Simba بتاريخ: 1 أكتوبر 2007 تقديم بلاغ مشاركة بتاريخ: 1 أكتوبر 2007 يا عم نوح بلاش تنوح وتتغني بجروح لفين تهرب من غمك جواك مطرح ما تطروح ******* يا عم نوح اقفل بابك أكتب علي حيطانك تاريخ الساعة ذكري عذابك ********** يا عم نوح قطع صفحة سودة وهات صفحة بيضا عيط فيها او أعمل فرح وزيطة ونام وأتغطي ليلتك سعيدة ****** يا عم نوح وأنت نازل علي السلالم بلاش تشيل هم العالم غمض عينيك وفكر واقنع نفسك بأنك ظالم ******* يا عم نوح لما تسمع صدق واوعي تستني شئ يتحقق هو أنت أتجننت هو فيه شئ اليوم يتصدق ******** يا عم نوح لما تمشي في الشارع وتلاقي القمر طالع خد ركن وبص له وفضفض معاه لما تكلم القمر ايه المانع ******* يا عم نوح لما تلاقي نفسك عجزت وعجزت ما تبصش علي أيه ارتكزت وأقع علي الارض براحة محدش هيفكر وقعتك وقعت عجز ولا وقعت لما أنكسرت ******* يا عم نوح خليك في بكره وسيبك من كلام أمبارح وشوف أيه هيجري ووعد هتلاقي أمبارح زي بكره ************ يا عم نوح بلاش تركب خيالك كتير ماهو خيال بيساوي أساطير عمرك انت شفت خيال بيدواي حد بطل بقي خيالك والتفكير ******** يا عم نوح لما يقولوا قول آمين وما تقولش مكسور حزين ماهو لو قلت هيقولوا ونجيب لك منين *********** ياعم نوح لازم تفوق وتبطل تبص لفوق وخدلك جنب أشرب من همك لحد ما تفوق ******** يا عم نوح الصبح هو الصبح والضهر هو الضهر ما تدورش كتير علي الربح وما تستناش النصر بين ايام الأسبوع والشهر ولا حتي في أخر الدهر يا عم سيبك شوية بلا غم بقي بلا قهر ********** يا عم نوح حيرتني معاك ساعة مبسوط وساعات تجلدني بالكرباج ********** كلام حسام follow me رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان