جميل جمال... حتى في لعب العيال

[se_ Elsyed]

ما هو بأقولكو إيه يا مصريين .. هاتشربوه يعني هاتشربوه .. ذوق عافية كوره .. برضوا هاتشربوه ... في صحتك يا معلم وزيح العيا مُر

لأ لعيب لعيب يعني مش أي كلام .. ربنا يحميك لأهلك ولشعبك .. وإلعب بينا زي مانت عايز

الروح الرياضية تكسب في بطولة الأساتذة في بالم هيلز

برشلونة بطلا للدورة‏..‏ وجمال مبارك يكسب احترام الجميع

كتب ـ محمد أبو الخير‏:‏

في سهرة رمضانية رائعة ووسط حضور جماهيري مهم اختتمت بطولة الأساتذة الأولي للكرة الخماسية التي أقيمت في بالم هيلز في مدينة‏6‏ أكتوبر والتي استمرت لمدة خمسة أيام كاملة وشارك فيها للمرة الأولي في مصر فريقا برشلونة وفالنسيا الاسبانيان وفريق الصقور الذي قاده علاء وجمال مبارك والأهلي والزمالك وبالم هيلز‏,‏ حيث حقق فريق برشلونة المعروف باسم البرسا مفاجأة كبيرة بفوزه بكأس البطولة بعد تغلبه علي فريق بالم هيلز‏2/6‏ في مباراة مثيرة استحق فيها البرسا الفوز بالمباراة والبطولة

بينما أحرز فريق الصقور المركز الثالث وحصد علي الميداليات البرونزية بعد تغلبه علي فريق فالنسيا‏1/2‏ في مباراة استحق فيها الفوز بعد تألق لاعبيه علاء وجمال مبارك ومحمد القط ومحمد السيد صاحبي الهدفين وأحمد حبيب وناجي الغندور وأحمد مناع ومحمد محفوظ ومحمد نشوان‏,‏ لعب علاء مبارك الشوط الأول بالكامل وقاد الفريق بوصفه الكابتن

بينما شارك جمال مبارك في الشوط الثاني واضاع اكثر من هدف ليعلن حكما اللقاء فهيم عمر ومحمود عثمان صفارة النهاية ليفوز الصقور بالمركز الثالث‏.‏

وعقب انتهاء المباراة اقيم نهائي البطولة الذي فاز فيه برشلونة علي بالم هيلز‏2/6,‏ ورغم أن فريق الصقور أنهي مبارته مبكرا فإن جميع أفراد الفريق بقيادة علاء وجمال مبارك جلسوا في أرض الملعب لمشاهدة النهائي وتفاعلوا مع الجماهير في تشجيع الفريقين‏.‏

.‏ من ناحية اخري حاز جمال مبارك علي احترام جميع الذين تابعوا البطوله من لاعبين ومدربين واداريين وجماهير لما حدث علي هامش مباراة الصقور وبرشلونة في الدور قبل النهائي واعتبروها انها اهم حدث‏,‏ لدرجة أن البعض اكد ان ما قام به جمال مبارك ليس جديدا عليه ولكنه يؤكد تحليه بأخلاق الفرسان والروح الرياضية‏..‏ والحكاية تبدأ عندما واجه فريق الصقور برشلونة في الدور قبل النهائي ورغم أن الصقور كان مهزوما‏2-4‏ إلا أن الفريق نجح في أحراز هدف احتسبه الحكم‏,‏ بعدها فوجئ الجميع باقتراب جمال مبارك من حكم اللقاء قائلا له ان الهدف غير صحيح لأن الكرة دخلت من خارج الشباك وبالفعل ألغي الحكم الهدف‏..‏ ليسجل جمال مبارك موقفا اكد من خلاله قيمة التنافس بصرف النظر عن الفريق الفائز ليفوز جمال مبارك بالروح الرياضة‏,‏ واحترام الجميع‏.‏

عن إذنكم شوية هاروح جسر التنهدات أعيط شويه مع نفسي أصلي مُرهف الإحساس وبتأثر من هذه المواقف

[رمضان]

عاوزين يدخلوا للشعب المصري من خلال الكورة اللي الناس كلها بتحبها

[محمد عبدالعزيز]

يعنى عايزين يقولوا لك يا سى السيد لا تقلق أنت فى أيد أمينة, مش أيد جمال.

وعايزين يقولوا لك كمان عشان لو تحب ترشح نفسك فى الانتخابات الجاية, إنه لو حصل تزوير لصالح جمال فجمال سيرفض هذا التزوير وسيقول لرئيس اللجنة العليا للانتخابات: إنتم ناس مزورين وحشين, وأنا ماقبلش على نفسى الوضع ده, ومش لاعب بقى هيه.

بس تصدق يا سى السيد دخلوا دماغى الحركتين اللى عملوهم دول, مش لأنى مقتنع بيهم لأ... بس لأنهم حسسونى ولو بنسبة 1% إن لسه الشعب فى تفكيرهم.

[الطيار المصرى]

يا سلااااااااااااااااااااااااام.......شخصية رياضية بحتة....و تتمتع بأخلاق الفرسان....مين ده؟؟؟؟؟؟

هو كل من لبس كوتشي و شورت خلاص بقي ابو تريكة؟؟؟لا حول و لا قوة الا بالله.....

عايزنا نشوف جمال و يحشروه في اي حاجة.....للدرجة اننا نفتح الحنفية نلاقي جمال نازل....

غير قاله ان الراجل بقي علي اعتاب الرئاسة....لازم نلاقيله رياضة حلوة كده يلعبها كل يوم زي ما كان ابوه بيلعب اسكواش في دار القوات الجوية كل يوم قبل ما يعملوله مركز رياضي عنده في البيت....

المشكلة ان البطولة دي كانت ممكن تمنعنا من مجهودات كابتن مصر جمال مبارك بعد تعرضه للاصابة في ركبته في احدي المباريات....و نحن من هذا المزنق نحب نقوله خللي بالك يا كابتن....مصر محتجالك عشان تتولي زمام الامور...و تستمر في خراب البلد علي خطي السيد الرئيس مبارك

و حسبي الله و نعم الوكيل....الهي يورينا في الاشكال دي يوم...

تحياتي....

الطيار المصري

تم تعديل 1 أكتوبر 2007 بواسطة se_ Elsyed

[Ahmad Farahat]

يا شباب

محدش ملاحظ إن من ساعة الموضوع النحس ده محدش اتكلم في حاجة جديدة

مع إن الأخبار نازلة ترف

إشي اسماعيلي

واشي زمالك

والأهلي عمال يجيب اجوان

يا ريت تتكلموا شوية عن الحاجات اللطيفة دي