بدأ قيادة المرأة السعودية إعتبارا من 6/9/1428هـ

[badroora]

سورى يا جماعة ماعرف سنه 06-09-1428 تطلع كام بالتاريخ الميلادى فياريت اللى يعرف يترجمها وشكرا :blush2:

السلام عليكم ورحمة الله وبركاته

بدأ قيادة المرأة السعودية إعتبارا من 6/9/1428هـ

أعلنت وكاله الانباء السعوديه واس‏

نقل عن مصادر مطلعه في الديوان الملكي السعودي الخبر‏ التالي‏:

اصدر مجلس الوزراء ظهر يوم الاثنين المنصرم المرسوم الملكي‏ التالي‏:

بناء على‏ الماده 23‏ من نظام الحكم‏ الاساسي‏

والصادر بتااريخ 2/9/1412‏ هـ‏

في‏ فقراته 5 , 6 , 8‏ , من نفس‏ النظام‏ ..

وبناء على‏ المادة الرابعة‏ من اصول‏ المعاملات‏ المرفوعه‏ .

وبعد الاطلاع على مارفعه لنا وزير المواصلات والطرق‏

بمرسومه السابق بتاريخ 17 / 4 / 1428 هـ‏

والذي يؤكد فيه بأنه قد حان الوقت للسماح للمرأة بقيادة السيارة‏ لماتقتضيه‏ المصلحة العامة‏

وبعد التشاور مع من يهمه الامر من الوزراء‏

وتداول القضية بمجلس الشورى ورفعهم لنا تقريرهم المفصل بتاريخ‏ 4/ 5 /1428 هـ

قرر مجلس الوزراء في جلسته المنعقدة‏ القرار التالي‏:

رقم‏ المرسوم الملكي 235

والذي يقضي بالسماح للمرأة السعودية بقيادة السيارة‏

بحرية مطلقة مع مراعات تطبيق انظمة المرور المتبعة والمعمول‏ بها‏..

يجري تنفيذ القرار ابتداء من 6 / 9 / 1428‏ هـ‏

وترسل نسخة من القرار لمن يهمه الامر‏ لتنفيذه وشكراً

:lol:

انا فرحت اوى ليهم لانى كنت متابعة الموضوع بشغف من سينين وكنت منتظرة القرار سواء بالرفض ام بالقبول

انا سعيدة بالقرار دا للمرأه عموما سواء سعودية ام غيرها !!

عقبال بقي مايصرفوا نظر عن موضوع المحرم دا تبقي تمام كدا :lol:

تم تعديل 3 أكتوبر 2007 بواسطة Badria Mekkawy

[nash]

لا لأا لأا يا بدريه أحلفي..... :blush2:

كنت متابعة الموضوع ده بحماسه شديدة نظرا لخبرتي الرهيبه بالقياده...

لكن في أحدي المناقشات بيني وبين أبو ياسر....

قالي بهدوء..ماتحلميش يا ماما ....هو أنا يعني مستغني عن اللي منكدة علي عيشتي يعني...ولا مستغني يعني.... :lol: :wub: :lol:

ومن يومتها بطلت أتابع الموضوع....بس والله خبر يفرح بجد....

لكن أظن هذا القرار سيهاجم بشده ولن يري النور ابدا...هنا يا حبيبتي غير أي مكان في العالم...صدقيني وقولي ناش قالت ..وهاتلاقي بكرة تكذيب للخبر...

إلا صحيح ممكن حد يقولنا أحنا كام هجري؟؟ والله مش عارفه بجد :lol:

[semsema]

:lol: :lol: ضحكتيني........لو الكلام دا صحيح كان زماني شفت الشوارع مليانه سيارات بتسوقها ستات من 15 يوم تقريبا.......

وكان زمان حديث البنات في المدرسه هوا الموضوع ده...........دي ومع الاسف اشاعات......وحتى لو سمحوا ان الست تسوق سياره في السعوديه لازم يكون عمرها فوق ال35 زي ماسمعت :blush2:

إلا صحيح ممكن حد يقولنا أحنا كام هجري؟؟ والله مش عارفه بجد :lol:

النهارده وعلى ما اظن 21 /9/1428هـ

او يمكن 20

[لخبطه]

الموضوع غريب اوي منكم ياجماعة

معقوله يا أ/ بدرية مش عارفه التاريخ الهجري أنا عاتب عليكي جدا النقطه دي والشىء التاني إيه اللى يفرح في كدا طبعا موضوع ان المرأة تسوق بشوف أنه قمه الاهانة لها وأنه الوضع الحالي هو تكريم لها وحفظ لها ورفع لمكانتها وكتير أوي من الناس الأفاضل وأصحاب الرأي بيشوفوا كدا بل بعضهم بيرى أنها هتكون كارثة لو ساقت

نيجي بقا ل الفاضلةnash يعني عايشه في البلد ومش عارفه الهجري معقوله للدرجة دي وكمان ايه اللى يفرح في السماح بالقيادة انتى دلوقتى طلباتك بتيجي لك وانتى معززة مكرمة ( زي أي أميره هنا ) خليكي بقا عندك سيارة وسوقتي صدقيني هتتبهدلي وكل حاجه هتكون مطلوبه منك انتي

الغالية :semsema واضح من الكلام انك عايشه هنا في السعودية وبردو بتقولى على التاريخ اظن أو يمكن

هو فيه ايه ياجماعه هو التاريخ الهجري دا مش هو الاساس ولا ايه

[semsema]

الغالية :semsema واضح من الكلام انك عايشه هنا في السعودية وبردو بتقولى على التاريخ اظن أو يمكن

هو فيه ايه ياجماعه هو التاريخ الهجري دا مش هو الاساس ولا ايه

معلش بأى .......العتب ع السن :lol:

بسأل اخويا قالي النهارده 21 .............وانا بقول ان النهارده 20 .......والتاريخ مكتوب في السبوره 19.......فحصلت لخبطه :blush2:

المهم بأى..................مافيش مدارس لتعليم قيادة السياره للبنات في السعوديه؟1!...اصل مش معقول هيوافقوا على حاجه زي دي بدون مايعملوا مدارس للتعليم البنات القيادة.....مش كدا والا ايه؟؟؟؟؟ :lol:

[badroora]

معقوله يا أ/ بدرية مش عارفه التاريخ الهجري أنا عاتب عليكي جدا النقطه دي

للاسف لاء انا لا اتعامل بالتاريخ الهجرى وعشان مش بتعامل به فصعب انى اتذكرة وكمان معتقدش انى عندى نتيجة اساسا غير عالموبايل

:lol: مسامحة خوى

والشىء التاني إيه اللى يفرح في كدا طبعا موضوع ان المرأة تسوق بشوف أنه قمه الاهانة لها وأنه الوضع الحالي هو تكريم لها وحفظ لها ورفع لمكانتها وكتير أوي من الناس الأفاضل وأصحاب الرأي بيشوفوا كدا بل بعضهم بيرى أنها هتكون كارثة لو ساقت

انا من راى مش مهم تسوق بس يوم ماتحب تسوق متبقاش ممنوعة يعنى تبقي بارادتها مش فرض عليها !!

الشيء الثانى

يعنى بردوا الواحد لما يحب يجي عندكم السعودية يعمل شوبنج ابقي اقدر اجى بسيارتى :blush2:

انا بقي اتقف معك تماما بان الست اميرة المفروض تبقي معززة مكرمة وطلباتها اوامر بس بردوا دا لا يمنع انها يكون عندها سيارة لما تحب تخرج مع رفيجاتها او حتى تروح اى مشوار مش لازم الزوج يبقي شايل همها او يأجر لها سواق !!

وكمان لو مثلا الزوج فى الشغل طول النهار والمسكينه فى البيت محتاجة حاجة ضرورى شتسوى تستني بقي لما زوجها يرجع من الشغل وجايز يكون راجع هلكان وتعبان فمش معقول تنزله تانى فى الزحمة عشان تشترى شيء هى عاوزاه

بخصوص بقي هتسوق ازاى دى طبعا مشكلة كبيرة جدا

سياقة السعوديين الرجال فظيعة جدا جدا

ومعندهومش اى نظام ولا قواعد تتبع بحاجة اسمها المرور يمكن احنا بطلنا نخرج فى الويك اند بسبب السعودين وسواقتهم فى الشوارع

انا من راى احسن انها تسوق ومش هتيجي اسواء من مصر وزحمتها

تم تعديل 3 أكتوبر 2007 بواسطة Badria Mekkawy

[badroora]

سمسمة بنتى حبيبتي وحشتينى اوى وينك مختفية فين ؟ آآآآآآآآآه صحيح دا المدارس فتحت ذكرى كويس وبطلي لعب !!

المهم بأى..................مافيش مدارس لتعليم قيادة السياره للبنات في السعوديه؟1!...اصل مش معقول هيوافقوا على حاجه زي دي بدون مايعملوا مدارس للتعليم البنات القيادة.....مش كدا والا ايه؟؟؟؟؟ wst::

يا سمسة يا جميلة من قالك ان السعوديات مش بيسوقوا

هما مش بيسوقوا عندكم اه بس مش معنى كدا انهم لا يجيدون السياقة !!

وعموما يا سيتى موضوع المدرسة سهل ويقدروا من الصبح يستوردوا حريم تعلمهم السياقة

وانا مستعده اكون اول مدرية للسياقة فى السعودية

انا كل الناس بتقول على سواقتى سعودي :closedeyes: مادرى مزح ام زم بس عموما بردوا عشان ميحسوش بالغربة يبقي منهم فيهم

شمى دي

تم تعديل 3 أكتوبر 2007 بواسطة Badria Mekkawy

[miramar]

هو فيه ايه ياجماعه هو التاريخ الهجري دا مش هو الاساس ولا ايه

يا استاذ لخبطه العالم كله بعتمد على التقويم الميلادي و التاريخ الهجري مش زي القرآن عشان نأثم لو معرفناهوش

ثانيا للأخوات الفاضلات شهر تسعة بالهجري يعني رمضان و احنا في 22 رمضان و انت بتقولي القرار صدر 6 رمضان

ده شيء مستحيل الناس هنا معارضين الموضوع بشدة

وللأسف رايي ان البنت السعودية لا تستحق هذا الشرف في قيادة السيارة لأن ببساطة المجتمع السعودي مكبوت لما ينفلت كدة مرة واحدة مش كويس هتحصل تجاوزات كتيرة قوي

ده رأيي و الله اعلم

مرمر

[semsema]

سمسمة بنتى حبيبتي وحشتينى اوى وينك مختفية فين ؟ آآآآآآآآآه صحيح دا المدارس فتحت ذكرى كويس وبطلي لعب !!

وانتِ كمان وحشتيني أوي........انا هنا بس براقب من بعيد لبعيد :closedeyes:

مذاكرة ايه يا شيخه بلا هم...........................دي السوليتر افيد wst::

يا سمسة يا جميلة من قالك ان السعوديات مش بيسوقوا

هما مش بيسوقوا عندكم اه بس مش معنى كدا انهم لا يجيدون السياقة !!

وعموما يا سيتى موضوع المدرسة سهل ويقدروا من الصبح يستوردوا حريم تعلمهم السياقة

وانا مستعده اكون اول مدرية للسياقة فى السعودية

عارفه والله يا بدريه ان هما بيعرفوا يسوقوا .......... وشفت بأم عيني ستات بيسوقوا هنا في السعوديه.........بس طبعا مش كدا في الشارع

انا كل الناس بتثقول على سواقتى سعودي مادرى مزح ام زم بس عموما بردوا عشان ميحسوش بالغربة يبقي منهم فيهم

اعتقد والله اعلم ان الناس دي قصدها ان سواقتك متهوره...........لان اغلب السعودين (الشباب طبعا) سواقتهم كدا

خدي بالك بأى وانت بتسوقي

يا استاذ لخبطه العالم كله بعتمد على التقويم الميلادي و التاريخ الهجري مش زي القرآن عشان نأثم لو معرفناهوش

الاستاذ لخبطه يقصد ان التاريخ الهجري هوا الاساس هنا في السعوديه...............مش كدا

[MZohairy]

نجفه....

الخبر ده بجد؟

يعني ايه مصادرك؟

احنا قربنا على نهاية رمضان و مفيش اي حاجه

خصوصا ان حاجه زي دي كانت حتقلب الدنيا لو حصلت

ياخراشي؟ :closedeyes:

ست بتسوق عربيه في السعوديه؟؟!!! يالهوي؟؟!!!

[badroora]

الخبر ده بجد؟

الله اعلم

يعني ايه مصادرك؟

رسالة جاتلى على الاميل مالى

احنا قربنا على نهاية رمضان و مفيش اي حاجه

يمكن مستننين لبعد العيد

خصوصا ان حاجه زي دي كانت حتقلب الدنيا لو حصلت

دا اكيد وخصوصا جايلى عرض من ارامكوا ولو دا صحيح من بكرة احزم شنطى وعلى ارامكوا عدل :closedeyes:

تم تعديل 4 أكتوبر 2007 بواسطة Badria Mekkawy

[قديم]

اهلا وسهلا يا ريت القرار كان صحيح انا من اول ما شفت العنوان فرحت . لكنني استغربت بشده. قلت يمكن في غلط بالتاريخ . . ولكن لما قرأت الصياغه عرفت انها مداعبــه للاماني

عوده لعنوان الموضوع . المرأه السعوديه راح تسوق اليوم او بكــره . والمساله مساله وقت فقــط . .

صحيح ان وجود سائق خاص يعتبر مفخره للمرأه وتكريم لهــا . لكن الاحساس بالمنع شي فضيع .

تم تعديل 4 أكتوبر 2007 بواسطة قديم

[miramar]

السيد الفاضل قديم :

انا اعيش في السعودية منذ وقت الشباب هناك يعيش في كبت ينتظر اي فرصة لينفجر

حتى الفتيات لا تتعتقد انهم يعيشون في نعيم بسب السائق ولكن تعوق مشكلة المحرم ذهابها مع السائق لأي مكان

و حتى ان لم يكن سائق فالاب او الاخ لا يوافق بسهولة على اخذ الفتاة الى المكان الذي ترغب في الذهاب اليه

نعم السواقة شرف على الاقل تتمكن من الذهاب الى اي مكان ترغب في الذهاب اليه من غير معوقات

مرمر

[nash]

هلا هلا هلا بالغاليين....

مش قولتلك يا بدريه الخبر مش حقيقي.....

لو عقدك علي أرامكو أطمني هناك الحريم بيسوقوا العربيات...أنا عملتها أكثر من مرة في أرامكو....

.......................................................................................

لخبطه أخي العزيز....

معلش سامح أختك...والله العظيم أخر مرة شوفت فيها التاريخ الهجري مكتوب ومنور كان أيام حصص العربي والدين في مرحله الثانوي...

وبعدين أحب أقولك أني بعرف أسماء الشهور الهجري بالترتيب من أول رجب إلي شهر ذو الحجه...بعد كده بلخبط فيهم...ولا يهمك هارجع أعمل ريفرشمينت عليهم....

وبعدين طبعا أنا عايشه أميرة وملكه وناش...وعادي جدا بتكون المايباخ مركونه في البازمينت..وأخد ليموزين وأروح لإبو ياسر المستشفي..بالليل ...بسيطه خالص والولاد كانوا صغيرين..ما الدنيا أمان جدا والسائق الباكستاني ما أحلاة الحقيقه...أدب أيه وأخلاق أيه وتدين أييييييييييييييه...

وبعدين هنا...لا أظن أبدا أني سأضع يدي علي الدريكسيون ولو بعد ألف سنه...لإن الرياض غير ...علي وزن جده غير... :closedeyes:

وعلي رايك ...اللهم لك الحمد بحق وحقيقي طلباتي مجابه وشخصيا لا أعاني من موضوع القياده نهائي...فقط أتذكرها حينما أحتاج لليموزين فقط...

وكل سنه وأنت طيب يارب

[MZohairy]

اللي بفكر فيه فعلا لو تم هذا القرار و سمحوا للمرأه بقيادة السياره

حتعمل ايه السلطه الدينية و هيئة الأمر بالمعروف في جميع المعلقات اللي علقوها بالمساجد بخصوص مدى حرمانية قيادة المرأه للسياره و الدلائل التي تؤيد ذلك

ورطه غير عاديه

لأنهم ببساطه مطالبون بعكس كلامهم تماما خلال 24 ساعه

[قديم]

mzohairy رد اليوم, 01:49 AM

اللي بفكر فيه فعلا لو تم هذا القرار و سمحوا للمرأه بقيادة السياره

حتعمل ايه السلطه الدينية و هيئة الأمر بالمعروف في جميع المعلقات اللي علقوها بالمساجد بخصوص مدى حرمانية قيادة المرأه للسياره و الدلائل التي تؤيد ذلك

ورطه غير عاديه

لأنهم ببساطه مطالبون بعكس كلامهم تماما خلال 24 ساعه

ورطت ايه بس يا مزيهري .. اكيد راح تنظم الي المعلقات السابقه من معلقه الدشوش . ستالايت .. وجولات الباندا .. وقائمه المعلقات تطول .. وكلها كم شهر وكل شي راح يتنسي تماما .. وتمضي الاجيال وتاتي اجيال لم تري او تقرأ تلك الملعقات .

ناش

وبعدين هنا...لا أظن أبدا أني سأضع يدي علي الدريكسيون ولو بعد ألف سنه...لإن الرياض غير ...علي وزن جده غير...

وعلي رايك ...اللهم لك الحمد بحق وحقيقي طلباتي مجابه وشخصيا لا أعاني من موضوع القياده نهائي...فقط أتذكرها حينما أحتاج لليموزين فقط...

اختي ناش كلنا ندرك ان الليموزين يحل المشكله ومافيه مشكله بالدنيا الا بنلاقي لها حل . لكن الحلول احيانا تكون اقل من المطلوب او المامول او قد يكون الحل سلبي وهو الاستسلام .

السائق والليموزين والله انا احينا لما اكون عايز مشوار مستعجل ونا في وسط البلد وفي الشغل اخذ ليموزين اسرع واسهل للوصول للهدف المطلوب . يعني المشكله مش على السواقه بس . المواقف وين . يعني عشان تركن عربيتك عند الجوزات مثلا عايز لك مشوار .. كيلو مثلا يعني نص المسافه . نا هيك عن حراره الصيف . ونفسيه الموظفين الي هتتعامل معاهم . بكره . والله انا في مشاوري السريعه وسط البلد اركب ليموزين ..

صحيح السواق افضل والسواق كشخــه . لكن ما يمنه ان المرأه تسوق . صحيح هيحصل زحمه اكثر وفوضي بالمرور . ( هو حنا ناقصين ) لكن مصير المرأه تسوق اليوم او بكــــــــــره

وشكرا لك على رارائك النيره وفقك الله

تم تعديل 4 أكتوبر 2007 بواسطة قديم

[Diab]

لخبطه أخي العزيز....

معلش سامح أختك...والله العظيم أخر مرة شوفت فيها التاريخ الهجري مكتوب ومنور كان أيام حصص العربي والدين في مرحله الثانوي...

وبعدين أحب أقولك أني بعرف أسماء الشهور الهجري بالترتيب من أول رجب إلي شهر ذو الحجه...بعد كده بلخبط فيهم...ولا يهمك هارجع أعمل ريفرشمينت عليهم....

ناش هانم

الشهور الهجرية لا تبدأ من رجب

بل تبدأ من ذو القعدة

و رمضان كريم

[MZohairy]

لخبطه أخي العزيز....

معلش سامح أختك...والله العظيم أخر مرة شوفت فيها التاريخ الهجري مكتوب ومنور كان أيام حصص العربي والدين في مرحله الثانوي...

وبعدين أحب أقولك أني بعرف أسماء الشهور الهجري بالترتيب من أول رجب إلي شهر ذو الحجه...بعد كده بلخبط فيهم...ولا يهمك هارجع أعمل ريفرشمينت عليهم....

ناش هانم

الشهور الهجرية لا تبدأ من رجب

بل تبدأ من ذو القعدة

و رمضان كريم

ذو القعده ايه يا دياب بس اللي بتبتدي بيه الشهور الهجريه؟

الشهور الهجريه بتبتدي بشهر يناير :closedeyes:

اخوك محرم صفر

[nash]

خير يا جماعه....

هوة أنا قولت أن الشهور الهجريه بتبدأ من رجب؟؟؟ :blink:

أنا بقول أني حافظه الشهور العربيه من أول رجب بالترتيب لغايه ذو الحجه... :sad:

أنتبهوا الله يكرمكم...لحسن حد ييجي ويسمعنا كلمتين :ninja:

[semsema]

يا جماعه ما يصحش كدا.........دي الشهور الهجريه

اتفضلوا عشان محدش يتلخبط....

صفر....

محرم...

جمادى الاولى...

جمادى التانيه....

ربيع الاول....

ربيع التاني......

رجب...

شعبان...

رمضان......

شوال.....

ذو القعده...

ذو الحجة......

صعبه دي؟؟؟؟؟؟!!!!!!!!