هل البنت الغير محجبة معناه انها غير محترمة؟؟؟

[tarek hassan]

المشكلة أننا حين نعتقد أن المظاهر هو الوسيلة المثلى للحكم على الأشخاص فيكون الملتحي والمننقبة هما أفضل النماذج البشرية على الإطلاق ولكن المظاهر لا تساوي شيئا أو لها اعتبار قليل بالنسبة لأمور أخرى في الدين والحياة ومن خلال تجربتي واجهت العديد من المشاكل بسبب حكمي بالمظهر ولذلك أقول أن السؤال في الأصل خطأ لأن كل الكليات الآتية خطأ

- كل غير محجبة غير محترمة (خطأ)

- كل محجبة محترمة (خطأ)

- كل غير محجبة محترمة (خطأ)

- كل محجبة غير محترمة (خطأ)

الواقع يخطأ كل ذلك والأمثلة كثيرة

إذن هناك مقاييس للاحترام فكل من احترم نفسه واحترم الآخرين فهو محترم وكل من أهان نفسه أو أهان الآخرين فهو غير محترم .

- إذن أيضا كل من أتت بأمر الخمار فقد أتت بأمر واحد من أمور الدين ولم تأت بكليات هذا الدين من خلال هذا الخمار

- وأيضا من لم تأت بأمر الخمار فقد فرطت في أمر واحد من أمور الدين وليس كليات هذا الدين

المشكلة في التعميم الظالم للأحكام والتعصب الأعمى ضد المرأة الذي دفع بإلزامها ما هو أزيد عن المطلوب كالمكث في البيت حتى القبر والعياذ بالله والنقاب الذي هو بنص آيه خاص بزوجات الرسول كما يقول البعض ( والله أعلم ) فما بالك إذا فرطت في مطلوب فيقال غير محترمة وهي كلمة من يقولها ربما يقع في محظور إقامة حد القذف عليه والله أعلم

[مونتى]

مشكلتنا اننا نتكلم فى كل شىء بلا علم وقد يكون عن جهل بين او من ثقافة الشرائط او مفتى الفضائيات

الكلام هو هل الحجاب عنوان للاحترام عند الفتاة والعكس صحيح ام ماذا

بدون فلسه او تدخل الدين

لان الحجاب فرض على كل امراة مسلمه اذا بلغت المحيض

شكرا

[أبو محمد]

- كل غير محجبة غير محترمة (خطأ)

- كل محجبة محترمة (خطأ)

- كل غير محجبة محترمة (خطأ)

- كل محجبة غير محترمة (خطأ)

الواقع يخطأ كل ذلك والأمثلة كثيرة

إذن هناك مقاييس للاحترام فكل من احترم نفسه واحترم الآخرين فهو محترم وكل من أهان نفسه أو أهان الآخرين فهو غير محترم .

- إذن أيضا كل من أتت بأمر الخمار فقد أتت بأمر واحد من أمور الدين ولم تأت بكليات هذا الدين من خلال هذا الخمار

- وأيضا من لم تأت بأمر الخمار فقد فرطت في أمر واحد من أمور الدين وليس كليات هذا الدين

المشكلة في التعميم الظالم للأحكام

هذه الإجابة على سؤال الأخت الفاضلة تستاهل الدرجة النهائية

تحياتى واحترامى للفاضل tarek hassan

[ابو محمود]

اسمحو لى ان اسرد بعض آرائى وكل منا يحترم ارأء الأخر ماهو الحجاب او الخمار اوالتحشم ؟

عندما نذهب الى محلات الحلوانى هل من الممكن ان نرتضى بأن نبتاع منة صينية بسبوسةوليس عليها غطاء ؟

فلماذا أذن نرفض ؟ ان المرآة احبائى مخلوق جميل ورقيق واشد رقة من الحلوى ولذلكفرض اللة عليها ان تلف وتحفظ نفسها بغطاء يعفها من نظرة كل طامع وذونفس لاتشبع ولان الطعام شهوة فالنساء يشتهيها الرجال ولذلك حفظهم اللة بأن أمرهم بالعفاف والأبتعاد عن عيون من يطمع فيهن وأمرهم بأن يسترن اجسادهن بغطاء (الحجاب ) وهذا أمر لكل مسلمة اما ان نجعل من من ليسو محجبين فى مصاف من تتحجب فهذا ليس عدلآ فلنجعل الحلوى عارية وأخرى ملفوفة بغطاء وهنا يمكن ان نحكم على الحلوى هل نرتضيها الاولى ام الثانية ولى سؤال لماذا عندما نملك منزلا نجعل لة بابا اليس من الخوف على النهب والسرقة وانى ارى اليوم ان لحم بناتنا اصبح يعرض فى الشوارع بحجة المدنية والحداثة فهل الحجاب يقلل من احترام الرجل للمرأة ام يكون عرض اللحم لكل من ينظر هو سبيلنا للتعارف وجزب الأخر وهل المرأة او البنت العارية تكون افضل ام المحتشمة ارجو الحكم من باب ان المرأة الحلوى والحجاب حافظ لها من الحشرات الضارة وعيون من يتربص بها ولى فى هذة قصة ؟

عندما يرى الرجل امرأة عارية تجذبةبعض الوقت ولاكن عندما يرى من تستر جسدها تجذبة طوال الوقت وهذا امر معروف للرجال فالمرأة تشيب قبل الرجل فيظهر عليها اختلاف جسدها فأن تحشمت كما أمرها اللة اصبحت فى عين زوجها كأنها لم تتغير بعد أرضاع صغارها وعمل شغل بيتها ألخ وحملها وفطام اطفالها ولنعرف ان الحجاب رحمة من اللة للمرأة وليس حمل لاتقدر علية لنها خلقت من اجل رجل واحدوليس لشيعا من الرجال وهذا واللة ولى التوفيق والهادى هو اللة

[tarek hassan]

أشكرك أخي أبو محمد وأشكركم على هذا الموضوع الجيد وما لمسته من آراء مستنيرة كثيرة تنم عن وعي وثقافة

- ولكن عند البعض منا مشكلة أنه ضد تحرر الفكر وما زال فينا من يعتقد أن من وضعت عطرا خارج منزلها يمكن له من وحي الدين أن يقول لها والعياذ بالله : يا ........ يا ........ يا ... استحي من قول اللفظ

- إن منا من نعتقد أن الإنسان يرسب إذا أخطأ في سؤال واحد وأن المرأة توصم بكل الرذائل إذا أتت برزيلة واحدة مع أن من أتى بـ 51 حسنة و49 سيئة هو في الجنة

- وأن من أتي برأي مخالف لنا فهو جاهل أحمق متحلل ديوث وأي اجتهاد جديد رجس من عمل الشيطان

- وأن رايه دائما صواب لا يحتمل الخطأ ورأي غيره خطأ لا يحتمل الصواب وأنه مباح له أن يجرح الآخرين ويؤذيهم بألسنة حداد

- أننا نجعل الأحكام الخاصة عامة فيمكن القول ليس كل عفاف هو من الخمار مع أهمية الأمر الرباني لنساء المسلمين بالجلباب والخمار ولكنني أعتبر أن العفاف فطري في المرأة وأن غير العفاف هو الاستثناء

- ونحكم بالنتائج الوهمية التي لا علاقة لها بالواقع الفعلي ونعتبر بسوء الظن أكثر من حسن الظن بالناس

- مع كل نقول لجميع الأخوات العفيفات أن الجلباب والخمار صون لك من الأذى فهناك أذية ربما من الظن السيء أنكن غير عفيفات ، فيتعرض لكن بالقول من في قلبه مرض أو يوجد من يتهاون بكن

( يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلابِيبِهِنَّ ذَلِكَ أَدْنَى أَنْ يُعْرَفْنَ فَلا يُؤْذَيْنَ وَكَانَ اللَّهُ غَفُورًا رَحِيْمَاً)

والله أعلم

[muslim4ever]

(ليصل الامر فى التشدد الى النقاب والرداء الاسود الذى يشبه خيمة سوداء متحركة)

ليه كدة يا استاذ محمد ايه لزمته الكلام دة زعلتنى منك وبعدين انتى راجل سوبر عضو وحاطط علم مصر بيرفرف وبيرفرف معاه قلبى

من قال لك ان النقاب تشدد !! وبعدين خيمة ايه وكمبوند ايه !!! حنانيك يااستاذ محمد

اولاً مافيش شىء اسمة نقاب فهى كلمة فاسدة لا اصل لها ولكن حتى يكون الكلام منضبط اما ان تقول حجاب او خمار

والحجاب اللى هو من وجهة نظرك انه نقاب هو ان تحجب المراة نفسها عن غير المحارم من الرجال وهذا ما امر به الله عز وجل واوضحة النبي صلى الله تعالى عليه واله وصحبة وسلم فى سنته وبعدين يااستاذ محمد الخيمة السوداء على حد تعبيرك هو زى امهات المؤمنين والصحابيات الجليلات ومن تبعهن باحسان فلما اذا لغة السخرية من امر ثابت بالكتاب والسنه ولم يختلف علية الا اهل البدع والضلالات واصحاب الهوى

ثانياً الخمار وهو المختلف علية فهو نفس شروط الحجاب ولكن يظهر وجه المراة وهنا يستدل بحديث ضعفة ائمه العلم والدين وهو حديث اسماء فهو لا يصح عن النبى صلى الله تعالى عليه واله وصحبة وسلم . وللامانة العلمية يستدل ايضاً بواقعة المراة سفعاء الوجه التى خاطبت النبى صلى الله تعالى عليه واله وصحبة وسلم ولكن الشاهد ان هذة الواقعة حدثت قبل نزول ايه الحجاب والله اعلى واعلم

اما استدلال فضيلتكم بالواقع الاجتماعى فى عشرينات القرن الماضى فنحن كمسلمون لا نستدل بواقع ضال ولكن اجيب على فضيلتكم بان هذا الكلام فية جزء كبير من الخطاء فكما كان هناك نساء كما وصفت فضيلتكم بانهن يمشين بالايشرب او المنديل فقد كانت هناك اكثر منهن بكثير يرتدين الحجاب الشرعى وهن الكثر وان كنت تستشهد بالارياف فانا من الشرقية ولم اجد ما تدعية الا النذر النذير

اما اذا كنت تستشهد بما تراة فى افلام ومسلسلات فهاذا لا يعمم على عموم المسلمين لان الاصل فى الناس هو الطهر واتباع الدين وليس اتباع الهوى وفى النهاية اذكرك بكلام النبي صلى الله تعالى عليه واله وصحبة وسلم (اتقى الله حيث ما كنت واتبع السيئة الحسنة تمحها وخالق الناس بخلق حسن)

وخالق الناس بخلق حسن.......... تحياتى لك

[zizetta]

السلام عليكم ورحمة الله وبركاته..

قرأت الموضوع بكل ردوده الهادئة والمستنيرة والمتعصبة والمنفعلة .. والحقيقة إن إختلاف الآراء أو إختلاف طرق التعبير عنها هو إثراء في حد ذاته للفكرة وقد وجدت وجهة نظري مكتوبة من أكثر من عضو .. ولكني تخطيت في داخل نفسي إلي موضوع آخر مشابه شوية ولكنه يخص الرجل .. إيه رأيكم في الموضة العجيبة اللي إسمها اللو وست low Waist.. ولتقريب المعني للأذهان أقص عليكم تلك القصة:

أثناء إنتظاري داخل السيارة بجوار أحد النوادي الراقية بالقاهرة لقطت عيني عسكري مرور ينظم تكدسات السيارات في ذلك الشارع الضيق وبجواره يساعده أو يتحدث معه شاب يرتدي بنطلون أبيض وفانلة بيضاء وملزق شعره بالجيل لكن ماهالني هو منظر التيشيرت الضيق جدا والذي يبرز كل عضلة من عضلات جسمه والأدهي من ذلك الفجعة التي إنتابتني عندما رأيت البنطلون من الخلف وهو يسفر عن نصف عورته بتفاصيلها تحت التيشرت وأحيانا من غير تيشرت لما يتحرك .. فغلت الدماء في عروقي وناديته .. قسألته انت السايس هنا .. إستنكر الكلمة وقالي أنا المسئول عن الباركينج .. إبتسمت من أسلوبه قال يعني هو لما قالها بالإنجليزي ببقي عضو في مجلس إدارة السياس .. وبعدين قلت له معلش يا إبني أنا زي والدتك (مجازا يعني ) اقبل مني الكلام .. ايه اللي انت لابسه ده مبين حالك ومحتالك انت مش عارف ان كده مش حلو في حقك كراجل .. إتكسف وقالي أصله موضة .. المهم قلت له النصيحة ومشيت .. ممكن حد يقول انه انسان مش طبيعي .. لكن لما تلاقي معظم الشباب حواليك لابسين نفس البنطلونات المنيلة واللي يا إما تبين البوكسر أو أي شيء آخر تقول عليهم إيه .. بقى هي دي الرجولة ..

السؤال بقى هو الراجل اللي بيلبس اللو وست يبقى محترم والا لأ؟؟؟؟

محسوبتكم زيزيتا

[nash]

بالنسبه لسؤالك عزيزتي زيزيتا...وكأم لشابين ...لا والله لا أقبلها ابدا ولو وقفت علي حرمانهم من الخروج...ولا يهمني زعلهم أصلا يضربوا راسهم في أقرب جدار...

فلا هذه الموضه تليق بنا ولا بأخلاقنا...ولا تمت بصله اصلا للرجوله والمرؤة والذي من المفترض أن يشب الشاب عليه ليصبح من سمات الرجوله الحقه...

موضه من أغبي الموضات..سواء هي أو بودي كارينا....

[Salwa]

طيب ...

كالعادة نتكلم بصراحة وخصوصا انكم فتحتوا موضوع مهم جدا ....قصدى باب فى الموضوع المهم ولايقل اهمية ..

ابنى شاب زى الورد ملتزم والحمدلله ( ربنا يخللى لكم اولادكم ) وبعد شهرين يبقى عنده تلاتة وعشرين سنة .(( عايش ولف اوروبا ولسا راجع من اميركا ))

مفيش اى مهازل من دى ..

ولا عمره (( طبق على نفسه )) اى موضة عبيطة من الموضات دى ..

وهو مش معقد ولاحاجة ..بالعكس هو شاب مرح جدا جدااااا ...........تقدروا تقولوا لى ليه ؟؟

لان اللى بيمشوا ورا الموضة دول ناس معندهمش اى شخصية وايضا فاضيين واكثرهم يتصفون بالهيافة ...حقيقى يعنى ...

بلاش نروح بعيد ...

من شهرين اختى(( فى مصر )) حكت لى ان ابن اخويا (اللى عنده اربعتاشر سنة ) زعل منها لما قالت له ليه ياحبيبى لابس الفانلة اللى بتلمع دى !! وهو بابا ليه سابك تنزل كدة ؟؟ وهى مامى شافتك ؟؟ ؟؟ وقال لها ياعمتو دى موضة ومامى هى اللى جايباها لى !!!!!

بتقوللى لقيت نفسى غصب عنى بدون شعور بقول له (( بكرة يشربوا !!!)) ...والولد بص لها بذهول ...يعنى ايه ياعمتو ؟؟ قالت له ولاحاجة يابنى ...ولا حاجة ..ربنا يخللى لك مامى !!!!

طبعااااا.......اختى بتحكى لى وهى ثائرة وبتقوللى انها كلمت اخى (( اصغر الاخوة )) ...وقالت له خطأ انك من بدرى احضرت تليفون بكاميرا لابنك وممكن يسئ استخدامه كدة وفيه حاجات كتير ممكن الولاد يعملوها والآباء مش حايحسوا ولا حايخطر فى بالهم ...ورد وقال لها انا مربى ولادى كويس وهو بييجى معايا يوميا المسجد لصلاة الفجر وهو ملتزم طول عمره ...!!!!!!

وتعجبت هى ولهذا ناقشتنى ........كيف يصلى ويحفظ اكثر من جزء من القرآن الكريم ...وفى نفس الوقت

(((( ماشى على الموضة اللى يعلم بيها ربنا دى )) ويخشى الآباء المعارضة خوفا من ....(( يعنى حانعقد الولد ؟؟ ))

وقالت لى نفس كلامكم .......(( ليه بس مطلوب من البنت التحجب فى كل شئ ..ولا نعطى نفس الاهمية للولد مع انه الاخطر ؟؟ على الاقل البنت بتخاف شوية لكن الشباب الولاد لديهم اندفاع بعض الشئ ..))...

ربنا يستر فعلا ...

[miramar]

زيزيتا انا فرحانة جدا بمشاركتك الجميلة دي

و بالفعل موضة اللو واست بين الولاد موضة عجيبة جدا

السنة دي لما رحت مصر مكنتش عارفة انها موضة فشفت واحد يقرب لنا عامل الحركة دي

من هبلي قلتله الحق البنطلون هيقع منك

قالي لا دي الموضة

و بالفعل كل الشباب دلوقت بنطلوناتهم على حافة السقوط

تصدقي كتير منهم و خاصة لما ييجوا يقعدوا بيبقى البنطلون بيبين اكتر ما بيغطي

ربنا يستر على البقايا من الرجولة

مدام ناش ربنا يخليلك ولادك ويحفظهم من الو واست

استاذة سلوى ربنا يستر بجد

مرمر

[zizetta]

.......(( ليه بس مطلوب من البنت التحجب فى كل شئ ..ولا نعطى نفس الاهمية للولد مع انه الاخطر ؟؟ على الاقل البنت بتخاف شوية لكن الشباب الولاد لديهم اندفاع بعض الشئ ..))...

هذا ما أردت الإشارة إليه بالظبط .. هو يعني الراجل مش له عورة برضة كلنا عارفين انها تبدأ من السرة حتى الركبتين .. ليه بقى لما بيبينهم في ماتش كورة والا في الشارع والا في المدرسة أو الجامعة أو التليفزيون .. ليه محدش بيتكلم ..هو مش البنات أو الستات اللي بيشوفوهم برضة بشر وطلوب الحفاظ عليهم ...

السيدات الأفاضل / سلوي وناشا.. ربنا يبارك لكم في أولادكم يا رب .. وياسلوي هانم طمنتيني علي نفسي أنا كنت فاكرة اني الوحيدة اللي عندها ولاد كبار هنا .. وكنت عمالة أقول لنفس تلاقي كل اللي في المنتدي دول في العشرينات وخصوصا ان معظم الأعضاء ما بيكتبوش سنهم أو تاريخ ميلادهم وكنت عمالة أقول اعقلي يا زيزيتا وشوفيلك بكرتين صوف اشتغليهم كوفيه للبنية تروح بيها الجامعة في الشتا .. إعقلي يا زيزيتا وقومي رتبي لبنتك دولابها اللي بيتنكش كل نص ساعة لكن الحمد لله باين إن جناني حيبقي عين العقل ..

الأخت مرمر أشكرك علي تعقيبك ومش عارفين انتي بنوتة والا ستوتة

تحياتي لكم جميعا

محسوبتكم زيزيتا

[miramar]

لا يا مدام زيزيتا انا بنوتة مش ستوتة

ربنا يخليلك بنتك يا رب

مرمر

[nash]

كلنا نعلم أن أحكام الدين وتشريعاته أنزلت للرجل والمرأة علي حد سواء ولم يختلف العقاب بالنسبه للرجل عن العقاب للمرأة....

العقوبات واحده للطرفين ...لكن...سيأتي من يقول لإن الفتاة خطرها اشد علي الفتي...فهي مصدر الفتنه وهي كذا وكذا .....وكذا....فعليها أن تتحجب هي..

إذا المجتمع هو من فرق في التربيه بين الفتاة والفتي....حينما طالب الفتاة بالحجاب والحشمه وغض الطرف عن تسيب الشاب أو إظهارة لعورته المعروفه...بدعوي

أن مفاتن الفتاة تختلف عن مفاتن الشاب...مع أن العقاب واحد..ولكننا جئنا للطرف الاضعف وكبلناة بكم الأوامر والنواهي وتركنا الباب مفتوح علي مصرعية للشاب علي اساس أن الفتي حامل عيبه ..أو أن شرف الفتاة يختلف عن الفتي...لذلك تفجع الأسر بمصائب أبناءها قبل بناتها...

..............................................................

رغم أنني كأم سلسه مع أولادي إلا أنني وضعت محظروات رفضت في البدايه نقاشها معهم حتي كبروا قليلا ثم بدأت بعرض وجهه نظري ولماذا عليه أن يفعل كذا ويترك كذا ولا يصح كذا....يعني الأول بدأت بترويضهم علي الطاعه العمياء لكل ما أقوله ثم بدأت بتفنيد اسباب الأوامر والنواهي...وسمحت لهم بالنقاش والأخذ والرد معي.....منتهي الديمقراطيه صح؟؟

حينما يخرج الفتي بهذا المظهر..لا ألقي اللوم عليه أبدا ولا علي والده ...بل ألقيه علي أمه...لإن واجبها الرئيسي هو مراقبه وملاحظه سلوك أبناءها وتوجيههم...لإن

الأب أغلب الوقت خارج البيت وبالتالي لا يعرف الكثير عن إبنه إلا من بعض الحكايات عن طريق الأم...

.................................................................

المصيبه والتي لا يعرفها الكثير...أن إنحراف الفتي يكون وقعه أشد وعواقبه وخيمه عن الفتاة...في النهايه نستطيع السيطرة علي البنت...لكن الفتي لو إنحرف لا قدر الله...هاتوا بأة دوروا عليه ...

ربنا يحفظ بناتنا وأولادنا يارب

[Diab]

أعتبر أن دي قاعدة ستات والرجالة داخلة تهدي النفوس ولا أزاي

( بأتفرج من بعيد لبعيد )

فقط تسجيل متابعة

تم تعديل 17 أكتوبر 2007 بواسطة Diab

[abaomar]

السلام عليكم

الاخوه الاعزاء جزاكم الله خيرا

الاخت الكريمه زيزيتا التى سالت ( السؤال بقى هو الراجل اللي بيلبس اللو وست يبقى محترم والا لأ؟؟؟؟)

هناك تناقض ما بين كلمتى الراجل بمعناها المادى و المعنوى و يلبس اللو وست ما ينفعوش مع بعض

على حد ما علمت عن هذه الموضه القذره انها لبس الشواذ فى الغرب ليتعرفوا على بعضهم فهل هذا صحيح ؟ الله اعلم

الحياء من شعب الايمان و الحياء خير كله و لايتجزاء سواء للذكر ام الانثى و فى حق الانثى اشد و من يتنازل عن حياءه الذى هو جزء من دينه ( الايمان بضع و سبعون شعبه منها الحياء ) فالخطوره انه خرج الى مصيبه اكبر من انه محترم او لا انه يتجه الى اساس عقيدته و هنا مكمن الخطر .

المحترمه التى تتحدى اوامر الدين و تصر على المعصيه افضل ام المحجبه العاصيه و هنا نحن ليس لنا سوى الظاهر و السرائر بيد الله.

سؤال للمهتمين فى حاله الاحرام سواء فى الحج او العمره يخرج الانسان ( رجل كان او امرأه ) من حاله حياته الطبيعيه الى حاله الاحرام و فيها يتجرد الرجل من ملابسه و يلبس ملابس الاحرام و التى هى كما نعلم اذار غير مخيط ....

و فى هذه الحاله يعتبر الاحرام استثناء من الحاله الطبيعيه التى يكون عليها الرجل .

المراه تظل على ملابسها كما هى ( الشرعيه طبعا ) و لكن تكشف وجهها و الذى يكون فى هذه الحاله استثاء عن الحاله الطبيعيه الا و هى ... تغطيه الوجه مضبوط ؟

تم تعديل 17 أكتوبر 2007 بواسطة abaomar

[Lembic]

اسمحو لى ان اسرد بعض آرائى وكل منا يحترم ارأء الأخر ماهو الحجاب او الخمار اوالتحشم ؟

عندما نذهب الى محلات الحلوانى هل من الممكن ان نرتضى بأن نبتاع منة صينية بسبوسةوليس عليها غطاء ؟

فلماذا أذن نرفض ؟ ان المرآة احبائى مخلوق جميل ورقيق واشد رقة من الحلوى ولذلكفرض اللة عليها ان تلف وتحفظ نفسها بغطاء يعفها من نظرة كل طامع وذونفس لاتشبع ولان الطعام شهوة فالنساء يشتهيها الرجال ولذلك حفظهم اللة بأن أمرهم بالعفاف والأبتعاد عن عيون من يطمع فيهن وأمرهم بأن يسترن اجسادهن بغطاء (الحجاب ) وهذا أمر لكل مسلمة اما ان نجعل من من ليسو محجبين فى مصاف من تتحجب فهذا ليس عدلآ فلنجعل الحلوى عارية وأخرى ملفوفة بغطاء وهنا يمكن ان نحكم على الحلوى هل نرتضيها الاولى ام الثانية ولى سؤال لماذا عندما نملك منزلا نجعل لة بابا اليس من الخوف على النهب والسرقة وانى ارى اليوم ان لحم بناتنا اصبح يعرض فى الشوارع بحجة المدنية والحداثة فهل الحجاب يقلل من احترام الرجل للمرأة ام يكون عرض اللحم لكل من ينظر هو سبيلنا للتعارف وجزب الأخر وهل المرأة او البنت العارية تكون افضل ام المحتشمة ارجو الحكم من باب ان المرأة الحلوى والحجاب حافظ لها من الحشرات الضارة وعيون من يتربص بها ولى فى هذة قصة ؟

عندما يرى الرجل امرأة عارية تجذبةبعض الوقت ولاكن عندما يرى من تستر جسدها تجذبة طوال الوقت وهذا امر معروف للرجال فالمرأة تشيب قبل الرجل فيظهر عليها اختلاف جسدها فأن تحشمت كما أمرها اللة اصبحت فى عين زوجها كأنها لم تتغير بعد أرضاع صغارها وعمل شغل بيتها ألخ وحملها وفطام اطفالها ولنعرف ان الحجاب رحمة من اللة للمرأة وليس حمل لاتقدر علية لنها خلقت من اجل رجل واحدوليس لشيعا من الرجال وهذا واللة ولى التوفيق والهادى هو اللة

ياأخ محمود كلامك جميل لكن ليس هذا هو سبب الحجاب ، مع إعجابى بتعليقك. سبب الحجاب هو أنه فريضة والفرائض لا تسبب - يعنى بكل بساطة الدين كده. زى الصبح ركعتين مش أربعة مثلا. وببساطة أكثر طالما الشخص إختار أن يكون مسلما أو مسلمة فيجب أن يطبق قواعد هذا الدين! يعنى ممكن واحد يقول لك مهو ممكن واحدة تكون حشمة ومفيش من جسمها حاجة ظاهرة إلا شعرها بس! الحجاب فرض مش موضوع تغطية لحم وغيره.

فقرة أن المرأة تغطى جسدها علشان تخفى إختلاف جسدها فدى بجد مضحكة أوى! :D يا راجل حجاب المرأة على غير المحارم فقط! هى المرأة مش لازم عليها أن تغطى جسمها فى بيتها! حتى لو مشيت كما خلقتنى يا مولايا فى البيت أمام زوجها فليس عليها حرج تماما! طبعا الموضوع مش حيكون مقبول إذا كان فى أولاد وغيره.

عموما كلام جميل بس ياريت بلاش ندلى بأرءنا الشخصية فى الدين - وصباحك فللى :D

[Lembic]

سؤال للمهتمين فى حاله الاحرام سواء فى الحج او العمره يخرج الانسان ( رجل كان او امرأه ) من حاله حياته الطبيعيه الى حاله الاحرام و فيها يتجرد الرجل من ملابسه و يلبس ملابس الاحرام و التى هى كما نعلم اذار غير مخيط ....

و فى هذه الحاله يعتبر الاحرام استثناء من الحاله الطبيعيه التى يكون عليها الرجل .

المراه تظل على ملابسها كما هى ( الشرعيه طبعا ) و لكن تكشف وجهها و الذى يكون فى هذه الحاله استثاء عن الحاله الطبيعيه الا و هى ... تغطيه الوجه مضبوط ؟

مش فاهم يا أخ أبوعمر!؟ إنت قصدك كشف الوجه إستثناء وتغطيته هى القاعدة؟ يا راجل إتقى الله من أين لك هذا!؟ :D القواعد فى الدين صريحة ولا تحتاج تفسير أو تأويل فمن أن أتيت بهذا القاعدة سامحك الله؟

[miramar]

ياأخ محمود كلامك جميل لكن ليس هذا هو سبب الحجاب ، مع إعجابى بتعليقك. سبب الحجاب هو أنه فريضة والفرائض لا تسبب - يعنى بكل بساطة الدين كده. زى الصبح ركعتين مش أربعة مثلا. وببساطة أكثر طالما الشخص إختار أن يكون مسلما أو مسلمة فيجب أن يطبق قواعد هذا الدين! يعنى ممكن واحد يقول لك مهو ممكن واحدة تكون حشمة ومفيش من جسمها حاجة ظاهرة إلا شعرها بس! الحجاب فرض مش موضوع تغطية لحم وغيره.

فقرة أن المرأة تغطى جسدها علشان تخفى إختلاف جسدها فدى بجد مضحكة أوى! يا راجل حجاب المرأة على غير المحارم فقط! هى المرأة مش لازم عليها أن تغطى جسمها فى بيتها! حتى لو مشيت كما خلقتنى يا مولايا فى البيت أمام زوجها فليس عليها حرج تماما! طبعا الموضوع مش حيكون مقبول إذا كان فى أولاد وغيره.

عموما كلام جميل بس ياريت بلاش ندلى بأرءنا الشخصية فى الدين - وصباحك فللى

العزيز لمبيك مين الي قالك ان الفرائض لا تسبب؟؟؟؟

بالعكس يا اخي كل فريضة لها حكمة و سبب واضح

مرمر

[nash]

أسعد الله صباحك أخي الكريم أبو عمر....

بالأمس قرأت مداخلتك وابتسمت علي محاوله تمريرك لموضوع غطاء الوجه...مع أننا كنا تناقشنا فيه من قبل...هل تذكر أخي الكريم؟؟؟

أذكر أيضا أنني قلت لك كيف تكشف المرأة وجهها وكل خلائق الأرض من الرجال موجودين ونعرف جميعا مدي المضايقات والتحرشات التي تحدث للنساء في أطهر بقعه علي وجه البسيطه أليس هذا أدعي للفتنه.....هل تذكر أخي....؟؟ :blink: :)

الموضوع موجود في باب الهدي الإسلامي حتي أتذكرجيدا أنني وضعت وصله للرأي الذي يقول بعدم غطاء الوجه....

سأطلب من أحد المشرفين الأفاضل وضع وصله للموضوع...إذا كان من المتعذر الوصول إليه....

دمت بصحه وعافيه

وكل عام وأنت بخير

[رمضان]

اللو وست يطلع ايه ده انا والله لحد دلوقتي معرفش معلش اعذرونا