شبرت وامبابه دول يطلعو ايه!!! :wub: )

[miramar]

اولا مبروك على الجواز يا عم نسورة

ثانيا مالهومشي بس هما بيشرشحوا شوية

ثالثا شبرت و امبابة من أحياء مصر

وقف تاكس كدة وقولوا وديني شبرا هتشوف لي عمرك ما شفته

مع شبرا مصر مش هتعرف تغتح عينيك

مرمر

[Ahmad Farahat]

انت بتتكلم على معلمة في شبرا ولا امبابة ولا ايه بالظبط؟؟؟

مرمر

ومالهــــــم بتوووووع شبرا وامبابه يادالعااااااااااااااااااااااااادييييييييييييييييييييييييي!! :ninja:

لمي الكتاكيتش ياختشي بدل ماتيجي ام قويق تفعصهملك!!!! :sad:

قال شبرا وامبابه قاااااال......هأأأأووووو!! :lol:

(إلا هي شبرت وامبابه دول يطلعو ايه!!! :blink: )

أقلك يا نسر

تعرف محطة البنزين اللي ورا بنك شيك مانهاتن في أمريكا

هتلاقي شبرا هناك

أما امبابة فدي عالمة ذرة كبيرة قوي من سويسرا ماتت في مصر فسموا على اسمها امبابة بهذا الإسم

معكم أحمد الشهير بالجبرتي من أمام الباطنية

القاهرة

[النسر المصري]

ماتسدأش أد إيه انا مبسوت بشرحك الوافي دته يا احمد ياخويا.... :sad: ..

...إلهي يوجبور بخاتراك :ninja: