أولوية للتعيين بشركات الأدوية لأبناء العاملين وتثبيت المؤقتين - ليه بقى؟

[Lembic]

خبر مضحك مبكى! نشر على موقع جريد الاهرام الهمام ما يلى:

تعهد الدكتور مجدي حسن رئيس الشركة القابضة للأدوية بأن تكون الأولوية في التعيين بشركات الأدوية لأبناء العاملين بها‏,‏ كما تقرر تثبيت العاملين المؤقتين الذين مضي علي عملهم ثلاث سنوات‏ وقال‏:‏ إن هناك استقرارا داخل قطاع الدواء‏,‏ وكل العاملين حصلوا علي الترقيات المستحقة حتي‏30‏ يونيو الماضي‏,‏ وأن متوسط دخل العامل يتراوح بين‏18‏ و‏20‏ ألف جنيه سنويا‏.‏

وأضاف ـ في مؤتمر العاملين بالشركة المصرية للأدوية الذي عقد أمس ـ أنه تقرر وضع نظام جديد للحوافز يوفر المزيد من الاستقرار للعاملين‏ وقد وافق رئيس الشركة علي زيادة مكافأة نهاية الخدمة في صندوق التكافل الاجتماعي من‏10‏ إلي‏15‏ ألف جنيه عند الإحالة إلي التعاقد‏.‏

السؤال هو ليه بقى الاولوية لأبناء العاملين!؟ طيب ليه متكونش للمتفوقين أو المتميزيين!؟ هو مش كفايه هجص و خيابة !؟ ذكرنى هذا الخبر بحكاية زمان إن الاولوية لآبناء الدكاترة فى الجامعات وأصبحت الجامعات حظائر لآبناء الدكاترة الخايبين!

[Lembic]

هاعمل إضراب لوحدى !؟ مفيش حد معبرنا ليه يا جدعان! :blush2:

[زعلان]

ده ترسيخ للنظام ولبقاء ال مبارك في الحكم حتلاقيه في الفن و التمثيل و الغناء و اساتذة الجامعات والصحافة .......والان بدأ يغزو الطبقات المختلفة من الشعب يعني ترسيخ لمثل يقول ابن الوز عوام ( ده بباه بقاله رئيس جمهورية اكثر من ربع قرن يعني هو اصلح واحد ليكون الملك القادم)

[القارئ]

هاعمل إضراب لوحدى !؟ مفيش حد معبرنا ليه يا جدعان! :lol:

هذا مثال بسيط وصغير لما يحدث فى مصر منذ سنين طويلة ولكنها لم تكن معلنة على الملأ الا انه وبعد سياسة إخبط دماغك فى الحيط , وامشى جنب الحيط , التى يتبعها أهل الحكم فى مصر لأنهم أصحاب البلد ونحن ضيوف عنده فكان لابد من المكافأت لمن تحتهم وتحت تحتهم حتى يأخذ كل واحد حقه بالتمام والكمال الرئيس ابنه يبقى رئيس , رئيس سياسى ورئيس تجارة, والوزير ابنه يبقى فى الخيط الدبلوماسى والموظفين فى الخارجية اولاده يتعينوا فيها , والجامعة اولاد الاساتذة يتعينو معيدين بصرف النظر عن من قبله فى التقدير وأولاد الشهداء يدخلون كليات القمة بأى مجموع ,وهلماجر وإلخ إلخ مصر بقت تكية أو عزبة اللى مالوش كبير وواسطة يتنيل على عينه هو وأولاده وياكل عيش