المجال التمريضي في مصر يحظي بالسمعة الطيبة عالميا ,,!!!

[amrhoras]

ماشا الله عليكم جميعا

من هن ملائكة الرحمة :- هن من تقمن بالرعاية الطبية والسهر على راحة المريض فى جميع الأوقات وتحت أى ظرف من الظروف

وكما نجد جميعا هناك من يكون الجيد والسيء فى جميع المهن فلا يوجد شيء مكتمل والممرضات بشر مثلنا له اخطاء وليه حسنات

أعتقد تعامل الاغلب منا مع الممرضات بوجه الخصوص داخل مصر. وليا تعليق ضغنننون اوى

وجدت ان ممرضات المستشفيات العامه هن أكثر طبقة مطحونه من الممرضات العاملات بالمقطاع الخاص.بسبب تدنى الرواتب برده حتى فى الادوات المتاحة فى المستشفيات وعبء مرضي اعتقد اننا كلنا عارفين اعداد مرضي القطاع العام عامل ازاى وشكل العنابر المتظة بالمرضى زي اتوبيسات القاهره الساعة 2

كون أن الممرضة يكون لها ردود عدائية فده بيكون خارج ارادتها لانها بشر تخيل كل الضغوط دى

-رئيسة الدور ست معقده واللى يتكلم معاها نص كلمه خصم (المرتب مش ناقص)

- مدير مستشفى رخم

- عيانين ا :wub: هاليهم يجيبو المرض واعتقد الكل بيشوف ان مريض بيدخل المستشفي وبيكون ضيف عن كل اقرابائة داخل المستشفى بمعنى ان العيلة كلها تقيم معاه وكل واحد يقول فتواه ونادى الممرضه ومليون واحد ينادى ممرضه واللى يروح ينادى من الشمال يجي التانى ينادى من اليمين لما يفتكر

- نقص كوادر التمريض ادى الى ضغط هائل من العمل على كل ممرضه ويؤدى ذلك الى انفجارها ان مكنتش تتجنن

- غير الظروف المعيشية بقى والعيال اللى سيباهم فى البيت لوحدها . او اخواتها او او او.

وبصراحة انا رأيي ده مستند الى ادله خاصة ليا تجارب شخصية وشوفت مستشفيات الجامعه و المستشفيات الخاصة

اكثر من سنتين شبه مقيم بالمستشفيات وقابلت فيها الحلو والوحش

ممرضات بسيطات تجدون فى وجهن الابتسامة على الرغم من مشاغل الحياه ودول فعلا مثال طيب للممرضة المصرية اللى خاصتها مدام عمنا الكبير فى حديثها

ممرضات كارهين الدنيا وكارهين العيشة وعملها مجرد عمل روتيني من غير اى شعور بمسؤوليه بيكون اغلبهم خلاص بقم رؤساء قسم التمريض وبيكون دول العبء عليهم لانهم قدورة للاسف واغلبهن دون المستوى للاسف بس ألتمسلهم العذر انهن تعبو برده ودى خلفية من قديم الزمان

الحل

اننا نهتم شويه بالاخوه الممرضات والاخوه الدكاتره

دورات تدريبية سلوكيه او بالبلدى الاهتمام بالحالة النفسيه للكادر الطبي عامة ولينا والنبي

نرفع مستوى اجور جميع العاملين بالدوله مش التمريض بس كله حيرتاح محدش حيمرض لانه مفيش حد شايل الهم حنريح الممرضات ويرتاحوا مننا

زياده العدد للمرضات طبعا بس انا عندى استفسار احنا عندنا نقص فى الاتينين الدكاتره والممرضات اومال الداكتره الموجودين دول كلهم ع القهاوى وفى بيوتهم بيعملوا ايه

هناك بعض الامثلة السيئة للممرضات مازالو فى مرحلة التعليم . فعلا تخاف على نفسك من التعامل معاهم المفروض لازم يكون فى كشف سولكيات للأهل الطب جميعا قبل دخول الكلية وبكده نكون وفرنا كوادر فعلا نأتمنها على انفسنا

سيبك انت بلا فلبينيه بلا هندية البنت المصرية اجدع من اى بنت فى الدنيا بذكائها وعلمها ومخها وفكرها.

شكرا كان معكم دكتور عمرو حورس :wub: سوري للاطالة

تم تعديل 2 أكتوبر 2007 بواسطة amrhoras

[badroora]

الاخ العزيز محروس (مقتبسه من رمضان فى موضوع الحجاب والاحترام (

احييك على كلام ووصفك الرائع الصادق للواقع المرير التى تعانى منه كل ممرضة ولا احد يشعر بها وكونك خارج المجال وقدرت تشعر بها وبمعانتها فبجد :blush2:

هناك عوامل تتحكم فى اداء الممرضة وتعتبر الاهم بمعنى

ترى المستشفيات الحكومية ومدى تكدس المرضي فيها وعلى الرغم انها حكومية اى تابعة لوزارة الصحة او ماشبه ذلك ولا عمرنا سمعنا

ان ممرضة سافرت برا بعثه عشان تتلقي تعليم ولا تدريب

عمرناش سمعنا على اى تدريب مستمر للممرضات فى المستشفيات لرفع كفائتهن وتحديثهن بكل ما هو جديد

عدم توفير الامكانيات المتاحة لمساعدتها على القيام بمهامها بصورة جيدة

اى نقص فى المستشفي فى اى شيء المريض لا يعرف احد امامة يلومة الا الممرضة بحكم انها متواجده معه اكتر من اى فرد اخر بالمستشفي واى تقصير فى الامكانيات يحملها المسئوليه

.