حسام يوسف بتاريخ: 1 أكتوبر 2007 تقديم بلاغ مشاركة بتاريخ: 1 أكتوبر 2007 السلام عليكم ورحمة اللة أنا فى مشكلة وأرجوالمشورة أنا صيدلى مصرى قدمت من شهر للعمل فى جدة طوال هذا الشهر (الذى كان من 30 سنة وليس 30 يوما)مضايقات من عم الكفيل (وهوبالمناسبة حماةأيضا والمدير العام للمجموعة)وتعنت وكلام سخيف ختمها اخر يوم بالشتيمة :(انت جليل الحيا ومش محترم) ودة لانى اعترضت على ان اعمل دوامين متواصلين بدون ما انام وقلت يا جماعةاحنا بنى ادمين وانتوا بتعاملونا كالات ولما شتمنى قلتلة شكرا يا حج انا عشان انسان محترم ومش قليل الحيا زى ما بتقول انا مش هرد عليك وقلعت البالطو وسبت الشغل وجه الكفيل يغلطنى لانى سبت الشغل وحاول يرجعنى الشغل لكن انا رفضت لانى لا يمكن اشتغل فى مكان اتهنت فية وعدها خد اقامتى بحجة اخلصلك ورق المغادرة وبعدها قاللى مش هرجعك الا أم تدفع 12 الف ريال بتوع الاقامة والفيزا وانا حتى مرتب اول شهر مخدتوش وما عييش لا باسبور ولا اقامة ولا فلوس وحاسس انى هموت هنا حل هناك أى حل غير الرجوع للعمل عندهم حتى مش عايز مرتبى نفسى اروح هل مكتب العمل ممكن ينصفنى(ملحوظة:عقدى مكتوب ية:فى حالة اى خطا يرتكبة الطرف الثانى (أنا)يرحل لبلدة على حسابة ويدفع مصاريف الاقامة والفيزا ولكن الاقامة بالفين ريال وليس مكتوب الفيزا 10 الاف ريال فى العقد) أعمل اية؟ اتا اسف لو كنت ضايقتكم بمشاكلى) رابط هذا التعليق شارك المزيد من خيارات المشاركة
nash بتاريخ: 1 أكتوبر 2007 تقديم بلاغ مشاركة بتاريخ: 1 أكتوبر 2007 أنا رفعت الموضوع حتي يراة أحد الأخوة..وإن شاء الله تجد الحل عندهم...أنتظر الليله أو غدا بإذن الله ستجد الرد... صن ضحكة الأطفال يارب فإن هي غردت في ظمأ الرمال أعشوشبت لكن إن زودوها وبكيوا ..ونكدوا ..... هايتلطشوا رابط هذا التعليق شارك المزيد من خيارات المشاركة
amrhoras بتاريخ: 2 أكتوبر 2007 تقديم بلاغ مشاركة بتاريخ: 2 أكتوبر 2007 (معدل) السلام عليكم ورحمة اللةأنا فى مشكلة وأرجوالمشورة أنا صيدلى مصرى قدمت من شهر للعمل فى جدة طوال هذا الشهر (الذى كان من 30 سنة وليس 30 يوما)مضايقات من عم الكفيل (وهوبالمناسبة حماةأيضا والمدير العام للمجموعة)وتعنت وكلام سخيف ختمها اخر يوم بالشتيمة :(انت جليل الحيا ومش محترم) ودة لانى اعترضت على ان اعمل دوامين متواصلين بدون ما انام وقلت يا جماعةاحنا بنى ادمين وانتوا بتعاملونا كالات ولما شتمنى قلتلة شكرا يا حج انا عشان انسان محترم ومش قليل الحيا زى ما بتقول انا مش هرد عليك وقلعت البالطو وسبت الشغل وجه الكفيل يغلطنى لانى سبت الشغل وحاول يرجعنى الشغل لكن انا رفضت لانى لا يمكن اشتغل فى مكان اتهنت فية وعدها خد اقامتى بحجة اخلصلك ورق المغادرة وبعدها قاللى مش هرجعك الا أم تدفع 12 الف ريال بتوع الاقامة والفيزا وانا حتى مرتب اول شهر مخدتوش وما عييش لا باسبور ولا اقامة ولا فلوس وحاسس انى هموت هنا حل هناك أى حل غير الرجوع للعمل عندهم حتى مش عايز مرتبى نفسى اروح هل مكتب العمل ممكن ينصفنى(ملحوظة:عقدى مكتوب ية:فى حالة اى خطا يرتكبة الطرف الثانى (أنا)يرحل لبلدة على حسابة ويدفع مصاريف الاقامة والفيزا ولكن الاقامة بالفين ريال وليس مكتوب الفيزا 10 الاف ريال فى العقد) أعمل اية؟ اتا اسف لو كنت ضايقتكم بمشاكلى) هدى نفسك كدى ومتقلقش كل مشكلة وليها حل انشاء الله. انت الصراحة غلطان انك اعطيته اقامتك . بس قدر الله وماشاء فعل. اهم حاجة قدامك كذا حل 1- التراجع شويه عن موقفك ورمضان كريم بما انه عايز يرجعك وترجع بشروطك انت وده انا ارجحه منعا للمشاكل والمهاطرات . 2- بما انه راجل مش محترم وقليل الذوق واخد منك اقامتك اطلع على مكتب العمل ودوخه شويه لغاية مايعطيك نهائي وتنزل مصر. 3- دور على عمل أخر ان كان يرضي يعطيك نقل كفاله جزاه الله خيرا او دور على فيزا جديده واقولك تنزل مصر ازاى ياحلو اطلع على السفارة المصريه ياجماعة الخير انا مصرى كنت جاى عمره وباسبورى وكل اوراقى ضاعت وهم حيرحلوك الى بلدك ان كان التاني واخدها قتونه وبيذلك باقامتك انت اقهره وخليه يبلها ويشرب مايتها . الصراحة انا ملحقتش افكرلك ع حاجة دلوقتى بس حفكر واقولك انشا الله ولا خاب من استشار ربنا يفك ضيقتك ان شاء الله وينتقم من كل ظالم ومفترى بس حاول تهدى نفسك وبصراحة نصيحتي ليك او لاى واحد جديد يسيب الاخلاق العالية فى مصر ميستخدمهاش الا مع المحترمين اما غير المحترم ........يستاهل ضرب الشوز بس حسألك واقولك معلش مضطر اقفل معاك دلوقتى عشان عندى خناقة مع كفيلي برده وانا حبقى احكيلك ليه لانها تشبه حكايتك شويتين تحياتى وبالتوفيق انشا الله اخوك ف الله عمرو حورس تم تعديل 2 أكتوبر 2007 بواسطة amrhoras الدنيا يومان يوم لك ويوم علبك فافعل ماشئت لكن تذكر كما تدين تدان رابط هذا التعليق شارك المزيد من خيارات المشاركة
wael elsherif بتاريخ: 2 أكتوبر 2007 تقديم بلاغ مشاركة بتاريخ: 2 أكتوبر 2007 والله يا اخي قلبي معاك بس انا ما عنديش اي فكره عن قوانين العمل في السعوديه.انا من المتطرفين جدا في قضية الكفاله تلك ضدها نهائيا .كيف نكون اخوه في الله وعندما اتي لاعمل عندك لابد ان يصبح لي كفيل وهل الاخ يحتاج الي كفاله لكي يعمل عمل لاخيه يساعده كي ينمي بلاده وبلاد المسلمين؟؟؟؟واين هي حقوق المسلم علي اخيه المسلم؟؟في اوروبا بلاد الكفر كما يسميها بعضنا ليس هناك لا كفيل ولا بطيخ...البولندي والبلغاري والروماني حقوقه كحقوق الهولندي صاحب البلد ..لو اشتغل سبت واحد ياخد 100 في 100 من مرتبه وله pquze يعني راحه يشرب قهوه شاي...شوف الفرق ....المهم ربنا ييسرلك حالك وتتحل مشكلتك ...علي فكره يا دكتور الصيدلي هنا في هولندا وضعه الاجتماعي والمادي مريح جدا..تدخل الصيدليه جميله ومرتبه جدا حاجه تعقدك من نظافتهم وكل شيء علي الدات باس وكله علي الكمبيوتر اسمك وتاريخ ميلادك واسم الدكتور اللي بيعالجك والعمل هما 8 ساعات شابف الفرق بين اللي بنقول عليهم كفره وبين اخوننا في الاسلام والعروبه ووحدة المصير والهدف والانتماء الي اخره ....وبدون تعليق...ربنا يقويك...وائل وائل رابط هذا التعليق شارك المزيد من خيارات المشاركة
muslim4ever بتاريخ: 2 أكتوبر 2007 تقديم بلاغ مشاركة بتاريخ: 2 أكتوبر 2007 الاخ حسام اولاً هدى نفسك وخليك جوا التلاجة متطلعش الموضوع بسيط انت اولاً معاك عقد .. خذ العقد وروح مكتب العمل واعرض الموضوع . مكتب العمل حيعمل محضر لطيف ويستدعى صاحب العمل واثبت فى المحضر انه سحب منك الاقامة لان دة مش من حقة وياسلام قبل ما تذهب مكتي العمل تتصل بية وتكلمة وتخلية يقول نفس الكلام وتسجلة المكالمة على الموبايل . ثانياً هو لا يستطيع ان ينفذ بنود الشرط الجزائى الا بوجود تحقيق وتكون ماضى علية لان مكتب العمل لا يعترف الا بالاوراق وطبعأ انت اكيد ممضتش على حاجة وخلية يضرب دماغة فى الحيط ولو قل ادبة وشتم اطلع واعملة محضر سب فى الشرطة وممرمطه يعنى بالعربى كدة اتغدى بية قبل مايتعشى بيك المشكلة فينا بنهر بسرعة ولو حسيت ان مكتب العمل كدة مش تمام طيران على امانة جدة وقد شكوى فى الاثنين مكتب العمل وصاحب العمل وطبعاً لازم يكون معاك اصل العقد اوعى تسلمة فى مكتب العمل ولا لاى شخص كله صور ولازم تاخذ رقم الشكوى فى مكتب العمل اما موضوع السفارة فكرة الاخ عمرو غريبة لانه ببساطة حيجيبوا اسمك من الجوزات حتى لو معكش بسبور وسعتها حضيع حقك . كل الكلام دة تعملة لما توصل لمرحلة الاعودة اتَّقِ اللَّهِ حَيْثُمَا كُنْتَ وَأَتْبِعْ السَّيِّئَةَ الْحَسَنَةَ تَمْحُهَا وَخَالِقِ النَّاسَ بِخُلُقٍ حَسَن رواه الترمذي رابط هذا التعليق شارك المزيد من خيارات المشاركة
amrhoras بتاريخ: 2 أكتوبر 2007 تقديم بلاغ مشاركة بتاريخ: 2 أكتوبر 2007 (معدل) ااما موضوع السفارة فكرة الاخ عمرو غريبة لانه ببساطة حيجيبوا اسمك من الجوزات حتى لو معكش بسبور وسعتها حضيع حقك .كل الكلام دة تعملة لما توصل لمرحلة الاعودة موضوع السفارة ده متجرب من ناس اعرفهم بس دى فى أسوأ الاحتمالات انشاء الله مش حتوصل لكده بس لازم لازم فى الاول تمشي معاه بالحسنى اطلبها منه بالذوق والادب والاخلاق مرضيش صورة من العقد وعلى مكتب العمل بس امسك معاك حاجة صوة له وهو بيتكلبم معاك كده ويكونلها صوت معتبر 12000 ريال ابن ال... ده احنا فى رمضان وكمان اول شهر من غير راتب الله يحرقة الظالم دى لعلمك كافيه انك تطلع البله الازرق ع اللى جابوه هو وحماه مشكلتي ان كفيلي محترم اوى معايا بس سلوكيات العمل والكلام ده طبعا من غير أى هو قمة قفى الاستهبال قولتلكم انى رايح اتخانق من شويه لانه نفس المشكلة عاوز يشغلنى 12 ساعة يوميا واقوله امين ومفتحش بقي طب ياعم احنا رمضان مين بيقدر يعمل كدى والمشكلة انى جديد بقالى 11 شهر فى حين ان الاخوه المصريين مقتنعين اوى ومستسلمين جدا اوى خالص للحكاية دى وماله ياعم عمرو الدوام دوام واحنا قطاع خاص الصراحة مرارتى بتتفقع من اكلام ده ليك حقك مد ايدك وخده لا تخاف ولا تتردد اما الحيوان اللى اخد اقامتك ده ضعيف النفس وانت اقوى منه بعلمك امكانباتك العلمية ماشا الله تبارك الله واصبر عليه شويه ان مكنش يديهالك بالحسني ااطلع مكتب العمل او دور ع شغل بس فى الخباثة اوعى تروح تقوله ان مكنش بيدى نقل كفالة ربنا معاك ابعتلى جوالك على ايميلى الخاص وحتصل عليك عشان اطمن وكلها انشا الله اسبوع واجى مكه اعمل عمرة ربنا يكتبهالنا جميعا وان كان فى نصيب تيجي هناك بس اهم حاجة روق كدى واوعى تزعل اخوك عمرو حورس اعتذر عن اسلوبي فى الكتابة تم تعديل 2 أكتوبر 2007 بواسطة amrhoras الدنيا يومان يوم لك ويوم علبك فافعل ماشئت لكن تذكر كما تدين تدان رابط هذا التعليق شارك المزيد من خيارات المشاركة
justtrying بتاريخ: 2 أكتوبر 2007 تقديم بلاغ مشاركة بتاريخ: 2 أكتوبر 2007 قلبي معاك اخي العزيز وربنا يكرمك ويصبرك بإذن الله خير وهتفرج إن شاء الله وهدي نفسك وحاول تتصرف بالحكمة والحنكة في هذه الأمور .. يعني لو مش هتعرف تاخد منه لا حق ولا باطل حاول تتنازل بأسلوب متحضر لا مذلة إن شاء الله.. ربنا يهون أمورك اللهم آمين رابط هذا التعليق شارك المزيد من خيارات المشاركة
حسام يوسف بتاريخ: 2 أكتوبر 2007 كاتب الموضوع تقديم بلاغ مشاركة بتاريخ: 2 أكتوبر 2007 السلام عليكم ورحمة الله بداية أشكر اهتمامكم حتى ولو بالدعاء وحقيقى أنا مقدرتش أقول لأهلى فى مصر عشان مقلقهمش لكن انتوا بمثابة الاهل انا اشغلت 24 يوم فى الشهر اللى فات والله ما عايزهم بس امشى وانا معرفش هل الفيزا =10الاف فعلا؟وبعدين انا لو معايا 10الاف ريال=15 الف مصرى كنت جيت اتمرمطت هنا؟وانا لحد النهاردة مقبضتش غير 200 ريال سلفة و 300 ريال مرتب ال 3 ايام فى شهر 9 اجيبله 10 الاف ريال منين؟ بعد ما كتبت مشكلتى امبارح قابلتة الكفيل وقالى عايز تشتغل ولا لأ؟قولتله اشتغل مش اتهزأ ولا يعنى عشان احنا عندكم؟قالى دى مش شتيمة وعموما حقك علية ماصدقت لقيت اى ترضيةوقلتلة:خلاص يا حج خاطرك عندى كبير انا هرجع الشغل بس مش هقبل اى اهانة من صغير او كبير قالى خلاص بكرة هتصل بيك وقلبنى ودلوقت الساعة 2صباحا ومش عارف هم عايزين اية؟ وبالنسبة للاخ عمرو له جزيل الشكر المشكلة انه خد العقودمننا من اول يوم جيت انا وزمايلى انا معايا بس صورة الاقامة هل فيه اى حاجة اقدر اعملها؟ اسف لو كنت قد اثقلت عليكم رقم موبايلى 0542880239 اللهم انى لا اسالك رد القضاء ولكنى اسألك اللطف فية دعواتكم رابط هذا التعليق شارك المزيد من خيارات المشاركة
justtrying بتاريخ: 3 أكتوبر 2007 تقديم بلاغ مشاركة بتاريخ: 3 أكتوبر 2007 سلام عليكم اخي العزيز ربنا يصلح الأمور بس نصيحة مني ما تخلي الموضوع على التياري كدة يعني كلمة ورد غطاها .. حاول تقعد معاه وتكلم رابط هذا التعليق شارك المزيد من خيارات المشاركة
أسد بتاريخ: 3 أكتوبر 2007 تقديم بلاغ مشاركة بتاريخ: 3 أكتوبر 2007 نظام العمل والعمال في السعودية يعطي الحق لكلا الطرفين أن يفسخ العقد خلال الشهور الثلاث الأولى مع تحمل الطرف الذي فسخ العقد تكاليف العودة إلى بلاده وهذا هو نص الفقرتين الخاصتين بهذا في نظام (قانون) العمل السعودي المادة الثالثة والخمسونإذا كان العامل خاضعا لفترة تجربة وجب النص على ذلك صراحة في عقد العمل، وتحديدها بوضوح، بحيث لا تزيد على تسعين يوما، ولا تدخل في حساب فترة التجربة اجازة عيدي الفطر والأضحى والاجازة المرضية، ويكون لكل من الطرفين الحق في انهاء العقد خلال هذه الفترة ما لم يتضمن العقد نصا يعطي الحق في الانهاء لأحدهما. المادة الرابعة والخمسون لا يجوز وضع العامل تحت التجربة أكثر من مرة واحدة لدى صاحب عمل واحد، واستثناء من ذلك يجوز باتفاق طرفي العقد اخضاع العامل لفترة تجربة ثانية لا تتجاوز مدتها تسعين يوما، بشرط ان تكون في مهنة أخرى أو عمل آخر، وإذا أنهي العقد خلال فترة التجربة فإن أيا من الطرفين لا يستحق تعويضا، كما لا يستحق العامل مكافأة نهاية الخدمة عن ذلك. موضوع تعويض عن قيمة التأشيرةوالإقامة والحاجات دي كلها من إختراعه .. طبعاً مكتب العمل يخلصلك الموضوع ده ببساطة وبدون تعقيدات كبيرة ومن أول مرة .. ربنا ييسر لك أمورك إن شاء الله في القصص الرومانسية القديمة .. يكتب المحب رسالة حب .. ويضعها في زجاجة .. ويرمي الزجاجة في البحر .. لا يهم من سيقرأها .. لا يهم هل ستصل إلي حبيبته أم لا .. بل كل المهم .. أنه يحبها ..وتاني .. تاني .. تاني .. بنحبك يامصر .. ... "إعلم أنك إذا أنزلت نفسك دون المنزلة التي تستحقها ، لن يرفعك الناس إليها ، بل أغلب الظن أنهم يدفعونك عما هو دونها أيضا ويزحزحونك إلى ماهو وراءها لأن التزاحم على طيبات الحياة شديد" (من أقوال المازني في كتب حصاد الهشيم) رابط هذا التعليق شارك المزيد من خيارات المشاركة
حسام يوسف بتاريخ: 3 أكتوبر 2007 كاتب الموضوع تقديم بلاغ مشاركة بتاريخ: 3 أكتوبر 2007 الف شكر للاخوة لاهتمامهم اخر حاجة انا قبلت اعتذارة وقالى هتصل بيك بكرة وادى وش الضيف كل زمايلى قبضوا والعبد لله لأ لا معايا فلوس ولا عارف ابعت مصروف الشهر لمراتى وبشكر الاخ أسد واسأله:لا باسبور ولا اقامة ولا عقد معاية معاية الله وصورة الاقامة هل ممكن مكتب العمل او اى جهة اخرى تفيدنى فى حاجة؟ دعواتكم فى هذة الايام المباركة اللهم فرج كرب المسلمين يا رب رابط هذا التعليق شارك المزيد من خيارات المشاركة
أسد بتاريخ: 4 أكتوبر 2007 تقديم بلاغ مشاركة بتاريخ: 4 أكتوبر 2007 جواز السفر يكون في العادة لدى الكفيل .. الإقامة يجب أن تكون معك .. وصورتها تكفيك مع إفادتهم بأنها لدى الكفيل .. لكن المفروض أن معك نسخة من عقد العمل .. ومع ذلك .. حتى لو لم يكن معك عقد عمل . ففترة التجربة تكون من تاريخ فعالية العقد .. والتي هي من تاريخ وصولك السعودية .. في القصص الرومانسية القديمة .. يكتب المحب رسالة حب .. ويضعها في زجاجة .. ويرمي الزجاجة في البحر .. لا يهم من سيقرأها .. لا يهم هل ستصل إلي حبيبته أم لا .. بل كل المهم .. أنه يحبها ..وتاني .. تاني .. تاني .. بنحبك يامصر .. ... "إعلم أنك إذا أنزلت نفسك دون المنزلة التي تستحقها ، لن يرفعك الناس إليها ، بل أغلب الظن أنهم يدفعونك عما هو دونها أيضا ويزحزحونك إلى ماهو وراءها لأن التزاحم على طيبات الحياة شديد" (من أقوال المازني في كتب حصاد الهشيم) رابط هذا التعليق شارك المزيد من خيارات المشاركة
حسام يوسف بتاريخ: 5 أكتوبر 2007 كاتب الموضوع تقديم بلاغ مشاركة بتاريخ: 5 أكتوبر 2007 السلام عليكم اليوم الحادى عشر لأبوخ مسلسل شفته فى حياتى لامعايا عقدولاباسبورولا اقامة ولا فلوس ولا عارف هما عايزين منى ايه كلمت الكفيل امبارح كالعادةوبرضةكالعادةنفضلى والساعة12منتصف الليل تعطف بدرالدجى وكلمنى (ايه قررت ايه؟تشتغل ولا تدفع 12الف ريال وتروح؟) ضغط على اعصابى وقلتله :يا حاج ما أنا قلت لحضرتك راجع وانت مردشط علية(مردتش يعنىمع الاعتذال لأشرف عبدالباقى)واجاب طيب كلم مديرك عشان يوزعك على دوامك وكلمت البيه التانى قالى انت غلطان انك سبت شغلك 0قلتله انا بكلمك لان الحاج قالى اكلمك قالى والله هو مكلمنيش مسسسسسسسسسسسسسسسسسسسسسسسسسسسسسسسسسخرة وهكذا دوخينى يا لمونة اللى احنا كمصريين اصحاب براءةاختراعهاوابطال كأس العالم فيهامن ساعةما اتعملت لحد ما تقوم القيامة بتتعمل فى واحد من ولادك يا مصر اخوكم مريض ضغط من 3سنين فوالله لوحد عندة اى حل يخرجنى من هذا الكابوس يشور عليه بيه وله الاجر والثواب عندالله ملحوظة:انا نفسى اروح رابط هذا التعليق شارك المزيد من خيارات المشاركة
nash بتاريخ: 5 أكتوبر 2007 تقديم بلاغ مشاركة بتاريخ: 5 أكتوبر 2007 أخي الكريم لا تتسرع بالتفكير بالعوده إلي مصر الأن... الكثير من المغتربين في شهورهم الأولي يكونون أكثر حنينا ورغبه بالعوده إلي مصر... لذلك عليك بالصبر والدعاء وإن شاء الله خلال هذه الأيام المباركه تجد حلا شافيا لمشكلتك كل سنه وأنت طيب ورمضان كريم صن ضحكة الأطفال يارب فإن هي غردت في ظمأ الرمال أعشوشبت لكن إن زودوها وبكيوا ..ونكدوا ..... هايتلطشوا رابط هذا التعليق شارك المزيد من خيارات المشاركة
darlengs بتاريخ: 6 أكتوبر 2007 تقديم بلاغ مشاركة بتاريخ: 6 أكتوبر 2007 شوف يا اخي الفاضل 00 انا مش عيشا في السعوديه انا بالكويت و عشت اسوا سنتين في عمري ( و لسا عيشاهم) مع زوجي واولادي 0000 شفت خسه و نداله و ذل محد شافهم 00مع اننا خبرات والله و مكناش صغار في بلدنا 00لكن انا مع راي الاخت ناش 00 متتسرعش بالعوده لمصر 00 اكيد لو كنت مرتاح البال هناك ما كنت اتغربت 00 استحمل شويا 00 و فوت 00 انت لسا في الاول و دا اكل عيش مش لعبه 00 علي الاقل تلم مصاريف السفر اللي خرجت بيها من مصر 00 وما ترجع مكسور الخاطر لاهلك 00 اي اراء حماسيه لا هتوديك و لا تجيبك 00 و متستناش حد يجيبلك حقك 00 خليك واقعي كل واحد ملهي فحاله 00 الموضوع يخصك مع الكفيل 00 بيقا ما عندك حل غير انك تحط اعصابك في تلاجه و تستحمل اي غلاسه 00 محدش بييجي بالعافيه 00لو بيشقطوك لبعض زي ما فهمت من كلامك اعمل نفسك مش واخد بالك و كلم الكفيل تاني ليكلم المدير يوزعك علي دوامك 00 و ما تستنا علموضوع ايام زي ما بتعمل 00هي ساعه زمن و كلم المدير لتتطمن ان الكفيل كلمه و لو ما كلمه استنا ساعه تنيا و كلمه تاني 00000 يعني حسسهم انك مهتم 00 و طالما نويت تكمل معاهم خليك لحوح 00 صدقني 00 ربنا يكرمك و انشاء الله خير متقلق 00 ربنا يسهل و الموضوع يعدي و اعتبرها تجربه وسط تجارب كتير هتشوفها لسا00 و ما تنسا ديما تخلي الاوراق المهمه معاك او حتي صور منها تحسبا للظروف 00 ربنا يوفقك رابط هذا التعليق شارك المزيد من خيارات المشاركة
حسام يوسف بتاريخ: 6 أكتوبر 2007 كاتب الموضوع تقديم بلاغ مشاركة بتاريخ: 6 أكتوبر 2007 السلام عليكم شكرا للجميع على الهتمام ممكن حد يساعدنى بأى مشورة تخلينى أمشى ده اللى انا عايزه داوقت أرجوووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووكم رابط هذا التعليق شارك المزيد من خيارات المشاركة
amrhoras بتاريخ: 6 أكتوبر 2007 تقديم بلاغ مشاركة بتاريخ: 6 أكتوبر 2007 السلام عليكمشكرا للجميع على الهتمام ممكن حد يساعدنى بأى مشورة تخلينى أمشى ده اللى انا عايزه داوقت أرجوووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووكم أخى العزيز حسام انت ليه مستعجل على المرواح مصر كدى استهدى بالله وربك يفكها الاول ارجع لربنا دى اول حاجة ادعيله وانت خاشع انه يفكها عليك وعلى اخوانك فى نفس محنتك تانى حاجة المصرى اللى هو مديرك ده اديني تليفونه وحقوله كلمه واحده اتقى الله وحط اولادك قدام عنيك الدينا كما تدين تدان والله مش بعيد انه اس البلاوى اللى انت فيها مجرب الحاجات دى انا شايف انك فتحت حوار مع كفيلك اقولك على حاجة بس ياريت تسمعلى للاخر قالو فى المثل ان كان ليك عند الكلب حاجة قوله ياسيدى شوف ياباشا اول حاجة عوزك تتنازل عن كرامتك شويه وكلمتين حلوين كل عقله وانت ياسيدى صاحب رزقتى وانت وانت مجدله شويه خليه يحس انك فعلا محتاجله وخليه يضغط على مديرك انه يرجعك تانى حاجة ان شاء الله بعد ماترجع اكيد حتاخد الاقامة انا عوزك تتحصل على الاقامة وبس دى اهم حاجة ثالت حاجة اطلع على مكتب العمل بالتى هى احسن وقلهم الراجل ده مليش عيش معاه واحكى الحكاية رابع حاجة اوعى شوف اوعى لو كانو حيموتوك تسيب اقامتك خامس حاجة عوزك تهرب لو مكتب العمل مش انصفك اهرب منه فى اى بلد مجاور شهر اتنين تلاته بعد كدى روح على السفارة المصرية ان انصفتك حيرجعوك بلدك والله والله واحد عندى هنا عمل كده مع الكفيل ورجع مصر معزز مكرم وان شاء الله خير ده حل من الحلول المجنونه بتاعتى والله اللى كنت حعملها بس للاسف انا مشكلتى انى مرتاح فى شغلى بس اه واكلين حقى بس واخد حقى تالت ومتلت لدرجة مديرى سعودي وبيخاف منى لما تحصل مشكلة البلد دى علمتنى قلة الادب قل ادبك تعيش مبسوط وان كانت قاعدة شاذه بس انا نفسي فى مديرك المصرى ده اه ينارى لو اتحصل عليه والله اخليه يلفو حولين نفسه انت وحيد وانا وحيد وكلنا نعيش وحده داخل بلد تجمع فيها السىء والجيد لكن السيء كان دائما اكثر فياريت نكون يد واحده رابطة واحده نشد بأزر بعض فى وجه من يظلم وانا من مكانى بحاول وانشا الله خيير معلش ان كان الرأى بتاعى مش خيالى شويه لكنه طريقة من طرق التفكير وادينا بنشوف الاراء اخوك عمرو الدنيا يومان يوم لك ويوم علبك فافعل ماشئت لكن تذكر كما تدين تدان رابط هذا التعليق شارك المزيد من خيارات المشاركة
حسام يوسف بتاريخ: 7 أكتوبر 2007 كاتب الموضوع تقديم بلاغ مشاركة بتاريخ: 7 أكتوبر 2007 السلام عليكم اشكر الاخ عمرو ولكن المدير المباشر من العيلة ومش مصرى ولا حاجة وكلهم زى بعض مفيش فرق اللى يعرف طريقة ارجع بيها يقول وله الثواب ولا اراكم الله مكروها فى عزيز لديكم دعواتكم رابط هذا التعليق شارك المزيد من خيارات المشاركة
هتشكوك بتاريخ: 8 أكتوبر 2007 تقديم بلاغ مشاركة بتاريخ: 8 أكتوبر 2007 لا اله الا الله عاو ارجع عاوز ارجع هو فى اى الكل بيقولك استحمل يا اخى ويعنى انت لو رجعت هتعمل ايه وبعدين انت فاكر ان اهلك هيفرحوا بانك رجعت؟ هما هيفرحوا انك رجعت ليهم بس هيتقهروا عليك وعلى اللى حصل معاك وهو السفر بالساهل ماهو لو انت كنت لقيت حاجه جوه البلد كويسه ماكنتش سافرت صلى على حبيبك المصطفى ...واستهدى بالله وعسى ان تكرهوا شئ وهو خير لكم وعسى ان تحبوا شئ وهو شر لكم مش يمكن ربنا بيختبر صبرك وبعدها هيفرجها عليك اصبر اخى ...ادعى لنفسك واحنا فى ليالى مفترجه يمكن يكون انهارده ليلة القدر ..عسى الله يستجيب لدعائك وادعى دعاء تفريج الكرب اللهم انى اعوذ بك من الهم والغم والحزن واعوذ بك من العجز والكسل واعوذ بك من غبة الدين وقهر الرجال وخلى عندك يقين فى ربك وصدقنى ربنا هيفرجها عليك ان شاء الله واصبر فالصبر مفتاح الفرج اختك فى الله هتشكوك اللهم فرج كروب جميع المسلمين وعزنا وعز اسلامك يارب رابط هذا التعليق شارك المزيد من خيارات المشاركة
se_ Elsyed بتاريخ: 8 أكتوبر 2007 تقديم بلاغ مشاركة بتاريخ: 8 أكتوبر 2007 يا أخي الكريم مع إحترامي لكل أراء الإخوة الزملاء خصوصاً اللي بيقولوا لك إستحمل ... تستحمل إيه ؟ الإهانة في أول شهر قضيته هنا وإنت راجل دكتور محترم ومن شخص ممكن يكون جاهل ؟ وإذا كان ده بيحصل أول شهر .. يبقى خد الكلام من واحد بقى له فترة لا بأس هنا في السعودية فأقدر أقولك إنك لو إستحملت يبقى أبشر بأيام سودا وأبشر وأنتظر كمان إن الكفيل او المدير اللي تطاول عليك يمد إيده عليك فيما بعد ... وخليك فاكر كلامي ده كويس لإنه هايحصل مليون الميه .... وأنا بأتعجب إزاي دكتور ومتعلم وما تعرفش أدنى حقوقك ... فما معنى إن كفيلك ياخد منك نسخة العقد الخاصة بك وإنت بمنتهى الإستسلام تعطيها له بدون نقاش ... وما معنى ان يسحب إقامتك بدون إستسلام منك وممكن ما يكونش أعطى لك خطاب ولا وصل نور تمشي به وبالتالي أي لجنة في الشارع وما أكثرهم في جده ممكن يلقوا القبض عليك وتُرمى في السجن مع المتسولين ومتخلفي العُمرة ... يا أيها الباحثين عن الرزق إتقوا الله في أنفسكم واعرفوا حقوقكم وتأكدوا بإنه لا تعارض بين طلب الرزق والكرامة وعزة النفس ... وسيبكوا بقى من كلمة فوت .. وأستحمل عشان مستقبلك ... وعشان عيالك .. ويا عم قول له الله يسامحك لما يشتمك ... وإذا لطشك قلم قوله : الله >>> ضرب الكفيل زي أكل النجيل .... إيه الكلام الفارغ وقلة القيمة دي ؟ من الأخر وبإختصار وبدون كلام عواطف .. دعنا نتحدث في إجراءات قانونية يجب أن تتخذها بعيداً عن كلام العواطف اللي ما بيأكلش عيش بل بالعكس بيأكل ضرب وإهانة : 1- أقعد الأول مع نفسك وشوف إنت عايز تمشي بالفعل ولا لأ .. يعني بصريح العبارة كده هاتبلع الإهانة والعمل 12 ساعة والتطاول وما إلى ذلك ؟ يبقى ترجع الشغل وما تكلمناش تاني في الموضوع وتعيش حياتك كما تشاء . 2- لو عايز تمشي وهو إحتمال قائم بعد الإجراءات القانونية التي يجب عليك إتخاذها ... يبقى تفعل الأتي : 1- تُثبت عن طريق زملاءك اللي حضرت شتيمة هذا الأدمي لك وتشوف إذا كانوا ممكن يشهدوا معاك ولا لأ ؟ ولو شهدوا يبقى تروح تعمل شكوى في مكتب العمل بالأتي : - إن المدير المسئول عن عملك وهو أحد أقرباء الكفيل قد أهانك أمام زملاءك في العمل . - إن كفيلك يريد أن يجعلك تعمل اكثر من 8 ساعات يومياً وهو مخالفاً للقانون . - إن كفيلك لم يُعطيك راتبك عن الفترة التي قضيتها معه ( ودي مصيبة في حد ذاتها ) - إنه سحب منك الإقامة بدون سبب . - قبل ذلك كله أنصحك بالجلوس مع الكفيل ووضع النقط فوق الحروف وتوصيل رسالة له بإنك فاهم القانون كويس وممكن تطالب بحقوقك كاملة ... إيه هي حقوقك بقى اللي إنت مش شايفها واللي إنت فرحت بسفرية السعودية والفلوس والدراهم من غير ما تعرفها : 1- المادة 61 من قانون العمل والعمال السعودي المحترم واللي ماحدش عارفه أو عايز يقرأه عشان دمه تقيل بتقول : - واجبات صاحب العمل : 1- أن يمتنع عن تشغيل العامل سخرةً ، وألا يحتجز دون سند قضائي أجر العامل او جزءاً منه وأن يعامل عماله بالإحترام اللائق وأن يمتنع عن كل قول أو فعل يمس كرامتهم او دينهم . مادة 81 : يحق للعامل أن يترك العمل دون إشعار مع إحتفاظه بكامل حقوقه النظامية كلها وذلك في أي من الحالات الآتية : 1- إذا لم يقم صاحب العمل بالوفاء بإلتزاماته العقدية او النظامية الجوهرية إزاء العامل . 2- إذا وقع من صاحب العمل او من احد أفراد أسرته أو من المدير المسؤل إعتداء يتسم بالعنف أو سلوك مخل بالاداب نحو العامل او احد أفراد أسرته . 3- إذا أتسمت معاملة صاحب العمل او المدير المسئول بمظاهر من القسوة والجور او الإهانة . إذا ما كنتش بتحب القانون وشايفه مكلكع يبقى إسمح لي أقولك ان من حق حضرتك يا دكتور يا صيدلي إنك تثبت إهانة هذا الشخص لك .. وبعدها تترك العمل وانت واخد كامل حقوقك ... يعني بإختصار لو سعادتك جاي بعقد سنتين بمرتب 5 آلاف ريال .. يبقى من حق حضرتك تاخد من عينيه 120 ألف ريال وتذكرة رجوع كمان على حسابه وممكن ترفع عليه قضية في المحكمة الشريعة لتعويضك عن الإهانة وهاتاخد مش أقل من 50 ألف ريال إذا أثبت ذلك بشهود . وعيب قوي ما يكونش معاك حتى صورة من العقد ... وحتى لو مش معاك فبمجرد وجودك في مقر العمل هو إثبات للتعاق مع تلك الصيدلية . أما عن تهديده لك بدفع 12 الف ريال .. فالكلام ده يبله ويشرب ميته ولن يحدث ... إنت موقفك قوي ... وإذا لم يكن لك مبدا في بداية عملك ووريتهم العين الحمرا بالحق يبقى ستعيش في عذاب هنا وهاتضطر تستخدم الأنسولين وجميع ادوية الضغط العالي والمنخفض .. وإنت راجل جاي تشتغل مش جاي تُعاني نفسياً وجسدياً .. انا عارف إنك ممكن تستحمل العمل لمدة 12 ساعة أو 24 ساعة في عمل تُحبه وفي ناس بتحترمك ... في حين إن الواحد لو بيشتغل لمدة ساعة واحدة في عمل به متاعب نفسية فبيشعر إن فوق صدره جبل . الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان