ما هو أجمل توقيع اوقفك من شدة اعجابك به !!!

badroora · 30 أكتوبر 2007

مدام فولانه لقد سعدت جدا يا فندم بان توقيع حضرتى عجب حضرتك والله يجبر بخاطرك دايما يا رب زى ما

بتجبرى بخطرى دايما .

العزيز احمد فرحات مرسي على الترجمة ونظرا لاهمية العبرة من توقعيى والكلمات الثمينه للحكيم لقمان

ترجمت التوقيع كاملا حتى يكون مفيد لنا جميعا َ

ترجمة التوقيع بتاعى كاملا .

كان لقمان رجلا معروفا بالحكمة والسمعة الطيبة العطرة فى الجزيرة العربية وقد سئل ذات مرة عن مصدر علمه واخلاقة الحميدة .

أجاب : " لقد تعلمت الاخلاق الحميدة من اصحاب الاخلاق الذميمة .

تعلمت الحكمة من الاعمى الذي لا يضع قدمه ولا يخطو خطوة الا بعد ان يتحسس موضوع قدمية فهو يقدر

لرجله قبل الخطو موضعها .

لا يوجد على الاطلاق كلمة مكتوبة او مسموعة لا يستطيع الحكيم ان ينتفع بها ويستخلص العبرة منها .

ولكن مائة كتاب عن الحكمة لن تجعل البليد حكيما ان لم تكن لدية القابلة والاستعداد للانتفاع بها والاستفادة منها .

تم تعديل 30 أكتوبر 2007 بواسطة Badria Mekkawy

badroora · 31 أكتوبر 2007

فى بقي توقيع ريحتوه غريبه اوى ومش عرفه بصراحة الاخ rar مستحمله ازاى

على فكرة يا رار اسمك صعب اوى يعنى تقريبا مبعرفش انطقه نهائي :unsure:

اليكم التوقيع

بصراحة اغرب توقيعة قريته

أما العزيز أحمد نظيف... فشراب هيتقلع و شراب غيره هيتلبس... لكن طول ما الرجل منتنة... لازم الشراب هينتن

برضه... و لو غيروه كل يوم...

:happy: :closedeyes: :happy: بطنى وجعتنى وكمان الشراب اللى ريحته وحشه بيوجع العين شكلنا هنتعمى من شراب نظيف

ونظيف ايه بس بعد الشراب الى ,,,,, :happy:

تم تعديل 31 أكتوبر 2007 بواسطة Badria Mekkawy

seeem · 1 نوفمبر 2007

بالعكس ده من اقوى التوقيعات اللى قريتها ..... والاسقاط فيه فظيع .

أما العزيز أحمد نظيف... فشراب هيتقلع و شراب غيره هيتلبس... لكن طول ما الرجل منتنة... لازم الشراب هينتن
برضه... و لو غيروه كل يوم... rar

Folana · 4 نوفمبر 2007

angl::السلام عليكم ورحمة الله....

متشكرة يا أحمد على الترجمة ..تسلم ايديك..بنتعبك معانا... :blink:

نجوفة..التوقيع جميل فعلا...وخصوصا لو نظرنا لما وراء الكلمات...الحكمة اللى تستخلصيها من التوقيع..تعديل السلوك نتيجة استنكار السلوك السىء بعيدا عن جملة "وايه يعنى ماهو كلنا كده"....والاستفادة من اخطاء الغير والتأنى فى اتخاذ القرارات والتفكير..

قرار حكيم لتوقيع حكيم... angl:: :cry1:

اسعد الله مساكِ

badroora · 7 نوفمبر 2007

اخر سطر من توقيع ماريمار مدهش جدا :unsure:

باقف امامه واتنح من شدة اعجابي به

واشكرها لانها عملتنى quote ودخلتى موسوعة الكوتات وبقيت انحط فى التواقيع :happy:

مشكور يا ماريمار دخلت الموسوعة العالمية على ايديكى :lol:

توقيع الجميلة أمانى

------------------

الصداقه كنز لايفنى وياريت نحافظ عليه

اعتقد يا أمانى لو الاصدقاء هيكونوا امثالك يبقي فعلا هيكون جميل الصداقة التى تجمع بينك وبينهم , والصداقة كنز فعلا لانه من الصعب تواجدها فى العادي فلابد ان نبحث ونبذل مجهود حتى نحصل على هذا الكنز وقتها هيكون الصداقة اسمى من الكنز نفسه .

جميل اوى يا امانى توقيعك

تم تعديل 7 نوفمبر 2007 بواسطة Badria Mekkawy

miramar · 7 نوفمبر 2007

شكلي هاغيره يا بدرية :rolleyes:

واحط مقولة لشاعرة مشهورة قوي

اسمها

مرمر

واحد تاني · 7 نوفمبر 2007

العضو

atef zromba

التوقيع:

اجري يمحمد أفندي

:rolleyes:

Folana · 7 فبراير 2008

السلام عليكم ورحمة الله.....

استوقفنى توقيع الاخت أرملة الحجاج...معبر جدا...وضحكت وانا بأقرأه....فعلا يا اختى والله.....بس مفروض الحذاء يبقى واضح علشان يعرفوا سر شويبس...احسن على بال ما يتأكدوا حتكون خربت مالطة.....

عندما تروني أطارد رجلا فتأكدوا أن بيدي حذاء.

صباح الفل...........

Scorpion · 7 فبراير 2008

بصراحة التوقيعات 99 في المية منها بتعجبني جدآ ....

لكن بما اني بحب البسمة ..فأكتر توقيع بيعجبني و يخليني ابتسم جد كل مرة بقراه .. هو توقيع العزيزة ناش

صن ضحكة الأطفال يارب

فإن هي غردت في ظمأ الرمال أعشوشبت

لكن إن زودوها وبكيوا ..ونكدوا ..هايتلطشوا

badroora · 7 فبراير 2008

التوقيع اللى عجبنى بجد من خفة دمة وظرفة هو توقيع الاخ العزيز ديمق للفنانة القديرة

عواطف السيد التاكسجي

فعلا فنانة من بيت اسطوات وكلامها حكم :unsure:

قلبك عربية تاكسي ....................... ماشي فالحب عكسي

عمال يدهس حبايب ....................... ولا بيسمع كلاكسي

عواطف سيد التاكسجي

تم تعديل 7 فبراير 2008 بواسطة Badria Mekkawy

badroora · 26 أبريل 2008

لفت نظرى توقيع الاستاذ التونسي وعجبني اوي .........

فاض الكيل .. يا حكومه يا ظالمه .. فاض الكيل