إعلان حديد عز المستفذ

[مصري أصيل]

هل شاهد أحدكم إعلان حديد عز الذي نشاهده علي القنوات الفضائية هذه الأيام ؟؟؟؟؟؟؟؟؟؟؟

فأنا أعلم تمام العلم أن الذي يعلن عن منتجه يكون نتيجة التنافس ووجود أكثر من منتج من نفس النوع.

ولكن أن يتم الإعلان عن حديد عز وهو المنتج الوحيد للحديد حالياً في مصر .... حتي الحديد المستورد قام الأخ عز المحترم بواسطة علاقاته وعن طريق الدعم الدائم له من الحكومة بمنع إستيراده حتي تكون الفرصه سانحه للأخ عز برفع و إحتكار صناعة وتجارة الحديد

بمصر .

فأنا أري أن هذا الأعلان ما هو الا أعلان للأسفذاذ فقط وفرد عضلات الأخ عز علي الناس لأن منتجه سواء أعلن عنه أو لم يعلن متباع متباع

بالقليل متباع بالكثير متباع وليس لأحد حق الإعتراض علي الأسعار التي يبيع بها منتجه فلما هذا التنطيط علي مخاليق الله؟؟؟؟؟؟؟؟؟؟

صدقوني والله يا أخواني بإنني أكون في قمة غيظي حين أشاهد هذا الأعلان وأنا علي يقين أن هذا هو الغرض الوحيد للأعلان لا أكثر وأرجوا أن تشاركوني الرأي.

[Salwa]

اولا ...اهلا بك معنا هنا فى المحاورات المصرية ..

ثانيا ...انا لا اتفق معك انه اعلان مستفز لسبب بسيط ..

الاعلان ليس موجه للشعب المصرى !!

هو اعلان موجه لتجار الحديد فى كل البلاد العربية وبعض البلاد الافريقية ....(( الآسيوية لأ )) ..

وآهو ....خللى بتوع الاعلانات يرزقوا ...(( ماهو رزق الهبل على المجانين )) ...

ثالثا ...فى رأ يى الشخصى ..

هو اعلان ..(( ساذج )) ....ليه بقى ؟؟

لما يطلع واحد شغال هناك(( والله اعلم )) ويقولك ..(( امنية عمرى ان ابنى كمان يشتغل هنا !!!)) .....وواحدة تطلع تتقصع وتقول معقول اسيب هنا ؟؟ وكأنها شغالة فى بورصة لندن والا اميركا !!!!.ياسلالالالالالالام ...

ده ايه العز ده ؟؟....والناس بقى حاتصدق ان فيه سبع الاف عامل بياكلوا الشهد هناك وبيشجعوا سبع الاف تانيين يروحوا يشتغلوا معاهم ؟؟..والا عاوز له نشيد قومى ؟؟ ...قوم انت وهو وفز ....مصر بلدنا ملك لعز ....

يعنى فعلا فعلا ده اعلان ساذج يدعونا لقولة ...(( والله انت صعبان علينا وبكرة حايدبحوك !!؟؟ )) ..

حايدبحوه ليه بقى ؟؟

لان مش ممكن دولة كمصر بجلالة قدرها ........تكون قلعة تصنيع الحديد فيها .....ملك للشاب(( المكافح ))..

.ابن امبارح ...اللى من اصل فلسطينى حتى وان تبرأ هو نفسه من اصله ....(( اللى عمل نفسه ومش (بكده وكفاحه) لالالا بل بأموال ابناء مصر ومودعين ابناء مصر...وطبطبة المطبلاتية ...؟؟ )) ...

يعنى ده غير ان الاعلام عمال ...(( يلمع فيه )) ...وثروته غطت على ثروة جمال بمراحل ...

والافترى ظهر على شاشات التلفزيون ...وبدأ اللعب مع الكبار ...(( ووضحت بكدة اصول اللعبة وطريقة التقسيم ))

يبقى بذمتك ؟؟ مش يصعب عليك ؟؟...ده يصعب على الكافر...ده داخل النار برجليه ..(( والنار هى الطبقات الرافضة لكل ده )) ...

ميغركش زراير القمصان الدهب والالماظ ...ولا ياقة القميص اللى واسعة على رقبته !!!!...

والشعب المصرى شعب كتوم وصابر ....كتوم كتوم ومش بيطلع مظاهرات ولا بيخبط فى الحلل ...الا قليل قوى قوى قوى ...

و...

اتفرج على الاعلان...واضحك.

[محمد عبدالعزيز]

الإعلان موجه للشعب المصرى أيضاً بدليل أنه يذاع على القنوات المحلية

[se_ Elsyed]

أولاً معظم أبطال الإعلان هم ممثلون حقيقيون ولهم أعمال فنية وإن كانوا كومبارس .. يبقى مش هايسرح بينا ويقولنا دول موظفين ومبسوطين .

ثانياً : النهاردة في فتح مظاريف لإختيار 14 جهة سواء محلية أو أجنبية تتنافس على إنشاء 14 مصنع أسمنت جديدة للحد من الأسعار الفلكية التي وصلت لها هذه السلعة ومع هذا ماحدش فتح بؤه وجاب سيرة الحديد اللي البيه بيلعب فيه لوحده وحسبنا الله ونعم الوكيل .

[أسد]

طبيعي ..

الشركات المدرجة في البورصة تعلن في التليفزيون والصحف والطرق ..

في الغالب الإعلان غير موجه للمواطن العادي ..

بل هي إعلانات للبروباجاندا .. موجهة للمستثمرين ... وخاصة المستثمرون في البورصة .. لزيادة حركات التداول على الأسهم في البورصة .... مما يدعم السهم ويرفع سعره ....

وهذا مثل إعلانات السويدي للكابلات ... وغبور .. وبعض البنوك .. وأسمنت سيناء .. الخ ..

المسألة إن عمر ما فيه مقاول قاعد يتفرج على التليفزيون يشوف الإعلان .. يقوم يقرر إنه يستخدم هذا النوع من الحديد ..