المجال التمريضي في مصر يحظي بالسمعة الطيبة عالميا ,,!!!

[badroora]

كلمة قرينة الرئيس في عيد الممرضة

التميز والأداء الطيب..سمة ثابتة لمهنة رفيعة

التعليم المستمر والاحتكاك بين الأجيال والخبرات.. طريق الحفاظ علي المكانة المرموقة

تكريم 3 شخصيات عامة و5 قيادات تمريضية و28 مثالية كتب محمد عمارة ونسرين عزب:

أكدت السيدة سوزان مبارك قرينة رئيس الجمهورية ان الممرضات يمثلن أحد الأعمدة الأساسية في الفريق الطبي.

وقالت ان التميز والأداء الطيب هو السمة الثابتة للممرضة المصرية مما وضعها في مكانها المرموق وحقق لها المكانة

الرفيعة ليس فقط علي مستوي مصر ولكن علي المستوي الإقليمي العربي والعالمي أيضاً كما أن ذلك كان هو الدافع وراء

حضور الممرضات من الخارج وخاصة من الدول الأفريقية طلباً للتعلم ولكسب الخبرات من الممرضات المصريات.

وأضافت قرينة الرئيس في كلمتها بمناسبة عيد الممرضة والتي ألقاها د.عوض تاج الدين وزير الصحة ان خطتنا فيما يتعلق

بقطاع التمريض تعمل علي زيادة عدد الممرضات العاملات في مصر ويصل عددهن الآن إلي ما يقرب من 130 ألف

ممرضة ومطلوب زيادتهن لكي نواجه الحاجة المستمرة خاصة في المناطق النائية المحرومة.

وأشارت إلي أن الاتجاه الموازي لذلك هو تحقيق التميز النوعي للممرضة من خلال تنمية القدرات وتشجيع التخصص العام

والدقيق من خلال التعليم المستمر والاحتكاك بين الأجيال والخبرات والتعرض للخبرات العالمية. ونعمل علي تحقيق ذلك

بالتعاون مع دول متعددة كالمملكة المتحدة وأيرلندا ونسعي إلي توسيع تلك الدائرة بشكل مستمر كما أن تنمية قدرات الرائدات

والقيادات يعتبر من أهم المحاور التي نسعي إلي تنميتها.

السمعة الطيبة

أكدت ان المجال التمريضي في مصر يحظي بالسمعة الطيبة عالمياً مما حدا بمؤسسة التنمية اليابانية "جايكا" لاختيار مصر

منذ سنوات ممتدة لتكون مكان تدريب الممرضات الأفارقة من خلال الخبرة المصرية وتستضيف القاهرة حالياً احدي هذه الدورات.

طالبت السيدة سوزان مبارك بالاستمرار في العمل الجاد وفي التميز. وفي التطوير للحفاظ علي المكانة المرموقة التي

تحققت للممرضة المصرية في كل العصور وللتعامل مع تحديات العصر من التطور والتكنولوجيا والتكامل بالشكل المطلوب مع الفريق الطبي المتطور.

وأكدت نازلي قابيل نقيب التمريض ان المساندة الدائمة من السيدة سوزان مبارك لمهنة التمريض يجعلنا نشعر بالفخر

والاعزاز والثقة بالنفس مما يجعلنا جميعاً كممرضات نضاعف الجهد والعمل المخلص لخدمة الوطن والمواطنين.

وطالبت بأن يقتصر التعليم التمريضي في مصر مستقبلاً وتدريجيا

ً علي مستويين فقط هما المعاهد الفنية والكليات.

المصدر

تم تعديل 1 أكتوبر 2007 بواسطة نجفة المغرورة

[رمضان]

من صدجك انتي يا نجفة الكلام اللي بتقوليه ده بذمتك يا شيخة ده كلام

ده انا شفت ممرضات في مصر بيعاملوا المريض كأنه ..... .

يا نجفة انا شفت بعيني محدش قالي مفيش رقة في التعامل مع المرضى ومفيش اي انسانية في بعض الاحيان

[se_ Elsyed]

وقالت ان التميز والأداء الطيب هو السمة الثابتة للممرضة المصرية مما وضعها في مكانها المرموق وحقق لها المكانة

الرفيعة ليس فقط علي مستوي مصر ولكن علي المستوي الإقليمي العربي والعالمي

لأ كده العملية وسعت قوي من ماما سوزان

يمكن قصدها على الممرضات الفلبينيات

[badroora]

خير يا مرضان ايش صاير مشيش علينا ليه

يلا احكلى ملابسات الموقف وانا احكم بالحق

انا عاوزة كل الناس تتكلم عن السلبيات عشان نناقشها ونحاول نغير المفاهيم للاحسن

يلا حط ايدك فى ايدينا لنعيش حياه افضل فى ظل رعاية صحية راقية

نجفة العضو المفوض بالدفاع عن حقوق الممرضة والشعب

[رمضان]

بصي يا يا نجفة يا بنتي انا مشكلتي مع التمريض والطب بصفة عامة بدأت في سن صغيرة جدا حين اصبت باصابة في القدم كانت تستدعي 7 غرز وكان عمري وقتها 7 سنوات تخيلي وانا في السن ده و7 غرز واخدهم بدون اي مخدر موضعي للجرح تخيلي العذاب اللي كنت فيه ولسه بتكلم فيه واحدة يدعون انها ممرضة قالت لي بصوت فظيع ما تسكت بقى صدعتنا .

ده بقى غير البلاوي اللي سمعت عنها

بس الحمد لله لما كبرت بعدت واتعاملت مع ممرضات من جنسيات اخرى وشفت الفرق شاسع يا بنتي صدقيني المعاملة غير

[badroora]

الرفيعة ليس فقط علي مستوي مصر ولكن علي المستوي الإقليمي العربي والعالمي

لأ كده العملية وسعت قوي من ماما سوزان

يمكن قصدها على الممرضات الفلبينيات

ليه بس يا س س

طب والله ومالك على حلفان يا س س اننا اشطر من الفلبينيات بمراحل

وانا مش بقول كدا عشان كدفاع عن مهنتى بس دي حقيقة

احنا فى مصر وفى مستشفي دار الفؤاد اللى الناس بتجيها عشان فيها اجانب احنا اللى كنا بنعلمهم

وتيجى تلاقي المريض من دول لما يلاقي الممرضة المصرية يحبط ويحس ان فلوسة راحت هدر انه دفع دم قلبه عشان ممرضة اجنية تبقي مسئولة عنه ولما ينقرص

منها ويشوف فرق الخبرة والمهاره بيلوم منه مرارا وتكرار وتمنى للممرضة المصرية الرضا ترضي عشان تتنازل وتبقي مسئوله عنه

بس هنقول ايه بلد جنسيات :closedeyes:

مسير كل الممرضات الفاضلات يهبطوا الى ارض الوطن ليغيروا مفهوم الشعب للاحسن

ويرفعوا مستوى المهنه

ويرجعوا ثقة الشعب فى التمريض

عموما كتر خيرك لتشريف موضوعى المتواضع

نجفة ممرضة برتبة ضابط :blink:

تم تعديل 1 أكتوبر 2007 بواسطة نجفة المغرورة

[badroora]

بصي يا يا نجفة يا بنتي انا مشكلتي مع التمريض والطب بصفة عامة بدأت في سن صغيرة جدا حين اصبت باصابة في القدم كانت تستدعي 7 غرز وكان عمري وقتها 7 سنوات تخيلي وانا في السن ده و7 غرز واخدهم بدون اي مخدر موضعي للجرح تخيلي العذاب اللي كنت فيه ولسه بتكلم فيه واحدة يدعون انها ممرضة قالت لي بصوت فظيع ما تسكت بقى صدعتنا

.

طيب يا رمضان انت بتتكلم عن خبره بقالها 40 سنه دلوئتى الطب اتقدم والممرضات تطوروا معقول حاجة من 40 سنه ولسه سررها فى قلبك !!

ده بقى غير البلاوي اللي سمعت عنها

هى اينعم ملاك رحمة ومخلوقة غير البشر بس هى ملاك على الارض عمرك شوف ملاك على الارض غير الممرضة ؟

وخارج شغلها هى بشر كباقي البشر وليه اخطائها وليها محاسنها ومساوئها

واللى منا بلا خطيئة يجي ويحاسب الممرضة

بس الحمد لله لما كبرت بعدت واتعاملت مع ممرضات من جنسيات اخرى وشفت الفرق شاسع يا بنتي صدقيني المعاملة غير

:closedeyes: طيب عور نفسك كدا وتعالى وشوف الممرضة المصرية هتعمل ايه

نتكلم جد بقي

بص يا اخ رمضان مما لا شك فيه ولا جدال ان لكل مهنه مساوئها ومحاسنها وانا لا انك ان يوجد نماذج شيئة من الممرضات بل اعتب هم أفة لانهم يضرون باقي زملائهم والمهنه نفسها

وعلى النقيض الاخر يوجد ممرضات مصريات رافعين راية بلدهم ومشرفينها سواء براها او جواها

بس لاسف المجتمع اخد فكرة من 9 الاف سنه وكتم عليها ومعندوش استعداد انه يغيرها او يتقبل فكرة غيرها

عموما نحن نسعى للافضل والله الموفق

تم تعديل 1 أكتوبر 2007 بواسطة نجفة المغرورة

[رمضان]

طيب يا رمضان انت بتتكلم عن خبره بقالها 40 سنه دلوئتى الطب اتقدم والممرضات تطوروا معقول حاجة من 40 سنه ولسه سررها فى قلبك !!

انتي شايفة كده يعني 40 سنة والله حرام عليكي يا بنتي انا كام وعشرين

[badroora]

طيب يا رمضان انت بتتكلم عن خبره بقالها 40 سنه دلوئتى الطب اتقدم والممرضات تطوروا معقول حاجة من 40 سنه ولسه سررها فى قلبك !!

انتي شايفة كده يعني 40 سنة والله حرام عليكي يا بنتي انا كام وعشرين

طيب مش تزعل انا اقصد ان السمعة دى بقالها سنين كتيره والاجيال بتتوارثها من بعضها جيل ورى جيل بدون التحقق والبحث

[Egyptian Abroad]

يا نجفة يا حبيبتي في نوعين من الملائكة الي انتي بتككلمي عليهم في مصر

النوع الاول ملائكة التأمين الصحي وطبعا لو حكيتلك عن المصائب والبلاوي الي بيعملوها

ولا احكيلك ليه ما انتي اكيد عارفة وسامعة وقارية من الاخبار والتليفزيون والناس والضحية

المواطن الغلبان المطحون!

اما النوع الثاني بتوع المستشفيات الخاصة بتاعة اصحاب الدخل العالي ورجال الاعمال

فدول ممكن تكون الي تقصدهم "ماما سوزان" ولعلمك هما بردوا بيتعاملوا كويس مش بمزاجهم

لا ادارة المستشفى الخاصة وخوفها على سمعتها ومراقبتها لهم هي الي بتفرض عليهم ده

واقولك بصراحة وبدون زعل

هنا في الغربة فعلا عرفت الفرق بين الممرضة الهندية والفليبنية الي بالهم طويل ومنظمين و

على درجة عالية من الخبرة والممرضة المصرية الي مش عندها خلق وعاوزة تخلص والسلام!

[رمضان]

لا عادي انا ما زعلتش ولا حاجة انتي اخت فاضلة

الاخت Egyptian Abroad تلخيص ممتاز للوضع فعلا ده الحاصل

وبالنسبة للغربة فعلا الممرضة الفلبينية خوض ممرضة بس الهندية مش عارف مش بستريح لها ليه بس ماشي الحال

وربنا يسمع منك يا نجفة ونشوف الممرضات المصريات افضل ممرضات ده يوم المنى

[muslim4ever]

السلام عليكم

كلام السيدة الفاضلة حرم فخامة السيد الرئيس يوكد على انها مارى انطوانيت مصر ملهاش علاقة بالشعب كلامها استخفاف بالعقول وكلام مستهلك زى كلام فخامة السيد الرئيس متفهمش من كلامهم هما بيكلموا مين واى مصر بيتكلموا عليها 25 سنه استخفاف بينا وكلام مستهلك ومكرر والنتيجة انهيار فى كل المجالات . اما بالنسبة لمجال التمريض فى مصر فلن افتى واتكلم ولكن كلام نقيب الاطباء المصريين د/ حمدى السيد ان من الاسباب الرئيسية لتدهور الطب فى مصر التمريض والممرضات الغير مؤهلات وما فى دكتور او دكتورة الا ويشتكى من سوء الممرضات التى يعملن معه وغير دة ودة احنا شيفين بعينا مش مستنين كلام حرم فخامة السيد الرئيس . كلام حرم الرئيس يندرك تحت مجموعة الكلام المفقع كلام اصلع ليس له قيمة . وهناك دليل اخر عملى ومشاهد وهو احلال الممرضات الفليبنيات مكان المصريان على مدار ال 20 سنه الاخيرة فى دول الخليج الا القليل جداً ممن هن متميزات.

[badroora]

النوع الاول ملائكة التأمين الصحي وطبعا لو حكيتلك عن المصائب والبلاوي الي بيعملوها

لا يا ريت تقولى ايه البلاوى دى لان كلمة بلاوى كلمة عامة تشمل معانى كتير وممكن يكون فيها تجنى على الممرضة

ولعلمك كونك تذكرى المساويء تبقي بكدا ساهمتى بشكل كبير فى حل المشكلة لان الموضوع دا معروض لكل شخص يقراه وهيكون مرجع لكل ممرض وممرضة تعرف منه اخطائها وايه اللى بيضر بيها وبمهنتها وتحاول تسعى لتغير المفهوم دا وممكن تغير من نفسها لو هى انسانه مستهترة وعندها لا مبالاه مش همها سمعتها ولا الاشخاص اللى ممكن يقع عليهم الضرر بسبب تصرفها المشين

فبليز اختى الفاضلة اذكرى ما عندك حتى نناقشة سويا ونسعى جميعا للافضل

اما النوع الثاني بتوع المستشفيات الخاصة بتاعة اصحاب الدخل العالي ورجال الاعمال

فدول ممكن تكون الي تقصدهم "ماما سوزان" ولعلمك هما بردوا بيتعاملوا كويس مش بمزاجهم

لا ادارة المستشفى الخاصة وخوفها على سمعتها ومراقبتها لهم هي الي بتفرض عليهم ده

لاء غلط وحرام مش معقول عشان اخدين سمعة مش كويسة عن فئه معينه نقوم نحكم على الجميع

عزيزتى او حبيتيى كما ناديتينى بها اكيد مش اتعملتى مع كل ممرضات مصر واكيد مش كلهم سيئين فبليز التعميم مش صح ومش عدل

واقولك بصراحة وبدون زعل

بالعكس انا الليهمنى الصراحة عشان انا مش هدفى انى الناس تقول والله تمريض دا كويس كمجاملة وخلاص لاء ولعلمك انا قصده بالموضوع دا مش تباهى بالمكتوب لاء والله لاء كمان انا لاقيت ان الموضوع دا هيستفز ناس كتير وهبدؤا يطلعوا الى جواهم لانهم فاهمنا غلط وحكمين علينا حكم ظالم وقاسي ولو درينا الحقيقة بكلمات مجاملة يبقي عمرنا ما هنتغير او على الاقل نغير المفاهيم اللى متاخده عننا .

هنا في الغربة فعلا عرفت الفرق بين الممرضة الهندية والفليبنية الي بالهم طويل ومنظمين و

على درجة عالية من الخبرة والممرضة المصرية الي مش عندها خلق وعاوزة تخلص والسلام!

ااتفق معك فى وصف الاخرين بالنظام واختلف معك بنخريجنا من النظام

سؤال ممكن تجاوبي عليه بعد اذنك دا اختيارى مو لازم تجاوبي عليه ؟

كم ممرضة مصرية تعاملتى معها فى مصر بغض النظر عن المكان سواء خاص ام عام ؟

كم ممرصة اجنبية تعاملتى معها فى الخليج ؟

كم ممرصة مصرية تعملتى معها خارج مصر ؟

فى انتظار اجاباتك

وشكرا على مساهمة فى الموضوع الذى اعتبره نافذه لكل ممرضة او مرءاة ترى فيها نفسها وعملها وتعكس اراء الاخرين فيها وفى ادائها

دمتى لنا

نجفة

تم تعديل 1 أكتوبر 2007 بواسطة نجفة المغرورة

[badroora]

السلام عليكم

كلام السيدة الفاضلة حرم فخامة السيد الرئيس يوكد على انها مارى انطوانيت مصر ملهاش علاقة بالشعب كلامها استخفاف بالعقول وكلام مستهلك زى كلام فخامة السيد الرئيس متفهمش من كلامهم هما بيكلموا مين واى مصر بيتكلموا عليها 25 سنه استخفاف بينا وكلام مستهلك ومكرر والنتيجة انهيار فى كل المجالات . اما بالنسبة لمجال التمريض فى مصر فلن افتى واتكلم ولكن كلام نقيب الاطباء المصريين د/ حمدى السيد ان من الاسباب الرئيسية لتدهور الطب فى مصر التمريض والممرضات الغير مؤهلات وما فى دكتور او دكتورة الا ويشتكى من سوء الممرضات التى يعملن معه وغير دة ودة احنا شيفين بعينا مش مستنين كلام حرم فخامة السيد الرئيس . كلام حرم الرئيس يندرك تحت مجموعة الكلام المفقع كلام اصلع ليس له قيمة . وهناك دليل اخر عملى ومشاهد وهو احلال الممرضات الفليبنيات مكان المصريان على مدار ال 20 سنه الاخيرة فى دول الخليج الا القليل جداً ممن هن متميزات.

الاخ العزيز مسلم لى عودة مع الرد عليك لانى مضطرة الحين للذهاب لاستلام سياراتى بعد تصليحها ولان الرد عليك محتاج مجهود كبير لانك فتحت كذا نقطة فى بعض وانا اعتبرها نقط مهمة مينفعش عليها الرد وخلاص

لازم الرد عليك بالاحصائيات

ولى عودة ان شاء الله

[رمضان]

الف مبروك يا نجفة ربنا يديكي خيرها ويكفيكي شرها ان شاء الله

وديري بالك وانتي سايقة بعد كده وبطلي تطلعي الرصيف وتدخلي في تريلات

[badroora]

الف مبروك يا نجفة ربنا يديكي خيرها ويكفيكي شرها ان شاء الله

الله يبارك فيك يا رب ويخليك

وديري بالك وانتي سايقة بعد كده وبطلي تطلعي الرصيف وتدخلي في تريلات

حاضر انا خلاص بقي عندى فوبيا من اى حاجة كبيرة بتمشي

بنا يستر wst::

شكرا يا رمضان دايما سباق بالحير

[nash]

ألف مبروك يانجفه علي تغيير الأسم..ده أولا

ثانيا نأتي للموضوع....

.......................................................

من الطبيعي والمنطقي سعي كل واحد فينا لإلقاء الضوء علي مهنته وتبيان محاسنها علي قدر الإمكان..ومن غير المنطقي من يفعل غير ذلك...

صفه التعميم علي اي موضوع يفقد الموضوع مصداقيته تماما..فليس معني أن تكون لإنسان ما تجربه سيئه في مجال من المجالات أن يسحب رأيه علي كل مايمثل هذا المجال....

إذا كنا سنناقش فقط مكانه الممرضه المصريه في المجتمع المصري والعربي والعالمي...سنبقي علي منطقيه النقاش...إذا..وإلا فلنسرد منتهي السوء الذي من الممكن أن نقابله لإصحاب المهن الأخري..كالطبيب وضابط الشرطه والمحامي والقاضي...

والكثير الذي لايتسع المكان لذكرة...

بالتأكيد لازالت النظرة القاصرة للممرضه قائمه في ذهن الكثير منا ..ولكن أثق بأن مجهوداتك يا بدريه وبالتعاون مع صديقات مهنتك ستستطيعون عمل شيء..وشيء كبير...

العقول المصريه عقول رائعه فقط لو أعطي لها المجال ستبدع..الممرضه المصريه كغيرها من المهن مطحونه مابين الراتب الضئيل وبهدلة المواصلات والبيت والأسرة والزوج والأطفال...ومطلوب منها أن تنسي كل ذلك لتأتي مبتسمه لمريض يغازل أو فتاة تتغنج أو سيده عصبيه...

هذه الممرضه نفسها حينما يتوفر لها فرصه للإبداع بعيد عن هذه المعاناة تتحول إلي أسمها الحقيقي وهي ( ملاك الرحمه) وهذا رأيي أقوله عن قناعه تامه...

هنا في الغربه أكثرمن تحملن الجنسيه الهنديه شرسات..والفلبينيه لاتبالي..تشعر معها أنك أمام إنسان آلي يتحرك بالزراير..وتبقي المصريه بنت البلد بإبتسامتها الهادئه وطوله البال الذي أشتهر به المصريون منذ القدم ...

اول من أحتضنتني بعد أن أنجبت أبني البكر كانت ممرضه مصريه..بنت فاهمه ..هي التي شعرت بما أعاني منه من إحساس بالغربه والمرارة والوحده..هي من علمتني كيف أحمل أبني وكيف أعتني به وكيف أكون أم للمرة الأولي في حياتي...لم تكن ممرضه فلبينيه أو هنديه...من قامت بهذا الفعل...رغم وجودهن في نفس المكان...قد يقول قائل يمكن لإننا أبناء بلد واحده..لا يا كرام هذه إنطباعي عنها مع الجميع كان تعاملها جدا رائع...

.........................................................................................................................

ليس للمرضه المصريه فقط..ولكن لكل المهن ..غيروا لهم ظروف عملهم وسترون العجب...

تم تعديل 3 أكتوبر 2007 بواسطة nash

[Ahmad Farahat]

اول من أحتضنتني بعد أن أنجبت أبني البكر كانت ممرضه مصريه..بنت فاهمه ..هي التي شعرت بما أعاني منه من إحساس بالغربه والمرارة والوحده..هي من علمتني كيف أحمل أبني وكيف أعتني به وكيف أكون أم للمرة الأولي في حياتي...لم تكن ممرضه فلبينيه أو هنديه...من قامت بهذا الفعل...رغم وجودهن في نفس المكان...قد يقول قائل يمكن لإننا أبناء بلد واحده..لا يا كرام هذه إنطباعي عنها مع الجميع تعاملها جدا رائع...

.........................................................................................................................

ليس للمرضه المصريه فقط..ولكن لكل المهن ..غيروا لهم ظروف عملهم وسترون العجب...

و

احلى كلام ممكن يتقال بصراحة في الموضوع قلتيه يا مدام ناش

بالمناسبة

المهن في مصر على طول الزمان ولا أقول مهنة الممرضة فقط تعامل بشكل سيء وتصور في الإعلام بشكل أسوأ

كمهنة التدريس مثلا

ودكتور الأمراض النفسية

وحتى المحامي

لكنني أتفق كثيرا مع كلمتك الأخيرة

غيروا الظروف وهتشوفوا العجب

[badroora]

السلام عليكم

الاخ العزيز muslim4ever said :

كلام السيدة الفاضلة حرم فخامة السيد الرئيس يوكد على انها مارى انطوانيت مصر ملهاش علاقة بالشعب كلامها استخفاف بالعقول وكلام مستهلك زى كلام فخامة السيد الرئيس متفهمش من كلامهم هما بيكلموا مين واى مصر بيتكلموا عليها 25 سنه استخفاف بينا وكلام مستهلك ومكرر والنتيجة انهيار فى كل المجالات

لماذا لن نتوقع او نصدق ان تلك هى الحقيقة السيدة ذكرت انه يحظى ولن تقول هو الافضل عالميا وانا من خلال خبرتى ارى لو توفرت للممرضة المصرية سبل الراحة والامكانيات المتاحة

على اعلى مستوى سوف نكون الافضل وانا يكفينى فخرا وتميزا باننا المصريين الوحديين فى المستشفي التى اعمل بها حاصلين على بكارليوس تمريض وباقي الدول من فلبين وماليزيين ورمانيين هنودو بحرنيين ,وبريطانيين وجنوب افريقيا نحن الواحدين اللى درجتنا العلمية تفوقهم ومهارتنا ايضا الفرق بينا وبينهم انهم متفوقين عننا فى اللغة فقط ودا بحكم طبيعتهم ولكننا على الرغم ان اللغة الانجليزية اللغة الثانية لدينا ولكن الحمدلله متقاربين لهم

. اما بالنسبة لمجال التمريض فى مصر فلن افتى واتكلم ولكن كلام نقيب الاطباء المصريين د/ حمدى السيد ان من الاسباب الرئيسية لتدهور الطب فى مصر التمريض والممرضات الغير مؤهلات وما فى دكتور او دكتورة الا ويشتكى من سوء الممرضات التى يعملن معه وغير دة ودة احنا شيفين بعينا مش مستنين كلام حرم فخامة السيد الرئيس . كلام حرم الرئيس يندرك تحت مجموعة الكلام المفقع كلام اصلع ليس له قيمة

اختلف معك فى استشهادك بكلام دكتور حمدى السيد دكتور حمدى السيد هو نفسه الرجل الذى حضرت له ندون وانا فى الكليه سنه 98 وكان يتكلم عن الممرضة وكانها مخلوق غير عادي وان نجاح اى عملية او اى حالة يتوقف على فهم ووعى الممرضة وكان يتحدث ايضا عن الدور السلبي التى تقوم به نقابة التمريض تجاهنا .

وكذلك كان غير موافق علىالقاء اللوم على الممرضة وحدها وجعلها الوحيدة المسئولة عن فشل اى عمل طبي

. وهناك دليل اخر عملى ومشاهد وهو احلال الممرضات الفليبنيات مكان المصريان على مدار ال 20 سنه الاخيرة فى دول الخليج الا القليل جداً ممن هن متميزات.

هناك عوامل تتحكم فى اختيار طاقم التمريض واى مكان يقوم بتوظيف عمالة بيدور على الاتى

1- مهارة عالية

2- اقل تكلفة

3- لغة انجليزية جدية

4- سمعة حسنه

5-خبرة جيدة

اوك دلوئتى لما المصرية والفلبينية والهندية تتوفر فيهم جميع الشروط ولكن اجر المصرية اكثر من الفيليبينية والهندية يبقي القرار السليم هو تاخد الاعلى مهارة مع اقل تكلفة بغض النظر عن الجنسية ايه .

ودى من مميزات التخطيط الناجح او المدير الناجح يحقق اعلى الاهداف باقل نكلفة

اذن تفضيل الهنود والفليبينيات عن المصريات ليس بتقليل من شأنهن بل بالعكس ترى الهندية او الفلبينية تستطيع ان تغادر بيتها وتترك اطفالها صغار مع الاهل او خادمة وتسافر للعمل وتزور اسرتها واطفالها كل سنه او سنتين

هل عمرك قابلت ام مصرية ممكن تترك بيتها وابنائها الرضع من اجل السفر للخارج؟

هل هيقبلها الزوج؟

هل هيتقبلها المجتمع ؟

بالطبع لاء

يبقي اذن هناك عوامل اخرى توثر على قبول الممرضات المصريات للعمل بالخارج وخصوصا المتزوجات يفضلن عقود تشمل الاسرة ومعظم دول الخليج تقدم عروض فردية او على حسب مكانة كل واحد .

فمن الاسهل لهم ان يجلبوا عمالة من الهند والفيليبين لانها لن تطالبهم بجلب اسرتها ولا اطفالها بالبلدى كدا هترضى بقليلة

اما المصرية بثقافة مصرية مش هتقبل يبقي هما ليه يكلفلوا نفسهم وفى متناولهم جلب عمالة ارخص وبدون مشاكل .

نرجع بقي لمشكلة التمريض فى مصر

التمريض فى مصر يلاقي قدر لا بأس به من الاحباط من جميع فئات المجتمع مما يؤدى الى نفور وفتور الكثير منهم والسعي وراء تغير تلك المهنة التى تصيبهم بالعار من صخب المجتمع لهم .

انا بطبعي عنيدة جدا وحبي للتمريض نتج من نقب المجتمع عليه وكره معظم فئات المجتمع لهذه المهنة السامية

شعرت وان هذه المهنة مظلومة جدا ولا يوجد من ينصفها الممرضات نفسهم يفضلون العمل بمهن تانية للتخلص من لقب ممرضة

انا بقي عكسهم اسريت انى احبها وانجح فيها وادافع عنها .

احنا حكمنا على مهنة وتناسينا هل نحكم على المهنة نفسها ولا الاشخاص القائمين عليها ؟

وكأن كل المجتمع مليء بالمثاليات فى جميع المجالات اما مجتمع التمريض هو السيء والافة التى تفسد عمل الطبيب

الكل يحمل الممرضة المسئوليه وان نجاح اى عملية يتوقف على الممرضة دا فحين ان العملية فشلت عشان يلاقوا كبش فداء يلقوا عليه المسئولية

اما لو العملية نجحت يبقي يا سلام دكتور فعلا عبقري !!!وهنا يتلاشي دور المرضة وكأنها لم تكن !!

تعتبر مهنة التمريض من المهن القليلة التي تشغل مناصبها النساء حتى أن كلمة ممرضة أصبحت تعني مهنة خاصة بالنساء دون الرجال. تعاني مصر من نقص كبير في أعداد الممرضات حيث يوجد 17 ممرضة لكل 10000 شخص من السكان تبعاً للتعداد السكاني لعام 1998 وهي نسبة منخفضة مقارنة بالمعدل العالمي،

هل ترى من وجهة نظرك ان هذه النسبة مقبولة ؟

لو قسمنا 10000 شخص على 17 هتبقي كل ممرضة مسئولة عن 500 شخص وشوية

ودا غير مسئولياتها كباقي البشر كام وزوجة ....... الخ

انا اتمنى ان نفخر بالتمريض فى بلدنا وناسندة ونشجع القائمين على هذه المهنة الجليلة ان يتمسكوت بها ويثقوا بانفسهم بدلا بان ننزل عليهم اسقاطات تجعلهم كاريهين مهنتهم وادائها بدون حب

اقرا معى هذه النبذة عن بداية تداول التمريض فى كل بلد عربي وشوف قد ايه احنا متقدمين واحنا اللى جعلناهم يتعلمون مننا !!

(1) تعليم التمريض فى المملكة العربية السعودية :

بدء تعليم التمريض فى المملكة عام 1961 بوزارة الصحة بالتعاون مع هيئة الصحة العالمية0

(2) التعليم فى دولة الكويت :

* بدء تعليم التمريض فى الكويت عام 1962 بافتتاح معهد التمريض كان البرنامج يقبل الحاصلين على شهادة المتوسطة ومدة الدراسة ثلاث سنوات 0

(3) دولة البحرين :

* بدء تعليم التمريضعام 1961 ويقبل الحاصلين على شهادة الاعدادية ومدة الدراسة ثلاث سنوات ويمنح شهادة تمريض عام 0

(4) دولة قطر:

* بدء تعليم التمريض فى قطر عام 1969 ويقبل البرنامج الحاصلات على شهادة الاعدادية ومدة الدراسة ثلاث سنوات 0

(5) دولة الامارات :

* بدء تعليم التمريض فى الامارات عام 1969 وكان هناك برنامجين الاول يقبل بعد شهادة الاعدادية ومدة الدراسة ثلاث سنوات والثانى يقبل ايضا بعد الاعدادية ومدة الدراسة سنة ونصف يخرج البرنامج الاول ممرضات قانونيات والثانى مساعدات تمريض 0

(6) سلطنة عمان :

* بدء تعليم التمريض فى عمان عام 1975 ويقبل البرنامج الحاصلين على شهادة الابتدائية 0

دخل العرب مصر حوالى عام 640م وجلبوا معهم الحضارة العربية الواسعة فى مجال الطب وفنون التمريض خاصة فى تشخيص الأمراض وعلاجها وملاحظة وتدوين أعراض الأمراض.

التمريض فى عهد محمد على (1805 م)

انا طبعا لن اذكر كل شيء انا بس ادرجت فرق السنين بيننا وبينهم ومع ذلك هم يحظون بسمعة افضل عن التى نحظى بها فى مصر

يا ترى من المسئول ؟

تم تعديل 2 أكتوبر 2007 بواسطة Badria Mekkawy

[badroora]

من الطبيعي والمنطقي سعي كل واحد فينا لإلقاء الضوء علي مهنته وتبيان محاسنها علي قدر الإمكان..ومن غير المنطقي من يفعل غير ذلك...

العزيزة الغالية ناش انا باحاول ونفسي كل الممرضين والممرضات اللى مشتركين معانا هنا يخرجوا عن صمتهم ونحاول نكشف الاخطاء التى يقع فيها زمالائنا وتعيد علينا جميعا بالصورة السيئة ونحاول نفكر بايجابية شوية عشان نغير من نظرة المجتمع .

انا لو قولت وانا مالى مانا مرتاحة كويس فى شغلى وواخده وضعي والباقين دول هما يستهلوا وهما بقي يتحملوا وزرهم يبقي هنفضل محلك سر وعمرنا ماهنتغير .

انا اردت بالتحدث عن مهنتى محاولة ازالة الغبار الذي يغطى الجوهرة المغطاة تحت التراب والكل ينظر على الغبار فقط ويحكم من الشكل الخارجى ولا احد لديه عناء ان يلقي ضوء على المحاولة لازالة الغبار حتى ينكشف المدفون ويظهر جمالة وبراقة

هذا ما قصدته ليس ابراز المحاسن لتغطية المسوايء بالعكس هدفى مناقشة المساويء لمعالجتها وابراز المحاسن للابد لانها الواقع

صفه التعميم علي اي موضوع يفقد الموضوع مصداقيته تماما..فليس معني أن تكون لإنسان ما تجربه سيئه في مجال من المجالات أن يسحب رأيه علي كل مايمثل هذا المجال....

إذا كنا سنناقش فقط مكانه الممرضه المصريه في المجتمع المصري والعربي والعالمي...سنبقي علي منطقيه النقاش...إذا..وإلا فلنسرد منتهي السوء الذي من الممكن أن نقابله لإصحاب المهن الأخري..كالطبيب وضابط الشرطه والمحامي والقاضي...

والكثير الذي لايتسع المكان لذكرة...

للاسف يا عزيزتى ناش دا الفكر الموروث من جيل لجيل دون التحقق.

اتذكر وانا صغيرة كان ولدى يقول عمرى مادخل بنت من بناتى تمريض ابدا وكان الله استجاب دعوته بالعكس حتى لا يصدر احكام على فكر موروث دون سرد الحقائق

فهذه السمعة زى السوبر جلو بقالها 200 سنه بتتوارث والناس مصدقين نفسهم ومشيين ورى الفكرة لحد ماصدقوها واعتقد لو ربنا احيانا لسنه 2040 والناس بقت زى ماهى مصدقة الفكر الموروث هتلاقي اولادى واولادك بيسمعوا هذه الكلام اللى احنا بنردده دلوئتى

الرجاء شوية من التفكير والتئنى قبل اصدار احكام موروثة دون التاكد من صحتها .

العقول المصريه عقول رائعه فقط لو أعطي لها المجال ستبدع..الممرضه المصريه كغيرها من المهن مطحونه مابين الراتب الضئيل وبهدلة المواصلات والبيت والأسرة والزوج والأطفال...ومطلوب منها أن تنسي كل ذلك لتأتي مبتسمه لمريض يغازل أو فتاة تتغنج أو سيده عصبيه...

هذه الممرضه نفسها حينما يتوفر لها فرصه للإبداع بعيد عن هذه المعاناة تتحول إلي أسمها الحقيقي وهي ( ملاك الرحمه) وهذا رأيي أقوله عن قناعه تامه

...

عزيزتى ناش من منا يستطيع ان يؤدى عملة فى اى مجاول فى بيئه غير مهيئه لذلك

من منا يستطيع ان يؤدى عملة ومعنوياته منخفضة

من منا يستطيع ان يؤدى عمله بدون عائد يكفي احتياجاته

اما ملاك الرحمة المفروض تقطع نفسها وتعزل نفسها عن البشر لانها غير البشر مش مسموح لها تتعب تتزمر تطالب بمكانتها تتوفر لها بيئة ملائمة تساعدها على اداء عملها بهدوء عائد مادى يتلائم مع غلو وظروف الحياه

لنا افتكر 2003 طبعا وزير الصحة حاليا كان هو مدير المستشفي اللى كنت اعمل بها وعمل معنا اجتماع ونص علينا النصائح التالية

غير مسموح لكي بجلب مشاكل بيتك الى العمل يعنى تدخلى باب المستشفي تنسي العالم الخارجى ويكون عالمك المستشفي فقط لا تفكرى فى مشاكلك الشخصية ولا بيتك ولا ولادك انسي تماما ان ليكي حياة خارج المستشفي .

استفزنى كلامة جدا وقولت له وطبعا المفروض لما اخرج من المستشفي واكون فى بيتيى انسي تماما انى اعمل واركز فى بيتيى وكان لن تكون لى حياه خارجة

كان رده على كاللاتى

لا المستشفي لازم تكون معاكى داخلها وخارجها !!!! طيب اين بقي الراحة والعدل يعنى المقصود بخارجها ان لو اى يوم اجازة احتجونى يبقي لازم اسيب اللى فى ايدي واى مناسبة واى خطط عملاها فى الاجازة بتاعتى فى سبيل الشغل

ولما تحصل ظروف لى واضطر اترك المستشفي تلاقي الرد ممنوع مش مسؤولين عن حياتك خارج المستشفي .

قوليلي بقي هنا اى عدل واى تشجيع واى حياه !!

اول من أحتضنتني بعد أن أنجبت أبني البكر كانت ممرضه مصريه..بنت فاهمه ..هي التي شعرت بما أعاني منه من إحساس بالغربه والمرارة والوحده..هي من علمتني كيف أحمل أبني وكيف أعتني به وكيف أكون أم للمرة الأولي في حياتي...لم تكن ممرضه فلبينيه أو هنديه...من قامت بهذا الفعل...رغم وجودهن في نفس المكان...قد يقول قائل يمكن لإننا أبناء بلد واحده..لا يا كرام هذه إنطباعي عنها مع الجميع تعاملها جدا رائع...

اكتر شيء بيحببنيى فى مهنتى ويجعلنى احمد ربنا عليها انها بتحتم علينا مواصفات ومسئوليات غصب عنك وبتديكي احاسيس جميلة عمرك ماهتقدرى تعشيها فى اى مهنه اخرى

مثلا

زى الموقف اللى حصل معاكى بتعلمك ازاى تتعملى مع البيبي مع انها ممكن تكون مش ام

انا كتير كنت انزعج لما اشوف السيدات يرضعن اطفالهن بطريقة غلط واشيل البيي واقولها رضعية كدا مع انى لا ام ولا عمرى حسيت احساس الامومة

نصائح للحامل وبعص الولادة ونوصف بالظبط ما تشعر به كل امراءة على الرغم اننا لن نجربة

مهنتى علمتنى او نمتنى اجتماعيا

ازاى تتعملى مع جميع طبقات المجتمع ويحظى الكل بالاحترام دون تفرقة او خوف الحمدلله فى مصر تعاملت مع اكبر الشخصيات واقلهم ايضا عمرى فى حياتى ماغيرت معاملتى مع وزير غير معاملتى مع مريض غلبان جى من التامين الصحى

كل الناس عندنا مرضي سواسيا بغض النظر عن من هم وماهى صفاتهم فى المجتمع

مهنتى علمتنى الصبر بس للاسف داخلها فقط اما خارجها باعوض اللى بيحصلي

ازاى تصبرى على مريض واهله وتلتمسي لهم العزر رافتة بحالة المريض لديهم

ازاى يبقي المريض فى اشد الحاجة الى ولا يوجد احد من اهله بجواره وتكونين انتى اخر من يراه المريض قبل ان ينقطع من الدنيا

كنت ابقي سعيدة جدا لما مريض يكون بيتحضتر واكون بجوارة ويطلب منى طلبات غريبة وانفذها حتى ولو ايه

اليس للمرضه المصريه فقط..ولكن لكل المهن ..غيروا لهم ظروف عملهم وسترون العجب...

و

فعلا يا ناش يا ريت كل الناس تفكر بطريقتك دى

تسلمى يا احلى ناش wst::

تم تعديل 2 أكتوبر 2007 بواسطة Badria Mekkawy