يونيفورم قناة مودرن سبورت

[رمضان]

وانا اتابع القناة الرياضية الجديدة مودرن سبورت جذب انتباهي شيء غريب جدا الا وهو ان مقدم البرنامج المحترم وضيوفه واعتقد كانوا 2 من كبار النقاد والمعلقين لقد لاحظت يا خواني الكرام ان ثلاثتهم يرتدون نفس البدلة اي والله يعني نفس الكرافت ونفس القميص ونفس الجاكيت لا يختلفون في اي شيء وكأنه يونيفورم اعلان دعاية شركة الاتصالات

فكروني بفروق الكورة وهيه بتعمل اعلانات على الفانلات بتاعتهم

ممكن حد يفهمني ايه اللي بيحصل المفروض انهم ناس كبار عيب كده

تم تعديل 30 سبتمبر 2007 بواسطة رمضان

[se_ Elsyed]

الفلوس يا عزيزي أيبك

إبحث عن الفلوس

اليومين دول عقبال عندك مولد سيدي المحللاتي ... وبقت هوجه ولا هجه حرب العراق .. وكل واحد معدي في الشارع بقى يحلل رياضة وخصوصاً كورة قدم

ويتزعم تلك الهوجة السادة الأفاضل أعضاء إتحاد الكورة الوقورين اللي بقوا نجوم شباك من أول

شوبير ، مجدي عبد الغني ، محمود بكر ، أيمن يونس ، مدحت شنبي

وكل واحد مستولي له على قناة فضائية وقافل على نفسه المعمل وهاتك يا تحليل للصبح

وطالما العملية فيها فلوس يبقى ما فيش مانع يلبس إعلانات .. إن شالله يلبس بربطوز مرقع وييشل في إيده فانوس كمان

[رمضان]

الفلوس يا عزيزي أيبك

إبحث عن الفلوس

اليومين دول عقبال عندك مولد سيدي المحللاتي ... وبقت هوجه ولا هجه حرب العراق .. وكل واحد معدي في الشارع بقى يحلل رياضة وخصوصاً كورة قدم

ويتزعم تلك الهوجة السادة الأفاضل أعضاء إتحاد الكورة الوقورين اللي بقوا نجوم شباك من أول

شوبير ، مجدي عبد الغني ، محمود بكر ، أيمن يونس ، مدحت شنبي

وكل واحد مستولي له على قناة فضائية وقافل على نفسه المعمل وهاتك يا تحليل للصبح

وطالما العملية فيها فلوس يبقى ما فيش مانع يلبس إعلانات .. إن شالله يلبس بربطوز مرقع وييشل في إيده فانوس كمان

الصراحة كان شكلهم يضحك انا في الاول افتكرت انها بالصدفة لكن لما دققت وشفت اعلان شركة الاتصالات في الخلفية اتأكدت وعلى رأيك كل واحد عامل له شلة وبيحللوا حتى سمعت انهم بيعملوا تحليل فيروس سي علشان خاطر اللي مسافرين للخليج

ويجعله عامر

[MZohairy]

ممكن يا رمضان تجيبلنا التردد بتاع القناه؟

و ياترى هي رياضيه بس ولا في قنوات شقيقه لها زي ميلودي مثلا؟

[رمضان]

ممكن يا رمضان تجيبلنا التردد بتاع القناه؟

و ياترى هي رياضيه بس ولا في قنوات شقيقه لها زي ميلودي مثلا؟

ابشر طال عمرك حاضرين ان شاء الله

النيل سات

10853

أفقي

27500

3\4

وعلى فكرة هيه لحد الحين قناة واحدة فقط متخصصة بالرياضة لا غير

[Ahmad Farahat]

طيب حد سمع بالمشكلة اللي حصلت في ماتش مصر وكوتديفوار ما بين أحمد شوبير وأيمن يونس

واحد عنده برنامج اسمه الدرجة التالته والتاني عنده قناة تليفزيونية عامل مدير عامها

وبتاع الدرجة التالته هوا رئيس البعثة

قوم يمنع مودرن سبورت من التسجيل مع اللعيبة

قووم أيمن يونس يتخانق معاه

قووم مينفذش وعده ولا يعرف ينقل حاجة عن الماتش

أجمل حاجة إن رئيس بعثة مصر الموقرة عمل حديث مع دروجبا

واهي جوازة ف وسط طهور

[محمد عبدالعزيز]

على سيرة برنامج الدرجة التالتة يا أرسين يا أخويا

أكتر حاجة بتغيظنى وتخلينى أبقى عايز أرجع من القرف لما شوبير يقعد يعمل شوية البروباجندا بتوعه ويقول لك انفراد للدرجة التالتة وسبق صحفى وماعرفش إيه ويقوم جايب خبر من اتحاد الكرة المصرى وكأنه جاب الديب من ديله.

طيب لو نائب رئيس الاتحاد مايعرفش أخبار الاتحاد قبل الصحفيين وقبل البرامج المنافسة, يبقى حضرته كان فين؟

يمكن كان فى الحمام ساعتها :rolleyes: